བོད་རང་སྐྱོང་ལྗོངས་ཀྱི་རྒྱུན་ལས་ལྷན་ཁང་གི་འགན་འཛིན་གཞོན་པ་ཧྭའོ་ཕེང་གིས་རྒྱལ་སྤྱིའི་གསར་འགོད་པ་ཁག་ཅིག་ལ། ཀྲུང་དབྱང་གིས་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ལྔ་བ་སྐོང་ཚོགས་བྱས་པ་དེས་བོད་ལྗོངས་ཀྱི་དཔལ་འབྱོར་འཕེལ་རྒྱས་ལ་འཕུར་མཆོང་རང་བཞིན་གྱི་དོན་སྙིང་ཆེན་པོ་ལྡན་ཡོད་སྐོར་དང་། བོད་ལྗོངས་འཕེལ་རྒྱས་གཏོང་བའི་དམིགས་འབེན་གྱི་ལས་གཞིའི་རྣམ་གྲངས་མང་བ་དང་། གོང་རིམ་ནས་མ་དངུལ་གྱི་རོགས་སྐྱོར་བྱེད་སྟངས་འདི་ལྟ་བུ་སྔར་བྱུང་མ་མྱོང་བ་ཞིག་ཡིན་སྐོར་བརྗོད་འདུག
ཁོས་མུ་མཐུད་བརྗོད་དོན། ཀྲུང་དབྱང་དབུས་གཞུང་གིས་ཕྱི་ལོ་ ༢༠༡༡ ནས་ ༢༠༡༥ བར་བོད་ལྗོངས་སུ་མ་དངུལ་གཏོང་ཚད་དེ་ ༢༠༠༦ ནས་ ༢༠༡༠ བར་གྱི་འགྲོ་གྲོན་དང་བསྡུར་ན་ལྡབ་གཉིས་ཙམ་འཕར་རྒྱུ་ཡིན་པ་དང་། ལྷག་པར་དུ་ཞིང་འབྲོག་མང་ཚོགས་ཀྱི་ཚོ་བ་ལེགས་བཅོས་ཨང་དང་པོར་འཇོག་རྒྱུ་རེད། ༢༠༡༠ ནས་ ༢༠༡༥ བར་བོད་ལྗོངས་ཀྱི་ཞིང་འབྲོག་མང་ཚོགས་ཀྱི་བྱིས་པར་སློབ་ཡོན་མི་དགོས་པའི་ཁེབས་ཚད་ཇེ་ཆེར་བཏང་སྟེ། ཞིང་འབྲོག་པའི་ལོ་དགུའི་ལམ་ལུགས་རིན་མེད་འོས་འགན་སློབ་གསོ་དེ། སློབ་ལོ་མ་ལོན་གོང་གི་སློབ་གསོ་ནས་ཆེད་སྦྱོང་སློབ་གསོའི་བར་གྱི་ལོ་ ༡༢ རིང་སློབ་ཡོན་མི་དགོས་པ་བྱས་ཏེ། རིན་མེད་སློབ་གསོ་མྱོང་མཁན་གྱི་སློབ་མ་གྲངས་ལྔ་འབུམ་ ༥༠༠༠༠༠ ལས་བརྒལ་བ་བྱ་རྒྱུ་ཡིན། དཀའ་ངལ་ཡོད་པའི་སློབ་མའི་ཁ་གསབ་རོགས་དངུལ་ཇེ་མཐོར་བཏང་སྟེ། འབྱུང་འགྱུར་དཀའ་ངལ་ཡོད་པའི་སློབ་མ་རེར་རོགས་དངུལ་རྒྱ་སྒོར་ ༣༠༠༠ ཙམ་ལ་སྤར་ཆ་གཏོང་རྒྱུ་ཡིན། ཞེས་གསར་འགོད་པའི་དྲི་བར་ལན་འདེབས་བྱས་འདུག
གཞན། བོད་ལྗོངས་ཀྱི་རྨང་གཞིའི་སྒྲིག་བཀོད་འཛུགས་སྐྲུན་བྱས་ཏེ། ༢༠༡༠ ནས་ ༢༠༡༥ བར་གྱི་ལོ་ལྔ་ཚན་བཅུ་གཉིས་པའི་རིང་ལ། ལྷ་ས་ནས་གཞིས་ཀ་རྩེ་དང་། ལྷ་ས་ནས་ཉིང་ཁྲི་བར་གྱི་མེ་འཁོར་ལྕགས་ལམ་འཛུགས་སྐྲུན་བྱ་རྒྱུ་དང་། དེ་གཉིས་ལ་འགྲོ་གྲོན་ཁྱོན་བསྡོམས་རྒྱ་སྒོར་དུང་ཕྱིར་ ༣༦༠ ཙམ་གཏོང་འཆར་ཡོད་འདུག བོད་ལྗོངས་ཀྱི་འགྲིམ་འགྲུལ་རིགས་འཕེལ་རྒྱས་ཤུགས་ཆེན་གཏོང་རྒྱུ་ཡིན་པ་དང་། ད་ལོར་གཞུང་ལམ་འཛུགས་སྐྲུན་ཐད་མ་དངུལ་རྒྱ་སྒོར་དུང་ཕྱུར་ ༧༠ བཏང་སྟེ་ཞང་རེ་རེར་གཞུང་ལམ་ཤར་གཏོང་ཐུབ་པ་བྱ་རྒྱུ་ཡིན་འདུག ད་ལོའི་ལོ་མཇུག་ལ་སླེབས་སྐབས། བོད་ལྗོངས་ས་ཁུལ་གྱི་ཆ་རྐྱེན་སྐྱོ་བའི་ཁྱིམ་ཚང་ཉིས་འབུམ་ ༢༠༠༠༠༠ ཙམ་གྱི་འཚོ་བར་ལེགས་བཅོས་བྱ་རྒྱུ་ཡིན་སྐོར་ཡང་བསྒྲགས་འདུག
རྒྱ་གུང་ཁྲན་དྲིན་ཅན་ཕ་མ་རེད།དངུལ་སྒོར་མོ་ཆར་པ་འབབ་འབབརེད།ད་དངོས
ནས་རྒྱ་མི་སྲིད་རྒུད་འགྱུར་བ་འགྲོ་གི་འདུག།བོད་མི་རྣམས་རྗེས་ལུས་ཅན་གྱི་རྣམ་
ལས་འགྱུར་བ་བཏང་གི་འདུག།ལུང་ཁུག་བྱིས་པ་རྣམས་ལ་བློ་སྦྱོང་གི་གོ་སྐབས་
སྤྲོད་པ་འདི་ཧ་ཅང་གི་ལེགས་པོ་རེད།བོད་མི་རྣམས་ཀྱི་གོ་སྐབས་འདི་ངས་པར་དུ་
ལེན་དགོས་ཀྱི།ཡིན་ན་ཡང་བོད་མི་རྣམས་མགོ་བསྐོར་བསླུ་ཁྲིད་གྱི་དབང་དུ་མ་
སོང་བ་དགོས་གལ་ཆེ་བ་རེད།
ཁ་གཡང་ཅི་ཙམ་བསྒྲགས་རུང་དོན་དངོས་ལ་བབས་ཚེ་ཁེ་ཕན་ཚང་མ་ས་གནས་དེ་དག་ཏུ་ཡོད་པའི་རྒྱ་རིགས་ཚོར་ཐོབ་འགྲོ་གི་རེད། གནས་ཚུལ་འདི་དག་ནི་སྔོན་ཆད་ནས་ད་བར་བྱུང་བའི་དོན་དངོས་རེད། འབྱུང་འགྱུར་ཡིན་རུང་གཅིག་པ་རེད། ཁེ་ཕན་ཚང་མ་རྒྱ་མིས་འཁྱེར་འགྲོ་གི་རེད། འབྱུང་འགྱུར་གྱི་ལོ་ངོ་བཅུའི་རྗེས་སུ་ཡིན་རུང་ས་གནས་ཀྱི་ཞིང་འབྲོག་བོད་མི་དམངས་ཚོས་སྔར་བཞིན་ཉམ་ཐག་གི་འཚོ་བར་རོལ་བཞིན་ཡོད་པ་རེད། མི་བདེན་བསམ་ན་རྗེས་ནས་བལྟས་ཤོག་ཨྰ།
རྒྱ་གང་ཁྲན་གྱིས་བོད་མི་རྣམས་དངུལ་གྱིས་ཉོ་དགོས་བསམ་ནི་རེད་ ཡིན་ཡང་གོ་སྐབས་ལེན་དགོས་ནི་རེད བོད་པ་བོད་ནས་སྐྱིད་དགོས་ནི་རེད་ རྒྱ་རྒྱ་ཡུལ་ནས་སྐྱིད་པའི་དཔེ་ལྟར་རོ།། ༢༠༠༨བོད་བཞུགས་ སྐུ་གཤེགས་དཔའ་བོ་རྣམས་ཀྱིས་དྲིན་ཡང་ཡིན་ནི་རེད