རྒྱ་ནག་རྒྱལ་ཡོངས་མི་དམངས་འཐུས་མིའི་ཚོགས་ཆེན་ཚོགས་བཞིན་པའི་སྐབས་དང་བསྟུན་ཏེ། ཁ་སང་ཕྱི་ཚེས་ ༧ ཉིན་རྒྱ་ནག་གི་རྒྱལ་ས་པེ་ཅིན་དུ། མདོ་སྨད་རེབ་གོང་ཐོ་རྒྱ་ནས་ཡིན་ཞིང་། ད་ལྟ་རང་ལོ་ ༥༦ ཅན་གྱི་བོད་རིགས་བུད་མེད་ཞིན་ཆོན་མེ་ཟེར་བ་ཞིག་གིས། བུད་མེད་ཀྱི་མི་གཤིས་ལ་ཆ་མཐོང་དང་འགྲོ་བ་མིའི་ཐོབ་ཐང་ལ་བརྩི་སྲུང་། རང་དབང་འདྲ་མཉམ་དགོས་པའི་སྐོར་གྱི་ངོ་རྒོལ་ཞུ་གཏུགས་ཤིག་བྱས་འདུག ཁོང་མོའི་འདི་ལྟར་ངོ་རྒོལ་བྱེད་དགོས་པའི་སྐོར་པའོ་ཞོན་གསར་ཁང་གི་གསར་འགོད་པར་བརྗོད་དོན། བུད་མེད་ཀྱི་མི་གཤིས་ལ་བརྩི་མཐོང་དང་འགྲོ་བ་མིའི་ཐོབ་ཐང་། རང་དབང་འདྲ་མཉམ་བཅས་ཡོང་ཆེད་ངས་རྒྱལ་ཡོངས་འཐུས་མི་རྣམས་ལ་རེ་སྐུལ་ཞུ་གི་ཡོད། རྒྱུ་མཚན་ནི། ང་ཚོའི་ས་གནས་དམར་ཤོག་སྲིད་གཞུང་གིས་བྱེད་ཐབས་སྣ་ཚོགས་སྤྱད་ནས་ང་ལ་མནར་གཅོད་ཚད་མེད་བཏང་སོང་། ངས་ཁོ་ཚོའི་བཤུ་གཞོག་ངན་གཡོ་རྣམས་གཏུགས་བཤེར་བྱས་པས་རྐྱེན་གྱིས། ཁོང་ཚོས་གནས་ཚུལ་རྒྱ་ཁྱབ་དུ་འགྲོ་བར་དོགས་ནས་ང་ལ་མནར་གཅོད་བཏང་སྟེ་འཆི་ལམ་དུ་བཙན་འདེད་བྱས་པ་རེད། ཕྱི་ལོ་ ༢༠༠༣ ཟླ་ ༡༢ པའི་ཚེས་ ༢ ཉིན་རྨ་ལྷོ་བོད་རིགས་རང་སྐྱོང་ཁུལ་ཉེན་རྟོག་བཀག་ཉར་ཁང་དུ་དམག་མི་བདུན་གྱིས་བསྟུན་མར་ཉིན་བདུན་གྱི་རིང་ལ་ང་ལ་བཙན་གཡེམ་དང་མཐོང་ཆུང་དམའ་འབེབས་བྱས་ཏེ། ཉིན་ཞག་བདུན་གྱི་རིང་ལ་ང་རང་མནར་སྡུག་དང་ངུ་ངག་ཁོ་ནའི་ཁྲོད་དུས་ཚོད་བསྐྱལ་དུ་བཅུག་པ་རེད། ད་ལྟ་ངས་རང་ཉིད་ཀྱི་བཟོད་གླགས་བྲལ་བའི་མནར་གཅོད་ཀྱི་མིག་ཆུ་འདི་དབུས་དམར་ཤོག་སྲིད་གཞུང་དང་ཞིན་ཆེན་རིམ་པའི་མགོ་ཁྲིད་དག་ལ་ཞུ་གཏུགས་བྱེད་ཀྱིན་ཡོད། ཅེས་བརྗོད་འདུག
ཁོ་མོས་མུ་མཐུད་དུ་བརྗོད་དོན། ང་ཚོ་བུད་མེད་ཚོའི་རང་བཀུར་བརྩི་མཐོང་དང་ལ་རྒྱ། རང་དབང་བཅས་ལ། ད་ལྟའི་དུས་རབས་གསར་བའི་སྤྱི་ཚོགས་འདིའི་ནང་འདི་འདྲའི་ཡ་ང་སྙིང་རྗེ་མེད་པའི་གདུག་རྩུབ་ཀྱི་སྲིད་ཇུས་ཤིག་མྱོང་དགོས་པ་ཅི་ཡིན་ནམ། ང་ཚོར་བཟོད་ཐབས་བྲལ་བའི་བརྙས་བཅོས་མྱོང་སུ་བཅུག་སྟེ་རང་ཤི་བརྒྱག་དགོས་པའི་ལམ་དུ་འདེད་དོན་ཅི་ཡིན་ནམ། ངས་རྒྱལ་ཡོངས་འཐུས་མི་དང་ལྷག་པར་མཚོ་སྔོན་ཞིང་ཆེན་གྱི་མི་དམངས་འཐུས་མི་རྣམས་ཀྱིས་མི་དམངས་ཀྱི་ཆེད་དུ་སྐད་ཆ་བཤད་དགོས་པ་དང་། ང་ཚོ་བུད་མེད་ཀྱི་རང་བཀུར་བརྩི་མཐོང་གི་ཆེད་དུ་སྐད་ཆ་བཤད་དགོས། འདི་ནི་ང་རང་གཅིག་པུའི་དོན་མ་ཡིན་པར་རྒྱལ་ཡོངས་མི་དམངས་དང་རྒྱལ་ཡོངས་བུད་མེད་ཡོངས་ཀྱི་ངོ་ཚ་ཞིག་དང་། རྒྱལ་ཁབ་ཀྱི་ངོ་ཚ་ཞིག་ཀྱང་ཡིན་པས། ང་ལ་ཁྲིམས་བཤེར་དག་འབུལ་དང་རྒྱུ་འབྲས་དྲང་སྙོམས་ཡོང་བ་བྱ་དགོས། དེར་མ་ཟད། རྒྱལ་ཡོངས་འཐུས་མི་རྣམ་པ་དང་། རྒྱལ་སྲིད་སྤྱི་ཁྱབ་ཁང་། དབུས་རྩ་འཛུགས་ལྷན་ཁང་། དབུས་ཁྲིམས་སྲིད་ལྷན་ཁང་གཙོས་པའི། དྲང་བདེན་དང་བརྩེ་སེམས་ཅན་གྱི་འཛམ་གླིང་གི་མི་དམངས་དང་གསར་ལམ་ཁག་གིས་འདི་ལྟར་དམངས་ལ་བཤུ་གཞོག་དང་མནར་གཅོད། ནག་ཉེས་ཀྱི་ལྐོག་ལས་སྒྲུབ་བཞིན་པའི་རྩ་འཛུགས་དང་དཔོན་རིགས་རྣམས་ལ་ཐེར་འདོན་བྱ་རྒྱུའི་འབོད་སྐུལ་ཞུ་རྒྱུ་ཡིན། ཞེས་བརྗོད་ཡོད་པ་རེད།
ཁོ་མོར་ཉེས་མེད་ཁྲིམས་འཇུག་དང་བཙན་གཡེམ་ནར་གཅོད་ཕོག་དོན་ནི། ཁོ་མོས་ཁྲིམས་ལུགས་གཞིར་བཟུང་ཐོག་སྡེ་དམངས་ལྷན་ཁང་དང་ས་གནས་གྲོང་རྡལ། རྫོང་། ཁུལ་རིམ་པ་བཅས་ཀྱི་སྲིད་གཞུང་ལ་རེབ་གོང་ཐུན་རིན་རྫོང་ཧ་ཡང་བཟོ་གྲྭས་དུག་རླངས་ཐལ་རྡུལ་གྱིས་ས་གནས་ས་ཁུལ་གྱི་ཞིང་འབྲོག་མང་ཚོགས་ཀྱི་ཞིང་ས་དང་རྩྭ་ར་བཅས་ལ་གནོད་སྐྱོན་ཚབས་ཆེན་ཕོགས་ཏེ། ཤིང་ཏོག་དང་འབྲི་རིགས་ཡོད་ཚད་ལ་གནོད་སྐྱོན་ཚབས་ཆེན་ཐེབས་པ་དང་། ནོར་ལུག་གིས་དུག་རླངས་ཐལ་རྡུལ་ཕོག་པའི་རྩྭ་ཟོས་རྗེས་ཕྱུག་ཟོག་གི་སོ་ལྷུང་བ། ཆུ་ནང་གི་ཉ་རིགས་ཡོད་ཚད་ཤི་བ་བཅས་ས་གནས་མང་ཚོགས་ཀྱི་དཀའ་ངལ་གོང་རིམ་ལ་ཞུ་གཏུགས་བྱས་ཏེ། གོང་རིམ་ནས་འཚོ་སྣོན་ཀུན་གསབ་རྒྱ་སྒོར་ཁྲི་བཅུ་གྲངས་འགའ་སྤྲད་པ་དེ་ས་གནས་དཔོན་རིགས་ཚོས་ལྐོག་ཧམ་འཕྲོག་བྱས་པར་ཐེར་འདོན་གྱི་ཞུ་གཏུགས་བྱས་པར་བརྟེན། ཐེངས་གཉིས་ལ་བཙོན་འཇུག་བྱས་ཏེ། གཅར་རྡུང་མནར་གཅོད་དང་བརྙས་བཅོས་བཙན་གཡེམ་ཕོག་ཡོད་པ་མ་ཟད། བཙན་གྱིས་སྨྱོ་ནད་གསོ་བཅོས་སྨན་ཁང་དུ་བསྐྱལ་ཏེ་བློ་ཡིད་ལས་འདས་པའི་འཇིགས་ར་སྣ་ཚོགས་སྐུལ་ཡོད་པ་རེད།
རྒྱ་རིགས་དང་བོད་རིགས་ཚོས། སྲིད་གཞུང་གིས་ཁྲིམས་ལུགས་དང་གཤམ་གྱི་ལས་བྱེད་མ་རབ་བར་ལ་བར་སྟོང་ཅིག་ཡོད་རེད་དེ་འགེངས་མ་ཐུབ་ན་དཀའ་ངལ་འདིའི་རིགས་སེལ་མི་ཐུབ།
རྒྱལ་གཅེས་པ་བུད་མེད་འདི་ལྟ་བུ་ལ་བོད་ཀྱི་བུད་མེད་ཚོགས་པའི་རྒྱབ་སྐྱོར་དང་ལས་འགུལ་ཅི་ཡང་སྤེལ་མྱོང་མེད་མ་གཞི་བུད་མེད་ཚོགས་པས་ལས་འགུལ་དེ་བཞིན་ཁོང་རང་ཚོར་ཚོང་ལས་ཀྱི་ཡོང་བབས་གཅིག་ཡོད་ན་མ་གཏོགས་དོན་དམ་པ་ལས་འགུལ་དཀའ་ལས་ཁག་པོ་རེད། བཙན་བྱོལ་ནང་དུ་ཡོདཔའི་བེུད་ཚོས་རྒྱ་གཅེས་པ་འདི་ལྟ་བུ་ལ་ཁ་མིག་ཡར་ལྟས་བྱས་ཏེ་ལ་རྒྱལ་དང་དྭང་གཙང་གི་མི་རིགས་སྤེལ་བ་ལ་འབད་པ་གནང་རོགས་གནོངས།
དེ་ལས་ལྡོག་ཏེ་ཁྱེད་ཅག་གི་རྐུག་གཡུག་སྟེ་གྲོད་ཁོག་བསྟན་པ་དང་ནུ་མ་དང་ཆུ་བཟོ་ལྟར་ལ་འབད་ནས་རྒྱ་གར་གྱི་རྐུགས་ལ་ཤ་སྦྲམ་བཞིན་འཁོར་ན་བོད་པའི་བེུད་ཀྱི་ཞབས་འདྲེན་ཆེ་ཤོས་དེ་ཡིན་པས་ཐུགས་གཟབ་གནང་རོགས།
གྲོག་པོ་དགུ་ཚིགས་སྐྱ་མོ་ལགས་ དངོས་གནས་ནོར་བཅོས་བྱས་པ་ཐུགས་རྗེ་ཆེ་
ངས་དངོས་གནས་འཇང་སྐད་ཙམ་མ་ཏོག་བོད་ཡིག་ཡག་པོ་ཞིག་མི་ཤེས་ ཚང་མ་ལ་དགོངས་འདག་ཞུ་ཡ་ཡིན
ཨ་ཨ་ཨ་ཡུམ་དུམ་པ་་་་བློ་བཟང་ཟེར་བའི་དབྱིན་མིང་ཅན་དེ་དང་སྟོབས་ཅོ་ཉི་སོགས་་་་སུ་ལ་བལྟས་ཀྱང་ཡིད་སྐྱོ་ནི་ཞིག་རེད་་་ཡིག་ནོར་འདི་འདྲ་ཞིག་ཇི་ལྟར་བྱས་ནས་མངགས་པ་ཡིན་ནམ་་་་ཁྱད་མཚར་་་་འདི་འདྲ་ཞིག་རང་ཉིད་ཀྱིས་ཀློག་ན་དོན་ལོག་འདུག་པ་ཧ་གོ་ན་ཆོག་གི་་་འདི་འདྲ་ཞིག་མིག་ལའང་བདེ་བོ་ཞིག་མེད་པ་ཤེས་ན་ལོས་ཆོག་་་་་འོ་འོ་འོ་་་་་ད་དངོས་གནས་སྐྱོ་བོ་རེད་ཡ་་་ཅུང་ཙམ་སྦྱངས་ནས་ཡོང་ན་ཡག་ས་རེདམ་གཏོགས་འུ་ཚང་གི་ཞབས་འདྲེན་རེད་ཡ
འཇང་གཡུ་ལྷ་ཐོགས་འགྱུར་ལགས། འདིར་འཇང་སྐད་མང་པོ་ཞིག་ཁྱེད་ཀྱིས་བྲིས་པ་འདྲ།
ནོར་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་བཅོས
ཞིགས་ལ་་་་་་་་་་་་་་་་་་་་་་་་་་་་་་་་་་་་་་་་་་་་་ཞིག་ལ
བྱེད་ན་་་་་་་་་་་་་་་་་་་་་་་་་་་་་་་་་་་་་་་་་་་་་་་བྱས་ན
ཐོབ་ཐང་བརྩོད་་་་་་་་་་་་་་་་་་་་་་་་་་་་་་་་་་་ཐོབ་ཐང་རྩོད
བྱ་བ་ཆུང་ཙགས་་་་་་་་་་་་་་་་་་་་་་་་་་་་་་་་་བྱ་བ་ཆུང་ཚེགས
རིག་སོགས་་་་་་་་་་་་་་་་་་་་་་་་་་་་་་་་་་་་་་་་་རིགས་སོགས
བརྩོད་པ་་་་་་་་་་་་་་་་་་་་་་་་་་་་་་་་་་་་་་་་་་་་་རྩོད་པ
ཆུད་ཟུས་་་་་་་་་་་་་་་་་་་་་་་་་་་་་་་་་་་་་་་་་་་་་་་་ཆུད་ཟོས
འགྲོ་ལས་ ་་་་་་་་་་་་་་་་་་་་་་་་་་་་་་་་་་་་་་་་་་་་འགྲོ་བ་ལས་
བརྩོད་དགོས་་་་་་་་་་་་་་་་་་་་་་་་་་་་་་་་་་་་་རྩོད་དགོས་
དཔའ་སྙིང་ལྡན་པའི་བུད་མེད་འདི་འདྲ་ཞིགས་ལ་བོད་ཀྱི་བུད་མེད་ཚོགས་པའི་ངེས་ནས་དོན་སྙིང་ལྡན་པའི་རྒྱབ་སྐྱོར་ཞིག་བྱེད་ན་ཅི་འདྲ་འདུག་ ངོ་མ་བུད་མེད་འདིའི་བློ་སྤོབས་ལ་ཧ་ལས་དགོས་པ་རེད་ཡ་ ཐོབ་ཐང་བརྩོད་ཟེར་ན་འདི་འདྲ་རེད་ དེ་མིན་ཁྱིམ་ནང་གི་སྣོད་ཆས་བཀྲུ་བ་དང་ཕྱགས་དར་བྱས་པའི་བྱ་བ་ཆུང་ཙགས་གིས་རིག་སོགས་ལ་ཐོབ་ཐང་བརྩོད་པ་དེ་དུས་ཚོད་ཆུད་ཟུས་སུ་འགྲོ་ལས་ ཕན་ཐོག་གང་ཡོད་ ཐོབ་ཐང་དངོས་གནས་འདི་འདྲ་བརྩོད་དགོས་ནི་རེད་ བུད་མེད་ཚོགས་པ་ཚོ་ད་གཉིད་ལས་སད་དགོས་ཚོད་རེད་
རེབ་གོང་ཁུལ་ཐོག་ནས་ཐག་མི་རིང་བའི་སར་ཡོད་པའི་ཧ་ཡང་བཟོ་གྲྭ་འདིའི་ཐད་ཉེ་འཁོར་གྱི་གྲོང་སྡེ་མང་པོས་སྐད་རྒྱབ་ཀྱང་། བཟོ་གྲྭ་དེའི་སྤྱི་ཁྱབ་དང་མཚོ་སྔོན་ཞིང་ཆེན་གྱི་དཔོན་རིགས་མཐོ་ཤོས་ཤིག་གཉིས་ཉེ་འབྲེལ་ལ་སོང་ཙང་། ཡུལ་མི་རྣམས་རིམ་པར་ཕམ་ཡོད། བཟོ་གྲྭ་འདིས་ས་གནས་རང་ལ་ཕན་ཐོགས་པའི་དགོས་མཁོ་ཅི་ཡང་བསྐང་གི་མེད་པ་མ་ཟད། དུག་རླངས་ཀྱི་གནོད་པ་དེ་ཉེ་འཁོར་ནས་མཐོ་སར་གནས་པའི་ཞོ་འོང་སོགས་སུ་འགྲོ་སོང་སྟེ་གཅིག་མཚུངས་ཀྱི་གནོད་པ་ཡོང་གི་ཡོད། དེ་སྔོན་མཚོ་སྔོན་ཞིང་ཆེན་གྱི་བོད་རིགས་དཔོན་པོ་ཞིག་རེབ་གོང་ལ་ལྟ་སྐོར་དུ་ཡོང་དུས་བཟོ་གྲྭ་འདི་དང་འདིའི་ཉེ་འཁོར་གྱི་གསེར་འདོན་བཟོ་གྲྭ གཉན་ཐོག་ཞེས་པར་ཡོད་པའི་སོ་ཕག་བཟོ་གྲྭ་བཅས་སྒོ་རྒྱག་དགོས་པར་བཤད་ཀྱང་སོ་ཕག་བཟོ་གྲྭ་ལས་སྒོ་རྒྱག་ཐུབ་མེད།
བོད་རིགས་ཨ་ཅག་ལགས་འདིས་ལས་དོན་ལ་རྒྱ་ནག་དམར་ཤོག་དཔོན་རིགས་ཚོས་རྒྱུ་འབྲས་དྲངས་སྙོམས་དང་ཁྲིམས་དང་མཐུན་པའི་ཐག་གཅོད་ཡོང་བའི་རེ་བ་རྒྱག་གི་ཡིན།
སྟག་ཚང་སྒོ་རྩ་ར་མ་ཞིག་གིས་ཁྲིམས་རྩོད་པ་འདི་ནི། དངོས་གནས་དཔའ་དང་བློ་ཁོག་ཟེར་བ་དེ་ཡིན་ས་རེད།
སྟག་དམར་ཡག་ཞིག་གི་སྒོ་རྩ་ན།
ར་མ་རྒན་ཞིག་གིས་ཁྲིམས་རྩོད་འདིར།
ལས་དཀར་ནག་དབྱེ་བ་འབྱེད་མཁན་ལ།
སེང་གངས་དཀར་རྒྱལ་པོ་ཕེབས་ན་ལེགས།
བོད་ཀྱི་བུ་མེད་ཚོགས་པ་ཀྱི་ལས་འགུལ་ཅི་ཞིག་སྤེལ་རྩིས་ཡོད །
འདི་ལག་ཆ་ཡག་ཤོག་ཞིག་རེད་ད
ངོ་མ་རང་ཐོབ་རང་གཅེས་ཀྱི་སྙིང་སྟོབས་ཆེ་བའི་བོད་རིགས་བུད་མེད་ཞིན་ཆོན་མེ་ཟེར་བ་འདིའི་དཀའ་སྡུག་ལ་གདུང་སེམས་དང་དྲང་བདེན་ལ་ཡིད་སྨོན་སྐྱེས་འོས་པ་ཞིག་རེད། འདི་ཡང་རླབས་ཆེན་གྱི་བུད་མེད་མ་རེད་དམ།
བོད་རིགས་བུད་མེད་ སྙུང་སྟོབས་ཅན་འདི་འདྲ་བོད་ནས་ཉུང་ནས་རེད་ འདི་ལྟ་བུ་བཙན་གཡམ་ནར་གཅོད་ཕོག་མཁན་མང་་པོ་ཡོད་པས་ད་དུང་མོས་ཁོང་ཚོར་ཚབ་་བྱས་ནས་རྒྱ་ནག་དབུས་གཞུང་ལ་ཞུ་གཏུགས་བྱས་པ་ངས་སྙུང་ཁུངས་རུས་པའི་གཏུང་ནས་ཐུགས་རྗེ་ཆེ་ཞུ་བ་དང་འདི་འདྲའི་ཀླ་ཀློར་བྱ་སྤྱོད་རྣམས་རང་ནུས་ཀྱིས་ངའི་ཉེ་འཁོར་དུ་ཡོད་པའི་བོད་དོན་རྒྱབ་སྐྱོར་ཚོགས་པ་ཁག་ལ་འགྲེལ་བཤད་རྒྱག་གི་ཡིན
བུད་མེད་ཀྱི་ཐོབ་ཐང་རྩོད་ལེན་ངོ་མ་དེ་འདི་འདྲ་ཞིག་ཡིན་ས་རེད། སེམས་འགུལ་ཐེབས་ནི་ཞིག་རེད། བོད་པའི་བུད་མེད་ཚོས་སློབ་སྦྱོང་བྱེད་དགོས་ས་མང་གི
འདི་ནི་ང་ཚོས་གོ་སྐབས་ཤིག་ཏུ་བཟུང་ན་འགྲིག་གི ངེས་པར་དུ་ཚོགས་པ་ཁག་དང་མི་སྒེར་བཅས་ནས་སྐད་ཆ་རེ་བཤད་དགོས་པ་རེད། མོ་ལ་རྒྱལ་ཕྱི་ནང་གཉིས་ནས་རྒྱབ་སྐྱོར་མཁོ་ངེས་རེད།
བུད་མེད་ཀྱི་ཐོབ་ཐང་རྩོད་ན་འདི་ཚོའི་རིགས་ལ་དོན་སྙིང་ལྡན་པའི་རྒྱབ་སྐྱོར་བྱེད་དགོས་པ་རེད། དེ་ལས་ལྡོག་སྟེ་སྤྱི་ཆོགས་དཀྲུག་རྒྱུའི་བུད་མེད་ཀྱི་ཐོབ་ཐང་གི་སྐད་ཆ་སྟོང་པས་ཅི་ཞིག་ཕན།
བུད་མེད་དེའི་སྙིང་སྟོབས་ལ་ཧང་སོང་བྱུང་།
གཅར་རྡུང་མནར་གཅོད་དང་བརྙས་བཅོས་བཙན་གཡེམ་ཕོག་པའི་བོད་རིགས་བུད་མེད་ཞིན་ཆོན་མེ་སྙིང་རེ་རྗེ། ཁོ་མོའི་མྱང་བའི་དཀའ་ངལ་ཡོད་ཚད་ང་ཚོ་བོད་རིགས་མི་དམངས་ཚང་མའི་ཐོག་ལ་ཡོང་བཞིན་ཡོད་པ་མ་ཟད་བོད་ཀྱི་བུད་མེད་བཙོན་མ་རྣམས་ལ་དཀའ་ངལ་གཞན་ཞིག་ཡོད་པ་ནི་བཙན་གཡེམ་ཕོག་གི་ཡོད་པ་དེ་རེད།
བུད་མེད་ཚོ་རང་དབང་དྲ་ཉམས་ཀྱི་ཆེད་དུ་ཡར་ལང་ཐུབ་དགོས ། ད་རུང་འདི་ལྟར་ལྷག་ཡོད