སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་སྐབས་བཅུ་བཞི་བའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དགུ་བའི་སྟེང་ཆེད་དུ་གསུང་འཕྲིན་ཞིག་བརྩལ་ཡོད་ཅིང་། དེ་རིང་ཞོགས་པར་སྐབས་བཅུ་བཞི་བའི་གྲོས་ཚོགས་ཚོགས་དུས་དགུ་བའི་ཉིན་གཉིས་པའི་སྟེང་། སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་སྒྲོག་གདོན་གནང་སོང་།
༧གོང་ས་མཆོག་གི་གསུང་འཕྲིན་ནང་བཀོད་དོན། སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་དགུ་བར་ཕེབས་པའི་སྤྱི་འཐུས་རྣམ་པར་འཚམས་འདྲི་དང་། གྲོས་ཚོགས་ཀྱི་ལས་དོན་ཚགས་ཚུད་ཚད་ལྡན་ཡོང་བའི་སྨོན་འདུན་ཡོད། རིང་མོ་ཞིག་ནས་ཡིད་ལ་བརྣགས་པ་ལྟར་བོད་མིའི་ཆབ་སྲིད་མང་གཙོའི་ལམ་དུ་བསྒྱུར་རྒྱུ་བཙན་བྱོལ་དུ་འབྱོར་མ་ཐག་པ་ནས་འབད་བརྩོན་རྒྱུན་བསྲིངས་བྱས་འབྲས་སུ་ད་ལམ་མང་ཚོགས་ཀྱིས་འོས་འདེམས་བྱས་པའི་གྲོས་ཚོགས་ཀྱིས་ཁྲིམས་བཟོ་དང་དཔལ་འབྱོར་སྟངས་འཛིན་གྱིས་མཚོན་པའི་བྱེད་སྒོ་རྣམས་བྱ་རྒྱུའི་གོ་སྐབས་བྱུང་བར་དགའ་སྤོབས་བརྟས།
སྔོན་དུ་བརྗོད་ཟིན་ལྟར་ལྗིད་མཉམ་སྟངས་འཛིན་གྱི་སོ་མཚམས་དང་། རྟོན་བཞིའི་འཇུག་ལྡོག་མ་ནོར་བར་སྒེར་འཁོན་ཕྱོགས་འཐེན་སྤངས་ཏེ། གྲོས་ཚོགས་ཀྱི་ལས་དོན་བྱེད་ཕྱོགས་ཀྱི་གནས་ཚད་དང་སྤུས་ཀ་གོང་མཐོར་གཏོང་རྒྱུའི་ཀུན་སློང་དང་རྩོལ་བ་མི་ལྷོད་པ་དགོས་གལ་མཐོང་། འཛིན་སྐྱོང་དང་ཁྲིམས་ལུགས་དབང་འཛིན་གཉིས་ཀའི་འགན་ཁུར་ཞུ་ཡུལ་གྲོས་ཚོགས་ཡིན་སྟབས། གྲོས་ཚོགས་ཀྱང་མང་ཚོགས་ལ་འགན་ཁུར་འཕེར་ངེས་དགོས།
བོད་མིའི་ཆབ་སྲིད་ཀྱི་མགོ་ཁྲིད་བཀའ་བློན་ཁྲི་པ་མང་ཚོགས་ཀྱིས་འོས་འདེམས་བྱས་པ་ནས་བཟུང་གཞི་རྩའི་ལས་དོན་རྣམས་ངོས་རང་གིས་དོ་ཁུར་མ་དགོས་པར་ཕྱེད་རྒས་ཡོལ་ལྟ་བུ་ཡིན་རུང་། བོད་ཀྱི་རྩ་དོན་དང་བོད་རྒྱའི་འབྲེལ་ལམ་སྐོར་ཇི་སྲིད་མང་ཚོགས་ནས་ཡིད་ཆེས་རེ་འདུན་ཡོད་པ་དེ་སྲིད་དུ་ཅི་ནུས་གང་ལྕོགས་བྱེད་བཞིན་ཡོད། ཞི་བའི་དོན་ཚན་ལྔ་ནི་ཕུགས་ཀྱི་འཆར་སྣང་ཡིན་པས་འབྲེལ་མོལ་ལ་ཐད་འབྲེལ་དེ་ཙམ་མེད་རུང་། སི་ཊ་སི་སྦག་གི་གྲོས་འཆར་ལ་རྒྱ་གཞུང་གིས་བསམ་ཞིབ་གོ་བསྡུར་བྱེད་ཐབས་མེད་པའི་ཚིག་ཐག་གཙང་གཅོད་བྱུང་བར་བརྟེན་རང་བཞིན་ནུས་མེད་དུ་གྱུར།
ཕྱི་ལོ་ ༢༠༠༢ ནས་འབྲེལ་མོལ་བསྐྱར་མཐུད་བྱས་པ་ནས་བཟུང་བོད་རིགས་ཡོངས་ཀྱི་འབྱུང་འགྱུར་གྱི་གནས་བབ་ཁོ་ན་བརྗོད་གཞིར་བཟུང་སྟེ། གླེང་མོལ་བྱས་འབྲས་སུ་རྒྱ་གཞུང་གི་ལངས་ཕྱོགས་ལ་བསམ་ཞིབ་ཀྱིས་རང་ཕྱོགས་ནས་མཁྲེགས་བཟུང་མ་བྱས་པར་དངོས་དོན་དང་བསྟུན་ཏེ། གུ་བཤང་གང་ཐུབ་བྱས་ཚུལ་ལོ་དུས་སོ་སོའི་གསུམ་དུས་གསུང་འཕྲིན་སོགས་སུ་གསལ་བཤད་བྱས་ཡོད་པ་བཞིན་འབྲེལ་མོལ་ཐེངས་བརྒྱད་པའི་སྐབས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་རང་སྐྱོང་བཅའ་ཁྲིམས་ཀྱི་ཆ་རྐྱེན་འོག བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ལག་བསྟར་ཡོང་ཐབས་ཀྱི་བསམ་འཆར་ཡིག་ཆ་ཞིག་སྤྲད་ཡོད་ཅིང་། དེ་ལ་རྒྱ་ཕྱོགས་ནས་འཁྱོག་བཤད་བྱས་པ་རྣམས་གསེད་བཀྲོལ་སླད་འདི་ལོ་འབྲེལ་མོལ་དགུ་བའི་སྐབས་འགྲེལ་བརྗོད་ཅིག་སྤྲད་པ་བཅས་ཡིག་ཆ་དེ་དག་ད་ཆ་མང་ཚོགས་ཀྱི་མིག་ལམ་དུ་གྱུར་ཟིན།
གོང་སྨོས་རྣམས་གྲོས་ཚོགས་ཀྱི་སྤྱི་མོས་གྲོས་ཆོད་སྔ་རྗེས་ཀྱི་འབྲུ་དོན་ལྟར་ངོས་ནས་ལྷག་བསམ་ཟོལ་མེད་ཀྱིས་འབད་འབུང་བྱེད་ཁུལ་ཡང་། བསམ་འཆར་དང་འགྲེལ་བརྗོད་དེ་དག་གྲོས་ཚོགས་ནས་མོས་མཐུན་མ་བླངས་པའམ། གྲོས་ཚོགས་ལ་མ་བསྟན་པའི་ཡིག་ཆ་ཡིན་ཚུལ་དང་། ངོས་ཀྱི་བསམ་ཚུལ་མིན་ཚུལ་སོགས་ཀྱི་དོགས་གླེང་རིགས་ཡོང་གིན་ཡོད་ཚོད་འདུག་པས། རྩ་དོན་དང་འབྲེལ་བའི་གནད་དོན་འདི་རིགས་ཕྱི་གསལ་ནང་གསལ་མ་བྱུང་བར་མང་ཚོགས་སུ་ཐེ་ཚོམ་སྐྱེ་གཞིར་གནས་པས་ད་རེས་ཚོགས་དུས་འདིའི་རིང་བགྲོ་གླེང་མཐིལ་ཕྱིན་དང་། དེ་བཞིན་བཀའ་ཤག་དང་ངོས་ཀྱི་སྐུ་ཚབ་སྦྲེལ་པོ། གཞན་ཡང་འབྲེལ་ཡོད་ཅི་འོས་རྣམས་ལ་ཉན་ཞིབ་དོགས་འདྲི་འཁྲུན་ཆོད་བྱས་ཏེ་གསལ་བོ་བཟོ་དགོས། འབྱུང་འགྱུར་བྱེད་ཕྱོགས་གྲོས་ཚོགས་ཀྱི་བསམ་འཆར་དང་མངོན་འདོད་གསར་པ་ཡོད་ན་དེའི་སྤྱོར་དངོས་རྗེས་གསུམ་གྱི་ལས་རིམ་གསལ་སྟོན་བྱ་དགོས་པ་བཅས་ཡིད་འཇགས་བགྱིས། ཞེས་བཀོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
༧གོང་ས་མཆོག་ལ་ཞུ་རྒྱུ།
དབུ་མའི་ལམ་ནི་དབུས་ལ་གནས་ཐུབ་པའི་གང་ཟག་ཅིག་ལས། ཁ་བདེ་བ་ཙམ་གྱིས་ཁག་པོ་རེད། མ་འོངས་པ་བཞེས་རོགས་གནང་།
གྲོས་ཚོགས་འཐུས་མི་ཚོ། ཤི་མེད་ན་ད་གཉིད་ལས་སད་རེན་སོང་། ༸གོང་ས་མཆོག་གི་གསུང་འཕྲིན་དེ་ཡག་པོ་ཞིག་ཀློག་དང་། ཁྱོད་ཚོའི་སེམས་ལ་ཇི་ལྟར་མཆར།
སྤྱི་འཐུས་ཚོར་ཉན་ཤེས་གོ་ཤེས་ཡོད་ན། གོ་ཚོད་ཀྱིས་དུས་ཚོད་བེད་མེད་མི་གཏོང་
མི་མང་གི་འཐུས་མི་ཚད་ལྡན་ཞིག་ཡོང་བ་གནང་བའི་དུས་ལ་སླེབས་འདུག་གོ
བོད་རིགས་ཚེར་མ་ལགས།
༡། ཉིད་ཀྱི་ཚིག་ “སྤྱི་མོས་ཀྱིས་བོད་ཀྱི་རྩ་དོན་དུས་ནས་དུས་སུ་༧གོང་ས་མཆོག་གིས་ཡེ་ཤེས་དབྱིངས་དཔྱད་ཀྱི་ཐག་གཅོད་གནང་རྒྱུ་ཞེས་གསལ་ཡོད་པ་བདེན་ཡང” ཞེས་པའི་ནང་གི “བོད་ཀྱི་རྩ་དོན་དུས་ནས་དུས་སུ་༧གོང་ས་མཆོག་གིས་ཡེ་ཤེས་དབྱིངས་དཔྱད་ཀྱི་ཐག་གཅོད་གནང་རྒྱུ” ཞེས་པ་འདི་ལ་ཕྱིས་སུ་མང་མང་འོས་ཀྱིས་བཅོས་བསྒྱུར་བཏང་ཡོད་པ་རེད་དམ།
༢། “བོད་ཀྱི་རྩ་དོན་དུས་ནས་དུས་སུ་༧གོང་ས་མཆོག་གིས་ཡེ་ཤེས་དབྱིངས་དཔྱད་ཀྱི་ཐག་གཅོད་གནང་རྒྱུ”ཞེས་པའི་ནང་དོན་གཞན་ཞིག་ནི། ག་དུས་ཡིན་ན་གནས་དུས་ལ་གཟིགས་ཏེ་༧གོང་ས་མཆོག་གིས་འགྱུར་བ་གནང་ཆོག་པའི་དབང་ཚད་དང་རང་དབང་ཕུལ་ཡོད་པ་རེད། དེའི་ཕྱིར་དེ་སྔོན་གྱི་སི་ཊ་སི་སྦག་གི་གྲོས་འཆར་སོགས་སྔར་གྱི་བསམ་འཆར་ཁག་དང་ ༢༠༠༩ ལོའི་བསམ་འཆར་ཡིག་ཆའི་ནང་དོན་ལ་ཁྱད་པར་ཡོད་ནའང་དམངས་ཀྱིས་བཀའ་ཁྲོལ་སྔ་མོ་ནས་གནང་མི་འདུག་གམ། དུས་ནས་དུས་སུ་ཞེས་པ་ལ་ཡག་པོ་གོ་བ་ལེན་རོགས།
གསུང་གི་སྙིང་དོན་གོ་བ། །
འཚོགས་སྐབས་བཅུ་བཞི་པ་ལ། །
༸སྐུ་ཕྲེང་བཅུ་བཞིའི་གསུང་ནང་། །
སྒེར་འཁོན་ཕྱོགས་འཐེན་ཚབ་ལ། །
གྲོས་ཚོགས་འགན་ཁུར་འཕེར་ངེས། །
གྲོས་ཚོགས་དོན་ལྡན་སྨོན་ལགས། །
བོད་རིགས་དྲ་གྲོགས་མུ་ཏིག་ཆུང་ཆུང་ལགས། དེ་སྔ་དབུ་མའི་ལམ་དང་རང་བཙན་གཉིས་ཀྱི་ལངས་ཕྱོགས་ཐད་བོད་མི་མང་ནས་འོས་འདེམས་བྱས་ཏེ་སྤྱི་མོས་ཀྱིས་བོད་ཀྱི་རྩ་དོན་དུས་ནས་དུས་སུ་༧གོང་ས་མཆོག་གིས་ཡེ་ཤེས་དབྱིངས་དཔྱད་ཀྱི་ཐག་གཅོད་གནང་རྒྱུ་ཞེས་གསལ་ཡོད་པ་བདེན་ཡང་། བཀའ་ཁྲི་ཟམ་གདོང་མཆོག་གི་འགྲེལ་བཤད་ལྟར་ན་དབུ་མའི་ལམ་གྱི་སྲིད་བྱུས་འདི་མི་མང་གི་བཀའ་ལུང་ཐོབ་པའི་སྲིད་བྱུས་ཤིག་ཡིན་པ་དང་། ལམ་ལྷོང་མ་བྱུང་བ་ཡིན་ནའང་མི་མང་རང་གི་ནོར་འཁྲུལ་ཡིན་པ་ལས་གཞན་ཞིག་ལ་སྐྱོན་འདོགས་བྱེད་རྒྱུ་མེད་པར་གསུངས་ཀི་ཡོད། འོན་ཀྱང་། དེ་སྔའི་ཡེ་ཤེས་དབྱིངས་དཔྱད་ཀྱིས་ཐག་གཅོད་བྱེད་དགོས་པར་སྤྱི་མོས་བྱུང་བའི་རྒྱབ་ལྗོངས་དེ་སི་ཏྲ་སི་སྦག་གི་གྲོས་འཆར་ལ་འབྲེལ་མེད་དུ་གནས་ཤིང་། དེང་དེ་ཉིད་རང་བཞིན་རྩིས་མེད་དུ་སོང་བ་འབྲེལ་མོལ་ཐེངས་དགུ་བ་ནས་བཟུང་བཀའ་ཤག་གིས་བཤད་ཀྱི་ཡོད། དེ་སྔ་གྲོས་ཚོགས་ནང་དུ་བཀའ་ཁྲི་རང་ནས་སི་ཏྲ་སི་སྦག་གི་གྲོས་འཆར་དེ་དབུ་མའི་ལམ་གྱི་སྲིད་བྱུས་ཀྱི་ལྟ་གྲུབ་གཞི་འཛིན་ས་རེད་ཅེས་བཤད་པ་དེ་མཚམས་འདི་ནས་འགྲེལ་བཤད་ཡང་བསྐྱང་ཡོང་དགོས་པ་འདྲ་ཞིག་ཆགས་ཡོད། བྱས་ཙང་། དེང་གི་དབུ་མའི་ལམ་གྱི་སྲིད་བྱུས་དེ་མི་མང་གི་བཀའ་ལུང་ཐོབ་པའི་སྲིད་བྱུས་ཤིག་རེད་ཅེས་བཤད་ན་ཡ་མཚན་པོ་ཞིག་ཡོད་པ་དང་། ཐ་ན་དམིགས་གསལ་ཚོགས་ཆེན་སྐུབས་སུའང་སི་ཏྲ་སི་སྦག་གི་གྲོས་འཆར་དེ་དབུ་མའི་ལམ་གྱི་སྲིད་བྱུས་ཀྱི་ལྟ་བའི་གཞི་འཛིན་ས་མ་ཡིན་པའི་ཟུར་ཙམ་ཡང་གླེང་མེད། དེང་སི་ཏྲ་སི་སྦག་གི་གྲོས་འཆར་ནང་བོད་ཞི་བདེའི་བསྟི་གནས་སུ་བསྒྱུར་བར་གལ་ཆེན་དུ་བརྩིས་གནང་བའི་བཅིངས་འགྲོལ་དམག་མི་ཕྱིར་འཐེན་བྱེད་དགོས་པའི་ལངས་ཕྱོགས་དེ་བསམ་འཆར་ཡིག་ཆའི་ནང་གླེང་མེད་ཅེས་ངོས་ལེན་བྱས་ཡོད་པ་དང་། སི་ཏྲ་སི་སྦག་གི་གྲོས་འཆར་ནང་ཐོན་པའི་དམངས་གཙོའི་ལམ་སྲོལ་ལྟར་བོད་ཡུལ་ནི་གཞི་རྩའི་རྩ་ཁྲིམས་སམ་ཁྲིམས་ལུགས་ཤིག་གིས་དབང་བསྒྱུར་དགོས་པའི་ལྟ་བའང་དོར་སྟེ་རྒྱུན་འཁྱོངས་བྱེད་དགོས་གསུམ་དང་འགལ་མེད་ཅེས་ཞུ་གི་ཡོད་དུས། ལྷག་པར་དུ་སྲིད་བྱུས་འདི་མི་མང་གི་བཀའ་ལུང་ཐོབ་ཡོད་པ་ཞིག་ཏུ་ངོས་ལེན་བྱེད་ཐབས་མེད། དེ་ལས་ཀྱང་ང་ལ་རྒྱབ་ལྗོངས་ཀྱི་གནས་ཚུལ་ཞིག་ཡོད་པ་ནི་དེ་གྲོས་ཚོགས་ཚོགས་ཐེངས་དང་པོའི་ནང་་གི་༧གོང་ས་མཆོག་གི་གསུང་འཕྲིན་ནང་དུ་ཡིག་ཆ་དེ་དག་༧གོང་ས་མཆོག་གི་དགོངས་པ་ཡིན་མིན་ཐད་ཐེ་ཚོམ་ཡོང་གི་ཡོད་པས་དེའི་ཐད་བགྲོ་གླེང་གནང་དགོས་པར་བསྟན་པ་ལས་༧གོང་ས་མཆོག་རང་གི་དགོངས་པ་ཡིན་པའི་གསལ་ཁ་ཅི་ཡང་མེད།
༧སྐྱབས་མགོན་རིན་པོ་ཆེའི་གསུང་ཕྲིན་ནང་༼ངོས་ནས་ལྷག་བསམ་ཟོལ་མེད་ཀྱིས་འབད་འབུང་བྱེད་ཁུལ་ཡང་། བསམ་འཆར་དང་འགྲེལ་བརྗོད་དེ་དག་གྲོས་ཚོགས་ནས་མོས་མཐུན་མ་བླངས་པའམ། གྲོས་ཚོགས་ལ་མ་བསྟན་པའི་ཡིག་ཆ་ཡིན་ཚུལ་དང་། ངོས་ཀྱི་བསམ་ཚུལ་མིན་ཚུལ་སོགས་ཀྱི་དོགས་གླེང་རིགས་ཡོང་གིན་ཡོད་ཚོད་འདུག་པས། ཞེས་གསུང་ཕྲིན་ཕེབས་པར། བཀའ་ཟུར་འཇུ་ཆེན་ཐུབ་བསྟན་ལགས་ཀྱི་གསུང་བཤད་ལ་ཁུངས་ལུང་དང་རྒྱུ་མཚན་གསལ་སྟོན་དང་། ཡང་ན་དམིགས་བསལ་ཆབ་སྲིད་ཀྱི་དགོས་མཁོ་གང་ལ་དམིགས་ཡོད་མེད་ཀྱི་གསལ་བཤད་ཅིག་གནང་རོགས་ཞུ་རྒྱུ་ཡིན།
དོན་དངོས་ཐོག་མིང་དོན་མཚུངས་པའི་རང་སྐྱོང་ཡོང་ཐབས་བསམ་འཆར་ཡིག་ཆ་དེ་སྤྱི་འཐུས་ལྷན་ཚོགས་ལ་མ་བསྟན་པ་ཡིན་ནམ། དྲ་གྲོགས་ཚོས་ལན་ཞིག་གནང་རོགས།
༡། ང་ཚོ་བོད་དགོས་པ་ཆིག་སྒྲིལ་རེད། ཆིག་སྒྲིལ་ལས་བྱུང་བའི་སྟོབས་དགོས་པ་རེད། དེའི་ཕྱིར་ད་ཡོད་ཀྱི་ཆོས་རྒྱུད་སྤྱི་འཐུས་གོང་དམིགས་ཡུལ་དེ་གཉིས་ལ་ཕན་ཐོགས་ཡོང་གི་འདུག་ན། ཆོས་འཐུས་ཚོ་ཡོད་ན་དགའ། ཕན་ཆོས་པ་དང་ཆོས་མིན་སུས་ཐོགས་ན་དགའ་བསུ་ཡོད།
༢། ཆོལ་ཁ་དང་ཆོས་རྒྱུད་ཀྱི་ལག་ཆ་སྤྱད་ནས་བོད་ཀྱི་ཆིག་སྒྲིལ་དང་སྟོབས་ཤུགས་ཉམས་ཆགས་གཏོང་རྒྱུའི་རྒྱ་ནག་ཡུལ་ལ་ཞབས་འདེབས་ཞུ་གི་འདུག་ན། ཆོས་འཐུས་ཚོ་འཛེ་ནད་ཅན་བཞིན་ངེས་པར་དུ་མེད་པ་བྱེད་དགོས་པ་རེད།
ནོར་བཅོས། བོད་རིགས་གྲོགས་པོ་ཚེར་མ་ལགས། སྔོན་མ་མང་མོས་འོས་བསྡུས་ཆེན་མོའི་སྐབས་སུ”དུས་ནས་དུས་སུ་༧གོང་ས་མཆོག་གི་ཐུགས་རྗེ་དབྱངས་དཔྱད་ཀྱིས་གཟིགས་ཏེ་ཐག་གཅོད་ལམ་སྟོན་གནང་རྒྱུ”ཞེས་བོད་མི་དམངས་མང་མོས་ཀྱིས་གོང་ས་མཆོག་ལ་ཐག་གཅོད་ཀྱི་སྐུ་དབང་གྲོས་ཚོགས་བརྒྱུད་ཡང་ནས་བསྐྱར་དུ་ཕུལ་བ་མ་རེད་དམ། གོང་ལུང་དེ་ཚིག་ཇི་བཞིན་མི་དྲན་པས་དགོངས་འགལ་མེད་པ་ཞུ། ནང་དོན་ཕལ་ཆེར་འགྱུར་ཚོད་ཡིན་མོད། དཔྱད་གཞི་མེད་པས་ནོར་ཡོད་ན་དགོངས་འགལ་མེད་པ་ཞུ། འདི་ལྟར་ཐོག་མར་༧གོང་ས་མཆོག་ལ་ཐག་གཅོད་ཀྱི་སྐུ་དབང་ཡོངས་རྫོགས་གྲོས་ཚོགས་ཀྱིས་གྲོས་ཆོད་ཀྱི་ལམ་ནས་ཕུལ་རྗེས། དེ་རིང་ཡང་བསྐྱར་ང་ཚོ་ལ་མིག་བསྟན་མ་སོང་ངོས་ལེན་མེད་གསུངས་མདོག་ཁ་བོ་མ་རེད།
ནོར་བཅོས། བོད་རིགས་གྲོགས་པོ་ཚེར་མ་ལགས། སྔོན་མ་མང་མོས་འོས་བསྡུས་ཆེན་མོའི་སྐབས་སུ”དུས་ནས་དུས་སུ་༧གོང་ས་མཆོག་གི་ཐུགས་རྗེ་དབྱངས་དཔྱད་ཀྱིས་གཟིགས་ཏེ་ཐག་གཅོད་ལམ་སྟོན་གནང་རྒྱུ”ཞེས་བོད་མི་དམངས་མང་མོས་ཀྱིས་གོང་ས་མཆོག་ལ་ཐག་གཅོད་ཀྱི་སྐུ་དབང་གྲོས་ཚོགས་བརྒྱུད་ཡང་ནས་བསྐྱར་དུ་ཕུལ་བ་མ་རེད་དམ། གོང་ལུང་དེ་ཚིག་ཇི་བཞིན་མི་དྲན་པས་དགོངས་འགལ་མེད་པ་ཞུ། ནང་དོན་ཕལ་ཆེར་འགྱུར་ཚོད་ཡིན་མོད། དཔྱད་གཞི་མེད་པས་ནོར་ཡོད་ན་དགོངས་འགལ་མེད་པ་ཞུ། འདི་ལྟར་ཐོག་མར་༧གོང་ས་མཆོག་ལ་ཐག་གཅོད་ཀྱི་སྐུ་དབང་ཡོངས་རྫོགས་གྲོས་ཚོགས་ཀྱིས་གྲོས་ཆོད་ཀྱི་ལམ་ནས་ཕུལ་རྗེས། དེ་རིང་ཡང་བསྐྱར་ང་ཚོ་ལ་མིག་བསྟན་མ་སོང་ངོས་ལེན་མེད་གསུངས་མདོག་ཁ་བོ་མ་རེད།
བོད་རིགས་གྲོགས་པོ་ཚེར་མ་ལགས། སྔོན་མ་མང་མོས་འོས་བསྡུས་ཆེན་མོའི་སྐབས་སུ”དུས་ནས་དུས་སུ་༧གོང་ས་མཆོག་གི་ཐུགས་རྗེ་དབྱངས་དཔྱད་ཀྱིས་གཟིགས་ཏེ་ཐག་གཅོད་ལམ་སྟོན་གནང་རྒྱུ”ཞེས་བོད་མི་དམངས་མང་མོས་ཀྱིས་གོང་ས་མཆོག་ལ་ཐག་གཅོད་ཀྱི་སྐུ་དབང་གྲོས་ཚོགས་བརྒྱུད་ཡང་ནས་བསྐྱར་དུ་ཕུལ་བ་མ་རེད་དམ། གོང་ལུང་དེ་ཚིག་ཇི་བཞིན་མི་དྲན་པས་དགོངས་འགལ་མེད་པ་ཞུ། ནང་དོན་ཕལ་ཆེར་འགྱུར་ཚོད་ཡིན་མོད། དཔྱད་གཞི་མེད་པས་ནོར་ཡོད་ན་དགོངས་འགལ་མེད་པ་ཞུ། འདི་ལྟར་ཐོག་མར་༧གོང་ས་མཆོག་ལ་ཐག་གཅོད་ཀྱི་སྐུ་དབང་ཡོངས་རྫོགས་གྲོས་ཚོགས་གྲོས་ཆོད་ཀྱི་ལམ་ནས་ཕུལ་རྗེས། དེ་རིང་ཡང་བསྐྱར་ང་ཚོ་ལ་མིག་བསྟན་མ་སོང་ངོས་ལེན་གསུངས་མདོག་ཁ་བོ་མ་རེད།
བོད་གཞུང་སྤྱི་འཐུས་རྣམས་པར་གལ་གནད་ཆེ་བའི་གསུངས་འཕྲིན་དེའི་ནང་དོན་རེ་རེ་བཞིན་ཞིབ་པ་གཟིགས་ན་མགོ་དབུས་གྲོས་ཚོགས་ཀྱི་ཚོགས་གཙོ་ནས་སྤྱི་འཐུས་རྣམས་པ་ཐུན་མོང་ཐོག་དགྲ་དགའ་གཉིན་སྡུག་གྱི་གཏམ་ངན་སྒྲོགས་པའི་༢༠༠༩ལོའི་ལོ་ནག་དེར་སྤྱི་འཐུས་སྒྲོལ་མ་མཚོ་མོ་དང་བསོད་ནམས་སྟོབས་རྒྱལ་ཀྱི་འགོ་བྱེད་རང་སྐྱོན་ལ་ངོས་ལན་དང་བོད་རིགས་མི་མང་ལ་འགྱོད་ཤག་བྱེད་དགོས་པའི་དུས་ལ་བབ་འདུག། དེ་མིན་ཆོས་ལུས་སྤྱི་འཐུས་དང་ཆོལ་ཁ་ཅེས་མིང་ནམ་ཡང་མ་འབོད་ན་དགའ་བ་མཐོང་།
༄༅༑རྒྱལ་པོའི་རྒྱལ་ས་བདེ་སོང་ན།སྤྲང་པོའི་ཉལ་ས་ཡང་བདེ་བ་འགྱུར།
གོངས་ས་མཆོག་གི་བཀའ་དགོང་ལྟར་སྤྱི་འཐུན་རྣམས་པའི་ཚོགས་འདུ་ལ་
ཁོང་ཁྲོ་དང་ཕྱོགས་ལྷུང་དབང་དུ་མ་སོང་བར་ཚོགས་འདུ་བཀྲ་ཤིས་ལོ་ལེགས་
ཡོང་བའི་སྨོན་ལམ་རྒྱབ་བཞིན་ཡོད།མི་སེར་ཀྱུས་ངས་ཕ་ཡུལ་ཕ་མ་དང་གྲོགས་པོ་
རྣམས་ལ་ཁ་དཔར་རྒྱབ་དུས་ཡང་བདེ་བར་འགྱུར།།།
སི་ཏ་སི་སྦག་གི་གྲོས་འཆར་རང་བཞིན་རྩིས་མེད་ཕྱིན་ཡོད་པ་༧གོང་ས་མཆོག་གི་ཞལ་ནས་གསུང་འདུག
ད་དབུ་མའི་ལམ་མམ་རང་སྲིད་ རང་སྐྱོང་གི་སྲིད་བྱུས་ལག་བསྟར་མུ་མཐུད་དུ་བྱེད་པ་དེ་མི་མང་གི་བཀའ་ལུང་ཐོབ་ པར་ཅི་ལྟར་འགྲེལ་དགོས། དམིགས་གསལ་ཚོགས་ཆེན་སྐབས་སི་ཏྲ་སི་སྦག་གི་གྲོས་འཆར། སྲིད་བྱུས་འདིའི་ལྟ་གྲུབ་ཀྱི་གཞི་འཛིན་ས་ཡིན་པའི་ངོས་ནས་གླེང་ཡོད་པས་བོད་རིགས་ཡོངས་ལ་མིང་དོན་མཚུངས་ པའི་རང་སྲིད་རང་སྐྱོང་ཡོང་ཐབས་ཀྱི་བསམ་འཆར་ལ་མི་མང་གི་བཀའ་ལུང་ཐོབ་ཡོད་པར་འགྲེལ་བཤད་རྒྱག་ཐབས་མེད།
༧ གོང་ས་མཆོག་གིས་ ཆུ་བཞི་སྒང་དྲུག་དང་འཇུ་ཆེན་ལ་གསལ་བཤད་བྱས་འདུག་ དེ་ལས་གཞན་པའི་འབྲེལ་བཤད་གང་འདྲ་ཞིག་ཡོད་ན་
ད་ཡིན་ན་༸གོང་ས་མཆོག་གིས་བཀའ་གནང་འདུག་པས་་་་ང་ཚོས་སྤྱི་འཐུས་ལྷན་ཚོགས་ཇི་ལྟར་འཚོགས་པ་དང་འགོ་ཇི་ལྟར་འཛིན་པ་དང་མཇུག་ཇི་ལྟར་བསྡུ་རྒྱུ་ཡིན་པ་སོགས་ལ་ལྟད་མོ་བལྟ་དགོས་པ་རེད། ད་ཡིན་ན་ཆོས་བརྒྱུད་སྤྱི་འཐུས་ཚོས་རྫིག་ཉམས་བསྟན་ས་ཞིག་ཨེ་རེག་གི་བལྟ་ཡ་་་་་་རྗེས་ཕྱོགས་ནས་ཁོང་ཚོས་དགོངས་ཞུ་བྱས་ན་ཡག་ཤོས་རེད་་་་ཆོས་བརྒྱུད་ཕྱེད་ཀ་ཞིག་གི་སྤྱི་འཐུས་ཀྱིས་བོད་མི་ཡོངས་རྫོགས་དཀྲུག་གིན་འདུག་པས་ཆོས་བརྒྱུད་སྤྱི་འཐུས་ཤིག་གིས་ཅི་ཞིག་བྱེད་་་་དགོས་ན་ད་དུང་བཙུན་མའི་སྤྱི་འཐུས་སོགས་ད་དུང་མང་པོ་དགོས་ཀྱི་འདུག
སྐུ་ངོ་འཇུ་ཆེན་གྱི་གསུང་དེ་ཅི་ཞིག་ལ་ཆགས་སོང་་་་་སུ་བདེན་པར་ཆགས་སོང་་་་ད་གསལ་འདོན་བྱེད་དགོས་པ་རེད་ཡ་་་་འདི་ལྟར་མཐོང་དུས་ཅི་ཞིག་ཡིན་པའང་ཤཻས་ཀྱི་མི་འདུག་ལ་ཅི་ཞིག་བྱེད་ཀྱིན་ཡོད་པའང་དོགས་པའི་གནས་ཤིག་རེད་་་་་་་གང་ལྟར་གྲོས་ཚོགས་འདིས་སྤྱད་སྟངས་ལ་ཡོད་ཚད་ཀྱིས་མིག་ཟུང་བགྲད་ནས་བལྟ་དགོས་པ་རེད་་་་་གལ་སྲིད་ད་དུང་ཕྱོགས་འཐེན་གྱིས་ཞབས་འདྲེན་ཞུས་ན་ང་ཚོ་སྤྱི་འཐུས་ཚོགས་ཁང་གི་སྒོར་ཉལ་ནས་ངོ་རྒོལ་བྱེད་དགོས་ཀྱང་བྱེད་ངེས་ཡིན་་་་་གལ་སྲིད་ད་རེབ་གྲོས་ཚོགས་སྒང་ལ་སྔར་ལྟར་སྒེར་གྱི་ན་ཚ་དག་ཁུར་ནས་ཡོང་ན་ང་ཚོ་མི་རེ་ངོ་རེ་ནས་ངོ་རྒོལ་དང་ཕྱོགས་རེས་ཅན་དག་ཐད་ཀ་གནས་དབྱུང་གཏོང་ཅི་ཐུབ་བྱེད་དགོས་པ་རེད།་
http://www.tibet.net/tb/ འདི་བོད་གཞུང་དྲ་བའི་བོད་ཡིག་དྲ་བའི་ཁ་བྱང་རེད། དེ་ནས་ཡོངས་རྫོགས་ཀློག་ཐུབ།
བོད་མི་རིགས་ཀྱིས་ཡང་སྙིང་གང་རྩོད་ཀྱི་ཡོད་དམ་ཟེར་བའི་དུས་བབ་གསར་འགྱུར་ནི་སྙིང་བསྡུས་དང་། བོད་གཞུང་དྲ་བ་www.tibet.net ཡི་བོད་སྐད་སྡེ་ཚན་དུ་རྒྱ་ནག་གཞུང་ལ་སྤྲད་པའི་བསམ་འཆར་ཡིག་ཆ་ཁ་ཚང་འདུག ཅོ་རི་ཉི་མ་དེར་གཟིགས་དང་།
དེ་རིང་སྐུ་ཚབ་རྣམ་པ་ཚོས་བསྐྱར་དུ་སྤེལ་བའི་བསམ་འདུན་ཞིག་ཐོན་འདུག གཤམ་ལ་གཟིགས་རོགས།
༄༅། །འབྲེལ་མོལ་ཐེངས་དགུ་པའི་སྐབས་ྋགོང་ས་མཆོག་གི་སྐུ་ཚབ་རྣམ་པས་རྒྱ་ནག་གཞུང་ལ་བཏོན་གནང་བའི་གནད་དོན་ཁག
ྋགོང་ས་མཆོག་གི་སྐུ་ཚབ་རྣམ་པས་རྒྱ་ནག་གཞུང་གི་སྐུ་ཚབ་ཚོར་གནད་དོན་གསུམ་བཏོན་ཡོད་པ་ནི།
༢༠༡༠ ཕྱི་ཟླ་ ༣ ཚེས་ ༩ རེས་གཟའ་མིག་དམར།
དོན་ཚན་དང་པོ། འབྲེལ་མོལ་ཐེངས་བརྒྱད་པའི་སྐབས་ཕུལ་པའི་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་གྱི་འགྲེལ་བརྗོད་ཡིག་ཆ་དོན་ཚན་བདུན་ཅན་ཞིག་ཕུལ་བ་དང༌། རྒྱ་ནག་དབུས་གཞུང་གིས་འདིའི་ཐོག་དགོངས་བཞེས་གཏིང་ཟབ་ཀྱིས་དོན་སྙིང་ལྡན་པའི་གྲོས་བསྡུར་ཡོང་རེ་བསྐྱར་ནན་གནང་ཡོད་ཅིང༌། རྒྱ་ནག་དབུས་གཞུང་གིས་བསམ་འཆར་ལ་ཐུགས་འཚབ་དང་འགྲེལ་བརྗོད་སྣ་ཚོགས་བྱས་པ་རྣམས་ཡིག་ཆ་འདིའི་བརྒྱུད་ནས་གསལ་རྟོགས་ཡོང་ཐབས་དང༌། འབྲེལ་མོལ་གྱི་ལས་རིམ་མདུན་བསྐྱོད་ཡོང་ཆེད་ཀྱི་བསམ་འཆར་ཁག་ཞུས་ཡོད་པ་མ་ཟད། མང་ཚོགས་ཁྲོད་གོ་ལོག་དང་གོ་འཛོལ་མི་ཡོང་བའི་ཆེད་དུ་དམིགས་པ་ཞིག་ཀྱང་རེད། འགྲེལ་བརྗོད་ནང་དོན་ཚན་བདུན་འཁོད་པ་ནི།
༡། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་བདག་དབང་དང་ས་ཁྱོན་གཅིག་གྱུར་ལ་ཆ་འཛིན།
༢། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ལ་ཆ་འཛིན།
༣། རྒྱུན་འཁྱོངས་གསུམ་ལ་ཆ་འཛིན།
༤། རྒྱ་ནག་དབུས་གཞུང་གི་དབང་ཚད་དང་གོ་རིམ་ལ་ཆ་འཛིན།
༥། བསམ་འཆར་ནང་གསལ་བའི་གནད་དོན་བྱེ་བྲག་པ་དང་འབྲལ་བའི་རྒྱ་ནག་དབུས་གཞུང་གི་ཐུགས་འཚབ་ཁག
༦། ངོས་འཛིན་དགོས་པའི་གཞི་རྩའི་གནད་དོན།
༧། ྋགོང་ས་མཆོག་གི་མཐུན་འགྱུར་བཅས་ཡིན།
གལ་སྲིད་བསམ་འཆར་ནང་གསལ་བའི་གནད་དོན་རྣམས་ནས་ལག་བསྟར་སླ་བ་རྣམས་གྲོས་བསྡུར་ཐོག་གོམ་པ་རིམ་སྤོས་ཀྱིས་མདུན་བསྐྱོད་བྱུང་ན་གཞི་རྩའི་གནད་དོན་རྣམས་རིམ་བཞིན་ལག་བསྟར་ཐུབ་རྒྱུར་ཕན་ཐོགས་ཡོད་པའི་དགོངས་འཆར་ཡང་བཏོན་ཡོད།
དོན་ཚན་གཉིས་པ། ྋགོང་ས་མཆོག་གི་དགོངས་པའི་ཕུགས་རེ་ནི་བོད་མི་ས་ཡ་དྲུག་གི་བདེ་སྡུག་གི་གནས་ཚུལ་དེ་རང་ཡིན་པའི་བསྐྱར་ནན་དང༌། ྋགོང་ས་ྋསྐྱབས་མགོན་ཆེན་པོ་མཆོག་གི་སྐུ་སྒེར་དང་འབྲེལ་བའི་གནད་དོན་དང་ཁོང་གི་ཉེ་འཁོར་ཡོད་པའི་མི་ཉུང་ཤས་ཤིག་གི་བདེ་སྡུག་གི་གནད་དོན་ཚིག་གཅིག་རྒྱ་ནག་དབུས་གཞུང་ལ་ཞུ་མྱོང་མེད་ལ་ཞུ་དགོས་ཀྱང་མེད་གནས་འགྲེལ་བརྗོད་ཞུས་ཡོད། དེའི་ཐད་རྒྱ་ནག་དབུས་གཞུང་གིས་བོད་མི་མང་ཆེ་བའི་གནས་བབ་བདེ་སྐྱིད་དང་ལྡན་པ་འདོད་བློ་ཁེངས་ངེས་ཡོད་ཚུལ་དང༌། བོད་ཀྱི་གནད་དོན་མེད་ལུགས་གསུང་གི་ཡོད་ཀྱང་ང་ཚོའི་ངོས་ནས་བོད་མི་མང་ཆེ་བ་ཆོས་སྲིད་དང་དཔལ་འབྱོར། སྐད་ཡིག་དང་རིག་གཞུང༌། སྤྱི་ཚོགས་ཀྱི་གནས་སྟངས་གང་ཐད་ནས་འདོད་བློ་མ་ཁེངས་པའི་དཀའ་སྡུག་ཚད་མེད་ཡོད་པ་མཐོང་གི་ཡོད་སྟབས། ཕྱོགས་གཉིས་ཀྱི་མཐོང་ཚུལ་མི་འདྲ་བ་གཉིས་པོ་དེའི་དངོས་ཡོད་ཀྱི་གནས་ཚུལ་བདེན་པ་ཇི་ཡིན་ས་གནས་ས་ཐོག་ཏུ་མཉམ་རུབ་ཀྱིས་ཞིབ་འཇུག་མཐིལ་ཕྱིན་གནང་དགོས་པའི་རེ་འདུན་བཏོན་ཡོད།
དོན་ཚན་གསུམ་པ། ཕྱི་ལོ་ ༢༠༠༨ ཟླ་ ༣ ཚེས་ ༡༠ ནས་བཟུང་བོད་ས་ཁྱོན་ཡོངས་སུ་ཞི་རྒོལ་གྱེན་ལངས་བྱུང་བ་དེ་དག་ྋགོང་ས་མཆོག་དང་བཙན་བྱོལ་སྒྲིག་འཛུགས་ཀྱི་ངོས་ནས་བསྐུལ་སློང་བྱས་ཚུལ་བསྙོན་འཛུགས་གནང་བ་དེ་དག་དངོས་བདེན་མིན་པ་དང༌། ངོས་ལེན་མི་ཐུབ་པའི་གནས་ཚུལ་ཕྱི་ལོ་ ༢༠༠༨ ཟླ་ ༥ པའི་ནང་ཧྲིན་ཀྲིན་དུ་ནང་ལུགས་གྲོས་བསྡུར་སྐབས་ཞི་ཕྲ་ཞུས་འབྲས་སུ་འབྲེལ་མོལ་ཐེངས་བདུན་པའི་སྐབས་རྒྱ་ནག་དབུས་གཞུང་གིས་མཚམས་འཇོག་དགོས་པ་གསུམ་རྒྱབ་སྐྱོར་མི་བྱེད་པ་བཞི་ལ་བསྒྱུར་ཏེ་དངོས་དོན་ངོས་བཞེས་གནང་ཡོད། འོན་ཀྱང་བར་སྐབས་བསྙོན་འཛུགས་དེ་རིགས་མུ་མཐུད་གནང་བཞིན་འདུག་ན། ད་ཆ་རྒྱ་ནག་དབུས་གཞུང་གི་ལངས་ཕྱོགས་འབྲེལ་མོལ་བདུན་པའི་སྐབས་གསུངས་པ་ལྟར་གནས་ཡོད་དམ། ཡང་ན་དེ་ལ་འགྱུར་བ་ཕྱིན་ཡོད་གསལ་པོ་བཟོ་དགོས་དང༌། གལ་ཏེ་འགྱུར་བ་ཕྱིན་པ་ཡིན་ན་སྐྱོན་འཛུགས་དེ་དག་དངོས་བདེན་ཡིན་མིན་རྒྱ་ནག་དབུས་གཞུང་གིས་བོད་ནང་དང་བཙན་བྱོལ་སྤྱི་ཚོགས་གཉིས་ཀའི་ནང་དངོས་དོན་ར་འཕྲོད་ཡོང་ཐབས་ཀྱི་ཞིབ་འཇུག་མཐིལ་ཕྱིན་ཚན་རིག་དང་མཐུན་པའི་ལམ་ནས་གནང་དགོས་པ་དང༌། དེའི་ཆེད་ཕན་ཚུན་གོ་བསྡུར་གྱིས་ལམ་རིམ་གོ་སྒྲིག་གནང་དགོས་ཞུས་ཡོད། ྋགོང་ས་མཆོག་དང་བཙན་བྱོལ་སྒྲིག་འཛུགས་ཀྱི་ངོས་ནས་ཞིབ་འཇུག་དེ་ལ་མཐའ་གཅིག་ཏུ་མཐུན་འགྱུར་ཞུ་རྒྱུ་དང༌། དེ་འདྲའི་ཞིབ་འཇུག་གི་ལམ་ནས་དངོས་ར་འཕྲོད་པའི་གནས་ཚུལ་ཇི་བྱུང་ལ་ཕྱོགས་གཉིས་ཀས་ངོས་ལེན་དགོས་པ་མ་ཟད། གལ་སྲིད་ང་ཚོར་ནོར་འཛོལ་ཡོད་པ་ར་འཕྲོད་བྱུང་བ་ཡིན་ན་སྔ་འགྱོད་ཕྱི་སྡོམ་ཞུ་རྒྱུ་དང༌། ར་འཕྲོད་མ་བྱུང་ན་རྒྱ་ནག་དབུས་གཞུང་གི་ངོས་ནས་དག་སེལ་དང་སྦྲགས་རྒྱལ་སྤྱི་དང་རྒྱལ་ནང་གཉིས་ཀའི་ནང་གཞི་མེད་རྫུན་གཏམ་གྱི་བསྙོན་འཛུགས་གནང་མཚམས་ངེས་པར་དུ་བཞག་དགོས་པའི་རེ་འདུན་བཏོན་ཡོད།
གུ་བཤང་གང་ཐུབ་བྱས་ཚུལ་ལོ་དུས་སོ་སོའི་གསུམ་དུས་གསུང་འཕྲིན་སོགས་སུ་གསལ་བཤད་བྱས་ཡོད་པ་བཞིན་འབྲེལ་མོལ་ཐེངས་བརྒྱད་པའི་སྐབས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་རང་སྐྱོང་བཅའ་ཁྲིམས་ཀྱི་ཆ་རྐྱེན་འོག བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ལག་བསྟར་ཡོང་ཐབས་ཀྱི་བསམ་འཆར་ཡིག་ཆ་ཞིག་སྤྲད་ཡོད་ཅིང་། དེ་ལ་རྒྱ་ཕྱོགས་ནས་འཁྱོག་བཤད་བྱས་པ་རྣམས་གསེད་བཀྲོལ་སླད་འདི་ལོ་འབྲེལ་མོལ་དགུ་བའི་སྐབས་འགྲེལ་བརྗོད་ཅིག་སྤྲད་པ་བཅས་ཡིག་ཆ་དེ་དག་ད་ཆ་མང་ཚོགས་ཀྱི་མིག་ལམ་དུ་གྱུར་ཟིན།
ཞེས་གསུངས་པའི་འབྲེལ་མོ་དགུ་པའི་སྐབས་ཀྱི་འགྲེལ་བརྗོད་ཡིག་ཆ་དྲ་ལམ་རྒྱུད་ནས་ལྟ་ཐུབ་ཀྱིན་འདུག་གམ། དྲ་གྲོགས་སུ་ཡིས་ཤེས་ཚེ་ལམ་སྟོན་རེ་གནང་རོགས།
ཕྱག་ན་པདྨོའི་བྱིན་རླབས་བདུད་རྩིའི་རྒྱུན། །བདག་སོགས་སྙིང་གི་ཟུངས་སུ་རྟག་སྨིན་ཅིང་། །བཀའ་བཞིན་སྒྲུབ་པའི་མཆོད་པས་རབ་མཉེས་ནས། །ཀུན་བཟང་མཆོད་མཆོག་རྒྱ་མཚོར་མཐར་སོན་ཤོག །
ཅེས་རྒྱལ་བའི་ཡོངས་འཛིན་ལྷན་གཉིས་ཀྱིས་བརྩམས་པའི་གསུང་བྱིན་འདི་གངས་ཅན་བོད་རིགས་ཡོངས་ཀྱིས་སྔ་ནས་ད་བར་སེམས་གཏིང་ནས་སྨོན་ལམ་བཏབ་དང་འདེགས་བཞིན་མཆིས། ཐ་ན་འཆི་ལ་ཉེ་བའི་རྒས་པོ་རྒས་མོའི་ཅན་ཚོའི་སེམས་གཏིང་གི་རེ་བ་དང་སྨོན་ལམ་ཡང་འདི་ཉིད་ཁོ་ན་ཡིན་སྟབས་ང་ཚོས་གང་ཐུབ་ཀྱིས་༸ རྒྱལ་བའི་བཀའ་དགོངས་དང་མཐུན་པ་ཅི་ནས་ཀྱང་གནང་ཐུབ་པ་དགོས།
གོང་ས་མཆོག་གལ་ཆེའི་གསུང་འཕྲིན་བསྩལ་བ་ཐུགས་རྗེ་ཆེ་གནང།་གཞན་མ་གཏོགས་ཆབ་སྲིད་པ་དང་སྐབས་འཚོལ་རིང་ལུགས་པ་འགའ་ཤས་ཀྱིས་བོད་ཀྱི་ཞི་མོལ་དང་ཁྱེད་ཀྱི་དབུ་མའི་ལམ་གྱི་དགོངས་གཞི།་ཞི་མོལ་སྐོར་གྱི་ཡིག་ཆ་སོགས་གཏམ་འཆར་འདྲ་མིན་བཤད་ཀྱི་ཡོད་པ་མ་ཟད།་བཀའ་ཟུར་ལྷན་ལྷན་ཚོགས་ཟེར་བ་ལྟ་བུ་གི་གོ་སྐབས་ཟིན་ཏེ་བཀའ་ཤག་དང་གྲོས་ཚོགས།་མི་མང།་གོང་ས་མཆོག་བཅས་བར་བསྐྲུག་གཞི་ཆེན་པོ་ཞིག་བཟོ་དང་བཟོ་བཞིན་ཡོད་པས།་དེ་ཐེངས་ཀྱི་བཀའ་སློབ་དེ་གནད་ལ་ཁེལ་བ་ཞིག་གནང་འདུག་པས་ཐུགས་རྗེ་ཆེ་ཞུ་རྒྱུ་ཡིན།།
བཀུར་འོས་སྤྱི་འཐུས་རྣམས་ལྷན་འཛོམས་གནང་བ་འཚམས་ཞུ། ཁྱེད་རྣམས་ནས་བོད་མི་རིགས་ཀྱི་རྩ་དོན་གླེང་རྒྱུ་ལས་སྒེར་དོན་འཐེན་འཁྱེར་མི་གནང་བར་མཁྱེན།
ད་དུང་མཁྲེགས་འཛིན་དང་ཀླད་རྙིང་གི་འདུ་ཤེས་ཀྱང་དོར་ནས་༸རྒྱལ་བའི་བཀའ་དགོངས་བཞིན་བསྒྲུབ་རྒྱུ་ཐུགས་འཇགས་གནང་བར་མཛོད།
ནོར་བུ་རྒྱལ་མཚན
མཆན་འདི་ལ་རྒྱབ་སྐྱོར་ཡོད་ཡིན་ནའང་ཁྱེད་ཀྱི་སྐད་ཆའི་ཟུར་ཆད་འདུག་སྙམ་སོང་།
༧་གོང་ས་མཆོག་གི་གསུང་འཕྲིན་འདི་འཕྲོས་བཤད་ཡང་ཡང་བྱེད་དགོས་དོན་ཁྱེད་ཀྱི་བཤད་མི་འདུག
གསུང་འདིས་དམངས་ཚོགསཀྱི་མགོ་ནོན་སྤྱད་ཏུ་གསུང་བ་ཞིག་མ་རེད །
འདི་ཡིན་གཅིག་མིན་གཉིས་ཤེས་དགོས།
སྤྱི་མཐུན་ཚོ་ཡག་པོ་བྱེད་ནས་གཟིགས་དང་༧་གང་ས་སྐྱབས་མགོན་བསྟན་འཛིན་རྒྱ་མཚོ་ཐུགས་ཕམ་གྱི་ཚུལ་དུ་།
༼སྔོན་དུ་བརྗོད་ཟིན་ལྟར་ལྗིད་མཉམ་སྟངས་འཛིན་གྱི་སོ་མཚམས་དང་། རྟོན་བཞིའི་འཇུག་ལྡོག་མ་ནོར་བར་སྒེར་འཁོན་ཕྱོགས་འཐེན་སྤངས་ཏེ། གྲོས་ཚོགས་ཀྱི་ལས་དོན་བྱེད་ཕྱོགས་ཀྱི་གནས་ཚད་དང་སྤུས་ཀ་གོང་མཐོར་གཏོང་རྒྱུའི་ཀུན་སློང་དང་རྩོལ་བ་མི་ལྷོད་པ་དགོས་གལ་མཐོང་། འཛིན་སྐྱོང་དང་ཁྲིམས་ལུགས་དབང་འཛིན་གཉིས་ཀའི་འགན་ཁུར་ཞུ་ཡུལ་གྲོས་ཚོགས་ཡིན་སྟབས། གྲོས་ཚོགས་ཀྱང་མང་ཚོགས་ལ་འགན་ཁུར་འཕེར་ངེས་དགོས། ༽
གོང་སྨོས་རྣམས་གྲོས་ཚོགས་ཀྱི་སྤྱི་མོས་གྲོས་ཆོད་སྔ་རྗེས་ཀྱི་འབྲུ་དོན་ལྟར་ངོས་ནས་ལྷག་བསམ་ཟོལ་མེད་ཀྱིས་འབད་འབུང་བྱེད་ཁུལ་ཡང་། བསམ་འཆར་དང་འགྲེལ་བརྗོད་དེ་དག་གྲོས་ཚོགས་ནས་མོས་མཐུན་མ་བླངས་པའམ། གྲོས་ཚོགས་ལ་མ་བསྟན་པའི་ཡིག་ཆ་ཡིན་ཚུལ་དང་། ངོས་ཀྱི་བསམ་ཚུལ་མིན་ཚུལ་སོགས་ཀྱི་དོགས་གླེང་རིགས་ཡོང་གིན་ཡོད་ཚོད་འདུག་པས། རྩ་དོན་དང་འབྲེལ་བའི་གནད་དོན་འདི་རིགས་ཕྱི་གསལ་ནང་གསལ་མ་བྱུང་བར་མང་ཚོགས་སུ་ཐེ་ཚོམ་སྐྱེ་གཞིར་གནས་པས་ད་རེས་ཚོགས་དུས་འདིའི་རིང་བགྲོ་གླེང་མཐིལ་ཕྱིན་དང་། དེ་བཞིན་བཀའ་ཤག་དང་ངོས་ཀྱི་སྐུ་ཚབ་སྦྲེལ་པོ། གཞན་ཡང་འབྲེལ་ཡོད་ཅི་འོས་རྣམས་ལ་ཉན་ཞིབ་དོགས་འདྲི་འཁྲུན་ཆོད་བྱས་ཏེ་གསལ་བོ་བཟོ་དགོས། འབྱུང་འགྱུར་བྱེད་ཕྱོགས་གྲོས་ཚོགས་ཀྱི་བསམ་འཆར་དང་མངོན་འདོད་གསར་པ་ཡོད་ན་དེའི་སྤྱོར་དངོས་རྗེས་གསུམ་གྱི་ལས་རིམ་གསལ་སྟོན་བྱ་དགོས་པ་བཅས་ཡིད་འཇགས་བགྱིས།
གང་གསུངས་འདུག
སྔོན་ཆད་འགྱོད་སེམས་དང་ཕྱེ་ཆད་ལ་སྤང་བླང་དང་ཕན་ཚུལ་མཆམ་མཐུན་རྡོག་རྩ་གཅིག་སྒྲིལ་ག་འདྲ་བྱེད་དགོས་མན་ཐུགས་བསམ་ཡག་པོ་ཞེས་རོག་གནང་ལག་གཉིས་ཐར་མོ་གཟུང་ནས་ཞུས་གི་ཡོད།།
བརྟེན་འབྲེལ་ཞུ་རྒྱུ་དང་སྨོན་ལམ་འདེབས་རྒྱུ་འུ་ཚང་བོད་པའི་གོམས་གཤིས་རེད
། བདེན་ལུགས་བདར་ནས་བོད་མི་སུ་ཡི་ན་ནའང་བགྲོ་གླེང་བྱེད་རྒྱུ་ཧ་ཅིང་གལ་ཆེན་རེད་ མཆན་འདེབས་མཁན་འགས་ཁ་ཡག་རེ་བཤད་ནས་བུད་འགྲོ་གི་འདུག བོད་མིའི་སྐྱིད་སྡུག་ལ་དོ་ཁུར་མ་བྱསཔ་རེད
་
ཚོགས་འདུ་འདི་དོན་དང་ལྡན་པ་ཞིག་ཡོང་བ་ཞུ་རྒྱུ་རེ་བ་བྱེད་བཞིན་ཡོད།
གང་ཡིན་རེད་ན་ཞེས་
བཀུར་འོས་སྤྱི་འཐུས་རྣམ་པར་འཚམས་འདྲི་དང་བཅས།
བོད་མི་ས་ཡ་དྲུག་གི་ཆེད་དུ་འཛོམས་ཤིང་བོད་མི་ས་ཡ་དྲུག་གི་བདེ་སྡུག་གླེང་གིན།
རང་སྐྱིད་མི་སྨོན་ཡོང་བའི་རེ་བ་དང་སྨོན་ལམ་འདེབས་ཀྱིན་ཡོད།
ཡི་གེ་རྡགས་ནོར་སོང་། ཏེ་ལྟར་དུ་གཟིགས་རོགས་མཁྱེན
འཚོགས་འདུ་རྒྱལ་ཁས་ངང་གྲོལ་རྒྱུ་དང་འཇུ་ཆེནགྱི་སྐད་ཆ་གསུང་འདིས་བསེད་བཀྲོལ་བྱས་ཚར་བའི་སྐད་ཆ་ཞིག་མ་རེད
དྲྭ་གྲོགས་ཚོ་༧་གོང་ས་མཆོག་གི་གསུང་བདེན་ལུགས་འཛིན་གྱི་ཡིན་ནམ །
འཇུ་ཆེན་སྐད་ཆ་ཚད་མར་འཛིན་ཡིན །
གལ་སྲིད་འཇུ་ཆེན་གྱི་སྐད་ཆ་ཡོད་ཚད་རྫུན་མ་ཡིན་པ་ཡིན་ན་འདིས་ཐད་ལ་བསམ་བློ་ཞིག་མི་གཏོང་ཐབས་མེད །
སྤྱིར་བཙན་བྱོལ་བོད་གཞུང་གི་སྤྱི་མཐུས་རྣམས་ལ་བཟང་ཕྱོགས་མང་ཡང་དེ་དགོས་པ་རེད་ལ་བཟང་ཕྱོགས་ཇི་འདྲ་ཡོད་ཀྱང་བོད་རང་ལ་ཕན་པ་ལས་གནོད་པ་མེད།སྐྱོན་གང་ཡོད་དང་བྱེད་ཕྱོགས་མ་འགྲིག་པ་དེ་དག་གིས་བོད་མི་རིགས་ནང་ཁུལ་ལ་གནོད་པ་ཡོང་གི་ཡོད་པས་དགག་ཕྱོགས་ནས་སྐྱོན་ཐེར་འདོན་བྱེད་རྒྱུ་དེ་གལ་ཆེན་པོར་མཐུང་།སྤྱི་མཐུས་རྣམས་ནས་ཀྱང་སྤྱི་མཐུས་མི་རེ་ངོ་རེ་ནས་བོད་སྤྱི་པའི་ལས་དོན་ཐོག་མཐུས་ཤོར་འགྲོ་གི་ཡོད་མེད་ཞིབ་འཇུག་་ཡང་དག་ཞིག་བྱས་ནས་དོན་ངོ་བོ་གནས་ཚུལ་ལ་སྐྱོན་ཡོད་ཚེ་སྐྱོན་དེ་སེལ་ཐུབ་བྱས་ཏེ་ཡར་ཐོན་སྤྱི་ཚོགས་ཞིག་བསྐྲུན་རྒྱུ་རེ་བ་ལགས།
གངས་རི་ར་བས་སྐོར་བའི་ཞིང་ཁམས་སུ། །
ཕན་དང་བདེ་བ་མ་ལུས་འབྱུང་བའི་གནས། །
སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི། །
ཞབས་པད་སྲིད་མཐའི་བར་དུ་བརྟན་གྱུར་གཅིག །
ཚོགས་འདུ་འདི་རྒྱལ་ཁའི་ངང་མཇུག་གྲོལ་རྒྱུའི་རེ་བ་དང་ཡིད་ཆེས་ཡོད།
ཟབ་གསལ་གསུང་གི་བདུད་རྩི་བསྩལ་འདུག་སྐྱབས་སུ་མཆི། སྐུ་ངོ་འཇུ་ཆེན་གྱི་གསུངས་པའི་ཚིག་གི་དོག་གནད་ཀྱང་གསུང་ཕྲིན་འདིས་བཀྲོལ་འདུག
རྒྱ་ནག་ལ་སྤྲད་པའི་ཡིག་ཆ་སྤྱི་འཐུས་ཀྱི་ངོས་ལེན་མེད་པ་མ་སྲིད་སྤྱི་འཐུས་བསྟན་མེད་ཚུད་འཇུ་ཆེན་ལགས་ཀྱི་གསལ་པོར་གསུང་འདུག ༧་གོང་ས་མཆོག་གི་གསུང་འཕྲིན་ནང་དུ་སྤྱི་འཐུས་ཀྱིས་གྲོས་ཆོད་འབྲུ་དོན་ལྟར་ངོས་ནས་ལྷག་བསམ་ཟོལ་མེད་ཀྱི་འབད་འབུང་བྱེད་ཁུལ་ཡིན་ཞེས་གསལ་པོར་གསུང་འདུག་གལ་ཏེ་འཇུ་ཆེན་ལ་ཁུངས་ལྡན་གྱི་ཡིག་ཆ་དང་དཔུང་མི་སྟོན་གྱི་ཡོད་ན་སྟོན་རན་རེད གལ་སྲིད་མེད་ན་འཇུ་ཆེན་མི་དོགས་གཞི་ཅན་ཡིན་པ་ངང་ཀིས་སླེབས ། ཁར་སང་འཇུ་ཆེན་གྱི་རྒྱ་ནག་ལ་སྤྲད་པིའ་ཡིག་ཆ་སྤྱི་འཐུས་ལ་ངོས་ལེན་མེད་བཤད ། དེ་རིང་ཡང་བོད་མི་འཛིན་སྐྱོངས་གཅིག་ཡིན་དགོས་ཤེས་པའི་སྙན་ཐོ་ལ་ངོས་ལེན་མེད་ཟེར ། འཇུ་ཆེན་གྱི་དམིགས་ཡུལ་ངོ་མ་དེ་གང་ཡིན་ན
ཆོས་བརྒྱུད་སྤྱི་འཐུས་འདི་ཚོ་ད་ལྟ་དགོས་དོན་མི་འདུག་བསམ། འདི་ཚོའི་ལུས་ངག་ཡིད་གསུམ་གྱི་བྱ་སྤྱོད་འདིས་བོད་བརྒྱུད་ནང་བསྟན་གྱི་ཞབས་ནས་འདྲེན་བཞིན་པ་མ་ཟད། ༸གོང་ས་མཆོག་གིས་ཞབས་ནས་ཀྱང་འདྲེན་བཞིན་འདུག
སེམས་མ་བཏུལ་བའི་བརྟུལ་སྤྱོད་ཅན་གྱི་སྤྱི་འཐུས་རྣམས་་་་་་དགོངས་ཞུ་གནང་རོགས།
ཕལ་ཆེར་བཙན་བྱོལ་བོད་མིའི་བཀའ་བློན་ལྷན་རྒྱས་ལ་དཀའ་ངལ་ཞེ་དྲགས་ཡོད་ས་རེད། གོང་དུ་གསར་འགོད་པས་༼དཀའ་བློན་༽ ཞེས་བྲིས་འདུག ད་ཅི་ཤེས།
ང་ཚོས་དུས་ནམ་ཞིག་ལ་ཁོང་གི་དགོངས་པ་ཟབ་མོ་དེ་ལག་ལེན་དངོས་ནས་བྱེད་ཐུབ་བམ། ངོ་མ་ང་དོགས་པ་ཟ་གི ༼སྔོན་དུ་བརྗོད་ཟིན་ལྟར་ལྗིད་མཉམ་སྟངས་འཛིན་གྱི་སོ་མཚམས་དང་། རྟོན་བཞིའི་འཇུག་ལྡོག་མ་ནོར་བར་སྒེར་འཁོན་ཕྱོགས་འཐེན་སྤངས་ཏེ། གྲོས་ཚོགས་ཀྱི་ལས་དོན་བྱེད་ཕྱོགས་ཀྱི་གནས་ཚད་དང་སྤུས་ཀ་གོང་མཐོར་གཏོང་རྒྱུའི་ཀུན་སློང་དང་རྩོལ་བ་མི་ལྷོད་པ་དགོས་གལ་མཐོང་། འཛིན་སྐྱོང་དང་ཁྲིམས་ལུགས་དབང་འཛིན་གཉིས་ཀའི་འགན་ཁུར་ཞུ་ཡུལ་གྲོས་ཚོགས་ཡིན་སྟབས། གྲོས་ཚོགས་ཀྱང་མང་ཚོགས་ལ་འགན་ཁུར་འཕེར་ངེས་དགོས།༽
ཞེ་ས་མ་བྱས་ན་འདི་ནི་ང་ཚོའམ་གྲོས་ཚོགས་འཐུས་མི་རྣམས་ལ་ཁོང་གི་ཁོང་གི་སེམས་དམར་བོ་ལག་ཏུ་བཞག་པ་རེད། གཞན་བཀའ་ཤག་ལ་རྒྱབ་སྐྱོར་ཆེན་པོ་ཐོབ་འདུག་ཨ།