འདི་ལོའི་གསུམ་བཅུའི་དུས་དྲན་ཉིན་དང་སྟབས་བསྟུན་བོད་མི་མང་སྤྱི་འཐུས་ལྷན་ཚོགས་ཀྱིས་བཞེངས་སྐྲུན་གནང་བའི་རྒྱལ་གཅེས་དཔའ་བློའི་དྲན་རྟེན་རྡོ་རིང་དེ་ཉིད་ལེགས་འགྲུབ་བྱུང་སྟེ། བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་གིས་དབུ་འབྱེ
ད་གནང་ཡོད།
དྲན་རྟེན་རྡོ་རིང་དེ་ཉིད་སྐབས་བཅུ་བཞི་པའི་བོད་མི་དམངས་སྤྱི་འཐུས་ལྷན་ཚོགས་ཀྱི་གྲོས་ཚོགས་ཐེངས་བདུན་པའི་སྟེང་། བོད་ཆོལ་གསུམ་གྱི་དཔའ་བོ་དཔའ་མོ་རྣམས་ལ་སྤྱི་མོས་ཐོག་རྗེས་དྲན་རྡོ་རིང་ཞིག་བཞེང་རྒྱུའི་གྲོས་ཆོད་གཏན་འབེབས་གནང་བ་ལྟར།
ཐེག་ཆེན་ཆོས་གླིང་གཙུག་ལག་ཉེ་འཁོར་གྱི་བོད་ཀྱི་འགྲེམས་སྟོན་ཁང་གི་ཁ་གཏད་དུ་བཞེངས་ཡོད་པ་དང་། རྡོ་རིང་དེ་ནི་ ༡༩༤༩ ལོ་ནས་ད་ལྟའི་བར་རྒྱ་གཞུང་གིས་བོད་བཙན་འཛུལ་བྱས་ཏེ། བོད་མི་ཁྲི་ཕྲག་མང་པོ་རྐྱེན་འདས་དང་དམར་གསོད། ད་ལྟའི་ཆར་སྡུག་སྦྱོང་མནར་གཅོད་མྱངས་དང་མྱོང་བཞིན་པའི་དཔའ་བོ་དཔའ་མོ་རྣམས་ལ་རྗེས་དྲན་བྱ་ཆེད། སྐབས་བཅུ་བཞི་པའི་བོད་མི་དམངས་སྤྱི་འཐུས་ལྷན་ཚོགས་ཀྱི་གྲོས་ཚོགས་ཐེངས་བདུན་པའི་སྟེང་སྤྱི་མོས་ཐོག རྗེས་དྲན་རྡོ་རིང་ཞིག་བཞེང་རྒྱུའི་གྲོས་ཆོད་གཏན་འབེབས་གནང་སྐོར་རྗེས་དྲན་རྡོ་རིང་གོ་སྒྲིག་ཚོགས་ཆུང་གི་དྲུང་ཆེ་དང་བོ་མི་མང་སྤྱི་འཐུས་འབའ་བ་སྐལ་བཟང་རྒྱལ་མཚན་ལགས་ཀྱིས་འདི་གའི་གསར་འགོད་པའི་བཅར་འདྲི་དང་ལེན་སྐབས་སུ་གསུངས་ཡོད།
རྡོ་རིང་དེའི་ཇུས་འགོད་ནི་གཞུང་ཤེས་རིག་ལས་ཁུངས་ཀྱི་ལས་བྱེད་ངག་དབང་དགེ་ལེགས་ལགས་ཀྱིས་གནང་སྟེ། རྡོ་རིང་གི་མགོ་རུ་སའི་གོ་ལའི་མཚོན་བྱེད་རི་མོ་དང་མཉམ་དུ་བོད་ཀྱི་ས་ཁྲ་ཡོད་པའི་རི་མོ་དང་སྤྱིའི་རིང་ཚད་ལ་ཧྤེ་ཁྲི་ ༡༨ དང་། མ་གདན་ཆེ་ཤོས་ཀྱི་ཞེང་ཚད་ལ་ཧྤེ་ཁྲི་ ༤ ལྷགམགོ་རུ་ཧྤེ་ཁྲི་ ༢ ཡོད་པ་རེད། རྩེ་མོ་ཕྲ་ཞིང་རྩ་བ་སྤོམ་པའི་གཟུགས་དབྱིབས། དེའི་སྟེང་བོད་རྒྱ་དབྱིན་གསུམ་དང་དེ་མིན་ཧི
ན་ངྷིའི་ཡི་གེ་བཅས་ཡིག་རིགས་བཞིའི་ཐོག་ཆོལ་གསུམ་བོད་ཀྱི་རྒྱལ་གཅེས་དཔའ་བོ་དཔའ་མོའི་རྗེས་དྲན་རྡོ་རིང་ཞེས་བཀོད་ཡོད་འདུག
གཞན་ཡང་ཉིན་དེར་བོད་ཀྱི་འགྲེམ་སྟོན་ཁང་གི་ནང་ལོགས་སུ་རྒྱ་རིགས་མང་གཙོ་དོན་གཉེར་བ་ཁག་ཅིག་གིས། རྡོ་བརྐོས་རི་མོ་ཞིག་བཞེངས་སྐྲུན་ལེགས་སྒྲུབ་བྱུང་སྟེ། བོད་མི་མང་སྤྱི་འཐུས་གྲོས་ཚོགས་ཀྱི་ཚོགས་གཙོ་སྤེན་ཚེ་རིང་ལགས་ཀྱིས་དབུ་འབྱེད་གནང་ཡོད། རི་མོ་དེའི་མཚོན་དོན་ནི་བོད་མིའི་ཞི་བའི་འཐབ་རྩོད་དང་འཛམ་གླིང་ཞི་བདེ་སོགས་མཚོན་གྱི་ཡོད་སྐོར་ཚོགས་གཙོ་མཆོག་གིས་གསུངས་ཡོད།
ཆོལ་གསུམ་བོད་ཀྱི་དཔའ་བོ་དཔའ་མོའི་རྗེས་དྲན་རྡོ་རིང་ལེགས་གྲུབ་ཟིན་ནས་དབུ་འབྱེད་གནང་བར་དགའ་སྤྲོ་བརྟས། ངས་མཐོང་མྱོང་བའི་ལྷ་ལྡན་བོད་ཀྱི་རྡོ་རིང་དང་། རྒྱ་ནག་གི་རྡོ་རིང་སོགས་ཀྱི་མཚོན་མདོག་གཞི་དཀར་ལ་སྐྱ་བའི་ངོས་སུ་ཡི་གེའི་འབྲུ་སེར་པོ་ཅན་གྱི་རྡོ་རིང་ཤ་སྟག་ཡིན་པའི་མཇོང་སྣང་བྱུང་།
རྒྱ་གར་གྱི་རྒྱལ་ས་ལྡི་ལིར་ཡོད་པའི་རྡོ་རིང་གི་གཞི་མཚོན་མདོག་ནག་པོ་དང་ཡི་འབྲུ་སེར་པོའི་རྣམ་པ་ཅན་ཡིན་པའི་མཇོང་སྣང་བྱུང་། འོན་ཀྱང་ངས་བསམས་ན་རྒྱལ་གཅེས་དཔའ་བོ་དཔའ་མོའི་དྲན་རྟེན་རྡོ་རིང་གི་མཚོན་མདོག་དཀར་པོའམ་སྐྱ་ཤས་ཅན་ཞིག་དགོས་པའི་ཙོར་སྣང་ཕྲན་བུ་བྱུང་།
མཁྱེན་ལྡན་རྣམ་པས་དགོངས་དཔྱད་ཡོང་བ་ཞུ།
ཆོལ་གསུམ་བོད་ཀྱི་དཔའ་བོ་དཔའ་མོའི་རྗེས་དྲན་རྡོ་རིང་ལེགས་གྲུབ་ཟིན་ནས་དབུ་འབྱེད་གནང་བར་དགའ་སྤྲོ་བརྟས། ངས་མཐོང་མྱོང་བའི་ལྷ་ལྡན་བོད་ཀྱི་རྡོ་རིང་དང་། རྒྱ་ནག་གི་རྡོ་རིང་སོགས་ཀྱི་མཚོན་མདོག་གཞི་དཀར་ལ་སྐྱ་བའི་ངོས་སུ་ཡི་གེའི་འབྲུ་སེར་པོ་ཅན་གྱི་རྡོ་རིང་ཤ་སྟག་ཡིན་པའི་མཇོང་སྣང་བྱུང་།
རྒྱ་གར་གྱི་རྒྱལ་ས་ལྡི་ལིར་ཡོད་པའི་རྡོ་རིང་གི་གཞི་མཚོན་མདོག་ནག་པོ་དང་ཡི་འབྲུ་སེར་པོའི་རྣམ་པ་ཅན་ཡིན་པའི་མཇོང་སྣང་བྱུང་། འོན་ཀྱང་ངས་བསམས་ན་རྒྱལ་གཅེས་དཔའ་བོ་དཔའ་མོའི་དྲན་རྟེན་རྡོ་རིང་གི་མཚོན་མདོག་དཀར་པོའམ་སྐྱ་ཤས་ཅན་ཞིག་དགོས་པའི་ཙོར་སྣང་ཕྲན་བུ་བྱུང་།
མཁྱེན་ལྡན་རྣམ་པས་དགོངས་དཔྱད་ཡོང་བ་ཞུ།
རྗེས་དྲན་རྡོ་རིང་འདིས་འདས་དོན་ཡོད་ཚད་ཕྱིར་དྲན་བྱེད་དུ་བཅུག་ཡོད།
མི་ལོ་ལྔ་བཅུ་ལྔ་གཅིག་གི་སྡུག་བསྔལ་ཡོད་ཚད་རྡོ་རིང་འདིས་མདུན་དུ་འཕྱུང་ནས་རེ་སྒུག་ཞིག་ལ་ཡེད་ཆེས་འཁུམས་ཡོད
ཚར་བ་ཡིན་པས་ཡག་པོ་ཡོད་པའི་རེ་བ་ཡོད།ཆ་ཚང་བ་ཞིག་འཁོད་ཐུབ་ཡོད་པའི་སྨོན་ལམ་ཞུ།
རྡོ་རིང་བཞང་བ་ཡག་པོ་རེད།འོན་ཀྱང་བོད་མི་རིགས་གི་ཆེད་དུ་རང་སྲོག་ཤོར་བའི་བོད་ས་ཡོང་གི་མི་ཆ་ཚང་བ་ཞིག་གི་མིང་བཀོད་མ་ཐུབ་པ་ཡིན་ན་དེ་ལ་དོན་སྙིང་གང་ཡང་མཐོང་མ་སོང་།གང་ཡིན་ཟེར་ན་དྲང་མོར་ཆག་མེད་པའི་མ་བཞང་ན་ལགས།བསྐྲུག་ཤིང་ཞིག་དུ་འགྲོ་མི་སྲིད་པ་མ་རེད།བསམ་བློ་སྔོན་དུ་གཏོང་རོགས།
དུས་རྒྱུན་དུ་སྤྱི་འཐུས་རྣམ་པ་དང་བྱེས་བཞུགས་བོད་མི་དག་གིས་བོད་ནང་གི་རྒྱལ་གཅེས་དཔའ་བོ་ཕོ་མོ་རྣམས་དྲན་པ་གནང་རོགས་རྡོ་རིང་གཅིག་པུས་དྲན་པ་གལ་ཆེ་མིན།
རྡོ་རིང་དེ་ཙམ་རེད། བཟོ་རྩལ་དང་རྒྱུ་སྤུས་གང་ཐད་ནས་འདོད་པ་ཁེངས་པ་མི་འདུག
དེ་རིང་སྔ་དྲོ་<<མི་ལོ་ལྔ་བཅུའི་གནས་བབ་ལ་ཕྱིར་ལྟ།>>ཞེས་པའི་དཔེ་དེབ་གཅིག་ཀྱང་། སྤྱི་འཐུས་ཚོགས་གཙོས་དབུ་འབྱེད་གནང་ཡོད་འདུག
བོད་ཀྱི་རྒྱལ་གཅེས་དཔའ་བོ་དཔའ་མོ་རྣམས་ལ་རྗེས་དྲན་ཞུ། །
འཐབ་རྩོད་བྱེད་བཞིན་པའི་མིའི་དཔའ་ཉམས་དང་མཆོང་སྟོབས་སོགས་མངོན་པར་གསལ་བར་སྟོན་པའི་མི་གཟུགས་ཀྱི་རི་མོ་བཀོད་ཡོད་པ་རེད་དམ། གཟུགས་རིས་འཐབ་རྩོད་སྐབས་ཀྱི་མི་མང་གི་རྣམ་འགྱུར་གསོན་པོ་མིག་སྟོན་ཐུབ་པས་གསོན་ཉམས་དང་ཚོར་བ་རྣོ་ཆེ། འོག་གི་རི་མོ་འདི་ལ་གསོན་ཉམས་འདུག་པས་འདི་གང་དུ་ཡོད་རེད། འདི་རྡོ་རིང་རྨང་ཐེམས་རེད་དམ། འོག་གི་བཟོ་བཀོད་འདི་འདྲ་ཤེས་མེད་ཀྱི་སྤྱི་འཐུས་ཚོས་སེམས་ལ་དྲན་མི་ཐུབ་སྙམ།
འཐབ་རྩོད་བྱེད་བཞིན་པའི་མིའི་དཔའ་ཉམས་དང་མཆོང་སྟོབས་སོགས་མངོན་པར་གསལ་བར་སྟོན་པའི་མི་གཟུགས་ཀྱི་རི་མོ་བཀོད་ཡོད་པ་རེད་དམ། གཟུགས་རིས་འཐབ་རྩོད་སྐབས་ཀྱི་མི་མང་གི་རྣམ་འགྱུར་གསོན་པོ་མིག་སྟོན་ཐུབ་པས་གསོན་ཉམས་དང་ཚོར་བ་རྣོ་ཆེ། འོག་གི་རི་མོ་འདི་ལ་གསོན་ཉམས་འདུག་པས་འདི་གང་དུ་ཡོད་རེད། འདི་རྡོ་རིང་རྨང་ཐེམས་རེད་དམ། འོག་གི་བཟོ་བཀོད་འདི་འདྲ་ཤེས་མེད་ཀྱི་སྤྱི་འཐུས་སེམས་ལ་དྲན་མི་ཐུབ་སྙམ།