གསུམ་བཅུའི་དུས་དྲན་ཉིན་ཨ་རིའི་གྲོས་ཚོགས་ཀྱི་ཚོགས་གཙོ་ལྕམ་ནན་སེ་ཕེ་ལོ་སི་མཆོག་གིས་བོད་དོན་རྒྱབ་སྐྱོར་ཀྱི་གསུང་འཕྲིན་ཞིག་བསྩལ་ཡོད་འདུག
གསུམ་བཅུའི་དུས་དྲན་སྟེ་བོད་མིའི་རང་དབང་སྒེར་ལངས་ཀྱི་དུས་དྲན་ ༥༡ ཉིན་ཨ་རིའི་གྲོས་ཚོགས་ཀྱི་ཚོཊ་གཙོ་ལྕམ་ནན་སེ་ཕེ་ལོ་སི་མཆོག་གི་མཚན་ཐོག་ནས་གསུང་འཕྲིན་ཞིག་བསྩལ་ཡོད་པའི་ནང་བཀོད་དོན། དེ་རིང་གི་ཉིན་མོ་འདིར་བོད་ནང་རང་དབང་དང་ཞི་བདེའི་ཆེད་འཐབ་རྩོད་བྱས་ནས་ཚེ་སྲོག་ཤོར་བའི་དཔའ་པོ་དཔའ་མོ་ཚོར་རྗེས་དྲན་ཞུ་རྒྱུ་ཡིན་ཞེས་དང་། ད་བར་གྱི་མི་ལོ་ང་བཅུའི་རིང་བོད་མི་ཚོས་བོད་དང་རྒྱ་ནག་ཏུ་ཞི་བའི་ཐོག་ནས་མང་གཙོའི་བསྒྱུར་བཅོས་ཡོང་ཐབས་བྱས་པར་མ་ཟད། བོད་རྒྱ་གཉིས་ཀྱི་སྐུ་ཚབ་བར་ཡང་གྲོས་མོལ་རིམ་པར་གནང་ཡོད་ཀྱང་། དམིགས་བསལ་དོན་འབྲས་གང་ཡང་བྱུང་ཐུབ་མེད། གལ་སྲིད་རྒྱ་ནག་གཞུང་གིས་བོད་ནང་ཞི་བདེ་བརྟན་ལྷིང་དང་རྒྱ་ནག་རང་ཉིད་རྒྱལ་སྤྱིའི་ཐོག་ངོ་གནོང་མི་དགོས་པར་ཆེ་མཐོང་དགོས་ཀྱི་ཡོད་ན་དོན་དངོས་གཞིར་བཟུང་སྟེ་ཞི་འགྲིག་བྱ་རྒྱུ་གལ་ཆེན་ཡིན་ལུགས་བཀོད་ཡོད་འདུག ཁོང་གིས་མི་མཐུད་དུ་ད་བར་རྒྱ་ནག་གཞུང་གིས་བོད་མིའི་སེམས་པ་འགུག་རྒྱུའི་ཚབ་ཏུ་༧གོང་ས་མཆོག་དང་བོད་མི་མང་བར་འགལ་བ་བཟོ་རྒྱུའི་ལས་འགུལ་སྤེལ་ཡོད་ཀྱང་། བོད་མིའི་ཡིོད་ཆེས་དང་དད་གུས་ལ་ནམ་ཡང་འགྱུར་བ་མེད་པར་རྒྱ་ནག་གི་འདོད་ཚུལ་དང་ཐ་དད་དུ་གྱུར་བ་རེད། དེ་བས་རྒྱ་ནག་གིས་བོད་ནང་གི་འགྲོ་བ་མིའི་ཐོབ་ཐང་ལ་བརྩི་སྲུང་བྱ་རྒྱུའི་དུས་ལ་སླེབས་ཡོད་ཅེས་དང་། ཨ་རིའི་ངོས་ནས་༧ཏཱ་ལའི་བླ་མ་མཆོག་གིས་རྒྱལ་སྤྱི་དང་བོད་ནང་དུ་རང་དབང་འཐབ་རྩོད་གནང་བཞིན་པ་དེར་མི་མཐུད་ནས་རྒྱབ་སྐྱོར་བྱ་རྒྱུ་ཡིན་ལ། ཉེ་འཆར་སྲིད་འཛིན་ཨོ་བྷ་མ་མཆོག་གིས་༧གོང་ས་མཆོག་ལ་མཇལ་འཕྲད་གནང་བ་དེས་ཨ་རི་དང་བོད་མིའི་བར་གྱི་མཛའ་འབྲེལ་ཟབ་ཏུ་ཕྱིན་པ་རེད་ཅེས་དང་ཡང་ཁོང་གིས་ཨ་རིའི་ངོས་ནས་བོད་ནང་དུ་རང་སྲོག་བློས་བཏང་གནང་མཁན་རྣམས་ལ་རྗེས་དྲན་དང་ཕྱོགས་གཉིས་ཀྱི་འབྲེལ་མོལ་ཡར་རྒྱས་ཡོངས་ཐབས། བོད་མི་ཚོའི་འགྲོ་བ་མིའི་ཐོབ་ཐང་དང་རིག་གཞུང་སྲུང་སྐྱོབ་ཀྱི་འཐབ་རྩོད་བཅས་ལ་མུ་མཐུད་ནས་རྒྱབ་སྐྱོར་གནང་རྒྱུར་ནན་བརྗོད་བྱས་ཡོད་ཅེས་བཀོད་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ལྕམ་མཆོག་གི་ཁ་ཞེ་གཉིས་མེད་ཀྱི་བོད་དོན་ལ་ཐུག་འཁུར་གནང་བ་ཐུགས་རྗེ་ཆེ་ཞུ་བ་དང་ཁྱབ་ཅིག་ཏུ་ད་དོང་ཡང་མུ་མཐུན་ནས་རྒྱབ་སྐྱོར་གནང་ཐུབ་བ་རེ་བ་ཡོད་
རོགས་སྐྱོར་གནང་བ།
༄༄།། ད་ལམ་ཉག་ཕྲ་བའི་དུས་སྐབས་འདིར་རང་བྱུང་ཁོར་ཡུག་ལ་ས་ཡོམ་གྱི་གནོད་འཆེ༹་འོག། འཇ༹མ་གླིང་ཕྱོགས་གང་ས་དང་ལྷག་པར་དུ་རང་རིགས་བོད་ཀྱི་ཡུལ་ཤུལ་ས་ཁུལ་སྐྱེ་རྒུ་གྲོང་སྡེ་དང། རོང་པོ་ སྐར་མདའ་ འབྲོག་མདའ་ ཁྲུན་འདུ་ ནང་ཆེན་བཅས། ས་ཕྱོགས་གང་ས་ལ་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད་པར་བརྟེན། དཔལ་ལྡན་དགོན་ར་ཉག་ཕུན་ཆོ༹གས་ཐེག་ཆེན་གླིང་གི་ཁྲི་པ་སྐྱབས་རྗེ་ལྡན་མ་ཁམས་མགྱོགས་རིན་པོ་ཆེ་མཆོག། ས་ཡོམ་གྱི་རྐྱེན་ངན་བྱུང་བ་གསོན་མ་ཐག་མྱུར་དུ་ Taiwan ནས་མཁའ་ལམ་རྒྱུད་ཟིར་ལིང་ལ་ཕེབས། དེ་ནས་ཁོང་གི་ཐབས་ཤེས་རྒྱུད་དམིགས་གསལ་སྨན་པ་ཁ་ཤས་ཁྲིད་ནས་ཡུལ་ཤུལ་ས་ཁུལ་དུ་ཕེབས་འདུག་པ་མ་ཆ༹ད། ར་ཉག་དགོན་པའི་དགེ་འདུན་པ་ ༡༧༠ དང་ལྷན་དུ་མི་རྒྱུ་གཉིས་གི་ཐོག་རོགས་རིམ་རྒྱ་ཆེར་གནང་འདུག། ལྷག་པར་དུ་ར་ཉག་དགོན་པའི་དགེ་འདུན་པ་ཆོ༹འི་ས་འོག་ནས་བོད་རིགས་ཉིས་བརྒྱ་ལྷག་གི་ཆེ༹་སྲོག་སྐྱོབ་གནང་ཡིན་པ་རེད། སྤྱིར་གནས་ཆུ༹ལ་གོ་དོན་ལྟར་ན། ཁམས་མགྱོགས་རིན་པོ་ཆེ་དགོན་པ་གསར་པ་ཧ་ཅང་གི་ལེགས་གྲུབ་བྱུང་ཡོད་ཀྱང་ཡིན་ན་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད། འོན་ཀྱང་ཁོང་གིས་གནས་ཆུ༹ལ་དེ་དག་ལ་མ་གཟིགས་ནས་རང་རིགས་སྤུན་ཟླ་ཤུལ་ལུས་རྒྱ་ཆེར་མི་དམངས་ཡོངས་ཀྱི་ཆེད་དུ་དམིགས་སྟེ། ད་ལྟ་བར་དུ་འགྲོ་སོང་གཏོང་ཆོ༹ད་བྱས་ན། གྲོ་འབྲས་རྒྱ་མ་༡༢༠༠༠ ཅ༹མ་པ་རྒྱ་མ་༡༥༠༠ མར་རྒྱ་མ་༡༠༠༠ ཐུག་པ་ཤོག་སྒམ་༡༠༠༠ ཉལ་ཆས་༣༠༠༠ གྱོན་ཆས་༢༥༠༠ རས་གུར་༡༠༠ དེ་མིན་ཟས་རིགས་འདྲ་མིནདང་ ཉམ་ཐག་དབུལ་པོ་ཁྱིམ་ཆ༹ང་རེ་ལ་སྒོར་༣༠༠ གནང་ཡོད། བསྡོམས་པས་རྒྱ་སྒོར་ཁྲི་ ༢༡༥ ལྷག་གཏོང་ཟིན་ཀྱང་ད་དུང་ཡོང་མི་མཐུད་ནས་གནང་རྩིས་ཡིན་འདུག། དེ་ཡང་མ་ཆ༹ད་རིན་པོ་ཆེ་ཁོང་གིས་ཤུལ་ལུས་ཡོངས་ཀྱི་ཆེད་དུ་དམིགས་ནས་ཕྱི་རྒྱལ་ཡུལ་གྲུ་དང་རྒྱ་ནང་གི་ཆོ༹གས་པ་ཁག་སོ་སོ་ལ་རོགས་རིམ་འབོད་བསྐུལ་གནང་འཆར་ཡིན་འདུག་པ་མ་ཆ༹ད་ཁོང་གིས་གསར་འཇུ༹གས་གནང་བ་སྨོན་ལམ་ཆོ༹གས་ཆུང་རྒྱུད། ཆེ༹་འདས་ཡོངས་ཀྱི་ཆེད་དུ་ཉིན་ལྟར་སྐྱབས་གནས་འཕགས་པའི་དགེ་འདུན་པ་རྣམས་ཀྱི་བསྔོ་བ་སྨོན་ལམ་དང་མི་དམངས་བརྒྱ་ཕྲག་དུ་མ་ནས་འཕགས་མཆོག་སྤྱན་རས་གཟིགས་ཀྱི་གཟུངས་སྔགས་འབུམ་ཆོ༹གས་ཆོ༹གས་ཀྱི་ཡོད་རེད་ཟེར། གོང་གི་གནས་ཆུ༹ལ་དེ་དག་ས་གནས་དགོན་པའི་གྲ་བློ་བཟང་གི་གསུང་པ་ལྟར་བྲིས་ཡིན། སྤྱིར་གསར་འགྱུར་རྒྱུད་ལམ་ཁག་ནས་གནས་ཆུ༹ལ་སྤེལ་བ་ལྟར་ན། རང་ཡུལ་གངས་ཅན་ལྗོངས་ནས་ཆོལ་ཁ་སོ་སོ་དགོན་སྡེ་ཁག་དང་བླ་ཆེན་རྣམ་པ་གཅོ༹ས་རང་རིགས་བོད་ཀྱི་ཡུལ་ཤུལ་ས་ཁུལ་ལ་རོགས་རིམ་རྒྱ་ཆེར་གནང་ཡོད་པ་མ་ཆ༹ད། ཕྱི་རྒྱལ་ཡུལ་གྲུ་ཁག་སོ་སོ་དང་ སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་དབུས་རིས་མིན་བླ་ཆེན་རྣམ་པ་དང་དགོན་སྡེ་ཡོངས་ཀྱི་རོགས་རིམ་གནང་ཡོད་པས་འདིར་མ་བྲིས་སོ།།
དེ་རིང་ནས་ལྕམ་ནན་སེ་ཕེ་ལོ་སི་མཆོག་ལ་བོད་ཀྱི་ཨ་མ་ཞེས་འབོད་རྒྱུ་ཡིན
དེང་གི་བོད་དང་འབྲེལ་བའི་རྒྱ་གཞུང་ལས་བྱེད་ཚོས། ལྕམ་སྐུ་ནེན་སི་པོལ་སི་མཆོག་གིས། ་་་་གལ་སྲིད་རྒྱ་ནག་གཞུང་གིས་བོད་ནང་ཞི་བདེ་བརྟན་ལྷིང་དང་རྒྱ་ནག་རང་ཉིད་རྒྱལ་སྤྱིའི་ཐོག་ངོ་གནོང་མི་དགོས་པར་ཆེ་མཐོང་དགོས་ཀྱི་ཡོད་ན་་་་་་་་་ ཅེས་སོགས་རྣོ་ངར་ཅན་གྱི་གསུང་བཤད་ལ་སློབ་སྦྱོང་དང་ལག་ལེན་གང་མགྱོགས་ཡོང་བར་ཐུགས་རྗེས་གཟིགས།
ཨ་རིའི་གཞུང་དགེར་གཉིས་ཀྱི་ངོས་ནས་བཙན་བྱོལ་བོད་མི་རྣམས་ལ་བརྩེ་གཟིགས་བྱམས་སྐྱོང་གང་མང་ཞིག་བྱས་ཡོད། འོན་ཀྱང་རྒྱ་ནག་གིས་དེ་ལ་ཕྲག་དོགས་དང་ཟུར་ཟ་གང་མང་བྱས་དང་བྱེད་བཞིན་པ་རེད། མ་ཟད་ནམ་རྒྱུན་བོད་དུའང་ཨ་རིའི་གཡོ་རྒྱུ་དང་ངན་བློ་རྣ་ཚོགས་བྱེད་དང་བྱེད་བཞིན་ཡོད་ཚུལ་གྱི་སློབ་གསོ་བརྒྱབ་བཞིན་ཡོད་ལ། དེའི་ཤུགས་སྐྱེན་ལྟ་བུ་ཞིག་བོད་མི་བཙན་བྱོལ་བའི་ནས་ལའང་ཐེབས་ནས་མི་འགའ་རེ་ཨ་རི་ལ་སྐྱོན་རྣ་ཚོགས་བརྗོད་ཁུལ་བྱེད་པ་ཐོས་སོང་། གང་ལྟར་ཡང་གནལ་ལུགས་ལ་ཚུལ་བཞིན་དཔྱོད་པའི་ཤེས་རབ་ཡག་པོ་ཞིག་ཡོད་པ་གལ་ཆེ།
ངོ་མ་སེམས་དགའ་ནི་ཞིག་རེད་
བཀའ་དྲིན་ཆེ
ནན་སི་ལཊ། བཀའ་དྲིན་ཆེ་ཞུ།
ལྕམ་ནན་སེ་ཕོ་ལོ་སི་མཆོག་ལ་ཐུགས་རྗེ་ཆེ་ཞུ།
ལྕམ་ནན་སེ་ཕེ་ལོ་སི་མཆོག་ལ་སྙིང་ཐེག་པ་ནས་ཐུགས་རྗེ་ཆེ་ཞུ།མའོང་བར་བོད་མའི་རང་དབང་ཆེད་རྒྱབ་སྐྱོར་རེ་ཕྱོགས་གང་ཐད་ནས་བྱེད་རྒྱུ་རེ་བ་ལགས།
བཀའ་དྲིན་ཅན་མ་སྙིང་ཀི་རིས་པ་དེས་ཁྱེདལ་ཐུགས་རྗེ་ཆེད་ཞུ ། དྲང་བདེན་ལ་རོགས་འདེགས་བྱེད་ཀྱི་ནི་ཉམས་ཆུང་སྐྱིད་སྡུག་གི་གནས་ཚུལ་་ལ་གཏིང་ཟབ་ས་མཁྱེན་རྟོགས་ཡོད་པའི་རྟགས་རེད །
ཚེ་རབས་འདི་དང་ཚེ་རབས་གཞན་དག་ཏུ་དྲིན་ཅན་མ་དེ་ལ་དྲིན་ལན་གསོ་བའི་ཉི་མ་ཞིག་བྱུང་ན། ལུས་དང་སྲོག་གིས་ཀྱང་དྲིན་ཅན་མ་དེའི་དྲིན་ལན་གྱི་ཆ་ཤས་རེ་གསོ་ཐུབ་པའི་སྨོན་ལམ་འདེབས། དྲིན་ཅན་མ་འདིའི་སྐུ་དྲིན་བསྐལ་བརྒྱའི་བར་ཏུ་གཞལ་ཐབས་བྲལ།
ལྷ་ལྕ་ལགས་ཁྱེད་སྐུ་ཚེ་ཡིན་རིང་འཚོ་བའི་སྨོན་ལམ་འདེབས།