མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

༧གོང་ས་མཆོག་ལ་གཡུ་ཐོག་གཟེངས་རྟགས་ཕུལ་བ།

བོད་ཀྱི་དུས་བབ།
༠༣/༡༥/༢༠༡༠
Share on FacebookShare on TwitterShare on EmailShare on Whatsapp

༡༩༥༩ ལོ་ནས་བཟུང་བོད་རྒྱ་ལག་ཏུ་ཤོར་ཏེ་བོད་ཀྱི་ཆོས་དང་བསྟན་པ་ཆབ་སྲིད་བཅས་ལ་ཉམ་ཉེས་ཆེན་པོ་བྱུང་སྐབས། བོད་ཀྱི་གསོ་བ་རིག་པའང་དེ་ལྟར་ཉམ་ཉེས་ཤུགས་ཆེར་བྱུང་ཡོད་ཀྱང་། བཙན་བྱོལ་ནང་༧གོང་ས་མཆོག་གི་ཐུགས་རྗེ་བཀའ་དྲིན་འོག་བོད་ཀྱི་གསོ་བ་རིག་པ་བསྐྱར་དར་བྱུང་བར་མ་ཟད། དེང་སྐབས་འཛམ་གླིང་ནང་བོད་ཀྱི་གསོ་བ་རིག་པ་ཞེས་རླབས་ཆེན་གྱི་གསོ་བ་རིག་པ་ཞིག་ཆགས་ཐུབ་ཡོད་པར་བརྟེན་རྩོད་མེད་ཐོག་གཡུ་ཐོག་གཟེངས་རྟགས་དེ་༧གོང་ས་མཆོག་ལ་ཕུལ་ཡོད་འདུག

ཕྱི་ཚེས་ ༡༥ ནས་ ༡༧ བར་ཉིན་གསུམ་རིང་བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ཚོགས་ཀྱི་ཚོགས་ཆེན་ཐེངས་གཉིས་པ་དེ་བཞུགས་ངྷ་ས་བོད་གཞུང་སྨན་རྩིས་ཁང་དུ་འཚོགས་ཀྱིན་ཡོད་པ་དང་། ཚེས་ ༡༥ ཉིན་གྱི་མཛད་སྒོའི་སྐུ་མགྲོན་དུ་བོད་གཞུང་འཕྲོད་བསྟེན་བཀའ་བློན་དང་བོད་ཀྱི་གསོ་བ་རིག་པའི་སྨན་པའི་ལྷན་ཚོགས་ཀྱི་སློབ་སྟོན་པ་སྨན་པ་ཟླ་བ་རྣམ་གཉིས་ཕེབས་ཡོད། ཐེངས་འདིའི་ཚོགས་འདུའི་སྟེང་དབུས་ས་གཉིས་ཀྱི་སྨན་པ་བརྒྱ་ལྷག་མཉམ་འཛོམས་ཀྱིས་བོད་ཀྱི་གསོ་བ་རིག་པ་མུ་མཐུད་ཡར་རྒྱས་དང་གོང་འཕེལ་གཏོང་ཕྱོགས་ཐད་བགྲོ་གླེང་གནང་རྒྱུ་ཡིན་འདུག

མཛད་སྒོའི་སྟེང་༧གོང་ས་མཆོག་དང་ཁོང་གི་བླ་སྨན་ཞིང་གཤེགས་སྨན་པ་བསྟན་འཛིན་ཆོས་གྲགས་ལགས་རྣམ་གཉིས་སུ། གཡུ་ཐོག་གཟེངས་རྟགས་ཞེས་བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ཚོགས་ཀྱི་གཟེངས་རྟགས་དང་ཕྱག་འཁྱེར་ཐེངས་དང་པོ་དེ་གནང་ཡོད་ཅིང་། གཡུ་ཐོག་གཟེངས་རྟགས་དང་པོ་དེ་༧གོང་ས་མཆོག་ལ་འབུལ་དོན་ནི། ༡༩༥༩ ལོ་ནས་བཟུང་བོད་རྒྱ་ལག་ཏུ་ཤོར་ཏེ་བོད་ཀྱི་ཆོས་དང་བསྟན་པ་ཆབ་སྲིད་བཅས་ལ་ཉམ་ཉེས་ཆེན་པོ་བྱུང་སྐབས། བོད་ཀྱི་གསོ་བ་རིག་པའང་དེ་ལྟར་ཉམ་ཉེས་ཤུགས་ཆེར་བྱུང་ཡོད་ཀྱང་། བཙན་བྱོལ་ནང་༧གོང་ས་མཆོག་གི་ཐུགས་རྗེའི་བཀའ་དྲིན་འོག་བོད་ཀྱི་གསོ་བ་རིག་པ་བསྐྱར་དར་བྱུང་བར་མ་ཟད། དེང་སྐབས་འཛམ་གླིང་ནང་བོད་ཀྱི་གསོ་བ་རིག་པ་ཞེས་རླབས་ཆེན་གྱི་གསོ་བ་རིག་པ་ཞིག་ཆགས་ཐུབ་ཡོད་པར་བརྟེན་རྩོད་མེད་ཐོག་༧གོང་ས་མཆོག་ལ་ཕུལ་བ་དང་། གཟེངས་རྟགས་གཉིས་པ་དེ་བོད་ཀྱི་གསོ་བ་རིག་པའི་ཐོག་ཏུ་གཞུང་ལུགས་དང་ལག་ལེན། སྨན་ཕྱོགས་དང་སྨན་པའི་ལག་ལེན་དངོས་ཀྱི་ཁྲོད་གཟེངས་སུ་ཐོན་པའི་མཛད་རྗེས་འཇོག་མཁན་སྐུའི་བླ་སྨན་ཞིང་གཤེགས་བསྟན་འཛིན་ཆོས་གྲགས་ལགས་སུ་ཕུལ་བ་ཡིན་འདུག

སྐུ་མགྲོན་གཙོ་བོ་འཕྲོད་བསྟེན་བཀའ་བློན་དཔལ་འབྱོར་ཚེ་རིང་ལགས་ཀྱིས་གཡུ་ཐོག་གཟེངས་རྟགས་༧གོང་ས་མཆོག་དང་ཞིང་གཤེགས་བླ་སྨན་རྣམ་གཉིས་ལ་ཕུལ་བའི་སྐོར་ནས་གསུངས་དོན། རྣམ་པ་ཚོས་དེ་ལྟ་བུའི་དགོངས་པ་བཞེས་ཐུབ་པ་དང་༧གོང་ས་མཆོག་གི་བཀའ་དྲིན་གསབ་ཆེད་མེ་ཏོག་ཆུང་ཡང་ལྷ་རྫེས་ཞེས་པའི་དཔེ་ལྟར། ཐེངས་འདིའི་གཡུ་ཐོག་གཟེངས་རྟགས་ཐེངས་དང་པོ་༧གོང་ས་མཆོག་ལ་ཕུལ་བ་ནི་རྗེས་སུ་ཡི་རངས་བྱ་ཡུལ་དང་རྣམ་པ་ཚོ་ཡིན་ནའང་སྐལ་བ་བཟང་བོ་རེད་ཅེས་དང་། དེ་བཞིན་ཞིང་གཤེགས་དམ་པ་སྐུའི་བླ་སྨན་བསྟན་འཛིན་ཆོས་གྲགས་ལགས་ལ་མཚོན་ནའང་། དགྲ་བོའི་བཙན་གནོན་མནར་གཅོད་ཀྱི་དོ་དམ་བཙོན་འཇུག་འོག་གནས་པའི་སྐབས་སུའང་། བོད་སྨན་གྱི་ནུས་པའི་ཁྱད་ཆོས་དང་སྨན་པ་ཚོའི་ཐུགས་ཀྱི་བྱམས་བརྩེའི་ནུས་སྟོབས་ག་ཚོད་ཡོད་མེད་ཀྱི་དཔེ་མཚོན་སྟོན་ཐུབ་མཁན་གྱི་སྐྱེས་བུ་དམ་པ་ཞིག་ཆགས་ཡོད་པར་བརྟེན། གཟེངས་རྟགས་ཕུལ་བ་དེ་འོས་ཤིང་འཚམ་པས་དེ་ལ་བསྔགས་བརྗོད་ཞུ་རྒྱུ་ཡིན་ཞེས་གསུངས་ཡོད།
དེ་མིན་ཉིན་གསུམ་རིང་བགྲོ་གླེང་གནང་སྐབས་བོད་ཀྱི་གསོ་བ་རིག་པའི་བསྟན་པ་ཇི་ལྟར་ཡར་རྒྱས་གོང་འཕེལ་དུ་གཏོང་བ་དང་། བོད་ཀྱི་གསོ་བ་རིག་པའི་ལམ་ནས་སྐྱེ་འགྲོ་སྤྱི་ལ་གང་འདྲ་བྱས་ཏེ་ཕན་ཐོགས་འདོན་པ། གསོ་བ་རིག་པའི་ལམ་ནས་བོད་ཀྱི་ཆོས་དང་རིག་གཞུང་། ལྷག་པར་དུ་གསོ་བ་རིག་པའི་ཐུན་མོང་མ་ཡིན་པའི་དགེ་མཚན་དང་དེ་འཛམ་གླིང་ནང་ཇི་ལྟར་ཁྱབ་བརྡལ་དུ་གཏོང་མིན་ཐད་བགྲོ་གླེང་དགོས་པ་གལ་ཆེན་པོ་རེད། ང་རང་ཉིད་ལྟ་བུར་མཚོན་ན་དུས་ཡུན་རིང་བོར་བོད་སྨན་ལ་བསྟེན་ཏེ་གཟུགས་པོའི་གནས་བབ་བདེ་ཐང་ཡོང་བའི་ཡིད་ཆེས་འཕེར་ཐུབ་པ་བྱུང་ཡོད། དེས་ང་དང་ང་ལྟ་བུའི་ནད་ཀྱིས་མནར་བའི་གང་ཟག་དེ་ཚོར་ཕན་ཐོགས་ཡོང་གི་ཡོད་པ་ར་འཕྲོད་ཡོད། དེ་ནི་སྨན་རྩིས་ཁང་གིས་འགྲེལ་བརྗོད་གནང་བ་ལྟར་བརྟག་དཔྱད་དང་སྨན་བཅོས་དེ་རང་ལུགས་ཐུན་མོང་མ་ཡིན་པའི་ཐོག་ནས་གནང་དགོས་པ་དང་། བརྟག་དཔྱད་དང་སྨན་བཅོས་ཀྱི་འབྲས་བུ་དེ་དེང་དུས་ཀྱི་ཚན་རིག་ལམ་ནས་རང་མགོ་ཐོན་པ་ཞིག་ཡོང་རྒྱུར་དགོངས་པ་བཞེས་དགོས་པ་མ་ཟད། ཆེས་མཐོའི་སྨན་པའི་ལྷན་ཚོགས་དང་སྨན་རྩིས་ཁང་ཐུན་མོང་ཐོག རྒྱ་གར་དང་འཛམ་གླིང་གཞན་དག་གང་ཡིན་རུང་ཚན་རིག་དང་འབྲེལ་བའི་སློབ་གཉེར་སྡེ་ཚན་ཁག་ལ་འབྲེལ་བ་གནང་སྟེ། ཉམས་ཞིབ་ཀྱི་ལམ་ནས་བོད་སྨན་གྱི་ནུས་པ་ར་སྤྲོད་ཐུབ་པའི་ཕྱོགས་ལ་ནུས་པ་འདོན་ཐུབ་ཚེ།  བོད་ཀྱི་གསོ་བ་རིག་པ་ཙམ་མ་ཡིན་པར་གཉན་ཕྲེང་གི་གནས་སུ་ཡོད་པའི་ད་ལྟའི་བོད་མི་རིགས་ལ་བྱས་རྗེས་རླབས་ཆེན་པོ་ཞིག་འཇོག་ཐུབ་ཀྱི་རེད། གང་ཡིན་ཟེར་ན་ཐུན་མོང་མ་ཡིན་པའི་བོད་ཀྱི་ཆོས་དང་རིག་གཞུང་དག་ཉམ་རྒུད་དང་ཛ་དྲག་གི་གནས་སྟངས་དེར། ང་ཚོ་ཐུན་མོང་མ་ཡིན་པའི་རིག་གཞུང་གི་གལ་ཆེས་ཤོས་ཤིག་གསོ་བ་རིག་པའི་ལམ་ནས་འཛམ་གླིང་ནང་ཞབས་འདེགས་སྒྲུབ་ཐུབ་པ་དང་ཆ་རྐྱེན་དང་ནུས་པ་ཡོད་པ་ཞིག ཚན་རིག་གི་ལམ་ནས་ཁུངས་སྐྱེལ་ཐུབ་ཀྱི་ཡོད་ན་བོད་མི་རིགས་ཀྱི་རིག་གཞུང་དང་ཁྱད་ཆོས་སྲུང་སྐྱོབ་བྱ་རྒྱུར་རྒྱབ་སྐྱོར་དང་ནུས་ཤུགས་ཚད་མཐོ་རུ་ཕྱིན་ཡོད་ཅེས་གསུངས་ཡོད།

བོད་ཀྱི་གསོ་བ་རིག་པའི་སྨན་པའི་ལྷན་ཚོགས་ཀྱི་ཚོགས་གཙོ་རྡོ་རྗེ་རབ་བརྟན་ལགས་ཀྱིས། ༡༩༦༡ ལོར་༧གོང་ས་མཆོག་གིས་བོད་གཞུང་སྨན་རྩིས་ཁང་དབུ་བཙུགས་ཏེ། བོད་ཀྱི་གསོ་བ་རིག་པའི་བསྟན་པའི་མེ་རོ་དེ་རྨང་ནས་གསོས་སྟབས། དེང་སྐབས་ལྟ་བུར་ཆ་བཞག་ན་བོད་ཀྱི་བ་གསོ་བ་རིག་པ་ཟེར་དུས། འཛམ་གླིང་ནང་གསོ་བ་རིག་པའི་ལུགས་སྲོལ་མང་ཐག་ཆོད་ཅིག་ཡོད་པའི་ནང་དུ་ཚང་མས་དགའ་མོས་བྱེད་པ་དང་ཐུན་མོང་མ་ཡིན་པའི་ཁྱད་ཆོས་མང་དག་ཅིག་འཛོམས་པའི་རིག་པའི་གཞུང་ལུགས་ཤིག་ཆགས་བསྡད་ཡོད། དེ་ནི་གཅིག་ནས་༧གོང་ས་མཆོག་གི་རླབས་ཆེན་ཐུགས་བཞེད་ཀྱི་བཀའ་དྲིན་ཡིན་པ་དང་། གཉིས་ནས་སྨན་པ་རྣམས་དང་འཛིན་སྐྱོང་གིས་སྐུ་ངལ་བསྐྱོན་པའི་དབང་གིས་རེད། དེར་བརྟེན་དེང་སྐབས་བོད་ཀྱི་སྨན་དེ་འཛམ་གླིང་སྟེང་། དངོས་གནས་དྲང་གནས་སྤོབས་པ་མཐོན་པོ་བྱེད་ཆོག་པ་ཞིག་ཆགས་ཡོད་པ་དང་། སྨན་པ་ཚོ་ཡིན་ནའང་ང་བོད་ཀྱི་སྨན་པ་ཡིན་ཟེར་དུས་ངོམ་རྒྱུ་ཡོད་པ་དང་དགའ་སྤོབས་སྐྱེ་དགོས་པ་ཞིག་ཆགས་ཡོད།
ཡིན་ནའང་། ང་ཚོ་བོད་ཀྱི་གསོ་བ་རིག་པའི་སྨན་གཞུང་དེ་ཐུན་མོང་མ་ཡིན་པའི་ཁྱད་ཆོས་འཛོམས་བསྡད་པ་ཞིག་ཡིན་ནའང་། བོད་ཀྱི་གསོ་བ་རིག་པ་ཟེར་དུས་སྨན་གྱི་ཡན་ལག་དང་ཁོ་ལག་ཆ་ཚང་འཛོམས་བསྡད་པའི་རིག་པའི་གཞུང་ལུགས་ཤིག་ཆགས་བསྡད་ཡོད་སྟབས། རིག་པའི་གཞུང་ལུགས་དེ་ང་ཚོ་རྒྱུད་འཛིན་སྨན་པ་ཚོས་གང་འདྲ་བྱས་ཏེ་དར་རྒྱས་གོང་འཕེལ་དུ་གཏོང་བ་དང་། ང་ཚོས་ད་ལྟའི་བར་དུ་ཞབས་འདེགས་ག་ཚོད་ཅིག་བྱས་ཡོད་པ་རེད། དེ་གསོ་བ་རིག་པའི་ལྟ་གྲུབ་ངོས་ནས་ཡང་དག་པ་ཞིག་གང་འདྲ་བྱས་ཏེ་ཆགས་ཡོད་པ་དང་། གསོ་བ་རིག་པའི་གཞུང་དེ་དེང་དུས་ཀྱི་སྨན་གྱི་ཚན་རིག་གི་ Medical Science རིག་པའི་གཞུང་ལུགས་འདྲ་མཉམ་ཡིན་པའི་སྨན་གྱི་གཞུང་ལུགས་གང་འདྲ་ཞིག་ཆགས་ཀྱི་ཡོད་མེད་དེ་ང་ཚོས་་གང་འདྲ་བྱས་ཏེ་སྒྲུབ་ཐུབ་ཀྱིན་འདུག ཟས་དང་སྤྱོད་ལམ་ཐོག་ནས་ཐུན་མོང་མ་ཡིན་པའི་ཁྱད་ཆོས་གང་འདྲ་བྱས་ཏེ་སྒྲུབ་ཐུབ་ཀྱི་འདུག དེ་ཤེས་དགོས་པ་གལ་ཆེན་པོ་རེད།

ཉེ་ཆར་སྨན་པའི་ལྷན་ཚོགས་ངོས་ནས་བོད་སྨན་གྱིས་འཛམ་གླིང་རྒྱལ་སྤྱིའི་མི་མང་ལ་ནད་ཚ་གང་འདྲ་ཞིག་ཡིན་རུང་ཞབས་འདེགས་ཀྱི་ནུས་པ་འདོན་ཐུབ་པ་དང་། དེ་ཡང་དེང་དུས་ཀྱི་ཚན་རིག་དང་མཐུན་པའི་ཐོག་ནས་ཞབས་འདེགས་སྒྲུབ་ཐུབ་ཀྱི་ཡོད་ཅེས་འགྲེལ་བརྗོད་བྱས་པ་དང་། དངོས་སུ་ནད་པའི་རྩར་བརྟག་དཔྱད་དང་སྨན་བཅོས་བྱས་པ་ཡིན་ལ། སྐབས་དེར་ང་ཚོས་ཟས་བཅུད་སྐོར་གྱི་སློབ་ཚན་ཁྲིད་པས་རེ་ཟུང་གི་དྲི་བ་གཏོང་གི་འདུག དཔེར་ན། ཟས་ཟེར་བ་དེ་ས་གནས་སོ་སོའི་ཟས་མི་འདྲ་བ་དང་ནུབ་ཕྱོགས་རྒྱལ་ཁབ་ལྟ་བུར་མཚོན་ན་ཡུལ་དེའི་ཐོན་ཁོངས་ལྟར་ཟས་སྣ་མི་འདྲ་བ་མང་བོ་ཡོད་པ་དང་། ཉི་ཧོང་ལྟ་བུར་མཚོན་ནའང་ཉི་ཧོང་གི་ཟས་རིགས་དེ་གཞན་དང་མི་འདྲ་བ་སྣ་ཚོགས་ཤིག་ཡོད་པ་རེད། དེ་བཞིན་དུ་ཁྱེད་ཚོ་བོད་མི་ཚོར་མཚོན་ནའང་ས་མཐོན་པོ་དང་རི་མཐོན་པོའི་སྟེང་དུ་སྡོད་མཁན་ཚོར། ཁྱོད་ཚོ་རང་ཉིད་ཀྱི་ཟས་མི་འདྲ་བ་ཡོད་སྟབས། ཁྱེད་ཚོའི་ཟས་དེ་ཉི་ཧོང་མི་མང་དང་འཛམ་གླིང་མི་མང་ལ་སློབ་སྦྱོང་སྤྲད་ན་ཏག་ཏག་འདུག་གི་རེད་དམ་ཞེས་དྲི་བ་གཏོང་གི་འདུག ཡིན་ནའང་། ཟས་དང་སྤྱོད་ལམ་དེ་ང་ཚོས་རིག་པའི་གཞུང་ལུགས་ཐོག་ནས་སྒྲུབ་སྟངས་དེ་ཡུལ་ལུང་སོ་སོ་དང་མི་རིགས་སོ་སོར་བསྒྲུབས་བཞག་པ་དེ་འདྲ་གང་ཡང་མིན་པར། དེ་དཔེ་འཇོག་ས་འབྱུང་བ་བཞི་ལ་དཔེ་བཞག་སྟེ། ལུས་ཀྱི་འབྱུང་བ་ལྔ་དང་དེ་ལ་བརྟེན་པའི་རོ་དྲུག དེ་ལ་བརྟེན་པའི་ནུས་པ་བརྒྱད། དེ་ལ་བརྟེན་པའི་ཡོན་ཏན་བཅུ་བདུན་ཟེར་དུས་དངོས་གནས་དྲང་གནས་རིག་པའི་གཞུང་ལུགས་དེད་དེ། སོ་སོ་ཉམ་ང་བ། བག་ཚ་བ་མེད་པའི་ཐོག་ནས་བསྒྲུབས་བཞག་པ་རེད་ལ། འབྱུང་བ་ལྔ་དེ་ཨ་རི་དང་ཉི་ཧོང་། བོད་མི་སོགས་མི་སུ་འདྲ་ཞིག་ཡིན་རུང་ལུས་ཀྱི་ཕུང་བོ་དེ་འབྱུང་བ་ལྔ་ལས་མ་གྲུབ་པ་ཞིག་ཡོད་པ་མ་རེད། དེ་བཞིན་རོ་དྲུག་ཟེར་དུས་ཨ་རི་དང་ཉི་ཧོང་། བོད་སོགས་ཀྱི་ཟས་ལ་རོ་མི་འདྲ་བ་དྲུག་ཡོང་སྟངས་ཡོད་པ་མ་རེད། དེར་བརྟེན་དེ་ལྟ་བུའི་རིག་པའི་གཞུང་ལུགས་ཁུངས་བཙུན་པོ། འགྲེལ་བཤད་རྒྱག་སྐབས་རྒྱག་རྒྱུ་ཡོད་པ་ཞིག་རེད་ཅེས་སོགས་བོད་ཀྱི་གསོ་བ་རིག་པའི་སྨན་གཞུང་དང་སྨན་བཅོས་ཀྱི་ཁྱད་ཆོས་དག་གསུངས་ཡོད།

ཐེངས་འདིའི་སྨན་པའི་ལྷན་ཚོགས་ཀྱི་ཚོགས་ཆེན་སྟེང་བོད་ཀྱི་གསོ་བ་རིག་པའི་སྨན་རྫས་ངོ་སྤྲོད། མཆིན་ནད་དུག་ཐབས་སྨན་བཅོས་ཀྱི་མྱོང་ཚོར། གཅིན་སྙིའི་ནད་གཞིར་སྨན་བཅོས་ཀྱི་མྱོང་ཚོར། ཁྱབ་ཆེ་བའི་ནད་གཞིའི་རིགས་དང་དེའི་སྔོན་འགོག བོད་ཀྱི་གསོ་བ་རིག་པ་དང་རྩོམ་རིག་གི་འབྲེལ་བའི་སྐོར་སོགས་བརྗོད་གཞི་ཁག་ཅིག་གི་ཐད་དུ་བགྲོ་གླེང་གནང་རྒྱུ་དང་། ཕྱི་ཚེས་ ༡༧ ཉིན་རྒྱུན་ལས་གསར་འདེམས་གནང་རྒྱུ་ཡིན་འདུག

མཆན། 12

  1. Avatar དམུ་ཐག་དཀར་པོ། says:
    ལོ་ 10 སྔོན།

    བོད་ཀྱི་སྨན་པ་ཐུན་མོང་ནས་གཡུ་ཐོག་གཟེངས་རྟགས་ཤིག་བཟོས་པ་འདྲ་ཆགས་པོ་འདུག མ་ཟད་དེ་གོང་ས་མཆོག་ཕུལ་བ་སྐད་གྲགས་ཆེན་པོ་འདུག ཡིན་ནའང་བཙན་བྱོལ་ནང་གི་སྨན་པ་དྲག་ཤོས་གྲས་སྨན་པ་རྟ་མགྲིན་ལགས་ཀྱིས་ཚོགས་ཆེན་དེའི་སྐབས་གཅིན་སྙིའི་སྐོར་དཔྱད་གཏམ་ཞིག་སྤེལ་བའི་ནང་ཡིག་ནོར་ལ་གྲངས་ཀ་མི་འདུག སྨན་པ་གྲགས་ཤིག་གིས་དག་ཆ་མི་ཤེས་པ་ཡིན་རྒྱུ་མ་རེད། ཡིན་འང་བོད་ཀྱི་སྨན་པ་འགས་བོད་ཀྱི་བརྡ་དག་སྙན་ངག་སོགས་ལ་སྣང་ཆུང་གཏོང་གི་རེད་ཟེར་བ་གོ་ཐོས་མྱོང། ཡི་གེའི་དག་ཆ་ལྟ་བུའི་གནས་ལུགས་རགས་པ་ཙམ་ཡང་མཁྱེན་རྟོགས་མི་ནུས་ན། ནང་གི་ལུས་སེམས་ཀྱི་བདེ་སྡུག་ཕྲ་མོའི་གནས་ཚུལ་གསལ་རྟོགས་ཐོག་དེའི་བཅོས་བྱེད་པ་ནི་དེ་བས་ཀྱང་ཁག་པོ་རེད།
    སྐུ་མཁྱེན་རྩོམ་ཡིག་སྤེལ་ནའང་དག་ཆ་ལ་གཟབ་རོགས་ཞབས་འདྲེན་མ་ཞུ་རོགས། དེ་འདྲ་བྱས་ནས་རང་གི་སྨན་གཞུང་དང་སྐད་ཡིག་རང་གིས་གཏོར་བཤིགས་བཏང་བ་ཡིན་པས་རྒྱ་མིའི་སྲིད་ཇུས་ལས་གནོད་ཚབས་ཆེ།

    Reply
  2. Avatar ལྷག་པ་ཚེ་རིང༌། says:
    ལོ་ 11 སྔོན།

    གཤེན་རྗེའི་མཆེ་བའི་བར་ནས་འགྲོ་བ་མི་ཡི་རིན་ཆེན་ཚེ་སྲོག་ཕྱིར་ལེན་མཁན་མི་འཇིགས་པའི་སྦྱིན་པའི་བདག་པོ་ལྷ་རྗེ་རྣམས་གུས་བཀུར་ཆེ་པོ་དང་སྦྲགས་ནས་སླར་ཡང་ཞུ་འདོད་པ་ནི།
    ང་རང་ཚོ་སོ་སྐྱེ་རྣམས་དུག་གསུམ་གྱི་གཞན་དབང་ཅན་ཡིན་པས་ཐུགས་ཁག་ཡོད་ཀྱི་མ་རེད། འོན་ཀྱང་ད་ལྟའི་རྒྱལ་ཁབ་དང་མི་རིགས་ཀྱི་ཉག་ཕྲའི་གནས་སྟངས་མཁྱེན་པའི་ཐོག་ནས་བློ་རྩེ་གཅིག་བསྒྲིམས་ཀྱིས་རང་གི་མི་རིགས་ཀྱི་སྲི་ཞུ་བསྒྲུབ་རྒྱུ་རྩ་བའི་བླ་མའི་བཀའ་དང་དུ་བླང་རྒྱུ་དེ་ཨང་དང་པོ་དང་སྒེར་གྱི་རྙེད་པ་དང༌། ཚིགས་སུ་བཅད་པ། དགྲ་འདུལ་གཉེན་སྐྱོང་གི་ཕྱག་ལས་རྣམས་ཨང་གཉིས་པར་གཞག་ན་སྤྱི་སྒེར་གཉིས་ཀའི་ཕན་བདེའི་གསོས་སུ་འགྱུར་ངེས་སེམས་སོ༎

    Reply
  3. Avatar ཐོས་དགའ། says:
    ལོ་ 11 སྔོན།

    རྒྱ་གར་བ་དང་ཕྱི་རྒྱལ་བ་དེ་ཚོས་ཀྱང་བོད་པའི་ཨེམ་ཆི་ལ་ཕར་ནད་འདི་ཡོད་མ་ལབ་གོང་ནས་སྨན་པས་ཚུར་ལབ་ཀྱི་འདུག་སྐད་གྲགས་བྱེད་ཀྱི་འདུག དོན་དངོས་ཐོག་༧སྐྱབས་མགོན་ཐམས་ཅད་མཁྱེན་པའི་༧སྐུའི་མཁྲིས་རྡོ་རྙིང་པ་ཆགས་ན་ཡང་༧བླ་སྨན་ཚོས་མ་མཁྱེན་པ་རེད། ༧བླ་སྨན་ཚོས་དངོས་གནས་ཡག་པོ་གནང་རོགས། བོད་རང་བཙན་ཡོད་སྐབས་ཡིན་ན་ཁྱེད་རྣམས་རྒྱངས་འབུད་བཏང་དགོས་ཡ་རང་རེད། ༧སྐུ་གོང་མའི་༧བླ་སྨན་བྱམས་པ་ཐུབ་དབང་མཆོག་ལ་གང་བྱུང་བ་ཁྱེད་ཚོས་མཁྱེན་གྱི་ཡོད་ཀྱི་རེད།

    Reply
  4. Avatar གྲྭ་རྒོད says:
    ལོ་ 11 སྔོན།

    ལྷག་པ་ཚེ་རིང་ལགས་ཁྱེད་ཀྱི་གསུང་བ་དེ་དོན་ངོས་རེད།དེ་ལ་རྒྱབ་སྐྱོར་ཡོད།ང་རང་ཉིད་ཀྱི་བསམ་ཚུལ་ཡང་དེ་བཞིན་ཡིན།བགྲུབ་པར་རེ་བ་ལགས།

    Reply
  5. Avatar ལྷག་པ་ཚེ་རིང༌། says:
    ལོ་ 11 སྔོན།

    གཡུ་ཐོག་གཟེངས་རྟགས་ཕུལ་བ་ཡིད་རང་གི་གནས་རེད།
    དེ་བས་གལ་ཆེ་བ་ནི་༸གོང་ས་མཆོག་གི་རླབས་ཆེན་གྱི་དགོངས་གཞི་རིགས་གཅིག་རྐང་འཛིན་བགྱིས་ཏེ་ཚད་འཛིན་བྱ་ཡུལ་ཞིག་དང་ཕྱི་ཡི་ལེགས་ཆ་ནང་འདྲེན་བྱས་ཏེ་བོད་ཀྱི་གསོ་བ་རིག་པའི་རྒྱ་མཚོ་འདི་སྔར་ལས་གཏིང་ཟབ་པ་དང༌། རྒྱ་ཆེ་ལ་གདམས་ངག་གི་རིན་པོ་ཆེ་སྣ་ཚོགས་པས་ཡོངས་སུ་གཏམས་པ་ཞིག་བསྐྲུན་རྒྱུ་དེ་ཡིན་པར་སེམས།
    བདག་གིས་ཞུ་ཕྱོགས་ནོར་ན་སྙིང་རྗེ་གནང་རོགས།

    Reply
  6. Avatar མུ་ཏིག་ཆུང་ཆུང་། says:
    ལོ་ 11 སྔོན།

    ༧གོང་ས་མཆོག་ལ་སྐུའི་འཕྲོད་བསྟེན་ཚད་ལྡན་ཞིག་ཕུལ་ཐུབ་ན་གཟེངས་རྟགས་ན་གཟེངས་རྟགས་དེ་རེད། བཀྲ་ཤིས་བདེ་ལེགས་་་་་

    Reply
  7. Avatar མུ་ཏིག་ཆུང་ཆུང་། says:
    ལོ་ 11 སྔོན།

    ༧གོང་མཆོག་ལ་སྐུའི་འཕྲོད་བསྟེན་ཚད་ལྡན་ཞིག་ཕུལ་ཐུབ་ན་གཟེངས་རྟགས་ན་གཟེངས་རྟགས་དེ་རེད། བཀྲ་ཤིས་བདེ་ལེགས་་་་་

    Reply
  8. Avatar མུ་ཏིག་ཆུང་ཆུང་། says:
    ལོ་ 11 སྔོན།

    བོད་ཀྱི་སྨན་པ་ཚོར་གཞུང་ལུགས་འགྲེལ་བཤད་བརྒྱག་རྒྱུ་ཡག་པོ་འདུག བོད་ཀྱི་སྨན་པ་ཚོ་ཁ་ངོ་ནས་བདེ་རུ་འགྲོ་གི་འདུག ལག་ལེན་གྱི་ཐོག་ནས་༧གོང་ས་མཆོག་གི་སྐུའི་མཁྲིས་རྡོ་ཧ་ཅང་རྙིང་ཚབས་ཆེན་ཆགས་ཆགས་བར་དུ་བླ་སྨན་ཚོས་མ་མཁྱེན་པ་ཡིན་རྒྱུ་མ་རེད། ?????????????? གོང་མཆོག་ལ་སྐུའི་འཕྲོད་བསྟེན་ཚད་ལྡན་ཞིག་གནང་ཐུབ་ན་གཟེངས་རྟགས་ན་གཟེངས་རྟགས་རེད། བཀྲ་ཤིས་བདེ་ལེགས་་་་་

    Reply
  9. Avatar རྒྱ་རྡེའུའི་དགེ་འདུན། says:
    ལོ་ 11 སྔོན།

    དགའ་བསུ་ཞུ།།།
    བཟང་གི་་་་་འོན་ཀྱང་གཟེངས་རྟགས་ངོ་མ་དེ་ཁོང་གི་བཀའ་གསུངས་བསྒྲུབ་རྒྱུ་དེ་རེད།

    Reply
  10. Avatar དབྱངས་བུ། says:
    ལོ་ 11 སྔོན།

    གཟེངས་རྟགས་ཕུལ་བ་ལེགས་མོད། སྨན་པ་རྣམས་ཀྱིས་༸ཁོང་གི་དགོངས་པ་དང་འགལ་བའིལས་དོན་མི་རྩོམ་རོགས་གནང་ཞེས་རེ་བསྐུལ་ཞུ་འདོད་བྱུང།

    Reply
  11. Avatar བསྟན་པ་ཡར་འཕེལ། says:
    ལོ་ 11 སྔོན།

    དགའ་བས་རྗེས་སུ་ཡི་རང་ཞུ།

    Reply
  12. Avatar མིག་གསུམ་པ། says:
    ལོ་ 11 སྔོན།

    ཚོགས་ཐོག་ཏུ་མེད་ཀྱང་། ཡིག་ཐོགས་ནས་དགའ་བསུ་ཞུ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

སྨན་སློབ་གསར་བསྡུའི་གསལ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

9882347075 | 9218938049 | 7018117635
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

Sign In with Facebook
Sign In with Google
Sign In with Linked In
OR

Login to your account below

Forgotten Password? Sign Up

Create New Account!

Sign Up with Facebook
Sign Up with Google
Sign Up with Linked In
OR

Fill the forms bellow to register

All fields are required. Log In

Retrieve your password

Please enter your username or email address to reset your password.

Log In

Add New Playlist