འདུས་བྱུང་ཕུན་ཚོཌ་ཚེ་རིང་།
བཀའ་བློན་ཁྲི་པའི་འོས་མིའི་ཁོངས་སྨན་པ་རྟའུ་བློ་བཟང་དཔལ་ལྡན་མཆོག་བོད་མདོ་ སྟོད་ཁོངས་སུ་འཁྲུངས་ཤིང་༡༩༥༩ ལོར་ཁོང་དང་ཁོང་གི་ནང་མི་རྣམས་བཙན་བྱོལ་དུ་ཕེབས། བཙན་བྱོལ་ལ་ཕེབས་རྗེས་ལོ་གཉིས་རིང་ཀ་བློན་ཕུག་དུ་ཡོད་པའི་(St. Augustin School)སློབ་གྲྭའི་ནང་སློབ་སྦྱོང་གནང་། དེ་རྗེས་སེམ་ལར་དབུས་བོད་སློབ་དུ་སློབ་སྦྱོང་གནང་བ་རེད།
༡༩༦༣་སྟེ་ཁོང་ དགུང་ལོ་བཅུ་གཉིས་ལ་ཕེབས་སྐབས་རྗར་མ་ནིའི་ནང་བོད་ཀྱི་ཕྲུག་གུ་ཁག་ཅིག་ལྷན་ དུ་སློབ་སྦྱོང་གནང་བར་ཕེབས་ཡོད།
མཐར་གཞི་རིམ་སློབ་གྲྭ་ཁག་དང་འབྲིང་རིམ་སློབ་གྲྭ་ཁག་རྗར་མ་ནིའི་ནང་ཐོན་རྗེས་ རྗར་མན་གྱི་གནའ་བོའི་གྲོང་ཁྱེར་དང་ཡོ་རོབ་གནང་ཆེས་སྔ་ཤོས་གྲས་དང་སྙན་གྲགས་ ཆེ་བའི་གཙུག་ལག་སློབ་གྲྭ་ཧལ་རྡེ་རྦག་(Heildelberg, University)ནང་ནུབ་ཕྱོགས་གསོ་རིག་ལ་སློབ་སྦྱོང་གནང་།
༡༩༧༩ལོར་གསོ་རིག་སློབ་མཐར་བྱུང་རྗེས་རྗར་མ་ནའི་གྲོང་ཁྱེར་སྣ་མང་ནང་སྨན་པའི་ བྱ་བ་སྣ་ཚོགས་གནང་མྱོང་།
༡༩༨༩ནས་བཟུང་རྗར་མན་གྲོང་ཁྱེར་རྦོན(Bonn)གྱི་གཙུག་ལག་སློབ་གྲྭའི་ཁོངས་ གཏོགས་སྨན་ཁང་ཆེན་པོ་ཞིག་གི་ཁོག་ནད་སྡེ་ཚན་ནང་སྨན་པ་རྒན་གྲས་ཀྱི་ (Senior Doctor) ལས་འགན་གནང་བཞིན་ཡོད།
ཁོང་གིས་ཆེད་ལས་སྨན་པའི་བྱ་བ་སྒྲུབ་ཞོར་དུ་བོད་ཀྱི་རྩ་དོན་ཆེད་ལས་ཀ་ཆེ་ཆུང་ སྣ་ཚོགས་གནང་གིན་ཡོད་ལ། དེའི་ཁྲོད་ལས་རྗར་མན་བོད་དོན་རྒྱབ་སྐྱོར་ཚོགས་པ་(www.tibet-initiative.de)དེ་ བཞིན་གསར་བཙུགས་ཀྱི་གྲོས་འདོན་གནང་བ་དང་ཚོགས་པ་དེའི་འགན་འཁུར་ལོ་ཤས་གནང་ མྱོང་།
ཁོང་གིས་སྙན་རྩོམ་བྲིས་པ་དང་། གཞས་གསར་རྩོམ་གནང་བ། གཞས་གཏོང་བ་བཅས་ལས་སྤྲིན་འཁོར་ཞེས་པ་དེ་མིག་སྔར་ཐེངས་བཞི་འགྲེམས་སྤེལ་གནང་ བ་རེད། རྒྱ་ཆེའི་ཤ་ཁྲག་གཅིག་པའི་བོདརིགས་སྤུན་ཟླ་ཡོངས་དང་ལྷག་དོན་གཞི་ལུས་བོད་པའི་ གནང་ཁོང་གི་སྤྲིན་འཁོར་དང་པོའི་གཞས་༼གནམ་གོང་གི་ཉི་ཟླ་༽ཞེས་པ་དེ་ཧ་མ་གོ་ མཁན་ཧ་ལམ་མེད། སྤྲིན་འཁོར་ཚོང་འགྲེམས་ཡག་པོ་བྱུ་བས་དེའི་ཡོངས་འབབ་རྣམས་བོད་གཞུང་ཤེས་རིག་ ཁང་དང་བོད་ཁྱིམ་ལ་ཕུལ་གནང་ཡོད།
༡༩༩༥ ལོར་ཁོང་དང་ཁོང་གི་སྐུ་ཟླ་ཆོས་ཉིད་ལྷ་མོ་གཉིས་ཀྱིས་རྟ་བྲག་ཚོགས་པ་གསར་ བཙུགས་གནང་ཞིང་ཚོགས་པ་དེའི་ལས་གཞིའི་རྣམ་གྲངས་མང་པོ་ཡོད་པའི་ནང་ནས་བུ་ཕྲུག་ ཁྱིམ་སྡེ་དང་སློབ་གྲྭ་སོགས་ཡོད་པ་ལས་མདོ་སྟོད་སྨད་གཉིས་སུ་སློབ་གྲྭ་ཁག་ གཉིས་ཡོད། ༢༠༠༨ནས་བཟུང་རྣམ་གྲངས་ཁག་གི་ལས་འགན་རྣམས་ས་གནས་མི་སྣ་ཁག་ལ་སྤྲད་ཡོད།
འདས་པའི་མི་ལོ་བཅུ་བཞིའི་རིང་ཁོང་ནི་ཨ་རིའི་རྒྱང་སྲིང་རླུང་འཕྲིན་ཁང་ (VOA)དང་ཨེ་ཤི་ཡ་རང་དབང་རླུང་འཕྲིན་ཁང་(RFA)གི་གསོ་རིག་དང་། རང་བྱུང་ཚན་རིག ཚན་རིག་དང་ནང་པའི་མཚན་མའི་ལྟ་བའི་བར་གྱི་ཁྱད་པར་ལ་སོགས་པའི་སྐོར་བཅའ་འདྲི་ ཞུ་ཡུལ་གྱི་མི་སྣ་གལ་ཆེན་ཞིག་ཆགས་ཡོད།
ཁོང་ནི་སྦྱངས་པའི་ཡོན་ཏན་ཆེ་ལ་སྐྱེས་སྟོབས་ཀྱི་ཤེས་རབ་ཕྱུག་པའི་དུས་རབས་ ཉེར་གཅིག་པའི་བོད་རིགས་མི་སྣ་བློ་གྲོས་ཅན་ཞིག་རེད།
རྗར་ མན་བོད་ཀྱི་ཁང་པ།
ལེཌ་བྱང་འབྲེལ་མཐུད་པ།
འདུས་བྱུང་ཕུན་ཚོཌ་ཚེ་རིང་།
གནས་ཚང་ལགས།ཁྱོད་ཀྱིས་སྐད་ཆ་བཤད་སྟངས་ལ་བལྟས་ན་ཕལ་ཕྱིན་ཁྱོད་ཀྱང་ཕྱོགས་ཞེན་གྱི་ན་ཚ་མ་སྤོང་མཁན་ཞིག་གམ་ཡང་ན་སྨན་པ་ལགས་ཀྱི་ཡོན་ཏན་ལ་ཕྲ་དོག།དེ་མིན་ན་ཁྱོད་རང་བོད་མི་སྤྱི་ཚོགས་ནང་གི་རྡོ་རིལ་ཞིག་ཡིན་པ་འདྲ་མ་གཏོག།ད་ལྟ་དྲ་གྲོགས་ཡོངས་ཀྱི་བོད་མི་མ་འོངས་མདུན་ལམ་ལ་བགྲོ་གླེང་བྱེད་བཞིན་པའི་སྐབས་སུ་ཁྱོད་ཀྱིས་དེ་ལྟར་བཤད་དགོས་པའི་རྒྱུ་ཚན་ཨེ་ཡོད་དམ་དྲིན།གལ་སྲིད་ཁོང་འགྲིགས་ཀྱི་མེད་ན་ཁྱོད་ཀྱི་་ངོ་སྤྲོད་ཅིག་བྱོས་དང་དྲ་གྲོགས་ཡོངས་ཀྱི་བགྲོ་གླེང་བྱ་ཆོག་གི་རེད།མཐའ་འཇུག་ཏུ་ངས་རེ་བསྐུལ་ཞིག་ལ་བོད་མི་གཅིག་གྱུར་ཡོང་བའི་གཏམ་བཤད་མེད་ན་ཡང་ཁ་བྲལ་འགྲོ་བའི་ཆག་གཏམ་སོགས་གང་ཡང་མ་སྤེལ་རོགས་བྱོས།
སྨན་པ་རྟའུ་བཀའ་ཁྲིའི་འོས་མི་ལས་ཚོགས་པ་སྐྱིད་སྡུག་ཅིག་གི་འགན་འཛིན་ལ་འོས་པའི་མི་ཞིག་ཡིན་པ་འདྲ།
དྲ་གྲོགས་གཅན་གཟོད་རྒྱམ་ཁྱེད་ཀྱིས་བོད་སྐད་ཡིག་འདི་ང་ཚོའོ་བོད་མི་རིགས་ཀྱི་བླ་སྲོག་འཁྲུལ་མེད་ཅིག་ཏུ་བསམས་ཏེ་འདིར་ངན་ལྟ་རིམ་བགྲོད་ཀྱིས ༼ ཀི ༽ དང ༼ གི ༽ སོགས་རང་འདོད་ངང་བཅུག་མ་ཡོང་རོགས། བསམ་ཤེས་ན་འདི་ཚོ་ཧ་ཅང་གལ་ཆེན་རེད།
དུས་བབས་ཚང་གི་ཁོང་ལ་བཅའ་འདྲིས་ཤིག་གནང་ན་ཅི་མི་བཟང་།
དྲ་གྲོགས་ཉི་མ་ལགས་ཁྱེད་ཀྱིས་འབྲེལ་ཐག་ངོ་སྤྲོད་གནངབར་སྙིང་ནས་ཐུགས་རྗེ་ཆེ་ ད་དུང་ཁྱེད་དང་། གཅན་བཟོད་རྒྱམ་ལགས། ཨ་ཟླ་བ་ ལགས་གསུམ་གྱི་གསུངས་དེ་བདེན་པ་རེད་ཅེས་བསམ་གྱི་གདུག་
བཀའ་བློན་ཁྲི་པའི་འོས་གཞི་ལངས་མཁན་ལ་་ཆ་གཞི་ག་རེ་ཡོད་མེད་དེ་ང་ཚོས་ཤེས་དགོས་ཀྱི་འདུག་
བཀའ་ཁྲིའི་ལས་ཀ་དེ་ངོ་ཤེས་པ་བྱེད་དགོས་པ་རེད་གསུངས་པའང་བདེན་པ་འདུག་
གང་ལྟར་བོད་ཀྱི་སྡུག་བསྔལ་འདི་ལས་སྒྲོལ་མཁན་གྱི་དེད་དཔོན་ཞིག་ཕེབས་ཐུབ་པའི་སྨོན་ལམ་གྲངས་མེད་ཞུ།།
དྲ་གྲོགས་བྱམས་རྒྱལ་ལགས།
ཉིད་ཀྱི་རེ་བ་ལྟར་སྨན་པ་རྟའུ་མཆོག་གི་ཆུ་སྒང་དྲན་གླུ་དང་གླུ་གཞས་ཁག་འབྲེལ་ཐག་འདི་ནས་ཕབ་ལེན་བྱེད་ཐུབ་ཀྱིན་འདུག
http://www.trinkhor.com
འོས་གཞིར་ལངས་པར་དགའ་་བསུ་ཡོད། དྲ་གྲོགས་ཚོས་ཕྱོགས་ཞེན་དང་ཕྲག་དོག་གིས་མ་བཟི་པར་དྲང་ཐད་ཀྱི་བསམ་ཚུལ་གནང་རོགས།
མི་ལ་ཤེས་ཡོན་དང་ལྷག་བསམ། འཇོན་ཐང་ཡོད་མེད་དེ་སློབ་གྲྭ་གྲགས་ཅན་ནས་སློབ་ཐོན་སོགས་མིན་ལ་རགས་ལས་མེད། གཙོ་བོ་མི་རང་ཉིད་ཀྱི་ཤེས་རབ་དང་རྣམ་དཔྱོད་ལ་ཐུག་ཡོད་པ་རེད། ཡང་གཅིག་བཤད་ན་ལྷག་བསམ་ཡོད་མེད་དེ་བོད་མི་རིགས་ཀྱི་བྱུང་རབས་ལོ་རྒྱུས་སོགས་ལ་རྒྱུས་མངའ་ཆེར་ཡོད་ན་ལྷག་བསམ་ནི་ཡོད་ཐག་ཆོད་རེད། དཔེར་ན་༸གོང་ས་མཆོག་ལྟ་བུ་རེད། འཇོན་ཐང་ཡོད་མེད་ཀྱང་ལྷག་བསམ་དེ་རྣམ་དག་ཡིན་མིན་ལ་རགས་ལས་ཀི་བསམ། ལྷག་བསམ་རྣམ་པར་དག་པ་ཞིག་ཡོད་ན་ལས་ཀ་ཧུར་ཐག་གིས་བྱེད་ཀི་རེད། ལས་ཀ་ཧུར་ཐག་གནང་ན་ལས་ཀ་གང་མང་མང་བྱེད་ཏུབ་གི་རེད་ལ། དེར་ལྟར་གནང་སོང་ན་འཇོན་ཐང་དེའང་རང་ཤུགས་ཀྱིས་སྤྱི་ཚོགས་ནང་དུ་མངོན་ཡོང་གི་རེད་བསམ།
གཞན་ད་བར་དུ་སྨན་ལ་སློབ་སྦྱོང་བས་མཁན་ཞིག་བཀའ་ཁྲིར་བདམས་པ་ཡིན་ན། དེའི་ཕྱག་ལས་དེ་གང་ཡིན་ཞིག་འབྱུང་རྒྱུ་ཡིན་ནམ།
སྔོན་ཆད་ཅིག་ལ་དུས་བབ་རྩོམ་སྒྲིན་པ་ལུང་རིགས་རྒྱལ་གྱིས་འདི་འདྲ་ཞིག་གསུངས་མྱོང་བ་རྟག་པར་དྲན་བསྡད་ཡོད། ང་ཚོས་བཀའ་ཁྲིད་མ་འདེམས་གོང་ནས་བཀའ་ཁྲིའི་ལས་ཀ་དེ་ངོ་ཤེས་པ་བྱེད་དགོས་པ་རེད། དེ་ངོ་ཤེས་རྗེས་ད་གཟོད་ལས་ཀ་དེ་བྱེད་ཐུབ་མཁན་གྱི་མི་ཞིག་འཚོལ་དགོས་པ་རེད། འདི་གཉིས་ལ་རྒྱུ་འབྲས་ཀྱི་འབྲེལ་ལ་གྲུབ་པ་དང་། ལྟོས་གྲུབ་ཅིག་ངེས་པར་དུ་ཡིན་དགོས་བསམ་ཡོད། དེས་ན་ང་ཚོས་ཀྱང་ངེས་པར་དུ་ཐོག་མར་བཀའ་བློན་ཁྲི་བའི་ལས་ཀ་གང་དང་ཅི་ཡིན་ངེས་ཟིན་རྒྱུ་དེ་བཀའ་ཁྲི་འདེམས་པ་ལས་ཀྱང་གལ་ཆེ་གི་འདོད། དེ་ངེས་ཟིན་རྗེས་ད་གཟོད་བཀའ་འདེམས་ཆོག་ཆོག་ཅིག་མ་ཡིན་ནམ།
༡༽ ཙན་དན་ལོ་མ་ནས།
སྤྱི་ལོ་ ༢༠༡༠ ཟླ་ ༣ ཚེས་ ༡༨ གི་ཆུ་ཚོད་ ༡༥ སྐར་མ་ ༡༥
དཔེ་ཡག་པོ་འདུག ཁོང་བཀའ་ཁྲིར་ཕེབས་ནས་སྤྱི་འཐུས་ང་རྒྱལ་གྱི་ཀླད་ཁྲག་རྒྱས་ཡོད་མཁན་ཚོའི་མགོ་ལ་གཤགས་བཅོས་ཏན་ཏན་ཞིག་གནང་རོགས། ད་དུང་ཁ་ལ་བདག་བཟུང་མེད་པར་དཀྲུགས་ཤིང་ཁོ་ནར་འབད་མཁན་གྱི་སྤྱི་འཐུས་སྨྱོན་པ་ཚོའི་ལྕེ་ཡང་གཅོད་རོགས། རིག་འཚོ་མི་ཟིན་པའི་སྤྱི་སྨོན་སྤྱོད་ཅན་ཚོའི་མགོ་གནོད་བྱེད་ཀྱི་གཉིད་སྨན་ཡག་པོ་རེའང་དགོས་འདུག ད་དུང་སྡོམ་པ་ཡོད་མེད་ཀྱི་གྲྭ་བ་སྤྱི་འཐུས་ཚོའི་མཇེ་གཏུངས་བཞག་ན་དག་དག་རེད། གྲྭ་འཐུས་འདི་ཚོས་བུ་མོ་ཚོ་འགུག་ཆེད་གྲོས་ཚོགས་ནང་ཕོ་གསར་འཁྲབ་ཁུལ་བྱས་ནས་བོད་དོན་རྩེད་སྤྱད་བྱེད་ཀྱི་འདུག ད་བཀའ་ཁྲི་ཡག་ཤོས་རག་འདུག ཁོང་ལ་ཐོབ་པར་ཤོག ད་དུང་ཞུ་རྒྱུར། ཁོང་ལ་འོས་ཐོབ་ནས་རྡ་སར་ཕེབས་སྐབས་གོང་གི་གཤགས་བཅོས་བྱེད་ཆས་ཀྱི་ལག་ཆ་ཚང་མ་ལུས་བར་ཁྱེར་ནས་ཡོང་རོགས།
༢༽ ཙན་དན་ལོ་མ་ནས།
སྤྱི་ལོ་ ༢༠༡༠ ཟླ་ ༣ ཚེས་ ༡༨ གི་ཆུ་ཚོད་ ༡༥ སྐར་མ་ ༡༨
དཔེ་ཡག་པོ་འདུག ཁོང་བཀའ་ཁྲིར་ཕེབས་ནས་སྤྱི་འཐུས་ང་རྒྱལ་གྱིས་ཀླད་ཁྲག་རྒྱས་ཡོད་མཁན་ཚོའི་མགོ་ལ་གཤགས་བཅོས་ཏན་ཏན་ཞིག་གནང་རོགས། ད་དུང་ཁ་ལ་བདག་བཟུང་མེད་པར་དཀྲུགས་ཤིང་ཁོ་ནར་འབད་མཁན་གྱི་སྤྱི་འཐུས་སྨྱོན་པ་ཚོའི་ལྕེ་ཡང་གཅོད་རོགས། རིག་འཚོ་མི་ཟིན་པའི་སྤྱི་འཐུས་སྨྱོ་སྤྱོད་ཅན་ཚོའི་མགོ་གནོད་བྱེད་ཀྱི་གཉིད་སྨན་ཡག་པོ་རེའང་དགོས་འདུག ད་དུང་སྡོམ་པ་ཡོད་མེད་ཀྱི་གྲྭ་བ་སྤྱི་འཐུས་ཚོའི་མཇེ་གཏུབ་བཞག་ན་དག་དག་རེད། གྲྭ་འཐུས་འདི་ཚོས་བུ་མོ་ཚོ་འགུག་ཆེད་གྲོས་ཚོགས་ནང་ཕོ་སར་འཁྲབ་ཁུལ་བྱས་ནས་བོད་དོན་རྩེད་སྤྱད་བྱེད་ཀྱི་འདུག ད་བཀའ་ཁྲི་ཡག་ཤོས་རག་འདུག ཁོང་ལ་ཐོབ་པར་ཤོག ད་དུང་ཞུ་རྒྱུར། ཁོང་ལ་འོས་ཐོབ་ནས་རྡ་སར་ཕེབས་སྐབས་གོང་གི་གཤགས་བཅོས་བྱེད་ཆས་ཀྱི་ལག་ཆ་ཚང་མ་ལུས་བར་ཁྱེར་ནས་ཡོང་རོགས།
༣༽ ཙན་དན་ལོ་མ་ནས།
སྤྱི་ལོ་ ༢༠༡༠ ཟླ་ ༣ ཚེས་ ༡༨ གི་ཆུ་ཚོད་ ༡༦ སྐར་མ་ ༠༩
བསྟན་འཛིན་མགོན་པོ་དང་ཀརྨ་ཆོས་འཕེལ་གཉིས་ལ་སྨྱོ་སྨན་ཡག་པོ་རེ་དང་། གྲྭ་འཐུས་ཚོར་ཞེ་སྡང་གི་ཁྲག་ཤེད་མར་གཅོག་བྱེད་ཀྱི་སྨན་ཡག་པོ་རེ་དང་། གཞན་གྱི་བྲན་དུ་གྱུར་བའི་སྤྱི་འཐུས་ཕྱོགས་རེས་ཀྱི་མིག་གཅིག་རེ་ལས་མེད་པའི་ལོང་བ་ཚོར་ཡོ་རོབ་ནས་མིག་རྫུན་མ་ཡག་པོ་རེ་ཁྱེར་ནས་ཡོང་རོགས། ད་དུང་མི་ངན་སྤྱི་འཐུས་འདི་ཚོས་བཟོས་པའི་ཆོལ་ཁ་དང་ཆོས་ལུགས་བར་གྱི་རྨ་ཁ་བཙེམ་བྱེད་ཀྱི་ཁབ་སྐུད་མཁྲེགས་པོ་ཞིག་ཀྱང་ཁྱེར་ནས་ཡོང་རོགས། འདི་ནི་སྤྱི་འཐུས་ཚོའི་བྱ་སྤྱོད་ལ་འུ་ཐག་ཐབས་ཟད་དུ་གྱུར་བའི་བོད་མི་ཉམས་ཆུང་ཞིག་གི་སེམས་གཏིང་ནས་བཏོན་པའི་རེ་བ་ཡིན།
དྲ་གྲོགས་ལགས།
གཙོ་བོ་བཀའ་ཁྲི་ལས་འཁན་འཛིན་སྐྱོང་གི་ལས་ཀ་བྱེད་སྟངས་དེར་སོ་སོའི་བློ་ལ་བབ་མ་བབ་རེད་མ་གཏོགས་ཕ་ཡུལ་གཅིག་མི་གཅིག་དང་ཆོལ་ཁ་གཅིག་མི་གཅིག་བསམ་ཚུལ་དོར་ནས་རྩ་བ་བོད་མི་དམངས་ཀྱི་ལས་དོན་ག་འདྲ་གཅིག་རང་གིས་སྒྲུབ་འདོད་པར་དེར་མ་འོང་བཀའ་ཁྲིའི་བསམ་བློའི་ཁ་ཕྱོགས་དང་མ་མཐུན་མིན་ལྟ་རྒྱུ་གལ་ཆེ་སྙམ།
དཔེར་ན། བཙན་བྱོལ་གཞུང་འཛིན་སྐྱོང་བྱེད་ཕྱོགས་དང་བཙན་བྱོལ་བོད་མི་ལྟོ་གོས་སྒྲུབ་ཕྱོགས་རྒྱལ་ཁབ་༣༧ནང་དུ་ཁ་ཐོར་རུ་གནས་པའི་བཙན་བྱོལ་བོད་མི་རྣམས་མགོ་བསྡུར་སྟངས་སོགས་ཁོང་གི་ཆ་གཞི་ག་འདྲ་ཡོད་མེད་ང་ཚོས་ཧ་གོ་དགོས་ཀྱིན་འདུག
ཤེས་ཡོན་ལྡན་པའི་སྨན་པ་རྟའུ་ཁོང་མ་འོང་བཀའ་བློན་ཁྲི་པའི་འོས་མི་ནང་ཕེབས་ཡོང་དུས་ངའི་བསམ་ཚུལ་བྱེད་ན་ཁོང་གིས་མ་འོང་ལས་དོན་སྒྲུབ་ཕྱོགས་འདི་དང་འདི་ཡིན་ཞེས་སྤྱི་ཚོགས་ནང་དུ་གསལ་བཤད་གནང་ཐུབ་པའི་སྤོབས་པ་ཡོད་རེད་སྙམ།
ང་ཚོས་ཡང་ཁྱེད་ཀྱི་མ་འོང་བོད་ཀྱི་ལས་དོན་སྒྲུབ་ཕྱོགས་དང་ང་ཚོའི་བསམ་ཚུལ་མཐུན་མིན་ཧ་གོ་ཡོང་གི་རེད། དེར་འདྲ་བྱུང་ན་འོས་ཤོག་རྒྱབ་བསྐྱབ་བྱེད་དགོས་མིན་བསམ་བློ་གཏོང་ས་ཞིག་རྙེད་པ་རེད། མ་རེད་དམ། བྱམས་རྒྱལ་ལགས།
དྲ་གྲོགས་ཉི་མ་ལགས།
བཀྲ་ཤིས་བདེ་ལེགས་
གུས་སྡོད་སྡོད་པ་ཡིན་ཡང་གློག་ཀླད་ནང་དུ་ནད་འབུ་ཚབས་ཆེན་ཞིག་འགོས་ནས་དྲ་རྒྱ་ནང་འཛུལ་ཐུབ་མ་སོང་།སྟབས་ཡག་ནས་ཕྱི་རྒྱལ་བ་ཞིག་གིས་རིན་མེད་དུག་
བཅོས་གནང་སོང་།
སྨན་པ་རྟའུ་མཆོག་བཀའ་ཁྲི་འོས་མི་ནང་ཕེབས་ཡོད་ན་དངོས་གནས་དགའ་གསུ་ཡོད་ ཁོང་བོད་པའི་སྤྱི་ཚོགས་ནང་སྙན་གྲགས་ཀྱང་དགའ་རབ་ཡོད་པ་འདྲ་འདུག་ལ་ གཞས་པ་དང་ དེང་རབ་ཀྱི་སྨན་པ་ཡིན་པའི་ཆ་ནས་དམིགས་བསལ་བ་ཞིག་ཆགས་ཡོད་རེད་།
ལྷག་པར་དུ་དེང་རབ་ཀྱི་སློབ་སྦྱོང་ཡོད་ལ་ དེ་ལས་ཀྱང་གལ་ཆེ་བ་ཞིག་ལ་ ༧ གོང་ས་མཆོག་ལ་དད་གུས་སླད་མེད་ཞུ་མཁན་ཞིག་དང་ བོད་རྩ་དོན་ལ་རྒྱུན་དུ་ནས་ལྷག་བསམ་དང་ ལས་འགན་སྒྲུབ་མཁན་ཞིག་ཡིན་འདུག་
འོན་ཀྱང་ཁོང་ལས་ལྷག་པ་དང་ འདྲ་འདྲ་ མང་པོ་ལུས་ཡོད་། དེར་བརྟེན་ ད་ལན་བཀའ་ཁྲི་འདི་མི་མང་གི་གཟབ་གཟབ་བྱས་ནས་འདེམས་དགོས་པ་གལ་ཆེ་ནང་གི་དོན་ཆེ་ལུས་ཡིན་།
མཁས་དབང་ཕུན་ཚོགས་ཚེ་རིང་མཆོག་གིས་སྨན་པ་རྟའུ་དཔལ་ལྡན་གྱི་ངོ་སྤྲད་གནང་བ་ཐུགས་རྗེ་ཆེ་ཞུ་རྒྱུ་ཡིན།
བྱམས་རྒྱལ་ལགས་དྲ་ཐོག་མ་ཕེབས་ནས་ཡུན་རིང་ག་པར་ཕྱིན་པ་ཡིན་ཨ། སྨན་པ་རྟའུ་བཀའ་ཁྲིའི་འོས་མི་ནང་དུ་ཕེབས་པར་བསམ་ཚུལ་ག་རེ་ཡོད་དམ།
ངས་སྨན་པ་རྟའུ་ངོ་ཤེས་ནས་རྒྱུན་རིང་པོ་ཡིན། ཁོང་གི་བདེན་བཞི་མི་རྟག་པ་བསྟན་པའི་གཞས་ཚིག་ནང་དོན་རྒྱ་ཆེ་པོ་ཡོད་པའི་སྙན་གླུ་དེར་ཉན་སྐབས་དངོས་གནས་ཡག་པོ་འདུག་རེ་དྲན་མྱོང་ཡོད།
འདུས་བྱུང་ཕུན་ཚོཌ་ཚེ་རིང་ལགས་ཀྱིས་རྟའུ་བློ་བཟང་དཔལ་ལྡན་མཆོག་ངོ་སྤྲོད་གནང་བར་ཐུགས་རྗེ་ཆེ་ཞུ།
ཁོང་གིས་བཏང་བའི་ཆུ་སྒང་དྲན་གླུ་དེ་ཉན་དུས་དཔའ་བོ་དམ་པ་རྣམས་ཀྱིས་དགྲ་བོ་ལ་རྒོལ་གདུང་བཏང་བ་དེ་ཚོ་ཡིད་ལ་འཁོར་གྱི་ཡོད་།
ད་གཞས་དེ་ཡང་མ་ཐོས་པ་ལོ་མང་སོང་།
ཆུ་སྒང་དྲན་གླུ་དེ་འགྲེམས་ཐེངས་ག་རེ་ནང་ཡོད་པ་དང་ག་ནས་རགས་ཀྱི་ཡོད་མེད་ཤེས་མཁན་ཡོད་ན་གསུངས་རོགས་།
ཐུགས་རྗེ་ཆེ།