ཕྱི་ཚེས་ ༢༦ ཉིན་ཉེན་རྟོག་པས་རྨ་ཆུ་རྫོང་རྨུ་ར་དགོན་པའི་གྲྭ་གསུང་རབ་དང་དབལ་པན་ཞང་རྙིང་མ་དགོན་གྱི་གྲྭ་ལེགས་བཤད་གྲགས་པ་གཉིས་འཛིན་བཟུང་བྱས་འདུག
དེ་རིང་ངྷ་སར་གནས་སྡོད་རྨ་ཆུའི་སྒྲོལ་དཀར་སྐྱབས་ལགས་ཀྱིས་འདི་ག་གསར་ཁང་དུ་ཁ་པར་བརྒྱུད་གནས་ཚུལ་ངོ་སྤྲོད་བྱས་དོན། ཚེས་༢༦ཉིན་རྨ་ཆུ་རྫོང་རྨུ་ར་དགོན་པའི་གྲྭ་གསུང་རབ་དང་དབལ་པན་ཞང་རྙིང་མ་དགོན་པའི་གྲྭ་ལེགས་བཤད་གྲགས་པ་གཉིས་ས་གནས་ཉེན་རྟོག་པས་འཛིན་བཟུང་བྱས་ཡོད་འདུག་ལ། དེ་ནི་ཁོང་གཉིས་ཀྱིས་རྫོང་ཐོག་ཏུ་པར་འདོན་དང་བསྐྱར་པར་རྒྱག་སའི་དྲ་ཁང་ཞིག་གཉེར་ཡོད་པ་དེར། ས་གནས་ཉེན་རྟོག་པས་སྔོག་བཤེར་བྱེད་སྐབས་ཡིག་ཆ་འགའ་ལག་སོན་བྱུང་བའི་སྟབས་ཀྱིས་འཛིན་བཟུང་བྱས་པ་ཞིག་རེད་འདུག
དེ་མིན་དེང་སྐབས་རྨ་ཆུ་རྫོང་ཡོངས་སུ་རྒྱ་དམག་གིས་བོད་མིར་འདྲི་གཅོད་བྱེད་པའི་མཐོ་རླབས་ཞིག་འཕྱུར་བཞིན་ཡོད་པར་མ་ཟད།བོད་མི་ཚོ་གང་བྱུང་འཛིན་བཟུང་བྱེད་ཀྱིན་འདུག་ལ།ཉེ་ཆར་ཡང་རྨ་ཆུ་རྫོང་བོད་ཡིག་སློབ་འབྲིང་གི་སློབ་གཙོ་གཞོན་པ་ཆོས་སྐྱོང་ཚེ་རིང་ལགས་ཚེས་༡༦ནས་༡༧བར་འཛིན་བཟུང་བཀག་ཉར་བྱས་ཡོད་ལ། དེ་ནི་གཙོ་བོ་ཁོང་གིས་རྫོང་དེར་སློབ་གསོའི་ལས་དོན་ཐོག་འགན་ལེན་བྱས་ཡོད་ནའང་། འགན་ཁུར་མ་ཐེག་པའི་རྐྱེན་གྱིས་བཀག་ཉར་བྱས་པ་ཞིག་ཡིན་པ་རེད། གཞན་ཡང་ཟླ་༤ཚེས་༡༥ནས་ཟླ་༥པའི་ཚེས་༡༥བར་ཟླ་གཅིག་རིང་རྨ་ཆུ་རྫོང་བོད་ཡིག་སློབ་འབྲིང་གི་སློབ་གྲྭ་གནས་སྐབས་རིང་སྒོ་རྒྱག་རྒྱུ་ཡིན་ལུགས་བསྒྲགས་པ་ལྟར།ད་ལྟ་ད་དུང་ཡང་སློབ་གྲྭ་ཕྱིར་འཚོགས་ཐུབ་མེད་པར་སྔར་བཞིན་སྒོ་བརྒྱབ་ཡོད་པ་དང་།ཉེན་རྟོག་པས་སློབ་མ་རྣམས་ལ་སྔར་བཞིན་འདྲི་གཅོད་བྱེད་ཀྱིན་ཡོད་པ་མ་ཟད།སློབ་མའི་ཁྱིམ་བདག་རྣམས་འབོད་སྐུང་གིས་རང་གི་བུ་ཕྲུག་ལ་འགན་ལེན་ཡི་གེ་འབྲི་རུ་འཇུག་གིན་ཡོད་འདུག
རྨ་ཆུ་རྫོང་གི་ལས་བྱེད་ཡོངས་ཉིན་རྒྱུན་གྱི་ཞོགས་པར་རྫོང་སྲིད་གཞུང་གི་སྒོ་རའི་ནང་འཛོམས་ཏེ་རྒྱ་ནག་གི་རྒྱལ་གླུ་གཏོང་བ་དང་འབྲེལ་ཡོད་ལས་བྱེད་ཀྱིས་ཁ་བྲལ་ལ་ངོ་རྒོལ་སྐོར་གྱི་གཏམ་བཤད་སོཊ་སྤེལ་གྱིན་ཡོད་སྟབས།ད་ལྟ་རྫོང་དེ་ཛ་དྲག་གི་གནས་སྟངས་འོག་ལྷུང་འདུག་ཅེས་སོགས་ངོ་སྤྲོད་གནང་།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
རྒྱ་རྡེའུའི་དགེ་འདུན་ལགས་དགོངས་དག ཁྱེད་ཀྱིས་ཕྲན་ལ་དབྱིན་མིང་ཅན་ཞེས་མིང་ཞིག་བཏགས་འདུག་པས་བདེ་པོ་རང་མ་བྱུང་བས་ཕྲན་གྱི་ངོ་སྤྲོད་བོད་ཡིག་ཐོག་དཔྱད་ཡོད།
བོད་མིའི་ལ་རྒྱ་རྒྱས་གྱུར་ཅིག རྨ་ཆུ་རྫོང་རྒྱབ་ལ་མདོ་དབུས་ཁམས་གསུམ་ལངས་དགོས་འདུག
དམར་པོའི་མཚོན་ཁ་ནས་བཞུད་ཅིང་གངས་ཅན་པའི་བདེན་དོན་སྦྲུམ་པའི་སྤུན་ཟླ་ཚོའི་ལས་དབང་གི་སྐྱོ་གར་ལ་བསམ་གཞིགས་ཀྱི་སེམས་ཁུར་ལེན་པ་ནི། མགོ་ནག་བོད་ལ་བློ་སེམས་དཀར་བའི་མཁྱེན་པ་ཚོའི་འོས་འགན་ཡིན། འཇིགས་རུང་རླུང་འཚུབ་ཀྱི་འོག་ཏུ་ཚུད་པའི་སྤུན་ཟླ་ཚོའི་རེ་སྟོས་འཆར་ས་ནི་ཕྱིར་སྡོད་བོད་མི་ཚོ་ཡིན་པས་ང་ཚོས་དེ་དག་གི་ཆེད་དུ་འབོད་བརྡ་མི་ཆད་པ་སྒྲོགས་པ་ལས་དོན་མེད་ཀྱི་གཏམ་འཆར་སྤེལ་བའི་སྐབས་མིན་པར་སེམས།
བོད་ཀྱི་མི་སྐྱ་ཚོ་འབྱོན་སྟང་དེ་ཚམ་མེད་ཚང་
རྨ་ཆུ་རྫོང་གི་བོད་རིགས་ཚོ་དངོས་གནས་སྙིང་སྟོབས་ཆེན་པོ་རེད། རྗེས་སུ་ཡི་རིང་།
༄།། དབྱིན་མིང་ཅན་དེའི་གསུངས་པ་བདེན་གི་ཡ
ད་ངོ་མ་གྲྭ་ཚོ་སྙིང་རྗེ་ནི་ཞིག་རེད།
མིའི་ལག་ནས་གདུངས་་རང་རིགས་ཀྱི་ཁ་འོག་ནས་གདུངས།
རང་ཡུལ་མདོ་དབུས་ཁམས་གསུམ་དུ་གྲྭ་བ་འཛིན་བཟུང་དང་ལྐོག་གསོད་བཏང་ནས་དགོན་པ་ཚང་མ་སྟོང་པ་བཟོས་སོང་། གཞན་ཡུལ་དུ་གྲྭ་བ་རྣམས་ལ་དམའ་འབེབས་དང་མཐོང་ཆུང་གཏོང་བ་འདི་ལ་བལྟས་ན་དངོས་ནས་གྲྭ་བ་འདི་འཚོ་སྙིང་རྗེ།