ནགས་ཤོད་སད་མི།
ཉེ་ཆར་རེས་གཟའ་ལྷག་པའི་ཨ་རིའི་རླུང་འཕྲིན་ལས་བསྟན་འཛིན་བདེ་སྐྱིད་འབོད་པའི་བུ་མོ་ཞིག་གིས་བོད་ཡིག་གཅོད་མཚམས་བཞིན་བར་སྟོང་འཇོག་དགོས་པའི་རྒྱུ་མཚན་འགའ་ངར་ངར་ཤུགས་ཤུགས་ཀྱིས་བསྐྱར་བརྗོད་ཡང་བརྗོད་བྱས་ཏེ་བཤད་སོང་ལ་རྒན་བསོད་ནམས་རྒྱལ་མཚན་གྱིས་མི་དགོས་པའི་རྒྱུ་མཚན་འགའ་ལྡོག་ཏེ་དྲངས་སོང་། ཕྲན་གྱིས་གླེང་གཞི་འདི་གོ་ཐོས་བྱུང་བ་དང་པོ་མིན་ན་ཡང་། བརྗོད་གཞི་འདི་རིགས་ལ་ཐུན་མིན་གྱི་སྤྲོ་སྣང་ལྡན་ཡོད་པས་དེ་ནས་བཟུང་ཉིན་འདི་སྐོར་ལ་བསམ་གཞིགས་ནར་མར་བྱ་དགོས་བྱུང་། དེའི་ཕྱིར། ད་རེས་ངས་བརྗོད་གཞི་འདི་ཐད་གང་བསམ་དེ་དྲན་གྱི་བསམ་འཆར་འགའ་ཐད་བརྗོད་བྱ་འདོད་ཡོད།
རེད། ཏག་ཏག་རེད། བརྗོད་གཞི་འདི་རིགས་ཁྱེར་ཏེ་གླེང་སློང་བཟོ་མཁན་ཞིག་ཡོད་ན་ཏན་ཏན་ཁོང་ཚོ་ལྟ་བུའི་ཕྱི་གླིང་བའི་སྤྱི་ཚོགས་ན་འཚོ་བཞིན་པའི་ཕྱིར་སྡོད་བོད་པ་ཞིག་དང་བོད་རྒྱའི་ས་མཚམས་ན་སླས་སྡོད་བྱ་མཁན་ཞིག་ཏན་ཏན་ཡིན་དགོས་སྙམ། དེ་གང་ཞེ་ན། དཀའ་ངལ་འདི་རིགས་ཀྱི་ཡོང་གཞི་གཙོ་བོ་ནི་བོད་རང་གི་ཕ་སྐད་ཤོད་པར་ཕུ་ཆུ་ཐུར་དུ་རྒྱུག་པ་ལྟ་བུའི་བྱང་ཆ་མེད་པའི་ཉེར་ལེན་ལས་ད་གཟོད་སྡུག་སྐད་འདི་ཤོར་འོངས་བ་རེད་སྙམ། གལ་ཏེ་བོད་རང་གི་སྐད་ཆ་ཤོད་པར་བྱང་གོམས་ཚད་དང་ལྡན་པ་ཞིག་ཡོད་ཚེ། བསམ་ཚུལ་དང་དྲི་གཞི་འདི་གླེང་སྟེགས་རྭ་བར་དུས་ནམ་ཡང་སླེབས་ཐུབ་ཀྱི་མ་རེད་འདོད། འདི་ནི་ངས་བཤད་བསམ་པའི་སྐད་ཆའི་སྡོམ་ལྟ་བུ་ཞིག་ཡིན་ནའང། འདིར་ཁྱབ་མཐའ་ཡོད་པའི་སྐད་ཆ་མིན་ལ་ཡོད་དགོས་དོན་ཡང་མེད།
བསྟན་འཛིན་བདེ་སྐྱིད་ཀྱིས་ད་ལྟ་བོད་སྐད་ཡིག་གཡང་ས་ལ་ཕྱོགས་ཡོད་པས་བདེ་ས་འཇམ་ས་ཞིག་ལ་ཕྱིར་ལྡོག་དགོས་ཟེར། དེའི་ཐབས་ཚུལ་ནི་བསྒྱུར་བཅོས་ཆུང་ཆུང་ཞིག་གིས་ཕན་རླབས་ཆེན་པོ་ཞིག་ལྡན་ཡོང་ཟེར། དེ་ནི་བོད་ཀྱི་བརྡ་སྤྲོད་རྣམ་གཞག་སོར་འཇོག་གིས་ཡི་གེའི་གཅོད་མཚམས་རྣམས་སོ་སོར་ཕྲལ་ཏེ་འབྲི་རྒྱུ་དེ་ཁོ་ནརེད་ཅེས་བརྗོད། འདི་ལྟར་བྱ་དགོས་པའི་སྒྲུབ་བྱེད་དུ་དབྱིན་ཡིག་དུས་རབས་བདུན་པ་ནས་ཁ་ཕྲལ་ཚར་ཡོད་ལ། དུས་རབས་བཅུ་བདུན་ནས་ཧིན་ཡིག་སོགས་ཀྱང་ཕྲལ་ནས་བྲིས་ཡོད་པ་དེ་རྒྱུ་མཚན་འཐད་ལྡན་ཡིན་པར་བརྗོད། འོན་ཏེ་ཞིབ་པར་བསམས་ན། དབྱིན་ཡིག་དུས་རབས་བདུན་པ་ནས་ཁ་ཕྲལ་བ་དེ་ང་ཚོས་ད་ལྟ་བརྗོད་ཀྱིན་པའི་བོད་ཡིག་ཁ་ཕྲལ་ཏེ་འབྲི་དགོས་ཞེས་པ་དང་གཅིག་མཚུངས་མ་རེད། དབྱིན་ཡིག་ཁ་ཕྲལ་ནས་བྲིས་པ་དེ་ཚེག་ཁྱིམ་སོ་སོར་ངོས་འཛིན་བདེ་བའི་ཆེད་དུ་ཚེག་ཁྱིམ་ཡིན་ཚད་ལ་ཁ་ཕྲལ་བ་ཙམ་ཞིག་རེད་པས། ང་ཚོས་ཤོད་ཀྱིན་པ་ནི་ཡི་གེའི་གཅོད་མཚམས་མི་འཁྲུལ་བའི་ཆེད་ལབ་གླེང་བྱ་བཞིན་པ་མིན་ནམ། དེས་ན་འདི་གཉིས་བཙན་ཚུགས་ཀྱིས་
མཉམ་གཅིག་ཏུ་སྦྱར་རྒྱུ་མི་དཔེ་མི་སྲིད། གཉིས་པའི་ཆ་ནས། བརྒྱ་ལ་ཁ་ཕྲལ་ཏེ་འབྲི་དགོས་ན་འབྲི་མཁན་དེས་གཅོད་མཚམས་ཤེས་དགོས་པ་རེད། དེ་མིན་ན་སྔར་ལས་ཇེ་ཞན་ཇེ་སྡུག་ལ་འགྱུར་རྒྱུ་རེད། དཔེར་ན།གངས་ལྗོངས་ས་མཐོར་དཔྱིད་དཔལ་རབ་ཏུ་བཞད་ལྟ་བུའི་བརྗོད་ཚིག་འདིར་ཆ་མཚོན་ན། གཅོད་མཚམས་ཇི་བཞིན་མི་ཤེས་པ་ཞིག་ལ་ཚིག་དུམ་འདི་ཁ་ཕྲལ་ཏེ་འབྲིར་བཅུག་ཚེ། གངས་ལྗོངས་ས་ མཐོར་དཔྱིད་ དཔལ་རབ་ ཏུ་བཞད་ལྟ་བུ་འབྲི་སྲིད་པ་རེད། དེ་ལྟར་བྲིས་འོངས་ན་ཁོ་རང་དང་ཤེས་ཚད་མཉམ་པའི་ཀློག་པ་པོ་གཞན་དེར་འཁྲུལ་ཐོག་འཁྲུལ་བརྩེགས་ཡོང་རྒྱུ་ལས་གནས་མེད་སྐབས་མེད། གལ་ཏེ་གཅོད་མཚམས་མི་ནོར་བར་ཏག་ཏགའབྲི་ཐུབ་མཁན་ཞིག་ཡིན་ན། བཅད་ནས་དགག་དགོས་ཅི་ཞིག་ཡོད་པ་རེད། གཞན་མདོ་དང་བསྟན་བཅོས་ཀྱི་བརྩམས་ཆོས་ཡི་གེ་བཅད་ནས་བྲིས་ན་ཆེས་ཤིན་ཏུ་ཛོར་པོ་ཡོང་རྒྱུ་ཨ་ཅང་ཅང་སྟེ། ང་ཚོའི་ཐད་ཀ་ཐད་སོར་ན་ཡོད་པའི་བརྙན་འཕྲིན་ངོས་ཀྱི་ཡིག་རིས་དང་དཔེ་དེབ་ཀྱི་མདུན་བྱང་། དེ་བཞིན་རེའུ་མིག་སོགས་བརྒྱང་དགོས་ས་ན་དེས་དཀའ་ལས་འཕར་མ་བཟོ་ཡོང་། དེས་མ་ཚད་མ་འོངས་བོད་མི་ཚོར་བསྐལ་པ་བཟང་པོ་འདྲ་ཤར་ནས་འཛམ་གླིང་སྤྱི་ལུགས་ལྟར་བཟོ་གྲྭ་སོགས་འཛུགས་ཐུབ་རྒྱུའི་དབང་དུ་བཏང་ན།ཐོན་རྫས་ཀྱི་མིང་བརྡ་ཐུང་ངུ་དེ་ཚོའང་མི་རྒན་གྱི་སོ་བཞིན་ཐར་རེ་ཐོར་རེ་བྱས་ནས་འབྲི་རྒྱུ་ཡིན་ནམ། དེས་ག་ལ་ཚད། རྒྱ་ཡིག་ཤོག་ལྷེ་གཅིག་ལ་བོད་སྒྱུར་བྱས་དུས་ཤོག་ལྷེ་ཕྱེད་གཉིས་ཐོན་གྱི་ཡོད་པ་རེད། འདི་འདྲའི་རྒྱུ་མཚན་གྱིས་བོད་ནང་ཚོང་ཁང་དང་ཇ་ཁང་སོགས་ཀྱི་ཁ་བྱང་དེ་དག་ལ་ཅིག་ལྟོས་དང་། དང་པོ་ནས་བརྗོད་བྱ་གཅིག་རང་ལ་ཡི་གེ་མང་ཉུང་འདི་ཙམ་ཤོར་ཡོད། དེའི་སྟེང་དུ་རྒྱ་མིས་ཁ་གཡར་ས་ལྟ་བུ་བྱས་ནས་ཡིག་རིགས་གཉིས་ཀ་ཐིག་གཅིག་ནང་ཨེ་ཤོང་མི་ཤོང་བལྟས་ནས། བོད་ཡིག་གི་སྒོ་བྱང་མང་པོ་ཞིག་མིག་ནང་བླུགས་རྒྱུ་ལྟ་བུ་ཞིག་བཟོས་ཡོད། འདིའི་སྟེང་དུ་ང་ཚོས་ད་དུང་བར་སྟོང་བཞག་ནས་རིང་དུ་བཏང་སོང་ན། མཐར་བོད་ཡིག་ཤོང་ས་ཞིག་རྙེད་དཀའ་ལ་བལྟས་པ་ཙམ་གྱིས་བོད་ཡིག་ནུས་མེད་ཡིན་པའི་རྣམ་པ་ལྟ་བུ་ངང་ཤུགས་ཀྱིས་ཐོན་འགྲོ་བ་རེད། གཞན་བོད་ཡིག་སྦྱངས་ནས་ནར་སོན་པའི་མི་དེ་དག་ཀྱང་ཨུ་ཚུགས་ཀྱིས་བཅད་ནས་འབྲི་དགོས་ཞེས་ལབ་ན། དེ་ལ་དགོས་པ་ཅི་ཞིག་ཡོད། གལ་ཏེ་ཡི་གེ་ཀློག་པར་དཀའ་ངལ་ཡོད་པ་ཚོར་ཕན་ཐོགས་ཀྱི་རེད་ཅེས་བརྗོད་ཀྱི་ཡོད་ན། དེ་ནི་སྤྲོས་བྲལ་རང་རེད། ཁྱོད་ཀྱིས་ཡི་གེ་ཀློག་ཙམ་ཐུབ་ཀྱི་མེད་དུས། གོ་དོན་རྟོགས་རྒྱུ་ཕ་རིའི་སྤང་རྒྱན་རེད།
ཡང་། རྒན་བསོད་ནམས་རྒྱལམཚན་གྱིས་བོད་ཡིག་འདི་རྒྱ་མིའི་ཡི་གེ་དང་འདྲ་མཚུངས་སུ་ཡོད་པ་རེད། རྒྱ་མིའི་ཡི་གེ་ཚིག་གྲུབ་རེ་རེའི་བར་མཉམ་གཅིག་ཏུ་སྦྱར་ཡོད་ལ་ཡི་གེ་རེ་རེས་གོ་དོན་རེ་རེ་བསྟན་ཡོང་། དེས་མ་ཟད་སྒྲ་གདངས་ཀྱི་ཆ་ནས་ཀྱང་འདྲ་ཆེ། གལ་ཏེ་རྒྱ་ཡིག་ལ་དེ་འདྲའི་དཀའ་ངལ་ཕྲད་དེ་གཅོད་མཚམས་བཞིན་ཁ་ཕྲལ་ཡོང་ན། ང་ཚོས་ཀྱང་བསམ་བློ་གཏོང་དགོས་པ་རེད་ཟེར། རྒྱ་མིའི་ཡི་གེ་དང་འདྲ་ཆེ་བ་རེད་ཟེར་བ་འདི་དངོས་པོའི་གནས་ཚོད་ཀྱིས་ཁས་ལེན་བྱ་བཅུག་གི་མ་རེད། འོན་ཏེ་འདྲ་བའི་ཆ་གཅིག་རང་ཡོད་པ་དེ་ཚིག་གྲུབ་གཅིག་བར་སྦྱར་ནས་བྲིས་ཡོད་པ་འདི་རེད། འདི་ནི་བོད་ཡིག་གི་འབྲི་སྟངས་དང་ཆུ་ལ་ཆུ་བཞག་གི་རྣམ་འགྱུར་ཁོ་ན་རེད། རེད་དེ་ཚིག་གྲུབ་གི་འགྲོ་སྟངས་མགོ་འཇུག་ཅུང་ཟད་ལྡོག་ཡོད་པ་ཡིན། ཡིག་རིགས་འདི་གཉིས་ཀྱི་འབྲུ་རེ་རེ་ནས་གོ་དོན་ཡོད་པ་གཅིག་མཚུངས་ཡིན་སྨྲ་ན། ཅུང་ཟད་ཐལ་སོང་བ་རེད། དོན་དམ་པས་བོད་རྒྱ་ཡིག་རིགས་གཉིས་ཀར་ཡི་གེ་འགའ་ཞིག་གི་གོ་དོན་འདི་རེད་ཅེས་ལབ་དགོས་ན་ཕལ་ཆེར་འགྲེལ་བརྗོད་བྱ་རྒྱུར་དཀའ་མོ་ཆགས་ངེས་རེད། ཡང་ཁོང་གིས། རྒྱ་མི་ཚོར་འདི་ཐད་ཀྱི་དཀའ་ངལ་མེད་དུས་ཟེར་མོད་འདི་ཡང་འདྲ་གི་མ་རེད། ང་ཚོ་བོད་ཀྱི་ཡིག་སྐད་དང་ཁ་སྐད་དབར་བར་ཐག་གང་འཚམས་ཤིག་ཡོད་པ་རེད། འདི་ཐད་རྒྱ་མིའི་ཡི་གེ་བཟང་ཆ་ཧ་ཅང་ཆེན་པོ་རེད། ཡིག་སྐད་དང་ཁ་སྐད་བར་ཐག་ཆེས་ཤིན་ཏུ་ཐུང་ཐུང་རེད། དཔེར་མཚོན་ན། བོད་མི་ཤེས་ཡོན་པ་ཞིག་གི་ཁ་ནས་གང་བཤད་ཡིག་ཐོག་ཏུ་འབེབས་མི་ཐུབ། རྒྱ་རྒན་ཤེས་ཡོན་པ་ཞིག་གིས་བཤད་འོངས་ན་ཤོག་ངོས་ན་འབེབས་མི་ཐུབ་པ་ཞིག་ཏན་ཏན་ཡོང་གི་མ་རེད། དེའི་ཕྱིར་ན་འདི་ཚོ་སྒྲུབ་བྱེད་ཉི་ཚེ་བ་ཞིག་དང་རྒྱུ་མཚན་ལྟར་སྣང་ཙམ་རེད་པས་དུས་ནམ་ཡང་བསྒྲུབ་བྱ་དང་ཁ་ཐག་ཇེ་རིང་ལས་འོས་མེད།
དེལྟར་གོང་དུ་རྒོལ་སྔ་ཕྱི་གཉིས་ཀྱི་སྤྱིའི་ཁས་ལེན་སོང་ཕྱོགས་དང་། དགག་བཞག་གི་ཚུལ་དུ་རང་ལུགས་མཛུབ་མོ་རི་སྟོན་ཙམ་སྨྲས་ཟིན་པས། ད་ནི་རྩོད་སྤོང་གི་དོད་དུ་ཅུང་ཙམ་ཤོད་འདོད། དེ་ཡང་ཐད་ཀར་བརྗོད་ན།ང་ཚོས་གླེང་གཞི་འདི་ཐག་གཅོད་བྱ་བར། ཐོག་མར་བོད་ཡིག་ཀློག་པར་དཀའ་ངལ་འཕྲད་སའི་ཡུལ་ངོས་འཛིན་དགོས། འདི་གལ་ཆེའི་དོན་ཆེ་ཞིག་རེད། དེ་ངོས་མ་བཟུང་ན་འབེན་མ་མཐོང་བཞིན་མདའ་རྡེག་པ་དང་ཨ་ན་མ་ན་རེད། དེའི་ཕྱིར། དོན་དམ་པས་བོད་ཡིག་ཀློག་པར་དཀའ་ངལ་ཡོད་མཁན་དེ་ཚོ་གང་དུ་ཡོད་པ་རེད། དེ་སུ་ཞིག་རེད་ཟེར་ན། བོད་ཡིག་ལ་ཐོག་མར་སྦྱོང་བ་བྱེད་མཁན་ཟེར་ནའང་འདྲ་ལས་དང་པོོ་བ་དེ་ཚོ་དང་། གོང་དུ་ཞུས་པ་བཞིན་འཁོར་ཡུག་གིས་རྐྱེན་པས་བོད་སྐད་ལ་མ་བྱང་བའི་བོད་མི་དེ་ཚོ་ཁོ་ན་རེད། རྒྱུ་མཚན་དེ་འདྲ་ཡིན་དུས་མི་འདི་སྐོར་ལ་དཀའ་ངལ་དེ་སེལ་སོང་ན་དེ་གས་འགྲིག་གི་ཡོད་པ་རེད་ལ། དེ་གས་འཐུས་པ་ཡིན་པས། དེའི་ཕྱིར་སློབ་ཆུང་སྤོབ་དེབ་གཅིག་པུར་བོད་ཡིག་གཅོད་མཚམས་བཞིན་ཕྲལ་ནས་བསྒྲིགས་བཞག་ན་མི་འགྲིགས་པ་ཅི་ཡང་ཡོང་མི་སྲིད། དེས་མ་ཚད་ཁོང་ཚོར་སློབ་བདེ་འཇུག་བདེ་ཞིག་ཡོང་སྲིད་པ་རེད་ལ། འདིས་དྲངས་ཏེ་ང་ཚོས་རྒྱུན་གཏན་ཤོད་ཀྱིན་པའི་ང་ན་ ཚྭ་མེད་ ཁལ་རྔ་ཀར་ཤི་ཟེར་བ་དང་། ཕོ་བྲང་ཆེན་ པོ་པོ་ཏཱ་ལ་སོགས་ཀྱི་གཏམ་རྒྱུད་འདི་ཚོ་ལོ་རྒྱུས་ཙམ་དུ་འགྱུར་རྒྱུའི་རེ་བ་ཡོད་པ་རེད། འོ་ནའང་། བོད་ཡིག་ཁ་ཕྲལ་ནས་འབྲི་རྒྱུ་དེ་ངེས་པར་དུ་གཞི་རིམ་ཙམ་དང་སློབ་གྲྭ་ཆུང་ཁག་རང་ཡིན་དགོས་པ་ལས་སྤྱིར་བཏང་གི་སྤྱི་ཚོགས་ལས་རིགས་ནང་བཀོལ་སྤྱོད་བྱ་མི་ཆོག་པའི་ཁྲིམས་གཞི་ནན་པོ་བཟོས་ཏེ་དོ་དམ་བཏང་འཛིན་ཚགས་ཚུད་བྱ་དགོས།
མཇུག་ཏུ། ཁྱེད་ཅག་གིས་སྙིང་ནས་བོད་སྐད་ཡིག་ལ་ཤ་ཚ་དང་ལེགས་བཅོས་བྱ་རྒྱུའི་འདོད་འདུན་ཡོད་པ་དང་། ཇི་སྲིད་སྔོན་ཐོན་གྱི་སྐད་ཡིག་གཞན་དག་ནམ་འཚོའི་བར་ཁ་བ་ཅན་གྱི་སྐད་ཡིག་འདི་ཉིད་ཀྱང་མཉམ་ཅིག་ཏུ་གསོན་པོར་གནས་རྒྱུ་བྱུང་ན་ཅི་མ་རུང་སྙམ་པའི་བློ་སེམས་ཡོད་ན། ཆུ་གཉེར་བཞིན་ཐོན་བཞིན་པའི་དེང་དུས་འཕྲུལ་རིགས་འདི་ཚོའི་མིང་དང་བཀོལ་སྤྱོད་བྱེད་སྟངས། དེ་བཞིན་དེང་དུས་ཀྱི་གློག་ཀླད་ཤེས་བྱའི་སྐོར། བརྡ་འཕྲིན་སྐོར། སྨན་དཔྱད་སྐོར། ཟས་གོས་སྐོར། འགྲིམའགྲུལ་སྐོར། ཐ་ན་རྩི་ཤིང་ནགས་ཚལ་དང་བྱ་རི་དྭགས་སོགས་ཀྱི་མིང་བརྡ་གྲངས་ཀས་མི་ཟིན་པ་ཞིག་ཆད་ནས་ཡོད་པ་འདི་ཚོ། གཞན་སྐད་སློབ་སྦྱོང་མཐར་ཕྱིན་བྱས་ཏེ་མྱུར་བ་ཉིད་དུ་བོད་རང་གི་སྐད་དང་མཐུན་པར་ཁ་སྐོང་བྱ་རྒྱུ་དང་། རེ་ཞིག་བསྒྱུར་ཟིན་པ་རྣམས་སློབ་སྦྱོང་དང་ལག་ལེན་ཚུལ་བཞིན་བྱ་རྒྱུ་ཁ་ཚ་དགོས་གཏུག་ཏུ་མཐོང་གི་ཡོད། དེ་ཙམ་དུ་མ་ཟད། གློག་ཀླད་དྲ་རྒྱ་ལས་དབྱིན་ཡིག་དང་རྒྱ་ཡིག་སོགས་བདེ་ཐང་ཅན་གྱི་སྐད་ཡིག་འདི་ཚོ་ཕན་ཚུན་གང་འཚམས་ཤིག་རང་སྒྱུར་བྱ་ཐུབ་ཀྱི་ཡོད་པ་རེད། དབྱིན་ཡིག་སོགས་ལ་ཡིག་ནོར་འགོད་ཐལ་ཤོར་ནའང་དམར་རྟགས་ཐོན་གྱི་ཡོད་པ་རེད། འདི་རིགས་ང་ཚོ་བོད་ཡིག་ལ་ཡང་དེ་ལྟར་བཟོ་ཐུབ་ན།དངོས་གནས་དྲང་གནས་ཀྱི་རླབས་ཆེན་བྱས་རྗེས་རེད། དེ་ལྟར་བྱ་ཐུབ་ཚེ། ང་ཚོའི་སྐད་ཡིག་འདི་ནད་མེད་ཚེ་རིང་གི་སྒོ་ནས་བསྐལ་པའི་མཐའ་ལ་གཏུག་གི་བར་སྐྱོན་བྲལ་ངང་གསོན་པོར་སྡོད་ཐུབ་ངེས་རེད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
᪠ᩰ᪄་᫇ᨑ᪄་᪠᩶ᨓ་ᨪᨑ᩶་ᨵ་᪄་ᩏ་ᨓᨑ་᪠ᨕ᩶་ᨑ་ᨨ᩶་ᨑᨵ་་᩶ᨕ་᪉ᩏ་᩶ᩏ་ᩴᨵ་᫄᪠་ᨕ᩶་་᪠ᩔᨵ་᪠ᩞᨕ᩶་ᫎ་ᩃ་ᨑ᪄ᨎ ᨑ᪄་᪄ᩏ་ᩏ་ᨓᨑ་᩹་᪠་᩶ᩏ་᪱ᨑ་᪠་᪱ᩏ་ᨕᨑ་ᨕ་ᩃ་᪀᪄་ᨑ་᪠ᨕ᩶་ᨑᨵ་᩶ᨓ་᪠ᫍᨑ᪄་ᨵ᪄᩶་᩶ᨕ᪄་་ᩖᩏ་ᨵᨑ་ᩛᩏ་ᩐ་ᫍᨑᨵ་ᨵᨑ་ᩚᨓ᩶་᩹་᪠ᩌ་᪠ᩖᨕ་ᨵᩧᨕᩏ་᩶ᨵᨕ་ᨵ་᪠ᩞᨕ᩶་་᩶ᨓ་᫅་᩶ᩏ་᪀᪄་་ᫀ་᪠་᪄་᪱ᨑ᪄ᨎ ᪠ᨕ᩶་ᨑᨵ་᩶ᨓ་᪠ᫍᨑ᪄་ᨑ᪄་ᩲᩏ་ᩖ᪄་᩶ᩏ་ᩏ་ᨓ་ᨵᩏ་ᩖ᪄་᩠ᨕᩏ་ᨑ་ᨑᨵ་ᨵᫎᩏ་ᨵᨑ་᪱ᨑᨵ་ᩮ་᪢་ᨑ᪄་་ᩏ་᪉ᩏ་ᨵᩏ་᩼᪄་ᨹᨑ་᪠ᩌ་᪠ᩖᨕ་ᨵᩧᨕᩏ་᪠་ᨵ་་᪙ᨕ᩶ᨎ ᪠ᨕ᩶་ᨑᨵ་ᨠᨕᨵ་ᩰᩏ་᪱་ᨓ་ᨑ་᩶᪠ᩏ་ᨵᨑ་᪠་ᩰᨕᩏ་ᨕᨵ་᪠ᩌ་᪠་ᨵᩧᨕᩏ་᩶ᨵᨕ་᪤ᩏ་᪄་᪱ᨑ་ᨓ་᩶ᨙ་ᩏ་ᨓ་ᨕ᩶་ᩰ᪠་᪠་ᫍᨑᨵ་᪠ᨕ᩶་ᨑᨵ་᩶ᨓ་᪠ᫍᨑ᪄་᪠ᨵ་ᨵᩧᨕ་ᨻᨕ་ᩡᨓ᪄་ᩚᨓ་᪠་ᩴᨵ་᪠᪱་ᩂ་ᩚᨓ་ᨕᩏ་᪠་ᫎᨎ
ནགས་ཤོད་སད་མི་ལགས་ཁྱེད་ཀྱི་ཟིན་བྲིས་དེ་དངོས་གནས་ཡག་པོ་འདུག་ཅེས་དྲ་གྲོགས་མང་པོ་ཞིག་གིས་གསུང་འདུག ད་དུང་མང་ཙམ་འབྲི་བའི་རེ་བ་ཡོད།
ཁྱེད་ཚོས་ལྷག་བསམ་རྣམ་དག་གིས་གདེང་འཇོག་གནང་བ་ཐུགས་རྗེ་ཆེ། གནད་དོན་འདི་བོད་སྤྱིའི་སྲོག་རྩ་དང་ཐད་ཀར་འབྲེལ་ཆགས་པས་ང་ཚོས་ཚང་མས་དོ་སྣང་ཅི་ཆེ་བྱ་དགོས།
བོད་ཡིག་ལ་རྒྱུས་མངའ་ཅན་གྱི་བསམ་འཆར་རིན་ཐང་ཅན་རེད་འདུག ཐོག་མར་བཙན་བྱོལ་སྤྱི་ཚོགས་ཀྱི་སློབ་ཆུང་འགའ་ཤས་ནང་ཚོད་ལྟ་བྱས་ན་ཡག་མོ་ཡོད་ས་རེད།
སེང་རྡོར་དྲ་བའི་ཁ་འབྱེད་ཨེ་ཐུབ་ཀི
ཧ་ཅང་ལེགས། ཐུགས་རྗེ་ཆེ། བསམ་ཚུལ་འདི་ལས་ལྷག་གང་ཡང་མི་དགོས། ང་རང་གིས་ཀྱང་འདི་ལས་གཞན་གང་ཡང་བསམ་གི་མེད། ངེད་གཉིས་བསམ་ཚུལ་གཅིག་པ་རེད།
ཁྱོབ་རང་དངོས་ནས་ཕོ་རབ་ཞིག་རེད་ཅེས་བཤད་འདོད་བྱུང་།
བསམ་བློ་གཏང་ས་ཡོད་པའི་བསམ་ཚུལ་ཞིག་འདུག་། ད་དུང་མང་ཙམ་འབྲི་བའི་རེ་བ་ཡོད།
ནགས་ཤོད་སད་མི་ཞེས་པའི་ཟིན་བྲིས་བཏབས་མཁན་འདིས་ནི། དངོས་ཡོད་གནས་ཚུལ་ལ་ཞིབ་འཇུག་ལེགས་པོ་བྱས་པའི་སྐད་ཆ་ཞིག་རེད།
ད་སྐད་དངོས་གནས་ཕྲད་བཞིན་པའི་བོད་ཡིག་དང་བོད་སྐད་ཀྱི་དཀའ་ངལ་དེ་ནི། དངོས་པོ་གསར་པ་དང་ལམ་ལུགས་གསར་པའི་སྐོར་ལ་མིང་ཚིག་གི་འདང་ཀྱིན་མེད། འདི་ལྟ་བུའི་དཀའ་ངལ་འོག་མི་མང་པོ་ཞིག་གིས་རྒྱ་ཧིན་དབྱིན་གསུམ་གྱི་མི་ཚིགས་བེད་སྤྱོད་དགོས་བྱུང་ཡོད། དེས་ན་མྱུར་དུ་མིང་ཚིགས་ལེགས་པོ་འདོགས་ལ་དེ་བེད་སྤྱོད་བྱེད་དགོས།
ནགས་ཤོད་སད་མི་ལགས་ཁྱེད་ཀྱི་ཟིན་བྲིས་དེ་རགས་རིམ་ཙམ་ཞིག་ཀློག་ཟིན།
མཐའ་གཅིག་ཏུ་རྗེས་སུ་ཡི་རང་དང་ཡོད་ལ་བཀའ་དྲིན་ཆེ་ཞུ།