དེ་རིང་ཞོགས་པར་སྐྱེ་རྒུ་མདོ་རུ་ས་ཡོམ་བརྒྱབ་སྟེ་ཉུང་མཐར་མི་ ༦༡༧ བསད་ཅིང་ ༡༠༠༠༠ ལྷག་རྨས་ཡོད་འདུག
རྒྱ་ནག་གཞུང་གིས་མཚོ་སྔོན་ཞིང་ཆེན་ཡུལ་ཤུལ་ཁུལ་དུ་ས་ཡོམ་བརྒྱབ་སྟེ་ཉང་མཐར་མི་ ༦༧ བསད་ཡོད་སྐོར་བརྗོད་ཡོད། ཨ་རིའི་ས་ཡོམ་བརྟག་དཔྱད་ཚན་པས་ས་ཡོམ་འདི་ནི་ཤུགས་ཚད་ ༦་༩ ཅན་ཞིག་ཡིན་པར་བཤད། རྒྱ་ནག་གཞུང་གིས་དྲ་ཚིགས་སྟེང་ས་ཡོམ་འདིའི་སྐབས་ཀྱི་བསད་རྨས་ཀྱི་གྲངས་འབོར་དང་། ཁང་ཁྱིམ་མང་པོ་འགྱེལ་ཡོད་པར་བཤད། ཁ་པར་གྱི་བརྒྱུད་ལམ་སོགས་ཆད་ཡོད་པར་བརྟེན་མྱུར་སྐྱོབ་རུ་ཁག་གི་སྙན་ཐོ་དུས་ལྟར་འབྱོར་གྱི་མེད་ཚུལ་འདུག
འདི་ནི་སྐབས་ཐོག་གི་གསར་འགྱུར་ཞིག་ཡིན་སྟབས། གསར་འགྱུར་འདི་དང་འབྲེལ་བའི་གནས་ཚུལ་རྣམས་འདིའི་གཤམ་དུ་འགོད་རྒྱུ་ཡིན།
༡། ༢༠༠༨ ལོར་སི་ཁྲོན་དུ་ས་ཡོམ་རིམ་པ་ ༧་༩ ཅན་ཞིག་བརྒྱབ་སྟེ་མི་ ༩༠༠༠༠ བསད་ཡོད་པ་རེད། དེ་རིང་གི་ས་ཡོམ་འདི་ ༦་༩ རེད་འདུག
༢། རྒྱ་ནག་གཞུང་གི་ས་གནས་ས་ཡོམ་བརྟག་དཔྱད་ཚན་པས་ཐེངས་འདིའི་ས་ཡོམ་གྱི་ཤུགས་ཚད་ནི་ ༧་༡ ཡིན་པར་བཤད་འདུག
༣། ༢༠༠༥ ལོའི་མི་འབོར་ཞིབ་བཤེར་ལྟར་ན། ཡུལ་ཤུལ་དུ་རོང་འབྲོག་གཙོ་བོར་བྱས་པའི་མི་གྲངས་ ༨༩༣༠༠ ཡོད་པར་བཤད།
༤། ད་ལྟ་ཞིན་ཧྭ་གསར་ཁང་གིས་བསྒྲགས་པ་ལྟར་ན། ས་ཡོམ་ཁྲོད་མི་ ༣༠༠ བསད་ཅིང་ ༨༠༠༠ རྨས་འདུག་ཟེར།
༥། རྒྱ་ནག་གཞུང་གིས་དབུས་གཞུང་དང་ཉེ་འཁོར་གྱི་ཞིང་ཆེན་ཁག་ནས་མྱུར་སྐྱོབ་རུ་ཁག་བཏང་དང་གཏོང་བཞིན་པ་ཡིན་ཚུལ་བཤད་འདུག
༦། ཞིན་ཧྭ་གསར་ཁང་གིས་བསྒྲགས་པ་ལྟར་ན། སྐྱེ་རྒུ་མདོ་གྲོང་བརྡལ་གྱི་ཁང་བ་བརྒྱ་ཆ་ ༨༥ ལྷག་འགྱེལ་འདུག་ཟེར།
༧། ནོར་བསམ་རྒྱལ་ཞུ་བ་ཞིག་གིས་འདི་ག་གསར་ཁང་ལ་བཏང་ཡོང་དོན། ༼སྐྱེ་དགུ་མདོའི་གྲོང་ཁྱེར་དུ་ཡོད་པའི་བོད་མི་ཞིག་ལ་ཁོ་བོས་ད་ལྟ་འབྲེལ་བྱས་ཏེ་ད་ལྟའི་གནས་སྟངས་དངོས་ག་འདྲ་ཞིག་ཡིན་མིན་དྲིས་སྐབས། བོད་མི་དེས་བརྗོད་དོན་ས་འགུལ་བརྒྱབ་ནས་ཆུ་ཚོད་ ༧ ཕྱིན་སོང་ད་ལྟ་བར་དུ་རོགས་བྱེད་མཁན་གཅིག་ཀྱང་འབྱོར་མ་སོང་། ཡུལ་དེའི་ཁང་བ་བརྒྱ་ཆའི་དགུ་བཅུ་བརྡིབས་ནས་འོག་ཏུ་མི་མང་བོའི་ཚེ་སྲོག་འགྲོ་བཞིན་པས་ངོ་མ་ཡིད་སྐྱོ་བའི་གནས་འདུག ཁོ་བོའི་བཟའ་ཚང་སྲོག་མགོ་ཐོན་པ་ཙམ་བྱུང་སོང་ཞེས་བརྗོད་སོང་༽ཟེར། ཡང་ཁོས། ༼ཁ་བརྡ་རིང་བོར་བྱེད་མ་ཐུབ། རྒྱུ་མཚན་ནི་འབྲེལ་བ་བྱེད་ཡུལ་གྱི་ལག་ཐོག་ཁ་པར་དུ་གློག་རྫོགས་ལ་ཉེ་བས་དང་། སྐྱོབས་མཁན་མེད་པའི་བོད་མི་མང་བོའི་ཚེ་སྲོག་འགྲོ་བཞིན་འདུག༽ཟེར།
དཀོན་མཆོག་ལས་འབྲེལ་གང་ཡིན་ནམ་་་་ཆོས་ལུང་་་ཆོས་བྱེད་་་་ཆོས་ལྗོངས་་་་་ཆོས་མི་་་་་འདི་འདྲིའི་མི་རིགས་ཞིག་ལ་རྐྱོན་ངན་འདི་འདྲ་ཡོང་དགོས་དོན་གང་ཡིན་ནམ་་་་ཁྱོད་དངོས་ནས་ལས་འབྲེལ་ཡིན་ན་རྒྱ་ཡིན་དཔོན་པོའི་སྟེང་དུ་མ་ཡོང་བ་གང་ཡིན་་་་འོ་ན་ཁྱེད་ཁོང་ཚོའི་སྟེང་དུ་ཕན་ཐོག་མེད་པ་ཡིན་ནམ་་་་་་་་་་ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ
ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ
ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ
ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ
ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ
་་་་་་་་་་་
ངས་ད་ལྟ་cctvཐད་གཏོང་ལ་བལྟས་མ་ཁད་ཡིན། ཕལ་ཆེར་གནས་ཚུལ་ཚབས་ཆེན་ཡིན་ས་རེད། ཨོྃ་མ་ཎི་པདྨེ་ཧཱུྃ་ཧྲཱི།
ཁྲ་འགུ་དགོན་པ་གནོད་སྐྱོན་ཆེན་པོ་ཐེབས་འདུག
ང་ཚོ་བོད་པ་ཚོས་ལས་ངན་པ་ཅི་ཞིག་བསགས་པ་རེད།་ཕྱི་ནས་རྒྱ་དམག་གིས་བོད་མི་བསད་བསད་གཏུབ་གཏུབ་བྱས།་ནང་ནས་འབྱུང་བཞིས་གནོད་པ་ཕོག་་ད་འདི་འདྲ་གང་རེད།ངོ་མ་ཤེས་མ་སོང་།དཀོན་མཆོག་མཁྱེན།
ས་ཡོམ་གྱི་གོད་ཆགས་འོག་རྐྱེན་འདས་སུ་སོང་བའི་འདས་པོ་འདས་མོ་ཇི་ཡོད་འཕགས་པ་སྤྱན་རས་གཟིགས་ཀྱིས་རྗེས་སུ་བཟུང་སྟེ་དལ་འབྱོར་རྟེན་བཟང་འཐོབ་པར་ཤོག
མཆོད་མེ་ཞིག་སྤར་ མ་ནི་ཞིག་འདོན་ ཨོྃ་མ་ཎི་པདྨེ་ཧུྃ
རྣམ་རྟོག་དང་ཞེ་སྣང་རྔམ་སྐྲག་སོགས་མི་ཡོང་བའི་ཆེད། ནང་མི་སྤུན་མཆེད་སུ་གང་ཡོད་འབྲེལ་བྱིངས་སྐྱེ་བོ་ཀུན་ལ་སེམས་སོ་བྱེད་ཡག་གལ་ཆེན་པོ་རེད། ཨཾོ་མ་ཎི་པདྨེ་ཧཱུཾ།
འཕགས་མཆོག་ཕྱག་ན་པདྨོའི་ཞིང་ཁམས་སུ་གེགས་མེད་སྐྱེ་བའི་སྨོན་ཚིག་འདེབས།
ཁ་བྱང་འདི་བརྒྱུད་ས་གནས་ས་ཐོག་གི་གནས་ཚུལ་གང་འཚམས་ཤིག་ཤེས་ཐུབ།
http://www.youtube.com/watch?v=FCA-jNESZ8M
ཁ་བྱང་འདི་youtrub ནང་གི་ས་གཡོམ་རྒྱག་སའི་ས་གནས་ཀྱི་བརྙན་པར་ཐུང་ངུ་རེད།
http://www.youtube.com/watch?v=FCA-jNESZ8M
སྐབས་འདིར་ཚང་མས་སོ་སོའི་འབྲེལ་ཡོད་མི་སྣར་འབྲེལ་གཏུགས་ཀྱིས་ཤི་རྨས་ཀྱི་གྲངས་ཀ་གསལ་བོ་རེ་ལོན་རྒྱུ་ནི་གལ་ཆེ་ཤོས་རེད།
རྒྱ་ནག་གཞུང་གིས་གྲངས་འབོར་དེ་གསལ་བོ་ཞིག་བཤད་མི་བཤད་ཁག་པོ་རེད། ཡིན་ཡང་། ཧ་ལས་པའི་གསང་བ་བྱ་རྒྱུ་ཡང་དེང་སང་དཀའ་ལས་ཁག་པོ་ཡོད་པ་རེད། དེར་བརྟེན་དྲ་གྲོགས་ཚོས་ཤི་རྨས་དང་གོད་ཆག་གི་གྲངས་ཀ་དང་ཚད་གཞི་དེ་གསལ་བོ་དང་དག་པོ་བཟོ་ཐབས་ལ་འབད་རོགས།
ཨ་ཁ་ཁ། ཡང་རྒྱ་གུང་ཁྲན་ལ་ཆབ་སྲིད་ཀྱི་གཡོ་འཁྲབ་བྱེད་རྒྱུའི་གོ་སྐབས་བླ་མེད་ཅིག་རག་པ་རེད། བོད་པ་འདི་ཚོ་སྙིང་རྗེ། ག་དུས་ཡིན་ན་ཕམ་ཁ་རྐྱང་རྐྱང་རེད། ཨོྃ་མ་ཎི་པདྨེ་ཧུྃཿ
http://www.facebook.com/group.php?gid=114671665218930#!/photo.php?pid=3701392&op=1&o=global&view=global&subj=114671665218930&id=553579136&fbid=398059279136
འདི་དྲ་རྒྱ་ནང་དུ་གཟུགས་དང་ཞིབ་ཕྲ་འདུག
འདི་ནི་ས་ཁུལ་འདིར་ཕྱི་ལོ ༡༧༡༠ ལོའི་རྗེས་ནས་རིམ་པ་མཐོ་ཤོས་བརྒྱབ་པའི་ས་ཡོམ་ཐེངས་གཉིས་པ་དེ་ཆགས་འདུག ས་ཁུལ་འདི་ལ་འདི་འདྲའི་གོད་ཆག་ཡོང་དོན་ལ་དཔྱད་པར་བྱ་བའི་གཞི་གཅིག་ཡོད། འདི་ནི་མཚོ་སྔོན་ཞིང་ཆེན་གྱི་གསང་བའི་དུག་མཚོན་བཟོ་སའི་ལྟེ་བ་ཞིག་ཏུ་འཁེལ་ཡོད་པར་སྨྲ་ལ། ད་དུང་ལོ་རེ་བཞིན་ཆར་ཆུ་དུས་སུ་མི་འབབ་པ་དང་ལོ་ཕྱུགས་རྟག་ཏུ་མི་ལེགས་པའི་གནས་ཚུལ་ངན་པའང་འདུག ལོ་ངོ་སུམ་བརྒྱའི་ཡར་སྔོན་ལ་གནས་འདིར་ས་ཡོམ་རིམ་པ་མཐོ་ཤོས་བརྒྱབ་པའི་སྐོར་སུམ་པ་ཡེ་ཤེས་དཔལ་འབྱོར་གྱི་རྣམ་ཐར་དུ་གསལ་བའི་དུང་དཀར་རིན་པོ་ཆེས་གསུངས་འདུག་ལ། དེ་མིན་ཚོར་བས་ཤེས་པ་ཙམ་མང་བོ་ཡོད་པར་སྨྲ། གང་ལྟར་ཡུལ་འདི་ན་རྨ་འབྲི་རྫ་གསུམ་གང་ཡིན་མ་ངེས་མོད། ཆུ་མཛོད་ཆེན་པོ་ཞིག་ཡོད། དེ་ལ་གས་སྐྱོན་འདྲ་བྱུང་ན་བོད་ཀྱི་ལོ་རྒྱུས་དེབ་ཐེར་ཁྲོད་མེད་པའི་རྐྱེན་ངན་ཞིག་ཡོང་གི་རེད།
ད་ལྟ་རང་ཁུངས་ལྡན་གྱི་གནས་ཚུལ་ཞིག་འབྱོར་བ་ལྟར་ན་ནམ་གསལ་ལ་མ་གསལ་བའི་མཚམས་ཤིག་ལ་བརྒྱབ་པ་ཡིན་སྟབས། མི་ཚང་ཉལ་ཡོད་པའི་སྐབས་ལ་འཁེལ་ཡོད། དེའི་སྟབས་ཀྱིས་ལོག་སོང་བའི་ཁང་བ་ཚང་མའི་ནང་དུ་མི་ཤི་བའི་དོན་རྐྱེན་ཡོད་ངེས་སུ་སོང་བས། ཚོད་དཔག་ལྟར་ན་མི་ལྔ་སྟོང་ཟིན་པར་བཤད། ཡིན་ནའང་ད་ལྟའི་ཤི་གྲངས་ལ་ཆ་འཇོག་མེད། ད་དུང་མུ་མཐུད་དུ་ས་སློག་རྒྱག་གི་འདུག་ཅེས་བཤད། གང་ལྟར་དགྱ་ནག་གི་གསར་འགྱུར་ལ་ཆ་འཇོག་བྱེད་རྒྱུ་མེད་པར་མཐོང་།
བང་ཆེན་ཚང་ལ་བརྐུས་ཡིན།
ད་ལྟ་ས་ཡོམ་གྱིས་མི༤༠༠ལྷག་བསད་པ་དང་མི༡༠༠༠༠ལྷག་ལ་རྨས་ཕོག་འདུག་
སྐྱེ་དགུ་མདོའམ་ཡུལ་ཤུལ་ཁུལ་དུ་ས་ ཡོམ་གྱི་དོན་རྐྱེན་བྱུང་ནས་མི་ཤི་རྒྱུ་གོད་ཧ་ཅང་ཆེན་པོ་བྱུང་ཡོད་པ་དང་། ད་ལྟའི་རྫ་ཆུ་ཁའི་ཁོངས་གཏོགས་རྫ་སེར་ཤུལ་དགོན་པའི་གྲྭ་པ་༥༠༠ ཙམ་གྱིས་གུར་༣༠༠ ཙམ་དང་། ཟས་གོས་སོགས་མཉམ་ཁྱེར་གྱིས་གནོད་སྐྱོན་ཕོགས་ཡུལ་དུ་རོགས་རམ་བྱེད་པར་འགྲོ་ རྒྱུའི་གྲ་སྒྲིག་བྱེད་བཞིན་པ་དང་།
དེ་བཞིན་རྫ་ཆུ་ཁའི་ལྕང་མ་དགོན་པའི་དགེ་འདུན་པ་གྲངས་༡༠༠ ཙམ་རོགས་སྐྱོར་བྱེད་པར་འགྲོ་བཞིན་ཡོད་འདུག
ཐམས་ཅད་ཀྱི་བསྔོ་སྨོན་གསུང་རོགས།
ཡང་ཆར་གནས་ཚུལ་འདུག་ན་གཏང་རོགས་གནང་།
དེར་ས་སྐྱ་པའི་དགོན་ཆེན་ཞིག་ཡོད་རེད་དེ་ལ་གནོད་རྐྱོན་འདྲ་ཐེབས་ཡོད་ན།
གཅིག་བྱེད་ན་རྒྱ་མིས་བཟོས་པ་ཞིག་ཡིན་ལས་ཆེ།
ཐམས་བཅད་བདེ་ཆེན་ཞིང་དུ་སྐྱེ་བར་ཤོག།
བླ་མ་མཁྱེན་དེ་འདྲའི་ག་རེ་ཡིན་ན་་་་་་་་་་་ཨ་ཁཁཁ
ངོ་མ་འཇིགས་ཡེར་བའི་དོན་རྐྱེན་འདིས།
ང་ནི་ཞེ་སྨྲིང་ཞིང་ཡིད་སྐྱོ་བའི་ཤུག་རིང་ཡང་ཡང་དུ་འཆོར་བའི་ཚད་ལ་བསྐྱར་སོང་།
དེ་ལྟར་ཡང་ངས་མྱ་ངན་གྱི་མ་ཎི་ཡང་ཡང་བགྲང་
ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ
ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ
ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ
ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ
ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ ཨོྃ་མ་ཎི་པདྨེ་ཧུྃཿ
དགེ་བ་འདི་ཡིས་འདས་ཚད་ཀུན།།
བདེ་ཆེན་ཞིང་དུ་སྐྱེ་བར་ཤོག།
ང་འདི་ནས་ཐེངས་གཅིག་ངུས་པ་ཡིན།
དེ་རིང་གོ་ཐོས་བྱུང་བའི་ངུ་ཚོང་གི་གོད་ཆགས་དེ་ཅི་ཞིག་གི་འཇུག་འབྲས་རེད་དམ། ཉེ་ཐོས་ལ་སྤྱི་བཏང་སྔོན་དང་མི་འདྲ་བའི་ད་ལོའི་ལོ་དེར་ས་གནས་འདིའི་ཕྱོགས་སུ་ཆར་ཆུ་སོགས་རྒྱུན་ཆད་ནས་ས་ནས་རྩ་དང་རྩི་ཤིང་རིགས་སྐམ་ལ་ཉེ་བར་གྱུར་ཡོད་པར་བཤད་ཀྱིན་འདུག གང་ལྟར་རབ་ཤོས་ཟེར་བའི་ས་གནས་འདིར་ལ་གཏེར་གནས་རྩ་ཆེན་ཞིག་ཡོད་པའི་ཉེ་འགྲམས་སུ་ཀ་རྒྱུད་པའི་དགོན་ཆུང་ཞིག་ཡོད་པར་འདུག་དེ་ནི་གང་མཚམས་ཤིག་ནས་གནས་སྤོ་བྱས་ནས་དེའི་འཇུག་ཏུ་གཏེར་བརྔོགས་འདོན་བྱས་པའི་གནས་ཚུལ་དེས་རྐྱེན་པར་ཚོད་དཔགས་བྱེད་ཀྱིན་འདུག ངས་ཀྱང་དེ་ནས་རྐྱེན་སློང་བ་མིན་ནམ་དྲན་ནས་ཟུར་བཤད་བྱས་པ་ཡིན། ང་ཚོ་ཕྱི་ལོག་གནས་པའི་བོད་མི་ཡོངས་ཀྱི་སྡུག་སེམས་མཉམ་སྐྱེད་ཐོག་ནས་འདས་གྲོང་སོང་བ་རྣམས་ཀྱི་ཆེད་དུ་བསྔོ་སྨོན་དང་། ད་ལྟར་སྐྱོན་ཆ་ཕོག་པ་རྣམས་ཀྱི་ཆེད་དུ་མྱལ་ངན་བྱེད་དགོས་པར་ཡིན་ཙང་དེས་ན་ངས་ཀྱང་འདིའི་ནང་དུ་ཟིན་བྲིས་སྟེང་དུ་འབྲི་ཚིག་འགའ་ཞིག་བཀོད་རྒྱུ་བྱུང་སོང།
ད་ཡིན་ན་དཀོན་མཆོག་འགྲིག་མི་འདུག་ཐུགས་རྗེ་གཟིགས་བོད་མི་འདི་ཚོ་སྐྱེ་བ་སྔོན་མ་ག་རེ་བྱས་པའི་ལས་བསགས་ཡོད་ན་ཀྱེ་མ། དྲིན་ཆེན་བླ་མ་ཐུགས་རྗེ་གཟིགས་རོགས་གནོངས།
སྐྱེ་རྒ་ན་འཆི་དབང་མེད་འཇིག་རྟེན་མི།།
འབྱུང་བཞིའི་གནོད་པ་འགོག་མེད་སླེབས་དུས་སུ།།
ཉེས་མེད་མི་ཚོགས་མང་བོ་ཤི་བ་དེར།།
ཕྱི་མ་དག་པའི་ཞིང་དེར་སྐྱེ་བར་ཤོག།
ད་དུང་ཤི་བའི་གྲངས་འབོར་འཕར་གྱིན་འདུག་ལ། གནས་དེར་འཁོད་པའི་སྐྱེ་བའི་དེ་ཡིས་གླེང་དོན་ལ། ད་དུང་ཡང་གློག་ཆུའི་ཆེད་དུ་བཀག་བསྐྱིལ་བྱས་པའི་ཆུ་མཛོད་དེ་ཤོར་ཡོང་ངམ་སྙམ་པའི་དངང་སྐྲག་བྱེད་ཀྱི་ཡོད་ཟེར། གལ་སྲིད་ཆུ་མཛོད་དེ་ཁ་ཤོར་བ་ཡིན་ན། ལུང་པ་དེའི་མདའ་རུ་ཆགས་པའི་གྲོང་ཁྱེར་སྐྱེ་དགུ་མདོ་ཞེས་པ་འདི་ཉིད་ཕྱགས་མ་རྒྱག་གི་རེད་ཅེས་ཞེད་སྣང་བྱེད་ཀྱི་འདུག
ཁ་པར་བརྒྱུད་ནས་ཐོས་གསལ་ལྟར་ན་གྲོང་ཁྱེར་ནང་གི་མི་སུམ་ཆ་གཅིག་ཙམ་འདས་གྲོངས་སུ་སོང་འདུགཟེར། ནང་མི་དང་སྤུན་མཆེད་རྣམས་ལ་ཁ་པར་འགྲོ་ཡི་མི་འདུག དངོས་གནས་སེམས་ཁྲལ་ཆེན་པོ་འདུག
འདི་དག་སྐྱེ་ཞིང་སྐྱེ་བ་ཐམས་ཅད་དུྲྲ
ངན་སོང་ངན་འགྲོ་ལོག་པར་ལྟུང་་བ་ཡི།།
སྐྱེ་གནས་རྣམས་སུ་ནམ་ཡང་མི་སྐྱེ་ཞིང།
དལ་འབྱོར་ཚང་བའི་མི་ལུས་ཐོབ་པར་ཤོག།
གྲོང་ཁྱེར་ཞིག་གི་ཁང་པ་མང་་ཤོས་འགྱེལ་འདུག་པས་མི་༣༠༠ཞིག་བསད་སོང་ཟེར་བ་ཚོད་དཔག་ཙམ་རེད་་་་ད་ཆུ་ཚོད་རེ་རེར་སྡོད་དང་ཤི་རྨས་ཀྱི་གྲངས་འབོར་ལྡབ་འགྱུར་འཕར་རྒྱུ་རེད་་་་་ཡུལ་དེར་འབྲེལ་བ་ཡོད་པའི་བོད་མི་ཚོས་དམིགས་བསལ་གྱིས་འབྲེལ་བ་བྱས་ནས་གནས་ཚུལ་མཁོ་སྤྲོད་གནང་དགོས་པ་རེད་་་་་་གསར་འགྱུར་འདི་མཐོང་དུས་སེམས་ལ་བཟོད་མི་ཐུབ་པའི་ཚ་ཤེད་ཅིག་བརྒྱབས་སོང་་་་་དཀོན་མཆོག་མཁྱེན་་་བོད་མི་ཚོའི་ཐོག་ཏུ་འདི་འདྲ་ཞིག་་་
འདི་ནས་ད་ལྟ་གོང་ས་མཆོག་ལ་སྙན་སྒྲོན་ཞུ་འཆར་འདུག
ཁ་བའི་འོད་མདངས་ལགས་ནས་གནས་ཚུལ་ཁ་གསལ་དང་དཔར་རིས་འདྲ་རག་བྱུང་ན་གུས་པའི་དྲྭ་བྱང་ཐོག་བསྐུར་རོགས།
གཤམ་འདི་སྐར་མ་གཉིས་གསུམ་གོང་གི་སྐད་ཆ་རེད། ཆུ་ཚོད། ༡༢།༤༠ ནས།
གུས་པས་ནང་མི་ལ་ཁ་པར་བརྒྱུད་ནས་འབྲེལ་བ་བྱས་ཏེ་ཤེས་གསལ་ལྟར་ན་ད་རིང་ཞོགས་པ་བོད་ནང་གི་ཆུ་ཚོད་ལྔ་པ་ཡས་མས་ལ་སྐྱེ་རྒུ་མདོ་ལ་ས་ཡོམ་ཆེན་པོ་རྒྱབ་ཏེ་ཁང་པ་མང་ཆེས་ཤོས་འགྱེལ་བ་དང་མི་ཧ་ཅང་མང་པོ་ཤི་རྨས་བྱུང་ཡོད་ཀྱང་ད་ལྟ་ཆུ་ཚོད་དང་པོ་གཉིས་པ་ཟིན་ཀྱང་ད་དུང་གཞུང་ནས་སྐྱོབས་མཁན་སུ་ཡང་སླེབས་མི་འདུག་པས་ཤི་རྨས་ཀྱི་གྲངས་འབོར་ཇེ་མང་དུ་འགྲོ་བཞིན་འདུག་ཟེར། དངོས་གནས་སྙིང་རྗེ་ཡ་རང་རེད།
ད་ལྟ་རང་ཁུངས་ལྡན་གྱི་གནས་ཚུལ་འབྱོར་བ་ལྟར་ན་ཤི་བའི་གྲངས་ཚད་ལོན་ཡོད་ན་ནི་ཆིག་སྟོང་ལས་བརྒལ་འདུག་ཟེར། འདི་ནི་ས་ཡོམ་བརྒྱབ་སྟེ་ཆུ་ཚོད་དགུའི་རྗེས་ཀྱི་གནས་ཚུལ་རེད་ལ། གནས་ཚུལ་ལེན་མཁན་ཁོང་གིས་རང་གི་ནང་ལ་ཁ་པར་བཏང་དུས། དམག་མི་འགའ་རེ་ཡོང་གི་འདུག་ཀྱང་ད་དུང་ཁང་བ་རྡིབ་ཤུལ་སྔོག་པའི་མགོ་བཙུགས་མི་འདུག་ཟེར། ས་གནས་རང་གི་མིས་ཚོད་དཔག་བྱས་པ་ལྟར་ན་ད་རེའི་ས་ཡོམ་འདིའི་ནང་དུ་ཤི་གྲངས་སུམ་སྟོང་ལས་བརྒལ་ངེས་རེད་ཅེས་བཤད་ཀྱི་འདུག་ཟེར། ད་ལྟ་སྐར་ཆ་གསུམ་གྱི་གོང་ལ་ཁ་པར་བརྒྱུད་གནས་ཚུལ་འབྱོར་བ་ཞིག་ཡིན།
འདི་ལ་དུས་བབ་ཚང་གིས་པར་མང་ཙམ་དང་གནས་ཚུལ་ཅང་ཞིབ་རྒྱས་རེ་བྲིས་ན་ལེགས།པར་དང་གསར་འགྱུར་ནི་གསར་ལམ་ཁག་ཏུ་ཁེངས་ཡོད་པའདི་མ་ཡིན་ནམ།
གནས་ཚུལ་ཛ་དྲག་ཡིན་པས་རྒྱ་ནག་གི་བཤད་པ་གཅིག་པུ་ལ་ཉན་ཏེ་མི་འདུག་པར།བོད་ནང་གི་བོད་པ་ཚོའི་གནས་སྟངས་ངོ་མ་ཤེས་ཆེད་བོད་ནང་ལ་འགྲེལ་བ་འཛུགས་རྒྱུ་ཤིན་ཏུ་གལ་ཆེ་བས་དུས་བབ་ཚང་ལ་གྲ་སྒྲིག་ཡོད་པའི་རེ་བ་ཞུ།་ཐུགས་རྗེ་ཆེ།་
བོད་ནང་གི་ཉིན་གུང་ཆུ་ཚོད་༢པའི་སྟེང་ནས་གནས་ཚུལ་འབྱོར་དོན། ད་ལྟ་བར་མི་གྲངས་༥༨༣རྐྱེན་འདས་སུ་གྱུར་ཚར་སོང་ཟེར། སྨན་ཁང་ནང་ནས་ད་དུང་མང་པོ་ཞིག་འདས་གྲོང་དུ་འགྲོ་གི་འདུག་ཟེར། སྨན་བཅོས་ཀྱི་མཐུན་རྐྱེན་མི་འདུག་ཟེར། ད་དུང་ས་འོག་དུ་གྲངས་འབོར་ཧ་ཅང་མང་པོ་ལུས་ཡོད་རེད་ཟེར
མི་གྲངས་ཤི་ཚད་ཁ་ཚོན་ཆོད་པ་ཞིག་རེད་མི་འདུག གྲོང་ཁྱེར་ཡོངས་ཀྱི་ཁང་པ་མང་ཆེ་བ་ཞིག་བརྡིབས་འདུག་ཟེར། ད་དུང་ཐོག་ཁང་བརྡིབས་པའི་དོང་འོག་ནས་ངུ་འབོད་བྱེད་ཀྱིན་འདུག་ཟེར། མྱུར་སྐྱོབ་ཀྱི་རིགས་མཐོང་རྒྱུ་མི་འདུག་ཟེར།
རང་གི་འབྲེལ་ཡོད་ཞིག་ནི། འབྲོག་ཁུལ་ནས་འབྱོར་བའི་མི་ཚང་གཟའ་མི་དྲུག་ཅན་ཞིག་ནས་བུ་ཕྲུག་གསུམ་པོ་སློབ་གྲྭ་སོང་ཤུལ་ན་ཕ་མ་གཉིས་དང་བྱིས་པ་ཅུང་ཤོས་བཅས་མནན་འདུག་ཟེར། དམག་གི་ལྟེ་བ་ཞིག་གི་སྒོ་ཐད་རེད་འདུག་པས་རོགས་སྐྱོར་བྱེད་རོགས་ཞུས་ཀྱང་ཡོང་རོགས་མ་བྱས་ཟེར། ལག་ཆ་ཅི་ཡང་མེད་པས་ད་དུང་ལོན་མེད་ཟེར། འདི་དཔེ་མཙོན་ཙམ་རེད།
ད་བཤད་ཕོད་ས་མ་རེད། དཀོན་མཆོག་མཁྱེན། འཛམ་གླིང་གི་སྤྱི་སྒེར་ཡོངས་ལ་རོགས་སྐྱོར་གྱི་འབོད་སྐུལ་ཞུས།
ཚེ་ལས་འདས་པ་རྣམས་ཀྱི་ཆེད་དུ་ཆེད་དུ་མྱ་ངན་གུས་བཏུད་ཡོད། བོད་གཞུང་མང་གཉིས་ཀྱི་ངོས་ནས་ཞལ་འདེབས་བསྡུ་རུབ་བྱ་སྟེ་ཕུལ་དགོས། ཧ་ཅང་གི་བློ་ཕམ་སོང་།
མི་དྲུག་ཅུ་ཟེར་བ་རྫུན་མ་རེད་འདུག་སྐྱེ་རྒུ་གྲོང་ཁྱེར་གྱི་ཁང་པ་མང་ཆེ་བ་འགྱེལ་འདུག་ཟེར་དཀོན་མཆོག་མཁྱེན་བཤད་མ་ཕོད་པ་ཞིག་བཟོས་ཡོད་འདུག།
དབྱིན་ཡིག་གི་གསར་འགྱུར་ལྟར་ན་རྒྱ་ནག་གི་དམག་མི་མང་པོ་ཞིག་མྱུར་སྐྱོབ་ཀྱི་ཆེད་དུ་ལམ་ལ་ཆས་སོང་ཟེར།
གནས་ཚུལ་འདི་ལ་རྒྱ་གཞུང་གིས་མྱུར་སྐྱོབས་བྱ་རྒྱུར་བསྐུལ་མ་བྱེད་རྒྱུ་ཡོད་དམ།
གདན་ས་ཁག་དང་ཆོས་སྡེ་ཁག་གིས་ཚ་ཚ་འུར་འུར་བྱས་ནས་སྨོན་ལམ་གསུང་རོགས་གནོངས།
བོད་པ་ཚང་ལ་གོད་ཆགས་དང་རྐྱེན་ངན་རེད་ཡིན་ནའང་ད་ནི་ཚེ་ལས་འདས་པ་དང་འདས་མ་རྣམས་ཀྱི་ཆེད་སྤྱི་ནོར་༧གོང་ས་སྐྱབས་མགོན་ཆེན་པོའི་མདུན་སར་བསྔོ་བརྟེན་ཞིག་དབུལ་ཐུབ་ན་དགེ་མཚན་ཆེ་བ་མངོན།
http://www.google.com/hostednews/afp/article/ALeqM5hpoZR_IS82VLpHNn6R_HO6k3-eaw
ད་དུང་དགོན་པ་ཞིག་ལའང་སྐྱོན་ཤོར་ཡོད་ཚུལ་འདུག
ཞིན་ཧ་དྲ་ཚིགས་སུ་བཀོད་དོན།
ད་ནངས་ཞོགས་པའི་པེ་ཅིན་ཆུ་ཚོད་7དང་སྐར་ཆ་49སྟེང་བོད་མདོ་ཁམས་ཡུལ་ཤུལ་ཁུལ་ཡུལ་ཤུལ་རྫོང་ལ་ཚད་རིམ་༧.༡ ཅན་གྱི་ས་ཡོམ་ཆེན་པོ་ཞིག་བརྒྱབ་འདུག་ཅིང་། ས་ཡོམ་ཁྲོད་བོད་མི་༦༧ལྷག་འདས་ཀྲོངས་སུ་ཕྱིན་ཡོད་པ་དང་། འདས་གྲོངས་སུ་སོང་བ་མང་ཆེ་ཤོས་ནི་སློབ་ཕྲུག་དང་བོད་མི་རེད་ཅེས་ཟེར་ལ། ད་སྔ་སྡོད་ཁང་༨༩ལ་སྐྱོན་ཤོར་ཡོད་ཅིང་། གཞུང་གི་ཁང་བརྩེགས་སོགས་དང་མི་མང་གི་སྡོད་ཁང་སློབ་གྲྭ་ཁག་ལ་གོད་ཆག་ཤིན་ཏུ་ཚབ་ཆེན་བཟོས་ཡོད་འདུག་ད་ལྟའི་གནས་ཚུལ་དང་མ་འོངས་པར་མི་དང་སྡོད་གནས་ལ་གོད་ཆག་ག་ཚོད་བྱུང་གི་ཡིན་མིན་ཁ་ཚོན་གཅོད་དཀའ་བ་ཞིག་རེད་ཟེར་ཀྱི་འདུག
ངས་བལྟས་ན་སའི་གོ་ལ་འདིའི་གཏིང་གི་མེ་རི་འབར་ཤུགས་ཆེ་རུ་སོང་སྟེ་ད་ལྟ་ཚད་ཅིག་ལ་བསླེབས་བསྡད་འདུག ལོ་སྔ་ཕྱིའི་ས་ཡོམ་ལ་བརྟགས་ན་ངོ་མ་སའི་གོ་ལ་ཇི་འདྲ་ཞིག་ཏུ་འགྱུར་རྒྱུ་རེད་ཨང་བསམས་ནས་སྐྲག་གི་ཡ།
གསར་འགོད་པ་ལགས།
ནོར་་་་་་་་་་་་་་་་་་་་་་་་་་་་་་་་་་་་་་་་་་་་་་བཅོས།
ཉང་མཐར་་་་་་་་་་་་་་་་་་་་་་་་་་་་་་་་་་་་ཉུང་མཐར
འབྱོར་གྱི་་་་་་་་་་་་་་་་་་་་་་་་་་་་་་་་་་་་་་་འབྱོར་གྱིན
ད་འཛམ་བུ་གླིང་འདི་ལ་ན་ཚ་འདྲ་ཞིག་ཕོག་ཡོད་ངེས་རེད། ཉིན་ཤས་སྔོན་མེག་སི་ཁོ་སོགས་སུ་ས་ཡོམ་བརྒྱབ་སོང་།