ས་ཡོམ་གྱིས་མི་ ༦༡༧ བསད་ཅིང་ ༡༠༠༠༠ རྨས་འདུག

ཤི་རྨས་ཐེབ་ཀྱིན་པའི་མི་མང་གི་ཁ་གྲངས་ནི་གསར་ལམ་ཁག་ཏུ་འདྲ་མིན་བཤད་ཀྱིན་ཡོད་པར་མ་ཟད།བོད་ནང་ལ་འབྲེལ་བ་བྱས་ཀྱང་མི་རེ་རེ་ནས་རེ་རེ་བཤད་ཀྱིན་འདུག་པས་ཁ་ཚོན་གཅོད་ཐུབ་པ་ཞིག་བྱུང་གི་མི་འདུག་མོད།ས་ཡོམ་ཀྱི་ཚད་རིམ་དང་དུས་ཚོད།ས་གནས་དེའི་ཆ་རྐྱེན་སོགས་གང་ལ་བལྟས་ཀྱང་ད་ལྟའི་མི་འབོར་ལས་ལྡབ་གཅིག་གིས་མང་སྲིད་པ་ནི་ཚོད་དཔག་ཐུབ་པ་ཞིག་རེད།

འདས་གྲོང་གི་གྲངས་ཚད་ག་ཚོད་ཡིན་མིན་ད་དུང་ཁ་གསལ་པོ་མི་འདུག་ཁ་སང་ཉིན་ཕྱེ་ཡོལ་ཙམ་དུ་སྐྱེ་རྒུད་དགོན་པའི་གྲ་ཞིག་བརྗོད་དོན་ལ་དགོན་པའི་ནང་དུ་འདས་གྲོང་ཕྱིན་པའི་ཕུང་པོ་གྲངས་ཚད་བདུན་བརྒྱ་ལྷག་ལས་རྒལ་འགྲོ་བའི་གནས་ཚུལ་འདུག འབོད་བསྐུལ་ཞུ་ཡ་དྲ་གྲོགས་རྣམས་པའི་གནས་ཚུལ་ཁོ་སྤྲོད་གནང་ལགས། མ་ནི་ངག་ཐོག་ནས་བཅོལ་རོགས་གནང་།

རྒྱ་ནག་སྲིད་གཞུང་གིས་དམག་དང་སྨན་པ་སོགས་ཡག་པོ་བཏང་ཐུབ་མི་འདུག གྲངས་ཉུང་མི་རིགས་ཤིག་ཡིན་པའི་ཆ་ནས་བློ་ཕམ་ཡོད།

ཕ་ཡུལ་ཀྱི་ས་ཡོམ་ཁྲོད་དུ་ཤི་བའི། །
གདོང་དམར་བའི་འདས་པ་འདས་མ་རྣམས་པ། །
འཕགས་མཆོག་ཀྱི་ཕྱག་མ་པདྨོའི་ཐུགས་རྗེས། །
ཡང་དག་པའི་ཞིང་དུ་སྐྱེ་བར་ཤོག་ཅིག།

ཨོྃ་མ་ཎི་པདྨེ་ཧཱུྃ།

འདས་པོར་སྨོན་ལམ་དགེ་སྒྲུབ་དང༌། དེ་བས་ཤུལ་ལུས་སྤུན་ཟླ་རྣམས་ལ་ཐུགས་སེལ་ཁ་ཡོད་ལག་ཡོད་ཀྱི་ཕན་དོགས་ཡོང་དགོས་ན་ང་ཚོ་བཙན་བྱོལ་གཞུང་གི་དབུ་ཁྲིད་དེ་བོད་མིའི་ མི་རེ་ངོ་རེ་ཞལ་འདེབས་རྒྱ་མི་ཆུང་རེ་བསྡུས་ནས་ཁོང་རྣམས་ལ་འབུལ་ཐུབ་ན་བོད་མི་རིགས་ཀྱི་ལ་རྒྱ་ལ་དང་། གཞི་བྱེས་འབྲེལ་ལམ། བསྟན་དོན་ལ་ཤིན་ཏུ་སྨན་སྙམ་མོ

ཨོ་མ་ཎི་པདྨེ་ཧུམ།

གོང་དེར་མཆན་ཁ་ཤེས་ཞིག་གི་ནང་། མ་ཎི་འདོན་པ་དེ་དག་ལ་ཞུ་རྒྱུར་། འཇིགས་བརྟེན་ཀྱི་དཔེར་ཡང་། དགེ་བ་གསོང་། སྡིག་པ་སྒྲོགས་། ཟེར་བ་རེད་། ཁ་བརྡ་དྲ་ཁང་འདི་བསམ་ཚུལ་བཤད་ས་རེད་མ་གཏོག་། མ་ཎི་ཁང་མ་རེད་། སྨོན་ལམ་ཞིག་རྒྱབ་ནས་བསྡད་རྒྱ་ལས་གཞན་བྱེད་རྒྱ་གང་མི་ཡང་འདུག་འདོག་འདོག་མ་བཤད་འ། ང་ཚོ་བོད་གངས་ཅན་པ་། སྐྱིད་ཀྱི་རྟ་པོ་མཉམ་ཞོན་དང་། སྡུག་གིས་ཁུར་བོ་མཉམ་ཁུར་ཡིནཞ སྟག་དམར་ཡག་ཤི་ཡང་འཛིམས་དྲུག་མི་ཡལ་། དེ་མི་ཚད་། དེ་རིས་གོ་སྐབས་འདི་བཟུང་ནས་རྒྱ་འདྲ་ཚང་གི་ཡང་གཡོ་བསྒྱུ་ཁྲ་གསུམ་སྤེལ་ངེས་རེད་། ང་ཚོ་བོད་གང་པ་། སངྒེ་སྐོམ་ཡང་རྙོག་པའི་ཆུ་མི་མཐུང་། སྤྱང་ཁུ་ལྟོག་ཡང་རོགས་པའི་ཤ་མི་ཟ།

ཨོ་མི་ཉག་སྐལ་བཟང་ལྷ་བྲིས་པ་དབུ་སྐྲ་རིང་པོ་དེ་ཡིན་ནམ། གལ་སྲིད་ཡིན་ན་དྲ་བྱང་tashi550@yahoo.comཐོག་གུས་ལ་འབྲེལ་བ་ཞིག་གནང་རོགས་ཞུ།།

ཕྱི་དྲོ་ཆུ་ ༥ པ་ལ་བལ་ཡུལ་ཁུལ་དུ་ཡོད་པའི་བོད་རིགས་སེར་སྐྱ་གང་མང་ཞིག་མཆོད་རྟེན་ཆེན་མོ་བྱ་རུང་ཁ་ཤོར་དུ་བོད་མདོ་ཁམས་སྐྱེ་དགུའི་ཡིད་སྐྱོ་བའི་གནས་ཚུལ་དེ་ཐོས་ཕྲལ་ཞབས་རིམ་དང་སྨོན་ལམ་ཚོགས་སོང་། བོད་ནས་གསར་དུ་འབྱོར་བ་གྲྭ་བཙུན་རྣམས་ནས་མུ་མཐུད་ནས་ཚོགས་ཆར་གནང་བཞིན་པ་རེད་འདུག

གུས་པའི་ཁྱིམ་དང་སྤུན་ཉེ་མང་ཆེ་བ་སྐྱེ་རྒུ་མདོ་ལ་ཡོད་སྟབས་ཁོ་ཚོར་ཁ་པར་བཏང་བའི་བརྒྱུད་ནས་ཤེས་གསལ་ལྟར་ན། ཧ་ཅང་གཞི་རྒྱ་ཆེ་བའི་སྐྱེ་རྒུ་མདོ་ལ་ས་ཡོམ་གྱི་རྐྱེན་གྱིས་ད་ཆ་ཕན་ཐོགས་ཡོད་པའི་ཁང་གཅིག་ཀྱང་མ་ལྷག་པར་གྱུར་འདུག་ཟེར། ཤི་རྨས་ཀྱི་གྲངས་མང་དྲག་པ་དང་མྱུར་སྐྱོབ་བྱེད་མཁན་གྱི་མི་སྣ་ཉུང་རྐྱེན་གྱིས་དཀའ་ངལ་ཆེན་པོ་འཕྲད་ཀྱི་འདུག་ཟེར། ཁོ་ཚོ་ཛ་དྲག་གི་རྨས་མ་མང་པོ་ཞིག་ཅི་བྱ་མེད་པར་ལམ་གྱི་འཁྲིས་ལ་བསྡད་ཡོད་ཟེར། སྨན་པ་སོགས་ཀྱི་རོག་རམ་གང་ཡང་ཐོབ་མི་འདུག ས་ཡོམ་གྱི་གོད་ཆགས་ཤོར་བའི་ས་ཆ་རང་ལ་ཡོད་པའི་མི་རྣམས་ཀྱིས་མི་སྟོང་ཕྲག་མང་པོ་ཤི་འདུག་པའི་སྐད་ཆ་བཤད་ཀྱི་འདུག་ཀྱང་འདི་ག་གསར་ལམ་དུ་མི་བཞི་བརྒྱ་ཤི་བའི་གནས་ཚུལ་བཀོད་འདུག་པ་འདི་ལ་ཧང་སང་སོང་། འདི་ནི་རྒྱུ་མཚན་ཅི།

༄༅། ཁམས་སྐྱེ་རྒུ་མདོ་སོགས་སུ་རང་བྱུང་གོད་ཆགས་ས་ཡོམ་གྱིས་རྐྱེན་པས་སྐྱེ་འགྲོ་མང་པོ་བློ་བུར་ཚེ་འཕོས་པ་རྣམས་ལ་འཕགས་མཆོག་སྤྱན་རས་གཟིགས་ཀྱིས་ཚེ་རབས་རྗེས་སུ་འཛིན་པའི་བསྔོ་སྨོན་དང་གྲངས་ལས་འདས་པ་རྨས་རྐྱོན་ཤོར་བ་རྣམས་མྱུར་དུ་དྲག་བསྐྱེད་ཡོང་བའི་སྨོན་ལམ་ཞུ།

བོད་ནས་ངོ་ཤེས་གཅིག་གིས་ཁ་པར་ཐོག་ཏུ་བརྗོད་དོན། ཤི་ཚར་བའི་ཕུང་པོ་གཅིག་པུ་སྟོང་ཕྲག་གཅིག་ལས་བརྒལ་སོང་ཟེར། རྒྱ་ནག་གི་དམག་མི་ཡང་མང་པོ་མི་འདུག་ཟེར།

༢༠༠༨ ལོའི་ལྷ་སའི་འདམ་གཞུང་ས་ཁུལ་དུ་ས་ཡོམ་བརྒྱབ་རྗེས། རྒྱའི་དྲ་ཚིགས་མང་བོ་ཞིག་གི་མཆན་ནང་། བོད་ལ་སྙིང་ཚིམས་ཧ་ལས་པ་བརྒྱབ་སོང་། ད་ཐེངས་ཡང་རྒྱ་མི་ཅི་འདྲའི་མང་བོ་ཞིག་དགའ་དྲགས་ཏེ་ཁ་མ་ཟུམ་པར་ཡོད་ངེས།

ས་ཡོམ་འདི་འབྱུང་རྐྱེན་གྱི་སྐོར་ལ་གཞིས་ལུས་བོད་མི་མང་པོ་ཞིག་ཆོས་ལུགས་དང་། རྨོངས་དད་སྐྱ་སྒྲིལ་ནས་ཁུངས་འཚོལ་བྱེད་ཀྱི་ཡོད་འདུག དེ་དག་ལས་བསམ་ཚུལ་སྣ་ཚོགས་པ་ཞིག་ཡོད་ནའང་གཙོ་བོ་ཞིག་ནི་ན་ནིང་ལོ་འདིར་སྒ་སྐྱེ་རྐུ་མདོ་འདིར་དོལ་རྒྱལ་ཚོགས་པ་ཞིག་དངོས་སུ་བཙུགས་ཡོད་འདུག་པ་དང་། ཚོགས་པ་དེས་རྒྱལ་བ་རིན་པོ་ཆེ་གཙོས་པའོ་བོད་ཀྱི་བླ་ཆེན་མང་པོ་ཞིག་ལ་དམིགས་ནས་གཏོ་ཆོག་དུ་མ་བྱེད་བཞིན་པ་ཡིན་པ་འདིས་རེད་ཅེས་བཤད་ཀྱི་འདུག ཚོགས་པ་འདི་བཙུགས་ནས་བཟུང་ཡུལ་འདི་ལ་བཀྲ་མི་ཤིས་པས་རྒྱུན་མ་ཆད་པ་བཤད་བཞིན་འདུག

ས་ཡོམ་གྱི་གོད་ཆག་འདི་བྱུང་ནས་ཆུ་ཚོད་༦དང་སྐར་མ་༤༡གི་རྗེས་སུ་འབྲས་སྤུངས་ན་མྱ་ངན་དང་སྨོན་ལམ་འཚོགས་ཀྱིན་འདུག འདི་ནི་ཅི་འདྲའི་རྗེས་ལུས་ཤིག་རེདའང་།

དེ་རིང་བོད་མདོ་ཁམས་སྐྱེ་རྒུ་མདོ་ཕྱོགས་སུ་ས་ཡོམ་བརྒྱབ་སྐབས་རྐྱེན་འདས་སུ་ཕྱིན་པ་དང་། ལྟོས་བཅས་ཤུལ་ལུས་རྣམས་ལ་༸གོང་ས་མཆོག་གིས་གསུང་འཕྲིན་བསྩལ་བ་ནོར་ཝེ་བོད་སྐད་རླུང་འཕྲིན་དུ་ཆ་ཚང་ཉན་རྒྱུ་འདུག
http://www.vot.org/player.html?snd=http://www.vot.org/votwedtib.mp3

དོན་རྐྱེན་འདིར་མང་བོ་ལབ་ནས་ཡོང་ཡ་མི་འདུག མདོ་དོན་བརྗོད་ན། ས་ཡོམ་ཡོང་མིན་དང་སྔོན་བརྡ་གཏོང་རྒྱུ་ནི་འཛམ་གླིང་ཤར་ནུབ་སྲིད་གཞུང་མཐའ་དག་གི་འོས་འགན་རེད་ལ། འོས་འགན་དེ་མ་འགྲུབ་ན་སྲིད་གཞུང་ཞིག་གི་ལས་ཀ་འཐུས་ཤོར་ཕྱིན་ཟིན་པ་མཚོན་བཞིན་པའི་ཁར། དམག་དཔུང་མངགས་ནས་རོགས་རམ་བྱེད་རྒྱུའང་སྲིད་གཞུང་རང་གིས་མ་འཇོན་མ་ནུས་པའི་ཁ་གསབ་ཙམ་ཡིན། དེ་བས། ཕྱི་ནང་གི་གནས་ཚུལ་མི་ཤེས་མཁན་ཞིག་ཡིན་ན་མ་གཏོགས་དམག་མིའི་རོགས་བསྐྱོར་ལ་ཡིད་འགུལ་ཐེབས་དགོས་པ་ཞིག་མིན། དེ་ལས་ཀྱང་མི་མང་གིས་རོགས་དངུལ་ཕུལ་བཞིན་པ་དེའང་འོས་འགན་མ་འགྲུབ་པའི་སྲིད་གཞུང་དེའི་སྒྲིབ་གཡོགས་ལྟ་བུར་མི་འགྱུར་བའི་ངེས་པའང་མེད། ཡིན་ནའང་། བཙན་བྱོལ་བོད་གཞུང་གི་ངོས་ནས་རོགས་དངུལ་སྤྲད་དུ་འཇོག་མིན་ལ་མ་ལྟོས་པར་གྲངས་ཚད་མཐོན་པོ་ཞིག་གི་རོགས་དངུལ་སྤྲོད་འདུན་པ་ཕྱི་བསྒྲགས་དང་འབྲེལ་ཕྱི་རྒྱལ་དུ་གནས་འཁོད་བོད་མི་ཚོའང་རོགས་དངུལ་ཕུལ་བར་འབོད་བསྐུལ་ཞུ་འོས་བསམ། དེ་ལྟར་བྱས་ན་ད་གཟོད་འབྲས་བུ་པཱ་ལེ་འདྲ་བ་རེ་ལེན་ཐུབ་ཤག་ཡིན།

སྐྱི་ཡ་བའི་གནས་ཚུལ་སྡུག་ཤོས་ཀྱི་དོན་རྐྱེན་འདི་ནི་རྒྱ་ནག་གཞུང་གི་རྒྱལ་ཁ་ཆེན་པོ་ཞིག་ཏུ་བརྩི་བཞིན་ཡོད་ངེས།རྒྱུ་མཚན་ཞོན་ཧ་དྲ་ཚིགས་སུ་ཐེངས་འདིའི་ས་ཡོམ་གནས་ཚུལ་སྤེལ་མ་ཐག་མིང་ལ་ཡོན་ཅོའོ་ཟེར་བ་ཞིག་གིས་མཆན་འདེབ་དོན།ཐེངས་འདི་ནི་བོད་ཀྱི་རྒྱུ་འབྲས་མེད་པའི་བྱས་ཉེས་ལས་བྱུང་བ་ཞིག་རེད།ཏཱ་ལའི་བླ་མས་བོད་སྐྱོབ་རྒྱུ་ཡིན་ཟེར་བ་མིན་ནམ།ད་ནི་བོད་སྐྱོབ་པའི་དུས་ངོ་མ་ལ་སླེབས་ཡོད་པས་གཤོག་པ་ཡོད་ན་ཕེབས་རན་རེད།དོན་ངོ་མ་ཀུང་ཁྲན་ཏང་མ་གཏོགས་སུ་ཞིག་གིས་སྙིང་རྗེ་བསྐྱེད་དེ་བོད་སྐྱོབ་སྲིད།དེ་རིང་ཁྱོད་ཚོས་ཀུང་ཁྲན་ཏང་གི་ཁ་ཞེ་གཉིས་མེད་ཀྱི་ལྷག་བསམ་ག་འདྲ་ཞིག་ཡིན་པ་གཞི་ནས་ཧ་གོ་ཡོང་ངེས།ཅེས་པའི་སྐད་ཆ་སོགས་བྱུང་ཡོད་པ་འདི་ནི་རྒྱ་ནག་གིས་བོད་ལ་བལྟ་བའི་ལྟ་སྟངས་ཤིག་རེད།
སྔོན་བོད་ལ་དུས་འགྱུར་བྱུང་ཏེ་སྟེ་ཅུང་མ་འགོར་བའི་སྐབས་དང་བོད་མི་རྣམས་ཀྱིས་རྒྱ་ནག་གཞུང་ལ་ངོ་རྒོལ་དང་འཁོན་འཛིན་ཤུགས་ཆེར་བྱེད་ཀྱིན་པའི་སྐབས་ཏག་ཏག་ཅིག་ལ་ལྷ་སའི་ས་ཁུལ་ཁ་ཤས་ཤིག་ལ་ཐན་སྐྱོན་ཆེན་པོ་བྱུང་སྟེ་དཀའ་ངལ་བརྩེགས་མ་ཕྲད་པའི་དུས་སུ།རྒྱ་ནག་གཞུང་གིས་ལྷག་བསམ་ཟོལ་མེད་ཀྱི་རྣམ་འགྱུར་རྫུན་མའི་འོག་ནས་གནོད་སྐྱོན་བྱུང་ཡུལ་ཁག་ལ་རོགས་སྐྱོར་དང་གདུང་སེམས་མཉམ་བསྐྱེད་ཀྱི་ཚུལ་འཆོས་གང་ལེགས་བྱས་པས།སྐབས་དེའི་ཚ་ཚ་འུར་འུར་གྱི་ལས་འགུལ་དང་སེམས་ཤུགས་སོགས་རང་བཞིན་གྱིས་ཤི་བ་དང་།ད་དུང་བོད་མི་ཁ་ཤས་ཤིག་གིས་བོད་དོན་གཏིང་བརྗེད་དུ་གྱུར་ཏེ་མོའོ་དང་ཀུང་ཁྲན་ཏང་ལ་ཡིད་ཆེས་དང་དད་སྟོབས་ཤུགས་ཆེར་སོང་བའི་གནས་ཚུལ་ནི་ད་ལྟའི་ལྷ་སའི་ས་ཁུལ་གང་མང་ན་མཐོང་མོས་ཀྱི་གནས་ཚུལ་ཞིག་ཏུ་གྱུར་ཡོད་པའི་ལོ་རྒྱུས་ཀྱི་ཉམས་མྱོང་འདི་དག་རྐང་ལ་བཙུག་སྟེ།ཐེངས་འདིར་རྒྱ་ནག་གཞུང་གིས་རྣམ་རིག་གྲོང་མདོག་གིས་ཆབ་སྲིད་ཀྱི་ཟློས་གར་ཡིད་དུ་འོང་བ་ཞིག་འཁྲབ་ངེས་པའི་ཚོད་དཔག་བྱེད་ཆོག

དེ་རིང་དོན་རྐྱེན་བྱུང་རྗེས་ཀྱི་ཆུ་ཚོད་8་དང་སྐར་ཆ་40ལ་སྲིད་འཛིན་ཧོའི་ཅིན་ཐོའོ་ཡིས་སེམས་པ་ཤིན་ཏུ་སྐྱོ་མདོག་གིས་ས་ཡོམ་བྱུང་ཡུལ་གྱི་གནས་ཚུལ་དུས་ཐོག་ཏུ་འདོན་ཐུབ་པ་བྱེད་རྒྱུ་དང་།མི་མང་གི་གནོད་སྐྱོན་ལ་འགན་ཡོད་མི་སྣས་དུས་ཐོག་མྱུར་སྐྱོབས་བྱེད་དགོས་པ་མ་ཟད།སྤྱི་ཚོགས་བརྟན་བརླིང་ལ་དོ་ཁུར་ཆེན་པོ་བྱེད་དགོས་པའི་བཀའ་བརྒྱ་གང་མགྱོགས་ཀྱིས་གཏོང་ཚུལ་ལ་བལྟས་ཡོང་ན།རྒྱ་གཞུང་གིས་དོན་རྐྱེན་འདིའི་གནས་བབ་དང་དུས་ཚིགས་སོགས་ལ་བསམ་ཞིབ་ནན་མོ་བྱས་ཐོག་རྒྱལ་དོན་གྱི་ཁེ་བསང་གང་ལེགས་ཤིག་ལེན་པར་ཤུགས་སྣོན་བྱེད་རྒྱུ་ནི་ཐག་གིས་ཆོད་པའི་གནས་ཚུལ་ཞིག་རེད་སྙམ།

འདས་གྲོངས་ཕྱིན་དག་བར་དོའི་འཇིགས་ལས་གྲོལ།།
རྨས་སྐྱོན་ཕོག་རྣམས་གང་མགྱོགས་དྲགས་སྐྱེད་ཤོག།

ང་རང་དངོས་ཉིད་གསར་འགྱུར་འདི་མཐོང་དུས་ངོ་ཤོར་གྱི་འདུག་འདི་འདྲའི་སྡུག་བསྔལ་ཆེན་པོ་དེ་ལས་གཡོ་ཐབས་ཤིག་ཡོད་ན་ཅི་མ་རུང་།

རྒྱ་ནག་གཞུང་གིས་རང་གི་དམག་མི་ཚོ་མ་གཏོགས་བོད་མི་རྣམས་རོགས་རམ་བྱེད་པར་གཏོང་གི་མ་རེད་འདོད། ནམ་རྒྱུན་རང་གི་ས་གནས་ནས་འགྲོ་འདུག་ལ་རང་དབང་མེད་པའི་བོད་མི་ཚོ་ས་ཁུལ་གཞན་ལ་མང་མང་འདུ་འཛོམས་དང་། སྤྱི་ཚོགས་ཀྱི་ལས་དོན་ཆེན་པོ་དེ་འདྲའི་ནང་མཉམ་ཞུགས་བྱ་འཇུག་གི་མ་རེད།

མདོ་ཁམས་སྐྱེ་དགུ་མདོའི་ས་ཡོམ་སྐོར་ལ་ཉན་ཞིབ་བྱས་པ།

ཉིན་ཤས་སྔོན་ནས་ས་ཡོམ་གྱི་སྐོར་དང་འབྲེལ་བ་ཡོད་པའི་ཡིག་ཆ་མང་པོ་ཞིག་བཙལ་ཞིང༌། དེ་དག་བཀླགས་ནས་ས་ཡོམ་གྱི་སྐོར་ལ་རྒྱུས་ལོན་ཏོག་ཙམ་བྱེད་མགོ་བཙུགས་ཏེ་ཡོད། དེ་རིང་ཞོགས་པར། མདོ་ཁམས་སྐྱེ་དགུ་མདོར་ས་ཡོམ་ཚད་རིམ་བདུན་དང་ཚེག་གཅིག་ཅན་བརྒྱབ་པའི་གནས་ཚུལ་སྐོར་བརྙན་འཕྲིན་དང་དྲ་ངོས་དག་ནས་མཐོང༌། གཡས་གཡོན་གྱི་གྲོགས་པོ་དག་ལས་ཀྱང་ཁུངས་དང་ལྡན་མིན་སྣ་ཚོགས་པ་ཞིག་ཐོས།
ངས་བཀླགས་པའི་ས་ཡོམ་ཡིག་ཚགས་ནི། ཕྱི་ལོ་ ༡༨༧༠ ལོ་ནས་ ༡༩༨༢ ལོའི་བར་ལ་བོད་ཁུལ་དུ་ས་ཡོམ་ཅི་བྱུང་སྐོར་ཚོ་གཅིག་དང༌། ཡང་ཡིག་རིགས་གཞན་ནས་བོད་ཡིག་ཏུ་བསྒྱུར་བའི་ཡིག་ཆ་གཅིག་བཅས་ཡིན། དེ་གཉིས་ལས་སྔ་མའི་ནང༌། ཕྱི་ལོ་ ༦༤༢ ནས་ཕྱི་ལོ་ ༡༩༨༢ བར་གྱི་ས་ཡོམ་སྐོར་བཀོད་འདུག ཕྱི་མ་དེའི་མཇུག་ནས་ཡར་རྩིས་པའི་གྲངས་གསུམ་པ་ནི། དེ་རིང་གི་ས་ཡོམ་བྱུང་ཡུལ་སྐྱེ་དགུ་མདོ་རེད། ས་ཡོམ་དེ་ཕྱི་ལོ་ ༡༩༨༢ ལོའི་ཟླ་ ༣ ཚེས་ ༧ ཉིན་གྱི་ཆ་ཚོད་ ༡༩ དང་སྐར་མ་༤༨ སྟེང་བརྒྱབ་འདུག དེ་ནི་དེང་སང་གི་ཚད་གཞི་འཇལ་ལུགས་ལྟར་བྱས་ན། སའི་གོ་ལའི་འཕྲེད་ཐིག་བྱང་མའི་ཐིག་ཚད་ ༣༣྄།༥ དང༌། ཤར་གྱི་གཞུང་ཐིག་གི་ཐིག་ཚད་ ༩༤།༧ ལ་འཁེལ་ཡོད། ས་ཡོམ་དེ་ནི་རིམ་པ་ ༥།༢ གྱི་ས་ཡོམ་ཞིག་ཆགས་ཡོད་སྐོར་བཀོད་འདུག ཡིག་ཚགས་ནང་གསལ་བ་ནི་དེ་ཙམ་རེད། ཡིག་ཚགས་འདིར་ཐོ་འགོད་རེའུ་མིག་ཅིག་འདུག་པའི་ནང༌། ཕྱི་ལོ་ ༦༤༢ ལོ་ནས་ཕྱི་ལོ་ ༡༩༨༢ ལོའི་བར་དེར། བོད་ཁུལ་སྟོད་སྨད་དུ་ས་ཡོམ་གྲངས་ ༦༡༢ བརྒྱབ་པ་ཐོ་འགོད་བྱས་འདུག དེའི་ནང་གི་ས་ཡོམ་ཚད་རིམ་མཐོ་ཤོས་ནི། ཕྱི་ལོ་ ༡༩༥༠ ལོའི་ཟླ་ ༨ ཚེས་ ༡༥ ཉིན་གྱི་ཆུ་ཚོད་༢༢ དང་སྐར་མ་ ༩ སྐར་ཆ་ ༣༤ ཐོག་མེ་ཏོག་རྫོང་ལྷོ་ཁུལ་དུ་བྱུང་བའྀ་ས་ཡོམ་དེ་ཡིན་སྐོར་གསལ་འདུག
དེ་རིང་གསར་ལམ་ཁག་ནས་གནས་ཚུལ་ཐོན་གསལ་ལ། ད་ནངས་ཞོགས་པའི་ཆུ་ཚོད་ ༧ དང་སྐར་མ་ ༤༩ ཐོག་སྐྱེ་དགུ་མདོར་ས་ཡོམ་རིམ་པ་བདུན་དང་ཚེག་གཅིག་ཅན་བརྒྱབ་པ་དང༌། ཐོག་མར་མི་གྲངས་ ༦༠ སྐོར་ཤི་བའི་གྲངས་ཐོ་ནས་དེ་རིང་ཉིན་རྒྱབ་བར་མི་གྲངས་ ༤༠༠ བར་དང་རྨས་མ་གྲངས་ ༡༠༠༠ བར་འཕར་ཆ་བྱུང་ཡོད། དེ་བཞིན་སྔ་དྲོའི་རིང་སྲིད་གཞུང་གི་སྐྱོབ་རོགས་དུས་ཐོག་སླེབས་ཀྱི་མེད་པའི་གནས་ཚུལ་ནས་ད་ཆར་དམག་མི་ཁྲི་ལྔ་རོགས་སྐྱོར་བྱ་ཡུལ་དངོས་ལ་བཏང་འབྱོར་བྱུང་ཡོད་པའི་གསར་འགྱུར་སྤེལ་བ་བྱུང་ཡོད། དེ་རིང་གི་ས་ཡོམ་འདི་སྐྱེ་དགུ་མདོ་གཅིག་པུ་མ་ཡིན་པར། ཁྲི་འདུ་སྐུལ་བཟང་དགོན་པའི་གྲྭ་ཤག་ཕལ་མོ་ཆེ་འགྱེལ་ལོག་བྱུང་ཡོད་པ་དང༌། མཁར་དགོན་པ། ཁྲ་མགུ་དགོན་པའི་གྲྭ་ཤག་མང་པོའང་འགྱེལ་ལོག་བྱུང་ཡོད་འདུག
རྫ་སེར་ཤུལ་དགོན་པའི་གྲྭ་པ་ ༥༠༠ ཙམ་གྱིས་གུར་སུམ་བརྒྱ་དང༌། ཟས་གོས་སོགས་མཉམ་འཁྱེར་གྱིས་སྐྱོབ་རོགས་སུ་ཕེབས་ཐོན་གནང་བ་དང༌། རྫ་ཆུ་ཁའི་ལྕང་མ་དགོན་པའི་གྲྭ་པ ༡༠༠ སྐོར་ཞིག་རོགས་སྐྱོར་སླད་ཕེབས་ཐོན་གནང་བ་གསལ་བ་འདིས། མི་འགྱངས་པར་བོད་ཁུལ་རང་གི་རོགས་སྐྱོར་བ་མང་པོ་ཞིག་ས་གནས་དེར་འདུ་འཛོམས་ཡོང་རྒྱུ་ཡིན་པ་གསལ་པོ་ཆགས་ཡོད། གང་ལྟར་ནའང༌། གནས་ཚུལ་ཡོང་ཁུངས་དག་ནས་གནས་ཚུལ་སྤེལ་བ་དག་གི་ནང༌། ཤི་རྨས་བྱུང་བའི་གྲངས་ཀ་དུས་ཚོད་རེ་རེ་བཞིན་ཡར་འཕར་གྱི་ཡོད་པར་བལྟས་ན། ད་རེས་ཀྱི་ས་ཡོམ་འདིའི་ནང་ཤི་གོད་གཉིས་ཀའི་གྲངས་ཀ་མཐོན་པོ་ཞིག་ཆགས་རྒྱུར་ངེས་པ་ཞིག་རེད།
ད་ལྟ་རང་ས་གནས་ཀྱི་མི་ལ་འབྲེལ་གཏུགས་བྱས་ནས་ཐོས་གསལ་བྱས་ན། མི་གྲངས་བཞི་བརྒྱ་སྐོར་ཤི་ཡོད་པ་དང༌། སྡོད་ཁང་བརྒྱ་ཆ་གྱ་ལྔ་འགྱེལ་ལོག་བྱུང་ཡོད་པ་དང༌། དེ་ཡང་གཞུང་གི་ཁང་པ་རྣམས་ལ་དེ་ཙམ་གྱི་གནོད་སྐྱོན་ཆེན་པོ་བྱུང་མེད་པ་དང༌། འགྱེལ་ལོག་ཐེབས་ཡུལ་ཁང་པ་མང་ཆེ་བ་ནི་ས་གནས་བོད་མིའི་སྡོད་ཁང་རེད་ཅེས་དང༌། རྒྱ་གཞུང་ནས་དམག་མི་ཁྲི་ལྔ་རོགས་སྐྱོར་བྱ་ཡུལ་དུ་བཏང་ཡོད་པའི་གསལ་བསྒྲགས་བྱས་སོང་ལ། དམག་མི་གང་མང་འབྱོར་གྱི་འདུག་ཟེར། གནས་ཚུལ་གཞན་ཞིག་ལ། ས་གནས་སྲིད་གཞུང་གི་འབྲེལ་ཡོད་ཚན་པ་ནས། དམག་མི་དང་ཡུལ་མིའི་བར་འཁོན་འཁྲུག་མི་ཡོང་བ་བྱེད་དགོས་པ་དང༌། ཅི་སྟེ་འཁོན་འཁྲུག་རིགས་བྱུང་བ་ཡིན་ན། ཁྲིམས་ལ་སྦྱོར་རྒྱུ་ཡིན་པའི་གསལ་བསྒྲགས་ཀྱང་བྱེད་ཀྱི་འདུག་ཟེར།

དྲགྲོགས་དབུས་ཕྲུག་ལགས་ཀྱིས་ཁ་བྱང་གནང་བ་དེར་གཟིགས་དང་དེ་རིང་ས་ཡོམ་གྱི་སྐོར་དེ་མཐོང་གི་འདུག་ལ་ཕ་གསོད་ཀྱི་བཤན་པ་ཡིན་ཡང་མིག་ཆུ་ཤོར་ངེས་རེད།

དེ་རིང་ཕྱི་དྲོ་ཆུ་ཚོད་ ༤།༣༠ ཐོག་གངས་སྐྱིད་གསོལ་ཐབ་ཚོགས་ཁང་དུ་སྨོན་ལམ་གསུང་རྒྱུ་རེད་འདུག

བོད་མི་རིགས་ལ་གོ་ཆགས་ཚབ་ཆེན་ཕོག་པ་འདིས། མ་འོང་པར་བོད་མི་རིགས་ཉུང་བའི་སྒང་ལ་ཆེས་ཉུང་དུ་འགྲོ་བ་དང༌། ཆབ་སྲིད་དང༌། དཔལ་འབྱོར་སོགས་གང་བཅས་གྱོང་གུད་ཆེན་པོ་ཡོང་བར་གདོན་མི་ཟ།
སླད་གྲྭ་བཙུད་ཚང་མར་མི་རིགས་གོང་འཕེལ་ཆེད་དུ་ཁྱིམ་པའི་གོམས་སྟབས་སྒྱུར་ཡག་ཤིན་ཏུ་གལ་འགངས་ཆེ་བར་སེམས།