ས་ཡོམ་གྱིས་མི་ ༦༡༧ བསད་ཅིང་ ༡༠༠༠༠ རྨས་འདུག

ད་ལམ་སྐྱེ་རྒུ་མདོའི་ས་འགུལ་གོད་ཆག་དེའི་གནས་སྟངས་བརྙན་འཕྲིན་སོགས་ཀྱི་བརྒྱུད་ལམ་ནས་མཐོང་དུས་སྐྱོ་སྣང་ཧ་ཅང་བྱུང་། འོན་ཀྱང་རང་ཉིད་རྒྱང་གྲགས་ལེའུ་མང་པོའི་མཚམས་སུ་གནས་པའི་ཐོག་གནས་སྟངས་གཞན་གྱི་རྐྱེན་པས་བྱ་ཐབས་བྲལ། གོད་ཆག་བྱུང་ས་དེར་༸གོང་ས་མཆོག་ཞབས་སོར་འཁོད་ཐུབ་ན་ཚེ་འདས་རྣམས་ལ་ཕན་པ་སྨོས་མེད་ཐོག་མང་ཚོགས་སྐྱོ་གདུང་སངས་ངེས་ཡིན།

ལས་སྨོན་བྱམས་བརྩེའི་སྲོག་གིས་འབྲེལ་བའི་བོད་རིགས་ཚོ།
མི་ཚེ་གཅིག་ལ་སྐྱིད་སྡུག་སྣ་ཚོགས་ཡོང་སྲིད་པས། 

སྐྱིད་དུས་ང་རྒྱལ་མ་བྱེད་བོད་ཀྱི་སྤྱི་དོན་སྒྲུབས།
སྡུག་དུས་སེམས་ཕམ་མ་བྱེད་གཅིག་ཕན་གཅིག་རོགས་བྱོས།

རྐྱེན་ཆག་སྒོ་བྱུང་བའི་ཛ་དྲག་དུས། སེམས་སྐྱོ་བ་ཙམ་ཀྱིས་མི་ཕན་པས།
བློ་རིག་པའི་ཐབས་ཇུས་གྲོས་བྱས་ནས། ལས་དེ་འདྲ་མི་བྱེད་འདི་འདྲ་བྱེད།

ཚེ་འདས་རྣམས་ལ་ཕན་པའི་ཕྱིར། སྐྱ་སེར་ཕོ་མོ་ཐམས་ཅད་ཀྱིས།

བདུན་ཕྲག་བདུན་ཀྱི་དུས་ཡུན་ལ། ཆོས་ལ་ཐོས་བསམ་སྒོམ་པར་མཛོད།

གསོན་པོ་རྣམས་ལ་ཕན་པའི་ཕྱིར། སོ་སོའི་རང་ནུས་གང་ཡོད་ཀྱིས།

དངུལ་གྱིས་ཞབས་འདེགས་འབུལ་བའམ། ལུས་ངག་ཡིད་ཀྱིས་འབད་པར་འཚལ།

ཤུལ་ལུས་དྭ་ཕྲུག་སྐྱབས་མེད་རྣམས། ཐབས་དང་ཇུས་ཀྱིས་མ་སྐྱབས་ན།

བོད་ཕྲུག་རྒྱ་ལ་བསྒྱུར་ངེས་པས། ས་ཡོམ་ངན་འབྲས་ཅི་བས་སྡུག

རྒྱ་མིའི་གཡོ་འཕྲུལ་བྱམས་ན་ཡང་། དེ་ལ་བློ་གཏད་བྱེད་མི་རུང་།

ཤིན་ཏུ་ཉམ་ཐག་གྱུར་ན་ཡང་། རང་དབང་རྩོད་ལེན་བརྗེད་མི་རུང་།

ཨོ་རོགས་སྐྱོར། སྔོན་མ་རྒྱ་ནག་ལ་ས་ཡོམ་བརྒྱབ་སྐབས་༸རྒྱལ་དབང་ཀརྨ་པ་མཆོག་གིས་རྒྱ་སྒོར་ཁྲི་ཉི་ཤུ་གསོལ་རས་གནང་འདུག་པས་ད་སྐབས་བོད་ནང་ལ་ས་ཡོམ་ཀྱི་གུད་ཆགས་ཆེན་པོ་འདི་འདྲ་བྱུང་དུས་རིན་པོ་ཆེ་ཡིས་རྒྱ་སྒོར་ཁྲི་ཚོ་རྒྱ་ཕྲག་ག་ཚད་ཙམ་གསོལ་རས་གནང་འཆར་ཡོད་དམ།

http://www.youtube.com/user/Zwilling2007#p/a/u/0/dERkbnMFmkA
སྤྱི་ལོ་ ༢༠༡༠ ལོའི་ཟླ་བ ༤ ཚེས་ ༡༤ ཉིན་བོད་མདོ་ཁམས་ཡུལ་ཤུལ་ཁུལ་དུ་ས་ཡོམ་ཤུགས་ཚད་ ༦་༩ ཅན་རྒྱབ་ནས་མི་ཟོག་མང་པོར་ཤི་རྨས་བྱུང་བར་འབྲི་གུང་༧སྐྱབས་མགོན་ཆེ་ཚང་དཀོན་མཆོག་བསྟན་འཛིན་ཀུན་བཟང་འཕྲིན་ལས་ལྷུན་གྲུབ་དབུ་བཞུགས་ཐོག འཕགས་ཡུལ་བྱང་ཆུབ་གླིང་གི་འདུས་སྡེ་གྲྭ་ཚང་དང་། བཤད་གྲྭ། བཙུན་དགོན་ཐུན་མོང་ནས་འབྲི་གུང་འཕོ་བ་དང་སྨོན་ལབ་བསྐྱངས་གཟུགས་མཐོང་པར་རིས།

རྒྱ་ཆེ་བའི་བོད་རིགས་སྤུན་ཟླ་ཚོ ། ས་ཆུ་མེ་རླུང་ནི་རང་བཞིན་གྱི་རང་བཞིན་གྱི་འབྱུང་ཁམས་ཤིག་ཡིན་པས་དེ་ལ་ཇི་ལྟར་བཀག་འགོག་བྱེད་དགོས་མི་ཤེས་མོད།
འདི་ནི་རང་བྱུང་གི་གནོད་འཚེ་ཞིག་ཡིན་པས་ང་ཚོས་ཆོས་ཕྱོགས་ནས་དགེ་བ་ཅུང་ཙག་རེ་སྒྲུབ་རྒྱུ་མ་གཏོགས་ཐབས་གཞན་མེད་ཀི བདག་གི་སྙིང་ཉེ་བའི་སྐྱེ་་རྒུ་མདོའི་ཡུལ་མི་སྤུན་གྲོགས་རྣམས་པ། འུ་ཚང་གི་ལས་དབང་དེ་གནམ་སྔོན་པོའི་འོག་ནས་འུ་བོད་པ་ཚང་གི་སྐྱིད་སྡུག་མཉམ་མྱོང་ཡིན་ལ། སྡུག་གི་རང་མདངས་འུ་ཚང་གི་ཕ་ཁྱིམ་གྲི་བཞིའི་བླ་སྲོག་བཅོམ་ཀྱང་།འུ་ཚོ་སྡུག་ན་མཉམ་སྡུག་དང་སྐྱིད་ན་མཉམ་སྐྱིད་ཡིན་སྤུན་ཟླ་ཚོ། དེ་རིང་འུ་བོད་པ་ཚང་གི་མགོ་ཐོག་ན་སྡུག་གི་སྨྲིན་པ་འཐུབས་སོང་ཡང་། ཉིན་གཅིག་གི་དུས་ཤར་ཞིག་ལ་འུ་བོད་པ་ཚང་གི་བསླར་ཡང་སྟོབས་ཤིག་གཅིག་ཏུ་སྒྲུམ་ནས་འཛམ་གླིང་ནས་བོད་ཟེར་བ་མངོན་དགོས།

ས་ཆུ་མེ་རླུང་འབྱུང་བའི་བར་ཆད་ཀྱིསཿ
སྒྱུ་ལུས་གཡར་པོ་འཇིག་ལ་ཐུག་པའི་ཚེཿ
ཡིད་གཉིས་ཐེ་ཚོམ་མེད་པར་གསོལ་བ་འདེབསཿ
ཨོ་རྒྱན་འབྱུང་བ་བཞི་ཡི་ལྷ་མོར་བཅསཿ
འབྱུང་བ་རང་སར་ཞི་བར་ཐེ་ཚོམ་མེདཿ
ཨོ་རྒྱན་པདྨ་འབྱུང་གནས་ལ་གསོལ་བ་འདེབསཿ
བསམ་པ་ལྷུན་གྱིས་གྲུབ་པར་བྱིན་གྱིས་རློབསཿ

ཨོོ་མཎི་པདྨེ་ཧོོ།
སྐྱེ་རྒུ་མདོ་ཡི་ས་ཡོམ་གོད་ཆགས་ཁྲོད།
མི་ཤི་རྨས་སྐྱོན་གོད་ཆགས་ཅི་བྱུང་བ།
བླ་མ་མཆོག་དང་སྤྱན་རས་གཟིགས་དབང་གིས།
ཐུགས་ཀྱིས་སྨོན་པ་བཞིན་དུ་འགྲུབ་པར་ཤོག
ཨོོ་མཎི་པདྨེ་ཧོོ།

ངས་ལྟོས་ན་ང་ཚོ་ལ་འདི་ལྟར་གོད་ཆག་བྱུང་དུས་རྒྱ་ནག་གིས་རོགས་རམ་དང་ཁ་ཡ་ཙམ་ཡང་མ་བྱས་ན་འདི་ང་ཚོའི་རྒྱལ་ཁ་ཡིན་བསམ་བྱུང་། ཡིན་ཡང་རྒྱ་ནག་གཞུང་གི་འདི་ལྟར་ཁྱོན་ནས་བྱེད་མི་ཡོང་། བསྒྲུབ་བྱ་ཆུང་ཆུང་ཞིག་བྱས་ནས་གསལ་བསྒྲགས་ཆེན་པོ་ཞིག་བྱེད་ངེས་ཚང་མས་ལྟོས་སྡོད་ཉོན་སྡོད། ད་ཐང་རྒྱ་ནག་གིས་ཕྱི་ཕྱོགས་ལ་མངོན་པའི་དུས་ཤིག་སླེབས་པ་རེད།

གནས་ཚུལ་ཤེས་གསལ། མི་ཤི་གོད་ཆག་བྱུང་བ་ཕལ་ཆེ་མི་དམངས་དཀྱུས་མ་རྣམས་ཡིན་པ་འདྲ། གཞུང་གི་མཐོ་རིམ་དཔོན་རིགས་སོགས་མང་པོར་གོད་ཆག་བྱུང་མི་འདུག་ཟེར། དེས་ན་ཁོ་ཚོས་ས་གཡོམ་ཡོང་གི་ཡོད་པའི་གནས་ཚུལ་སྔོན་ནས་ཤེས་པ་དང་། ཕན་ཚུན་ཁ་པར་བཏང་བའི་དོགས་འཆར་མི་མང་པོས་བྱེད་ཀྱིན་ཡོད་པ་འདྲ།

ད་དུང་རྒྱ་གཞུང་གི་དམག་མི་རྣམས་ཀྱི་གཞུང་ལས་དང་མཐོ་རིམ་དཔོན་རིགས་ཁག་གི་ཁང་པ་སྔོག་འདོན་བྱེད་པ་ལས། མི་དམངས་དཀྱུས་མའི་ཁང་པ་སྔོན་འདོན་བྱེད་ཀྱི་མི་འདུག་ཟེར། འོན་ཀྱང་མི་དམངས་དཀྱུས་མའི་ཁང་པ་སྔོན་འདོན་བྱེད་པ་དང་རོགས་པ་བྱེད་མི་གཙོ་བོ་དགོན་སྡེ་ཁག་གི་གྲྭ་པ་རྣམས་ཡིན་པ་འདྲ།

ད་དུང་ས་མི་མང་པོས་ས་གཡོམ་འདི་འདྲའི་འབྱང་ཁུངས་ནི། རྒྱ་གཞུང་གི་སྐྱེ་དགུ་མདོའི་ཆུ་མཛོད་ཀྱི་ལྟག་རྒྱབ་ནས་གཏེར་ཁ་སྔོག་འདོན་ཤུགས་ཆེ་བྱས་རྐྱེན་དེས་ཡིན་ཟེར།

ཁ་སང་བོད་ཟླ་གཉིས་པའི་ཚེས་སུམ་ཅུ་དང་། ཕྱི་ལོ་༢༠༡༠།ཟླ་༤པའི་ཚེས་༡༤རེས་གཟའ་ལྷག་པ་ཉིན། བོད་ཡུལ་ཁམས་སྒ་སྐྱེ་དགུ་མདོར་རང་བྱུང་གི་གོད་ཆགས་འདི་བྱུང་མ་ཐག་ཏུ་རང་ཅག་བོད་འབངས་རྣམས་ཀྱི་ཁོག་པའི་སྙིང་དང་། དཔྲལ་བའི་མིག་ཏུ་གྱུར་པའི་༸གོང་ས༸རྒྱལ་བ་ཡིད་བཞིན་ནོར་བུ་མཆོག་ནས་ཐུགས་ཕམ་ཙད་མེད་དང་བཅས་གཞིས་བྱེས་གཉིས་ལ་དཀའ་ངལ་འདི་དག་གདོང་ལེན་གྱི་ཆེད་དུ་བཀའ་བསྩལ་པ།

༄༅། །ད་ནང་ཞོགས་སྐད་གསར་འགྱུར་གོ་བ་ལ། སྐྱེ་དགུ་མདོའི་ས་ཁུལ་དེ་ལ་ས་ཡོམ་ཤུགས་ཆེན་པོ་ཞི་བོ་ཞིག་རྒྱབ་གཞག ད་ནངས་ཞོགས་སྐད་གསར་འགྱུར་བྱས་པ་ཡིན་ན། མི་དྲུག་ཅུ་རེ་གཉིས་ཤི་བ་རེད་ཟེར། ད་རེས་འདི་བ་གོ་དུས་མི་བརྒྱ་ཕྲག་ཁ་ཤས་དང་། སྟོང་ཕྲག ཁ་ཤས་ཀྱིས་སྟོང་ཕྲག་གཉིས་གསུམ་ཟེར་གི་འདུག་ཟེར། ཞིབ་ཕྲ་ཞིག་ཤེས་མ་སོང་། བྱས་ཙང་ས་ཡོམ་སྡུག་ཅག་ཅིག་རྒྱབ་གཞག ཤུགས་ཆེན་པོ་དགའ་རབ་ཞིག་བརྒྱབ་གཞག ད་བྱེད་ཡ་ནི་གང་ཡང་ཡོད་མ་རེད། སྨོན་ལམ་བརྒྱབ་ནས་བསྡད་ན་མ་གཏོགས། ད་ང་ཚོ་བོད་སའི་ས་ཁུལ་ལ་བྱུང་བ་རེད། གཙུག་ལག་ཁང་འདིར། ཆོས་དོན་ལ་བཀའ་མོལ་ཞིག་ཞུས། སྨོན་ལམ་ཞིག་འཚོགས་ཐུབ་ན། སྙིང་རྗེ།
ད་ང་རང་ཚོ་སངས་རྒྱས་པའི་ཆོས་པ་རེད། བདེ་སྡུག་གང་བྱུང་བ་ཡིན་ནའང་གཙོ་བོ་སོ་སོར་སོ་སོའི་ལས་ཀྱི་འབྲས་བུ་སྨིན་པ་ཤ་སྟག་རེད། ད་ས་ཡོམ་གི་འོག་ནས་རྐྱེན་འདས་སུ་ཕྱིན་པ་དང་། ནད་པ། ནད་གཅོང་ཆགས་པ་དེ་དག་སོ་སོའི་སྔོན་བསགས་གི་ལས་ངན་པའི་འབྲས་བུ་སྨིན་པ་རེད། དེ་འདྲ་ཡིན་དུས། སྡུག་བསྔལ་མྱངས་པ་དེ་ཡིས་ཚེ་རབས་མང་པོར་གཞན་ལ་གནོད་པའི་བྱ་བ་དང་འབྲེལ་བའི་སྡིག་པ་བསགས་བཞག་པ་དེ་ཚོའི་གྲས་དེ་དག་པར་ཡོང་བར་ཤོག་སྙམ་པའི་སྨོན་ལམ་རྒྱབ་པ་ཡིན་ན་ཕན་གི་རེད། སོ་སོའི་སེམས་ལ་ཡིན་ནའང་ཏོག་ཙམ་སྡུག་བསྔལ་རྔམས་སྐྲག་ཤུགས་ཆུང་དུ་འགྲོ་བ་དང་། སྡུག་བསྔལ་བྱུང་བ་དེས་བསོད་ནམས་གསར་པ་གསོག་པའི་རྐྱེན་དུ་འགྲོ་བའི་དེ་འདྲའི་ཕན་ཐོག་ཡོང་གི་རེད། ཁྱོད་རང་ཚོས་འདི་ནས་ཕར་ལན་སྐྱེལ་སའི་བཟོ་འདྲ་བོ་བྱུང་བ་ཡིན་ན་སྡུག་བསྡལ་ནི་བྱུང་ཚར་བ་རེད། རྐྱེན་ངན་ནི་ཕྲད་ཚར་བ་རེད། ཞེའུ་སེམས་མ་སྐྱིད་པ་བྱས་ནས་བསྡད་པ་ལས་ག་ཚད་ཐུབ་ཐུབ་ཀྱིས་དགེ་བ་གསོག་ཐུབ་ན་གཟུངས་སྔགས་འདྲ་གསོག བློ་སྦྱོང་གི་ཉམས་ལེན་འདྲ་བྱེད་ཐུབ་པ་ཡིན་ན་སྡུག་བསྔལ་དང་ལེན་དེ་འདྲའི་བསམ་མནོ་ཏོག་ཙམ་གཏོང་ཐུབ་པ་ཡིན་ན་ཅིག་ཕན་འགྲོ་གི་རེད་པཱ། རྐྱེན་ངན་དགེ་བའི་གྲོགས་སུ་འགྱུར་བ་དང་། རྐྱེན་ངན་བྱང་ཆུབ་ལམ་དུ་བསྒྱུར་ཐུབ་པ་བྱུང་ན་ཡག་པོ་རེད་པཱ། རེད་པཱ་ཡ།

ཞེས་བསྩལ་བ་ཁོ་བོས་ཡིག་ཐོག་ཏུ་ཕབ་ཅིང་ཞུས་དག་ནན་ཏུར་བྱས་ཁུལ་ཡིན་ཡང་གློག་བརྙན་གྱི་དྲ་ཐག་འདི་ལ་རྩ་འཛིན་ཞུ་རོགས།
http://www1.voanews.com/tibetan-english/news/
འདི་ན་རང་གིས་འཇོན་འདོག་བྱས་པ་མ་ཡིན་ཅིང་ཞེ་ཕུག་བོད་དང་རྒྱལ་བ་རིན་པོ་ཆེ་ལ་གཏད་ནས་ཡོད་པའི་གཞིས་བཞུགས་བོད་མའི་རྣམས་ཀྱི་བསམ་པའི་རྒྱག་ཕྱེ་ཞིག་དང་། ངུ་ངག་འདི་ལྟ་བུའི་ཁྲོད་ནས་མིག་ཆུ་འཕྱིད་རོགས་ཞིག་ཏུ་འགྱུར་བའི་རེ་བས་འདིར་ཕབ་བཀོད་ཞུས་པ་ཡིན།
སྤུན་ཟླ་རྣམ་པ། ༸གོང་ས་རྒྱལ་བ་རིན་པོ་ཆེས་གསུངས་པ་ལྟར་ལུས་སེམས་གཉིས་ཀ་སྡུག་བསྔལ་གྱི་འོབས་དོང་ལྷུངས་པའི་གཞིས་བཞུགས་རྣམས་པ་ལ་བཀའ་སློབ་འདི་ཉིད་རྒྱུད་སྒྲགས་བྱེད་རོགས་ཞུ།

བཙན་བྱོལ་གཞུང་སོགས་ཕྱི་ལ་ཡོད་པའི་བོད་པའི་ཚོགས་པ་ཆེ་ཆུང་རྣམས་ཀྱིས་ས་ཡོམ་ཀྱིས་གསད་པ་དང་རྨས་པའི་ང་ཚོའི་མི་རིགས་ཆེད་ཁ་སྐམ་པོ་ཞིག་མ་གཏོགས་གཞན་གང་ཡང་བྱེད་ཀྱི་ཡོད་པའི་རྣམ་པ་མི་འདུག། ཧ་ཅང་གི་བློ་ཕམ་ཡོད།

རྒྱ་ནག་གཞུང་གིས་བསྒྲགས་པའི་གྲངས་ཀ་འདི་ལ་ངེས་གཏན་ཡོད་པ་མ་རེད། ད་ལྟའི་ཆར་མྱུར་སྐྱོབ་བྱེད་བཞིན་པའི་སྒང་རེད།

ཕྱི་རྒྱལ་གྱི་གསར་འགོད་པ་ཞིག་གིས་བཤད་ན། ལན་གྲུ་དང་ཁྲིན་ཏུའུ་ནས་མོ་ཊ་གཤར་གྱིན་འདུག་ཟེར། མོ་ཊོ་དེ་དག་གི་ནང་དུ་དམག་མི་དང་། གུར། བཟའ་ཆས་སོགས་འདུག་ཟེར། རི་བརྒྱུད་དེ་དག་གཏུབས་ནས་ཡོང་གི་ཡོད་སྟབས་དེ་རིང་དགོང་མོ་མ་གཏོགས་ཡུལ་ཤུལ་ལ་ཐོན་དཀའ་བར་བཤད།

ཡ་མཚན་པ་ལ། དམག་མི་འགའ་རེས་བརྙན་འཕྲིན་པར་ཆས་སྙིང་རྗེ་བོ་དེ་འདྲ་ཁྱེར་འདུག་ཟེར།

མོ་ཊ་མང་པོ་ཞིག་མདང་དགོང་ཡུལ་ཤུལ་ལ་འབྱོར་འདུག་ཟེར།

གནས་སྟངས་འདིར་བལྟས་ན་མྱུར་སྐྱོབ་རུ་ཁག་འདང་ངེས་ཤིག་ད་དུང་འབྱོར་མེད་ཚུལ་འདུག ཤི་གྲངས་དང་རྨས་གྲངས་ཀྱང་དུས་ཚོད་རེ་རེ་བཞིན་འཕར་ངེས་རེད།

རྒྱ་གཞུང་གིས་བསྒྲགས་པའི་ཤི་བོའི་གྲངས་ཀ་དང་བོད་མི་འབྲེལ་ཡོད་ཚོས་བསྒྲགས་པའི་གྲངས་ཀའི་བར་ལྡབ་གཅིག་ལྷག་འདུག

　新华网青海玉树４月１５日电（记者骆晓飞、王雁霖、任晓刚）记者从青海玉树州抗震救灾指挥部获悉，截止到１５日９时，青海省玉树州“４·１４”地震造成的死亡人数已上升至６１７人，失踪３１３人，受伤９１１０人，其中重伤９７０人。