སྐྱེ་རྒུ་མདོའི་རང་བྱུང་ས་ཡོམ་ཀྱི་གནོད་འཚེ་ཁྲོད་འདས་གྲོངས་སུ་ཕྱིན་པའི་བོད་མི་རྣམས་ལ་གདུང་སེམས་མཉམ་བསྐྱེད་མཚོན་ཆེད་བཞུགས་སྒར་མི་མང་གིས་སྨོན་ལམ་འཚོགས་ཡོད།
ཕྱི་ཚེས་ ༡༤ ཉིན་གྱི་ཞོགས་པའི་ཆུ་ཚོད་ ༧ དང་སྐར་མ་ ༤༩ སྟེང་ཡུལ་ཤུལ་བོད་རིགས་རང་སྐྱོང་ཁུལ་སྐྱེ་རྒུ་མདོ་རུ་ས་ཡོམ་གྱི་གོད་ཆག་བྱུང་སྟེ། བོད་མི་ ༤༠༠ ལྷག་འདས་གྲོངས་སུ་ཕྱིན་ཡོད་པ་དང་བོད་མི་མང་པོ་ཞིག་དཀའ་ངལ་ཁྲོད་ལྷག་ཡོད་པའི་གནས་ཚུལ་ཐོས་འཕྲད། ཕྱི་དྲོའི་ཆུ་ཚོད་ ༥ བའི་སྟེང་བཞུགས་སྒར་ཁུལ་གྱི་གཞུང་འབྲེལ་མིན་པའི་ཚོགས་པ་ལྔའི་གོ་སྒྲིག་འོག་ཐེག་ཆེན་ཆོས་གླིང་གཙུག་ལག་ཁང་དུ་འདས་གྲོངས་སུ་ཕྱིན་པའི་བོད་མི་རྣམས་ལ་བསྔོ་སྨོན་གསོལ་འདེབས་ཞུས་ཡོད་པར་མ་ཟད། མར་མེ་མཆོད་འབུལ་དང་༧གོང་ས་མཆོག་ལ་བསྔོ་ཡིག་ཕུལ་ཏེ་གཞིས་བཞུགས་བོད་མི་རྣམས་ལ་གདུང་སེམས་མཉམ་བསྐྱེད་བྱས་ཡོད།
སྐབས་དེར། བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་ངག་དབང་འོད་འབར་ལགས་ཀྱིས། ཐེངས་འདིའི་ས་ཡོམ་ཁྲོད་བོད་མི་སྟོང་ཕྲག་མང་པོ་ཞིག་འདས་གྲོངས་སུ་ཕྱིན་ཡོད་ཀྱང་། ད་ལྟའི་ཆར་རྒྱ་ནག་གཞུང་གི་མྱུར་སྐྱོབ་ཚན་པས་འཆར་གཞི་ལྡན་པའི་མྱུར་སྐྱོབ་བྱས་མེད་པར། མི་མང་རང་གིས་བློ་ཁོག་ཆེན་པོས་མྱུར་སྐྱོབ་བྱེད་ཀྱིན་པའི་གནས་སྟངས་ཆགས་ཡོད་ཚུལ་དང་། དེ་བཞིན་ས་གནས་མི་མང་ལ་ཟ་ཆས་སོགས་ཀྱི་ཐད་དཀའ་ངལ་འཕྲད་ཀྱིན་ཡོད་པར་མ་ཟད། སྐྱེ་རྒུ་མདོའི་ཉེ་འགྲམ་དུ་ཡོད་པའི་གློག་འདོན་ཆུ་མཛོད་ཤོར་ཉེན་ཡོད་པའི་ཛ་དྲག་གི་གནས་སྟངས་འོག་ལྷག་ཡོད་ཚུལ་བརྗོད་བྱུང་ལ། ཐེངས་འདིའི་ས་ཡོམ་ནི་རྒྱ་གཞུང་གིས་ཡུལ་ཤུལ་ཁུལ་ཏུ་གཏེར་ཁ་བསྔོག་འདོན་དང་དབྱར་རྩྭ་དགུན་འབུ་བརྐོས་པའི་ཉེར་ལེན་ལ་བརྟེན་ནས་བྱུང་བ་རེད། དེ་བས། ང་ཚོ་བཙན་བྱོལ་བོད་མི་ཚོས་འདས་གྲོངས་སུ་ཕྱིན་པའི་བོད་མི་རྣམས་ལ་སྨོན་ལམ་དང་མར་མེ་མཆོད་འབུལ། ༧གོང་ས་མཆོག་ལ་བསྔོ་བརྟེན་འབུལ་བ་སོགས་གདུང་སེམས་མཉམ་བསྐྱེད་བྱེད་ཀྱིན་ཡོད་ལ། སང་ཉིན་ཡང་བོད་གཞུང་ཆོས་རིག་ལས་ཁུངས་ཀྱིས་འདིའི་ཐད་བསྔོ་སྨོན་གསོལ་འདེབས་གནང་འཆར་ཡོད་འདུག ང་ཚོ་ཚོགས་པ་ལྔའི་ངོས་ནས་མ་འོངས་གནས་སྟངས་ལ་གཞིགས་ཏེ་ལས་འགུལ་སྤེལ་འཆར་ཡོད་ཅེས་འགྲེལ་བརྗོད་གནང་བྱུང།
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
ལས་སྨོན་བྱམས་བརྩེའི་སྲོག་གིས་འབྲེལ་བའི་བོད་རིགས་ཚོ།
མི་ཚེ་གཅིག་ལ་སྐྱིད་སྡུག་སྣ་ཚོགས་ཡོང་སྲིད་པས།
སྐྱིད་དུས་ང་རྒྱལ་མ་བྱེད་བོད་ཀྱི་སྤྱི་དོན་སྒྲུབས།
སྡུག་དུས་སེམས་ཕམ་མ་བྱེད་གཅིག་ཕན་གཅིག་རོགས་བྱོས།
རྐྱེན་ཆག་སྒོ་བྱུང་བའི་ཛ་དྲག་དུས། སེམས་སྐྱོ་བ་ཙམ་ཀྱིས་མི་ཕན་པས།
བློ་རིག་པའི་ཐབས་ཇུས་གྲོས་བྱས་ནས། ལས་དེ་འདྲ་མི་བྱེད་འདི་འདྲ་བྱེད།
ཚེ་འདས་རྣམས་ལ་ཕན་པའི་ཕྱིར། སྐྱ་སེར་ཕོ་མོ་ཐམས་ཅད་ཀྱིས།
བདུན་ཕྲག་བདུན་ཀྱི་དུས་ཡུན་ལ། ཆོས་ལ་ཐོས་བསམ་སྒོམ་པར་མཛོད།
གསོན་པོ་རྣམས་ལ་ཕན་པའི་ཕྱིར། སོ་སོའི་རང་ནུས་གང་ཡོད་ཀྱིས།
དངུལ་གྱིས་ཞབས་འདེགས་འབུལ་བའམ། ལུས་ངག་ཡིད་ཀྱིས་འབད་པར་འཚལ།
ཤུལ་ལུས་དྭ་ཕྲུག་སྐྱབས་མེད་རྣམས། ཐབས་དང་ཇུས་ཀྱིས་མ་སྐྱབས་ན།
བོད་ཕྲུག་རྒྱ་ལ་བསྒྱུར་ངེས་པས། ས་ཡོམ་ངན་འབྲས་ཅི་བས་སྡུག
རྒྱ་མིའི་གཡོ་འཕྲུལ་བྱམས་ན་ཡང་། དེ་ལ་བློ་གཏད་བྱེད་མི་རུང་།
ཤིན་ཏུ་ཉམ་ཐག་གྱུར་ན་ཡང་། རང་དབང་རྩོད་ལེན་བརྗེད་མི་རུང་།
དགུ་བཅུ་གསུམ་ཚོགས་པའི་ཚོགས་གཙོས་ང་ཚོ་ཚོགས་པ་ལྔའི་ངོས་ནས་མ་འོངས་གནས་སྟངས་ལ་གཞིགས་ཏེ་ལས་འགུལ་སྤེལ་འཆར་ཡོད་ཞེས་གསུང་འདུག་ལས་འགུལ་ག་རེ་སྤེལ་མིན་ཁ་གསལ་མིན་འདུག འོན་ཀྱང་ངས་བསམ་ཚུལ་བྱས་ན་རང་རེ་བཙན་བྱོལ་བོད་མི་ཡོངས་ཀྱི་ངོ་བོ་མཚོན་ཐུབ་པའི་སྐུ་ཚབ་ཚོགས་པ་ཞིག་གང་མགྱོགས་གཟིགས་ཞིབ་དང་ཐུགས་གསོ་གཏོང་བར་ངེས་པར་འགྲོ་དགོས། རྒྱལ་སྤྱི་རྒྱ་འགྲམ་དམར་པོ་དང༌། རྒྱལ་སྤྱི་རོགས་ལྷན་ཁང་སོགས་རྒྱུད་མི་དགོས་པ་བཙན་བྱོལ་བོད་མིའི་སྐུ་ཚབ་ཞིག་ས་གནས་ས་ཐོག་རོགས་རམ་བྱེད་པར་འགྲོ་ཐུབ་པའི་འབད་རྩོན་གནང་རོགས་ཐུགས་རྗེ་གཟིགས། ཁ་བདེ་པོ་རྐྱང་རྐྱང་གསུང་ནས་མ་ཞུགས་རོགས་སྤྱི་མཐུས་དང་བཀའ་ཤག་ནས་དགོང་པ་རྒྱ་གང་ཆེ་བཞེས་རོགས། དགོངས་པ་བཞེས་མཁན་ཁྱོད་ཚོ་ཡིན།
སྐྱེ་རྒུ་མདོ་ཡི་ས་ཡོམ་གུད་ཆག་ཁྲོད།
བོད་མི་དྲུག་བརྒྱ་ལྷག་གི་སྲོག་ཤོར་དང།
སྟོང་ཕྲག་མང་པོར་རྨས་སྐྱོན་སྡུག་མྱོང་བ།
ཡ་ངའི་གུད་ཆག་འདི་ལ་སེམས་པ་སྐྱོ།
ཤཱཀྱའི་སྲས་དང་འཕགས་མཆོག་སྤྱན་རས་གཟིགས།
ཡི་དམ་ལྷ་ཚོགས་ཆོས་སྐྱོང་སྲུང་མ་ཡིས།
ཐུགས་སེམས་མ་གཡེམ་ཉམ་ཐག་བོད་མི་རྣམས།
མྱུར་ཏུ་སྐྱོབ་པའི་འཕྲིན་ལས་གདུང་གྲོགས་མཛོད།
ས་ཡོམ་གུད་ཆག་ཁྲོད་ནས།
རྨས་དང་འདས་པོ་མ་ལུས་པ།
རང་བསགས་སྡིག་པ་ཀུན་ཟད་དེ།
བདེ་བ་ཅན་དེར་སྐྱེ་བར་ཤོག
ཨོོ་མཎི་པདྨེ་ཧོོ།་
ཨོོ་མཎི་པདྨེ་ཧོོ།
ཨོོ་མཎི་པདྨེ་ཧོོ།
དགུ་བཅུ་གསུམ་ཚོགས་པའི་ཚོགས་གཙོ་མགོ་བདེ་དྲན་འཁྲུལ་འདིས་གཏམ་བཤད་ཀྱི་བརྗོད་བྱ་ནང་དོན་དེ་ཙམ་མི་འདུག བརྗོད་བྱའི་ནང་དོན་འདིས་མེག་ལོར་གྷན་ཇིའི་པཱོ་ལགས་དང་རྨོ་ལགས་འགའི་རྣ་ལམ་དུ་འགྲོ་བ་ལས་འཛམ་གླིང་མི་དམངས་དགོད་ཤོར་ངེས་རེད། དབྱར་རྩྭ་བརྐོ་མཁན་བོད་པ་ཡིན་པ་ལས་རྒྱ་མི་མ་རེད། ཡུལ་ཤུལ་ཁུལ་དུ་གཏེར་ཁ་ཆེན་པོ་བརྔོག་འདོན་བྱེད་བཞིན་མེད་པར་མ་ཟད། རྡུལ་ཕྲན་གྱི་རྒྱུ་ཆའི་བཟོ་སྦྱོར་སོགས་དེ་བས་ཀྱང་མེད། རྒྱུ་མཚན་ནི་རྒྱ་ནག་ལ་ཆུའི་དཀའ་ངལ་ཡང་ཡང་འཕྲད་བཞིན་པའི་རྐྱེན་གྱིས་ཡུལ་ཤུལ་ས་ཁུལ་དེ་ཆུ་བོ་གསུམ་གྱི་རང་བྱུང་ཁམས་སྲུང་སྐྱོབ་ས་ཁུལ་དུ་གཏོགས་པ་ཡིན། རྒྱ་གཞུང་གི་རོགས་སྐྱོར་བྱེད་ཀྱི་མེད་ཚུལ་དེ་ཡང་བདེན་པ་རང་ཨེ་ཡིན་བསམ། རྒྱ་ནག་ལ་སྐྱོན་བརྗོད་བྱེད་ན་སྐྱོན་ངོ་ཤེས་པ་དང་རྒྱུ་མཚན་ལྡན་པའི་སྐྱོན་འཛུགས་བྱེད་ཐུབ་ན་རྩ་དོན་ལ་ཕན་ངེས་ཡིན་པར་བསམ།
新华网青海玉树４月１５日电（记者骆晓飞、王雁霖、任晓刚）记者从青海玉树州抗震救灾指挥部获悉，截止到１５日９时，青海省玉树州“４·１４”地震造成的死亡人数已上升至６１７人，失踪３１３人，受伤９１１０人，其中重伤９７０人。