རྒྱ་ནག་གིས་མི་ ༡༡༤༤ གྲོངས་འདུག་ཟེར།

བར་དོའི་སྣང་བ་ཤར་བར་གྱུར་མ་ཐག །རྒྱལ་སྲས་བརྒྱད་ཀྱིས་མ་ནོར་ལམ་བསྟན་ཏེ། །བདེ་བ་ཅན་དུ་སྐྱེས་ནས་སྤྲུལ་བ་ཡིས། །མ་དག་ཞིང་གི་འགྲོ་བ་འདྲེན་གྱུར་ཅིག །

ཤི་མིའི་གྲངས་ཀ་འཕར་སྟངས་ལ་ལྟོས་ན་ཡག་རྟགས་ཁྱོན་ནས་མི་འདུག
རྒྱ་ནག་གིས་བཤད་པ་ལ་ཡིད་ཆེས་བྱེད་རྒྱུ་མེད་ལ།་དུས་བབ་ཚང་གིས་བཤད་པ་ལའང་ཡིད་ཆེས་བྱེད་རྒྱུ་མི་འདུག་ང་ཚོས་ངེས་པར་དུ་དངོས་ཡོད་གནས་ཚུལ་ལ་སྒུག་དགོས།ཁ་སང་ཨ་རིའི་བརྙན་འཕྲིན་ནང་བཀའ་བློན་ལྷ་ལྕམ་གྱིས་བཤད་པ་ལྟར་དུས་ཚོད་ཐུང་ཐུང་ཞིག་ནང་གནས་ཚུལ་ཏག་ཏག་ཅིག་རྙེད་མི་ཐུབ།་ང་ཚོས་བརྟག་དཔྱད་བྱེད་བཞིན་ཡོད་ཅེས་གསུངས་སོང་།
ངས་རེ་བསྐུུལ་ཞུ་རྒྱུ་ཞིག་ལ་དཔང་རྟགས་དང་ཆ་འཇོག་མེད་པའི་གནས་ཚུལ་གང་བྱུང་འུར་བསྒྲགས་མ་བྱེད་རོགས་ཞུ་རྒྱུ་ཡིན།ཤི་མིའི་གྲངས་ཀ་མང་པོ་བཀོད་པ་ཙམ་གྱིས་དུས་བབ་ཚང་གི་བསྟན་པ་རྒྱས་མི་ཐུབ་ལ།མི་དམངས་ཀྱིས་ཁྱེད་ཚང་ལ་བསྐྱངས་པའི་ཡིད་ཆེས་ཆེ་རུང་འགྲོ་མི་ཐུབ།་ངེས་པར་དུ་གཟབ་གཟབ་གནང་དགོས་ཀྱི་འདུག

ངས་ས་མཐའ་ནས་ཁྱོད་ཚོ་དྲན་གི

ངས་ནི་ཉམ་ཆུང་བའི་ཚེ་སྲོག་དེ་དག་གི་སེམས་སྒྲར་ཉན་ཞིང་སྐྱི་ཡ་བའི་གནས་ཚུལ་འདི་དག་གི་སྐྱོ་གླུ་ཐོས་བས་རང་དབང་མེད་པར་ངུ་རྒྱངས་ཐེངས་ཤིག་བྱེད་དགོས་བྱུང་ལ། ངུ་རྒྱངས་ཀྱི་འོག་སྐད་དེ་ནི་གཏོས་ཆེ་བའི་འགྱོད་གདུང་དང་འཁང་སེམས་ཀྱི་སྙིང་ཁ་ནས་ལྡིང་སྟེ། སྙིང་ཉེ་བའི་ཡུལ་མི་འདི་ཚོ་གདུག་རྩུབ་ཀྱི་གཅོང་ནད་ཅིག་ལས་བུད་དེ་སླར་ཡང་གདུག་རྩུབ་ཀྱི་བྲག་རོང་ཞིག་ལ་བསྙེས་ཡོད་པའི་ཚོར་བ་རྣོན་པོ་ཞིག་ཏུ་གྱུར་གི

ངས་ནི་སེམས་གསོ་དང་ཐུགས་གསོ་ཞེས་པའི་སྐད་ཆ་རིང་པོ་འདི་རྫོགས་རྗེས་འཇའ་ལྟར་ཡལ་ཞིང་གངས་བཞིན་ཞུ་བའི་སྐུ་ངོ་རྒྱག་པ་ཚང་གི་སང་ཉིན་གྱི་རྒྱལ་སྒོ་མཐོང་གི་འདུག་ཅིང་། སོང་ཉིན་གྱི་རང་དབང་དང་རང་དབང་མ་ཡིན་པའི་སྒོ་ཆེན་གྱི་འགྲམ་དུ་ཡིད་ཆད་དང་བློ་ཕམ་གྱིས་བྲིས་པའི་སྦྱར་ཤོག་རི་ལྟར་སྤུང་ངེས་བ་དྲན་གི

དུས་ཚོད་ཀྱི་མདའ་རྩེ་རེ་རེ་ནས་ངས་ཡུལ་ཤུལ་མི་མང་གི་སྙིང་ཁ་ལུ་གུ་ལྡིང་ལྡིང་དང་། མིག་ཆུ་ཆར་བ་འབབ་འབབ་བྱེད་ཀྱིན་པའི་རྣམ་པ་དང་། འཇིགས་ཡེར་བའི་མུན་དོང་གི་གྲུ་ཟུར་རེ་རེ་ན་མགོན་དང་སྐྱབས་ལ་རེ་བའི་མིག་ཟུང་ཧྲིག་ཧྲིག་གིས་འགུལ་ཞིང་འཆི་ལ་ཉེ་བའི་བོད་མི་ཉམ་ཐག་དེ་ཚོ་དྲན་གི

ཕུགས་བསམ་དང་རེ་བ་ཁྲི་ཕྲག་གི་ཐོ་ཡོར་ས་ལ་གཏོར་ཞིང་ཞེད་སྣང་དང་འཇིགས་སྐྲག་གི་ཚོར་བ་རུམ་གང་ཁྱེར་ཏེ། མི་ཡུལ་ལ་ཞེན་ཆགས་ཀྱི་ཕྱི་མིག་ཧྲིག་གེར་ལྟ་ཞིང་ལས་དབང་ལ་འཁང་སེམས་ཀྱི་འོ་དོད་ཤུགས་ཆེར་སྒྲོག་བཞིན། མི་ཡུལ་གྱི་ཁྱིམ་གཞིས་དང་གཏན་དུ་བྲལ་བའི་བོད་པ་ཚང་གི་ཡུལ་མི་ཉམ་ཆུང་དེ་ཚོ་ལྷག་ཏུ་དྲན་གི

ཨོཾ་མ་ཎི་པདྨེ་ཧཱུྃ་ཧྲི༷