མདོ་སྨད་དབུས་རྒྱུན་དང་ངྷ་ས་མདོ་སྨད་ས་རྒྱུན་གཉིས་ཀྱི་གོ་སྒྲིག་འོག་ཐེག་ཆེན་ཆོས་གླིང་གཙུག་ལག་ཁང་དུ་སྐྱེ་རྒུ་མདོའི་ས་ཡོམ་གོད་ཆག་བྱུང་མཁན་རྣམས་ཀྱི་ཆེད་སྨོན་ལམ་ཞིག་ཚུགས་ཡོད་པ་རེད།
ཉེ་ལམ་སྐྱེ་རྒུ་མདོར་ས་ཡོམ་གྱི་གོད་ཆག་ཤུགས་ཆེར་བྱུང་བར་གདུང་སེམས་མཉམ་སྐྱེད་མཚོན་ཆེད། མདོ་སྨད་དབུས་རྒྱུན་ལས་ཁང་དང་ངྷ་ས་མདོ་སྨད་ས་གནས་རྒྱུན་ལས་ཁང་གཉིས་ཀྱིས་མཉམ་འབྲེལ་ཐོག་དེ་རིང་སྔ་དྲོའི་ཞོགས་པའི་དུས་ཚོད་ ༩ ནས་ ༡༡ བར་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ་སྐྱབས་རྗེ་ཀིརྟི་རིན་པོ་ཆེ་དབུ་བཞུགས་ཐོག བཀའ་ཟུར་ཨ་ལགས་འཇིགས་མེད། སྤྱི་འཐུས་ཚོགས་གཙོ་སྤེན་པ་ཚེ་རིང་དང་སྤྱི་ཟུར་ཁག་ཅིག གཞན་མི་མང་བརྒྱ་ཕྲག་མཉམ་འཛོམས་བྱུང་སྟེ་འདས་པོར་གསོལ་འདེབས་སྨོན་ལམ་གཟབ་རྒྱས་ཤིག་འཚོགས་ཡོད་པ་རེད། འདི་གའི་གསར་འགོད་པས་མདོ་སྨད་དབུས་རྒྱུན་ལས་ཁང་གི་ཚོགས་གཞོན་རྨ་ཆུའི་མགོན་པོ་དོན་གྲུབ་ལགས་སུ་ཐེངས་འདིའི་སྨོན་ལམ་གྱི་སྐོར་བཀའ་འདྲི་ཞུས་སྐབས་ཁོང་གིས། སྨོན་ལམ་འཚོགས་རྒྱུའི་ལས་འགུལ་དེ་འདྲ་ཞིག་གོ་སྒྲིག་བྱེད་དོན་གཙོ་བོ་ནི་མདོ་ཁམས་སྐྱེ་རྒུ་མདོ་ནས་བོད་མི་སྟོང་ཕྲག་འགའ་ས་ཡོམ་གྱི་གོད་ཆག་ཁྲོད་ཚེ་ལས་འདས་པ་དང་། དེ་མིན་བོད་མི་ཁྲི་ཕྲག་ཁ་ཤས་ཤིག་གིས་ད་དུང་སྨན་ཁང་དུ་སྡུག་བསྔལ་མྱངས་དང་མྱོང་བཞིན་ཡོད་ལ། ཤུལ་ལུས་བོད་མི་གང་མང་ཞིག་སྡུག་བསྔལ་གྱིས་མ་བཟོད་པའི་གནས་སུ་ལྷུང་ཡོད་པ་རེད། དེར་གདུང་སེམས་མཉམ་སྐྱེད་མཚོན་ཆེད་དེ་རིང་འདིར་མདོ་སྨད་དབུས་ས་གཉིས་ཀྱིས་ཐེག་ཆེན་ཆོས་གླིང་གཙུག་ལག་ཁང་དུ་སྐྱབས་རྗེ་ཀིརྟི་རིན་པོ་ཆེ་དབུ་བཞུགས་ཐོག་གྲྭ་ཚང་དང་ཚོགས་པ་ཁག་ལྷན་འཛོམས་ཀྱིས་གསོལ་འདེབས་སྨོན་ལམ་འདི་འཚོགས་པ་ཡིན་ཟེར།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
འཆི་གསོན་བར་དོ་གསུམ་གྱི་གསོལ་འདེབས།
སངས་རྒྱས་ཆོས་དང་དགེ་འདུན་གསུམ། །
བླ་ན་མེད་པའི་སྐྱབས་གནས་གསུམ། །
འཆི་དང་ལས་འབྲས་སྐྱབས་འགྲོ་གསུམ། །
སྐྱེ་འཆི་བར་དོར་དྲན་དགོས་གསུམ། །
གང་ཞིག་གསུམ་ལ་སྐྱབས་འགྲོ་ན། །
ངན་འགྲོ་གསུམ་ལས་ཐར་འགྱུར་ནས། །
བདེ་འགྲོ་གསུམ་ལ་སྐྱེ་བར་འགྱུར། །
སྡུག་བསྔལ་གསུམ་ལས་གྲོལ་བར་འགྱུར། །
དེ་ཕྱིར་འཆི་བ་རྟག་ཏུ་སྒོམས། །
ལས་འབྲས་གང་ཐུབ་ཅི་སྲུང་གྱིས། །
སྐྱབས་འགྲོ་ངག་འདོན་བྱས་གྱུར་ན། །
བདེ་ནས་བདེ་བར་འགྲོ་བར་ངེས། །
སྨོན་ལམ་འཚོགས་རྒྱུའི་ལས་འགུལ་འདི་སྤེལ་བར་དགའ་བསུ་ཡོད། ལྷག་པ་ཏུ་བོད་རིགས་ཅིག་གྱུར་གྱི་བསམ་བློ་ཚད་དང་ལྡན་པའི་ཐོག་ཆབ་སྲིད་གྱི་རྣམ་འགྱུར་ཅན་དུ་མ་སོང་བར་དོན་དམ་པའི་བོད་མི་སྐྱེད་སྡུག་གཉམ་མྱོང་ཞིག་ཡོང་བར་དགོས་མཁོ་དང་གོ་སྐབས་ཙམ་ལ་སྟོས་པ་མ་ཡིན་པར་དངོས་ཡོད་ལོ་རྒྱུས་དང་འབྲེལ་བའི་གནས་སྟངས་ལ་རྩ་འཛིན་དུས་རྟགས་ཏུ་གནང་གལ་ཆེ་བ་མཐོང་།
ཡག་པོ་འདུག་བསྔགས་བརྗོད་ཡོད། ཚོགས་པ་སྐྱིད་སྡུག་བཙུགས་པའི་དགོས་དོན་འདི་རེད།
སྤྱི་ཚེས་ ༢༡ ཉིན་ཚེ་ལས་འདས་པ་དང་འདས་མ་རྣམས་ཀྱི་ཆེད། འབྲི་གུང་སྐྱབས་མགོན་རིན་པོ་ཆེ་མཆོག་ནས། གནས་འདྲེན་དང་བྱང་ཆོག་གསུང་རྒྱུ་རེད་འདུག་པས། གཞི་བྱེས་ཀྱི་ལྷན་རྒྱས་རྣམ་པས་ཚེ་འདས་རྣམ་པའི་མིང་ཐོ་གང་བྱུང་བ་ཚེས་ ༢༡ གི་སྔོན་ཚུད་ཁ་བྱང་འདིའི་ཐོག་གཏང་གནང་རོགས་ཞུ། mainly882001@yahoo.co.in ཡང་ན་ druktsering2003@gmail.com ཞེས་རྡེར་རྡུན་འབྲི་གུང་བཀའ་བརྒྱུད་ཀྱིས་འདི་གར་བཏང་གནང་བྱུང་།
མཐུནན་ལམ་གོང་བུ་ཆིག་སྒྲིལ་གྱི་མཚོན་རྟགས་ཆེ་ཤོས་ཤིག་རེད་འདུག
མདོ་སྨད་ཀྱིས་བྱས་པ་ལེགས་སོང་། གཞན་ཡང་གཞིས་ལུས་མདོ་སྨད་པ་དག་ལ་སོ་སོའི་ཐད་ནས་རོགས་སྐྱོར་བྱེད་སྟངས་དང་རོགས་དངུལ་འབུལ་ཕྱོགས་སོགས་གསལ་འདེབས་རེ་བྱེད་རྒྱུ་གལ་ཆེ། ས་གནས་འགའ་རེ་ནས་རོགས་དངུལ་ཇི་ལྟར་འབུལ་དགོས་མ་ཤེས་པ་དང་། ས་གནས་རྒྱ་གཞུང་ལ་འབུལ་བཞིན་པའང་འདུག རྒྱ་རྒན་དེ་དག་གིས་ཡག་པོ་ཞིག་སྤྲོད་མིན་སུས་ཤེས།
དྲ་གྲོགས་རྒྱ་ཡིག་ཤེས་མཁན་ཚོས་དྲ་བྱང་འདིའི་སྟེང་གཟིགས་ནས་རྒྱ་ཡིག་ཐོག་འཆན་རེ་བྲི་ན་ཡག་པོ་ཡོད་ས་རེད།རྒྱ་རྒན་ཁ་ཤས་ཀྱི་རྒྱལ་བ་རིན་པོ་ཆེ་ཡོང་མི་དགོས་པའི་གཏམ་བཤད་ཁུལ་བྱས་འདུག།
http://www.secretchina.com/node/345261?nochche=1#comment_217467
།
ང་ཚོར་གོད་ཆག་འདི་འདྲ་བྱུང་སྐབས་གཅིག་ཕན་གཅིག་རོགས་དང་དཀའ་སྡུག་མཉམ་མྱོང་བྱེད་དགོས་པ་ཧ་ཅང་གལ་ཆེན་ཞིག་ཡིན་པར་ཚོར་བཞིན་འདུག
དེ་རིང་་ངས་སླར་ཡང་་ཡུལ་ཤུལ་མི་དམངས་རྣམས་ལ་ཐུགས་གསོ་དང་གདུང་སེམས་མཉམ་སྐྱེད་བྱེད་བཞིན་ཡོད།
ང་ཚོའི་ཤ་རུས་གདུང་རྒྱུད་གཅིག་པའི་ཡུལ་ཤུལ་མི་དམངས་ལགས།
སྡུག་དུས་སེམས་པ་མ་སྐྱོ་ཡུལ་ཤུལ་གྱི་མི་དམངས།
སྐྱིད་དུས་ང་རྒྱལ་ང་བྱེད་ཡུལ་ཤུལ་གྱི་མི་དམངས།
སྡུག་བསྔལ་དང་ལེན་གྱི་ཞིག་གནོང་དང་ཡུལ་ཤུལ་གྱི་མི་དམངས།
སྔོན་བསགས་ལས་སྒྲིབ་དེ་ཟད་ཡོང་ཡུལ་ཤུལ་གྱི་མི་དམངས།
སྡུག་བསྔལ་བཟོད་པ་ཞིག་སྒོམས་དང་ཡུལ་ཤུལ་གྱི་མི་དམངས།
བཟོད་པའི་ཕན་ཡོན་ལ་སེམས་དང་ཡུལ་ཤུལ་གྱི་མི་དམངས།
ངན་སོང་སྡུག་བསྔལ་དེ་དྲན་དང་ཡུལ་ཤུལ་གྱི་མི་དམངས།
རེ་ལྟོས་དཀོན་མཆོག་ལ་བཅོལ་དང་ཡུལ་ཤུལ་གྱི་མི་དམངས།
ངའི་སྤུན་ཟླ་ཡུལ་ཤུལ་གྱི་མི་དམངས་ལགས།
ལུས་ཀྱི་ཕྱག་མཆོད་ཁྱེད་ཀྱི་ཕྱོགས་སུ་སྤྲིངས།
ངག་གི་མ་ཎི་ཁྱེད་ཀྱི་སྙན་ལ་འབུལ།
སེམས་ཀྱི་བསྔོ་སྨོན་འདས་པོའི་རྣམ་ཤེས་གསོ།
ང་ཡི་ཡོད་ཚད་ཁྱེད་ཀྱི་ཆེད་དུ་སྦྱིན།
ང་ཡི་སྙིང་ཉེ་ཡུལ་ཤུལ་གྱི་མི་དམངས་ལགས།
གདུང་སེམས་མཉམ་སྐྱེད་ལུས་ཀྱི་དཀའ་སྡུག་སེལ།
སྐྱིད་སྡུག་མཉམ་མྱོང་སེམས་ཀྱི་རྨ་ཁ་གསོ།
བསྔོ་སྨོན་ཐུགས་གསོ་སེམས་ལ་སྤོབས་པ་སྦྱིན།
སྡུག་དུས་མཉམ་རོགས་བོད་མིའི་ཁྱད་ཆོས་ཡིན།
ངའི་སེམས་ནང་དུ་ཡོད་པའི་ཡུལ་ཤུལ་གྱི་མི་དམངས།
སེམས་མ་སྐྱོ།་་་་་་་་་ཡིད་མ་ཞོམ།
བློ་རྒྱ་སྐྱེད།་་་་་་་་་་་་བྱམས་སེམས་སྒོམས།
ཉི་མ་སྤྲིན་པའི་འོག་ནས་ཤར་བའི་དུས་ཤིག་སླེབས་ཡོང།
ཡག་པོ་རེད །
མདོ་སྨད་རྒྱུན་ལས་དང་བོད་ཕྱི་ནང་གི་མདོ་སྨད་མི་མང་གི་གནང་སྟངས་ལ་རྗེས་སུ་ཡི་རང་དང་ཐུགས་རྗེ་ཆེ་ཞུ་ཡ་ཡིན། དངོས་ནས་ཞུས་པ་ཡིན་ན་མདོ་ཁམས་སྟོད་ནས་འགོ་འཁྲིད་དགོས་པ་འདྲ་པོ་ཞིག་འདུག་ཀྱང་། གྲགས་འགུལ་ཅི་ཡང་མི་འདུག