ཇི་སྲིད་༧པཎ་ཆེན་ཆུང་སྲིད་རིན་པོ་ཆེ་དང་ཁོང་གི་སྐུ་འཁོར་རྣམས་ལ་མཇལ་ཆེད་རྒྱལ་སྤྱིའི་རང་དབང་ཅན་གྱི་སྡེ་ཚན་ཞིག་བོད་ནང་ཞིབ་བཤེར་དུ་གཏོང་མ་ཐུབ་པ་དེ་སྲིད་དུ། ང་ཚོས་ངོ་རྒོལ་མཚམས་མི་འཇོག་ཅེས་བོད་ཀྱི་བུད་མེད་ལྷན་ཚོགས་ཀྱིས་བརྗོད་ཡོད།
དེ་རིང་ཞོགས་པར་༧པཎ་ཆེན་ཨེར་ཏེ་ནི་ཞབས་ཞུ་ལས་དོན་ལྟེ་གནས་ཁང་གིས་༧ཀུན་གཟིགས་པཎ་ཆེན་རིན་པོ་ཆེ་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་གི་སྐུའི་འཁྲུངས་སྐར་སྲུང་གཙི་བྱས་པའི་སྐབས་དང་སྟབས་བསྟུན། བོད་ཀྱི་བུད་མེད་ལྷན་ཚོགས་ཀྱིས་ཐེག་ཆེན་ཆོས་གླིང་གཙུག་ལག་ཁང་དུ་ན་གཞོན་རི་མོ་བ་ཁག་ཅིག་གདན་ཞུ་བྱས་ཏེ། ཆུང་སྲིད་རིན་པོ་ཆེའི་པར་རིས་འབྲི་བའི་ལས་འགུལ་ཞིག་གོ་སྒྲིག་གནང་ཡོད།
སྐབས་དེར་བུད་མེད་ལྷན་ཚོགས་ཀྱི་ཚོགས་གཙོ་ཀིརྟི་སྒྲོལ་དཀར་ལྷ་མོ་ལགས་ཀྱིས། ང་ཚོ་བུད་མེད་ལྷན་ཚོགས་ཀྱི་ངོས་ནས་ཐེངས་འདིའི་ལས་འགུལ་འདིའི་སྐབས་བྲིས་པའི་རི་མོ་དེ་དག་རྩིག་གྱང་ངོར་སྦྱོར་ཆོག་པའི་པར་ཐང་ཅན་དུ་བཟོ་འཆར་ཡོད་པར་མ་ཟད།རྒྱལ་སྤྱིའི་ནང་དགུང་གྲངས་༢༡ ལ་སོན་པའི་ཆུང་སྲིད་རིན་པོ་ཆེའི་སྣང་བརྙན་གསར་པ་འགྲེལ་བརྗོད་བྱ་ཆེད་དང་ཚོར་སྣང་གསར་པ་ཞིག་སྤྲོད་ཆེད་ལས་འགུལ་འདི་སྤེལ་བ་ཡིན་ཞེས་དང་། ཡང་།བུད་མེད་ལྷན་ཚོགས་ཀྱི་ཉམས་ཞིབ་པ་ཟླ་སྒྲོན་ཤར་གླིང་ལགས་ཀྱིས། ༧པཎ་ཆེན་ཆུང་སྲིད་རིན་པོ་ཆེ་རྒྱ་གཞུང་གིས་བཙན་ཁྲིད་བྱས་ནས་ད་ལྟའི་བར་ལོ་བཅོ་ལྔ་ཙམ་འདས་ཡོད་ནའང་།ང་ཚོའི་སྣང་ངོར་ཁོང་ཉིད་དགུང་ལོ་༦ཡིན་པའི་བྱིས་པའི་དུས་སྐབས་ཀྱི་པར་རིས་དེ་འཆར་གྱིན་ཡོད་པ་རེད།དེ་བས།ང་ཚོས་ན་ཚོད་དར་ལ་བབ་པའི་ཁོང་གི་ད་ལྟའི་སྣང་བརྙན་གསར་པ་དེ་སེམས་ལ་འཆར་ཐུབ་པར་བྱ་དགོས་ཞེས་འབོད་སྐུལ་གནང་བྱུང་།
མཐའ་མར་བུད་མེད་ལྷན་ཚོགས་ཀྱི་ཚོགས་གཞོན་བསམ་གཏན་ཆོས་སྒྲོན་མཆོག་ལགས་ཀྱིས་ལས་འགུལ་དང་འབྲེལ་བརྗོད་དོན། བོད་རང་སྐྱོང་ལྗོངས་ཀྱི་དབང་འཛིན་པ་པདྨ་ཆོས་གླིང་གིས།༧པཎ་ཆེན་རིན་པོ་ཆེ་དང་ཁོང་གི་སྐུ་འཁོར་རྣམས་མི་ཚེ་སྐྱིད་པོ་ཞིག་སྐྱེལ་གྱིན་ཡོད་ཚུལ་བཤད་ཡོད་ཀྱང་།ང་ཚོས་ཇི་སྲིད་༧པཎ་ཆེན་རིན་པོ་ཆེ་དང་ཁོང་གི་སྐུ་འཁོར་རྣམས་ལ་མཇལ་ཐུབ་ཆེད།རྒྱལ་སྤྱིའི་རང་དབང་ཅན་གྱི་སྡེ་ཚན་ཞིག་བོད་ནང་ཞིབ་བཤེར་དུ་གཏོང་མ་ཐུབ་པ་དེ་སྲིད་དུ་ང་ཚོས་ངོ་རྒོལ་བྱ་རྒྱུ་མཚམས་འཇོག་བྱ་རྒྱུ་མིན་ལ།རྒྱལ་སྤྱིའི་ཚོགས་སྡེ་ཁག་དང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་སྡེ་ཚན་ཁག་གིས་ཆུང་སྲིད་རིན་པོ་ཆེ་མཆོག་གློད་གྲོལ་ཡོང་ཐབས་ཀྱི་མི་ལོ་བཅོ་ལྔའི་ནང་མུ་མཐུད་རྒྱབ་སྐྱོར་གནང་བའི་རེ་བ་ཞུ་བཞིན་ཡོད།ཅེས་འགྲེལ་བརྗོད་གནང་ཡོད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
པཎ་ཆེན་སྐུ་ཕྲེང་བཅུ་གཅིག་པ་མཆོག་གི་འཁྲུངས་སྐར་ཉིན་བོད་ཀྱི་བུད་མེད་ལྷན་ཚོགས་ཀྱིས་བཀྲམས་པའི་ཡིག་ཆ་དེའི་ནང་《བོད་ཀྱི་བུད་མེད་ལྷན་ཚོགས་ཀྱི་ཚོགས་གཞོན་བསམ་གཏན་ཆོས་སྒྲོན་མཆོག་ནས། བོད་རང་སྐྱོང་ལྗོངས་ཀྱི་དབང་འཛིན་པ་པདྨ་ཆོས་གླིང་གིས་བརྗོད་དོན།》ཞེས་བྲིས་པ་ཞིག་ཁོ་བོ་ལ་ཡང་ལག་སོན་བྱུང་། དོན་དངོས་《བོད་རང་སྐྱོང་ལྗོངས་ཀྱི་དབང་འཛིན་པ་པདྨ་འཕྲིན་ལས་ཀྱིས་བརྗོད་དོན།》ཟེར་དགོས་ཀྱི་ཡོད་པ་འདྲ། དེ་མིན་གྱི་ཡིག་ནོར་མང་པོ་ཞིག་ཀྱང་འདུག
ཉེས་མེད་བྱིས་པ་མུན་པའི་བཙོན་དུ་བཅུགས།
སློབ་ལོ་དུས་རབ་བཙོན་ཁང་ནང་དུ་བསྐྱལ།
ཕ་ཤུལ་བུ་འཛིན་གཞོན་ནུའི་ཕྲག་པར་ལྷུང༌།
གངས་ཅན་པ་ཡིས་རེ་བའི་མིག་གི་བལྟ།
པཎ་ཆེན་ལགས།
ལྩགས་སྒྲོགས་རྭ་བ།
མྱུར་དུ་གཅོད་དང༌།
བོད་ཕྲུག་ལོ་དྲུག་དུས་ནས་འཁྲིད། །
ད་ལྟ་ལོ་ནི་ཉེར་གཅིག་སོན། །
བསྟན་འཛིན་དགེ་འདུན་ཞེས་སུ་གྲགས། །
༸པཎ་ཆེན་ཁྱེད་ཉིད་རྒྱལ་འགྱུར་ཅིག །
ཐུགས་རྗེ་ཆེ་ཞུ།།
ཧ་ཅང་ཡག་པོ་འདུག
ལས་འགུལ་གིས་ནུས་ཤུགས་ནི་མི་དམངས་ཡོད།།