རྔ་གཡང་ཕྱུག་མོ།
བོད་ཀྱི་སྐྱེ་རྒུ་མདོའི་ས་འགུལ་ཁྲོད་བོད་མི་ཆིག་ཁྲི་ལྷག་གི་ཚེ་སྲོག་ཤོར་བ་དང་དེ་ལས་མང་པོར་རྨ་སྐྱོན་ཕོག་ཡོད་པ་མ་ཟད། ཡུལ་མི་ཁྲི་ཕྲག་མང་པོ་སྡོད་སའི་གནས་མེད་པར་ཁང་ཆག་ཞིག་རལ་ཁྲོད་ལྷག་ཡོད། གནས་སྟངས་འདི་འདྲའི་སྐབས་བོད་མི་ཚོས་རང་གིས་རང་ཉིད་བདག་བརྒྱབ་སོང་།
དཔལ་འབྱོར་ཐད་འཛམ་གླིང་གི་སྟོབས་ཆེན་རྒྱལ་ཁབ་གཉིས་པར་ཆགས་བཞིན་པའི་རྒྱ་ནག་རྒྱལ་ཁབ་ཆེན་པོ་འདིས། ང་ཚོ་བོད་མིའི་ས་འགུལ་ཐད་ལྷག་བསམ་རྣམ་དག་གིས་རོགས་རམ་ཞིག་བྱས་མ་སོང་།བོད་མིའི་སེམས་པ་རྒྱ་གཞུང་ལ་འཁོར་སྟེ་སྡོད་དགོས་ན། འདི་ནི་རྒྱ་གཞུང་ལ་མཚོན་ན་གོ་སྐབས་རྩ་ཆེན་ཞིག་ཡིན། གནས་སྟངས་སྐྱོ་བོའི་སྐབས་སུ་ཞིག་གི་ལྷག་བསམ་དག་པས་རོགས་བྱས་ན་དེ་ལ་དགའ་བོ་བྱེད་པ་ཆོས་ཉིད་རེད། བོད་མི་ཚོས་སི་ཁྲོན་ས་འགུལ་དང་ད་ཐེངས་ཀྱི་ས་འགུལ་གཉིས་བསྡུར་ནས་བལྟ་བཞིན་ཡོད། སི་ཁྲོན་ས་འགུལ་སྐབས་ཆུ་ཚོད་གཅིག་མ་སོང་གོ་ནས་ཛ་དྲག་མྱོར་སྐྱོབ་གྱེན་འཕུར་གནམ་གྲུ་ཉི་ཤུ་ཙམ་བསླེབས་ཡོད། ཐེངས་འདིའི་ས་འགུལ་བྱུང་སྟེ་གཟའ་འཁོར་གཅིག་སོང་ཡང་གྱེན་འཕུར་གནམ་གྲུ་ཞིག་མཐོང་རྒྱུ་མི་འདུག བོད་མི་ཚོ་མེས་རྒྱལ་ཁྱིམ་ཚང་ཆེན་པོ་འདིས་གཅེས་ཕྲུག་ཅིག་ཏུ་བརྩིས་མི་འདུག ཡིན་ནའང་དགའ་འོས་པ་ཞིག་ལ་གནས་སྟངས་སྐྱོ་བོ་དེ་གཞིས་སྡོད་བོད་མི་ཚོས་རང་གིས་རང་ཉིད་བདག་རྒྱག་དགོས་པའི་འདུ་ཤེས་ཞིག་དང་བོད་མིའི་གོང་བུ་གཅིག་ཏུ་འཕོ་ཐུབ་ཡོད།
རྒྱ་ནག་སྲིད་གྲོས་ཀྱི་ཚོགས་གཙོས་སྐྱེ་རྒུའི་ས་འགུལ་ཐད་ཕྱིར་སྡོད་བོད་རིགས་ཚོ་གདུང་སེམས་མཉམ་བསྐྱེད་དང་ཞལ་འདེབས་འབུལ་བར་ཡོང་བར་སྣེ་ལེན་བྱེད་རྒྱུ་ཡིན་ཟེར། སྐད་ཆ་དེ་ནི་རྒྱལ་སྤྱི་དང་རྒྱ་ནག་རྒྱལ་ཡོངས། བོད་ས་ཡོངས་ལ་རྒྱང་སྲིང་བྱས་ཡོད་པས་བོད་མི་ཚང་མས་གོ་ཡོད། གཞིས་སྡོད་བོད་མིའི་བསམ་བློའི་ནང་ཕྱི་ལོག་ནས་ཡོང་མཁན་ཡོད་ན་ཡོང་འཇུག་གི་ཡོད་པའི་བསམ་བློ་འཁོར་བཅུག་ཡོད།སྐད་ཆ་འདིའི་ཐད་བྱེས་སྡོད་བོད་མི་ཚོས་ལས་ཀ་ཞིག་ངེས་པར་དུ་བྱེད་དགོས།གོང་ས་མཆོག་དང་བོད་གཞུང་། ཚོགས་པ་འདྲ་མིན། བོད་མི་སྒེར་བ། ལྷག་པར་དུ་སྐྱེ་རྒུ་ས་ཁུལ་གྱི་བྱེས་སྡོད་བོད་མི་ཚོ་རྒྱ་ནག་གཞུང་ཚབ་ཁག་ཏུ་བསྐྱོད་དེ་ཐོངས་མཆན་དངོས་གནས་སྤྲོད་ཀྱིན་ཡོད་མེད་བལྟ་དགོས། སྤྲོད་ཀྱིན་ཡོད་ན་ནི་ང་ཚོར་དགོས་པ་དེ་རེད་ལ་། ས་འགུལ་ཁྲོད་ཀྱི་བོད་མི་ཚོར་བྱེས་ཀྱི་བོད་མི་ཚོ་དངོས་སུ་མཇལ་སྟེ་སྐྱིད་སྡུག་མཉམ་དུ་མྱོང་བའི་གོ་སྐབས་ཞིག་རེད། སྤྲོད་ཀྱིན་མེད་ན་ནི་མེད་པ་ལིང་ལ་བཏོན་སྟེ་བོད་མི་འདི་འདྲ་ཞིག་ལ་ཐོངས་མཆན་སྤྲད་མི་འདུག་ཟེར་བ་ཞིག་དགོས་ཀྱིན་འདུག དེ་ལྟར་མ་བྱུང་ན་རྒྱ་གཞུང་གི་སྐད་ཆ་འདིས་བོད་གཞིས་བྱེས་གཉིས་བར་དང་རྒྱལ་སྤྱིའི་ཁྲོད་བྱེས་སྡོད་བོད་མི་ཚོར་བལྟ་སྟངས་ཐད་ལྡོག་ཕྱོགས་ཀྱི་ཤུགས་རྐྱེན་ངན་པ་ཐེབས་ངེས་པས། བོད་མི་ཚོ་གནད་དོན་ཆུང་ཆུང་ལ་མགོ་མ་འཁོར་བར་སྐད་ཆ་འདི་དག་གནད་འགག་ཅིག་དང་གོ་སྐབས་ཞིག་ཏུ་མཐོང་ཐུབ་དགོས།
རྒྱ་གཞུང་གི་སྐད་ཆ་འདི་དོན་དངོས་ཆགས་སྟེ་གོང་ས་མཆོག་དང་བྱེས་སྡོད་བོད་མི་ཚོ་ས་འགུལ་གྱི་གོད་ཆག་ཕོག་ཡུལ་དུ་དངོས་སུ་བསྐྱོད་ཐུབ་ན། དེའི་རྐྱེན་གྱིས་བོད་མིའི་སེམས་པ་རྒྱ་གཞུང་ལ་ཕྱོགས་པར་ཕན་ཐོགས་ཡོད་ཅིང་། དེ་ལས་ལྡོག་ན་བོད་མིའི་སེམས་སུ་འཁོན་སེམས་མང་དུ་འགྲོ་ངེས་པར་མ་ཟད།རྒྱ་གཞུང་གིས་ས་འགུལ་ཐེབས་ཡུལ་དུ་འཛུགས་སྐྲུན་ཁོ་ནས་བོད་མིའི་སེམས་པ་དགུག་ཐུབ་པའི་བལྟ་སྟངས་འདིས་བོད་མི་ཚོར་གཡོ་འགུལ་ཐེབས་མི་སྲིད་ལ་བོད་མི་ཚོས་ཀྱང་འཛམ་གླིང་མཐོང་གི་ཡོད།
རྔ་གཡང་ཕྱུག་མོ། la,
What are you talking about?
བོད་ཀྱི་སྐྱེ་རྒུ་མདོའི་ས་འགུལ་ཁྲོད་བོད་མི་ཆིག་ཁྲི་ལྷག་གི་ཚེ་སྲོག་ཤོར་བ་?????
མཚན་སྙན་ཡོད་པའི་བླ་ཆེན་དང་དཔོན་ཆེན་མང་ཙམ་ཕེབས་ཐུབ་ཡག་པོ་འདུག
མི་མང་དཀྱུས་མ་ལས་ཁོང་རྣམས་དགེ་མཚན་ཆེ་བ་མཐོང་གི་འདུག
འདི་ནིགུས་པའི་བསམ་ཚུལ་ཙམ་ཡིན།
ངས་གནད་དོན་གཉིས་གསེལ་དཀྲོལ་བྱེད་འདོད་བྱུང་། གཅིག ས་ཡོམ་ཞོགས་པའི་ཆུ་ཚོད་ ༧ སྐར་མ་ ༤༩ སྟེང་བྱུང་ཡོད། འོན་ཀྱང་མྱུར་སྐྱོབ་རུ་ཁག་ཕྱི་དྲོའི་ཆུ་ཚོད་ ༨ ཡས་མས་སུ་མ་གཏོགས་བསླེབས་མི་འདུག ཕྱི་དྲོའི་ཆུ་ཚོད་ ༦ ཙམ་ལ་དམག་མིའི་རླངས་འཁོར་བཞི་ཙམ་འབྱོར་འདུག་ཀྱང་། ཁོང་ཚོ་ཆུ་མཛོད་ཁ་བསྒྱུར་ལ་ཕྱིན་ཡོད།
གཉིས། ཐད་འཕུར་གནམ་གྲི་ཕར་ཞོག གནམ་གྲི་ཆེ་བའི་ནང་དུ་མྱུར་སྐྱོབ་ཅ་དངོས་དང་རྨས་མ་རྣམས་ཟི་ལིང་དང་ཁྲིན་ཏུའུ། ཞིས་ཨན། ལན་གྲུ་སོགས་སུ་སྐྱེལ་འདྲེན་བྱས་ཡོད། དེ་ནི་བདུན་ཕྲག་གཅིག་གི་ནང་ཡིན་པ་མ་ཟད། མཚོ་སྔོན་བོད་སྐད་བརྙན་འཕྲིན་ཁང་དང་རྒྱ་ནག་རྒྱ་ཡོངས་བརྙན་འཕྲིན་ཁང་སོགས་ཀྱི་ཐད་གཏོང་བརྙན་འཕྲིན་ལས་ལྟ་ཐུབ།
ཐུགས་ནས་མ་བསྙེལ་རོགས། ང་ཚོས་སྐད་ཆ་བཟང་ངན་གང་བཤད་ཀྱང་དོན་དངོས་བརྗེད་མི་རུང་བར་འདོད། གསལ་འདེབས་ཙམ་ཡིན། དགོངས་དག
ཐབས་ཟད་འུ་ཐུག་པའི་སྐབས་ལ་གོ་འཚོལ་བ་ནི་ཡག་རྟགས་ཤིག་མིན ། རྒྱ་ནག་གོ་སྐབས་དམ་འཛིན་བྱས་ནས་བྱེས་སྡོད་བོད་མི་ཚོ་ཤོག་ཟེར་བ་དེ་གོ་སྐབས་ཡག་ཤོས་རེད ། ཡིན་ནའང་འུ་ཅག་བཙན་བྱོལ་བས་ཀྱང་སྐྱེ་རྒུའི་ཤུལ་ལུས་སྤྲུན་ཟླ་ཡོང་ལ་ཤ་ཚ་སྙིང་བའི་་ཐོག་ནས་ཁོང་ཚོས་གནས་ཚུལ་སྡུག་ཏུ་མི་གཏོང་རྒྱུ་དེ་རེད། གལ་སྲིད་༧་གོང་ས་མཆོག་ཆིབས་བསྐྱུར་གནང་ཐུབ་མི་ཐུབ་ཀྱིས་ཐད་ཚང་མ་འུར་ཅིག་ལངས་ན་གནས་ཚུལ་སྡུག་ཏུ་འགྲོ་བས་ཉེན་ཁ་ཧ་ཅང་ཆེ ། འདིའི་ཐོག་ལ་གཟབ་གཟབ་བྱེད་དགོས ། ༧་གོང་ས་མཆོག་ཕེབས་ཐུབ་མི་ཐུབ་ཀྱི་དབང་ཆ་ཡོད་ལས་འུ་ཅག་བོད་པ་ཚོ་ལ་གཅིག་ཀྱང་མེད །
འདི་གར་བལ་ཡུལ་གཞུང་ཚབ་ཁང་དུ་བོད་མི་ཁ་ཤས་སོང་འདུག་ཏེ། ཐོངས་མཆན་དངོས་གནས་སྤྲོད་ཀྱིན་ཡོད་མེད་དམིགས་གསལ་གནས་ཚུལ་གང་ཡང་མི་འདུག
དེ་ནི་ཁ་ཚ་དགོས་གཏུག་གིས་ལས་ཀ་ཞིག་ཡིན། བྱུང་ན་བཀའ་བློན་ཞིག་དང་སྤྱི་མཐུས་ཁ་ཤས། དེ་བཞིན་ཚོགས་སྡེ་ཁག་གིས་ཚོགས་མི། ས་དགེ་བཀའ་རྙིང་གི་གདན་ས་རྣམས་ཀྱིས་མཐུས་མི་བཅས་ངེས་པར་ཕེབས་ཨེ་ཐུབ་བལྟ་དགོས། ཕེབས་མི་ཐུབ་ན་ནི་རྒྱ་མི་ལ་ལན་གཙང་མ་ཞིག་འཕྲོད་ཡི་ཡིན་ལ། ཕེབས་ཐུབ་པ་བྱུང་ན་ནི་ཡག་ཤོས་རེད།།