ཨ་འབྲུག་དཀོན་མཆོག
ཉེ་བའི་ལོ་བཅུ་གྲངས་ཤིག་གི་ནང་ཞོགས་དུང་ཟེར་བའི་མིང་འདི་བོད་ཁམས་ཡོངས་ལ་གྲགས། རྒྱལ་ཁབ་ཕྱི་ནང་གི་བོད་མི་མང་པོར་སྐབས་ཐོག་གི་གླེང་གཞི་ཆེན་པོ་ཞིག་བཟོས། ཞོགས་དུང་གིས་བོད་པ་འདི་འདུ་ཤེས་ཀྱི་བཙོན་ཁང་ཞིག་ནས་གྲོལ་དགོས་པའི་བསམ་ཚུལ་བཏོན། བོད་པ་ཚོས་ཞོགས་དུང་འདི་འདུ་ཤེས་ཀྱི་བཙོན་ཁང་ཞིག་ལ་བཙན་གྱིས་བཅུགས།
བར་འདི་ནས་བོད་པ་ཚོ་ལ་ཡང་འདུ་ཤེས་དང་དགའ་ཞེན་གྱི་ཐོག་ནས་དཀའ་ངལ་ཞིག་བྱུང་ཞིང་། ཞོགས་དུང་ལ་ཡང་འདུ་ཤེས་དང་དགའ་ཞེན་གྱི་ཐོག་ནས་དཀའ་ངལ་ཞིག་བྱུང་། དེ་བས་སྐབས་ཐོག་ཅིག་ལ་ཕྱོགས་ཚང་མས་ཅི་བྱེད་འདི་བྱེད་མེད་པ་ལྟ་བུར་གྱུར་ཞིང་། གབ་རེས་ཡིབ་རེས་དང་འཕྱ་རེས་སྨོད་རེས་ཀྱང་མང་ཙམ་བྱས། འདི་ཡང་མི་སྒེར་གྱིས་སྤྱི་ཚོགས་བཙོན་ལ་འཇུག་ཚུལ་ཞིག་གམ། སྤྱི་ཚོགས་ཀྱིས་མི་སྒེར་བཙོན་ལ་འཇུག་ཚུལ་ཞིག་མ་ཡིན་ནམ།
སྔོན་མ་བསམ་ཡས་རྩོད་པ་སོགས་ནི་རྩོད་ས་བོད་ཡུལ་ཡིན་རུང་རྩོད་མཁན་བོད་པ་མིན་པས་དེ་ཙམ་རིན་ཐང་མི་ཆེ་མོད། ཞོགས་དུང་གིས་རྐང་འཛིན་བྱས་པའི་འདུ་ཤེས་དང་དགའ་ཕྱོགས་ཀྱི་རྩོད་གླེང་གི་ར་བ་དེ་ནས་བོད་ལ་རིག་གནས་གསར་པ་ཞིག་གམ་རིག་གནས་ལ་ལྟ་སྟངས་གསར་པ་ཞིག་གི་མགོ་བརྩམས་སོང་།
རིག་གནས་གསར་པ་འདིའམ། རིག་གནས་ལ་ལྟ་སྟངས་གསར་པ་འདིས་བོད་ཀྱི་ལོ་ངོ་སྟོང་ཕྲག་གི་ལོ་རྒྱུས་དང་འབྲེལ་བའི་རིག་ནགས་དང་མི་རིགས་གཉིས་ཀྱི་ཕན་ཚུན་ལ་ཉེས་འཛུགས་བྱེད་རེས་ཆེན་པོ་ཞིག་བྱས། འདི་ནི་དོན་ངོ་མར་རྗེས་དཔག་དང་དཔྱད་གླེང་གི་ཁྲིམས་ར་ཆེན་པོ་ཞིག་རེད།
མཇུག་མཐར་ས་བྱི་ལོའི་གནས་ཚུལ་ཆེན་པོ་དེ་བྱུང་། དགེ་འདུན་པས་སྣེ་ཁྲིད་པའི་ཞི་བའི་འོངས་ལངས་ཆེན་པོ་འདིས་ཞོགས་དུང་གི་འདུ་ཤེས་ལ་འགྱུར་ལྡོག་ཅིག་བཏང་བྱུང་། གནས་ཚུལ་དེའི་རྗེས་འབྲེལ་དུ་ཞོགས་དུང་གིས་ཡང་བསྐྱར་བཅད་ཁྲ་ཆེན་པོ་བཏང་བྱུང་། དེ་ནི་དེ་སྔོན་གཏན་ནས་མི་འདྲ་བའི་བཅད་ཁྲ་ཞིག་རེད།
ཁོང་གིས་ས་བྱི་ལོའི་དོན་རྐྱེན་ལ་ལོ་རྒྱུས་ཀྱི་ངོས་ནས་དང་། ཁྲིམས་ལུགས་ཀྱི་ངོས་ནས། ལྷག་པར་དུ་དུས་རབས་ཉེར་གཅིག་གི་ནང་གི་རྒྱལ་འབངས་ཤིག་གི་སྤྱི་དམངས་ཐོབ་ཐང་གི་ངོས་ནས་ལྟ་ཞིབ་བྱས་ཏེ། རྒྱ་གཞུང་འདི་ཕྱོགས་ཡོངས་ནས་ཁྲིམས་ལ་སྦྱར་འདུག
དེ་བས་ཁོང་གི་གནམ་ས་གོ་འབྱེད་ནི་དཔང་རྟགས་བརྒྱ་ཕྲག་གི་རྒྱབ་ལྗོངས་ཅན་གྱི་གཏུགས་བཤེར་ཆེན་པོ་ཞིག་རེད་འདུག་ཅིང་། གཏུགས་བཤེར་འདིས་ད་ལྟའི་རྒྱ་གཞུང་དེ་ཁྲིམས་ལ་སྦྱར་ཡོད། དྲང་བདེན་གྱི་ཁྲིམས་ལ་སྦྱར་ཡོད། རྒྱལ་ཁབ་དེ་རྒྱལ་ཁབ་དེའི་ཁྲིམས་ལ་སྦྱར་ཡོད།
དེ་བས་ན་ཞོགས་དུང་སོགས་བོད་ནང་དུ་ཤེས་ཡོན་ཅན་དག་གི་ལས་འགུལ་སྣ་ཚོགས་དང་། བྱ་ཐབས་སྣ་ཚོགས། འགུལ་སྟངས་སྣ་ཚོགས་སྤྱད་ནས་རང་གི་མི་བུའི་ཐོབ་ཐང་དང་། བདེན་དོན་གྱི་གནས་བབ་རྩོད་ལེན་བྱེད་ཀྱིན་ཡོད། ཁོང་ཚོས་རྒྱ་ནག་གཞུང་ཁྲིམས་ལ་སྦྱར་ཡོད།
རྒྱལ་ཁབ་ཅིག་རྒྱལ་ཁབ་རང་ཉིད་ཀྱི་རྩ་ཁྲིམས་ལ་འགལ་བའི་ཁྲིམས་འགལ་བ་ཡིན་པ་དང་། རྒྱལ་ཁབ་ཅིག་གིས་རང་གི་སྤྱི་དམངས་སྡུག་ལ་སྦྱར་བའི་ཉེས་ཅན་པ་ཡིན་པའི་གནས་ཚུལ་འཛམ་གླིང་ལ་བསྒྲགས་པ་འདི་ནི་རྒྱལ་ཁབ་འདི་ཁྲིམས་ལུགས་དང་ལོ་རྒྱུས་ཀྱི་ངོས་ནས་བཙོན་འཇུག་བྱས་པ་ལྟ་བུ་རེད།
འོ་རེད། འོན་ཀྱང་ད་ལྟ་ཞོགས་དུང་སོགས་བོད་རིགས་ཤེས་ལྡན་པ་མང་པོ་ཞིག་རྒྱ་གཞུང་གིས་འཛིན་བཟུང་བཀག་ཉར་བྱས་ཡོད། རྒྱ་གཞུང་གིས་ཁོང་ཚོ་ཁྲིམས་འགལ་བ་ཡིན་ཚུལ་བཤད་ཀྱི་རེད། ཉེས་ཅན་པ་ཡིན་ཚུལ་བཤད་ངེས་རེད། དེ་བས་རྒྱ་གཞུང་གིས་ཞོགས་དུང་ལ་སོགས་པ་འཇུ་བཟུང་བྱས་པ་རེད།
ད་ང་ཚོས་ག་རེ་བཤད་དགོས་པ་རེད་དམ། ག་རེ་བཤད་ཤེས་ཀྱི་འདུག་གམ། ག་རེ་བཤད་ཐུབ་ཀྱི་འདུག་གམ། གནས་བབ་འདི་ཚོ་མར་མེའི་ཁྲོམ་སྐོར་ཙམ་གྱིས་ཕྱིར་འདོན་བྱེད་ཐུབ་པའི་གནས་ཚུལ་དེ་འདྲ་མ་རེད། དེ་བས་ང་ཚོས་བོད་ནང་གི་ཤེས་ཡོན་ཅན་དག་གིས་བདེན་རྩོད་སྙིང་སྟོབས་དང་། ཁོང་ཚོའི་གནས་བབ་དང་འཚམ་པའི་ལས་ཀ་ག་རེ་བྱེད་དགོས་ཀྱི་རེད་དམ།
གནད་འགག་འདི་ཚོའི་ཐད་ལ་གྲོས་བསྡུར་ཡག་པོ་རེ་འབྱུང་ཐུབ་པའི་རེ་བ་བྱེད་ཀྱི་ཡོད། མ་མཐའ་དུས་བབ་གསར་ཁང་གིས་གནད་དོན་འདི་ཚོར་འགོ་འཛིན་ཞིག་གནང་ཐུབ་ཀྱི་འདུག་གམ། ཁྱེད་ཅག་གིས་ག་རེ་དགོངས་ཀྱི་འདུག གཞན་བསམ་བློའི་ཕྱོགས་ནས་རེ་བ་རྒྱག་ས་ཆེན་པོ་མི་འདུག
རེད་དག་དག་ཞོགས་དུང་གིས་རྒྱ་ནག་བཟུང་འདུག་ལ་རྒྱ་ནག་གིས་ཞོགས་དུང་ཡང་བཟུང་འདུག མ་ཟད་ཞོགས་དུང་གིས་རྒྱ་ནག་དོན་གྱིས་བཟུང་འདུག་ལ་ཁྲིམས་ཁ་ནས་བཟུང་འདུག ལོ་རྒྱུས་ཀྱི་སྒང་ནས་བཟུང་འདུག་ལ། དངོས་ཡོད་ཀྱི་ལམ་ནས་བཟུང་འདུག དེ་ཡང་མདོར་བསྡུས་ན་གནམ་ས་གོ་འབྱེད་ཀྱིས་བཟུང་འདུག རྒྱ་བོད་གཉིས་འདས་པའི་ལོ་རྒྱུས་ཐ་དད། མི་རིགས་ཐ་དད། རིག་གནས་ཐ་དད། སྐད་ཡིག་ཐ་དད། འདུ་ཤེས་འཛིན་སྟངས་ཐ་དད། ཡུལ་གོམས་གཤིས་ལུགས་ཐ་དད་སོགས་མདོར་ན་ཕྱོགས་ཐམས་ཅད་ནས་རྒྱ་བོད་ཐ་དད་ཡིན་པ་དེ་ཉིད་གནམ་ས་གཉིས་ཁ་ཁ་དང་སོ་སོ་ཡིན་པ་བཞིན་དུ་རྒྱ་བོད་གཉིས་ཁ་ཁ་དང་སོ་སོ་ཡིན་པ་གསལ་བོ་བཟོས་ཤིང་གོ་འབྱེད་བྱས་ཤིང་བསྒྲགས་ཡོད་པ་ཡིན། འདི་ནི་གནམ་ས་གོ་འབྱེད་ཀྱི་ཁ་ཡིག་གི་འགྲེལ་ཡིན་ཡང་ཆོག་ལ། ང་ལ་ཐོབ་པའི་གནམ་ས་གོ་འབྱེད་ཀྱི་ཁ་ཡིག་གི་གོ་བ་ཡིན་ཡང་སྲིད།
བོད་རིགས་དཔའ་བོ་སྐུ་ཞབས་ཞོགས་དུང་མཆོག་ལ། ང་ཚོ་བོད་རིགས་ཡོངས་ཀྱིས་ཐབས་བརྒྱ་ཇུས་སྟོང་གིས་རྒྱབ་སྐྱོར་མཐའ་གཅིག་ཏུ་བྱེད་དགོས། འོན་ཀྱང་ཁོང་གིས་སྐྱོ་སེམས་ཀྱིས་བརྩམས་པའི་དེབ་འགའི་ནང་དུ། སངས་རྒྱས་ཆོས་ལ་ལོག་པར་ལྟ་བའི་དམར་ཕྱོགས་ཀྱི་ལྟ་ངན་ཀླ་ཀློའི་རིང་ལུགས་ལ་རྒྱུ་མཚན་མེད་པར་འུར་བསྟོད་བྱས་འདུག་པས། དེ་ལ་ང་ཚོས་མཐའ་གཅིག་ཏུ་ངོ་རྒོལ་བྱེད་མཚམས་འཇོག་མི་རུང་།
བོད་རིགས་དཔའ་བོ་སྐུ་ཞབས་ཞོགས་དུང་མཆོག་མྱུར་དུ་རང་དབང་ཐོབ་པར་བྱེད་དགོས
ངས་ཞོགས་དུང་མཆོག་བཀའ་ཁྲིའི་འོས་གཞིར་ལྷན་རྒྱས་ཀྱི་སྤྱན་སྔར་ཕུལ་བ་ཡིན་པས། ཅིས་ཀྱང་སྣང་ཆུང་མི་གཏོང་བ་གནང་རོགས་ཞུ་འདོད་བྱུང་།
སྨྲ་ཤེས་པའི་མི་ཡི་འདུན་ནས་གནས་ལུགས་བཤད་དགོས་པ་གལ་ཆེན་པོ་ཞིག་མཐོང་གི་འདུག
བོད་པ་ཚང་གིས་ལྟ་ལོག་པ་དང་དམར་པོའི་རྒྱུག་ཁྱིར་བརྩི་གི་ཡོད་དུས། དམར་པོའི་སྲིད་གཞུང་གིས་ཀྱང་ཤོར་གི་ཕལ་ཆེར་མི་འཇུག་གི འདི་གཉིས་རྟེན་བརྟེན་པའི་ཚུལ་དུ་གྲུབ་བཞག
ང་ཚོ་ནི་དེང་དུས་གནས་བབས་ཀྱི་ཐོག་ནས་གཞིགས་ན་ཞོགས་དུང་གི་གསུང་འདི་ལས་འདའ་མི་ཉན། མཚོན་ཆའི་ཆ་རྐྱེན་མེད་ཀྱང་ཡིག་ཆའི་ཆ་རྐྱེན་ཕྱུག་པའི་བོད་པ་ཚང་ལ་ཆགས་སྒོ་དེ་རིམ་བཞིན་རྒྱུད་ནས་འགྲོ་དགོས། སྔོན་དུས་བོད་མིས་བཟོས་པའི་ལག་ཆ་དེ་བེད་སྤྱོད་ནས་ད་སྐབས་བོད་མི་བཟོ་དགོས་བོད་མི་ཞོགས་དུང་ནང་བཞིན་བཟོ་དགོས།
གྲོགས་པོ་ཨ་རིག་འགྱུར་མེད་ལགས། རེད་ཡཱ། གཞིས་སྡོད་སྙུག་ཐོག་པ་མང་པོ་ཞིག་གིས་རང་ཉིད་ཀྱི་མི་རིགས་ལ་འཕྲད་པའི་བདེ་སྡུག་དང་དཀའ་ངལ་ལ་སོགས་དྲང་བདེན་གྱིས་སྒོས་སྙུག་སྟེང་ནས་ཕྱིར་བཏོན་བྱས་པར་བརྟེན། ཁོང་ཚོ་མས་རྒྱལ་ཁ་བྲལ་རིགས་ལུགས་པ་ཞེས་ཁོངས་ལུང་མེད་པའི་ནག་ཉེས་རེ་བགེལ་ནས་བཙོན་ནང་བཅུག་པ་དང་ཉེས་བརྡུང་བཏང་དང་གཏོང་མུས་ཡིན་པར་ང་ཚོ་དངོས་གནས་སེམས་སྡུག་སྐྱེས་དགོས་པ་རེད་མོད། ཡིན་ནའང་ང་ཚོ་བྱས་སྡོད་སྙུག་ཐོག་པ་ཚོས་ཅི་ཞིག་བྱ་ན་ཁོང་ཚོ་བཀའ་སྡུག་ལས་བྲལ་པར་བྱེད་ཐུབ། ཁྱེད་ཀྱིས་ང་ཚོས་ངེས་པར་ཏུ་གྲོས་བསྡུར་བྱེད་དགོས་པ་དང་། ཐབས་ཤེས་འཐེན་དགོས་ཟེར། འོ་ན། གྲོས་བསྡུར་ཇི་ལྟར་བྱ་ན་བཟང་། ཐབས་ཤེས་ཇི་ལྟར་འཐེན་ན་ལེགས། ངས་བསམ་པར་ཁྱེད་ལ་དེའི་ཐད་བསམ་ཚུལ་ཙམ་ཡོད་མདོག་ཁ་པོ་རེད། མ་གཏོགས་རང་དེ་ལྟར་དགོས་ཞེས་བཤད་བསྡད་ན་ཅུང་མ་འཚངས་སྙམ། རེད་མ་རེད།
གྲོགས་པོ་ཨ་རི་འགྱུར་མེད་ལགས། རེད་ཡཱ། གཞིས་སྡོད་སྙུག་ཐོག་པ་མང་པོ་ཞིག་གིས་རང་ཉིད་ཀྱི་མི་རིགས་ལ་འཕྲད་པའི་བདེ་སྡུག་དང་བཀའ་ངལ་ལ་སོགས་དྲང་བདེན་གྱིས་སྒོས་སྙུག་སྟེང་ནས་ཕྱིར་བཏོན་བྱས་པར་བརྟེན། ཁོང་ཚོ་མས་རྒྱལ་ཁ་བྲལ་རིགས་ལུགས་པ་ཞེས་ཁོངས་ལུང་མེད་པའི་ནག་ཉེས་རེ་བགེལ་ནས་བཙོན་ནང་བཅུག་པ་དང་ཉེས་བརྡུང་བཏང་དང་གཏོང་མུས་ཡིན་པར་ང་ཚོ་དངོས་གནས་སེམས་སྡུག་སྐྱེས་དགོས་པ་རེད་མོད། ཡིན་ནའང་ང་ཚོ་བྱས་སྡོད་སྙུག་ཐོག་པ་ཚོས་ཅི་ཞིག་བྱ་ན་ཁོང་ཚོ་བཀའ་སྡུག་ལས་བྲལ་པར་བྱེད་ཐུབ། ཁྱེད་ཀྱིས་ང་ཚོས་ངེས་པར་ཏུ་གྲོས་བསྡུར་བྱེད་དགོས་པ་དང་། ཐབས་ཤེས་འཐེན་དགོས་ཟེར། འོ་ན། གྲོས་བསྡུར་ཇི་ལྟར་བྱ་ན་བཟང་། ཐབས་ཤེས་ཇི་ལྟར་འཐེན་ན་ལེགས། ངས་བསམ་པར་ཁྱེད་ལ་དེའི་ཐད་བསམ་ཚུལ་ཙམ་ཡོད་མདོག་ཁ་པོ་རེད། མ་གཏོགས་རང་དེ་ལྟར་དགོས་ཞེས་བཤད་བསྡད་ན་ཅུང་མ་འཚངས་སྙམ། རེད་མ་རེད།
ལུས་པོ་བདེ་མིན་གྱི་དབང་གིས་དྲ་ཐོག་ལ་ཡོང་མ་ཐུབ་ནས་རྒྱུན་རིང་ཞིག་སོང་། ཁ་སང་ཕྱོགས་ཕྱོགས་ནས་ཁ་པར་ཡོང་ནས་སྐུ་ཞབས་ཞོགས་དུང་འཇུས་སོང་འདུག་ཟེར། དེ་རིང་དྲ་ཐོག་ལ་ཡོང་ནས་གནས་ཚུལ་ལ་རྒྱུས་ལོན་བྱས་དུས་དོན་རྐྱེན་རོབ་ཙམ་མགོ་ཚོས་པར་གྱུར།
སྤྱིར་སྐུ་ཞབས་ཞོགས་དུང་ནི་ངེད་རང་ཆེས་དགའ་སའི་རྩོམ་པ་པོ་གཅིག་ཡིན། ཁོང་གི་བླ་ན་མེད་པའི་མི་གཞི་དང་ཤེས་ཚད་བོད་ཕྱི་ནང་གི་ཤེས་ཡོན་ཅན་མང་པོ་ཞིག་གིས་གླེང་བཞིན་ཡོད།
ད་ནི་ང་ཚོས་ཁ་ཚ་དགོས་གཏུགས་ཀྱིས་བསམ་བློ་གཏོང་དགོས་ས་ནི་སྐུ་ཞབས་ཞོགས་དུང་མཆོག་གི་མ་འོངས་པའི་སྐོར་ནས་རེད། རྒྱ་ནག་གི་སྲིད་ཇུས་འོག་ནས་ཁོང་ཚོ་སུ་ཡང་མཐར་ས་མེད་པ་ཁོང་གི་གནམ་ས་གོ་འབྱེད་ཀྱི་ནང་དུ་གསལ་བོ་བྲིས་འདུག ཡིན་ནའང་། གནད་འགག་གི་སྐབས་སུ་ཁོང་གིས་གཏོང་ཕོད་ཆེན་པོས་རང་གི་སྐེ་དུ་དཔངས་ལ་བཙུགས་བཞག་པ་རླབས་ཆེན་མི་རིགས་འདི་ཉིད་ཀྱི་ལ་རྒྱ་རེད།
ད་ང་ཚོས་ཅི་ཞིག་བྱེད། ལས་འགུལ་ཅི་ཞིག་སྤེལ། འབོད་ཚིག་ཅི་ཞིག་སྒྲོགས། མདོར་ན་སྐུ་ཞབས་ཁོང་བཙོན་འོག་ནས་མཐར་ཐུབ་པ་ཅི་ལྟར་བྱེད། དྲ་གྲོགས་ཡོངས་ནས་འདིའི་སྐོར་ནས་རང་རང་གི་བསམ་ཚུལ་ཞིབ་བརྗོད་ཡོང་བའི་རེ་བ་ཞུ་ཞུ།
འདིའི་སྐོར་ལ་རྩོམ་ཡིག་ཞིབ་ཚགས་ལྡན་པ་ཞིག་མི་འགྱངས་བར་སྤེལ་ཁོ་ཐག་ཡིན།
གྲོགས་རྭ་རྒྱ་བློ་དབང་གི་ཟིན་བྲིས་ནང་ད་ལྟ་རྒྱ་ནག་གི་བཙོན་དུ་ཡོད་པའི་རྩོམ་པ་བོ་ཁག་ཅིག་གི་མིང་གཞུང་བཀོད་འདུག
བཙོན་ན་ཡོད་པའི་རྩོམ་པ་པོའི་མིང་གཞུང་།
ད་ལྟ་རྒྱ་གཞུང་གིས་འཛིན་བཟུང་བྱས་ཡོད་པའི་བོད་ནང་གི་རྩོམ་པ་པོ་རྣམས་ཀྱི་མིང་གཞུང་། ཨ་རིག་སྒྲོལ་མ་སྐྱབས། ལོ་བཅོ་ལྔའི་ཁྲིམས་ཆད། རྨ་ཆུའི་དཀོན་མཆོག་ཚེ་འཕེལ། ལོ་བཅོ་ལྔའི་བཙོན་འཇུག མགོ་ལོག་གངས་ཉི། ལོ་ལྔའི་བཙོན་འཇུག། ནུབ་བྱང་མི་རིགས་སློབ་ཆེན་གྱི་ཞོགས་ལྗང་། ནུབ་བྱང་མི་རིགས་སློབ་ཆེན་གྱི་ཐེའུ་རང་། རྔ་བ་ཀིརྟི་སྐྱབས། གཅན་ཚ་ཞོགས་དུང་ལགས།
ངས་དྲན་སོས་པ་འདི་ཙམ་རེད། གཞན་རྣམས་འདིར་ཁ་སྐོང་དུ་བཞག་ན་ང་ཚོར་ཕན་པ་ཆེ།
ཞེས་བཀོད་འདུག
གཤམ་ནི་ཁ་སང་ངས་རང་ཉིད་ཀྱི་ཟིན་བྲིས་ནང་བཀོད་ཟིན་པ་ཞིག་ཡིན། དེ་ཡང་ལས་བྲེལ་ཆེ་བའི་བར་གསེང་ནས་བཀོད་ཐུབ་ཙམ་བྱུང་། དེ་རིང་ལས་བྲེལ་ཆེ་བས་མང་བོ་འབྲི་ཁོམ་མི་འདུག གཤམ་གྱི་རྩོམ་ཡིག་དེ་འདིར་བསྐྱོར་འགོད་བྱ་རྒྱུ་ཡིན། བགྲོ་གླེང་བར་བྱ།
ཞོགས་དུང་བཟུང་། སེང་རྡོར་དྲ་རྒྱ་སྒོ་བརྒྱབས། ད་དུང་་་་
དྲ་གྲོགས་ཚོ། ལས་བྲེལ་གྱི་དབང་གིས་ད་ལྟ་ང་ལ་ཁྱེད་ཚོ་དང་ལྷོད་ལྷོད་བྱས་ཏེ་སྐད་ཆ་བཤད་པའི་གོ་སྐབས་དེ་ཙམ་མེད། ཡིན་ནའང་། ངས་འདི་ནས་ཁྱེད་ཚོར་རེ་སྐུལ་ཞིག་ཞུ་སྙིང་འདོད།
ཡུལ་ཤུལ་ལ་ས་འགུལ་བྱུང་ནས་བདུན་ཕྲག་གཉིས་འགོར་ལ་ཉེ་སྐབས་འདིར་ཟི་ལིང་ཉེན་རྟོག་པས་སྐུ་ཞབས་ཞོགས་དུང་ལགས་འཛིན་བཟུང་བྱས་ཡོད། ཁོང་འཛིན་བཟུང་བྱས་པའི་སྐོར་གྱི་གསར་འགྱུར་རྩོམ་ཡིག་འབྲི་མཁན་ཁོང་གི་གྲོགས་པོའམ་ན་གཞོན་རྩོམ་པ་བོ་ཉི་གཞོན་ལགས་ཡིན། རྩོམ་ཡིག་དེ་སྤེལ་ཡུལ་སེང་རྡོར་དྲ་བ་ཡིན། སེང་རྡོར་དྲ་བ་ཉེ་སྔོན་བསྐྱར་དུ་སྲོག་ཉེན་ལས་ཐར་ཙམ་ཡིན། གང་ལྟར་དེ་རིང་སེང་རྡོར་དྲ་རྒྱ་སྒོ་བརྒྱབས་ཡོད་མོད། ན་གཞོན་རྩོམ་པ་བོ་ཉི་གཞོན་ལགས་ཀྱིས་ད་ལྟའི་གནས་སྟངས་གང་ཡང་ཤེས་རྟོགས་བྱུང་མེད།
དེ་བཞིན་ཡུལ་ཤུལ་ལ་ས་འགུལ་མ་བྱུང་བའི་སྔོན་དེར་ཁྲག་ཡིག་རྩོམ་པ་བོ་ཐེའུ་རིང་དང་ཁོང་གི་སློབ་གྲོགས་ཞོགས་ལྗང་གཉིས་བཟུང་ཡོད། གང་ལྟར་ད་ལྟ་སུས་བོད་དོན་གླེང་ན་དེ་ཉེས་ཅན་པ་ཡིན་ལ། སུ་ལ་ཤེས་ཡོན་ཡོད་ན་དེ་རྒྱ་ནག་གི་དམིགས་འབེན་དུ་གྱུར་འདུག
ངས་ཁྱེད་ཚོ་དྲན་སྐུལ་འགའ་གཏོང་།
གཅིག སྐུ་ཞབས་ཞོགས་དུང་ལགས་བཟུང་བ་དེས། སྐུ་ཞབས་སེང་རྡོར་གཙོས་ཉེ་ཆར་སྐུ་ཞབས་ཞོགས་དུང་མཉམ་དུ་ཡུལ་ཤུལ་ས་འགུལ་ཁྲོད་ཀྱི་གནོད་ཐེབས་སྐོར་ལ་བསྒྲགས་གཏམ་སྤེལ་མཁན་དག་གི་བདེ་འཇགས་ལའང་ཉེན་ཁ་ཡོད། དེར་བརྟེན་ཚང་མས་བོད་ནང་ལོགས་ཀྱི་རང་རང་གི་གྲོགས་པོ་ཚོའི་སར་ནས་ཆུ་ཚོད་ཉེར་བཞིར་ཁོང་ཚོའི་གནས་སྟངས་སྐོར་འདྲི་གི་སྡོད།
གཉིས། སེང་རྡོར་དྲ་རྒྱ་སྒོ་བརྒྱབས་པའི་ཐད་དུ་རྒྱ་ནག་ལ་འགྲེལ་བཤད་ཅིག་ཡོད་ཡོད་པ་རེད། ལྷག་པར་དུ་དྲ་རྒྱ་དེར་ནག་ཉེས་ཅི་ཞིག་འཛུགས་མིན་དེ་རེད། དེའི་ཐད་དུའང་སུས་ཤེས་ན་ཕན་ཚུན་བཤད་རྒྱུ་མ་བརྗེད།
གསུམ། ད་ལྟ་གཞིས་ཀྱི་སྙུག་ཐོགས་པ་ཚོ་གཅིག་རྗེས་གཉིས་མཐུད་ཀྱི་བཟུང་འགྲོ་དུས། བྱེས་ཀྱི་སྙུག་ཐོགས་པ་ཚོ་རང་ངར་འདུག་པའི་དུས་ཚོད་མ་རེད། གང་ལྟར་འཕག་འཚག་ཅིག་རྒྱག་དགོས་པར་འདོད་ལ། གནད་དུ་སྨིན་པའི་འགུལ་སྐྱོད་ཅིག་བྱེད་དགོས་པར་འདོད། ཡིན་ནའང་། ད་ཐེངས་ཀི་འགུལ་སྐྱོད་འདི་ངེས་པར་དུ་བྱེས་ཀྱི་སྙུག་ཐོགས་པས་སྣེ་ཁྲིད་དགོས་པར་འདོད།
རྒྱུ་མཚན་འདིའི་དབང་གིས་བྱེས་ཀྱི་སྙུག་ཐོགས་པ་ཡིན་ཟེར་མཁན་ཚང་མ་ཕྱོགས་གཅིག་ལ་མཉམ་དུ་འཛོམས་ནས། གྲོས་ཁ་བསྡུར། འཆར་གཞི་འཐེན། ལག་ལེན་ཏུ་ཐོངས། ང་ཡང་ཧུར་ཐག་འབད་ཐག་གིས་མཉམ་ཞུགས་བྱ་རྒྱུའི་དམ་བཅའ་འཇོག
ད་ཤོག་ཡ།