ཏང་ཀྲུང་དབྱང་། ཁྱོད་ངོ་མ་མི་དམངས་ལ་དགའ་ཞེན་ཡོད་ན། ཁྱོད་ངོ་མ་མི་དམངས་ཀྱི་མགོན་སྐྱབས་བྱེད་ན། ངས་ཀྱང་མི་མང་ཞིག་གི་ཚབ་བྱས་ནས་སེམས་གཏམ་ཚིག་འགའ་ཞུ།
གཅིག༽ ད་ནས་བཟུང་མི་དམངས་ལ་གོད་ཆག་རེ་བྱུང་བའི་གོ་སྐབས་རེ་བཟུང་ནས་དམངས་སེམས་བསླུ་ཐབས་ཀྱི་འཁྲབ་སྟོན་རྙིང་བ་དེ་རིགས་མཚམས་འཇོག་རོགས། གཡོ་ཐབས་ཀྱི་རིག་རྩལ་དྲིལ་བསྒྲགས་ལ་རེ་བ་བཅོལ་བའི་དུས་དེ་ཚར་སོང། དེ་བས་མི་དམངས་ལ་མགོ་སྐོར་རྒྱུ་འདི་དམངས་སེམས་ལ་ཕོག་ཐུག་འགྲོ་སྤྱད་ཅིག་རེད།
གཉིས༽ མི་དམངས་ཀྱི་གསར་འགོད་པ་དང། རྩོམ་པ་པོ་གཅིག་བཟུང་ན་དེའི་ཀློག་མཁན་སྟོང་དང་ཁྲི་ཡི་སེམས་པར་ན་ཚ་གཏོང་གིན་ཡོད་ལ། ཆོས་ལུགས་པའི་དབུ་ཁྲིད་གཅིག་ལ་མཐོང་ཆུང་བྱས་ན་དེའི་རྗེས་འཇུག་ཁྲི་དང་འབུམ་ལ་ཕོག་ཐུག་བཏང་ཡོད། གནད་དོན་འདི་ཤེས་བཞིན་ད་དུང་མཚམས་མི་འཇོག་དོན་ཅི། ཐེངས་འདིར་གཙོ་འཛིན་ཧུའུ་ཅུན་ཐོ་ཡུལ་ཤུལ་མི་དམངས་ལ་འཚམས་གཟིགས་སུ་ཕེབས་པ་རེད། འོན་ཀྱང་མི་དམངས་ཀྱིས་ཏཱ་ལའི་བླ་མ་ཕེབས་རོགས་སྐྱབས་འཇུག་ཞུ་གིན་འདུག་ག ད་ཁྱོད་ཀྱིས་དོན་ངོ་མའི་དམངས་སེམས་གསོ་ཐབས་དེ་གང་ཡིན་གསལ་བོ་ཤེས་ན་འགྲིག་གི
གསུམ༽ ཁྱོད་ཀྱིས་བོད་བཅིངས་འགྲོལ་བྱས་ནས་བདེ་སྐྱིད་སྐྲུན་ཡོད་ཟེར་མོད། དོན་དངོས་ཐོག་འཚོ་བའི་ཐད་ཀྱི་ཡར་རྒྱས་ཙམ་ལས་དམངས་སེམས་བདེ་ཞིང་ལྷོད་ལ་འབབ་བཅུག་ཐུབ་མེད་པ། ༢༠༠༨ ལོའི་ཞི་རྒོལ་ཆེན་མོས་གསལ་མཚོན་ཐུབ་ལ། དེའི་རྒྱུ་རྐྱེན་གཙོ་བོ་གཅིག་ནི་བོད་རིགས་རང་སྐྱོང་གི་སྲིད་ཇུས་ལ་ནོར་འཁྲུལ་ཤོར་བས་ཡིན། དེས་ན་མི་རིགས་རང་སྐྱོང་ཚད་ལྡན་གུ་ཡངས་ཤིག་ལག་བསྟར་བྱ་རྒྱུ་དེ་ནི་གྲངས་ཉུང་མི་རིགས་ཚང་མའི་སེམས་པ་འགུགས་ཐབས་ཤིག་མ་རེད་དམ།
བཞི།༽ ཀྲུང་གོ་གུང་ཁྲན་ཏང་བཙུགས་ནས་ལོ་དགུ་བཅུར་ཉེ་ཡང་ད་དུང་ཡང་དམངས་སེམས་ཡོངས་སུ་འགུགས་མ་ཐུབ་པའི་གནས་སྟངས་འདིས། རླབས་ཆེན་དང་གཟི་བརྗིད་ཀྱི་ཀྲུང་གོ་གུང་ཁྲན་ཏང་ཞེས་པའི་མཚན་སྙན་དེ་རང་བཞིན་གྱིས་བརླགས་ཡོད། གསར་བརྗེའི་དམག་འཁྲུག་སོགས་ཀྱི་ལོ་རྒྱུས་ཁོ་ན་བཤད་ནས་མི་ཕན་ལ། ལྷག་པར་དུ་ལོ་རྒྱུས་དང་དོན་དངོས་གནས་ཚུལ་རིགས་ལ་འཁྱོག་བརྗོད་བྱས་ན་སྔོན་གྱི་ཏང་གི་མཚན་སྙན་ལའང་གནོད་པས། ཏང་གིས་རང་སྐྱོན་ངོས་ལེན་བྱ་རྒྱུ་ནི་ཆེས་སྤྱོད་བཟང་གི་དམངས་སེམས་འགུགས་ཐབས་ཤིག་ཡིན།
ལྔ༽ ཐེངས་འདིའི་བོད་ཀྱི་ཡུལ་ཤུལ་གོད་ཆག་ཐད་ལ་རྒྱལ་ཁབ་ཕྱི་ནང་གང་ས་ནས་རོགས་སྐྱོར་གྱི་རྣམ་འགྱུར་སྟོན་མཁན་མང་ཆེ་ཤོས་ནི་ཁ་ནས་མ་བཤད་ན་ཡང་ཁོག་ནས་ཏཱ་ལའི་བླ་མ་དང་ཁོང་གི་མི་དམངས་ལ་ཤ་ཚ་སྙིང་ཉེ་བའི་ཕྱོགས་ཡིན། མདོར་ན་ཏཱ་ལའི་བླ་མ་ནི་བོད་ཀྱི་ཆོས་དང་སྲིད་གཅིག་པུ་ཙམ་མིན་པར་འཛམ་གླིང་གི་རེ་བ་བཅོལ་སའི་རླབས་ཆེན་གྱི་འཕགས་པར་འགྱུར་བཞིན་པས་ཁོང་དང་མཇལ་འཕྲད་ཀྱིས་ཀྲུང་གོའི་ཁྱིམ་ཚང་ཆེན་མོ་སྲ་བརྟན་ལེགས་བཅོས་གནང་རྒྱུ་འདི་རྒྱལ་ཡོངས་དང་འཛམ་གླིང་མི་དམངས་ཀྱི་སེམས་པ་དགའ་བྱེད་ཀྱི་ཐབས་ལམ་མཆོག་གྱུར་དེ་ཡིན་ལ། ཀྲུང་གོ་གུང་ཁྲན་ཏང་གི་ཚེ་མཇུག་གི་གཟི་བརྗིད་དང་མཚན་སྙན་ཡང་ཡིན་པར་འདོད།
བོད་མི་མང་སྤྱི་འཐུས་ཆབ་བྲག་ལྷ་མོ་སྐྱབས་ནས་ཕུལ།
༢༠༡༠།༤།༢༦།
ཏང་ཀྲུང་དབྱང་ལ་ཕུལ་བའི་སེམས་གཏམ། འདི་ནི་བརྗོད་སའི་ཡུལ། བརྗོད་བྱ་དང་རྗོད་བྱེད་གསུམ་ཀ་ཕུན་སུམ་ཚོགས་པ་ནི་འདི་འདྲ་ཞིག་ལ་ཟེར་དགོས་པས་རྗེས་སུ་ཡི་རང་ཞུ།
ནད་པ་ནི་ནད་པ་རང་རེད། ན་ཚ་དེ་ཡང་ཀླད་པ་ལ་ཕོག་ཡོད་པ་འདྲ། ཅོ་རི་ལགས་ཀྱ་སྨྱུང་གཞི་ཅུང་ཐུ་ཡོད་པ་འདྲ།ཧཧཧཧཧཧཧཧ
ཡག་པོ་བྲིས་འདུག འོན་ཀྱང་ཁྱེད་ཀྱིས་བྲིས་པ་དེ་དག་ཀྱང་འཁྲབབ་སྟོན་ཆེད་མིན་པར་སྨོན། ལྷག་བསམ་རྣམ་དག་ཐོག་ནས་བྲིས་པ་ཞིག་ཡིན་ཚེ་སྤྱི་འཐུས་ཟེར་བའི་མིང་དོན་མཚུངས་བར་སྙམ་པས་ཐུགས་རྗེ་ཆེ་ཞུ་རྒྱུ་ཡིན།
དོན་ཚན་གཉིས་པ་ནས་ལྔ་པ་བར་དགོངས་འཆར་བཏོན་གནང་མཛད་པ་དག་ཡུག་པོ་འདུག ཡིན་ནའང་དོན་ཚན་དང་པོར་རྒྱ་ནག་གཞུང་གིས་ཐེངས་འདིའི་ས་འགུལ་གནོད་འཚེར་རོགས་རམ་གང་གནང་བ་ཚང་མ་ཆབ་སྲིད་ཀྱི་གཡོ་སྒྱུའི་འཁྲབ་སྟོན་ཁོ་ནར་ངོས་འཛིན་བྱས་ན་མི་འགྲིག
གནད་དོན་གང་ཞིག་ཡིན་མིན་ལ་མ་ལྟོས་པར་ས་འགུལ་གནོད་ཕོག་ཅན་འདས་པ་ཚོར་མྱ་ངན་དང་དུར་འཇུག ཐིབ་འོག་ཏུ་ཚུད་པ་ཚོ་མྱུར་སྐྱོབ། རྨས་སྐྱོན་ཅན་ཚོར་སྨན་དཔྱད། ནད་པ་ཚོར་སྨན་བཅོས། སོན་པ་ཚོར་སེམས་གསོ་དང་ཟ་བཏུང་གི་རོགས་རམ།
མདོར་ན་ཐེངས་འདིའི་གོད་ཆག་ཁྲོད་དུ་འདས་སོན་ཡོངས་ལ་རྒྱ་ནག་དབུས་གཞུང་གི་ཆེས་མཐོའི་དཔོན་རིགས་ཚོའི་གཟིགས་སྐྱོང་དང་། རྒྱལ་ཡོངས་མི་དམངས་ཀྱི་གདུང་སེམས་མཉམ་བསྐྱེད་དང་སྦྲགས་རོགས་རམ་ཚད་མཐའོ་རིགས་རམ་གནང་བ་དེས་ས་འགུལ་གནོད་འཚེ་ཕོག་པའི་བོད་རིགས་འདས་སོན་ཡོངས་ལ་དོན་དངོས་ཐོག་ཕན་ཐོགས་ཆེན་པོ་བྱུང་ཡོད་པ་དེར་ང་ཚོས་དགའ་འཚོར་ངང་ཐུགས་རྗེ་ཆེ་ཞུ་དགོས།
རྒྱ་ནག་གཞུང་གིས་གསར་འགྱུར་ནང་བརྗོད་དོན་ལྟར་ཕྱོགས་གཅིག་ལ་དཀའ་ངལ་འཕྲད་ན་ཕྱོགས་མཚམས་བརྒྱད་ནས་རོགས་རམ་བྱེད་པ་ནི་ཀྲུང་ཧྭ་མི་རིགས་ཀྱི་སྲོལ་རྒྱུན་བཟང་པོ་ཞིག་ཡིན་ཞེས་བཤད་པ་ལྟར་ང་ཚོས་ཀྱང་ཤ་ཁྲག་གཅིག་པའི་བོད་རིགས་མི་དམངས་ཚོར་དཀའ་ངལ་འཕྲད་དུས་རྒྱལ་ཕྱི་དང་རྒྱལ་ནང་སུ་ཞིག་གིས་ང་ཚོར་དོན་དངོས་ཐོག་རོགས་རམ་གནང་ན་དེ་ལ་ང་ཚོས་ཀྱང་སྙིང་ཐག་པ་ནས་བཀའ་དྲིན་ལ་ཐུགས་རྗེ་ཆེ་ཞེས་བརྗོད་པ་དགོས་པའི་ལུགས་སྲོལ་བཟང་པོ་ནི་བོད་མི་རིགས་ཀྱི་ཡ་རབས་དང་། བཟང་སྤྱོད། མི་གཤིས་བཟང་པོ་བཅས་མཚོན་པ་ཡིན།
བདག་ལ་འཚོན་ན་ཁྱོད་ལ་དགའ་ཞེན་ཡོད་པ་ཙམ་རྒྱུ་མཚན་ཏུ་མ་བྱས་ནས་ཁྱོད་ཀྱི་བསམ་བློའི་ཁ་ཕྱོགས་དང་དངོས་དོན་གྱི་གནས་ཚུལ་མང་པོ་ཞིག་རྒྱུ་མཚན་ཡོད་པ་འཐོང་ནས་རྒྱབ་སྐྱོར་ཡོད་ངེས་་་་་་་་་ཐེང་འདིས་ཁྱོད་ཀྱི་སྙན་ཞུ་དེ་ཡང་དུས་ཚོད་ལ་བལྟོས་པའི་སྙན་ཞུ་ཞིག་རེད་འདུག་མུ་འཐུད་བོད་ཀྱོ་རྩོམ་པ་པའི་གོ་གནས་ཡོད་འཁན་དག་གིས་འདི་ལྟར་བྱས་ན་འོས་བབས་ཀྱི་ལས་འགན་ཞིག་ཡིན་
སྤྱི་འཐུས་ལྷ་མོ་སྐྱབས་ལགས་ཀྱིས་འདི་ལྟར་སྙན་ཞུ་འབྲི་སྟངས་ལ་བལྟས་ན། ཁོང་ཉིད་ཀྱིས་དངོས་གནས་ཏང་ཀྲོང་དབྱངས་ཟེར་རྒྱུ་དེ་མྱི་དམ་གི་ཨ་མ་མ་ལོ་ལ་བརྩིས་ནས་དེའི་བྱེད་ཕྱོགས་མ་འགྲིག་པ་དག་ལ་བུའི་འོས་འགན་གྱིས་ཡོ་བསྲང་གང་ཐུབ་དང་སློབ་གསོ་གང་ཐུབ་རྒྱག་གི་འདུག་ཨྰ། ད་ནི་སྤྱི་འཐུས་ནས་འགོ་བཟུང་ནས་ཏང་ཀྲོང་དབྱངས་ཨ་མ་བཞིན་འཛིན་ནས་ཞུ་བསྐུལ་འདྲ་བྱེད་ཡོང་པའི་དུས་ལ་སླེབས་དུས་དངོས་གནས་ང་ཚོའི་བོད་དོན་འདི་ཅི་ཞིག་ཡིན་མིན་ཀྱང་མགོ་ཚོད་ཀྱིན་མི་འདུག དྲགས་གྲོགས་ཚོ། ཁྱེད་ཚོས་ལབ་ན་འདི་ཅི་ཞིག་རེད་ཨྰ།
བཙན་བྱོལ་བའི་སྤྱི་འཐུས་ལྷ་མོ་སྐྱབས་ལགས་ཀྱིས་ཏང་ཀྲུང་དབྱངས་ལ་རང་གི་བུ་ལས་ཀྱང་སེམས་ཐག་ཉེ་བའི་སྒོ་ནས་སློབ་གསོ་སྐྱོན་འདུག ཧ་ཧ་སྤྱི་འཐུས་ལགས་ཀྱི་ལས་ཚུལ་ལ་གཟིགས་དང༌།
ཏང་ཀྲུང་དབྱང་ལ་ཡིད་ཆེས་ཡོད་པའི་སྤྱི་འཐུས་མཆོག་ཆབ་བྲལ་བ་ལགས།
ཏང་ཀྲུང་དབྱང་། ཁྱོད་ངོ་མ་མི་དམངས་ལ་དགའ་ཞེན་ཡོད་ན། ཁྱོད་ངོ་མ་མི་དམངས་ཀྱི་མགོན་སྐྱབས་བྱེད་ན། ངས་ཀྱང་མི་མང་ཞིག་གི་ཚབ་བྱས་ནས་སེམས་གཏམ་ཚིག་འགའ་ཞུ།་ཞེས་གསལ་འདུག་ཀྱང་ཏང་ཀྲུང་དབྱང་དང་ཁྱེད་སྤྱི་འཐུས་གྲོས་ཚོགས་མཇུག་སྡོམ་རྒྱབ་མི་ཐུབ་པའི་སྤྱི་འཐུས་ཁྱེད་གཉིས་ཀྱིས་བོད་མི་ཉམ་ཐག་ཚོའི་བདེ་སྡུག་ལ་བསམ་གཞི་མེད་པར་ང་ཚོ་བོད་མི་ཉམ་ཐག་ཚོས་སེམས་ལ་གསལ་ལེ་ཡོད།
གསུམ༽ ཁྱོད་ཀྱིས་བོད་བཅིངས་འགྲོལ་བྱས་ནས་བདེ་སྐྱིད་སྐྲུན་ཡོད་ཟེར་མོད། དོན་དངོས་ཐོག་འཚོ་བའི་ཐད་ཀྱི་ཡར་རྒྱས་ཙམ་ལས་དམངས་སེམས་བདེ་ཞིང་ལྷོད་ལ་འབབ་བཅུག་ཐུབ་མེད་པ། ༢༠༠༨ ལོའི་ཞི་རྒོལ་ཆེན་མོས་གསལ་མཚོན་ཐུབ་ལ།་་་་ཞེས་ཏང་ཀྲུང་དབྱང་གིས་དོན་དངོས་ཐོག་བོད་མི་འཚོ་བ་ཡར་རྒྱས་གཏོང་ཡོད་པར་ཁྱེད་སྤྱི་འཐུས་གཅིག་གིས་ངོས་ནས་ཁས་བླངས་འདིས་ཁྱེད་བོད་མིའི་འཚོ་བ་ལ་བསམ་གཞི་མེད་པའི་མི་ཞིག་ཡིན་པར་གསལ་བསྟན་བྱེད་སོང།
ཁྱེད་དང་ཁྱེད་འདྲ་བའི་རྒྱ་ནག་གཞུང་དང་འདོད་ཕྱོགས་མཐུན་པ་རྣམས་ཀྱིས་བོད་མིའི་འཚོ་བ་ཡར་རྒྱས་དང་འཛུགས་བསྐྲུན་གཏོང་ཡོད་ཞེས་རྫུན་བསྒྲགས་བྱས་བསྡད་པ་འདི་ནི་ཁྱོད་རང་ཚོའི་ལྟ་གོས་རེད་མ་གཏོགས་གཞི་ལུས་བོད་རྒྱ་ཆེན་མི་དམངས་ཀྱི་དེང་རབས་དང་བརྟེན་པའི་འཚོ་བ་ཡར་རྒྱས་སྤུ་ཚམ་ཡང་མེད།
གཞི་ལུས་བོད་མི་འཚོ་བ་ཡར་རྒྱས་ཡོད་ཟེར་བ་དེ་གང་ལ་ལབ་ཀྱིན་ཡིད་དམ། གཞི་ལུས་བོད་མིའི་ཁྱམ་གཞི་མང་ཆེ་བ་ནས་བོད་ཀྱི་བསྟན་རྙིང་ནོར་བུ་རིགས་ཆས་ཚང་མ་ཁུར་ཚར་ནས་ཁྲ་ཁྲ་ལེབ་ལེབ་ཀྱི་རས་ཆ་དང་དུས་ཚོད་ཡུན་ཟིན་པའི་ཟས་རིགས་ལ་ལོངས་སྤྱོད་ཀྱི་འདུག་གསུངས་ཀྱིན་ཡིན་ནམ།
ཁྱེད་ཀྱིས་རྒྱ་ནག་གཞུང་གིས་བོད་མིའི་འཚོ་ཡར་རྒྱས་གཏོང་ཡོད་པར་འདོད་ཀྱང་ང་ཚོ་བོད་མི་ཉམ་ཐག་ཚོའི་དུས་ནམ་ཁས་ལེན་བྱ་ཐུབ་ཀྱིན་མ་རེད།
མ་ཟད་༢༠༠༨ཀྱི་ཞི་རྒོལ་ཆེན་མོ་ཡོང་བའི་རྒྱུ་རྐྱེན་གཙོ་བོ་བོད་མི་རིགས་ཀྱི་རྒྱུ་དངོས་རང་བདག་དང་རང་དབང་རང་བཙན་རྩོད་པར་རེད་མ་གཏོགས་སེམས་ལ་ཞི་བདེ་རྩོད་ལེན་བྱས་པར་མ་རེད། ༢༠༠༨ཞི་རྒོལ་ཆེན་མོའི་སྐབས་སུ་ཚེ་སྲོག་ཤོར་བའི་སྤུན་གྲོགས་རྣམས་ཀྱིས་བོད་རང་དབང་རང་བཙན་ཡིན་རྒྱ་བ་རིན་པོ་ཆེན་ཁྲི་ལ་འཁོར་དགོས་ཞེས་འབོད་ཡོད་པར་ལས་སེམས་ལ་ཞི་བ་དགོས་ཞེས་འབོད་མེད་བཞིན་དུ་ཁྱོད་ཀྱིས་༢༠༠༨ཀྱི་ཞི་རྒོལ་ཆེན་མོ་འདི་ཡང་སེམས་ཀྱི་ཞི་བདེ་ཐོབ་པའི་ཆེད་དུ་བཙན་སྒྲུབ་བྱེད་པ་འདི་ནི་ང་ཚོ་བོད་རྒྱ་ཆེན་མི་དམངས་ཀྱིས་ཁས་ལེན་བྱེད་མི་ཐུབ།
ང་རེ་བ་ལ་ཁྱོད་ཀྱི་སྐད་ཆ་བཤད་དུས་རྒྱ་ནག་གཞུང་ཕྱོགས་རྒྱབ་སྐྱོབ་ཀྱི་རྣམ་པའི་ཐོག་ནས་མ་གསུངས་རོགས་ཞུ་རྒྱུ་ཡིན།
ཐུགས་རྗེ་གཟིགས
རྩོམ་བསྒྲུགས་པ་མཆོག་ད་འགྲུག་འདུག་གམ།
ཨ་ཁུ་འབྲོག་པ་ལགས། ད་འདི་འདྲ་འགྲུབ་རྒྱུ་མེད་པའི་སྟོང་གཏམ་དང་ཉོག་གཏམ་རྐྱང་བཤད་བསྡད་པ་ལས། ཡིད་ཆེས་ཡོང་བ། མི་སེམས་འགུག་པ། དོན་དངོས་ཅན་གྱི་ཤེས་ཡོན་པ་ཞིག་གི་བསྒྲུབས་འོས་པ་དང་དགོས་པའི་ལག་ལེན་རེ་ཟུང་བྱེད་དགོས་པའི་དུས་ལ་བབ་པ་མ་ཡིན་ནམ། བོད་ནང་གི་ཤེས་ཡོན་པ་ཚོས་ཁྱེད་ཅག་ལ་རེ་ལྟོས་བྱས་བསྡད་འདུག
སྙན་ཞུ་འདི་ཡག་པོ་འདུག།དགེ་ལགས་ཀྱི་རྒྱ་ཡིག་མཁྱེན་གྱི་མེད་ནའང་དུས་བབས་ཚང་གི་ལུང་རིག་རྒྱལ་ལགས་རྒྱ་ཡི་ཡག་པོ་ཡོད་ཙང་རྒྱ་ཡིག་ཏུ་བསྒྱུར་ནས་དྲ་རྒྱ་htt://www.secrechina.com/node/345007 ནང་མཆིན་བྲི་ས་ནང་བཀོད་ན་འང་ཡག་པོ་མ་རེད་པས།གཞན་པ་རྒྱ་ཡི་དྲ་རྒྱ་ག་བ་བཀོད་དགོས་མིན་ཡང་ལུང་རིག་ལགས་ཀྱི་མཁྱེན་མདོག་ཁག་པོ་རེད།
ངེད་ཚོའི་དགེ་རྒན་གྱིས་འདི་འདྲ་ཞིག་གསུངས་བྱུང་། འདི་ལྟར་བཤད་ན་འཇིགས་སུ་རུང་བ་ཞིག་རེད་མོད་རང་བྱུང་གི་གོད་ཆག་ཟེར་བ་དེ་ཆབ་སྲིད་པ་དང་ལག་ཤེས་པ་གཉིས་ཀྱི་གོ་སྐབས་ཡག་ཤོས་ཤིག་རེད་གསུངས། འདི་ལ་བརྟེན་ནས་ཆབ་སྲིད་པས་དམངས་སེམས་འགུགས་པའི་འཁྲབ་སྟོན་མང་པོ་ཞིག་བྱ་ས་རྙེད་པ་དང་ལག་ཤེས་པ་ལ་ལས་ཀ་མང་པོ་ཐོབ་ཐུབ་ཟེར། ད་མི་ལོ་ལྔའི་རིང་ལ་སྐྱེ་རྒུ་མདོ་གསར་བཟོ་བྱ་རྒྱུ་ཡིན་ཟེར། འདི་ལ་བརྟེན་ནས་རྒྱ་མི་ལས་བཟོ་ལག་ཤེས་པ་ག་ཚོད་མང་པོ་ཞིག་ཡོང་རྒྱུ་རེད། ཞལ་འདེབས་རོགས་སྐྱོར་གྱི་སྒོར་མོ་དུང་ཕྱུར་མང་པོ་འགྲོ་སོང་གཏོང་གི་རེད། དེ་ཚང་མ་ཀྲུང་དབྱང་གིས་བཀའ་དྲིན་གྱི་ནང་དུ་སབསྡུས་འགྲོ་རྒྱུ་རེད། དངུལ་ཕལ་མོ་ཆེ་དེ་རྒྱ་མི་ལས་བྱེད་པའི་ལྐོག་ཟས་དང་ལས་བཟོ་བའི་ཡོང་འབབ་རེད། འདི་ལ་བརྟེན་ནས་ཐག་ཞོར་འབྲེང་འདྲུད་དུ་རྒྱ་མི་ཡུལ་སྤོར་བ་ག་ཚོད་མང་པོ་ཞིག་འབྱོར་གྱི་རེད། ཆབ་སྲིད་པ་ཟེར་བ་དེས་འཁྲབ་ཀྱི་རེད། ཁྱེད་ནང་བཞིན་སེམས་གཏམ་རེ་བཤད་ནས་འདུག་མཁན་དཀོན་པོ་རེད།
ཏང་ཀྲུང་དབྱང་གིས་མི་དམངས་ཀྱིས་ཁོང་ཚོ་མགོ་རྟིང་སློག་མི་ཡོང་ངམ་སྙམ་ནས་ཞེད། མི་དམངས་ཀྱིས་ཏང་ཀྲུང་དབྱང་གིས་ཁོང་ཚོ་དམར་གསོད་བྱས་མི་ཡོང་ངམ་སྙམ་ནས་ཞེད།
ཞེད་སྣང་གི་གནས་སྟངས་ཤིག་གི་འོག་ནས་ལོ་ ༥༠ བསྐྱལ་བ་རེད།
ཆབ་སྲིད་ཟེར་བ་དེ་མཚམས་མཚམས་སུ་འཁྲབ་དགོས་པ་རེད། སུས་འཁྲབ་མ་ཐུབ་ན་སྡུག་གྱོང་རེད་ཡ།
རྒྱ་རྒན་ཐོགས་མེད། མི་སུ་ཞིག་གིས་རྒྱ་ནག་ལ་སྐྱོན་བརྗོད་བྱས་ན་ཡང་ཁྱོད་ཞེ་གཏིང་ནས་དགའ་ཡི་མེད་པའི་རྣམ་འགྱུར་སྟོན་དོན་གང་ཡིན། ད་དུང་ཁྱོད་ཀྱིས་མཁས་མདོག་བྱེད་ཀྱི་ཡོད་དམ། བོད་ཡིག་གི་ནང་དུ་མི་རིགས་གཞན་གྱི་སྐད་ཡིག་མཉམ་བསྲེ་བྱས་ནས་འབྲི་ཁུལ་བྱེད་ཀྱིན་འདུག་པ་འདི་ཁྱོད་ཀྱིས་ཞེ་པོ་ཞིག་ཡིན་བསམ་གྱི་འདུག་གམ། ངས་བལྟས་ན་འདིའི་ཐོག་ནས་ཁྱེད་རང་གིས་རང་ཉིད་རྒྱ་མ་བོད་ཅིག་ཡིན་ཟེར་ནས་ཁྱབ་བསྒྲགས་བྱེད་ཀྱི་ཡོད་པ་ཤེས་ཀྱི་འདུག་གམ། ཁྱེད་ཀྱིས་དུས་བབ་ཟིན་བྲིས་ལ་བཞག་པའི་མཆན་ཚང་མགོ་ནས་མཇུག་བར་སྤྱི་སྒར་གང་རུང་ཞིག་ལ་དཀྲུག་ཤིང་རྒྱག་འདོད་ཀྱི་ཀུན་སློང་ཁྱེར་ཡོད་པ་གསལ་བོ།
ལུང་རིགས་རྒྱལ la,
སྙན་ཞུའི་ཤོག་བུ་འདི་དག་གིས་སྣ་ཕྱིས་ན་ཏང་ཀྲུང་དབྱང་གི་སྣ་ན་གི་མ་རེད པས? ha ha ha…
སྙན་ཞུ་གིས་ནུས་པ་ཐོན་མི་ཐོན་མིན་ཤེས་ཏེ་་་་་་་་་་་་་་་གང་ལྟར་ཡག་པོ་ཞེད་དྲགས་འདུག་་་་ཡིན་ཡང་ཡིན་རྒྱུ་མི་མཁས་པ་ཞིག་རེད་་་་་་་མི་དེ་ཚོ་གྲས་ལ་རེ་བ་ཡོད།
ཏང་ཀྲུང་དབྱངས་དངོས་སུ་དབུ་བརྙེས་ཏེ། ལོ་བཅུ་མ་འཁོར་ཙམ་ནས་བཟུང་སྙན་གྲགས་ཉམས་མགོ་ཚུགས་པས་མི་ཚད། མི་དམངས་ལ་སྙིང་སུན་བསྐུར་རྒྱུ་མགོ་ཚུགས། དེ་ནས་བཟུང་ལོ་ ༥༠ རིང་ལ་དགྲ་བསགས་པ་རེད། ད་ལྟའི་གནས་སྐབས་འདི་ལ། ཏང་ཀྲུང་དབྱང་དང་མི་དམངས་གཉིས་ཀྱི་བར་ན་ཁྱོད་ཤི་ང་གསོན་གྱི་འབྲེལ་བ་ཙམ་ལས་མེད།
དེ་བས་ང་རང་ཚོའི་སྙན་ཞུའི་ཤོག་བུ་འདི་དག་ནི་ཏང་ཀྲུང་དབྱང་གིས་སྣ་ཕྱིས་ཙམ་ལ་མ་གཏོགས་བརྩི་གི་མ་རེད།