བཙན་བྱོལ་བོད་གཞུང་གིས་ད་ལྟའི་བར་སྐྱབས་གནས་དགེ་འདུན་གྱི་སྡེ་ལ་ཞབས་ཕྱི་གང་བསྒྲུབ་པ་དེ་བཞིན་ཇོ་ནང་བར་ཡང་བསྒྲུབས་པ་ཡིན་ལ། མ་འོངས་པར་ཡང་ཇོ་ནང་བར་ཞབས་ཞུ་བསྒྲུབ་ངེས་ཡིན་ཞེས་ཆོས་རིག་བཀའ་བློན་མཆོག་གིས་གསུངས་ཡོད།
ཕྱི་ཚེས་ ༢༩ ཉིན་གྱི་ཞོགས་པར་འཕགས་ཡུལ་ཇོ་
སྐབས་དེར་དམིགས་བསལ་སྐུ་མགྲོན་བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ་ལགས་ཀྱིས་གསུང་བཤད་གནང་དོན།དཔལ་ཇོ་ནང་བར་བོད་མི་མང་སྤྱི་འཐུས་ལྷན་ཚོགས་ནང་ཆོས་རྒྱུད་གཞན་ལ་ཡོད་པའི་ཐོབ་ཐང་དགོས་པའི་ཐད་ལོ་བཞི་ལྷག་གི་སྔོན་ནས་ཞུ་གཏུག་བྱེད་མཁན་བྱུང་བ་རེད། ཕྱོགས་གཅིག་ནས་སྤྱི་འཐུས་ལྷན་ཚོགས་ཀྱི་བྱེད་བདེ་བོ་ཞིག་ཏུ་སྣང་བས་མ་རེད་ཅེས་བཤད་ཁག་པོར་གྱུར་ཡོད། སྤྱི་འཐུས་ལྷན་ཚོགས་དེ་བོད་མི་མང་གི་འོས་འདེམས་བྱས་པའི་འཐུས་མི་ཡིན་པ་དང་འོས་འདེམས་ཀྱི་དུས་ཡུན་དེའི་རིང་ཁྲིམས་དང་སྒྲིག་གཞི། བཅའ་ཁྲིམས་བསྐྱར་བཅོས་བཟོ་བཅོས་བྱ་རུང་བའི་སྐུ་དབང་ཡོད་པ་གསལ་བོ་རེད།ཡིན་ཡང་། ད་ལྟའི་བར་སྤྱི་འཐུས་ལྷན་ཚོགས་ཀྱིས་ཁྲིམས་དང་སྒྲིག་གཞི་བསྐྱར་བཅོས་ཀྱི་སྐབས་སུ་སྤྱི་འཐུས་མི་རེ་ངོ་རེ་ཡིས་གནད་དོན་གསལ་བོ་རྟོགས་པའི་ཐོག་གཏན་འབེབས་བྱེད་ཀྱིན་པར་ངོས་འཛིན་བྱེད་ཀྱིན་ཡོད། དཔལ་ཇོ་ནང་བའི་སྐུ་ཚབ་འཐུས་མི་ཆོས་རྒྱུད་གཞན་ལྟར་ཐོབ་ཐང་དགོས་སྐོར་ཞུ་སྐབས། ང་ཚོའི་ངོས་ནས་བདག་པོ་རྩ་བ་ནས་མ་བརྒྱབ་པ་མ་ཡིན་པར། སྤྱི་འཐུས་ཀྱི་ཚོགས་འདུ་སྐབས་སུ་བཀའ་མོལ་མང་པོ་བྱུང་ཡོད།ཡིན་ཡང་། སྤྱི་འཐུས་ལྷན་ཚོགས་ནང་བསྐྱར་བཅོས་ཡིག་ཆ་སླེབས་ཐུབ་པ་ཙམ་གྱི་འགྲིག་གི་མེད་པར།གལ་སྲིད། བསྐྱར་བཅོས་བྱ་དགོས་བྱུང་ཚེ་སྤྱི་འཐུས་གསུམ་ཆ་གཉིས་དང་སྤྱི་འཐུས་ ༤༢ ལས་ ༢༨ ཀྱིས་རྒྱབ་སྐྱོར་ངེས་པར་དུ་དགོས་ཀྱིན་ཡོད་སྐོར་གསུང་བྱུང་ལ།ཡང་ཁོང་གིས། མ་འོངས་ཇོ་ནང་འགྲོ་ཕན་ལྷན་ཚོགས་ཀྱི་ངོས་ནས་རིམ་པར་ཕྱག་ལས་གནང་བ་ཡིན་ན། རིམ་བཞིན་ཡག་པོ་ཆག་པའི་རེ་བ་དང་འབྲེལ་བོད་གཞུང་ཆོས་རིག་ལས་ཁུངས་ལ་མི་འགྱངས་པར་ཇོ་ནང་བའི་གནད་དོན་དང་འབྲེལ་བའི་གནས་ཚུལ་ཡིག་ཐོག་ནས་སྤྱི་འཐུས་ལྷན་ཁང་ལ་ཕུལ་དགོས་པའི་འབོད་སྐུལ་ཡང་གནང་བྱུང་།
མཐའ་མར་སྐུ་མགྲོན་གཙོ་བོ་བོད་གཞུང་ཆོས་རིག་བཀའ་བློན་ཚེ་རིང་ཕུན་ཚོགས་མཆོག་གིས། སྤྱིར་ཇོ་ནང་གི་སྐོར་དེ་ང་ཚོའི་མཁྱེན་དགོས་པ་ཞིག་རེད་ལ། ལྷག་པར་དུ་ང་ཚོའི་གཞོན་སྐྱེས་ཚོས་ནང་པ་སངས་རྒྱས་པ་སྤྱི་དང་ལྷག་པར་ཇོ་ནང་པའི་སྐོར་ལ་མཁྱེན་རྟོགས་བྱ་རྒྱུ་དེ་གལ་ཆེན་པོ་རེད། ལུང་པ་སོ་སོའི་ནང་མི་མང་ཉུང་དང་གྲྭ་པ་མང་ཉུང་ཏན་ཏན་ཡོད་ཀྱང་། མང་པ་དེ་ཡག་པོ་དང་ཉུང་པ་དེ་སྡུག་པོ་ཡིན་པ་ཞིག་ལ་ང་རང་གི་ངོས་འཛིན་བྱེད་ཀྱིན་མེད། ད་ལྟ་ཡོད་བཞིན་པའི་ཆོས་བརྒྱུད་ཆེན་པོ་བཞི་གཙོས་གཡང་དྲུང་བོན་དང་བཅས་པའི་བསྟན་པའི་ནང་དུའང་གྲྭ་བ་མང་ཉུང་གི་གནས་སྟངས་དེ་ཡོད་པ་རེད། ང་ཚོ་སུ་ཡིན་ཡང་ད་ལྟའི་དུས་སྐབས་འདིར་ཕྱག་ལས་གནང་སྟངས་ཀྱི་ཐོག་ནས་རང་ཉིད་ལ་དཀའ་ངལ་ཡོད་བཞིན་པ་དེ་འབུར་ཏུ་བཏོན་ནས་འཁྲུག་པ་དང་རྩོད་པ་རྒྱག་བཞིན་མི་འདུག་པར། ཇོ་ནང་པ་རང་ངོས་ནས་སོ་སོའི་རྐང་པའི་ཐོག་སོ་སོ་ལངས་ཐུབ་པ་ཞིག་དང་། སོ་སོའི་ཞན་ཆ་དང་ཡར་རྒྱས་གཏོང་དགོས་པའི་ཐད་འབད་བརྩོན་བྱས་པ་ཡིན་ན། སོ་སོར་ཡོད་བསྡད་པ་དང་ཐོབ་དགོས་པ་དེ་ཐོབ་ངེས་པ་ཞིག་རེད་ལ། ཉིན་ཞིག་རང་བཞིན་གྱིས་སླེབས་འོང་གི་རེད་ཅེས་གསུང་བྱུང་ལ།
ཡང་ཁོང་གིས།ད་ལྟའི་ཆར་ཇོ་ནང་པ་བཙན་བྱོལ་བོད་མིའི་གཏན་འབེབ་བྱས་པའི་བོད་མི་དམངས་སྤྱི་འཐུས་དང་དེ་དང་འབྲེལ་བའི་ཚོགས་འདུ་ཁག་ཁ་ཤས་ལ་འགྲོ་ཐུབ་མ་ཐུབ་ཙམ་ལས། བཙན་བྱོལ་བོད་གཞུང་ཆོས་རིག་ལས་ཁུངས་ཀྱི་ངོས་ནས།བཙན་བྱོལ་ནང་ཡོད་པའི་དགེ་འདུན་གྱི་སྡེ་ལ་ཞབས་ཞུ་གང་གནང་དགོས་པ་དང་བསྒྲུབ་དགོས་པ་ལས་ཇོ་ནང་ལ་དམིགས་བཀར་གྱི་ལས་དོན་བསྒྲུབ་ཀྱིན་ཡོད་པ་མ་རེད། མ་འོངས་པར་ཡང་བཙན་བྱོལ་བོད་གཞུང་གི་ཞབས་ཞུ་གང་ཡོད་བསྒྲུབ་ངེས་ཚུལ་དང་འབྲེལ། འཆད་རྩོད་རྩོམ་གསུམ་དང་ཐོས་བསམ་སྒོམ་གསུམ་ཐད་འབད་པ་བྱ་དགོས་པའི་རེ་བ་དང་གྲྭ་བའི་ཀུན་སྤྱོད་དང་ཉམས་ལེན་ལ་འབད་བརྩོན་བྱ་དགོས་པའི་སྐོར་གྱི་ལམ་སྟོན་བཀའ་སློབ་གནང་བྱུང་།
ཆོས་ལུགས་ཚང་མར་བཀྲ་ཤིས་བདེ་ལེགས་ཞུ།
བདག་མེད་ཀྱི་ཆོས་འདི་མ་གྱུར་སེམས་ཅན་ཐམས་ཅད་ལ་ཕན་པའི་སྨོན་ལམ་འདེབས།
ཆོས་རིག་བཀའ་བློན་གྱི་སྐད་ཆ་དེ་ཤིན་ཏུ་བདེན་ཀི་གང་ཡིན་ཟེར་ན་དང་ཐོག་རང་མགོ་ཐོན་པ་ཞིག་བྱས་ན་ཐོབ་ཐང་ཡོད་པ་དེ་རང་བཞིན་གྱི་སླེབས་ཡོང་གིན་རེད།
ད་འགྲོ་ཕན་ཚོགས་པའི་རེ་བ་ཡང་མ་འགྲུབ་ཐལ་།
ཆོས་རིག་བཀའ་བློན་གྱིས་གསུངས་པ་དེ་ཏག་ཏག་རེད་འདུག ཇོ་མོ་ཚང་གི་སྐྱིད་མ་ཁྱོགས་ནས་སྐད་རྒྱག་ཡི་ཡོད་པ་རེད་། གྲོག་ཁོག་བརྒྱག་སོང་ན་རྙོག་དྲ་འདྲ་མིན་བཟོ་གི་རེད་། ཉི་མ་གཅིག་ལ་བོད་གཞུང་དགའ་ལྡན་ཕོ་བྲང་ཟེར་མི་ཆོག་། བོད་བཞུང་ཇོ་ནང་ཕོ་བྲང་ཟེར་དགོས་ཟེར་ས་རེད་།
ཟམ་གདོང་བླ་མའི་མ་རབས་གཅིག་གིས། །ཇོ་མོ་ནང་པ་ནང་ལ་བཅུག་སོང་། །
འཇུ་ཆེན་ཐུབ་བསྟན་ཐུབ་རེ་བྲལ་བས། །དཔལ་ལྡན་ས་སྐྱའི་ས་ཁྱོན་ཆུང་སོང་། །
ད་ནི་ཇོ་ནང་འགྲོ་ཕན་ཚོགས་པ་དེས་ཇོ་ནང་གི་བསྟན་པ་འཛིན་སྐྱོངས་སྤེལ་གསུམ་བྱ་འདོད་ཀྱི་ཚོགས་པ་ཞིག་མ་ཡིན་པ་བོད་གཞུང་ལ་ཁྱད་དུ་ཁ་གཏད་དེ་ཆོས་བརྒྱུད་ཀྱི་སྤྱི་འཐུས་རྩོད་ལེན་བྱ་མཁན་གྱི་ཚོགས་པ་ཞིག་ཡིན་པ་ར་སྤྲོད་འདུག
ཇོ་ནང་གི་བསྟན་པ་རྣམ་དག་ཞིག་སྤེལ་འདོད་ན་ཇོ་ནང་བསྟན་པའི་བདག་པོ་རྣམས་ཀྱི་ལྟ་སྒོམ་སྤྱོད་གསུམ་གཙང་མ་ཉར་དེ་རང་གི་ཉམས་ལེན་བྱ་དགོས་པ་མངོན།
ང་ཚོའི་གཞུང་གིས་ག་དུས་ཡིན་ན་ཡང་། ཇོ་ནང་ཚང་གི་ཐོག་རྒྱ་ནག་གིས་ཤོད་བཞིན་པའི་སྐད་ཆ་རྣམས་ཁྱེར་ཡོང་གི་འདུག གོང་གི་ཆོས་རིག་བཀའ་བློན་གྱི་གཏམ་བཤད་ལ་ལྟོས་དང་། ཁོས་བཤད་དོན། “བཙན་བྱོལ་བོད་གཞུང་གིས་ད་ལྟའི་བར་སྐྱབས་གནས་དགེ་འདུན་གྱི་སྡེ་ལ་ཞབས་ཕྱི་གང་བསྒྲུབ་པ་དེ་བཞིན་ཇོ་ནང་བར་ཡང་བསྒྲུབས་པ་ཡིན་ལ། མ་འོངས་པར་ཡང་ཇོ་ནང་བར་ཞབས་ཞུ་བསྒྲུབ་ངེས་ཡིན་”ཞེས་ཟེར། འོ་ན་ཇོ་ནང་པའི་དགེ་འདུན་རྣམ་པ་དང་། མི་མང་གིས་ཆོས་བརྒྱུད་གཅིག་མཚུངས་ཀྱི་ཐོབ་ཐང་དགོས་པའི་རེ་སྐུལ་ཞུ་བཞིན་ཡོད་པས། དེ་སྤྲད་ཡོད་དམ་མེད། རྒྱ་ནག་གཞུང་གིས་ཀྱང་། རྒྱ་གཞུང་གིས་བོད་ལ་རང་དབང་དང་ཐོབ་ཐང་ཡག་པོ་སྤྲད་ཡོད། ཡར་རྒྱས་ལ་བཏང་ཡོད། ཅེས་རྟག་པར་ཤོད་བཞིན་ཡོད། འདི་གཉིས་ལ་ཁྱད་པར་འདུག་གམ།
ཇོ་ནང་པ་ཚོས་ང་ཚོར་བོད་གཞུང་གིས་ལྟོ་དོད་སྤྲད་མ་སོང་གསུང་གིན་ཡོད་པ་མ་རེད། ཁོང་ཚོས་བོད་གཞུང་ལ་ཆོས་རྒྱུད་རིས་མེད་གནང་རོགས། ཐོབ་ཐང་གཅིག་མཚུང་གནང་རོགས། ཞེས་འབོད་སྐུལ་ཞུ་བཞིན་ཡོད། བོད་གཞུང་གིས་ཀྱང་ཁ་ནས་ཆོས་རྒྱུད་རིས་མེད། ཐོབ་ཐང་འདྲ་མཉམ་ཟེར་གྱིན་ཡོད་མོད། དོན་ལ་དེ་འདྲ་ཡིན་མིན་ཟུར་བལྟས་ལེབ་མཐོང་རེད། གལ་ཏེ་ཆོས་རྒྱུད་རིས་མེད་ཡིན་ན། ཇོ་ནང་ཆོས་རྒྱུད་ལ་ཆོས་རྒྱུད་ཀྱི་ཐོབ་ཐང་མི་སྤྲོད་དོན་ག་རེ་ཡིན་ནམ།
ད་དུང་ཆོས་རིག་བཀའ་བློན་གྱིས། “ཇོ་ནང་པ་རང་ངོས་ནས་སོ་སོའི་རྐང་པའི་ཐོག་སོ་སོ་ལངས་ཐུབ་པ་ཞིག་དང་། སོ་སོའི་ཞན་ཆ་དང་ཡར་རྒྱས་གཏོང་དགོས་པའི་ཐད་འབད་བརྩོན་བྱས་པ་ཡིན་ན། སོ་སོར་ཡོད་བསྡད་པ་དང་ཐོབ་དགོས་པ་དེ་ཐོབ་ངེས་པ་ཞིག་རེད་ལ། ཉིན་ཞིག་རང་བཞིན་གྱིས་སླེབས་འོང་གི་རེད་ཅེས་གསུང་བྱུང་ལ།” འོ་ན། ཇི་ལྟར་བྱས་ནས་ཇོ་ནང་པའི་ཆོས་བརྒྱུད་གཅིག་མཚུངས་ཀྱི་ཐོབ་ཐང་རེག་གི་རེད་དམ། འདི་དག་ལ་ཆོས་རིག་བཀའ་བློན་གྱིས་ལན་ཅིག་རྒྱབ་ན་ཡག་པོ་འདུག
གང་ལྟར་ཆོས་རིག་བཀའ་བློན་དང་ཚོགས་གཞོན་གཉིས་ཀྱི་གཏམ་བཤད་ཀྱིས་ཇོ་ནང་པར་དགོས་པའི་རིས་མེད་ཆོས་བརྒྱུད་ཀྱི་ཐོབ་ཐང་དེ་རེག་གམ་མི་རེག་གསལ་བོར་ཆགས་འདུག་སྙམ།
ཚོགས་གཙོ་ཚངས་དབྱངས་ལགས་ལ་འཚམས་འདྲི་ཞུ་བ་དང་མ་འོངས་པའི་ལས་དོན་མཐའ་དག་ལྷུན་གྱིས་འགྲུབ་པའི་སྨོན་འདུན་ཞུ།
གཞན་སྟོང་ཕྱག་རྒྱ་ཆེན་པོའི་རོ་གཅིག་གིས།།
སངས་རྒྱས་འགྲུབ་པའི་བཀའ་དྲིན་བསམ་མི་ཁྱབ།།
དོལ་བུ་བ་དང་ཏཱ་ར་ན་ཐ་སོགས།།
སྦྱོར་དྲུག་གྲུབ་པ་དག་ལ་གསོལ་བ་འདེབས།།
འདི་ནི་འཕགས་ཡུལ་གྱི་ཇོ་ནང་འགྲོ་ཕན་ཚོགས་པ་གསར་བཙུགས་ལ་ཕུལ་བའི་ཤིས་ཚིག་ཙམ་མོ།།