ང་ཚོའི་མི་མང་གིས་ལག་ལེན་གྱི་ཐོག་ནས་བཀའ་དྲིན་རྗེས་དྲན་བྱ་རྒྱུ་ཙམ་དུ་མ་ཟད། ཉམ་ཆུང་ཁྲིམས་མཐུན་ངང་རང་ཉིད་ལ་ཡོད་བསྡད་པའི་ཡ་རབས་ཀྱི་སྤྱོད་པ་བཟང་པོ་དེ་ནོར་བུ་ཡིན་པ་ཤེས་དགོས། ཞེས་༧གོང་ས་མཆོག་གིས་ཧི་མ་ཅལ་མངའ་སྡེར་ཐུགས་རྗེ་ཆེ་ཞུ་བའི་མཛད་སྒོའི་ཐོག་གསུངས་ཡོད།
དེ་རིང་ཞོགས་པའི་ཆུ་ཚོད་ ༩ པའི་སྟེང་བཙན་བྱོལ་བོད་གཞུང་གིས་གོ་སྒྲིག་འོག ངྷ་སའི་ཉེ་འགྲམ་ངྷ་རི་ཐང་དུ་ཧི་མ་ཅལ་མངའ་སྡེར་ཐུགས་རྗེ་ཆེ་ཞུ་བའི་མཛད་སྒོ་ཞིག་སྐོང་འཚོགས་གནང་སྟེ། དེར་༧གོང་ས་མཆོག་དང་ཧི་མ་ཅལ་མངའ་སྡེའི་སྤྱི་ཁྱབ་བློན་ཆེན་ཕུ་རུམ་ཀུ་མལ་ངྷི་མལ་ Premkumal Dhumal མཆོག་གཙོས། ༧དཔལ་རྒྱལ་བ་ཀརྨ་པ་མཆོག་དང་ བཀའ་བློན་ཁྲི་པ་མཆོག དེ་བཞིན་ཧི་མ་ཅལ་མངའ་སྡེ་གཞུང་གི་གནད་ཡོད་མི་སྣ་དང་བཙན་བྱོལ་བོད་གཞུང་དམངས་གཙོའི་ཀ་བ་གསུམ་གྱི་མཛད་གཙོ་རྣམ་པ། འཕགས་བོད་མཛའ་འབྲེལ་ཚོགས་པའི་ཚོགས་མི་དང་གཞུང་འབྲེལ་མ་ཡིན་པའི་ཚོགས་པ་ཁག་གི་འགན་འཛིན།མི་མང་བཅས་འདུ་འཛོམས་བྱུང་ཡོད། མཛད་སྒོའི་ཐོག་མར་བཀའ་ཁྲི་ཟམ་གདོང་རིན་པོ་ཆེ་མཆོག་གིས། འདས་པའི་མི་ལོ་ལྔ་བཅུའི་རིང་ཧི་མ་ཅལ་མངའ་སྡེ་གཞུང་གིས་༧གོང་ས་མཆོག་གི་སྐུའི་ཉེན་སྲུང་གཙོས། ངྷ་རམ་ས་ལ་ཐེ་པའི་ཧི་མ་ཅལ་མངའ་སྡེ་ནང་ཡོད་པའི་བོད་མིའི་གཞིས་ཆགས་ཁག་ ༡༥ ནས་བོད་མི་ ༢༡༠༥༡ ལྷག་དང་། སློབ་གྲྭ་ཁག་ ༡༨ དང་དགོན་སྡེ་ཁག་ ༤༢ ནང་ཡོད་པའི་སློབ་མ་དང་གྲྭ་བཙུན་བཅས་བསྡོམས་ ༣༥༨༢༡ ལྷག་ལ་མཐུན་འགྱུར་རོགས་རམ་བླ་མེད་གནང་བ་དེ་བོད་ཀྱི་བྱུང་རབས་ལོ་རྒྱུས་ནང་གསུབ་ཏུ་མེད་པ་ཞིག་དང་བོད་མི་རིགས་ཀྱིས་ནམ་ཡང་བརྗེད་དུ་མེད་པའི་བྱུང་རབས་ཤིག་ཡིན་ཞིང་། བཞུགས་སྒར་གཙོས་ཧི་མ་ཅལ་ནང་ཡོད་པའི་བོད་པ་ཚོ་བརྒྱུད་འཛམ་གླིང་ཁྱོན་ཡོངས་སུ་བོད་རྒྱུད་ནང་བསྟན་གྱིས་སྐྱེ་འགྲོ་ཡོངས་ལ་ཕན་ཐོགས་རླབས་ཆེན་ཡོང་བའི་གཞི་རྩའི་ལྟེ་གནས་ཤིག་ཆགས་ཐུབ་པར་གྱུར་བ་དེ་ཡང་། ཧི་མ་ཅལ་གཞུང་དང་མང་ཚོགས་ཀྱི་བཀའ་དྲིན་ལ་བརྟེན་ནས་བྱུང་སྟབས། མ་འོངས་པར་བཙན་བྱོལ་བོད་གཞུང་གིས་བཀའ་དྲིན་རྗེས་དྲན་གྱི་ཚུལ་དུ་ཧི་མ་ཅལ་མངའ་སྡེའི་སློབ་གྲྭ་ཁག་ ༡༢ ལ་མཐུན་རྐྱེན་བསྐྲུན་རྒྱུ་དང་དབང་བོ་སྐྱོན་ཅན་གྱི་རིགས་ལ་བཀའ་དྲིན་རྗེས་དྲན་གྱི་མཐུན་འགྱུར་རོགས་སྐྱོར་བྱ་རྒྱུ་ཡིན་ཞེས་གསུངས།
༧གོང་ས་མཆོག་གིས། ང་ཚོ་བོད་མི་བཙན་བྱོལ་བ་ཚོ་རྒྱ་གར་དུ་སླེབས་ནས་མི་ལོ་ ༥༡ དང་། ཧི་མ་ཅལ་མངའ་སྡེར་སླེབས་ནས་ལོ་ ༥༠ ཐམ་པ་འགོར་རིང་ང་ཚོས་ཕ་ཡུལ་གཉིས་པ་ཞེས་མིང་ཙམ་དང་ཚིག་ཙམ་མིན་པར་སོ་སོའི་ལས་འགན་གང་བསྒྲུབ་དགོས་པ་དེ་རང་དབང་ཐོག་བསྒྲུབ་ཐུབ་པ་བྱུང་བ་དང་། འདས་པའི་མི་ལོ་ལྔ་བཅུའི་རིང་ང་ཚོ་རང་ཉིད་གཅིག་པུའི་མི་ཚེའི་རང་དབང་ཆེད་དུ་འདིར་འབྱོར་བ་ཞིག་མིན་པར། ལོ་རྒྱུས་ཡོད་པའི་མི་རིགས་ཤིག་གི་ཆོས་དང་རིག་གཞུང་སྲུང་སྐྱོབ་དང་རང་དབང་འཐབ་རྩོད། བོད་གངས་ཅན་ལྗོངས་ཀྱི་ཁོར་ཡུག་སྲུང་སྐྱོབ། གཞི་ལུས་རྒྱ་ཆེའི་མི་མང་གི་རེ་འདོད་ལྟར་འཛམ་བུ་གླིང་འདིའི་སྒང་ལ་བཏོན་ཐུབ་པ་བྱུང་བ་དེ་མངའ་སྡེ་གཞུང་དང་མི་མང་གི་བཀའ་དྲིན་ཡིན་པས། བཙན་བྱོལ་བོད་མི་དང་གཞི་ལུས་རྒྱ་ཆེ་མི་མང་གིས་ཚབ་བྱས་ཏེ་མངའ་སྡེ་གཞུང་ལ་ཐུགས་རྗེ་ཆེ་ཞེས་གསུངས།ཁོང་གིས་མུ་མཐུད་དེ་གསུངས་དོན། ང་རང་ཉིད་ལ་མཚོན་ན་ལོ་ལྔའི་དུས་སྐབས་སུ་ཨ་མདོའི་ས་ཁུལ་ནས་ལྷ་སར་ཡོང་བ་དང་། ལོ་ ༡༦ གི་སྐབས་སུ་བོད་ཀྱི་དཀའ་ངལ་དེའི་མགོ་བཙུགས་པ་རེད། དེ་ནས་བཟུང་བོད་ཀྱི་ཆོས་སྲིད་གཉིས་ཀྱི་འགན་ངོས་ཀྱིས་འཁུར་དགོས་པར་ཆགས་ཤིང་། སྐབས་དེར་བོད་མིའི་རང་དབང་བརླགས་པ་དང་མཉམ་དུ་ང་རང་སྒེར་གྱི་རང་དབང་ཡང་བརླགས་པ་རེད། རང་ལོ་ ༢༤ སྟེང་རང་གི་ལུང་པ་དང་ཁ་བྲལ་ཏེ་བཙན་བྱོལ་ཏུ་སླེབས་དགོས་བྱུང་བ་དང་། འདིར་སླེབས་ནས་རྒྱ་གར་གཞུང་གི་སྐུ་མགྲོན་ཡུན་རིང་ཤོས་ཆགས་ཡོད་པ་རེད། ད་ལྟ་ང་རང་ལོ་ ༧༥སོན་པའི་ཁྲོད་ཀྱི་ལོ་ ༢༤ རིང་སོ་སོའི་ལུང་པར་འདུག་པའི་གོ་སྐབས་བྱུང་བ་དང་། ལོ་ ༥༡ ལ་བཙན་བྱོལ་བ་བྱས་ཏེ་བསྡད། གསུམ་ཆ་གཉིས་དེ་བཙན་བྱོལ་བ་ཆགས་བསྡད་ཡོད། ཕྱོགས་གཅིག་ནས་སེམས་སྐྱོ་བ་ཞིག་རེད། ཧ་ལམ་ང་རང་གི་མི་ཚེ་འདི་གནས་ཚུལ་ཧ་ཅང་སྐྱོ་བོ་མཐོང་བསྡད་པ་དང་མྱོང་བསྡད་པའི་ངང་མི་ཚེ་བསྐྱལ་བ་རེད། ཡིན་ནའང་། བཙན་བྱོལ་བ་ཆགས་ཏེ་བསྡད་པའི་རིང་བོད་རྒྱ་ཆེའི་མི་མང་གི་ཚབ་བྱས་ཏེ་ལས་འགན་གང་འཚམ་བསྒྲུབ་ཐུབ་ཡོད་པ་རེད། སོ་སོས་བསམ་བློ་བཏང་འོང་དུས་བཙན་བྱོལ་བ་བྱས་ཏེ་དཀའ་ངལ་མང་པོའི་འོག་སྡོད་དགོས་བྱུང་ཡང་། མི་ཚེའི་དགོས་འདུན་འགྲུབ་ཡོད་བསམ་པ་ཞིག་དྲན་འོང་གི་འདུག་ཅེས་གསུངས།
མཐའ་མར། ང་ཚོའི་ཁ་དཔེར་ཡུལ་ཆུ་འཐུང་ན་ཡུལ་ཁྲིམས་ཞེས་པའི་དཔེ་ལྟར། ང་ཚོ་མི་མང་ངོས་ནས་ས་ཕྱོགས་གང་དུ་ཡོད་ཀྱང་ལག་ལེན་གྱི་ཐོག་ནས་བཀའ་དྲིན་རྗེས་དྲན་བྱ་རྒྱུ་དང་། རང་གི་རང་ལ་བརྟག་དཔྱད་བྱས་རྗེས་ཉམ་ཆུང་ཁྲིམས་མཐུན་ངང་རང་ཉིད་ལ་ཡོད་བསྡད་པའི་ཡ་རབས་ཀྱི་སྤྱོད་པ་བཟང་པོ་དེ་ནོར་བུ་ཡིན་པ་ཤེས་དགོས་པར་བྱ་དགོས་པའི་ལམ་སྟོན་བཀའ་སློབ་གནང་བྱུང་།ཐེངས་འདིའི་ཧི་མ་ཅལ་མངའ་སྡེ་ཐུགས་རྗེ་ཆེ་ཞུའི་མཛད་སྒོ་དང་བསྟུན། བོད་གཞུང་བཀའ་ཤག་གི་བཀའ་འཁྲོལ་འོག་དེ་རིང་ཉིན་རྒྱབ་ཆུ་ཚོད་ ༡ དང་པོ་ནས་ ༥བའི་བར་བོད་གཞུང་སྨན་རྩིས་ཁང་གིས་ཧི་མ་ཅལ་མངའ་སྡེའི་མི་མང་ལ་བཀའ་དྲིན་རྗེས་དྲན་གྱི་ཚུལ་དུ་སྨན་བཅོས་བརྟག་དཔྱད་དང་སྨན་སྦྱིན་གཏོང་བའི་ལས་འགུལ་ཞིག་ཀྱང་སྤེལ་ཡོད།
གངས་ཅན་བོད་ཀྱི་ཡུལ་ནས། ཤ་ཁྲག་གཅིག་པའི་སྤུན་ཟླ།
རྐྱེན་ངན་ལམ་དུ་ཕྱིན་ཆེ༹། སྡུག་བསྔལ་གནས་ལ་ལྷུང་སོང།།
——————————————————————————–
ཤ་ཁྲག་གཅིག་པའི་བྱས་རྗེས།
ད་ལམ་ཉེར་བའི་ཆར་ཡུལ་ཤུལ་བོད་རིགས་རང་སྐྱོང་ཁུལ་དུ་ས་ཡོམ་གྱི་ཡ་ང་བའི་གོད་ཆག་བྱུང་བ་བརྟེན། རང་རིགས་སྤུན་ཟླ་ཁྲི་ཕྲག་ལས་བརྒལ་བ་རྐྱེན་ལམ་དུ་འདས་གྲོངས་སུ་གྱུར། འོན་ཀྱང་ཁོང་འདས་པོ་རྣམས་ཀྱི་ཆེད་དུ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་གཅོ༹ས་རིས་མིན་བླ་ཆེན་རྣམ་པ་དང་ཆོས་རྒྱུད་སོ་སོ་གདན་ས་ཁག་གི་དགེ་འདུན་འདུས་མོང་ཡོངས་ནས་བསྔོ་སྨོན་རྒྱ་ཆེར་གནང་གི་ཡོད་པ་མ་ཆ༹ད། བོད་མི་ཅ༹མ་ཟས་བ་ཡོངས་རྗོ༹གས་ཀྱི་གདུང་སེམས་མཉམ་བསྐྱེད་ཐོག་སོ་སོར་གང་ཐུབ་རོགས་རིམ་རྒྱ་ཆེར་གནང་གི་ཡོད་པར་སྨོས་ཅི་དགོས། ཡིན་ན་ཡང་ཐུགས་སྐྱོ་བའི་གནས་ཆུ༹ལ་ལྟར་ན། ས་གནས་Belgiumནས་བོད་མི་ཡིན་པ་བུ་མོ་ཆེ༹་དབང་སྒྲོལ་མ་དང་སྐྱིད་འཇོ༹མས་གཉིས་ནས་རང་སྣང་གང་ཤར་གྱི་ཤུལ་ལུས་རྒྱ་ཆེན་མི་དམངས་ཡོངས་ལ་རྩིས་མེད་རྡོག་རིལ་བཏང་སྟེ། ཁོ་མོས་བོད་མི་རིགས་ཀྱི་ལ་རྒྱ་དོར་ནས་གླུ་གར་དགོང་ཆོ༹གས་ཅིག་གོ་བསྒྲིགས་བྱས་སྟབས། ས་གནས་སྐུ་ཆ༹བ་སྐུ་ངོ་བདེ་དོན་ལགས་ཀྱི་གཅོ༹ས་ཆོ༹གས་པ་ཁག་གི་འགན་འཇི༹ན་རྣམ་པས་ཁོ་མོ་གཉིས་ལ་གླུ་གར་དགོང་ཆོ༹གས་ཕྱིར་འཐེན་ཡོང་བའི་འབོད་བསྐུལ་བྱས་ཀྱང་ཉན་མི་འདུག།
དེ་བརྟེན་ཤུལ་ལུས་རྒྱ་ཆེན་འབྲེལ་ཡོད་མི་མོང་ནས་གདུང་སེམས་མཉམ་བསྐྱེད་ཐོག་ཁོ་མོ་གཉིས་ལ་བསྐྱར་དུ་འབོད་བསྐུལ་བྱས་རྗེས། ཆོ༹གས་འདུ་ཐོག་ཆོ༹གས་པ་ཁག་གི་འགན་འཇི༹ན་རྣམ་པ་དང་མི་མོང་ཁ་ཤས་ངུ་འབོད་བྱེད་དགོས་པ་བྱུང་འདུག། མཐའ་མ་ཁོ་མོ་གཉིས་འུ་ཐུག་ནས་དགོང་ཆོ༹གས་ཕྱིར་འཐེན་བྱས་འདུག་པས་ཤིན་ཏུ་ངོ་མཆ༹ར་ཆེ།།
མི་ལོ་སྟོང་ཕྲག་གི་ཡར་སྔོན་ནས་བོད་དང་རྒྱ་གར་ནི་ཕ་སྤུན་ལྟ་བུའི་མཛའ་བཤེས་ཀྱི་འབྲེལ་ལམ་ཟམ་མོ་ཡོད་ལ་ཕྱི་ལོ་ ༡༩༥༩ ལོར་བོད་ས་ཡོངས་རྫོགས་རྒྱ་དམར་གྱིས་བཙན་བཟུང་བྱས་པ་ནས་བཟུང་༸ གོང་ས་མཆོག་གི་དབུ་འཁྲིད་འོག
བཙན་བྱོལ་བོད་གཞུང་དང་། གཞི་བྱེས་བོད་མི་ས་ཡ་དྲུག་གི་ཆེད་དུ་སྔ་ཕྱིར་རྒྱ་གར་གཞུང་དམངས་གཉིས་ཀྱིས་ཐུགས་འཁུར་དང་རོགས་རམ་ཚད་མེད་གཅིག་གནང་དང་གནང་བཞིན་ཡོད་པ་དེར་ང་ཚོས་སྙིང་དབུས་ནས་ཐུགས་རྗེ་ཆེ་ཞུ་དགོས།
རྒྱ་གར་གཞུང་དམངས་གཉིས་ཀྱི་ཐུགས་རྗེའི་བཀའ་དྲིན་ནི་ང་ཚོས་ནམ་ཡང་འཇལ་བར་དཀའ་བ་ཞིག་ཡིན་ལ་འཕགས་མི་རིགས་གཉིས་ཀྱི་མཛའ་མཐུན་ནི་ནམ་ཡང་ནུབ་པ་མེད་པར་ཇི་སྲིད་བསྐལ་པར་གནས་ངེས་ཡིན།
ཧི་མ་ཅལ་མངའ་སྡེའི་གཞུང་དང་མི་མང་ལ་བོད་མིས་ཐུགས་རྗེ་ཆེ་ཞུས་པ།
ཧིམ་ནི་གངས་ཏེ་རི་གཟུགས་སུ། །
མྰ་ནི་ཨ་མའི་ཚུལ་བཟུང་ནས། །
ཅལ་ནི་པང་བར་འཚོ་བཞུགས་པ། །
མངའ་སྡེ་དེ་ལ་ཐུགས་རྗེ་ཆེ། །
ཞུ་མཁན་ང་དགུའི་ལོ་ནས་བཟུང་། །
སྐྱབས་བཅོལ་གནས་འཁོད་བོད་ཀྱི་མི། །
ང་འདྲར་སྔར་བྱས་རོགས་ཕན་དང་། །
ཕྱི་འབྱུང་མི་རབས་རྣམས་ཀྱི་ཕྱིར། །
དྷནཡེཝཱད། ཅེས་གྲངས་མེད་ཞུ། །
རེད་རེད། སྐྱབས་བཅོལ་རང་དབང་ཡང་གཞུང་དགའ་ལྡན་ཕོ་བྲང་གིས་འཕྲོག་བཞིན་ཡོད། དེ་ཡང་ཐེངས་གཅིག་གསུང་ན་ཡག་བ་ལ།
མི་སྒེར་ལ་རང་དབང་ལུང་པ་རུ་རང་དབང་བརླགས་པའི་བསྐོར་ཞིག་དེ་སྔོན་ཀརྨ་པ་རིན་པོ་ཆེ་ནས་གསུང་མྱོང་བ་ཡིན་ལགས་ན། བླ་སྤྲུལ་མང་བོ་ཞིག་ལ་ང་ཚོ་མང་ཚོགས་དཀྱུས་མར་བལྟས་ནའང་འགྲོ་འདུག་གི་རང་དབང་མེད་པ་དངོས་བདེན་ཡིན་ལགས། བླ་སྤྲུལ་མང་པོ་ཞིག་ལ་རང་དབང་ཆེ་དྲགས་པའི་སྐྱོན་ཀྱང་ཡོད་པས་མི་མང་ནས་དོ་སྣང་ཆེད་སྤྲོད་དགོས།
མི་ཉག་མགར་ཐར་ས་ཡོམ་བརྒྱབ་པ།
འབྲེལ་ཡོད་བརྒྱུད་གནས་ཚུལ་ཤེས་རྟོགས་བྱུང་བ་ལྟར་ན། དེ་རིང་ཞོགས་པ་ཆུ་ཚོད་༤ པའི་ཐོག་ཁམས་མི་ཉག་མགར་ཐར་དུ་ས་ཡོམ་ཞིག་བརྒྱབ་ཡོད་པ་དང། ཁང་ཁྱིམ་ཕལ་མོ་ཆེར་གནོད་སྐྱོན་བཏང་ཡོད་པ་མ་ཟད། ཁང་པ་ཁག་ཅིག་རྩ་གཏོར་བཏང་ཡོད་འདུག འོན་ཀྱང་སྟབས་ལེགས་པ་ཞིག་ལ་མི་ལ་གནོད་སྐྱོན་གང་ཡང་ཕོག་མེད་པ་རེད། ས་གནས་དེར་ཉེ་བའི་ཉིན་ཤས་སྔོན་ནས་ཐལ་རྡུལ་འཚུབ་པ་སོགས་ས་ཡོམ་གྱི་མངོན་རྟགས་ལྟ་བུ་བྱུང་བར་བརྟེན། མི་མང་ཚང་མ་དོགས་ཟོན་གྱིས་ཕྱི་ལོགས་སུ་ཉལ་བའི་སྐབས་དང་འཁེལ་ནས་གནོད་སྐྱོན་ཕོག་མེད་པ་དང། ད་ལྟའི་ཆར་ས་ཡོམ་དེའི་ཤུགས་ཚད་ག་ཚོད་ཡིན་མིན་སོགས་ཤེས་རྟོགས་བྱུང་མ་སོང།།
བོད་ཀྱི་བང་ཆེན་ལས་བཤུས།
རི་དམ་ལུང་གི་བུའི་འཆན། ཁ་བརྡ་ལས་བཤུས།
ང་རང་ཚོའི་མི་རིགས་འདི་རྒྱ་གར་རུ་བཙན་བྱོལ་ཕེབས་ནས་མི་ལོ་༥༡ཕྱིན་ན་ཡང་རྒྱ་གར་རྒྱལ་ཁབ་འདིའི་བོད་རྒྱལ་ཁབ་འདིར་རང་བཙན་གཙང་མའི་ལོ་རྒྱུས་ཡོད་པའི་རྒྱལ་ཁབ་ཤིག་དང་མི་རིགས་ཤིག་ཡིན་པར་རྒྱབ་སྐྱོར་བྱེད་མིན་ཁ་མཚོན་བཅད་དཀའ་བ་ཞིག་རེད་སྙམ།
དེ་བཞིན་དུ་ཡུང་རོ་མཉམ་འབྲེལ་སྒྲུག་འཛུགས་དང་ཨ་མེ་རི་ཀ་གཉིས་ཀྱིས་ངོས་ནས་ཀྱང་རྒྱ་ནག་གཞུང་དང་མཉམ་དུ་ཚོང་རྒྱབ་དུས་ཅ་དངོས་ཀྱི་རིན་གོང་་འཆག་ཐོབ་པའི་ཆེད་དུ་བོད་ནང་དུ་འགྲོ་བ་མིའི་ཐོབ་ཐང་དང་ཅོག་ཅོག་མོག་མོག་མི་འདུག་གསུངས་ཀྱིན་རེད། ཡི་ནའང་རྒྱ་ནག་གཞུང་གིས་ཅ་ལག་རིན་གོང་དམའ་ཙམ་བྱེད་ནས་ཙོང་ཡོང་དུས་འགྲོ་བ་མིའི་ཐོབ་ཐང་དང་བོད་མིའི་རང་དབང་ཟེར་བ་འདི་ཚོར་བརྗེད་ཚར་བ་མ་ཟད་དགོད་མོ་འཛུམ་འཛུམ་བྱེད་ནས་china good དང་china good ཟེར་གྱིན་རེད།
ང་རང་ཚོའི་ཁ་གཏད་ཀྱི་དགྲ་བོ་འདིར་ཁྲིམས་ཐོག་ཏུ་གནོན་ཤུགས་སྤྲོད་ཐུབ་མཁན་གཙོ་བོ་འཛམ་གླིང་ཐོག་ཏུ་འདི་གསུམ་རེད། ཨ་རི་སྲིད་འཛིན་མི་ནག་འདིས་བྱས་སྟངས་དང་༧གོང་ས་མཆོག་ལ་ངོས་ལེན་ཞུ་སྟངས་བཅས་ཀྱི་ཆ་ནས་སྔོན་མ་སྲིད་འཛིན་བྷི་ཤུ་ལས་ཀྱང་སྡུག་བ་འདུག
སྲིད་འཛིན་མི་ནག་འདི་ལ་ཚོང་ལས་དང་དཔལ་འབྱོར་ཡར་རྒྱས་མ་གཏོགས་འགྲོ་བ་མིའི་ཐོབ་ཐང་དང་འཛམ་གླིང་མི་དམངས་ཉམ་ཐག་ཚོའི་བདེ་སྡུག་ལ་བསམ་གཞི་དེ་ཙམ་མེད་པར་འདྲ།
རྒ་གར་ཡང་རྒྱ་གར་ཅིག་རེད།་་་་་་་་་་་་དངོས་གནས་ང་ཚོ་ལ་རྒྱབ་སྐྱོར་ཧཧཧཧཧཧཧཧཧཧཧཧཧ
རོགས་སྐྱོར་གནང་བ།
༄༄།། ད་ལམ་ཉག་ཕྲ་བའི་དུས་སྐབས་འདིར་རང་བྱུང་ཁོར་ཡུག་ལ་ས་ཡོམ་གྱི་གནོད་འཆེ༹་འོག། འཇ༹མ་གླིང་ཕྱོགས་གང་ས་དང་ལྷག་པར་དུ་རང་རིགས་བོད་ཀྱི་ཡུལ་ཤུལ་ས་ཁུལ་སྐྱེ་རྒུ་གྲོང་སྡེ་དང། རོང་པོ་ སྐར་མདའ་ འབྲོག་མདའ་ ཁྲུན་འདུ་ ནང་ཆེན་བཅས། ས་ཕྱོགས་གང་ས་ལ་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད་པར་བརྟེན། དཔལ་ལྡན་དགོན་ར་ཉག་ཕུན་ཆོ༹གས་ཐེག་ཆེན་གླིང་གི་ཁྲི་པ་སྐྱབས་རྗེ་ལྡན་མ་ཁམས་མགྱོགས་རིན་པོ་ཆེ་མཆོག། ས་ཡོམ་གྱི་རྐྱེན་ངན་བྱུང་བ་གསོན་མ་ཐག་མྱུར་དུ་ Taiwan ནས་མཁའ་ལམ་རྒྱུད་ཟིར་ལིང་ལ་ཕེབས། དེ་ནས་ཁོང་གི་ཐབས་ཤེས་རྒྱུད་དམིགས་གསལ་སྨན་པ་ཁ་ཤས་ཁྲིད་ནས་ཡུལ་ཤུལ་ས་ཁུལ་དུ་ཕེབས་འདུག་པ་མ་ཆ༹ད། ར་ཉག་དགོན་པའི་དགེ་འདུན་པ་ ༡༧༠ དང་ལྷན་དུ་མི་རྒྱུ་གཉིས་གི་ཐོག་རོགས་རིམ་རྒྱ་ཆེར་གནང་འདུག། ལྷག་པར་དུ་ར་ཉག་དགོན་པའི་དགེ་འདུན་པ་ཆོ༹འི་ས་འོག་ནས་བོད་རིགས་ཉིས་བརྒྱ་ལྷག་གི་ཆེ༹་སྲོག་སྐྱོབ་གནང་ཡིན་པ་རེད། སྤྱིར་གནས་ཆུ༹ལ་གོ་དོན་ལྟར་ན། ཁམས་མགྱོགས་རིན་པོ་ཆེ་དགོན་པ་གསར་པ་ཧ་ཅང་གི་ལེགས་གྲུབ་བྱུང་ཡོད་ཀྱང་ཡིན་ན་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད། འོན་ཀྱང་ཁོང་གིས་གནས་ཆུ༹ལ་དེ་དག་ལ་མ་གཟིགས་ནས་རང་རིགས་སྤུན་ཟླ་ཤུལ་ལུས་རྒྱ་ཆེར་མི་དམངས་ཡོངས་ཀྱི་ཆེད་དུ་དམིགས་སྟེ། ད་ལྟ་བར་དུ་འགྲོ་སོང་གཏོང་ཆོ༹ད་བྱས་ན། གྲོ་འབྲས་རྒྱ་མ་༡༢༠༠༠ ཅ༹མ་པ་རྒྱ་མ་༡༥༠༠ མར་རྒྱ་མ་༡༠༠༠ ཐུག་པ་ཤོག་སྒམ་༡༠༠༠ ཉལ་ཆས་༣༠༠༠ གྱོན་ཆས་༢༥༠༠ རས་གུར་༡༠༠ དེ་མིན་ཟས་རིགས་འདྲ་མིནདང་ ཉམ་ཐག་དབུལ་པོ་ཁྱིམ་ཆ༹ང་རེ་ལ་སྒོར་༣༠༠ གནང་ཡོད། བསྡོམས་པས་རྒྱ་སྒོར་ཁྲི་ ༢༡༥ ལྷག་གཏོང་ཟིན་ཀྱང་ད་དུང་ཡོང་མི་མཐུད་ནས་གནང་རྩིས་ཡིན་འདུག། དེ་ཡང་མ་ཆ༹ད་རིན་པོ་ཆེ་ཁོང་གིས་ཤུལ་ལུས་ཡོངས་ཀྱི་ཆེད་དུ་དམིགས་ནས་ཕྱི་རྒྱལ་ཡུལ་གྲུ་དང་རྒྱ་ནང་གི་ཆོ༹གས་པ་ཁག་སོ་སོ་ལ་རོགས་རིམ་འབོད་བསྐུལ་གནང་འཆར་ཡིན་འདུག་པ་མ་ཆ༹ད་ཁོང་གིས་གསར་འཇུ༹གས་གནང་བ་སྨོན་ལམ་ཆོ༹གས་ཆུང་རྒྱུད། ཆེ༹་འདས་ཡོངས་ཀྱི་ཆེད་དུ་ཉིན་ལྟར་སྐྱབས་གནས་འཕགས་པའི་དགེ་འདུན་པ་རྣམས་ཀྱི་བསྔོ་བ་སྨོན་ལམ་དང་མི་དམངས་བརྒྱ་ཕྲག་དུ་མ་ནས་འཕགས་མཆོག་སྤྱན་རས་གཟིགས་ཀྱི་གཟུངས་སྔགས་འབུམ་ཆོ༹གས་ཆོ༹གས་ཀྱི་ཡོད་རེད་ཟེར། གོང་གི་གནས་ཆུ༹ལ་དེ་དག་ས་གནས་དགོན་པའི་གྲ་བློ་བཟང་གི་གསུང་པ་ལྟར་བྲིས་ཡིན། སྤྱིར་གསར་འགྱུར་རྒྱུད་ལམ་ཁག་ནས་གནས་ཆུ༹ལ་སྤེལ་བ་ལྟར་ན། རང་ཡུལ་གངས་ཅན་ལྗོངས་ནས་ཆོལ་ཁ་སོ་སོ་དགོན་སྡེ་ཁག་དང་བླ་ཆེན་རྣམ་པ་གཅོ༹ས་རང་རིགས་བོད་ཀྱི་ཡུལ་ཤུལ་ས་ཁུལ་ལ་རོགས་རིམ་རྒྱ་ཆེར་གནང་ཡོད་པ་མ་ཆ༹ད། ཕྱི་རྒྱལ་ཡུལ་གྲུ་ཁག་སོ་སོ་དང་ སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་དབུས་རིས་མིན་བླ་ཆེན་རྣམ་པ་དང་དགོན་སྡེ་ཡོངས་ཀྱི་རོགས་རིམ་གནང་ཡོད་པས་འདིར་མ་བྲིས་སོ།།
རྒྱ་གར་གཞུང་དང་མི་མང་ལ་ཐུགས་རྗེ་ཆེ་ཞུ་འོས་པའི་ལས་ཤིག་ཡིན་འོན་ཀྱང་དྷ་ས་རི་ཁུག་འདི་ནི་རྒྱ་གར་གྱིས་ང་ཚོར་བསྩལ་བའི་བོད་ཀྱི་རྒྱལ་ས་གཉིས་པ་དེ་རེད་ཡིན་ནའང་དེའི་ཡུལ་མི་རྣམས་ཀྱིས་ང་ཚོར་ཐུགས་ཚོད་གཏང་བ་ཉུང་ཉུང་མིན་བྱས་ཙམ་བོད་གཞུང་བཀའ་ཤག་གིས་ཀྱང་མཛད་སྒོ་འདི་འདྲའི་སྒང་ཏོག་ཙམ་གསུང་ཐུབ་ན་ཡག་པོ་འདུག་སྙམ།
༼ སྐབས་དེར་བོད་མིའི་རང་དབང་བརླགས་པ་དང་མཉམ་དུ་ང་རང་སྒེར་གྱི་རང་དབང་ཡང་བརླགས་པ་རེད། ༽ ཅེས་གསུངས། ཁ་སང་དགོང་མོར་ང་དང་གྲོགས་པོ་གཉིས་ཀྱིས་ངེས་པ་དོན་གྱི་བླ་སྤྲུལ་ཚོའི་འགྲོ་འདུག་རང་དབང་སྐོར་ཞིག་བཤད། དེ་འདི་དང་འབྲེལ་མིན་གང་ལྟར་ཡང་། བླ་སྤྲུལ་མང་བོ་ཞིག་ང་ཚོ་མང་ཚོགས་དཀྱུས་མར་བལྟས་ནའང་འགྲོ་འདུག་གི་རང་དབང་འཕྲོགས་ཡོད།