<ཕུན་དབང་དང་བཀྲ་ཤིས་ཚེ་རིང་གི་ལོ་རྒྱུས་ལས་འཕྲོས་པའི་གཏམ།>
གཙང་ཕྲུག་སྟོབས་ལགས།
ང་རང་དཔེ་ཀློག་གི་ལམ་དུ་བཞུགས་ནས་མི་ལོ་ཉི་ཤུ་ལྷག་འགྲོ་བཞིན་འདུག་ལ། བཀླགས་མྱོང་བའི་དཔེ་དེབ་ཀྱི་ཁ་གྲངས་ཡང་ཉུང་ཉུང་ཞིག་གཏན་ནས་མིན། བཙན་བྱོལ་དུ་འབྱོར་བའི་ཉིན་དེ་ནས་ངས་དེ་སྔོན་བོད་ཀྱི་རི་གྲོང་དུ་ཀློག་བཞིན་པའི་<སྣང་ས་འོད་འབུམ་གྱི་རྣམ་ཐར་>དང་<གཅུང་དོན་ཡོད་དོན་འགྲུབ་ཀྱི་རྣམ་ཐར་>ཀློག་པའི་ཁ་ཕྱོགས་དེ། བོད་ཀྱི་ཆབ་སྲིད་དང་འབྲེལ་བའི་མི་སྣའི་ལོ་རྒྱུས་བལྟ་ཀློག་གིས་འཕྲོག་སོང༌། <ཕྱི་ཡུལ་དུ་རང་དབང༌།>དང་<སློབ་དཔོན་ཆེན་པོ་༧པཎ་ཆེན་རིན་པོ་ཆེ།>ཞེས་༧རྒྱལ་བ་ཡབ་སྲས་རྣམ་གཉིས་ཀྱི་རྣམ་ཐར་ཕུད། བདག་གི་བསམ་བློར་ཡོ་འཁྱོམས་གཏོང་མཁན་གྱི་ཆེས་ཕུལ་དུ་བྱུང་བའི་དཔེ་དེབ་གཉིས་འཕྲད་པ་ནི། <བོད་མི་གསར་རྗེ་བ་ཞིག་>དང་<ཕ་ཡུལ་མི་མང་གི་ཕན་བདེའི་ཆེད་དུ།>ཞེས། ཕུན་ཚོགས་དབང་རྒྱལ་དང་བཀྲ་ཤིས་ཚེ་རིང་ཟུང་གི་མི་ཚེའི་ལོ་རྒྱུས་འཁོད་པའི་དཔེ་དེབ་གཉིས་ཡིན།
ཧྥུ་ཏེས། དཔེ་དེབ་གདམ་རྒྱུ་ནི་གྲོགས་པོ་བསྒྲིགས་པ་དང་འདྲ་བས་གཟབ་ནན་བྱ་དགོས། གང་ཡིན་ཞེ་ན། རང་གི་གོམས་གཤིས་ལ་དཔེ་དེབ་ཀྱིས་ཤུགས་རྐྱེན་ཐེབས་པ་གྲོགས་པོ་ལས་ཞན་པ་མེད། ཅེས་པའི་གདམས་ངག་ལ་ང་རང་རྦད་དེ་ངེས་ཤེས་རྙེད་སོང་བས། གོ་སྐབས་འདི་བརྒྱུད་ཀློག་པ་པོ་བདག་གི་བསམ་བློར་གཡོ་འགུལ་གཏོང་མཁན་སྐྱེས་ཆེན་ཁོང་གཉིས་བཞུད་པའི་མི་ཚེའི་ལམ་བུར་ཕྱིར་ཞིབ་ཞིག་བརྒྱབ་ན།
ཕུན་དབང་དང་བཀྲིས་ཚེ་རིང་ཟུང་ནི་བོད་ཕྱི་ནང་ཙམ་མ་ཟད། ནུབ་ཕྱོགས་བོད་རིག་པའི་སྤྱི་ཚོགས་ཞིབ་འཇུག་ཁྲོད་ས་རིས་ཐང་གསལ་དུ་འགྱུར་བའི་སྐྱེ་བུ་གཉིས་ཡིན་ལ། སྐྱེ་བུ་དེ་གཉིས་ནི་སྲོལ་རྒྱུན་བོད་ཀྱི་སྐུ་དྲག་དང༌། བླ་རབས། རིམ་བརྒྱུད་དཔོན་ཚང་དང་རྒྱང་དུ་ཆོད་པའི་བོད་ཀྱི་སྤྱི་འབངས་དཀྱུས་མ་ཞིག་གི་བུ་ཕྲུག་ཟུང་ཞིག་ཡིན་མོད། ཧ་ལས་དགོས་པ་ཞིག་ལ་རི་གྲོང་གི་བུ་ཕྲུག་ཟུང་ལ་གཞན་དང་མི་འདྲ་བའི་ཆོད་སེམས་དང་སྙིང་སྟོབས་ཤིག་ཡོད་པ་ནི། རྩ་བ་བརྟན་ཞིང་སྡོང་པོ་སྦོམ་ལ་བོད་རྒྱལ་ཁབ་ཀྱི་ལས་དབང་ཐུར་དུ་འདྲེན་པའི་བོད་རྙིང་པའི་ཆབ་སྲིད་ལམ་ལུགས་བཅོས་སྒྱུར། བཅོས་སྒྱུར་གྱི་ཆ་ཤས་དེའི་ཁྲོད་དུ་ཁོང་ཟུང་གི་སྐྱེས་སྦྱངས་ཀྱི་ཡོན་ཏན་གང་ཡོད་འབུལ་འདོད་པ་དེ་ཡིན། བསོད་བདེ་དམན་པ་ཞིག་ལ་རང་ཉིད་ཀྱི་སྐྱེ་ཁུངས་ལས་ཁོང་གཉིས་ཀྱི་བོད་རྙིང་པར་བཅོས་སྒྱུར་ལྟ་ཅི། བོད་རྙིང་པའི་གཞུང་ཞབས་ལས་དོན་སྒྲུབ་པའི་ཐོབ་ཐང་ཙམ་མེད་པ་དེ་ཡིན། ན་ཟུག་དེས་ཁོང་གཉིས་ལ་མཐུན་མོང་གི་བར་སྣང་ཞིག་གྲུབ་པ་ནི། སྐུ་དྲག་གིས་བོད་གཞུང་དང༌། བོད་མི་མང་གི་ངོ་ཚབ་མཚོན་མི་ཐུབ་པ་དང༌། མཚོན་འདོད་མེད་པ། ཚེ་ཚེ་རབ་རབ་ཏུ་བོད་ཀྱི་སྲིད་དབང་སྐུ་དྲག་གི་ལག་ཏུ་འཇོག་འདོད་མེད་པ་དེ་ཡིན།
བོད་ལ་བཅོས་སྒྱུར་དགོས་པ་ནི་སྐྱེས་བུ་གཉིས་ཀས་མཐུན་ཕྱོགས་ཤིག་ཡིན་ཡང༌། སློབ་གསོ་མྱོང་སྟངས་མི་འདྲ་བའི་བསམ་བློའི་རྒྱབ་ལྗོངས་ལས། ཤར་ཕྱོགས་གོ་མིན་ཏང་ནན་ཅིང་སློབ་ཆེན་གྱི་སློབ་གསོ་མྱོང་བའི་ཕུན་ཚོགས་དབང་རྒྱལ་གྱིས། མ་ཁེ་སི་རིག་པའི་གཞུང་གི་བསམ་བློའི་རྒྱབ་ལྗོངས་ལས། བོད་འདི་རྒྱལ་སྤྱིའི་དམར་ཤོག་གི་ཁོངས་སུ་མཉམ་དུ་ཞུགས་ཏེ། དམར་པོའི་རིང་ལུགས་ཀྱི་གསར་བརྗེ་བྱས་ན་བོད་སྐྱོབ་ཐུབ་པའི་ཡིད་ཆེས་བཅངས་ལ། ནུབ་ཨ་རིའི་ཝ་ཤིན་ཊོན་སློབ་ཆེན་གྱི་སློབ་གསོ་མྱོང་བའི་བཀྲིས་ཚེརིང་གིས། མང་གཙོ་བསམ་བློའི་རྒྱབ་ལྗོངས་ལས་བོད་འཕེལ་རྒྱས་གཏོང་བར་གཞི་རིམ་མི་མང་གི་སློབ་སྦྱོང་ཆུ་ཚད་གོང་མཐོར་གཏོང་ཐུབ་ན་བོད་སྐྱོབ་ཐུབ་པའི་ཡིད་ཆེས་བཅངས།
ཕུན་ཚོགས་དབང་རྒྱལ་དང་བཀྲ་ཤིས་ཚེ་རིང་གིས། འབའ་ཐང་དང་གུར་ཕྱོགས་ཞེས་པའི་བོད་ཀྱི་རི་གྲོང་ལུང་ཀྱོག་གཉིས་ན། འབྱུང་འགྱུར་གྱི་བོད་དང་རང་ཉིད་ཀྱི་མདུན་ལམ་ལ་རེ་བའི་རྨི་ལམ་ཁྲི་འབུམ་གཏོང་བཞིན་ཉི་མ་ལྷ་སར་ཆས་འོང་ཞིང༌། རིམ་བཞིན་ཟུར་ཁང་དང༌། གཡུ་ཐོག དབང་འདུས་ལགས་སོགས་བོད་ཀྱི་མཐོ་རིམ་སྐུ་དྲག་དང་འབྲེལ་འདྲིས་བྱུང་བས་ཁོ་ཚོའི་ཞལ་གསུང་ལས་རང་ཉིད་ཀྱི་རྨི་ལམ་མངོན་དུ་འགྱུར་བའི་སྤྲོ་བརྟས། སྟབས་མ་ལེགས་པ་ཞིག་ལ་ལམ་ལུགས་རྙིང་པར་དགའ་བའི་སྐུ་དྲག་དང་གནས་པོའི་ངན་ཤུགས་ལས། ངར་ཤའི་མེ་སྟག་དགུང་ལ་འཕྱུར་བའི་ན་གཞོན་ཟུང་བློ་ཕམ་དང་བཅས་མི་འདོད་བཞིན་ལྷ་ལྡན་རྒྱལ་ཁབ་དང་ཁ་བྲལ་ནས་རྒྱ་དཀར་ནག་གི་ཡུལ་དུ་ཆས་དགོས་བྱུང༌།
ཁོང་གཉིས་ཀྱིས་བསམ་གཞིགས་ཡུན་རིང་བཏང་མཐར། ལྷ་ས་ནི་བོད་མི་མང་ལ་དབང་བ་ཞིག་ལས་སྐུ་དྲག་གཅིག་པོས་སྤྱོད་པའི་གནས་མཆོག་ཅིག་མིན་པ་ཤེས་ཤིང༌། བཙན་བྱོལ་ནང་གི་རྒྱལ་ཞེན་རིང་ལུགས་པས་བློ་ཡིད་མ་ཚིམས་སྟབས། རྒྱ་མི་དང་དམར་ཤོག་བོད་དུ་ཡོང་རྒྱུར་མོས་མཐུན་ཞུས་ནས། རང་ཉིད་ལ་ཡོད་པའི་སྐྱེས་སྦྱངས་ཀྱི་ཡོན་ཏན་གང་ཡོད་ཀྱིས་བོད་མི་མང་ལ་ཞབས་འདེགས་དང༌། བསམ་བློ་གསར་པའི་འཇོན་ནུས་ལས་བོད་དེ་དེང་རབས་ཅན་གྱི་རྒྱལ་ཁབ་ཅིག་ཏུ་སྐྲུན་ཕྱིར། ཞི་བདེ་དང་ལྷིང་འཇགས་གནས་མལ་ཐམས་ཅད་སྐྱུར་ཞིང༌། མིང་བྱད་དང༌། འཇིགས་ཉེན་གང་ལའང་ལྟོས་མེད་ཀྱིས། བློས་གཏོང་དང་བློ་སྟོབས་ཆེན་པོས་སླར་ཡང་ལྷ་ལྡན་རྒྱལ་ཁབ་དུ་ཕྱིར་ལོག་འོང༌།
ཁོ་གཉིས་ཀྱིས་བོད་ལ་གཅེས་སེམས་བཅངས་པ་ལས་ཕུན་ཚོགས་དབང་རྒྱལ་ལ་མི་རིགས་རིང་ལུགས་པ་དང༌། བཀྲིས་ཚེ་རིང་ལ་ཨ་རེིའི་གསང་མྱུལ་བའི་ཞྭ་མོ་གཡོགས་ཏེ་མི་ལོ་བཅུ་ཕྲག་གཉིས་ཙམ་བཙོན་འཇུག་བྱས། ད་ཆ་ཁོང་ཟུང་ལོ་རྒན་བརྒྱ་ཅུ་བརྒལ་བའི་སྤོ་ཏོ་ཆ་གཅིག་ཆགས་ཟིན་མོད། ཁོ་ཟུང་གི་མི་ཚེའི་འགྲུལ་བཞུད་ལ་ཕྱིར་ལྟ་ཞིག་བྱེད་སྐབས། དཀའ་སྡུག་དང་རེ་བའི་ལ་གཤོངས་མང་པོ་བརྒྱུད་པའི་བོད་ཀྱི་དཔལ་ཡོན་གྱི་ལྟེབས་ཁུག་རེ་ན། ངོམས་སུ་ཆོག་པའི་ལྗིད་སྡིག་སྡིག་གི་ཞབས་རྗེས་གསལ་ཐག་ཆོད་རེ་འདུག་པ་ལས། སུ་ཞིག་ནི་ཁ་ཞེ་གཉིས་མེད་ཀྱི་བོད་མི་མང་ལ་ཞབས་འདེགས་ཞུ་མཁན། བོད་མིང་མང་གི་ཆེད་དུ་གྱི་བློས་གཏོང་གནང་མཁན་དེ་ཡིན་མིན་ཤེས་འོང༌།།
གཙང་ཕྲུག་ལགས་ཤིན་ཏུ་ལེགས།
མཐུ་སྟོབས་ལགས།
གུས་པའི་དྲི་བར་ལན་འདེབས་ཟུར་ཙམ་གནང་བར་ཐུགས་རྗེ་ཆེ། ཁྱེད་ཀྱི་དྲི་ལན་ལ་གཞིགས་པས་གུས་པའི་བསམ་ཚུལ་མདོར་བསྡུས་ཤིག་ཞུ་ཆོག་པ་ཞུ།
དང་པོ།
ཉིད་ཀྱི་ལན་འདེབས་ནང་༼བོད་གཞུང་དང་ཕྱི་རྒྱལ་རོགས་ཚོགས་ཀྱི་རྒྱབ་རྟེན་མེད་པའི་ཐོག་ནས་ཕ་མས་ལམ་བཟོ་རྒྱུགས་ཏེ་སློབ་སྦྱོང་མཐར་སོན་བྱས་པ་ཞིང་ཡིན། ༽ཞེས་གསལ་འདུག་ཀྱང། བཙན་བྱོལ་བོད་གཞུང་གི་རྒྱབ་བརྟེན་རྩ་བ་ནས་མེད་པར་ཁྱེད་ལ་སློབ་སྦྱོང་གི་གོ་སྐབས་ཐོབ་ཐུབ་བམ། བཙན་བྱོལ་བོད་གཞུང་གི་རྒྱབ་རྟེན་མེད་པར་ཁྱེད་དང་ཁྱེད་ཀྱི་ཕ་མ་རྒྱ་གར་ནང་གནས་ཐུབ་བམ། ཉིད་རང་གཞུང་ཞབས་ཤིག་ཡིན་པའི་ཆ་ནས། ༸གོང་ས་མཆོག་གིས་བཀའ་སློབ་དེ་ལྟར་གནང་ཡོད་མཁྱེན་ངེས་རེད། ༼ང་དང་བོད་མི་མང་གིས་ངོས་འཛིན་བྱེད་པའི་བཀའ་ཤག་གང་དུ་ཡོད་པ་དེར་བོད་གཞུང་ཡོད།༽ཅེས་པ་དེས་གང་བསྟན་ནམ། བོད་ཕྲུག་རྣམས་ལ་ཤེས་ཡོན་གྱི་གོ་སྐབས་ཐོབ་པ་དེ་༸གོང་ས་མཆོག་གི་བཀའ་དྲིན་མ་ཡིན་ནམ། བཙན་བྱོལ་བོད་གཞུང་གི་རྒྱབ་སྐྱོར་མེད་པར་ཁྱེད་ཀྱི་ཕ་མ་གཉིས་ལ་ལམ་བཟོའི་གོ་སྐབས་ཐོབ་སྲིད་དམ། དེ་དག་ཚང་མ་བོད་གཞུང་དང་༸གོང་ས་མཆོག་གི་ཐུགས་རྗེ་བཀའ་དྲིན་ལ་བརྟེན་བྱུང་བ་མ་རེད་དམ།
གཉིས་པ།
སྤྱི་ནོར་༸གོང་ས་མཆོག་གི་བཀའ་དགོངས་བསྒྲུབ་རྒྱུ་ནི་བོད་གཞུང་གི་ལས་བྱེད་ཕོགས་བཟན་རྣམས་ལྟ་ཅི། བོད་རིགས་ཡིན་ནོ་ཅོག་གིས་དང་དུ་བླང་རྒྱུ་ཞིག་ཡིན་ན། གངས་སྐྱིད་ལས་བྱེད་ཀྱིས་དེ་ལྟར་བསྒྲུབ་པར་ངོ་མཚར་ཆེ་རྒྱུ་མེད། གལ་ཏེ་གངས་སྐྱིད་ལས་བྱེད་ཀྱིས་༸ཁོང་གི་བཀའ་སློབ་བསྒྲུབ་ཀྱི་ཡོད་ཚེ། དྲི་བ་འགའ་ཞིག་རང་ཤུགས་ཀྱིས་སླེབས་ཀྱི་འདུག
༡༽ ༸གོང་ས་མཆོག་གི་གསུམ་དུས་གསུང་འཕྲིན་ལ་ཐུགས་སྣང་གིས་དོན་རྟོགས་ཐུབ་མཁན་གངས་སྐྱིད་ལས་བྱེད་ནང་བརྒྱ་ཆ་ག་ཚོད་ཡོད་དམ། ཁྱེད་ཀྱིས་གསུམ་དུས་གསུང་འཕྲིན་གྱི་གལ་འགངས་མཁྱེན་གྱི་ཡོད་དམ།
༢༽ བོད་གཞུང་གི་ཆབ་སྲིད་ལངས་ཕྱོགས་དབུ་མའི་ལམ་གྱི་སྙིང་དོན་དང་། འབྱུང་རིམས། ད་ལྟའི་བོད་ཀྱི་གནས་བབ་ལ་རན་མཚམས་ཡིན་མིན་ཐད་བསམ་བློ་བཏང་ཨེ་མྱོང། བཏང་ཡོད་ཚེ་ཇི་འདྲ་འདུག་གམ།
༣༽ བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཞེས་པ་དེ་ཆ་ཚང་བཀླགས་ཨེ་མྱོང།
༤༽ གཞུང་ཞབས་ཟེར་བའི་ཚིག་དེས་གང་སྟོན་ནམ། གཞུང་ལ་ཞབས་ཕྱི་ཞུ་མཁན་སྟོན་ནམ། ཡང་ན་གཞུང་དང་མི་མང་དཔོན་པོ་ཡིན་པ་སྟོན། ང་རང་གཞུང་གི་སྲི་ཞུ་བ་ཞིག་མིན་ཀྱང། བདེ་སྡུག་ཞུ་བར་ཐེངས་རེ་གཉིས་འགྲོ་སྐབས་ངོ་མ་དཔོན་ཉམས་སྟོན་མཁན་ཞེ་གཅིག་ལས་མི་མང་གི་བདེ་སྡུག་ལ་བལྟ་སྐྱོང་བྱ་མཁན་ཧ་ཅང་དཀོན་པོར་མཐོང་སོང། གཞུང་ཞབས་ཚོ་མི་མང་གི་དཔོན་པོ་རེད་དམ། གཞུང་དང་མི་མང་གི་བདེ་སྡུག་སེལ་མཁན་རེད།
༥༽ དེང་སྐབས་གཞུང་ཞབས་ནང་གཞོན་སྐྱེས་མང་པོ་ཡོད་ཀྱང། དེ་དག་ཕལ་ཆེ་བ་གཞུང་སེམས་ཆེ་བས་རེད་དམ། ཡང་ན་གནས་སྐབས་ཀྱི་འཚོ་ཐབས་ཙམ་གྱི་ཆེད་དུ་རེད། ཡང་ན་དེང་སྐབས་གཞུང་གི་གླ་ཕོགས་མཐོ་བས་རེད།
གསལ་བརྗོད་བྱ་རྒྱུར། ངོས་རང་གཞུང་ཞབས་པ་ཚོར་མི་དགའ་བས་མ་ཡིན་པར། དངོས་བདེན་རྣམས་སྲོང་པོར་སྨྲས་པ་ཡིན།
མཐུ་སྟོབས་ལགས། ཐུགས་རྗེ་ཆེ།།
བཀྲ་ཤིས་ཚེ་རིང་གི་ལོ་རྒྱུས་དེབ་དེ་ཀློག་བཞིན་ཡོད། དུས་ཚོད་བྱུང་ཚེ་ཁོང་གི་སྐོར་གཅིག་འབྲི་འདོད་ཡོད།
གཙང་ཕྲུག་སྟོབས་ལགས་ཀྱིས་མ་ཀློག་ཀ་མེད་ཀྱི་དཔེ་དེབ་གཉིས་དྲ་ཐོག་ཏུ་ངོ་སྤྲོད་གནང་བ་དེར་ངས་རྗེས་སུ་ཡི་རངས་བྱེད་བཞིན་ཡོད་ལ་སེམས་གཏིང་ནས་ཀྱང་དགའ་པོ་བྱུང་།
ཕུན་དབང་དང་བཀྲ་ཤིས་ཚེ་རིང་ནི་དངོས་གནས་བོད་མི་རྒྱལ་གཅེས་རིང་ལུགས་པ་ཞིག་རེད་ལ་ཁོང་གཉིས་ཀྱིས་སོ་སོའི་དམིགས་ཡུལ་ལྟར་བྱས་རྗེས་ཆེན་པོ་བཞག་ཡོད།
ལྷག་ཏུ་བཀྲ་ཤིས་ཚེ་རིང་ལ་ཆ་བཞག་ན་ཁོང་ཉིད་རང་ལོ་ ༡༠ ལ་སོན་དུས་གར་ཕྲུག་གི་ཁོངས་སུ་བདམས་ཐོན་བྱུང་དང་གཅིག བོད་རྙིང་པའི་ཡ་ང་བའི་སྤྱི་ཚོགས་ཀྱི་བརྒྱུད་རིམ་འཁྲོད་བོད་བཞག་སྟེ་རྒྱ་གར་དུ་སློབ་གཉེར་ཆེད་གཉེར་བྱས་པ་དང་གཉིས། རྒྱ་གར་རང་དབང་གྱི་ཡུལ་གྲུའི་བཞག་སྟེ་བློ་ཐག་ཆོད་པོས་ཨ་རིས་བསྐྱོད་པ་དངགསུམ། སྐྱིད་ལ་འཚོ་བའི་སྟོབས་ཆེན་ཨ་རི་བསྐྱུར་ཏེ་གྲོགས་པོ་རྒྱ་ལོའི་རེ་བ་རྩ་བ་ནས་དང་ལེན་མ་གནང་བར་རྒྱ་ནག་ཏུ་ཕྱིར་ལོག་བྱས་པ་དང་བཞི།
སྡུག་ལ་སྐྱོ་བའི་བཙོན་ཁང་འགྲིམས་ཏེ་སླར་ཡང་མ་ཡུམ་བོད་ལྗོངས་སློབ་ཆེན་གྱི་དགེ་རྒན་ཆེན་མོ་བའི་ལས་འགན་འཁུར་ཏེ་རྒྱ་བོད་དབྱིན་གསུམ་ཚིག་མཛོད་བརྩམས་པ་དང་ལྔ། རྒས་ཡོལ་དུ་ཟིན་མཚམས་བོད་ལྗོངས་སུ་སློབ་གྲྭ་ ༧༦ གསར་ཏུ་བཙགས་ཐུབ་པ་དང་དྲུག སྔ་ཕྱིར་བསྐྱེད་མེད་བུ་ལོན་བཏང་ནས་ཤེས་ལྡན་སློབ་མ་གསོ་སྐྱོང་མཛད་པ་དང་སྐྱེ་དངོས་རྩིས་གསུམ་གྱི་ཡང་རྩེར་སོན་པའི་སློབ་གྲྭ་ཆེན་མོའི་སློབ་ཕྲུག་བཞིར་རྒྱ་སྒོར་ཁྲི་ ༤༠ བཏང་ནས་ཕུལ་བྱུང་གི་པཎ་ཊི་ཏའི་གསོ་སྐྱོང་མཛད་པ་དང་དྲུག
མ་འོངས་བོད་རིགས་ཤེས་ལྡན་མི་སྣ་གསོ་སྐྱོང་ཆེད་རྒྱ་སྒོར་ཁྲི་ ༢༠༠ ཐམ་པའི་བཀྲ་ཤིས་ཚེ་རིང་གི་ཐེབ་རྩ་ཁང་ཞིག་གསར་འཛུགས་གནང་བ་དང་བདུན། སྔ་ཕྱིར་རང་སྐྱོང་ལྗོངས་མི་དམངས་འཐུས་ཚོགས་སོགས་སུ་གྲངས་ཉུང་མི་རིགས་ཀྱི་སྐད་ཡིག་ཡར་རྒྱས་གཏོང་དགོས་པའི་སྙན་ཞུ་ཕུལ་བ་སོགས་བོད་ཀྱི་ཤེས་ཡོན་སློབ་གསོའི་ཐད་ལ་མཛད་རྗེས་བླ་ན་མེད་པ་བཞག་ཐུབ་པ་དང་བརྒྱད། ད་དུང་ཁོང་གི་སྐུ་ཚེའི་མཐའ་འཇུག་ཏུ་མདོ་སྨད་དང་མདོ་སྟོད་སོགས་སློབ་གྲྭ་གང་མང་གསར་འཛུགས་གནང་རྒྱུའི་མཆོད་སེམས་དང་ཕྱི་ལོ་ ༢༠༡༠ ལོར་སླར་ཡང་བཀྲ་ཤིས་ཚེ་རིང་གི་སྔར་གྱི་ཚིག་མཛོད་སྟེངས་མིང་ཚིག་གསར་དུ་ཁ་སྐོང་མཛད་དེ་གངས་ཅན་ལྗོངས་དང་། གངས་ཅན་མི་རིགས། གངས་ཅན་གྱི་སློབ་གསོ་སོགས་ཕྱོགས་མང་པོར་ཆེས་བླ་ན་མེད་པའི་རླབས་ཆེན་གྱི་མཛད་རྗེས་བཞག་དང་འཇོག་བཞིན་ཡོད་པ་འདི་དག་མཐོང་དུས་སེམས་གཏིང་ནས་དགའ་སྐྱོའི་སྣང་བ་ཚད་མེད་ཅིག་ངང་ངང་ཤུགས་ཤུགས་སུ་སྐྱེ་བཞིན་འདུག
གང་ཉིད་སྐུ་ཚེ་རིང་བའི་སྨོན་ལམ་གྲངས་མེད་ཞུ།
དབྱངས་བུ།
ཁྱེད་རང་གིས་དྲིས་པ་ བཞི་པ།༼ད་ལྟའི་གངས་སྐྱིད་ཀྱི་ལས་བྱེད་ཀྱི་རྣམ་པ་དང་སྔོན་མའི་སྐུ་དྲག་གི་རྣམ་འགྱུར་ལ་ཁྱད་པར་གང་འདུག་གམ། ཡང་ན་འདྲ་བའི་ཆ་གང་འདུག༽
ཅེས་གསུངས་པ་ལ་ཞུ་རྒྱུར། རྩ་བའི་གུས་རང་བཙན་བྱོལ་ལ་འཚར་ལོངས་བྱེད་པའི་གངས་སྐྱིད་ལས་བྱེད་ཅིག་ཡིན་ལ། བོད་གཞུང་དང་ཕྱི་རྒྱལ་རོགས་ཚོགས་ཀྱི་རྒྱབ་རྟེན་མེད་པའི་ཐོག་ནས་ཕ་མས་ལམ་བཟོ་རྒྱུགས་ཏེ་སློབ་སྦྱོང་མཐར་སོན་བྱས་པ་ཞིང་ཡིན། སྔོན་མའི་སྐུ་དྲག་མཐོང་མ་མྱོང་ལ། ཁོང་རྣམ་གྱི་རྣམ་འགྱུར་ག་ལ་མཐོང༌། ཞུ་དོན་གཙོ་བོ། སྐྱབས་མགོན་རིན་པོ་ཆེའི་བཀའ་དགོངས་གཞི་གྲུབ་རྒྱུ་ནི་གུས་པའི་མི་ཚེའི་མདུན་ལམ་ཆེ་ཤོས་དེ་ཡིན་ལ། ང་ལྟ་བུ་སྲི་ཞུ་བ་ཕལ་བ་ཞིག་གི་བསམ་བློ་གཏོང་སྟངས་དེ་ཡིན་ན། ངའི་གོང་རིམ་གྱི་ལས་བྱེད་པ་ཚོའི་བསམ་བློ་དེ་བས་ཀྱང་ཆེ་བ་ཡོད་ཅེས་གདེང་སྤོབ་ངང་བརྗོད་ཐུབ། འདིའི་ཐད་ཁྱེད་རད་ཐུགས་ཁྲལ་མ་གནང་རོགས།
སྟོབས་ལགས། ཁྱེད་ཀྱི་མ་ཀློག་ཀ་མེད་ཀྱི་དེབ་ཕྲེང་གཉིས་ངོ་སྤྲོད་བྱས་པ་བཀའ་དྲིན་ཆེ། འདིའི་སྐོར་ལ་ངེད་གཉིས་ཀྱི་ག་ལེར་གླེང་མོལ་བྱེད་རྒྱུ་ཡིན།
ཐོག་མ་ངས་གཙང་ཕྲུག་སྟོབས་ལགས་ལ་བཀྲ་ཤིས་བདེ་ལེགས་ཞུ་བ་དང་ཁྱོད་ཀྱི་ཆུང་མ་དབང་མོ་ལགས་ཁམས་བཟང་ངམ། ཁྱོད་ཀྱི་དངོས་གནས་ནོར་མི་འདུག། ཕྱོགས་ལྷོང་དང་རྙེང་བཞེན་མེད་པའི་ཐོག་ནས་བཤད་ན་ཁོང་གཉིས་ནང་བཞིན་ལ་རྒྱལ་དང་སྙིང་སྟོབས་སྤྱིར་སེམས་མི་རིགས་སྤྱིར་འཛིན་གྱི་ལྟར་བ་ལྡན་པའི་བོད་མི་དེ་གཉིས་ཁོ་ན་རེད་ཟེར་ན་ཆོག།
ཡག་པོ་འདུག།
ངས་ནི། ཕུན་ཚོགས་དབང་རྒྱལ་ལགས་དང་བཀྲ་ཤིས་ཚེ་རིང་ལགས་གཉིས་ནི། རང་གི་མི་ཚེ་ཧྲིལ་པོའི་ནང་ལ་རང་གི་ཆོས་དང་ལེགས་བྱང་གི་ཞག་རྩི་མྱངས་མ་ཐུབ་ན་ཡང་། རང་གི་མི་རིགས་ལ་རྒྱལ་ཞེན་དང་བྱས་རྗེས་ཅན་གྱི་མི་གཉིས་ལ་ངོ་འཛིན་ཞུ་བགྱིད་ཡོད།
འོན་ཏེ་གལ་ཆེ་ཤོས་ནི་དྲ་གྲོགགས་ཚོས་མ་ཀློག་ཀ་མེད་ཀྱི་དེབ་ཀློག་ནས་མ་བྱེད་ཀ་མེད་ཀྱི་ལས་ལའང་གཞོལ་རྒྱུ་གལ་ཆེར་མཐོང།
གཙང་ཕྲུག་སྟོབས་ལགས་ཀྱིས་རྒྱལ་གཞེན་ཅན་གྱི་མི་སྣ་དེ་གཉིས་ངོ་སྤྲོད་གནང་བར་ཐུགས་རྗེ་ཆེ།
གུས་པས་དེ་སྔོན་གལ་ཆེ་སྣ་དེ་གཉིས་ཀྱི་མཚན་ཐོས་པ་ཙམ་ལས་དོ་གནང་དེ་ཙམ་མ་བཞག་དེ་རིང་དོ་གནང་གསར་པ་ཞིག་གི་ཐོག་ནས་དཔེ་དེབ་དེ་གཉིས་ཀློག་རྒྱུའི་འདུན་པ་ངམ་ངམ་ཤུགས་ཀྱིས་སྐྱེས་སོང།
བཀའ་དྲིན་ཆེ།
རྒྱུ་བདག་མེད་པའི་བོད་མི་རྣམས་་བཀྲིན་བསམ་ཤེས་མེད་པ་ཁྱི་ལས་སྐྱོ་།ཨ་ཁ་ཨ་ཁ་ཨ་ཁ་
ཨོ་ཡིན་རྒྱུ་རེད་མི་སོ་སོའི་དགའ་ཕྱོགས་དང་མཐུན་བློར་བབས་ནི་རེད།
(Freedom In Exile) = རང་ཡུལ་ལ་རང་དབང་། གི་བཟློག་ཕྱོགས། བཙན་བྱོལ་ལ་རང་དབང་། ཞེས་བསྒྱུར་དགོས་སྙམ།
དེང་སྐབས་མཐོ་སློབཡིག་རྒྱུགས་སླེབས་ལ་ཉེ་བས་གྲ་སྒྲིག་བྱེད་དགོས་པར་སོང། འབྲེལ་འཚུབ་ངང་གོང་གསལ་བསམ་ཚུལ་དང་དྲི་བ་ཁག་བྲིས་པས། ཡིག་ལྷག་དང་ཡིག་ནོར་འགའ་ཤས་བྱུང་འདུག་པས། དགོངས་སེལ་ཡོང་བ་ཞུ།།
དེང་སྐབས་མཐོ་སློབཡིག་རྒྱུགས་སླེབས་ལ་ཉེ་བས་གྲ་སྒྲིག་བྱེད་དགོས་པར་སོང། འབྲེལ་འཚུབ་ངང་གོང་གསལ་བསམ་ཚུལ་དང་དྲི་བ་ཁག་བྲིས་པས། ཡིག་ལྷག་དང་ཡིག་ནོར་འགའ་ཤས་བྱུང་འདུག་པས། དགོངས་སེལ་ཡོང་བ་ཞུ།།
གཙང་ཕྲུག་སྟོབས་ལགས།
ལན་འདེབས་ཡོང་བ་ཞུ།
དང་པོ།
༸རྒྱལ་བའི་མཛད་རྣམ་(Freedom In Exile)བོད་བསྒྱུར་ཞུས་ན། ༼བཙན་་བྱོལ་ནང་གི་རང་དབང།༽དང་། ༼ཕྱི་ཡུལ་དུ་རང་དབང་༽གཉིས་གང་བསྒྱུར་ན་བདེ་བ་འདུག་གམ།
གཉིས་པ།
ཉིད་རང་པཎ་ཆེན་རིན་པོ་ཆེ་ཞབས་ཞུ་བསྟི་གནས་ཁང་གི་ལས་བྱེད་ཡིན་པ་མ་ཟད། ཁོང་གི་མཛད་རྣམ་༼སློབ་དཔོན་ཆེན་པོ་པཎ་ཆེན་རིན་པོ་ཆེ།༽ཞེས་པར་གདེངས་འཇོག་གནང་མཁན་ཡིན་འདུག་ན། ཕྱག་དེབ་དེ་བོད་ནང་དཔར་བསྐྲུན་དང་འགྲེམས་སྤེལ་བཀག་འགོག་བྱས་ཟིན་པས། ཁྱེད་ཀྱིས་ལས་ཁུངས་ཡིག་ཆ་ཤོག་ཛར་དེ་འདྲ་དཔར་འདེབས་ཞུས་པ་ལས་གོང་གི་མཛད་རྣམ་དེ་དཔར་བསྐྲུན་བྱས་ན་མི་ལེགས་སམ།
གསུམ་པ།
དྲ་རྒྱ་དང་ཚགས་པར་ནང་རྩོམ་ཡིག་འབྲི་མཁན་ཕལ་ཆེ་བ་གྲ་བཙུན་ཡིན་པ་དང། ད་ལན་བཀྲ་ཤིས་ཚེ་རིང་ལགས་ཀྱི་ལོ་རྒྱུས་བོད་བསྒྱུར་ཐོན་ཀྱང་དྲ་རྒྱ་དང་ཚགས་ཤོག་ཁག་ནང་ཕུན་དབང་གི་ལོ་རྒྱུས་ཐད་དཔྱད་བརྗོད་བྱས་པ་ལྟར་བྱེད་མཁན་མི་འདུག ཁྱེད་ཀྱིས་བལྟས་ན་བཀྲིས་ཚེ་རིང་ལགས་ཀྱི་དེབ་ནང་དགེ་འདུན་པའི་སྡེའི་ནང་ཕྲུ་གུ་ཆུང་ཆུང་ལ་ཆགས་སྤྱོད་བྱེད་མཁན་ཡོད་པ་གསལ་བརྗོད་བྱས་པ་རྒྱུ་མཚན་གྱིས་ཡིན་པ་དྲན་གྱི་འདུག་གམ། ཡང་ན་དཔྱད་བརྗོད་བྱེད་མཁན་དེ་ཙམ་མེད་དོན་ཅི།
བཞི་པ།
ད་ལྟའི་གངས་སྐྱིད་ཀྱི་ལས་བྱེད་ཀྱི་རྣམ་པ་དང་སྔོན་མའི་སྐུ་དྲག་གི་རྣམ་འགྱུར་ལ་ཁྱད་པར་གང་འདུག་གམ། ཡང་ན་འདྲ་བའི་ཆ་གང་འདུག
ལྔ་པ།
ཉིད་ཀྱི་མཚན་གི་མགོ་ལ་༼གཙང་༽ཞེས་སྨྲོས་དགོས་དོན་གང་ཡིན་ནམ། གཙང་ནས་ཡིན་མཁན་ཚང་མས་མིང་མགོར་གཙང་ཞེས་སྦྱར་བ་དང། ཁམས་ནས་ཡིན་མཁན་ཚང་མས་མིང་མགོར་༼མདོ་ཁམས་པ་༽ཞེས་སྦྱར་བ་དང། ཨ་མདོ་ནས་ཡིན་མཁན་ཚོས་མིང་མགོར་༼མདོ་སྨད་པ་༽ཞེས་སྦྱར་ན་དམིགས་སབསལ་ཁྱད་ཆོས་འདྲ་ཡོད་དམ། རྒྱུ་མཚན་གང།
སླར་ཡང་ལན་འདེབས་ཡོང་བའི་རེ་བ་ཞུ།།
བཀྲ་ཤིས་ལགས་ཀྱི་ལོ་རྒྱུས་བོད་བསྒྱུར་དཔེ་དེབ་ལས་འཕྲོས་པའི་གཏམ།
ཐོག་མར་དཔར་བསྐྲུན་གསལ་བཤད་བཀླགས་རྗེས།
དཔེ་མཛོད་འགན་འཛིན་དགེ་བཤེས་ལྷག་རྡོར་ཞུ་བ་ཁོང་ཁ་བཤད་ལྟར་བོད་ཡིག་འབྲི་རྩལ་དེ་ཙམ་ཨེ་ཡོད་སྙམ་པའི་ཚོར་སྣང་བྱུང། དེ་ཡང་ཁོང་གི་མིང་གྲགས་དང་བསྡུར་ནས་བརྗོད་པ་ཡིན།
བསྒྱུར་པ་པོའི་གཏམ་བཀླགས་རྗེས།
ཆུང་ཚེ་རིང་ལགས་ནི་གུས་པས་དགའ་ཤོས་བྱེད་སའི་བཙན་བྱོལ་དེ་རེད། ཁོང་གི་བསྒྱུར་བའི་དཔེ་དེབ་ཁག་གི་སྤུས་ཚད་དང་མགྱོགས་ཚད་གཉིས་ཀ་ཡག་པོ་འདུག དེ་ཡང་ཐོག་མར་ཕྱི་ལོ་་༢༠༠༨ཟླ་་༢་ནང་བསྒྱུར་མགོ་བརྩམས་པ་ནས་སྔ་དགོང་ལས་ཞོར་དང་རེས་གཟའ་སྤེན་པ་དང་ཉི་མ་སོགས་ལ་བསྒྱུར་བ་དང། སྐབས་ཤིག་རིང་བོད་ནང་གནས་ཚུལ་བྱུང་རྗེས་ཛ་དྲག་ལས་འགུལ་ཚོགས་ཆུང་གི་ལས་དོན་རྐྱེན་པས་ཟླ་ངོ་དྲུག་ཙམ་རིང་ལས་མཚམས་འཇོག་དགོས་བྱུང་བ་སོགས་ལ་གཞིགས་ཚེ་ལོ་ངོ་གཅིག་ཙམ་རིང་ཆ་ཚང་ལེགས་སྒྲུབ་ཟིན་འདུག ལྷག་པར་ཁོང་ནི་དྲིན་བྱས་ཐམས་ཅད་དྲིན་དུ་ཚོར་མཁན་གྱི་མི་ཤེས་ཡོན་ཅན་ཞིག་ཡིན་པར་སེམས། དེ་ཡང་ཁོང་གིས་དཔེ་དེབ་དེ་དང་འབྲེལ་བའི་མི་སྣ་ཡོངས་ཀྱི་མིང་ནས་སྨྲོས་ཏེ་ཐུགས་རྗེ་ཆེ་ཞུས་པ་མ་ཟད། དཔེ་དེབ་བོད་བསྒྱུར་ཞུས་པའི་དགེ་རྩ་རྣམས་ཁོང་དང་ཁོང་གི་བཟའ་ཟླའི་ཕ་མ་གཉིས་ཀྱི་བཀའ་དྲིན་གསོལ་ཆེད་དུ་བསྔོས་འདུག ལྷག་པར་དཔེ་དེབ་མ་ཟིན་བསྒྱུར་རྗེས་ཞུ་དག་ལན་མང་བྱས་པ་མ་ཟད། ཞུ་དག་གནང་མཁན་ཕལ་ཆེ་བ་སྐད་ཡིག་མཁྱེན་མཁན་དང་བོད་ཡིག་ཐད་མཁྱེན་རྒྱ་གཟབ་པ་ཞེ་གཅིག་རེད་འདུག་ན། སླད་ཕྱིན་བསྒྱུར་གྱི་ལས་ཀའི་ཐད་ལེགས་ཆ་མང་པོ་ཐོབ་རྒྱུ་འདུག་པ་བཅས་སོ།།
རྒྱ་མི་བོད་ལ་འཁྲིད་རོགས་བྱེད་མཁན་ཕུན་དབང་ལ་སྔོན་མ་དཔའ་བོ་རེད་ཅེས་བཤད་པ་རེད། ད་བཙན་བྱོལ་གཞུང་ལ་ཁས་ལེན་མ་བྱས་པར་བོད་ལ་ལོག་མཁན་བཀྲ་ཤིས་ཚེ་རིང་ཡང་བོད་ཀྱི་དཔའ་བོར་བརྩི་གི་འདུག ད་རང་བཙན་གཙང་མ་རྩོད་མཁན་ཚོ་བོད་ཀྱི་དགྲ་ངོ་མ་ཆགས་ས་རེད།
འདི་བང་ཆེན་གསར་ཤོག་གི་རྩོམ་སྒྲིག་པའི་ཆེད་བརྗོད་ནས་ཚུར་བཤུས་པ་ཡིན།
ལྷག་བསམ་ཅན་གྱི་དཔའ་བོ་བཀྲ་ཤིས་ཚེ་རིང།
ཉེ་བའི་ཆར་སྐད་གྲགས་ཅན་གྱི་དབྱིན་བོད་ཡིག་སྒྱུར་བ་ཆུང་ཚེ་རིང་ལགས་ཀྱིས་དེང་སྐབས་བོད་ནང་དུ་བཞུགས་པ་བཀྲ་ཤིས་ཚེ་རིང་ལགས་ཀྱི་ལོ་རྒྱུས་དབྱིན་ཡིག་ནས་བོད་བསྒྱུར་གནང་བ་བོད་ཀྱི་དཔེ་མཛོད་ཁང་གིས་པར་སྐྲུན་གནང་ཡོད་པ་དང། དེབ་དེ་ཞིབ་ཀློག་ཚར་གཅིག་བྱས་ན་གྲོང་གསེབ་དཀྱུས་མའི་བུ་ཕྲུག་བཀྲ་ཤིས་ཚེ་རིང་ལགས་ཀྱིས་རང་ཉིད་ཀྱི་འབད་འབུངས་ཁོ་ན་ལ་བརྟེན་ནས་རྒྱ་གར་དང་ཨ་རི་ནས་སློབ་སྦྱོང་བྱས་ཤིང། རང་ཉིད་ལ་མདུན་ལམ་ཕུན་སུམ་ཚོགས་པ་ཡོད་བཞིན་དུ་མི་རིགས་ཀྱི་ལ་རྒྱ་དང་བོད་ཡུལ་གྱི་ཡར་རྒྱས་ཆེད་རང་ཉིད་བློས་བཏང་ནས་༡༩༦༣ ལོར་ཨ་རི་ནས་བོད་དུ་ཕྱིར་ལོག་ཕོད་པའི་ལྷག་བསམ་བཅས་ནི་སུས་བལྟས་ཀྱང་བསྔགས་བརྗོད་ཀྱི་ཡུལ་དུ་གྱུར་ཡོད་པ་རེད། ཁོང་གིས་”ཡུན་རིང་བསམ་གཞིག་མང་པོ་བྱས་པའི་རྗེས་ངས་རྒྱ་མི་བོད་དུ་ཡོང་བ་དང་དམར་ཤོག་གི་ལམ་ལུགས་དང་ལེན་བྱེད་རྒྱུ་དང། དེ་ལྟར་བྱས་ན། ང་རང་ལ་ཐོབ་པའི་ཤེས་ཡོན་རྣམས་བེད་སྤྱོད་བྱེད་བཅུག་སྟེ་བོད་དེ་དེང་རབས་ཀྱི་ཁྱད་ཆོས་མང་ཙམ་ལྡན་པའི་རྒྱལ་ཁབ་ཅིག་ཏུ་བསྒྱུར་རྒྱུར་རོགས་རམ་བྱེད་ཐུབ་ངེས་ཡིན། བཙན་བྱོལ་ནང་གི་རྒྱལ་ཞེན་རིང་ལུགས་ཙམ་གྱིས་ང་རང་ལ་བློ་ཁ་ཚིམ་ཐབས་མི་འདུག་”ཅེས་བོད་དུ་ཕྱིར་ལོག་དགོས་པའི་རྒྱུ་མཚན་བགྲང་ཡོད་པ་རེད། ད་དུང་ཁོང་གིས་”ཕྲན་གྱི་ཐོག་མའི་དད་སེམས་ནི་རང་ཉིད་ཀྱིས་ཆུང་དུས་ནས་སྦྱངས་པའི་སངས་རྒྱས་ཀྱི་གསུང་ལ་བརྟེན་ནས་བྱུང་ཞིང། ངའི་དམངས་གཙོའི་ཡིད་ཆེས་ནི་ཨ་རིའི་སློབ་གྲྭའི་ནང་ནས་སྦྱོང་སྐལ་བྱུང་བའི་ནུབ་ཕྱོགས་ཀྱི་བློ་རྒྱ་ཡངས་པའི་ལྟ་གྲུབ་ལ་བརྟེན་ནས་བྱུང། དེ་བཞིན་ངའི་རྒྱས་སྤྲོས་མེད་པའི་འཚོ་བ་ནི། བོད་མིའི་བཅོས་མ་མ་ཡིན་པའི་འདོད་ཆུང་ཆོག་ཤེས་ཀྱི་གཤིས་ཀ་བརྟེན་ནས་བྱུང་”ཞེས་དང། ”ང་སྔོན་མའི་བོད་ཀྱི་ཆོས་སྲིད་ཟུང་འབྲེལ་གྱི་ཞིང་བྲན་སྤྱི་ཚོགས་དེར་བསྐྱར་ལོག་བྱེད་འདོད་མཐའ་གཅིག་ཏུ་མེད་ལ། དེ་བཞིན་བསྒྱུར་བཅོས་དང་དེང་རབས་ཅན་གྱི་རིན་དོད་དུ་རང་གི་སྐད་ཡིག་དང་རིག་གཞུང་རྩ་བརླག་ཏུ་འགྲོ་དགོས་པ་རེད་རྩ་བ་ནས་བསམ་གྱི་མེད།”ཅེས་གསུངས་པ་དེ་དག་གི་ཐོག་ནས་ཁོང་ནི་གནད་དོན་གང་ཡིན་ཡང་དབྱེ་ཞིབ་ཀྱིས་གདམ་ག་གནང་བ་ལས། བཤད་སྒྲོས་དང་ལུགས་སྲོལ་ཨ་གསར་ཙམ་གྱི་རྗེས་སུ་མི་འབྲངས་པར་སྙིགས་དོར་བཅུད་ལེན་གྱི་གནད་ལ་མཁས་པ་ཧ་ཅང་གསལ་པོར་གྱུར་ཡོད། ཁོང་ལ་མི་ཚེ་ཧྲིལ་པོའི་རིང་ཕྱོགས་མང་པོ་ནས་དོགས་པ་རྣམ་རྟོག་དང་ཐ་ན་བཙོན་ཁང་དུ་མནར་གཅོད་ཕོག་ཀྱང་སེམས་ཤུགས་མ་ཆག་པར་རང་ཉིད་ཀྱི་ཕུགས་བསམ་ཆེད་ལས་དོན་རྒྱུན་འཁྱོངས་གནང་བ་མ་ཟད། སྐབས་རེ་འགལ་རྐྱེན་དེ་དག་ནི་ལས་དོན་ལ་ཧུར་བརྩོན་བྱེད་པའི་སྐུལ་ལྕག་ལྟ་བུར་བསྒྱུར་ཐུབ་པ་ནི་ཕུལ་དུ་བྱུང་བའི་སྙིང་སྟོབས་ཁོ་ན་ལ་བརྟེན་ནས་བྱུང་བ་རེད།
བོད་ནང་དུ་ཁོང་གིས་སློབ་གྲྭ་༧༥ ཙམ་གསར་འཛུགས་གནང་ཐུབ་པ་བྱུང་ཡོད་ལ། དེ་དག་ཀྱང་རོགས་རམ་ཁོ་ན་ལ་བརྟེན་པ་ཞིག་མ་ཡིན་པར། ཁོང་བོད་ལྗོངས་སློབ་གྲྭ་ཆེན་མོའི་སློབ་དཔོན་ཆེན་མོ་ལས་རྒས་ཡོལ་སྔ་བསྣུར་གྱིས་བོད་ནང་གི་ལག་ཤེས་ཐོན་ལས་ས་གདན་ཨ་རི་སོགས་ནུབ་ཕྱོགས་སུ་ཚོང་འགྲེམས་ཀྱི་གོ་སྐབས་བཙལ་ནས་མི་མང་གི་འཚོ་བ་ཡར་རྒྱས་ལ་ཕན་པ་དང། ཚོང་གཉེར་དེའི་ཁེ་འབབ་དེ་གཙོ་བོ་བྱས་ནས་བོད་མི་རིགས་ཀྱི་སློབ་གསོའི་ཆེད་དུ་ལེགས་སྐྱེས་ཕུལ་བ། 《བོད་རྒྱ་གསུམ་ཤན་སྦྱར་གྱི་ཚིག་མཛོད་ཆེན་མོ་》 རྩོམ་སྒྲིག་གནང་བ་སོགས་བོད་ཀྱི་སློབ་གསོའི་ཐོག་བྱས་རྗེས་རླབས་ཆེན་བཞག་ཡོད་པ་མ་ཟད། རྒྱ་ནག་གཞུང་ལ་བོད་ཀྱི་སློབ་གསོ་དང་འབྲེལ་བའི་སྐོར་གྱི་སྙན་ཞུ་ཐེངས་མང་ཕུལ་ཡོད་པ་དང། བོད་མི་རིགས་གཅིག་རྐང་འཛིན་པ་གསོ་སྐྱོང་བྱ་རྒྱུའི་འཆར་གཞི་དང། སྐྱེད་མེད་བུ་ལོན་ལ་བརྟེན་ནས་བོད་ཁུལ་ཡར་རྒྱས་གཏོང་ཆེད་སོགས་འབད་བརྩོན་སྣ་མང་གནང་ཡོད། མདོར་ན་བོད་མི་རིགས་རྗེས་ལུས་ཐེབས་པའི་རྒྱུ་རྐྱེན་གཙོ་བོ་མི་མང་དཀྱུས་མ་ལ་ཤེས་ཡོན་མེད་པ་འབའ་ཞིག་ལ་བརྟེན་ནས་བྱུང་བ་དང། མ་འོངས་པའི་མི་རབས་རྣམས་ལ་ཤེས་ཡོན་གྱི་གོ་སྐབས་འཐོབ་ཐུབ་པ་བྱས་ནས་བོད་ཡུལ་ཡར་རྒྱས་སུ་གཏོང་དགོས་པ་ནི་ཁོང་གི་དམིགས་འདུན་གཙོ་བོ་རུ་བཟུང་ཡོད་པ་རེད།།
དེབ་འདི་གཉིས་ཀ་ཞིབ་པར་བལྟས་པ་ཡིན། ཕུན་དབང་དང་བཀྲ་ཚེའི་སྙིང་སྟོབས་ལ་སྨོན་སེམས་སྐྱེས། ཁོང་གཉིས་ཀྱིས་རྒྱ་གུང་ཁྲན་གྱི་དབང་བསྒྱུར་ཁས་བླངས་པ་དེ་ཚོར་མ་འདོད་པ་བྱུང་།
བཀྲ་ཤིས་ཚེ་རིང་གིས་གལ་སྲིད་བོད་ལ་མ་ལོག་པར་མུ་མཐུད་རྒྱ་གར་ནང་བསྡད་ཚེ། གནས་ཚུལ་ཅི་ཞིག་བྱུང་ཡོད་དམ། དེ་ཚོ་དངོས་གནས་བསམ་བློ་གཏོང་དགོས་འདུག
དེང་སྐབས་ཁོང་གཉིས་ལྟ་བུའི་བློ་ཁོག་ཅན་ག་ཚོད་ཡོད་དམ།
གཙང་ཕྲུག་སྟོབས་ལགས་ལགས། ཉིད་ཀྱིས་དཔེ་དེབ་གཉིས་ངོ་སྤྲོད་གནང་བ་བཀའ་དྲིན།
༡ འབའ་བ་ཕུན་དབང་གི་ལོ་རྒྱུས་དེ་བཀླགས་ནས་ལོ་གཉིས་ཙམ་ཕྱིན་སོང་། ངའི་གྲོགས་པོ་ཚོས་ཕུན་དབང་གི་སྐོར་ལ་ཟླ་བ་དྲུག་ཙམ་རིང་བགྲོ་གླེང་བྱས་སོང་། དེ་རིང་ཁྱོད་ཀྱིས་ངོ་སྤྲོད་གནང་བ་འདིས་འབའ་བ་ཕུན་དབང་གི་སྐོར་ལ་གོ་ཐོས་མེད་མཁན་རེ་ཟུང་ཡོད་སྲིད་པ་དེ་དག་ལ་ཕན་པའི་རེ་བ་བྱེད་བཞིན་ཡོད།
༢ བཀྲ་ཤིས་ཚེ་རིང་གི་ལོ་རྒྱུས་དེ་ལྷོ་ཕྱོགས་སུ་འབྱོར་ཟིན་འདུག་ལ། ང་དང་གྲོགས་པོ་ཚོས་བཀླགས་ཟིན་ནས་དེའི་སྐོར་ལ་བགྲོ་གླེང་བྱེད་བཞིན་ཡོད་ལ། ང་ཚོའི་བགྲོ་གླེང་ནང་གཙོ་བོ་ཁོང་གི་བཙན་བྱོལ་བོད་གཞུང་ལ་ལྟ་ཚུལ་དེ་སྔ་ཕྱི་བར་གསུམ་གྱི་བརྒྱུད་རིམ་ཁྲོད་འགྱུར་བ་ག་ཚོད་ཕྱིན་ཡོད་མེད་ནས་འགོ་བརྩམས་འདུག
ཁོང་དང་ང་ཚོའི་བར་ལ་འགལ་བ་མང་ངེས་ཀྱང་ང་ཚོས་ཁོང་བཞིན་གང་བྱེད་ཐུབ་པ་འདུག དེ་ནི་ང་ཚོ་ལ་ཁོང་གི་ལོ་རྒྱུས་ཀྱིས་བཏོན་པའི་དྲི་བ་རེད།
འོ་ན་ཁྱོད་ཀྱིས་དེ་ལ་ལན་གང་འདེབས་རྒྱུ་ཡིན།