༧གོང་ས་མཆོག་གིས་རྒྱ་གར་གྱི་ ༢༠༡༡ ལོའི་རྒྱ་གར་གྱི་མི་འབོར་ཞིབ་བཤེར་གྱི་འགེངས་ཤོག་བཀང་ཡོད་པ་དང་། ཁོང་ཉིད་རྒྱ་གར་དུ་ལོ་ ༥༠ ལྷག་ལ་བཞུགས་སྟབས་མི་འབོར་ཞིབ་བཤེར་གྱི་ལས་རིམ་འདིའི་ནང་ཞུགས་རྒྱུར་སྤྲོ་བོ་བྱུང་ཞེས་གསུངས་ཡོད་འདུག
རྒྱ་གར་གྱི་མི་འབོར་ཞིབ་བཤེར་ལས་ཁུངས་ཀྱི་མི་སྣ་སྐུ་ཞབས་ བྷི་ ཨར་ ཆོ་ཧན་ཞུ་བ་ཞིག་གིས་ ANI གསར་ཁང་ལ་བརྗོད་དོན། ང་ཚོ་ཏཱ་ལའི་བླ་མ་མཆོག་གི་སྐུ་མདུན་དུ་བཅར་བ་ཡིན། ཁོང་གིས་ཐུགས་སྤྲོ་བོ་དང་བཅས་མི་འབོར་ཞིབ་བཤེར་གྱི་འགེངས་ཤོག་དེ་བརྒྱངས་སོང་། ཁོང་གིས་གསུངས་དོན། ཁོང་ཉིད་རྒྱ་གར་དུ་འདས་པའི་ལོ་ ༥༠ ལྷག་གི་རིང་བཞུགས་པ་ཡིན་སྟབས། ཕྱི་ལོ་ ༢༠༡༡ ལོའི་མི་འབོར་ཞིབ་བཤེར་གྱི་ནང་དུ་ཚུད་པ་དེར་ཧ་ཅང་ཐུགས་སྤྲོ་བོ་བྱུང་ཚུལ་གསུངས་སོང་ཟེར།
སྐུ་ཞབས་བྷི་ ཨར་ ཆོ་ཧན་ལགས་ཀྱིས་མུ་མཐུད་བཤད་དོན། ཏཱ་ལའི་བླ་མ་མཆོག་གིས་ད་དུང་གསུངས་རྒྱུར། བཙན་བྱོལ་སྤྱི་ཚོགས་ནང་གི་བོད་མི་ཚང་མས་འགེངས་ཤོག་འདི་བརྒྱངས་དགོས་པ་རེད། དེ་ལྟར་བྱས་ན་ཚང་མར་དམིགས་བསལ་ངོ་རྟགས་ཀྱི་འཛིན་བྱང་རག་གི་རེད་ལ། རྗེས་ཕྱོགས་མི་སྒེར་གྱི་ཡིག་ཆའི་ནང་དུ་འགོད་ཐུབ་གི་རེད་ཅེས་གསུངས་སོང་ཟེར།
འདི་ནི་བཙན་བྱོལ་བོད་མི་རྣམས་རྒྱ་གར་གྱི་མི་འབོར་ཞིབ་བཤེར་ནང་དུ་བླངས་པ་ཐེངས་དང་པོ་རེད། ༢༠༡༡ ལོའི་ཞིབ་བཤེར་འདི་ནི་མི་སེར་ཚང་མར་སོ་སོའི་དམིགས་བསལ་གྱི་ངོ་རྟགས་ལག་འཁྱེར་ལེན་རག་རྒྱུའི་ལམ་ཁ་དང་པོ་དེ་ཡིན་པའི་ངོས་འཛིན་བྱེད་ཀྱིན་ཡོད་འདུག
རྒྱ་གར་གྱི་མི་འབོར་ཞིབ་བཤེར་དེ་ཧི་མ་ཅལ་མངའ་སྡེའི་ནང་དུ་ཕྱི་ཚེས་ ༧ ཉིན་ནས་མགོ་བཙུགས་ཡོད་འདུག
མི་འབོར་ཞིབ་བཤེར་འདི་རྒྱལ་ཁབ་གང་དེའི་མངའ་འབངས་ཀྱི་གྲངས་ཚད་གཏན་ཁེལ་བྱ་བའི་ལས་དོན་ཞིག་རེད། ང་ཚོ་རྒྱ་གར་ལ་སྐྱབས་བཅོལ་ནས་བསྡད་ཡོད་པ་ལས་རྒྱལ་འབངས་བྱས་ནས་སྡོད་ཀྱི་མེད་པ་རེད། ང་ཚོ་རྒྱལ་འབངས་མ་ཡིན་པའི་རྒྱལ་ཁབ་ཞིག་ལ་རྒྱལ་འབངས་ཞིབ་བཤེར་གྱི་ལས་རིམ་ནང་མཉམ་ཞུགས་བྱ་རྒྱུ་དེ་རང་ཉིད་ཀྱི་ས་མཚམས་ནས་ཐལ་དྲག་པའི་བྱ་བ་ཞིག་རེད་དོ། ང་ཚོའི་མི་དྲག་ཁ་ཅིག་ས་གནས་ཡུལ་མིའི་ལག་དེབ་བླང་ཡོད་པ་དག་གིས་འགེངས་ཤོག་དེ་བཀང་ན་ཏག་ཏག་རེད། མ་གཏོགས་སྐྱབས་བཅོལ་ལག་དེབ་ལ་བརྟེན་བཞིན་རང་རྒྱལ་བཙན་འོག་ཏུ་གནས་ཡོད་པའི་ངོས་འཛིན་ཡོད་པ་ཞིག་གིས་དེ་ལྟར་བྱ་མི་རུང་ངོ།།
༧་གོང་མཆོག་རྒྱ་གར་གྱི་མི་འབོར་ཞིབ་བཤེར་ལ་ཞུགས་པ་དེ་ཡག་པོ་འདུག།
བཙན་བྱོལ་བོད་མི་རྣམས་ཐེ་ཚོམ་མེད་པར་ལམ་བུ་དེ་ལ་ཤར་བསྐྱོད་བྱས་ན་བཟང་བ་དང་སྤྱི་སྒེར་གཉིས་ཀར་ཕན་པའང་སྲིད།
གང་ལ་གང་འདུལ་དེ་ལ་དེ་སྟོན་པ།།
འཕགས་མཆོག་ཕྱག་ན་པདྨོར་གུས་ཕྱག་འཚལ།།
ལག་འཁྱེར་མེད་ལ་དཀའ་ངལ་འཕྲད་བཞིན་པ་དག་ནི་བོད་ནས་འབྱོར་བའི་བོད་མི་དག་རེད་འདུག ངོ་མ་ཕན་ཐོགས་རེ་ཡོད་ན་ལག་འཁྱེར་བཟོ་ཚད་རེད། དཔལ་འབྱོར་ཆ་རྐྱེན་མེད་ན་རང་གི་ཐོབ་ཐང་ལག་འཁྱེར་གྱི་ཆ་རྐྱེན་མཐུན་རྐྱེན་ཙམ་སྒྲུབ་པར་བཙན་བྱོལ་བོད་གཞུང་འདིས་འབད་པ་ཅུང་ཙམ་བྱས་ན་ཅི་མ་རུང་།
རྒྱ་གར་གྱི་མི་འབོར་ཞིབ་བཤེརགྱི་ནང་དུ་རྒྱ་གར་གནས་སྡོད་བོད་མི་ཡོངས་རྫོགས་མཉམ་ཞུགས་གནང་པ་ཡིན་ན་ འཇུག་འགྱུར་གྱི་ལོ་བརྒྱ་ཕྲག་ཁ་ཤས་ཀྱི་གནས་ཚུལ་འོག ་བོད་དེ་ཡང་རྒྱ་གར་གྱི་མངའ་ཁུངས་ཡིན་པའི་དཔང་རྟགས་གྱུར་ཏེ་དཀའ་ངལ་འཕྲོད་སྲིད་པ་ཞིག་མ་རེད་དམ་། ཛམ་གླིང་གི་འཕོ་འགྱུར་དེ་ནི་སུ་གཅིག་གི་ཚད་དཔག་ཐུབ་པའི་གདེང་མཁེལ་པ་སུ་གཅིག་གི་ཤོད་མིན་ཐུབ་པས་ དེར་བརྟེན་ བློ་གཟུ་བོ་གནས་པའི་དྲ་གྲོགས་དག་ནས་རྣམ་དཔྱོད་གྱི་རྩལ་སྦྱངས་ཏེ་ཐོག་ དགོངས་ཚུལ་ཅིག་གསུངས་བརྡ་ ཉེས་འགག་སུ་མ་མཆིས་སམ་། ནོར་འཁྲུག་ཤོར་ཡོད་ན་དགོངས་སེལ་ཞུ་རྒྱུ་ཡིན་
འདི་ནི་རྒྱ་གར་གཞུང་གིས་༧གོང་ས་མཆོག་མགྲོན་པོ་ཞིག་གི་ས་ནས་མ་བཞག་པར་ཁྱིམ་མི་ངོ་མ་ཞིག་ཏུ་བླངས་པར་རྩི་ཆོག་གམ། ཡང་ན་ཨ་རི་ན་ཅལ་གྱི་དགོས་མཁོ་ཞིག་ཡིན་སྲིད།