ལས་འགུལ་བ་ཞིག་བྲོས་པ།

རྒྱ་ནག་གི་རེག་དུག་ལས་འགུལ་བ་ཝན་ཡན་ཧེ་མཆོག་ཨ་རིར་བྲོས་བྱོལ་དུ་འབྱོར་ཡོད་འདུག

ཕྱི་ཚེས་ ༡༠ ཉིན་བྷི་བྷི་སི་གསར་ཁང་གིས་གནས་ཚུལ་སྤེལ་བ་ལྟར་ན། ཉེ་ཆར་རྒྱ་ནག་གི་རེག་དུག་སྔོན་འགོག་ལས་འགུལ་བ་ Wan Yanhai ཝན་ཡན་ཧེ་ཡིས་རང་གི་ཆུང་མ་དང་ལོ་ ༤ ལ་སོན་པའི་བུ་མོ་ཁྲིད་དེ་ཨ་རིར་གསང་སྟབས་ཀྱིས་བྲོས་བྱོལ་དུ་འབྱོར་ཡོད་པ་དང་། ད་ལྟའི་ཆར་ཁོ་རང་ཨ་རིའི་གྲོང་ཁྱེར་ཆེ་ཤོས་ཧྥེ་ལཱ་ཌེལ་ཧྥི་ཡར་ Philadelphia གནས་སྡོད་བྱེད་བཞིན་ཡོད་འདུག ཨ་རིའི་གསར་འགོད་པས་ཁོང་ལ་བྲོས་བྱོལ་དུ་ཡོང་དོན་སྐོར་བཀའ་འདྲི་ཞུས་སྐབས། ཁོང་གིས་རྒྱ་ནག་སྲིད་གཞུང་གིས་ཉིན་མཚན་བསྟུད་མར་ཁོང་ལ་སུན་པོ་བཟོས་པའི་སྟབས་ཀྱིས་ཨུ་ཐུག་སྟེ་ཐག་གཅོད་འདི་བྱས་པ་ཡིན་ཞེས་ལན་འདེབས་བྱས་ཡོད་པ་རེད།  རང་ལོ་ ༤༦ ལ་སོན་པའི་ཝན་ཡན་ཧེ་ནི་པེ་ཅིན་ Aichi དངུལ་ཁང་ཞིབ་འཇུག་ཚབ་པའི་འགན་ཁུར་བ་ཞིག་ཡིན་ཞིང་།  དེ་ནི་རྒྱ་ནག་ཏུ་ཡོད་པའི་རེག་དུག་ན་ཚ་སྔོན་འགོག་ཐད་ལས་འགུལ་སྤེལ་མཁན་གྱི་གཞུང་འབྲེལ་མིན་པའི་ཚོགས་པའི་གྲས་ཤིག་རེད་འདུག  ཝན་ཡན་ཧེ་ལགས་ནི་རྒྱ་ནག་འཕྲོད་བསྟེན་ལས་ཁུངས་ནས་ཕྱག་ལས་གནང་མྱོང་མཁན་ཞིག་ཡིན་ལ། གོང་གསལ་དངུལ་ཁང་ཞིབ་འཇུག་ཚན་ཁག་དེ་ནི་ཕྱི་ལོ་ ༡༩༩༤ ལོར་ཐོག་མར་དབུ་བརྙེས་པ་ཞིག་རེད།