རྒྱ་ནག་གི་བྱིས་པ་དམར་གསོད་ཀྱི་གྱོད་དོན་མཐའ་མ་དེའི་ནང་དུ་བྱིས་པ་ ༧ བཅད་ཅིང་། ༢༠ རྨས་འདུག
ཕྱི་ཚེས་ ༡༢ ཉིན་ཧྲན་ཞི་ཞིང་ཆེན་གྱི་ནུབ་བྱང་ཁུལ་གྱི་བྱིས་གསོ་ཁང་ཞིག་ཏུ་འཇབ་རྒོལ་གྱིས་བྱིས་པ་ ༧ བསད་པ་དང་། ༢༠ རྨས་ཡོད་འདུག་ཅེས་རྒྱ་ནག་གཞུང་གི་འབྲེལ་ཡོད་མི་སྣས་བཤད་འདུག ལོ་ཤས་རིང་རྒྱ་ནག་ནང་དུ་བྱིས་པ་དམར་གསོད་ཀྱི་དོན་རྐྱེན་ཇེ་མང་དུ་སོང་བ་དང་བསྟུན། རྒྱ་ནག་གཞུང་གིས་ཉེ་ཆར་སློབ་གྲྭ་ཁག་གི་ནང་དུ་བདེ་འཇགས་ཤུགས་ཆེར་བཏང་བ་མ་ཟད། ཉེན་རྟོག་པ་དང་སྒོ་སྲུང་བ་སོགས་ཇེ་མང་དུ་བཏང་ཡོད་པར་མ་ལྟོས་པར། དེ་རིང་ཧྲན་ཞི་ཞིང་ཆེན་དུ་སླར་ཡང་བྱིས་པ་དམར་གསོད་ཀྱི་རྐྱེན་ངན་འདི་བྱུང་ཡོད་པ་རེད།
ཞིན་ཧྭ་གསར་ཁང་གིས་བཤད་དོན། དོན་རྐྱེན་དེ་ཕྱི་ཚེས་ ༡༢ ཉིན་གྱི་ཞོགས་པའི་དུས་ཚོད་ ༨ ཀྱི་སྟེང་བྱུང་ཡོད་པ་དང་། དམར་གསོད་ཀྱི་དོན་རྐྱེན་བྱུང་ས་ནི་ཧྲན་ཞི་ཞིང་ཆེན་གྱི་ཧན་ཀྲུང་གྲོང་ཁྱེར་གྱི་ནན་ཀྲིན་རྫོང་དུ་བྱུང་ཡོད་འདུག
བྱིས་པ་བདུན་བསད་ཅིང་ཉི་ཤུ་རྨས་རྗེས་ལག་དམར་པས་ཁོ་རང་ཉིད་བསད་ཡོད་འདུག་ཅེས་ཧན་ཀྲུང་གྲོང་ཁྱེར་གྱི་དྲིལ་བསྒྲགས་སྡེ་ཚན་གྱི་འགན་འཛིན་གཞོན་པ་ལོའུ་ཞའོ་མིན་ཅེས་པས་ཨེ་པེ་གསར་ཁང་ལ་བཤད་ཡོད་འདུག
དེང་གི་དུས་དེར་རང་བྱུང་གནོད་འཚེ་ས་ཡོམ་གྱིས་མི་གསད་པ་དང་སྣུམ་གྱིས་མཚོ་ནང་གི་ཉ་གསད་པ་དང་མི་སྨྱོན་པས་བྱིས་པ་གསད་པ་དེ་མིན་ཤེས་པ་དང་མི་ཤེས་པའི་གནས་ཚུལ་མང་དག་ཞིག་ལ་ལྟས་ན་འཛམ་གླིང་འདིར་འཚོ་བའི་མི་སྤྱིས་ལས་ངན་མང་དག་ཅིག་བྱས་པའི་འབྲས་བུར་གོ་བ་ལོན་རྒྱུ་ལས་ཞན་གོ་ས་ཞིག་ནི་ངས་མ་རག
མི་འབོར་ཤོང་ཚད་ལས་མང་བས་ཟས་གོས་གནས་མལ་དཀོན། དམར་པོའི་སྲིད་གཞུང་ལ་ནི་ག་ནས་ཐུབ། དེ་ལས་ཉམ་ཆུང་བྱིས་པ་བསད་དེ་སེམས་ཀྱི་དུང་བ་སེལ་ཐབས་ཡིན་སྲིད།
བྱིས་པ་ ༧ བསད་པའི་གནས་ཚུལ་འདི་ཞིན་ཧྭ་གསར་ཁང་གིས་དྲ་ངོས་ནས་བསུབས་འདུག རྒྱུ་མཚན་ཅི་ཞིག་ཡིན་མིན་མ་ཤེས།
རྒྱ་ནག་གཞུང་གིས་འདི་ཚབས་ཆེའི་ལས་འགུལ་ཞིག་ལ་ངོས་འཛིན་བྱས་འདུག དེར་བརྟེན། ཉིན་ཤས་གོང་ནས་སློབ་གྲྭ་ཁག་གི་བདེ་འཇགས་ལ་སྲུང་སྐྱོབ་བྱེད་པ་དང་། ཉེན་རྟོག་པ་འཕར་སྣོན་བྱས་འདུག
གལ་སྲིད་འདི་མི་གཅིག་གི་ཀླད་པ་ཐང་མིན་ལ་འབྲེལ་བ་ཡོད་ན། རྒྱལ་ཁབ་རིམ་པ་ནས་དམིགས་བསལ་གྱིས་འདིའི་ཐད་སྲིད་བྱུས་འཛིན་དགོས་དོན་མི་འདུག་སྙམ།
སྣང་ཚུལ་འདི་ཅུང་ཡ་མཚན་ཞིག་རེད། ཁ་ཆེ་ཚོས་ཕ་རོལ་བོར་གཏོར་རྒོལ་བྱེད་སྐབས་རང་སྲོག་བློས་གཏོང་གིས་རྒོལ་བཞིན་པ་རེད། དེ་དག་ལ་འཇིགས་སྐུལ་རིང་ལུགས་པ་ཞེས་བཏགས་ཡོད་པ་རེད། ཁོང་ཚོའི་དམིགས་འབེན་ཡང་གཞུང་གི་ལས་ཁུངས་དང་ལས་བྱེད། ཟོང་མཁར། ཚོམས་ཆེན། ཚོགས་ཁང་། དམག་སྒར་སོགས་རེད།
རྒྱ་ནག་གི་བྱིས་པ་དམར་གསོད་བྱེད་མཁན་ཚོས་ཀྱང་མཐའ་མ་དེར་རང་སྲོག་བཅད་ཡོང་གི་འདུག དམིགས་འབེན་ནི་བྱིས་པ་ཚོ་རེད། མི་རྣམས་ཀྱི་སྙིང་གི་དུམ་བུ་རེ་རེ་གཏོར་གི་ཡོད་པ་རེད། བཟོད་ཐབས་མེད་པའི་ན་ཟུག་སློང་གི་ཡོད་པ་རེད། འདི་ནི་རྒྱ་ནག་གི་རྒྱལ་ནང་འཇིགས་སྐུལ་རིང་ལུགས་པ་ཡིན་ས་རེད། སྔ་ཕྱི་རིམ་པར་བྱུང་སྟངས་ལ་བལྟས་ན། སྒྲིག་འཛུགས་ཤིག་གི་ངོས་ནས་ཡོང་གི་མེད་དམ་ཡང་སྙམ།
ཨོ་ལེ དོན་མེད་ལ་བྱིས་པ་བསམ་མེད་གསོད་དོན་ག་རེ་ཡིན་ནམ། ཡང་ན་བྱིས་པ་དེ་ཚོ་རྒྱ་དམར་གྱི་དབང་འཛིན་གྲལ་རིམ་གྱི་ཡིན་རྒྱུ་རེད། འདི་ལ་ཏན་ཏན་ཞིབ་འཇུག་བྱེད་ས་ཡོད་རྒྱུ་རེད། གང་ལྟར། བྱིས་པ་བསམ་མེད་གསོད་པ་མ་རབས་རེད། གསོད་ན་ཧོའི་གཅིན་གཏོ་དེ་བསད་དགོས་རེད།
དེ་གསོད་དོན་ག་རེ་ཡིན་ནམ། འཇིགས་སྐུལ་གྱི་ཟོལ་འདྲ་ཞིག་ཡིན་རྒྱུ་རེད་ཨང་།