དམངས་གཙོ་ནི་འཆལ་བོ་ཞིག་དང་འདྲ་འམ། ལྷམ་ཀོག

དུས་བབས་བྱེའུ་ཚང་ལ་ཞུ་རྒྱུ་ནི། ད་ཁྱོད་ཚོའི་བྱེའུ་ཚང་གིས་ཕྱོགས་ཞེན་དང་ལུང་མཚན་གྱི་རྫུན་གཏམ་དག་ག་དུས་མཚམས་བཞག་གོ།

མང་མང་གཅིག་ཏུ་མཐུན་པར་མང་གཙོ་རེད་།
ཡག་དང་སྡུག་གི་ས་མཚམས་དེ་ན་འདུག་།
ཡོས་ལ་ཇི་ལྟར་མཁས་པས་འཐག་གྱུར་ཀྱང་།
བབ་རྒྱུ་དེ་ནི་རྩམ་པ་ལས་གཞན་ཅི།

ཁ་ཕྱིར་སྐོར་དགྲ་དང་གདོང་གཏུགས་བྱེད་།
ཕྱི་དགྲ་ཐབས་དང་དཔུང་པས་བཏུལ།
དགྲ་ཤར་པའི་སྟེང་ལ་ཐོག་ལས་ངར།
ནང་ཕོ་ནུ་སྟེང་ལ་དར་ལས་འཇམ།
སེམས་པ་རང་གི་གཞུང་ལ་གཏོད་།
བུ་ཡ་རབ་ཤིག་གི་བྱེད་སྟངས་རེད།

ཁ་ནང་སྐོར་གཉེན་གྱི་ཐོག་ལ་མཆོང་།
གཉེན་ཉེ་བའི་སྟེང་ལ་སྟག་ལས་ངར།
དགྲ་ཤར་པ་དགའ་དང་འཛུམ་གྱིས་བསུ།
ཚིག་མཚོན་ཆ་མེ་ལྕེ་མཆེད་མཆེད་རེད།
རང་གི་གཞུང་ལ་རྟག་ཏུ་སྨད།
བུ་ཐ་ཤལ་ཤིག་གིས་བྱེད་སྟངས་རེད།

བོད་གངས་ཅན་ལྗོངས་ཀྱི་ལས་དབང་འདི།
བརྗེད་བསམ་ཀྱང་སྙིང་ལ་བཀོད་ནས་འདུག
བསྐྱུར་བསམ་ཡང་ཁྲག་དང་འདྲེས་ནས་འདུག
གཅད་བསམ་ཡང་རུས་ལ་མཐུད་ནས་འདུག

འདིར་མི་བརྗེད་མི་བསྐྱུར་མི་གཅད་གསུམ།
འདི་གསུམ་པོ་རྩ་བའི་དམ་བཅའ་རེད།
སྐྱབས་དཀོན་མཆོག་བཞིན་དུ་བརྩི་རྒྱུ་རེད།
ལས་རྒྱུ་འབྲས་བཞིན་དུ་སྲུང་རྒྱུ་རེད།

༧གོང་ས་མཆོག་སངས་རྒྱས་དངོས་སུ་ཡིན་ཀྱང་མང་གཙོ་མི་དགོས་པར་ག་ལ་ཡོད། སྟོན་པ་བཀའ་དྲིན་ཅན་གྱིས་ཀྱང་མང་གཙོ་ལ་བརྟེན་ནས་ཆོས་འཁོར་སྐོར་བ་མ་ཡིན་ནམ། ཁོང་ཉིད་སངས་རྒྱས་ཡིན་པས་རྒྱུ་མཚན་གྱིས་མང་གཙོ་མི་དགོས་ན་གཟུགས་ནས་རྣམ་མཁྱེན་བར་དུ་ཆོས་ཐམས་ཅད་ཀྱི་ངོ་བོ་ཁོང་རང་གི་འདོད་པ་ནང་བཞིན་དུ་ཐག་བཅད་ནས་གསུངས་ན་མི་འགྲིག་པས་རྒྱུ་མཚན་ཅི་ཡོད་དམ།

སངས་རྒྱས་ཁོང་གིས་ཡང་ཆོས་ཐམས་ཅད་རང་གི་མཚན་ཉིད་ཀྱི་གྲུབ་པ་རེད་རེ་གསུངས་ཡོད་དང་སྐབས་རེ་ཆོས་ཐམས་ཅད་རང་གི་མཚན་ཉིད་ཀྱི་མ་གྲུབ་རེད་རེ་ཡང་གསུངས་པ་འདི་མང་གཙོ་ལ་བརྟེན་ནས་གསུངས་པ་མིན་ན་ག་རེ་རེད་དམ།

སངས་རྒྱས་ཁོང་གིས་ཤེས་བྱའི་ངོ་བོ་ཐག་བཅད་དུས་དམངས་ཀྱི་འདོད་པ་དང་བརྟེན་ནས་གསུངས་ཡོད་པ་མ་གཏོགས་རང་ཉིད་མཁས་མདོག་དང་ཡང་དག་པ་ཡིན་མདོག་བྱས་ནས་གསུངས་མེད་དོ།

༧གོང་ས་མཆོག་སངས་རྒྱས་ཡིན་ཀྱང་བོད་རྒྱ་ཆེན་མི་དམངས་ལ་བརྟེན་པ་ལས་རང་ཉིད་གཅིག་པོའི་ཐག་བཅད་ནས་འགྲིག་གི་ཡོད་ན་་་་སངས་རྒྱས་ཀྱིས་ཆོས་གསུངས་དུས་གདུལ་བྱའི་འདོད་པ་དང་བརྟེན་དགོས་མ་མཐོང་ངོ།

མི་རྐྱང་སྨྱོན་པ་ལགས་ཞོགས་པ་བདེ་ལེགས།
ངའི་ཡིག་ནོར་ཤོར་འགྲོ་བ་ཉུང་ཉུང་རྩ་བ་ནས་མིན།་་་་་སྐབས་རེ་མ་ཤེས་ནས་ཤོར་འགྲོ་བ་དང་སྐབས་རེ་ཤེས་ཀྱང་མཛུབ་ནོན་ནོར་ནས་ཤོར་འགྲོ་བ་བཅས་ནོར་འཁྲུལ་ཡོད་པར་བདེན་ནོ།
ཁྱེད་ཀྱི་གསུངས་པ་ལྟར་ཅི་ཐུབ་གང་ཐུབ་བྱ་ངེས་ཡིན།་་་་བསླབ་བྱ་གནང་བ་ཐུགས་རྗེ་ཆེ།

མང་གཙོ་དགོས་ན་་་་འགན་ཁུར་དགོས།

ནར་སོན་པའི་བསམ་བློ་ཞེས་པ་ནར་མ་སོན་པའི་བསམ་བློ་རུ་བཅོས་རོགས།

དྲ་གྲོགས་ཅོ་རི་ཉི་མ་ལགས། ཞོགས་པ་བདེ་ལེགས། སྐུ་ཉིད་ཀྱིས་གསུངས་པའི་སྐད་ཆ་དག་གསལ་བོ་ཞིག་ཤེས་ཐབས་དཀའ་ནའང་། སྒྲུང་དེ་ལ་ཡིད་ཚོད་ཙམ་གྱིས་གོ་བ་ཞིག་བླངས་དུས་རྒྱལ་པོ་དེ་ཕམ་རྐྱེན་མི་དམངས་ཤུགས་ཆེ་དྲགས་པས་རྒྱལ་པོ་ཕམ་སོང་བ་རེད་ཟེར་གྱིན་ཡོད་པ་འདྲ། དེ་འདྲ་ཡིན་ན་དེ་ནི་དཔྱོད་ཤེས་ཀྱི་ལམ་དུ་སོང་བ་ཞིག་ལ་ངོས་འཛིན་ཐུབ་དཀའ་ཚོད་རེད་ལ། དེ་འདྲ་ཞིག་ལ་ནར་སོན་པའི་བསམ་བློ་ཞེས་བོས་ན་འགྲིག་པར་འདོད། འུ་ཚོར་གྱོང་གུད་རབ་དང་རིམ་པ་ཐེབས་པའི་རྒྱུ་མཚན་ནི་འདི་ལྟར་རི་བོང་ཅལ་རྗེས་རྒྱུགས་དྲགས་པས་རེད་འདོད།

དྲ་གྲོགས་མི་རྐྱང་སྨྱོནཔ་ལགས།

དབུ་མ་འཇུག་པ་ལྟ་སྐབས་སུ་དཔེ་སྒྲུང་འདི་འདྲ་ཞིག་ཡོད།

བརྩི་པ་ཞིག་གིས་རྩིས་རྒྱག་ནས་ཉིན་བདུན་གྱི་རིང་དུ་འབབ་པའི་ཆར་པའི་ཆུ་ཁ་ལ་སོང་ན་མི་དེ་སྨྱོན་པ་ཆགས་འགྲོ་གསུངས་པ་དང་ཡུལ་གྱི་རྒྱལ་པོས་རང་ཉིད་ཀྱི་ཆུ་གནས་ཆེ་པོ་རྣམས་ཀྱི་ནང་དུ་ཆུ་བསག་བྱས་པ་དང་ཁ་ལེགས་པ་རྒྱག་ནས་ཆར་པའི་ཆུ་ནང་དུ་མི་འགྲོ་བྱས་པ་རེད།
ཡུལ་མི་རྣམས་ཀྱིས་དེར་འདྲ་མ་ནུས་པའི་ཆར་པའི་ཆུ་ཁ་ལ་སོང་ནས་ཡུལ་མི་ཚང་མ་སྨྱོན་པ་ཆགས་པ་རེད།
རྒྱལ་པོ་རང་ཉིད་ཀྱི་ཁ་ལ་ཆར་པའི་ཆུ་མ་སོང་བས་སྨྱོ་མེད་པ་དང་ཡུལ་མི་རྣམས་དང་བསམ་ཚུལ་དང་ལྟ་སྤྱོད་མི་མཐུན་པས་ཡུལ་མི་རྣམས་ཀྱིས་རྒྱལ་པོ་སྨྱོ་པ་ཆགས་འདུག་ཟེར་དུས་རྒྱལ་པོ་རང་ཉིད་ཀྱིས་ཀྱང་ཆར་པའི་དེར་འཐུང་དགོས་བྱུང་བ་བཞིན་དུ།
ང་རང་ཚོས་ཀྱང་བོད་རྒྱ་ཆེན་མི་མང་འདི་སྨྱོ་པ་ཡིན་པའི་དབང་གཏོང་ཡང་བོད་རྒྱ་ཆེ་མི་དམངས་ཀྱི་འདོད་པ་དང་བརྟེན་ནས་སྤྱི་དོན་སྒྲུབ་དགོས་པ་ལས། འདི་ཚོ་ལ་ཤེས་ཡོན་མི་འདུག་ཟེར་བ་དང་འདི་ཚོ་ལ་ཕྱོགས་ཞེན་འདུག་ཟེར་ནས་མི་དམངས་ཀྱི་འདོད་པ་དང་མ་བརྟེན་ན་མི་འགྲིག་སྙམ།

དཔེར་ན། ཆོས་ལུགས་ཐོག་ནས་བཤད་སྲོལ་འདི་འདྲ་ཞིག་ཡོད། དགེ་འདུན་བཞི་ལ་དགྲ་བཅོམ་གཅིག་ཤེས་ཡོན་དང་ནུས་པ་ཡོད་པ་དང་དགྲ་བཅོམ་བཞི་ལ་སངས་རྒྱས་ཀྱི་ཤེས་ཡོན་དང་ནུས་པ་ཡོད་པ་བཤད།

འདིའི་ལུགས་སུ་ལྟར་ན་་་བོད་མི་དཀྱུལ་བ་བཞི་ལ་མི་དྲག་གཅིག་གི་ཤེས་ཡོན་དང་ནུས་པ་ཡོད་དགོས་མི་དྲག་བཞི་ལ་༧གོང་ས་མཆོག་གི་ཤེས་ཡོན་དང་ནུས་ཡོད་དགོས་་་དེ་འདྲ་ཡིན་དུས་བོད་སྤྱི་པའི་དོན་དུ་ཤེས་ཡོན་དང་ནུས་པ་ཡོད་པ་དེ་བོད་རྒྱ་ཆེ་མི་འཇོག་དགོས་པ་མིན་ནམ།

བོད་རྒྱ་ཆེ་མི་དམངས་ལ་ཕྲུ་གུ་ཆུང་ཆུང་ནུས་མེད་ཞིག་རྩིས་ན་རྩ་བ་ནས་མི་འགྲིག་སྙམ།

དེ་རིང་དྲ་གྲོགས་ཅོ་རིའི་ཁམས་དྭངས་ནས་བསྡད་ཡོད་པ་འདྲ། བཟང་གི་ སྐུ་ཁམས་དྭངས་ན་ངོ་མ་དགའ་བ་ཡིན།

དཔེར་ན་ལྷ་མོ་སྐྱབས་ངེད་གཉིས་རྩོད་པ་བྱས་སྐབས་སུ་ངའི་ཁྱི་འབོད་དང་ཕག་འབོད་མང་ཙམ་བྱས་ཡོད་ཀྱང་ཁོང་སྐྱེ་ཕོ་རབ་ཤིག་ཡིན་ན་ཁོག་ན་ཚིག་ངན་དེ་ཙམ་མི་ཤོང་པ་ག་ལ་སྲིད།
འཇིག་རྟེན་གྱི་གཏམ་དཔེར།
སྐྱེ་ཕོ་རབ་ཀྱི་ཁོག་ན་མདའ་ཤོང་དང་མདང་ཤོང་ཟེར་བ་འདི་ང་རང་ཚོའི་བོད་མི་ནང་ཁུལ་བེད་སྤྱོད་བྱེད་དགོས་པ་མིན་འགྲོ་སྙམ།

ཁོག་ན་ཚིག་ངན་ཙམ་ཡང་མ་ཤོང་ན་་་ཕ་ས་དགྲ་ལག་ཤོར་བ་འདི་ཁོག་ན་ཅི་ལྟར་ཤོང་གི་ཡོད་དམ།
ཕོ་མཐའ་མ་ངར་ངར་ནང་དུ་ངར།
གཉེན་ཉེར་བའི་སྟེང་དུ་སྟག་ལས་ངར།
སྐྱེ་ཕོ་རབ་ངར་ངར་དགྲ་ལ་ངར།
གདོང་དགྲ་བོའི་སྟེང་དུ་ཐོག་ལས་བཙན།

སྐྱེ་ཕོ་རབ་ཁོག་ན་མདའ་གྲི་ཤོང།
གཉེན་ཉེར་བའི་ནང་དུ་དར་ལས་འཇམ།
ཕོ་མཐའ་མའི་ཁོག་ན་ཚིག་མི་ཤོང་།
ཚིག་སྐམ་པོའི་དོན་དུ་བསད་རེ་བྱེད།

ཚིག་རྩི་པོ་རྩོད་པའི་མཛེས་རྒྱན་རེད།
སེམས་བཟང་པོ་མི་རིགས་ལ་རྒྱ་རེད།
བརྗེད་མི་ཉན་རྡོག་རྩ་གཅིག་སྒྲིལ་དགོས།
ལྷག་མི་ཉན་སྐྱིད་སྡུག་མཉམ་མྱོང་དགོས།

ཧཧཧཧཧཧ་དྲ་གྲོགས་འདྲེ་རིག་ལྡན་ལགས་ཁྱེད་ཀྱི་དོན་དག་རྡོག་རྡོག་དེར་ཡག་པོ་འདུག་ཀྱང་འདྲེ་རིག་ལྡན་ཞེས་པ་དེ་ཁྱེད་ཀྱི་དངོས་མིང་ཡིན་ནམ།
དགོངས་འགལ་མེད་ཞུ།

གལ་ཆེ་ཤོས་ནི་མང་གཙོ་ཟེར་ནའང་འདྲ་༧གོང་ས་མཆོག་གི་བཀའ་སློབ་ཟེར་ནའང་འདྲ་རང་ཉིད་ཀྱིས་འགན་ཁུར་དགོས་པ་འདི་རེད།
སྤྱི་ཚོགས་ཤིག་གི་ནང་དུ་འགན་མ་ཁུར་ན་མང་གཙོ་ཟེར་བ་འདི་ཡང་ཚིག་སྐམ་ཙམ་དང་༧གོང་ས་མཆོག་ལ་དད་པ་ཡོད་མདོག་བྱས་པ་འདི་ཡང་རྫུན་མ་རེད།

བོད་མི་མི་ཉུང་བ་ཞིག་གིས་རང་ཉིད་༧གོང་ས་མཆོག་ལ་དད་པ་ཡོད་མདོག་བྱས་ཀྱི་ཡོད་ཀྱང་དོན་ངོ་མ་༧གོང་ས་མཆོག་གི་བཀའ་སློབ་སེམས་ལ་མ་འཇོག་པས་འགན་ཁུར་བྱེད་ཀྱི་མེད་པ་རེད།

མང་གཙོ་དགོས་ན་་་་འགན་ཁུར་དགོས།
༧གོང་ས་མཆོག་ལ་དད་པ་ཡོད་ན་་་་འགན་ཁུར་དགོས།
བོད་མི་རིགས་ཀྱི་ལ་རྒྱ་ཡོད་ན་་་་་་འགན་ཁུར་དགོས།
རང་མི་ལ་ཤ་ཚ་ཡོད་ན་་་་་་་་འགན་ཁུར་དགོས།
སྤྱི་ཚོགས་ནང་དུ་བདེ་འཇག་དགོས་ན་་་་འགན་ཁུར་དགོས།

ཆེ་ན་ཆེ་ཚོད་དང་ཆུང་ན་ཆུང་ཚོད་ཀྱི་འགན་ཁུར་ཐུབ་ན་་བོད་རྒྱལ་ཐུབ།

དྲ་གྲོགས་མི་རྐྱང་སྨྱོན་པ་ལགས།

སྤྱིར་མང་གཙོ་ཟེར་བ་དང་འཇིག་རྟེན་ཀུན་རྫོགས་ཟེར་བ་འདི་ཚོ་འཛམ་གླིང་ཐོག་ཏུ་བེད་སྤྱོད་འདྲ་མིན་སྣ་ཚོགས་ཤིག་བྱས་ཀྱི་ཡོད་ནའང་རྩ་བའི་ཆ་ནས་བཤད་ན་འགྲོ་ལུགས་གཅིག་པ་རེད་འདུག་སྙམ།

མང་གཙོ་ཟེར་བའི་ལམ་ལུགས་འདིས་བྱ་གང་ཞིག་ཡིན་མིན་ཐག་བཅད་སྐབས་སུ་མི་མང་བརྒྱ་ཆ་ལྔ་ཅུ་ཡར་རྒལ་བའི་ཐོག་གི་བསམ་ཚུལ་དེར་ཡིན་པ་ཐག་བཅད་པ་ཞིག་ལ་མང་གཙོ་ཟེར་བ་མིན་འགྲོ་སྙམ།

དགེ་ཆོས་ཀྱིས།
ཡོད་མེད་ཡིན་མིན་བདེན་རྫུན་ལ་སོགས་པའི།
རྩོད་པའི་འུ་སྒྲ་སྒྲོག་པའི་འཇིག་རྟེན་འདིར།
མི་མང་གང་ལ་དགའ་དེར་བདེན་པ་དང།
ཁ་མང་གང་ལ་མཐུན་དེར་གྲུབ་མཐའ་སྣང།

ཞེས་མཐའ་མའི་ཐག་བཅད་མཁན་མང་གཙོ་རེད་གསུངས་འདུག་པ་དང་མི་མང་བརྒྱ་ཆ་མང་ཤོས་ཀྱི་བསམ་ཕྱོགས་དེ་གཞི་རྩ་འཛིན་པ་དེར་མང་གཙོ་མིན་འགྲོ་སྙམ།

དེ་ལྟར་མ་ཡིན་པར་མི་ཆེན་གཅིག་གིས་སྤྱི་པའི་བྱ་བ་ཐག་བཅད་པ་དེར་སྲིད་དབང་སྒེར་འཛིན་ཟེར་བ་མིན་འགྲོ་སྙམ།
གང་དྲན་དྲན་བཤད་རུང་དང་མི་རུང་ཞེས་རྩོད་པ་རྒྱག་སྟངས་འདིར་བཤད་ཚུལ་འདི་འདྲ་ཞིག་ཡོད་སྙམ།
རི་བོང་ཅན་ཆོས་ཅན། ཁྱེད་ལ་ཟླ་བ་ཞེས་བརྗོད་རུང་སྟེ། རྟོག་ཡུལ་ན་ཡོད་པས་ཕྱིར།

དྲ་གྲོགས་ཅོ་རི་ཉི་མ་ལགས། ང་ཚོར་ཐོབ་འོས་པའི་མང་གཙོ་ནི་གང་དྲན་དྲན་སྨྲ་ཆོག་ཅིང་། ཅི་བསམ་བསམ་བསྒྲུབ་ཆོག་པའི་འགྲོ་སྟངས་ཤིག་ལ་ངོས་འཛིན་བྱེད་ཀྱི་ཡིན་ནམ། ཡང་ན་དཔྱོད་ཤེས་དང་ཤེས་ཡོན་ལ་བརྩི་མཐོང་བྱེད་པའི་གུས་བཀུར་རམ་འདྲ་མཉམ་དུ་ཡོད་པའི་ཐོབ་ཐང་ཞིག་ལ་ངོས་འཛིན་ནམ།

འདྲེ་རིག་ལྡན་ལགས། རེད་དེང་སང་དུས་བབ་དྲ་ཐོག་ཏུ་དངོས་ཤུགས་རྒྱུད་གསུམ་ནས་བཙན་བྱོལ་ནང་གི་མི་དྲག་སྐུ་དྲག་རྣམས་ལ་སྐྱོན་བརྗོད་བྱས་དུས་མང་གཙོ་ཟེར་བ་དང་སྨྲ་བརྗོད་ཀྱི་རང་དབང་ཟེར་བ་འགྲོ་བ་མིའི་ཐོབ་ཐང་ཟེར་བ་ལ་ཚད་འཛིན་བྱེད་དང་བྱེད་བཞིན་པ་རེད།

ང་རང་ཚོའི་རྒྱ་ནག་མཉམ་དུ་བྱས་སྟངས་ལ་བསམ་བློ་གཏོང་དུས་ང་རང་ཚོའི་ངོས་ནས་རྒྱ་ནག་གི་སྲིད་ཧུང་ཅིང་ཐམ་ལ་ངོ་རྒོལ་དང་སྐད་འབོད་བྱས་དུས་སུ་ཁྱེད་ཤི་བ་ཤོག་ཟེར་བ་དང་ཁྱེད་ཀྱི་རྫུན་བཤད་ཀྱི་འདུག་ཟེར་བ་ལ་སོགས་བྱས་ཀྱིན་ཡོད་པར་མ་ཟད་མང་གཙོ་ཚད་ལྡན་གྱི་རྒྱལ་ཁབ་ནང་དུ་སྲིད་འཛིན་ཧུང་ཅིང་ཐམ་ཡི་ཐོག་ཏུ་ལྷམ་ཀོག་འཕེན་བ་ལ་སོགས་བྱས་ཀྱིན་ཡོད་རེད།

སྔོན་མ་འཇར་མིན་ནིས་སྲིད་འཛིན་ཞིག་ལ་ཞིང་པ་རྨོ་རྨོ་ཞིག་གིས་འགྲམ་ལྕགས་ཤིག་རྒྱག་ནས་ཁྱེད་ཀྱི་རྒྱལ་ཁབ་ཀྱི་ལས་དོན་བྱས་ཕྱོགས་འགྲིག་མ་སོང་ཟེར་མྱོང་ཡོད་པ་དང་།

ཧྥེ་རན་སི་ཡི་རྒྱལ་ས་ནང་དུ་སུད་སི་བུད་མེད་ཞིག་གིས་ཡེ་ཤེས་བླ་ཆེན་གྱི་བྲང་ཁར་བཟུང་ནས་ས་ལ་བརྡེགས་མྱོང་ཡོད་པར་འདི་ཚོ་ལ་བསམ་ཚེ་ང་རང་ཚོའི་དུས་བབ་དྲ་ཐོག་ཏུ་སྨྱུག་མིང་འོག་ནས་སྐྱོན་བརྗོད་བྱས་པ་ནི་ཆུང་ཆུང་རེད་སྙམ།

འོ་ན་ང་རང་ཚོའི་སྤྱི་ཚོགས་ནང་དུ་བོད་མི་ཉམ་ཆུང་ཚོས་མི་དྲག་སྐུ་དྲག་རྣམས་ལ་སྐྱོན་བརྗོད་བྱེད་ན་འགྲིག་གི་མེད་ན་རྒྱ་ནག་གི་སྲིད་འཛིན་ལ་ཡང་སྐྱོན་བརྗོད་བྱས་རྣམས་ཁྲིམས་འགལ་ཞིག་ལ་བརྩི་དགོས་སམ།་་་སྨྲ་བརྗོད་ཀྱི་རང་དབང་ཞིག་ལ་བརྩི་དགོས་སམ།
ཧཧཧཧཧཧཧཧཧཧ

ཅོ་རི་ཉི་མ་ལགས་ལ་སྐུ་རྩེད་དང་བཅས་ཞུ་འདོད་པ་ཞིག་ལ། ཆུ་ཡི་ཉ་མོ་ལག་ལེན་ཆུ་ལ་ཟབ། གང་གི་མྱོང་བ་དེ་ལ་རྒྱུས་སུ་ཆེ། ཟེར་བ་འདི་ནི། དོན་དངོས་ཀྱི་ལག་ལེན་དམར་ཁྲིད་དུ་བྱས་པའི་མྱོང་བ་ཡོད་མཁན་ཞིག་གི་སྣང་ངོར་བལྟས་ནས་བརྗོད་པ་ལས། ང་ཚོར་དཔེ་དེ་འགེབས་ས་ཨེ་འགྲོ་སྙམ།
རྒྱ་གར་ནི་རྒྱལ་སྤྱིའི་ཐོག་གི་མང་གཙོའི་རྒྱལ་ཁབ་ཆེ་ཤོས་དེ་རེད་ཟེར་བ་ནི་མི་འབོར་གྱི་ཆ་ནས་བཤད་པ་ཡིན་གྱི། མང་གཙོའི་ལག་ལེན་གྱི་ཐོག་ནས་མ་རེད། ང་ཚོར་ཡང་མང་གཙོའི་བཅའ་ཁྲིམས་ཙམ་ཡོད་པ་དང་། སྤྱི་འཐུས་མགོ་མེད་མཇུག་མེད་རེ་ཟུང་འོས་འདེམས་བྱེད་ཀྱིན་པ་ཙམ་ལས། དོན་དམ་པའི་མང་གཙོའི་བསམ་སྤྱོད་དེ་དང་ད་དུང་ཆེས་ཆེར་ཐག་རིང་བ་རེད། དེ་བས། རང་རློམ་ཆེན་པོ་མི་བྱེད་པར། རང་གིས་རང་ཉིད་ལ་མཛུབ་མོ་བཙུགས་ནས་དག་ཐེར་རེ་བྱོས་དང་། མང་གཙོ་ཟེར་བའི་རྩ་བའི་གཞུང་ལུགས་དེའི་དོན་སྤྱི་ཙམ་ཡིད་ལ་འཁོར་རྒྱུ་འདུག་གམ། ཡོད་ན་རང་གི་ཉིན་རེའི་འཚོ་བའི་ཁྲོད་ནས་ཚུལ་མཐུན་གྱི་ལམ་ནས་དེའི་ཐོབ་ཐང་ལ་ལོངས་སུ་སྤྱོད་ཞོར་དུ་འོས་འགན་དེ་ཕྲག་ཏུ་ལེན་གྱིན་འདུག་གམ
དྲ་ཐོག་འདི་གཅིག་པུ་ནས་བཤད་ན་ཡང་། མིང་རྫུན་མ་ཞིག་གི་འོག་ཏུ་སྦས་ནས་སྤྱི་ཚོགས་ཐོག་གི་ཤེས་ལྡན་པ་ནག་པོ་བཟོ་ཐབས་ལ་འབད་མཁན་ག་ཚོད་འདུག འདི་དག་ཐམས་ཅད་ཅིའི་ཕྱིར་ཡོང་བ་རེད། མང་གཙོ་ཡིན་པས་རེད་དམ།

དགྲ་དམར་པོའི་མེ་མདའི་འོག་གི་སྤུན་གྲོགས་ལྷམ་ཀོག་ལགས་ཀྱིས་མང་གཙོ་སྐོར་རུ་མང་པོ་ཞིག་གསུངས་འདུག་ཀྱང་ང་ཚོང་མང་གཙོ་ཚད་ལྡན་གྱི་རྒྱལ་ཁབ་ནང་དུ་མི་ཚེ་སྐྱེལ་མཁན་རྣམས་ཀྱི་གོ་ཁག་ཙམ་འདུག

དཔེར་ན།་ལྷམ་ཀོག་གིས།

གལ་ཏེ་དེ་ལྟར་ཡིན་པའི་དབང་དུ་བཏང་ན་འཇིགས་སྐུལ་བ་དང་རྐུ་མ་ཆོམ་པོ་དག་གི་བཅའ་ཚུལ་ལས་ཚུལ་དེ་ཡང་ཁྲིམས་མཐུན་མིན་པའི་ངེས་པ་མེད་ཅིང་། སྨད་འཚོང་མ་དང་སྨད་འཚོང་མཁན། ནང་རུལ་བ་དང་ངོ་ལོག་པ་དག་ཀྱང་ཁྲིམས་དང་མི་མཐུན་པ་ཞིག་ཏུ་འགྱུར་ཚོད་མེད། ཞེས་སྨད་འཚོང་མའི་ལས་ཀ་དེར་ཁྲིམས་མཐུན་མི་ཚུལ་བཤད་འདུག་ཀྱང་འདི་ནི་ཨ་མ་མ་གཏོགས་མཐོང་མ་མྱོང་བ་རང་ཡུལ་མ་གཏོགས་འགྲོ་མ་མྱོང་བའི་སྐྱོན་དུ་གནང་།
མང་གཙོ་ཚད་ལྡན་གྱི་རྒྱལ་ཁབ་ནང་དུ་སྨད་འཚོང་མའི་ལས་ཀ་འདིར་ཁྲིམས་མཐུན་ཡིན་པར་མ་ཟད་ལས་ཀ་འདི་འཇར་མིན་ནིས་ཀྱི་རྒྱལ་ཁབ་ཀྱི་གཞུང་གི་ལས་དོན་སློབ་སྦྱོང་ཞིག་གི་ཁུངས་སུ་འཇོག་ཡོད་པ་རེད།

མ་ཟད་ངོ་ལོག་པ་ཞེས་བྲིས་འདུག་པ་འདི་རྒྱ་ནག་དམར་གཞུང་གི་རྩ་ཚིག་གིས་བསྟན་པའི་ངོ་ལོག་པ་ཞེས་པར་དེ་ཡིན་ན་འདིར་ཡང་མང་གཙོ་ཚད་ལྡན་ཡོད་པའི་རྒྱལ་ཁབ་ཁག་གི་ཁྲིམས་མཐུན་རྩིས་པ་ལས་ཁྲིམས་འགལ་བརྩི་གྱི་མེད།

སྤུན་གྲོགས་ལྷམ་ཀོག་ལགས་དགེ་ཆོས་ཀྱིས་འདི་འདྲ་ཞིག་གསུངས་ཡོད།
ཆུ་ཡི་ཉ་མོ་ལག་ལེན་ཆུ་ལ་ཟབ། གང་གི་མྱོང་བ་དེ་ལ་རྒྱུས་སུ་ཆེ།
ཞེས་གསུངས་པ་ལྟར་མང་གཙོ་ཚོད་ལྡན་གྱི་རྒྱལ་ཁབ་ནང་དུ་མི་ཚེ་སྐྱེལ་མཁན་རྣམས་ཀྱི་མང་གཙོ་ཉམས་མྱོང་ཡག་པ་དང་ཟབ་པ་མེད་འགྲོ་སྙམ།
ཐུགས་རྗེ་གཟིགས།

དམངས་གཙོ་འམ་མང་གཙོ་ནི། ལས་འགན་དང་ཐོབ་ཐང་གཉིས་ཀར་སྤྱོད་ཤེས་མཁན་ཅིག་དགོས།

ལྷམ་ཀོག་ནི་མེ་མདའི་རྩེ་གྲིའི་ཁ་ན་རྐང་རྗེན་དུ་འགྲོ་བཞིན་པའི་རང་རེའི་གཞིས་བཞུགས་རྩོམ་པ་པོ་དམིགས་དཔེར་འོས་པ་ཞིག་ཡིན། ཁོང་གི་སྙིང་སྟོབས་དང་ཤེས་ཡོན་གྱི་ཆུ་ཚད། དེ་བས་ཀྱང་ལོ་ངོ་འདི་དག་རིང་ལ་བྲིས་པའི་འཇིགས་པ་མེད་པའི་རྩོམ་ཡིག་དག་ནི་སུས་ཀྱང་བསྒྲུན་དུ་མེད་པ་ཞིག་ཡིན། དེ་རིང་གི་རྩོམ་ཡིག་འདིས་ཀྱང་མང་གཙོ་མང་གཙོ་ཟེར་བཞིན་མང་གཙོའི་ཁྲིམས་དང་སྒྲིག་གཞི་མི་ཤེས་པའི་ཁྱོད་དང་ང་ལྟ་བུ་ལ་སློབ་ཁྲིད་ཐེངས་གཅིག་བྱས་འདུག་ཞུ་རྒྱུ་ཡིན།

ཨོ་བརྗེད་སོང་བ་ཞིག་ལ། རྩོམ་ཡིག་འདི་བཀོད་པ་ལ་བརྟེན་ནས་དྲ་བདག་ལ་སྡིགས་པ་ནི་ཤིན་ཏུ་ནས་མ་རུང་ངོ་ཞུ་རྒྱུ་ཡིན། དེ་ལས་ལྡོག་སྟེ་ངས་དྲ་བདག་ལ་རྩོམ་ཡིག་འདི་བཀོད་པར་ཐུགས་རྗེ་ཆེ་ཞུའོ།།

ལྷམ་མགོ་ལགས།གོ་རྒྱུ་ཞིག་མེད་པ་འདྲ་གང་ལྟར་ངས་གོ་མ་སོང་།དོན་གང་ཟེར་རྒྱུ་ཡོད་དམ།