བྱིས་པའི་ཤི་ཚད་སྤྱིའི་གྲངས་འབོར་གྱི་ཕྱེད་ཀ་ལས་མང་པའི་རྒྱལ་ཁབ་ཁོངས་སུ་རྒྱ་གར་དང་ནེ་ཇི་རི་ཡ། ཀོང་གོ་སྤྱི་མཐུན་རྒྱལ་ཁབ། རྒྱ་ནག་སོགས་ཚུད་ཡོད་པ་རེད།
ཕྱི་ཚེས་ ༡༢ ཉིན་བྷེ་བྷེ་སེ་གསར་ཁང་གིས་གནས་ཚུལ་སྤེལ་བ་ལྟར་ན། ཉེ་ཆར་གསོ་རིག་སྐོར་གྱི་གཙགས་བུ་དུས་དེབ་ཅེས་པའི་སྟེང་སྙན་ཐོ་ཞིག་བཏོན་ཡོད་པའི་ནང་། འཛམ་གླིང་བྱིས་པའི་འཕྲོད་བསྟེན་རྩ་འཛུགས་དང་རྒྱལ་ཚོགས་བྱིས་པའི་ཐེབས་རྩ་ཁང་གཉིས་ཀྱིས་ཐུན་མོང་ཐོག་བྱིས་པའི་གནས་སྟངས་ཐད་ཞིབ་འཇུག་ཅིག་བྱས་རྗེས། འཛམ་གླིང་ཐོག་གི་བྱིས་པ་སུམ་ཆ་གཉིས་ནི་འགོས་ནད་ཀྱི་རྐྱེན་པས་དུས་མིན་རྐྱེན་ལམ་དུ་འགྲོ་བཞིན་ཡོད་ཚུལ་བརྗོད་ཡོད་འདུག ༢༠༠༨ ལོར་འཛམ་གླིང་སྟེང་གི་རང་ལོ་ ༥ མན་གྱི་བྱིས་པ་བརྒྱ་ཆ་ ༦༨ ནི་གློ་ནད་དང་དམར་བཤལ་གྱི་ནད། མ་ལི་རི་ཡའི་ན་ཚའི་རྐྱེན་པས་འདས་གྲོངས་སུ་སོང་ཡོད་ལ། ཨ་ཧྥི་ར་ཁ་ནི་བྱིས་པའི་ཤི་ཚད་མཐོ་ཤོས་ཀྱི་ཡུལ་གྲུ་དེ་ཆགས་ཡོད་པར་མ་ཟད། ༢༠༠༨ ལོར་ཡུལ་དེའི་བྱིས་པའི་ཤི་ཚད་ཁྲི་ ༤༢༠ ལས་བརྒལ་ཡོད་པ་དང་། ལྷོ་ཨེ་ཤ་ཡའི་བྱིས་པའི་ཤི་ཚད་ཁྲི་ ༢༤༠ ལྷག་ཡིན་འདུག བྱིས་པའི་ཤི་ཚད་སྤྱིའི་གྲངས་འབོར་གྱི་ཕྱེད་ཀ་ལས་མང་པའི་རྒྱལ་ཁབ་ཀྱི་ཁོངས་སུ་རྒྱ་གར་དང་ནེ་ཇི་རི་ཡ། ཀོང་གོ་སྤྱི་མཐུན་རྒྱལ་ཁབ། རྒྱ་ནག་སོགས་ཚུད་ཡོད་པ་རེད།
སྨན་པ་ཚོར་ཞུ་འཕྲིན།
བཙན་བྱོལ་དུ་ཆེས་མཐོའི་སྨན་ལྷན་ཆེད་འཛུགས་བྱས་པ་ནས་བོད་ཀྱི་གསོ་རིག་བསྟན་པའི་འཕེལ་རྒྱས་ཐད་དབང་ལུང། ཟབ་སྦྱོང། བགྲོ་གླེང། སློབ་ཚན་བསྐྱར་ཞིབ། སྨན་པའི་སྤུས་ཚད། ཁྲིམས་ཐོག་དེབ་སྐྱེལ་སོགས་ལས་གཞི་གསར་བ་གང་མང་ཞིག་མགོ་འཛུགས་གནང་དང་གནང་མུས་ཡོད་པ་ནི་བསྔགས་བརྗོད་དང། སྨན་ལྷན་ཆེད་འཛུགས་བྱས་པའི་དོན་སྙིང་ཡང་རེད།
ད་ཐེངས་ཀྱི་ཚོགས་ཆེན་འདི་ལྟབུ་འཚོགས་སྐབས་བོད་ལ་སྨན་པ་མང་ཡང་འབྲི་རྩལ་ཚིག་སྦྱོར་ལེགས་པའི་སྨན་པ་ཉུང་བ། སྤྱི་ཕན་ལྷག་བསམ་ཆེ་བའི་སྨན་པ་ཉུང་བ། གཞུང་དོན་འཆད་རྩོམ་མཁས་པའི་སྨན་པ་ཉུང་བ། ལག་ལེན་མཐོང་ཆོས་མང་བའི་སྨན་པ་ཉུང་བ། བཤལ་སྐྱུག་གཏར་བསྲེག་མཁས་པའི་སྨན་པ་ཉུང་བ། མདོར་ན་རིག་པའི་གནས་བཅུ་ཕྲག་ལ་བྱང་བའི་སྨན་པ་ཤིན་ཏུ་ཉུང་བའི་རྒྱུ་རྐྱེན་དབྱེ་བ་རྟགས་བཅོས་ཐབས་བཅས་གང་ཡིན་སྐོར་ལ་བརྟག་དཔྱད་དང་སྨན་བཅོས་ཤིག་བྱེད་རན་མི་འདུག་གམ།
ངའི་བསམ་པར་ནད་པ་ལ་བརྟག་དཔྱད་སྨན་བཅོས་མ་བྱས་པའི་གོང་དུ་སྨན་པའི་ཤེས་ཚད། འཇོན་ཐང་། ལྷག་བསམ་སོགས་ལ་བརྟག་དཔྱད་དང་སྨན་བཅོས་དགོས་ཤིང། དེའི་འགན་གཙོ་བོ་སྨན་པའི་ལྷན་ཚོགས་དང་། སྨན་པ་རྒན་གྲས། སྨན་པའི་ལས་ཀྱི་སྣེ་མོར་གཏོགས་པ་རྣམས་ལ་འཁྲི་བ་རེད། སྤྱིར་ཝཎ་མཐོ་སློབ་ཀྱི་གསོ་རིག་སློབ་དཔོན་ཆེན་མོ་རག་རྡོ་བློ་བཟང་བསྟན་འཛིན་ལྟབུ་མཁས་གྲུབ་གཉིས་ལྡན་གྱི་སྨན་པ་འགའ་ཤས་ཡོད་ཀྱང། དེ་འདྲའི་རིགས་རེ་འགའ་ལས་གཞན་སྨན་པའི་མིང་ཙམ་དུ་སོང་ན་ཉིན་གཅིག ཙུ་ཏུའི་ཡུལ་དུ་བྱིན་པ་ན།།རྐང་གཉིས་པ་ལ་མིར་མི་བརྩི།། ཞེས་པའི་དཔེ་ལྟར་དུ་འགྱུར་ངེས་རེད།
དེ་མཚུངས་བཙན་བྱོལ་ནང་སྨན་པའི་གྲངས་ཀ་མང་དུ་འགྲོ་བ་དང་ཆབས་ཅིག་སྨན་པའི་སྤུས་ཀ་སྐྱོ་རུ་འགྲོ་བཞིན་པའི་རྣམ་འགྱུར་ཞིག་ཐོན་འདུག འདིའི་འབྱུང་རྐྱེན་གཙོ་བོ་སློབ་མ་བསྡུ་ཕྱོགས། སློབ་ཚན་གཏན་འབེབས། སྨན་པའི་སློབ་གསོ་བཅས་ཀྱིས་མ་འདང་བས་ཡིན་ངེས། བོད་སྨན་འདི་བོད་ཀྱི་སྐད་ཡིག་གི་སྟེང་ནས་སྦྱོང་གི་ཡོད་པས་བརྡ་སྐད་སྙན་སུམ་དང་ནང་ཆོས་སོགས་རྨང་གཞི་ཤེས་ཚད་བཅས་ལ་སློབ་གྲྭ་གཞན་དང་མི་འདྲ་བའི་དམིགས་བསལ་གྱི་གོ་རྟོགས་དགོས་ངེས་རེད། ད་ལྟའི་སྨན་རྩིས་ཁང་ལ་དཔེར་བླངས་ཏེ་སློབ་མ་བསྡུ་ཕྱོགས་ལྟར། གཞི་རིམ་འཛིན་གྲྭ་བཅུ་གཉིས་ཐོན་ཙམ་ལ་ཆ་བཞག་སྟེ་མུ་མཐུད་ཕྱིན་པ་ཡིན་ན་བོད་ཀྱི་གསོ་བ་རིག་པའི་བསྟན་པ་ཉག་ཕྲ་རུ་ཕྲ་རུ་འགྲོ་རྒྱུ་དེ་ད་ལྟའི་གནས་བབས་ལས་སྔོན་དཔག་བྱེད་ཐུབ། སྤྱིར་དབྱིན་ཇིའི་སྐད་ཡིག་གལ་ཆེ་བ་བདེན་པ་རེད། ཡིན་ན་འང་གལ་ཆེ་བ་ཐམས་ཅད་ཤེས་དགོས་ན། ཚེ་ནི་ཡུན་ཐུང་ཤེས་བྱའི་རྣམ་གྲངས་མང།། ཞེས་པ་ལྟར་རེད། མ་ཟད་སྨན་གཞུང་ན་ཡོད་པའི་ལག་ལེན་ཆེས་མང་པོ་ཞིག་དང་སྨན་པ་གཉིས་ཀྱི་བར་དུ་སྟོང་ཆ་བསུབ་དཀའ་བ་ཞིག་ཡོད་པ་དེ་གང་ནས་བྱུང་བ། ཅིའི་ཕྱིར་བྱུང་བ། ཇི་ལྟར་ཁ་བསྐང་དགོས་མིན་སྐོར་ད་ཐེངས་ཀྱི་ཚོགས་ཆེན་འདི་ལྟབུའི་བརྗོད་བྱས་ན་མི་འོས་སམ།
མཐའ་དོན། རྒྱ་ནག་གི་ཁྲིམས་ཀྱིས་བོད་ཡིག་ཉམས་དམས་སུ་གཏོང་བ་དང། བོད་ཀྱི་སྨན་པ་ཚོས་རང་གི་བརྡ་སྤྲོད་སྙན་སུམ་ཟུར་དུ་འཇོག་པ་གཉིས་ངོ་བོ་གཅིག་ལྟབུར་འགྱུར་བཞིན་འདུག་ན་ངས་ཀྱང། བོད་ནང་གི་སློབ་ཕྲུག་ཚོའི་སྐད་གསང་ལ་ཉན་ཞོར་སྐད་འབོད་ཅིག་བྱས་པ་ཡིན།
བྱིས་པའི་ནད་ཚ་འཛམ་གླིང་འཕྲོད་བསྟེན་ལྷན་ཁང་ནས་གང་ཐུབ་ཐུབ་རོགས་རམ་བྱེད་ངེས་རེད། འོན་ཀྱང་ང་ཚོའི་བོད་པའི་ནང་ཁུལ་གྱི་ནང་དམེ་དེ་ངོ་མ་གཅིག་སྡུག་གི། གཅིག་ནས་བོད་མི་རིགས་མི་གྲངས་ཉུང་ཉུང་རེད། གཉིས་ནས་ད་ལྟ་ང་ཚོ་སྐྱབས་བཅོལ་དུ་ཡོང་བསྡད་ཡོད། གསུམ་ནས་༧གོང་ས་མཆོག་གིས་ནང་དམེ་མ་བྱེད་ནང་ཁུལ་མཐུན་པོ་བྱེད་དགོས་པའི་གསུངས་བཤད་ག་ཚོད་ག་ཚོད་གནང་བ་རེད། དེ་དག་ཐམས་ཅད་ང་ཚོའི་མ་འོངས་བའི་ལས་ཀར་ཕན་ཕྱོགས་དང་གནོད་ཕྱོགས་གོ་ནོར་ཐེབས་ཡོང་བསམ་སྟེ་མི་མང་བཀའ་སློབ་གནང་བ་རེད། ད་ངོ་མ་བོད་པ་ཁ་ཤས་ཤིག་ཀླད་མེད་རང་རེད་འདུག ལག་འཁྱེར་ཁ་པར་གཅིག་གི་དོན་དག་ལ་མི་སྲོག་གཅིག་བསྐྱལ་ན་ཅི་ལྟར་འགྲེལ་བཤད་བྱ།
འོ་འདི་ངོ་ནས་ཐབས་སྐྱོ་བོ་རེད།ཞིབ་འཇུག་བྱེད་རོགས།
འོ་འདི་ངོ་ནས་ཐབས་སྐྱོ་བོ་རེད།ཞིབ་འཇིག་བྱེད་རོགས།