༧གོང་ས་མཆོག་ཁ་བྲལ་གྱི་མཚོན་དོན་དུ་གྱུར་འདུག་ཟེར།

ཨུ་རུ་སུའི་སྲིད་འཛིན་གྱི་ཚེས་བཅུ་དགུ་ཉིན་བཤད་པའི་སྐད་ཆ་དེར་ཁུང་ལུང་རྒྱུ་མཚན་གང་ཡང་མེད་པ་རྒྱ་ནག་ལ་སྤྲེས་ལད་འཁྲབ་པ་ཞིག་སོང་གཞི་བྱེས་གཉིས་སུ་གྱར་བའི་བོད་མི་རིགས་ཡོངས་ནས་དེ་ལ་བློ་ཕམ་དང་འབྲེལ་ངོ་རྒོལ་མཐའ་གཅིག་ཏུ་བྱ་རྒྱུ་ཡིན། ཁ་བྲལ་གྱི་ལས་ཀ་སུའི་བྱ་གི་ཡོད་མེད་ཨུ་རུ་སུས་སྲིད་འཛིན་ཞ་ར་མིན་ན་མཐོང་ཚོད་དང་འོན་པ་མིན་ན་ཐོས་ཚོད་ཡིན་ཞེས་ང་ཚོ་བཙན་བྱོལ་དུ་ཡོད་པའི་བོད་མི་རྣམས་ནས་ཁོ་བར་བརྡ་ལན་ཞིག་ངེས་པར་སྤྲོད་དགོས།

ཆ་རྐྱེན་འདི་རྒྱ་ནག་གིས་ཐད་ཀར་བཏོན་པ་དང་གཉིས་སུ་མེད་ལ། ཆ་རྐྱེན་འདི་ཏཱ་ལའི་བླ་མས་ཁས་བླངས་ན་ཨུ་རུ་སུ་བར་དུ་འཚང་དགོས་དོན་གང་ཡང་མེད། ཡང་ཅིག་བཤད་ན་ཆ་རྐྱེན་འདི་ཡང་དཀའ་རྙོག་ཅིག་རེད།

བཀུར་འོས་ཨུ་རུ་སུའི་ཕྱི་སྲིད་བློན་ཆེན་མཆོག་ལ།

གུས་པར་བཀའ་འདྲི་ཞུ་རྒྱུ་ཁ་ཤས་ཡོད་ལགས་ན། ཅིས་ཀྱང་ཁུངས་ལུང་རྒྱུ་མཚན་ལྡན་པའི་སྒོ་ནས་གསལ་བཤད་ཡོང་བར་ཞུ།
༡》༸སྤྱི་ནོར་༸གོང་ས་ཏཱ་ལའི་བླ་མས་སྲིད་དོན་ཕྱོགས་ལ་ཕྱག་ལས་གནང་སྟངས་ཀྱི་རྩ་འཛིན་གང་འདྲ་ཞིག་ཡོད་པ་མཁྱེན་གྱི་ཡོད་མེད་དང་། དེ་མཚུངས་རྒྱ་ནག་སྲིད་གཞུང་གི་ངོས་ནས་ཆབ་སྲིད་ཀྱི་རྒྱབ་ལྗོངས་གང་ཞིག་ལ་བཅོལ་ཡོད་མེད་ཀྱི་རྒྱུས་མངའ་ཨེ་ཡོད།
༢》༸སྤྱི་ནོར་༸གོང་ས་ཏཱ་ལའི་བླ་མ་མཆོག་གིས་ནང་ཆོས་ཁྱབ་སྤེལ་མཛད་དང་མཛད་བཞིན་པ་འདི། ཆབ་སྲིད་ཀྱི་ངོ་བོར་བསྒྱུར་ཡོད་པའི་དཔང་རྟགས་ཁུངས་བཙན་ཞིག་གསལ་སྟོན་བྱེད་ཐུབ་བམ། སྤྱིར་ན། ཆོས་སྲིད་ཀྱི་སྐྱ་བཀར་མ་བཀར་གྱི་དབྱེ་མཚམས་གང་ཞིག་འཇོག་གི་ཡོད་དམ།
༣》 ཨུ་སུ་རུའི་གཞུང་ངོས་ནས་བོད་རྒྱའི་དཀའ་རྙོག་སེལ་ཐབས་ཀྱི་ཆ་རྐྱེན་གང་འདྲ་ཞིག་ཡོད་པ་དང་། ལྷག་པར་དུ། དེ་འདྲའི་གདེང་ཚོད་ཅིག་རྙེད་ཐུབ་པའི་རྒྱབ་ལྗོངས་གང་ཡིན་ནམ།
༤》 ༸གོང་ས་མཆོག་གིས་མཛད་འཕྲིན་ག་རེ་བསྐྱང་མིན་དང་། གསུང་འཕྲིན་ག་རེ་གནང་མིན་སོགས་ནི། དྲང་བདེན་དང་འཚེ་མེད་ཞི་བདེ་ལ་དགའ་བའི་འཛམ་གླིང་མི་མང་གི་རེ་འདུན་ལ་བསྟུན་དགོས་པ་སྤྱི་དང་། དེ་ལས་ཀྱང་། བོད་མི་རིགས་ཀྱི་འདས་མ་ད་གསུམ་གྱི་གནས་སྟངས་ལ་ཟབ་གཟིགས་དགོས་པ་གཙོ་བོ་ཡིན་པ་ལས། རྒྱ་ནག་དམར་གཞུང་དང་། ཨུ་རུ་སུའི་སྲིད་གཞུང་ལ་ངེས་པར་དུ་བསྟུན་དགོས་པའི་རྒྱུ་མཚན་གང་ཡིན་ནམ།
༥》 ༸གོང་ས་མཆོག ཁ་བྲལ་རིང་ལུགས་པའི་མཚོན་དོན་དུ་གྱུར་འདུག་ཅེས་པའི་གྱུར་སྟངས་དང་གྱུར་དགོས་པ་སོགས་ཁུངས་ལྡན་མངོན་གསལ་ཡོད་པའི་སྒོ་ནས་གསེད་བཀྲོལ་བྱེད་ཐུབ་དགོས། དེ་མིན། དབྱེ་མཚམས་དང་ཞིབ་འཇུག་ཅི་ཡང་མ་བྱས་པར་ཁ་བྲལ་བའི་ཉེས་སྐྱོན་རྗེས་འགེབ་བྱེད་པ་དེ། དྲང་བདེན་གྱི་རྩ་དོན་དང་འགལ་བ་ཞིག་མ་རེད་དམ། དོན་དངོས་སུ། བོད་མི་རིགས་དང་༸གོང་ས་མཆོག རྒྱ་ནག་དམར་གཞུང་སུ་སུའི་ཕྱོགས་ནས་ཁ་བྲལ་བའི་ལས་ཀར་ཞི་དྲག་ཐབས་ལམ་སྣ་ཚོགས་ཀྱིས་སྒོ་ནས་འཇུས་དང་འཇུ་བཞིན་ཡོད་པ་གསལ་ཐིང་ཐིང་མ་རེད་དམ།
༦》 ད་ལྟའི་བོད་རྒྱའི་དཀའ་རྙོག་ཕྱོགས་སུ། ཨུ་རུ་སུའི་གཞུང་ངོས་ནས་དམིགས་བསལ་གྱིས་དོ་སྣང་དང་གླེང་སློང་ཐེངས་གཉིས་ཙམ་བྱེད་དགོས་པའི་རྒྱབ་རྩ་གང་ཞིག་ལ་བརྟེན་ཡོད་དམ།

གོང་ས་མཆོག་གིས་བོད་མིའི་བདེ་དོན་གྱི་ཕྱག་ལས་མ་གནང་བ་ཡིན་ན་ཁོང་ཉིད་མི་ལོ་བཞི་ཅུའི་གོང་ནས་བོད་ནང་དུ་ཕེབས་ཚར་ཡོད་པ་རེད། འདི་ནི་ཨུ་རུ་སུས་ཤེས་དགོས།