ད་ལྟ་བཙོན་འོག་ན་ཡོད་པའི་རྩོམ་པ་པོ་སྐུ་ཞབས་ཞོགས་དུང་ལགས་ཀྱི་བརྩམས་ཆོས་༼ གནམ་ས་གོ་འབྱེད ༽ ཞུ་བ་དེར་ཀུན་གྱིས་དོ་སྣང་བྱེད་ཡུལ་དུ་གྱུར་ཡོད་ཀྱང་། སྤྱི་ཚོགས་ནང་འགྲེམས་སྤེལ་བྱས་ཏེ་ཟླ་འགའ་ཕྱིན་མ་ཐག་རྒྱ་ནག་གི་སྒེར་གཅོད་བཙན་དབང་གི་སྲིད་ལུགས་འོག དཔེ་དེབ་དེ་ཕྱིར་བསྡུ་དང་བཀག་བསྡོམས་བྱས་ཡོད་པ་མ་ཟད། རྩོམ་པ་པོ་ཁོང་ཡང་བཙོན་འཇུག་བྱས་ཡོད་སྟབས། དུས་ཡུན་ཐུང་ཐུང་ནང་བལ་ཡུལ་གྱི་བོད་མི་ལ་ཞེན་ཅན་ཁག་ཅིག་གིས་དཔེ་དེབ་དེ་བསྐྱར་དཔར་བྱས་ཏེ། ཁ་སང་ཕྱི་ཚེས་ ༡༩ ཉིན་བལ་ཡུལ་སྲོང་བཙན་སློབ་གྲྭ་རུ་མི་མང་འདུ་འཛོམས་ཐོག སྐུ་མགྲོན་གཙོ་བོ་བོད་མི་མང་སྤྱི་འཐུས་རྒྱལ་ནོར་ཚེ་དབང་མཆོག་དང་ཚེ་བརྟན་ནོར་བུ་རྣམ་གཉིས་ཀྱིས་དབུ་འབྱེད་གནང་སྟེ། ད་ཆར་རིན་མེད་ཐོག་དེབ་དེ་འགྲེམས་སྤེལ་བྱེད་ཀྱིན་ཡོད་འདུག
དཔེ་དེབ་དབུ་འབྱེད་མཛད་སྒོའི་སྟེང་སྤྱི་འཐུས་རྒྱལ་ནོར་ཚེ་དབང་མཆོག་གིས་རྩོམ་པ་པོ་ཞོགས་དུང་ནི་བོད་རྒྱལ་ཁབ་དང་མི་རིགས་ལ་བྱས་རྗེས་ཆེ་པའི་གཟི་བརྗིད་ཅན་གྱི་རྒྱལ་གཅེས་དཔའ་བོ་ཞིག་ལ་ངོས་འཛིན་བྱ་དགོས་བའི་སྐོར་གྱི་བསྔགས་བརྗོད་གནང་ཡོད་པ་དང་། སྤྱི་འཐུས་ཚེ་བརྟན་ནོར་བུ་མཆོག་གིས་ཞོགས་དུང་དང་ཞོགས་དུང་ལྟ་བུའི་བོད་ནང་གི་རྩོམ་པ་པོ་རིགས་ཞེན་དང་དཔའ་ངར་ཅན་འདི་དག་གི་བརྩམས་ཆོས་མ་འོངས་པར་བོད་ནང་ནས་པར་བསྐྲུན་བྱེད་ཐུབ་པའི་དུས་ཚོད་ཞིག་མ་བྱུང་བར། ང་ཚོ་བོད་མི་སྐྱབས་བཅོལ་བ་ཚོའི་དམིགས་ཡུལ་འགྲུབ་མེད་པ་དང་དེ་འགྲུབ་པར་ང་ཚོ་རང་གིས་ནུས་བ་འདོན་དགོས་པ་སོགས་གསུངས་ཡོད་འདུག དེབ་འདི་བསྐྱར་དཔར་གྱི་འགྲོ་གྲོན་སྦྱིན་བདག་གནང་མཁན་ས་དཀར་བསྟན་འཛིན་དང་ཅོང་རྒྱམ། བལ་ཡུལ་བོད་ཀྱི་ལྟེ་གནས་ཁང་གི་གཙོ་འཛིན་ཚེ་བརྟན་ནོར་བུ་བཅས་ཡིན་འདུག་ལ། ད་ལྟ་དཔེ་དེབ་དེ་ཀློག་འདོད་མཁན་དང་དོ་སྣང་ཅན་ཚང་མར་རིན་མེད་ཐོག་ས་མཚམས་མེད་པར་སྤྲོད་བཞིན་ཡོད་འདུག
དེང་སང་བྱེས་སྡོད་བོད་མི་ཁག་ཅིག་གིས་ཞོགས་དུང་རླུང་དར་འཕར་བའི་གོ་སྐབས་དང་བསྟུན་ནས་ལ་ལས་གཏམ་དང་གྲགས་པ་ཐོབ་གོ་ས་བཅས་ལ་ཆགས་ཏེ་རང་ཉིད་སྤྱི་ཚོགས་ནང་གཟེངས་སུ་ཐོན་པ་དང་དེ་ལ་བརྟེན་ནས་མི་མང་གིས་རང་ཉིད་ལ་ཆ་འཇོག་ཡོང་བར་རེ་བ་བྱེད་ཀྱིན་འདུག
ལ་ལས་གནམ་ས་གོ་འབྱེད་བསྐྱར་པར་ཡང་པར་བྱས་ཏེ་དཔལ་འབྱོར་གྱི་རྒྱབ་རྟེན་ཆེན་པོ་ཡོང་བར་བརྩོན་པ་བསྟེན་བཞིན་པ་མཐོང༌། ཕྱོགས་དང་པོའི་དབང་དུ་བྱས་ན་ཟིན་བྲིས་དང་མཆན་བུ་འདེགས་ཤེས་ཙམ་མམ་རྩོམ་པ་པོ་མིང་འཛིན་ཐེབས་ཆག་མི་ཉུང་བ་ཞིག་ཡོད་པ་ཚོར།
ཕྱོགས་གཉིས་པའི་ནང་མི་དམངས་མཐོ་དམན་ཅི་རིགས་འདུག་ལ། ཚོགས་པ་ཆེ་གེ་མོ་འགའ་ཞིག་ཀྱང་ཡོད་ཚོད་རེད། འོན་ཀྱང་མི་དམངས་རྣམས་མགོ་མ་མཐོངས་བར་སྤྱང་གྲུང་དཽད་པོས་ཐོག་ཁོང་ཚོའི་གཡོ་ཇུས་རེ་རེ་བཞིན་ཤེས་པ་བྱས་ཏེ་གར་སྟེགས་འདྲ་མིན་ཐོག་ཐེར་བཏོན་བྱེད་དགོས། འདི་ཡང་བོད་མི་རིགས་ལ་ཞལ་འདེགས་གཅིག་རེད།
ཡེ་ཤེས་རྒྱ་མཚོ་ལགས་ཀྱིས་གནས་ཚུལ་གལ་ཆེན་ཞིག་ངོ་སྤྲོད་གནང་བར་ཐུགས་རྗེ་ཆེ། གནས་ཚུལ་འདི་བདེན་པ་ཡིན་པར་སྨོན། ཞོགས་དུང་ཆོས་ལ་དད་པ་ཡོད་མེད་གང་ལྟར་ཡང་མི་རིགས་ལ་བཅངས་པའི་རྨ་མེད་པའི་དུང་སེམས་ཀྱིས་བོད་མི་རྒན་གཞོན་མང་པོ་ཞིག་ལ་སེམས་འགུལ་ཐེབས་ཡོད་པ་འདྲ་ལ་ཐེབས་དགོས་པ་ཞིག་ཀྱང་རེད།
ཞོགས་དུང་གི་ཕ་ཡུལ་ཕྱོགས་ནས་མི་མང་པོ་ཞིག་འདུ་འཛོམས་ཀྱིས་རྫོང་རིམ་པ་དང་། ས་ཁུལ་སྤྱི་བདེ་ལས་ཁུང་ཁག་ལ་ཞུ་གཏུགས་བྱེད་པར་ཕྱིན་ནའང་ད་དུང་ལན་གང་ཡང་སྤྲད་མི་འདུག་ལ། གླུ་རྒྱལ་སྡེ་བའི་མི་སྣ་ཁག་ཅིག་གནས་ཚུལ་རྒྱུས་ལོན་ཆེད་དང་རྒྱབ་སྐྱོར་མཚོན་ཕྱིར་ཟི་ལིང་གྲོང་ཁྱེར་གྱི་བདེ་སྲུང་ལས་ཁུངས་སུ་བཅར་ནས་ད་དུང་ཕྱིར་སླེབས་མེད་པའི་གནས་ཚུལ་ཅིག་འདུག
དྲ་གྲོགས་བློ་གྲོས་རྒྱལ་པོ་ལགས། ཐེར་འདོན་གནང་བ་ཐུགས་རྗེ་ཆེ། མུ་མཐུད་ནས་ལམ་སྟོན་གནང་རོགས། ལྷག་པར་དུ་བསམ་བློ་གུ་ཡངས་ཀྱི་ཕྱོགས་ནས་རོགས་སྐྱོར་གནང་རོགས། གཤམ་དུ་ངས་བཀོད་པའི་མཆན་ལ་ནོར་བ་གང་ཡོད་པ་ཐད་གར་གསུང་ན་འགྲིག་གམ།
་་སྤྱི་འཐུས་རྒྱལ་ནོར་ཚེ་དབང་མཆོག་གིས་རྩོམ་པ་པོ་ཞོགས་དུང་ནི་བོད་རྒྱལ་ཁབ་དང་མི་རིགས་ལ་བྱས་རྗེས་ཆེ་་་་།
་་་སྤྱི་འཐུས་ཚེ་བརྟན་ནོར་བུ་མཆོག་གིས་ཞོགས་དུང་དང་ཞོགས་དུང་ལྟ་བུའི་བོད་ནང་གི་རྩོམ་པ་པོ་རིགས་ཞེན་དང་དཔའ་ངར་ཅན་་་་་།
་་་་འགྲོ་གྲོན་སྦྱིན་བདག་གནང་མཁན་ས་དཀར་བསྟན་འཛིན་དང་ཅོང་རྒྱམ། བལ་ཡུལ་བོད་ཀྱི་ལྟེ་གནས་ཁང་གི་གཙོ་འཛིན་ཚེ་བརྟན་ནོར་བུ་བཅས་ཡིན་འདུག་ལ། ་་།
ཞོགས་དུང་བཅས་འབྲེལ་ཡོད་ཚང་མར་རྗེས་སུ་ཡི་རང་དང་ཐུགས་རྗེ་ཆེ་ཞུ།
དྲ་གྲོགས་སྣང་རྒྱལ་ཤེར་དགེ་མཆོག་གིས་ཅིག་བཤད་རྩིས་བྱས་ནས་མིང་ཐ་ཚིག་གསུམ་གྱིས་ལྡང་གི་མེད་པའམ། ཡང་ན་བསམ་བློ་ཅུང་གུ་ཡངས་མིན་པའི་སྐྱོན་ཅིག་གམ། ཡང་ན་འཚོད་ལ་མ་འཚོད་པའི་སྐྱོན་ཅིག་ཡོད་པ་འདྲ། གཅིག་བྱས་ན་ཧ་རང་ནོར་བ་ཡིན་སྲིད། དགོངས་དག
བོད་མི་ས་ཡ་དྲུག་གི་རྟོགས་པ་སད་དུ་འཇུག་གི་ཡིན་ཟེར་མཁན་ཞིག་གིས་རང་གི་བཟའ་ཟླའི་རྟོགས་པ་སད་དུ་འཇུག་མ་ཐུབ། ཞོགས་དུང་དང་ཞོགས་དུང་ཚོས་བལྟས་ན་འདི་ནི་མཐོང་བཞིན་དུ་མ་བསྐྱབས་པ་རང་རེད། ཞོགས་དུང་ཆོས་ལ་དད་པ་ཡོད་མེད་དེ་གཙོ་བོ་མིན་ནའང་ཐང་མོད། ཞོགས་དུང་གི་རྩོམ་ཡིག་ལ་ཐུན་མིན་གྱི་ཁྱད་ཆོས་ཤིག་ཡོད་པ་འདི་རང་རེད། བོད་སྤྱིའི་བདེ་སྡུག་གི་སྐད་ཆ་བཤད་མཁན་ཞོགས་དུང་ལས་གཞན་ཤིན་ཏུ་མང་། ཞོགས་དུང་གླེང་བ་ནི་ཞོགས་དུང་གི་རྩོམ་ཡིག་དང་བསམ་བློ་གླེང་བ་རང་ཡིན་ཕྱིན་ཁོང་ལ་ཆོས་དད་ཡོད་མེད་དང་ཆོས་ལ་རྒོལ་གྱིན་ཡོད་མེད་མི་གླེང་ཐབས་མེད་རེད། དེ་ལྟར་མིན་ན་ཁོང་འདི་ལྟར་གཞན་ལས་ལྷག་ཅིག་གླེང་དགོས་དོན་མི་འདུག
དྲ་གྲོགས་ཚོའི་ལྟ་ཚུལ་མཐུན་མིན་དང་སྐད་ཆ་ཡག་བཙོག་ལ་མ་ལྟོས་པའི་ཐོག་ནས་བགྲོ་གླེང་གི་ཆ་ཤས་བཞེས་བར་བསྔགས་བརྗོད་ཡོད། ང་རང་ཡང་གསར་འགོད་པ་ཞིག་དང་ལྷག་པར་དུ་ཐེངས་འདིའི་ཞོགས་དུང་གི་དོན་རྐྱེན་ཐད་གནས་ཚུལ་འཚོལ་ཞིབ་བྱེད་མཁན་ཞིག་ཡིན་པ་དང་གཅིག ༼ བག་ཆགས་དོང་སྤྲུག ༽ དང་ ༼ རྨོང་སྐྲན་འཇོམ་པའི་གར་ཀ ༽ ནས་བཟུང་ཞོགས་དུང་གི་བརྩམས་ཆོས་ཀློག་མཁན་ཐོག་མའི་གྲས་ཡིན་པ་དང་གཉིས། སྒེར་ངོས་ནས་ཞོགས་དུང་ལ་འབྲེལ་འདྲིས་ཕྲན་བུ་ཡོད་པ་དང་། ལྷག་པར་དུ་ཞོགས་དུང་གི་འཆད་ཁྲིད་རེ་ཟུང་ལ་ཉན་མྱོང་བ་དང་གསུམ། རྒྱུ་མཚན་འདི་གསུམ་གྱི་དབང་གིས་ངར་ཞོགས་དུང་ཐད་ཀྱི་བགྲོ་གླེང་ལ་ཆ་ཤས་ལེན་རྒྱུའི་ཐོབ་ཐང་ཡོད་པར་མཐོང་།
ཞོགས་དུང་གི་ལྟ་གྲུབ་གང་ཡིན་དང་། ཁོང་ཆོས་ལ་དད་པ་ཡོད་མེད་སྐབས་འདིའི་གླེང་གཞིར་འོས་འཚམ་དུ་མ་མཐོང་། གཙོ་བོ་ཞོགས་དུང་གིས་ཐོག་མ་ནས་བོད་མི་རིགས་ལ་བཅིངས་པའི་ཤ་ཚ་དང་བརྩེ་སེམས། ལྷག་པར་དུ་ཐེངས་འདིར་མངོན་སུམ་འཛེམ་མེད་ཐོག་རྒྱ་གཞུང་ཆབ་སྲིད་དང་། ཁྲིམས་ལུགས་ཀྱི་གདོང་དུ་བུད་དེ་དྲང་བདེན་གྱི་སྐད་ཆ་བཤད་པ་འདི་གཉིས་ལ་གདེང་འཇོག་མི་བྱ་ཐབས་མེད་རེད་སྙམ།
མི་ཞུན་ཞེས་པའི་མིང་ཅན་འདི་ག་རེ་བྱས་པ་རེད་་་་་མགོ་འཇུག་གང་ཡང་མེད་པ་་་་་གནམ་ས་་་གནམ་ས་ཞེས་་་་ཀླད་རྩ་ཅུང་ཙམ་ཕལ་ཆེ་་་་་་་་་
ཆེས་གུས་བཀུར་འོས་པའི་སྐུ་ཞབས་ཞོགས་དུང་ལགས་ཀྱིས་མི་རིགས་དང་རྒྱལ་ཁབ་ཀྱི་ཆེད་དུ་གསུངས་བརྩམས་གནང་པའི་དེབ་མིང་《གནམ་ས་གོ་འབྱེད་》ཞེས་པ་འདི་དཔར་སྐྲུན་བྱས་པར་དགའ་བསུ་ཤུགས་ཆེ་ཡོད་་་་
རེ་བསྐུར་ཞིག་ཞུ་འདོད་པ་ནི་
ཤེས་ཡོན་གྱི་གཏུན་གནས་སློབ་གྲྭ་དང་བཤད་གྲྭ་ཁག་གི་པད་མཛོད་དུ་དེབ་འདི་གྲངས་༡༠༠ ཙམ་རེ་བཞག་ཐུབ་ན་ཧ་ཅང་བཟང་གིན་
ཆོས་ལ་དད་པ་བྱེད་པ་དང་མི་རིགས་ཀྱི་ཆེད་དུ་འཐབ་རྩོད་བྱེད་པ་གཉིས་ལ་འབྲེལ་བ་ཡོད་ཆོག་ལ་མེད་ཀྱང་ཆོག ཡིན་ན་ཡང་ཀླད་པའི་ནང་དུ་ཉོག་མ་གཏོགས་མེད་པ་ཚོས་འདི་གཉིས་ནམ་ཡང་མཉམ་དུ་དྲུད་ཡོང་གིན་འདུག
གནམ་ས་གོ་འབྱེད གནམ་ས་གོ་འབྱེད གནམ་ས་གོ་འབྱེད
གནམ་ས་གོ་འབྱེད གནམ་ས་གོ་འབྱེད གནམ་ས་གོ་འབྱེད
མཆོད་པ་
ཞོགས་དུང་གི་ཁྱིམ་དུ་མཆོད་མ་བཤམས་ཡོད་པ་དང་ཁོ་ནང་ཆོས་ལ་དད་མི་དད་གཉིས་མཉམ་དུ་སྦྱོར་མི་ཐུབ། རྒྱུ་མཚན་ནི་ཞོགས་དུང་གི་བཟའ་ཟླ་ནི་ཡི་གེ་ན་གཅིག་མི་ཤེས་པའི་བོད་རིགས་བུད་མེད་དཀྱུས་མ་ནང་ཆོས་ལ་དད་པ་རྩེ་གཅིག་བྱེད་མཁན་ཞིག་རེད། ཞོགས་དུང་ལྟ་བུའི་ཤེས་ཡོན་ཅན་ཞིག་གིས་རང་གི་བཟའ་ཟླའི་ཆོས་དད་རང་མོས་ལ་བརྩི་བཀུར་ལོས་བྱེད། ཤེས་སོང་ངམ། གང་ལྟར་ཞོགས་དུང་བོད་མི་རིགས་ཀྱི་ཆེད་དུ་འཛིན་བཟུང་བྱས་པའི་དུས་ཚོད་ནག་པོ་འདིའི་ནང་དུ་ཁྱོད་ཚོས་ཁོ་ཆོས་ལ་དད་མི་དད་ཀྱི་རྩོད་པ་སྐྱུག་བྲོ་བོ་འདི་དྲུད་ཡོང་ནས་ཅི་བྱེད། ཁྱོད་ཚོ་འདིས་ངོ་མ་རོ་མགོ་མེད་ཀྱི་སྟེང་དུ་བྲོ་འཁྲབ་ཀིན་འདུག ཞོགས་དུང་གིས་བརྗོད་པའི་མི་གཞི་མེད་པ་དང་སྒལ་ཚིགས་མེད་པ་ཟེར་བ་དེ་ནི་ཁྱེད་ཅག་མིན་ན་གང་ཡིན།
དྲ་བདག་ལགས། དྲ་ངོས་འདིར་དྲ་གྲོགས་རིགས་ཅིག་གིས་སྐབས་བབ་བརྗོད་གཞི་དང་འབྲེལ་བའི་བསམ་ཚུལ་མི་གླེང་བར་གང་ཟག་མི་སྒེར་ལ་གཞི་མེད་བསྙོན་འཛུགས་བྱེད་པའི་གོམས་གཤིས་ཤིག་འཇགས་འདུག་པས་དེ་དག་ལ་སྟངས་འཛིན་ནན་མོ་གནང་བའི་རེ་སྐུལ་ཞུ་བཞིན་ཡོད།
གནམ་ས་གོ་འབྱེད་སྐྱབས་བཅོལ་དུ་འབྱོར་བར་ཧ་ཅང་དགའ་བྱུང་།
བལ་ཡུལ་གྱི་གནས་བསྡོད་བོད་མི་དེ་དག་གི་སེམས་ཤུགས་ལ་རྗེས་སུ་ཡི་རིང་ཞུ།
ཨ་ཁ་དེ་ན་མདོ་སྨད་བརྩོམ་བསྒྲིགས་ཚོགས་ཆུང་ཟེར་བ་དང་མདོ་སྨད་རྒྱུན་ལས་མཇོན་འདོག་མགོ་རུས་དེ་ཚོ་རྗེས་ལ་ལྷག་འདུག་མོ།
ཆོས་ལ་རྒོལ་གྱིན་ཡོད་མེད་ཆོས་ཤེས་མཁན་ཞིག་གིས་ཤེས་པ་ལས་མི་ཤེས་མཁན་ཞིག་གིས་ག་ལ་ཤེས། ཡིན་ནའང་དེང་སང་ཆོས་མི་ཤེས་བཞིན་དུ་ཤེས་ཁུལ་བྱེད་མཁན་མང་པོ་འདུག་ལ་མི་སྐྱ་ཤེས་ཡོན་ཅན་ཡིན་ཟེར་མཁན་ཚོའི་ནང་དུ་ལྷག་པར་མང་། ཕྱག་འཚལ་བ་དང་སྐྱབས་འགྲོ་སོགས་ལ་རྒོལ་གཏམ་བཏང་བ་དེ་ཕྱག་ཅིའི་ཕྱིར་འཚལ་བ་དང་གང་ལ་འཚལ་བ། གང་ལ་སྐྱབས་སུ་འགྲོ་བ་དང་ཅིའི་ཕྱིར་སྐྱབས་ཞུ་བ་སོགས་མི་ཤེས་མཁན་ཚོས་བདེན་པ་འདྲ་ཞིག་མཐོང་ངེས།
ཞོགས་དུང་གི་ཁྱིམ་དུ་མཆོད་པ་བཤམས་ཡོད་པ་བདེན་ན་ཞོགས་དུང་གི་སྐད་ཆ་རྫུན་རེད། ཞོགས་དུང་གི་སྐད་ཆ་དངོས་གནས་ཡིན་ན་མཆོད་པ་བཤམས་ཡོད་པ་རྫུན་རེད།
ཨ་རིའི་ཨོཁལཧོམ་ཞེས་པའི་ས་གནས་སུ་སེར་བ་ཁུ་ཚུར་ཙམ་བབས་པའི་གློག་བརྙན་ལ་གཟིགས།
http://news.yahoo.com/video/us-15749625/hail-storm-hits-oklahoma-19917666#video=19917666
ཞོགས་དུང་གི་སྐོར་སྐད་ཆ་སྣ་ཚོགས་ཡོང་གི་ཡོད་པ་ཞོགས་དུང་ཁོ་རང་ལ་དགོས་པ་དེ་ཡིན། ལྷ་ཆབ་དང་ཟ་ལེ་སོགས་ཀྱི་གཟུར་གནས་ཡིན་ཁུལ་གྱི་སྐད་ཆ་དག་ལ་གནས་སྐབས་བགྲོ་གླེང་བྱེད་མི་བྱེད།
དགེ་བཤེས་བསྟན་པ་བཀྲ་ཤིས་ཟེར་བ་དེ་སུ་རེད། སྨན་རྩིས་ཁང་དུ་སྐྱ་མིན་སེར་མིན། བན་མིན་བོན། ཆོས་པ་དང་ཆབ་སྲིད་པ་གང་ཡང་མ་ཡིན་པའི་མི་ཁུངས་མ་འཁྱོལ་པ་ཞིག་ཡོད་པ་དེ་རེད་དམ། མི་དེ་ལ་རྒྱུས་མངའ་མེད་ཀྱང་ཁོ་པ་དྲན་རྒྱུ་ལས་རྒྱུ་མང་བའི་ཁྲམ་པ་ཞིག་ཡིན་པའི་གནས་ཚུལ་གོ་ཐོས་བྱུང་འདུག
ཁོས་གོང་ས་མཆོག་ལ་ཁ་བཏང་། ལྷ་བཟང་ཚེ་རིག་གི་རྐུབས་ལྡག གཞོན་ནུ་ཚོགས་པ་ཟེར་པའི་ཚོགས་མི་བྱས། ལོ་འགའ་ཤས་ནས་དེ་ཡང་ཁུངས་མ་འཁྱོལ། རང་བཙན་འཐབ་རྩོད་ལ་ངོ་ལོག་བརྒྱབ། ལམ་དབུ་མ་རྒྱབ་སྐྱོར་ཚོགས་ཁོངས་སུ་འཛུལ། ཁྲབ་རྒྱུ་མང་དྲགས་པས་གནས་ཆུང་གིས་འཁུ་ལྡོག་བྱས་ནས། ཆབ་སྲིད་དྲིལ་བསྒྲགས་ལ་འགྲོ་ཁུལ་བྱེད་སྐབས་ལམ་བར་ནས་འགྲུལ་འཁོར་བརྡབ། ཁོ་པ་ཤི་མིན་རོ་མིན་ཆགས། ཆབ་སྲིད་མི་ཤེས་བཞིན་དུ་ཆབ་སྲིད་འཁྲབ་ཁུལ་བྱས་ནས་ད་ལྟ་ལྷ་གྲལ་འདྲེ་གྲལ་གང་ལ་ཡང་མ་ཚུད་པར་ཕམ་ཉེས་ཆེན་པོ་ཕོག་ནས་ཡོད་པ་དེ་ཡིན་ནམ།
ཁོས་ཞོགས་དུང་གི་སྐོར་ཤོད་ཁུལ་བྱས་པ་ལ་གཟིགས་དང་། ཁོ་གྲྭ་པ་ཞིག་གི་བཟོ་ལྟ་འདུག ཞོགས་དུང་གིས་བདག་མེད་རྟོགས་པའི་ལྟ་བ་ལ་དགག་ཁུལ་བྱེད་ཀྱི་ཡོད་རེད། བྱང་ཆུབ་ཀྱི་སེམས་རིན་པོ་ཆེ་ལ་དགག་ཁུལ་བྱེད་ཀྱི་ཡོད་རེད། བདག་གཞན་མཉམ་བརྗེའི་ལྟ་བ་ལ་དགག་ཁུལ་བྱེད་ཀྱི་ཡོད་རེད། དེ་ལས་ལྷག་པའི་ནང་པའི་ཆོས་དགག་སྟངས་ཐབས་སྡུག་ཞིག་གང་དུ་ཡོད། མ་ཤེས་ཤེས་ཁུལ་བྱས་ཏེ་ཆོས་པ་རྫུན་མ་འགོག་པ་ལས་ཆོས་དངོས་གནས་བཀག་མེད་ཟེར་བ་དེ་ལ་རང་ཉིད་ངོ་མི་ཚའམ། གྲྭ་སར་ཡོང་ནས་གཏོང་སྒོ་བཏང་སྟེ་དགེ་བཤེས་དམ་བཅའ་ཐབ་ཆག་དེ་འདྲ་ཞིག་བཞག་སོང་། ད་ཡིན་ན་ཆོས་དང་ཆོས་མིན་གྱི་རྣམ་དབྱེ་འབྱེད་མི་ཐུབ། བདག་འཛིན་དང་བདག་མེད་ཀྱི་གོ་དོན་ངེས་མ་ཐུབ། ཀློག་པོ་རྣམས་ལ་གོ་རྒྱུ་ཡོད་པའི༷་ཚིགས་བཅད་གཅིག་ཀྱང་འབྲི་མ་ཤེས་པར་རང་མཚང་བསྟན་པ་མཚང་ཆེ། སྙིང་རྗེ། སྐྱ་མིན་སེར་མིན་དེ་རིགས་ཆོས་དང་ཆབ་སྲིད་གཉིས་ཆ་ལ་གནོད་ངོ་ཆེ།
ཨ་རིག་དགེ་མཐོང་ལགས་ཀྱི་བསམ་འཆར་ཧ་ཅང་བཟང་གི། དེབ་དེ་ལྟ་བུ་རྩ་ཆེན་ཡིན་པས་ཀློག་མཁན་རྣམས་ཀྱི་ལག་ཏུ་འཕྲོད་པ་དགོས། ཞོགས་དུང་གི་དེབ་འགྲིམ་སྤེལ་དང་ཀྱབ་བསྒྲགས་བྱེད་པར་རྗེས་སུ་ཡི་རང་དང་རྒྱབ་སྐྱོར་ཡོད།
ཞོགས་དུང་ཆོས་ལ་དད་པ་མེད་པ་མ་རེད་ ཞོགས་དུང་ལ་ཐད་ཀར་འབྲེལ་བ་ཡོད་པ་ཞིག་གིས་ཞོགས་དུང་གི་ཁྱིམ་དུ་མཆོད་པ་མཆོད་བཤམས་འདུག་ཟེར་ ཁོ་བོས་བལྟས་ན་ ཞོགས་དུང་དད་ལོག་རེད་ཟེར་བ་དག་གིས་དམ་དོམ་ཆོས་ཀྱི་གནས་ལུགས་མ་རྟོགས་པས་ཡིན་ནམ་ཆོས་ལ་དགའ་གྲགས་པས་ཡིན་ནམ་ གནམ་ས་གོ་འབྱེད་བཀླགས་ན་ ཞོིགས་དུང་གིས་དད་ལོག་རེད་ཟེར་མཁན་དག་ལས་ཆོས་ཀྱི་གནས་ལུགས་རྟོགས་འདུག་ལ་ དད་ལོག་ཡིན་པའི་རྒྱུ་མཚན་གྱི་ཆ་ཕྲ་མོ་ཙམ་ཡང་མཐོང་རྒྱུ་མི་འདུག་གོ།
མ་གཞིི་གནམ་ས་གོོ་འབྱེེད་ཅེེེས་པའིི་དེེེབ་དེེེའིིིིིི་ནང་དོོོན་གང་ཡིིན་ད་ལྟ་མཇལ་བའིི་གོོོ་སྐབས་མ་ཐོོབ། འོོོན་ཀྱང་ཞོོགས་དུང་ལགས་ཆོོས་ལ་དད་མོོས་ཡོོད་མེེད་གལ་ཆེེན་པོོ་མ་རེེད། སོོ་སོོོའིིི་རྒྱལ་ཁབ་དང་མིིི་རིིིགས་ཀྱིི་ཆེེད་དུ་ཤེེས་ཡོོན་དང་རང་ཉིིད་ཀྱིིི་ཡོོོད་ཚད་ལེེགས་སྐྱེེས་ཕུལ་མཁན་ཞིིག་ཡིིན་ན་གུས་བཀུར་དང་དམིིིགས་དཔེེ་ཞུ་འོོས། དམར་ཤོོག་གིི་ལྟ་བ་བཟུང་མཁན་འབའ་བ་ཕུན་དབང་ལགས་མཆོོག་ཀྱང་གང་ལྟར་མིི་རིིིགས་ཀྱིི་བདེེ་སྡུག་ལ་དོོ་འཁུར་གནང་མཁན་གྱིི་དཔའ་བོོ་ཞིིག་ཡིིན་པ་ལྟ་བུའོོ།
དཔེ་དེབ་དབུ་འབྱེད་གནང་མཁན་སྤྱི་འཐུས་རྣམ་པ་གཉིས་ཀྱིས་དབུ་
འབྱེད་སྐབས་དེབ་དེའི་ནང་དོན་གཙོ་བོ་འགྲེལ་བརྗོད་གནང་མ་ཐུབ་པ་ནི་དངོས་གནས་ཐབས་སྐྱོ་བོ་ཞིག་རེད།
བདེན་པའི་བདེན་སྟོབས་ཀྱིས་རྩོམ་པ་པོ་གང་ཉིད་གང་མགྱོགས་གློད་གྲོལ་ཡོང་བའི་སྨོན་ཚིག་བཅས།།
ཨེ་མ་་་་་་་གླད་རྙིང་གྱི་ལྟ་བ་ཤན་ཞུགས་ཞིང་མཐོང་རྒྱ་དང་ཐོས་རྒྱ་་མེད་མཁན་དྲ་གྲོགས་ག་གེ་མོ་ཁྱོད། ད་དུང་ཁྱོད་དུས་རབས་ཀྱི་རྗེས་སུ་ལུས་དངོས་གནས་ང་དང་ང་འདྲ་བ་ཡིད་ཕམ་གྱི་འདུག ཁྱོད་ཀྱི་དེ་ལྟར་དྲན་ཡང་རང་ཉིད་མཐོང་རྒྱ་དང་ཤེས་ཚད་སྐྱོ་པོ་ཡིན་པ་ངོས་ཟིན་དགོས།
དེབ་འདི་བཀླགས་ན་ཞོགས་དུང་གཞན་ཞིག་མཐོང་ངེས་རེད། དེ་ནི་ཁོང་གིས་བོད་མི་རིགས་ལ་བཟུང་བའི་སྔར་གྱི་ལྟ་ཚུལ་ནོར་བ་ངོས་ལེན་བྱས་པས་སོ། དེ་དང་ལྷན་ཅིག་ཞོགས་དུང་མཆོང་སར་མིག་བཙུམ་ནས་མཆོང་མཁན་ཚོ་ལ་མི་བདེ་བའི་ཚོར་སྣང་ཞིག་ཀྱང་སྟེར་སྲིད། དེབ་འདིའི་ནང་དུ་རང་ཉིད་ཀྱི་ནོར་བ་ནོར་བར་ངོས་ལེན་བྱས་པའི་ཞོར་དུ་ནོར་བ་དེར་ཡང་གདེངས་འཇོག་ཤུགས་ཆེར་བྱས་འདུག་སྟེ། རྗེས་སུ་དེབ་འདི་ཀློག་རྒྱུ་བྱུང་ན་ཀློག་པ་པོ་དག་གིས་བསམ་འཆར་འདོན་ངེས་རེད། དེ་དུས་འུ་ཚོས་ལྷོད་ལྷོད་ངང་གླེང་ཆོག
གཤམ་གྱི་ཁ་པར་ཨང་གྲངས་དེ་ངའི་ཁ་པར་ཨང་གྲངས་ཡིན། ཁོ་ལ་དེ་སྟེར་རོགས།
ད་དུང་བལ་ཡུལ་བོད་མི་ཚོས་བསམ་ཚུལ་འདི་རིག་ན་ཨམ་མདོའི་འབྲུག་ལྷ་ལ་བཤད་རོགས། འབྲུག་ལྷ་ནི་ཕ་ཡུལ་མདོ་རྨ་ལྷོ་གཡུ་སྒང་གི་ཡིན་པ་དང་མདོ་སྨད་ས་རྒྱུན་གྱི་ཚོགས་མི་ཞིག་ཡིན།
གཤམ་གྱི་ཁ་པར་ཨང་གྲངས་འདི་སྤྲད་རོགས།
o9916442227
ཁྱེད་ཅག་གི་ལྷག་བསམ་དང་འབད་བརྩོན་ལ་རྗེས་སུ་ཡི་རངས་ཞུ། གནམ་ས་གོ་འབྱེད་དེབ་གསར་དུ་དཔར་སྐྲུན་བྱས་པ་ཧ་ཅང་བཟང་གི རིན་མེད་ཐོག་དགྲམ་རྒྱུ་ཟེར་བ་འདི་ལ་ཕྲན་མོས་མཐུན་དེ་ཙམ་མེད། གཅིག་ནས་རྩོམ་དེབ་ཀྱི་མཐོང་བརླག་འགྲོ་བ་དང་། གཉིས་ནས་དེབ་ཀློག་འདོད་ཡོད་མེད་ཀུན་གྱིས་འཕྲོགས་བརྩད་བྱས་ནས་ཁྱེར་འགྲོ་བ་རེད། དེ་ཡིན་དུས་དེབ་ཀློག་མཁན་དག་གི་ལག་ཏུ་ཐོན་མི་སྲིད་པ་རེད། དཔེར་ན། རྩོམ་པ་པོའི་མཐུན་ཚོགས་་ཀྱིས་དཔར་སྐྲུན་བྱས་པའི་ལྷང་འཇགས་མེད་པའི་ཧི་མ་ལ་ཟེར་བའི་དེབ་དེ་ཀློག་མཁན་དག་གི་ལག་ཏུ་མ་འབྱོར་བར་ངྷ་སའི་ཟ་ཁང་དང་ཇ་ཁང་དག་གི་སྒོ་འགྲམ་ན་གད་སྙིགས་ལྟ་བུའི་ཚུལ་གྱི་གང་འདུག གདན་སའི་གྲྭ་བ་དག་གིས་གཅིག་རག་ན་དེ་གཡར་ནས་ཕན་ཚུན་དུས་ཚོད་བཟུང་ནས་སྤྲད་རེས་བྱེད་ཀྱིན་ཡོད་པ་རེད། མདོ་སྨད་ཀྱིས་དཔར་སྐྲུན་བྱས་པའི་ས་བྱི་ཆེན་མོའི་ཞི་རྒོལ་ཟེར་བའི་དེབ་ཡང་དེ་འདྲ་བོ་ཆགས་པ་རེད།
ངས་ཁ་སང་མདོ་སྨད་རྩོམ་སྒྲིག་ཚོགས་ཆུང་གིས་གནམ་ས་གོ་འབྱེད་དཔར་སྐྲུན་བྱེད་རྒྱུ་ཡིན་ཟེར་དུས་འབྲེལ་ཡོད་དང་གནད་ཡོད་མི་སྣ་ཁག་ཅིག་ལ་ཁ་པར་བརྒྱུད་ནས་བསམ་འཆར་འདི་བཤད་ཡོད། གལ་སྲིད་རྗེས་སུ་དེ་འདྲ་ཐོག་ཏུ་མ་སོང་ན་དུས་ལན་འདེབས་ངེས་ཡིན། སྤྱིར་བཏང་དེབ་རིན་མེད་ཅེས་ན་དེབ་ཀྱི་མཐོང་བརླག་འགྲོ་བ་ཧོར་གཙང་གིས་བཤད་པའི་གཏམ་ཞིག་ཡོད་མེད། ད་ལྟ་མི་དྲན་གི གང་ལྟར་ཨ་ཁུ་བསྟན་འཛིན་སོགས་ཀྱིས་འགྲོ་གྲོན་བཏང་བ་བཀའ་དྲིན་ཆེ་ཞུ།
ཕྱི་སྡོད་བོད་མི་ཚོ་་སྐྲག་མི་དགོ་ས་ནས་རྒྱ་ཆེན་མ་བཤད།དྲ་གྲོགས་ཁ་ཤེས་ཞིག་གིི་སྐུ་ཞུབས་ཞོགས་དུང་ལགས་ཆོས་ལ་དད་པ་ཡོད་མེད་དང་བསམ་བློ་ཡོད་མེད་གླེང་རིན་ཞིག་མ་རེད།་་ད་ལྟའི་དུས་འདི་ཁོང་གློད་གྲོལ་ཡོང་བའི་ཆེད་ལ་།ང་ཚོས་བསམ་བློ་གཏོང་དགོས་པ་ཞིག་རེད།མི་རིགས་ཤིག་གི་བདེ་སྡུག་གི་ཆེད་དུ་འགན་ཞིག་ཁུར་ནས་ཞོགས་དུང་དང་ཞོགས་དུང་འདྲ་བའི་བོད་ནང་གི་དཔའ་ངར་ཅན་གྱི་རྩོམ་པ་པོ་རྣམས་པའི་བདེ་སྡུག་ལ་།ང་ཚོས་བསམ་བློ་གཏོང་རན་འདུག།
ད་རུང་ཁོ་འཛིན་དགོས་པའི་རྒྱུ་རྐྱེན་ཅི་ཡིན་གསལ་བོ་སུས་ཀྱང་ཤེས་ཨེ་ཡོད་ན། བཀག་ཉར་ཙམ་བྱས་པ་རེད། བཀག་སྐྱིལ་ཟེར་བ་ཆུ་སོགས་བཀག་སྟེ་ཡར་འཁྱིལ་བའི་དོན་རེད།
ངས་ལྡོག་ཕྱོགས་ནས་སྐད་ཆ་ཞིག་བཤད་རྒྱུ་ཡིན། དྲ་གྲོགས་རྣམས་ཀྱིས་ང་སྐོར་ལོག་ཅིག་རེད་མ་ཟེར། ངས་བལྟས་ན་ད་དུང་ཅུང་སྔ་སོང་བ་མིན་འགྲོ་དྲན་གྱི་འདུག དེ་ཟེར་དོན་ནི། ཞོགས་དུང་ཁོང་ད་དུང་དངོས་འཛིན་བཟུང་བཀག་གཉེར་གྱི་ལོ་ཚད་མ་བཟོས་གོང་། བཙན་བྱོལ་ནང་ནས་རྗེས་མར་ལོ་ཚད་བཟོ་བར་རྒྱབ་གཉེར་ལྟ་བུར་འདི་ལྟར་བྱས་ན་ཡག་པོ་ཨེ་ཡོད་དྲན་གྱི་འདུག དེའི་ཉམས་མྱོང་དེ་ང་ཚོར་མེད་པ་མིན་ཏེ། དཔའ་བོ་རོང་རྒྱས་ཨ་གྲགས་ལའང་དེ་ལྟར་བྱུང་བ་རེད། ང་ཚོའི་ངོས་ནས་ད་དུང་ཁོང་གློད་གྲོལ་ཡོང་བའི་རེ་བ་ཞིག་བརྒྱབ་སྟེ་དོན་འབྲས་མ་བྱུང་ན་《གནམ་ས་གོ་འབྱེད》ཕར་ཟད། ཁོང་གི་བརྩམས་ཆོས་ཚང་མ་དཔར་སྐྲུན་བྱས་ཀྱང་ཆོག ད་ལྟ་ནི་ད་དུང་བཀག་སྐྱིལ་ཙམ་རེད། འདིའི་སྐབས་སུ་གླེང་སློང་ཤུགས་ཆེན་རེ་བྱེད་ཆོག་པ་ལས། འདི་ལྟར་ནག་ཉེས་ལ་ངེས་ལེན་ལྟ་བུའི་ལས་ཀ་འདི་ལྟར་བྱས་ན་ཅུང་སྔ་དྲགས་མེད་འགྲོ་བསམ་བྱུང་། ཉེ་ཆར་རླུང་འཕྲིན་དང་གསར་འགྱུར་བརྒྱུད་ལམ་ནས་ཤུགས་ཆེན་གླེང་སྐབས། དྲ་གྲོགས་ཟ་ལེ་རྒྱལ་གྱིས་ཀྱང་དེ་ལྟར་ལྡོག་ཕྱོགས་ནས་བསམ་ཚུལ་བཤད་ཡོད། བསམ་བློ་ཞིབ་ཏུ་བཏང་ན། དེ་ནི་ཧ་ཅང་གི་བདེན་པར་མཐོང་།
འབྲོག་རུ་ལགས། ད་རུང་ཟ་ལེ་རྒྱལ་མང་པོ་ཡོད།
ཞོགས་དུང་ལགས།་ཁྱེད་ཀྱི་རྒྱབ་རྩ་ན་དུས་རབས་གསར་བའི་མི་རབས་གསར་བ་ཡོད།གླད་རྙིང་ཅན་དང་སྒེར་གཅོད་བཙན་དབང་གི་སྲིད་ལུགས་ལ་ང་ཚོས་ནམ་ཡང་མགོ་མི་སྒུར།
རྗེས་སུ་ཡི་རངས།
༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་གི་དབུ་བྱས་་པའི་བོད་ཀྱི་བླ་ཆེན་ཁག་གི་མཛད་འཕྲིན་འཛམ་་བུ་གླིང་དུ་ཁྱབ་བཞིན་པའི་དུས་སྐབས་འདིར། ཞོགས་དུང་གིས་ཅི་ཞིག་ཤེས་སོང་། བོད་བརྒྱུད་ནང་བསྟན་གྱི་རིན་ཐང་གི་འཛམ་གླིང་ཤར་ནུབ་ཀྱི་བློ་ལྡན་དུ་མའི་ཡིད་དབང་འཕྲོག་དུས། ཞོགས་དུང་གིས་ཆོས་ལུགས་ཀྱི་བག་ཆགས་དོང་སྤྲུག་བྱེད་དགོས་པ་བོད་དོན་ཡིན་པ་ཤེས། བོད་བརྒྱུད་ནང་བསྟན་གྱི་འོད་སྟོང་བོད་ཡུལ་ཙམ་དུ་ཟད་རྒྱ་ནག་གི་ཡུལ་གྲུ་དུ་མར་ཁྱབ་སྟེ། ནང་ཆོས་དང་བོད་ཀྱི་བླ་མར་རྒྱ་རིགས་ས་ཡ་མང་པོས་གུས་བཀུར་བྱེད་དུས། རྒྱ་ནག་གི་དཔོན་རིགས་མང་པོས་སེམས་ཁྲལ་བྱེད་དུས། ཞོགས་དུང་གིས་བོད་བརྒྱུད་ནང་བསྟན་ཆོས་ལུགས་ནི་བོད་དོན་འཐད་རྩོད་བྱེད་སྐབས་སུ་དོར་དགོས་པ་ཞིག་ཏུ་མཐོང་ཡོད། ད་ཡིན་ན་ཞོགས་དུང་ལ་ག་རེ་འདུག ཁོང་སྙིང་རྗེ་ལྷག་བསམ་ཟེར་ན་ཡང་རེད་བོད་ཞེན་ཅན་ཞིག་ཡིན་སྲིད།
ཞོགས་དུང་གིས་བྲིས་པའི་གནམ་ས་གོ་འབྱེད་དེས། བཙན་བྱོལ་ཁྲོད་ལུགས་གཉིས་ལ་བལྟ་བའི་མིག་སྡོང་པའི་བླུན་པོ་རེ་ཟུང་ཧང་སང་གི་འཇུག་ངེས། གནམ་ས་གོ་འབྱེད་ཀྱི་ནང་དུ་ཨ་མདོ་བའི་གྲོང་གསེབ་ཀྱི་ཡུལ་སྐད་རེ་ཟུང་མཐོང་རྒྱུ་ཡོད་ངེས། གནམ་ས་གོ་འབྱེད་ཀྱིས་ཆོས་དང་རིག་གཞུང་ལ་སྦྱངས་འདྲེས་ཆུང་བའི་ཕོ་གསར་རེ་ཟུང་ཡ་མཚན་སྐྱེ་བཅུག་སྲིད། གནམ་ས་གོ་འབྱེད་ཀྱིས་སྡོམ་པ་སྲུང་འདོད་མེད་པའི་བཙུན་གཟུགས་རེ་ཟུང་གི་བློ་སྒོ་འབྱེད་ངེས། ལོ་རྒྱུས་ཀྱི་དཁྱོགས་མཚམས་ཟེར་ན་མི་ཤེས། བྱབ་ཆུང་ཡ་མ་བརླ་རེ་ཟུང་ཆོས་ལ་ལོག་ལྟ་སྐྱེ་བའི་རྒྱུ་བྱེད་སྲིད།
རླབས་ཆེན་གྱི་དཔེ་དེབ་འདི་སྒོ་འབྱེད་བྱེད་པར་སྙིང་ནས་ཡི་རངས་དང་བསྟོད་བསྔགས་བྱེད། མི་རིགས་ལ་ལྷག་བསམ་དཀར་ཞིང་རང་རིགས་ལ་ཤ་ཞེན་ཟབ་པའི་རྩོམ་པ་པོ་ཞིག་གིས་རང་ཉིད་ཀྱི་ཚེ་སྲོག་ལ་མ་འཛེམ་པར་རང་ཉིད་ཀྱི་ཡོད་ཚད་མི་རིགས་ལ་འབུལ་བ་འདི་མི་བུ་འདིའི་བླ་མེད་ཀྱི་འོད་སྣང་དེ་རེད་འདོད་། འདིར་ཞུ་རྒྱ་ཞིག་ལ་དཔེ་དེབ་འདི་སྤྱི་ཚོགས་ནང་རིན་མེད་མ་འགེྲམ་རོགས
དཔེ་དེབ་མཐོང་མེད་དང་ནུས་མེད་དུ་མ་བཟོ་རོགས་གནང་།
སྐུ་ཞབས་ཞོགས་དུང་ལགས་ཀྱི་དེབ་གསར་པ་དེ་མཐོང་འདོད་ཆེ་
མོད་ད་སྐབས་རེག་སོང་མ་གཏོག་གནས་ལུགས་རེ་ཡོད་རེད་སྙམ་
པའི་ངེས་ཤེས་ཡོད
ངས་དེ་རིང་སླར་ཡང་ཞོགས་དུང་དྲན། ༼ དུས་རབས་གཉིས་ཀྱི་དཀྱོགས་མཚམས་ཀྱི་བོད་པའི་མི་རབས་གསར་བར་རྟོག་སད་ཀྱི་ཀི་རིང་འདེབས་མཁན། གསར་རྙིང་གཉིས་ཀྱི་སྣོལ་མཚམས་ཀྱི་བོད་པའི་རིག་གནས་སྣང་ཚུལ་ལ་དོགས་སློང་གི་སྙིང་སྟོབས་སྤེལ་མཁན། ཤར་ནུབ་གཉིས་ཀྱི་སོ་མཚམས་ཀྱི་བོད་པའི་བསམ་བློའི་རིན་ཐང་ལ་དཔྱོད་ཤེས་ཀྱི་རྒྱང་འབོད་གཏོང་མཁན། ལྷ་མི་གཉིས་ཀྱི་དབྱེ་མཚམས་ཀྱི་བོད་པའི་མི་ཆོས་ཀུན་སྤྱོད་ལ་གསར་བརྗེ་ཡི་བསྒྲགས་གཏམ་སྤེལ་མཁན། རྒྱ་བོད་གཉིས་ཀྱི་བདེན་རྫུན་འཐབ་རྩོད་ལ་དཀར་ནག་གོ་འབྱེད་ཀྱི་གད་རྒྱང་སྒྲོག་མཁན ༽ སྐུ་ཞབས་ཞོགས་དུང་ལགས། ཁྱེད་ཀྱི་རྒྱབ་ན་མི་རབས་གསར་པའི་རུ་དཔུང་ཞིག་གིས་ཡིད་ཀྱི་ལྟ་གོན་སྔར་ནས་བྱས་ཡོད།
༄༅།།་ཡ་ཡ་གནམ་ས་གོ་འབྱེད་་་་་ཁྱོད་ཀྱི་ཚོང་ཁང་འགའ་ཞིག་གི་ཁེ་ཕན་ལ་གོ་འབྱེད་རྒྱུ་རེད
དེ་མིན་ཁྱོད་ཀྱི་སྙན་གྲགས་དེ ་རྒྱ་གྲགས་བོད་གྲགས་བྱས་པ་ལྟར་
རིན་ཐང་ལྡན་པ་མི་འདོད་དོ
གྲོང་ཚོ་རེའི་ཁ་སྐད་རེ་ཟུང་ཁྱེར་ནས་ཐ་སྙད་གསར་བ་རེ་ཡིན་བཟོ་བྱས་ཡོད་རྒྱུ་རེད
རྒྱལ་གཅེས་དཔའ་བོ་ཞིག་གི་རང་གཤིས་མངོན་པའི་གནམ་ས་གོ་འབྱེད་ལ་རོབ་ཙམ་བལྟས་རྗེས་ཀྱི་འཆར་སྣང་།
ཞོགས་དུང་གང་འདྲ་ཞིག་ཡིན་ནམ།
༡༽མི་རིགས་བདེ་སྐྱིད་བསུ་བའི་ཞོགས་དུང་མིན་ཡང་།།
དག་སྣང་རྨི་ལམ་དཀྲོག་པའི་ཞོགས་དུང་ཡིན་ངེས།།
སྲིད་དབང་མགོ་རྟིང་སློག་པའི་ཞོགས་དུང་མིན་ཡང་།།
ཁོང་ནད་རྨ་ཁ་གཤགས་པའི་ཞོགས་དུང་ཡིན་སེམས།།
མི་རིགས་ཤིག་གི་བདེ་སྐྱིད་ཉི་གཞོན་བསུ་བའི་ཞོགས་དུང་མིན་ཡང་།།
མི་རིགས་ཤིག་གི་དག་སྣང་རྨི་ལམ་དཀྲོག་པའི་ཞོགས་དུང་ཡིན་ངེས།།
རྒྱལ་ཁབ་ཅིག་གི་སྲིད་དབང་མགོ་རྟིང་སློག་པའི་ཞོགས་དུང་མིན་ཡང་།།
མི་རབས་ཤིག་གི་ཁོང་ནད་རྨ་ཁ་མཚོན་པའི་ཞོགས་དུང་ཡིན་ངེས།།
༢༽ཆོས་ལུགས་དག་ཐེར་བྱེད་པའི་ཞོགས་དུང་མིན་ཡང་།།
རྨོངས་དད་སེམས་ཁམས་དཀྲོག་པའི་ཞོགས་དུང་ཡིན་འདུག།
ཞིབ་དཔྱོད་དབུ་ཚད་རིགས་པའི་ཞོགས་དུང་མིན་ཡང་།།
འཁྲུལ་སྣང་བག་ཆགས་གཏོར་བའི་ཞོགས་དུང་ཡིན་ནོ།།
ཆོས་ལུགས་ཤིག་གི་ལྟ་སྤྱོད་དག་ཐེར་བྱེད་པའི་ཞོགས་དུང་མིན་ཡང།།
རྨོངས་དད་ཅན་གྱི་ལྷིང་འཇགས་སེམས་ཁམས་དཀྲོག་པའི་ཞོགས་དུང་ཡིན་འདུག།
ཞིབ་དུ་དཔྱོད་པའི་རྨད་བྱུང་དབུ་ཚད་རིགས་པའི་ཞོགས་དུང་མིན་ཡང་།།
སྡེབས་ལེགས་ཚིག་གི་གསོན་ཉམས་དོད་པས་མི་སེམས་འགུག་པའི་ཞོགས་དུང་ཡིན་ནོ།།
༣༽རང་བཙན་སྒྲུབ་བྱེད་སྟོན་པའི་ཞོགས་དུང་མིན་ཡང་།།
རང་དབང་མང་གཙོ་རྩོད་པའི་ཞོགས་དུང་ཡིན་ངེས།།
གཞོན་རབས་གོ་རྟོགས་འབྱེད་པའི་ཞོགས་དུང་མིན་ཡང་།།
རིགས་ཞེན་ལ་རྒྱ་མཆེད་པའི་ཞོགས་དུང་ཡིན་ནོ།།
རང་བཙན་ལེན་པའི་ཡང་དག་སྒྲུབ་བྱེད་སྟོན་པའི་ཞོགས་དུང་མིན་ཡང་།།
རང་དབང་མང་གཙོའི་གཞི་རིམ་ཁེ་དབང་རྩོད་པའི་ཞོགས་དུང་ཡིན་ངེས།།
མི་རབས་རྗེས་མའི་བསམ་བློའི་གོ་རྟོགས་སད་པའི་ཞོགས་དུང་མིན་ཡང་།།
གཞོན་སྐྱེས་རྣམས་ཀྱི་བཅོས་མིན་ཚོར་ཤུགས་མཆེད་པའི་ཞོགས་དུང་ཡིན་ནོ།།
༤༽ཆོས་དང་ཆོས་མིན་འབྱེད་པའི་ཞོགས་དུང་མིན་ཡང་།།
ལོག་འཚོའི་འཚོ་ལམ་འགོག་པའི་ཞོགས་དུང་ཡིན་ངེས།།
ལྷ་ཆོས་དགེ་བར་སྡང་བའི་ཞོགས་དུང་མིན་ཡང་།།
མི་ཆོས་གཙོ་བོར་འཛིན་པའི་ཞོགས་དུང་ཡིན་ནོ།།
ཆོས་དང་ཆོས་མིན་རྣམ་པར་འབྱེད་པའི་བློ་ལྡན་ཞོགས་དུང་མིན་ཡང་།།
སྟར་སྣང་ཆོས་པའི་ངན་འཚང་ཁྲོམ་སྒྲོག་བྱེད་པའི་ཞོགས་དུང་ཡིན་ངེས།།
ལྷ་ཆོས་དགེ་བར་སྙིང་ནས་སྡང་བར་བྱེད་པའི་ཞོགས་དུང་མིན་ཡང་།།
མི་ཆོས་གཙང་མ་སེམས་ནས་གཙོ་བོར་འཛིན་པའི་ཞོགས་དུང་ཡིན་ནོ།།
༥༽དཔའ་བོའི་ཁུ་ཚུར་འཕྱར་བའི་ཞོགས་དུང་མིན་ཡང་།།
ལ་རྒྱ་སྨྱུག་རྩེས་རྩོད་པའི་ཞོགས་དུང་ཡིན་ངེས།།
གངས་སེང་དར་ཆ་འཁྱེར་བའི་ཞོགས་དུང་མིན་ཡང་།།
རྒྱ་འོག་སྒུར་འདོད་མེད་པའི་ཞོགས་དུང་ཡིན་ནོ།།
ཁུ་ཚུར་གནམ་ལ་འཕྱར་ནས་དཔའ་རྟགས་སྟོན་པའི་ཞོགས་དུང་མིན་ཡང་།།
མི་རིགས་ལ་རྒྱ་སྨྱུག་གུའི་རྩེ་ནས་རྩོད་པའི་ཞོགས་དུང་ཡིན་ངེས།།
གངས་སེང་དར་ཆ་འཁྱེར་ཏེ་རང་བཙན་རྩོད་པའི་ཞོགས་དུང་མིན་ཡང་།།
དབང་འཛིན་རྒྱ་ཡི་འོག་ལ་སྒུར་འདོད་མེད་པའི་ཞོགས་དུང་ཡིན་ནོ།།
༦༽རྒྱལ་གཅེས་གཟེངས་རྟགས་ཐོབ་པའི་ཞོགས་དུང་མིན་ཡང།།
རྒྱལ་ཞེན་ལ་རྒྱ་བརྟན་པའི་ཞོགས་དུང་ཡིན་ངེས།།
གཉེན་ཉེར་ཆགས་ཞེན་བྲལ་བའི་ཞོགས་དུང་མིན་ཡང་།།
ཡོད་ཚད་བློས་གཏོང་ཐུབ་པའི་ཞོགས་དུང་ཡིན་ནོ།།
རྒྱལ་གཅེས་དཔའ་བོའི་གཟེངས་རྟགས་ཐོབ་པར་འོས་པའི་ཞོགས་དུང་མིན་ཡང་།།
ཕྱི་རབས་ལོ་རྒྱུས་ཐོག་ཏུ་འགོད་པར་འོས་པའི་ཞོགས་དུང་ཡིན་དགོས།།།
རང་ཁྱིམ་གྲུ་བཞིའི་གཉེན་ཉེར་ཆགས་ཞེན་བྲལ་བའི་ཞོགས་དུང་མིན་ཡང།།
གཟའ་ཚང་གསོན་འབྲལ་བྱེད་ལ་སྤོབས་སེམས་ལྡན་པའི་ཞོགས་དུང་ཡིན་ནོ།།
༧༽སྲོལ་རྒྱུན་རྩ་མེད་གཏོང་བའི་ཞོགས་དུང་མིན་ཡང་།།
རྙིང་ཞེན་ཁོ་ན་འགོག་པའི་ཞོགས་དུང་ཡིན་ངེས།།
མེས་པོ་ལེབ་རྡུང་བྱེད་པའི་ཞོགས་དུང་མིན་ཡང་།།
ཕ་ཤུལ་རྒྱུད་འཛིན་སྡང་བའི་ཞོགས་དུང་ཡིན་ནོ།།
རྙིང་པ་ཐམས་ཅད་རྩ་མེད་གཏོང་བར་འདོད་པའི་ཞོགས་དུང་མིན་ཡང།།
རྙིང་པ་ཁོ་ནར་ཞེན་པའི་འདུ་ཤེས་འགོག་པའི་ཞོགས་དུང་ཡིན་སེམས།།
དྲིན་ཆེན་མེས་པོ་ཀུན་ལ་རྒྱུག་རྡུང་བྱེད་པའི་ཞོགས་དུང་མིན་ཡང།།
ཕ་ཤུལ་རྒྱུད་འཛིན་སྲོལ་ལ་ཞེ་ནས་སྡང་པའི་ཞོགས་དུང་ཡིན་འདུག།
རིག་གསར་ལག་རྩེར་དབང་བའི་ཞོགས་དུང་མིན་ཡང།།
རིག་གསར་དགོས་མཁོར་མཐོང་བའི་ཞོགས་དུང་ཡིན་ངེས།།
གསར་གཏོད་རིག་པ་སྨྲ་བའི་ཞོགས་དུང་མིན་ཡང་།།
དོན་མིང་རྗེས་སུ་འཇུག་པའི་ཞོགས་དུང་ཡིན་ངེས།།
མ་མཐོང་མེད་པར་འཛིན་པའི་ཞོགས་དུང་མིན་ཡང།།
མངོན་སུམ་གཙོ་བོར་འཛིན་པའི་ཞོགས་དུང་ཡིན་ངེས།།
ལས་འབྲས་དད་ལོག་བྱེད་པའི་ཞོགས་དུང་མིན་ཡང་།།
ལྷ་ཀླུར་ཡིད་ཆེས་མེད་པའི་ཞོགས་དུང་ཡིན་ནོ།།
ཡ་ཡ། གནམ་ས་གོ་འབྱེད་ནང་ན་གསར་བ་ཞིག་གང་ཡང་ཡོད་པར་མི་འདོད། དཀར་ཆག་དེར་ཚར་གཅིག་བལྟས་ཡིན། ཧ་ལས་ཡ་གང་ཡང་མི་འདུག་ལ་ཧ་ལས་དགོས་པའི་གནད་དོན་གང་ཡང་ཡོད་དོན་ཡོད་མེད། ཞོགས་དུང་གིས་་བོད་དོན་འཐབ་རྩོད་ཀྱི་ཐབས་ལམ་གསར་བའམ་བློ་སྒོ་གསར་བ་ཕྱེ་ཡོང་གི་རེད་སྙམ་པའི་རེ་བ་དུས་ནམ་ཡང་བྱེད་མྱོང་མེད།
ངས་བོད་མི་ལ་ཞེན་ཅན་ཁྱེད་རྣམ་གི་ལྷག་བསམ་ལ་སེམས་གཏིང་ནས་ཐུགས་རྗེ་ཆེ་ཞུ་འདོད་བྱུང་ལ་འགྲོ་གྲོན་སྦྱིན་བདག་གནང་མཁན་ཁོང་གསུམ་ལ་སེམས་དབུས་ནས་ཐུགས་རྗེ་ཆེ་ཞུ་གི་ཡོད། ཞོགས་དུང་གི་བསམ་དོན་རྒྱལ་རྒྱུར་ཅིག། བོད་རྒྱལ་ལོ།
གུས་མོ་ནི་ཕྱི་སྡོད་བོད་མི་ཚོ་དང་འབྲེལ་འདྲིས་ཟབ་ཤོས་དེ་ཡིན་རྒྱུ་རེད། སེམས་སྐྱོ་བའི་ཟུར་སྣེ་རེ་ནས་ཡིད་དགའ་བའི་དོན་ཆུང་རེ་བསྒྲབས་སྐབས། སྤོབས་པ་དང་རེ་བ་ཕྲན་བུ་རེ་སླེབས་གི དེ་ནི་ཡུལ་ཤུལ་སྐྱེ་རྒུ་མདོར་ས་ཡོམ་བརྒྱབ་ཏེ་ཉིན་ ༢༧ གྱི་ནང་ཚུན་ལ་མྱ་ངན་གུས་ཚིག་ཀྱི་སྙན་དེབ་༼ མགོ་བོ་དུད་དེ་མྱ་ངན་ཞུ ༽ ཞེས་པའི་དཔེ་དེབ་དེ་ཕྱི་སྡོད་སྤུན་ཟླ་ཚོས་དཔར་སྐྲུན་བྱས་པ་དང་། ཀྲུང་གོའི་སྲིད་གཞུང་གིས་སྐུ་ཞབས་ཞོགས་དུང་འཛིན་བཟུང་བྱས་ཏེ་ཉིན་ ༢༧ ནང་ཚུན་དུ་ཞོགས་དུང་གི་བརྩམས་ཆོས་༼ གནམ་ས་གོ་འབྱེད ༽ ཞེས་པ་བསྐྱར་དཔར་འགྲེམས་སྤེལ་བྱས་པ་འདི་རེད།
གནམ་ས་གོ་འབྱེད་མྱུར་དུ་ཀློག་རྒྱུ་ཡོང་བར་རེ་སྒུག་བྱེད།
བོད་ཀྱི་གླན་རྙིང་འདོར་མཁན་ཞོག་དུང་ལགས་ཀྱི་་དེབ་འབྱོར་བ་བདག་བསམ་
ཚུལ་གཅིག་འགྲུབས་སོང་།
ད་དེ་ལས་བོད་ཀྱི་ན་གཞོན་ཡོངས་ཀྱི་ལེགས་པའི་ཆ་དེ་ལེན་ཤེས་དགོས།