རྒྱ་ནག་གི་དཔོན་རིགས་ཚོས་བོད་དོན་གྱི་དཀའ་ངལ་ཡོད་པ་ངོས་ལེན་བྱས་ཏེ་གྲོས་མོལ་མགོ་འཛུགས་བྱ་དགོས་ལ། གྲོས་མོལ་ངོ་མ་ཞིག་མགོ་འཛུགས་བྱུང་མཚམས་བོད་ནང་གི་མང་ཚོགས་ཀྱིས་དེར་མཉམ་ཞུགས་བྱ་དགོས་ཀྱི་རེད། ད་ལྟའི་ཆ་ལ་བོད་རིགས་མང་ཚོཊ་ཀྱིས་རང་གི་བསམ་ཚུལ་བརྗོད་པ་ཡིན་ན་ཁ་བྲལ་བ་རེད་ལབ་ནས་ཉེས་འཛུགས་བྱེད་ཉེན་ཡོད། ངོས་ཀྱིས་ནམ་རྒྱུན་ནས་དོན་གྱི་བདག་པོ་གཞིས་ལུས་བོད་རྒྱ་ཆེའི་མི་མང་ཡིན་ཞེས་བཤད་བསྡད་ཀྱིན་ཡོད་ཅེས་༧གོང་ས་མཆོག་གིས་གསུངས་ཡོད།
ཟླ་འདིའི་ཚེས་ ༡༨ ཉིན་ཧོང་ཀོང་ནང་རྟེན་གཞི་བྱས་པའི་ཌོ་ཝེ་ Duowei རྒྱ་སྐད་གསར་འགྱུར་སྡེ་ཚན་གྱི་འགན་འཛིན་སྐུ་ཞབས་ཡུ་ཕིན་ཧེ་ Yu Pinhai ཨ་རིར་ཆེད་བཅར་གྱིས་ཆུ་ཚོད་གཅིག་རིང་༧གོང་ས་མཆོག་ལ་བོད་དོན་སྐོར་བཀའ་འདྲི་ཞུས་སྐབས། ༧གོང་ས་མཆོག་གིས་བོད་པར་ནང་ཆོས་དང་འབྲེལ་བའི་ལེཊ་བྱང་་ཕྱུག་པོ་ཞིག་ཡོད་པ་དེ་ནང་པ་དང་ཁ་ཆེ། ཡི་ཤུ་བཅས་བོད་མི་ཡོད་དོ་ཅོག་སོ་སོའི་མི་ཚེའི་ནང་འཚོ་བའི་ཆ་ཤས་ཤིག་ཆགས་ཡོད་ལ། དེར་ངོས་ཀྱིས་བོད་ཀྱི་ནང་པའི་ལེགས་བྱང་ཞེས་བརྗོད་ཀྱི་ཡོད། ལེཊ་བྱང་དེ་འཚེ་བ་མེད་པ་དང་བྱམས་བརྩེ་ལྡན་པ་ཞིག་ཡིན། རྒྱ་ནག་གཙོས་པའི་འཛམ་གླིང་ས་ཁུལ་ཁག་ཏུ་བཟང་སྤྱོད་དང་འབྲེལ་བའི་དཀའ་ངལ་འཕྲད་བཞིན་ཡོད་པ་དེར་བོད་ཀྱི་ནང་པའི་ལེཊ་བྱང་གིས་ཕན་ཐོགས་ཡོང་ངེས་རེད་ཅེས་དང་། ཡང་ཁོང་གིས་མུ་མཐུད་དོན། ངོས་ཀྱི་བློ་འཚབ་ཆེ་ཤོས་དེ་བོད་ཀྱི་ལེཊ་བྱང་བདག་གཅེས་བྱ་རྒྱུ་དེ་ཡིན་ནའང་། བསམ་བློ་གུ་དོག་པའི་རྒྱ་ནག་གི་དཔོན་རིགས་རེ་འགས་བོད་ཀྱི་ལེཊ་བྱང་ཞེས་བརྗོད་སྐབས་ཁ་བྲལ་ཡིན་པར་ངོས་འཛིན་བྱེད་པ་དེ་དཀའ་ངལ་ཞིག་ཆགས་ཡོད། བསམ་བཞིན་བྱས་ཡོད་མེད་ལ་མ་ལྟོས་པར་བོད་ནང་དུ་བོད་པའི་ལེཊ་བྱང་རྩ་མེད་དུ་འགྲོ་བཞིན་ཡོད། བོད་རང་སྐྱོང་ལྗོངས་ཀྱི་དྲུང་ཆེ་ཟུར་བ་ཇིན་ཀོ་ཡོན་གྱིས་ལྷ་སའི་བོད་ལྗོངས་སློབ་གྲྭ་ཆེན་མོའི་ནང་། བོད་ཀྱི་ནང་ཆོས་སློབ་ཁྲིད་བྱེད་མི་ཆོག་པའི་བཀའ་བཏང་ཡོད་ཚུལ་སློབ་ཆེན་གྱི་དགེ་རྒན་ཚོའི་སར་ནས་གོ་ཐོས་བྱུང་། དེ་བཞིན་རྒྱ་མིའི་དཔོན་རིགས་རེ་འགས་བོད་ཀྱི་དགོན་པ་དེ་ཚོ་ཆོས་སློབ་གཉེར་བྱེད་ས་མིན་པར་གྲྭ་བ་ཁ་ཤས་ལས་མེད་པའི་ལྷ་ཁང་ལྟ་བུར་བསྒྱུར་ཐུབ་ན་ལེགས་པའི་བསམ་ཚུལ་འདོད་མཁན་བྱུང་ཡོད། བོད་མི་ཚོས་རང་གི་རིག་གཞུང་ལ་གཅེས་འཛིན་བྱེད་ཀྱིན་ཡོད་ལ། རྒྱ་ནག་དབང་འཛིན་པས་བོད་པའི་རིག་གཞུང་ལ་ཚུལ་མིན་གྱི་ལྟ་ཕྱོགས་འཛིན་པ་དེས་བོད་མི་ཚོའི་སེམས་ལ་ཕོག་ཐུག་གཏོང་བཞིན་ཡོད་ལ། དེ་སྔོན་མཁན་པོ་འཇིགས་མེད་ཕུན་ཚོགས་ཀྱིས་མཚོན་པའི་བོད་བཞུགས་བླ་མ་ཚོས་ཆོས་ཕྱོགས་རྐྱང་པའི་ལས་དོན་བསྒྲུབ་པར་དཀའ་ངལ་མང་པོ་འཕྲད་ཡོད་ཅེས་གསུངས་ཡོད།
ཡང་༧གོང་ས་མཆོག་གིས་བོད་སྡོད་རྒྱ་རིགས་ཕྱིར་ལོག་བྱ་དགོས་མིན་ཐད་བཀའ་ལན་གནང་དོན། ངོས་ཀྱིས་བོད་སྡོད་རྒྱ་རིགས་ཚང་མ་བོད་ནས་ཕྱིར་ལོག་དགོས་ཞེས་ནམ་ཡང་བརྗོད་ཀྱི་མེད། བོད་ནང་དུ་བོད་རིགས་ཀྱི་གྲངས་འབོར་མང་བ་ཆགས་པ་ཡིན་ན་མི་རིགས་ཀྱི་ངོ་བོ་རྒྱུན་གནས་ཐུབ་རྒྱུར་ཕན་ཐོགས་ཆེ་ལ། ནང་སོག་ལ་སོག་རིཊ་ས་ཡ་གསུམ་བཞི་ལས་མེད་པ་དང་རྒྱ་མི་ས་ཡ་ ༢༠ ཙམ་ཟིན་ཡོད་པ་རེད། སྔ་མོ་ངོས་ཀྱི་སྐྱེས་ཡུལ་དེར་རྒྱ་མི་གང་ཙམ་ཡོད་ཀྱང་བོད་མི་དང་མཉམ་དུ་སྡོད་རྒྱུར་དཀའ་ངལ་གང་ཡང་འཕྲད་ཀྱི་མེད་ལ། དེ་བཞིན་སྐབས་དེར་ལྷ་སར་ཡང་རྒྱ་མི་འགའ་རེ་ཡོད། བོད་མི་ས་ཡ་དྲུག་གི་ནང་དུ་རྒྱ་མི་ས་ཡ་གཅིག་ཡོད་ནའང་དཀའ་ངལ་གང་ཡང་མེད་ཅེས་བཀའ་ལན་གནང་ཡོད།
དེ་རྗེས་བོད་རྒྱ་འབྲེལ་མོལ་ལ་ཡར་རྒྱས་ཡོང་མིན་སྐོར་བཀའ་འདྲི་ཞུས་སྐབས། ཁོང་གིས་ང་ཚོའི་ངོས་ནས་བྱེད་དགོས་པ་ཚང་མ་བྱས་ཚར་ཡོད། དེ་སྔོན་ཏིན་ཞའོ་ཕིན་གྱིས་རང་བཙན་མིན་པའི་གནད་དོན་ཅི་ཡིན་ཡང་གྲོས་མོལ་གྱི་ལམ་ནས་སེལ་ཆོག་ཅེས་བཤད་ཡོད། རྒྱ་ནག་འཐབ་ཕྱོགས་གཅིག་གྱུར་གྱི་དཔོན་རིཊ་འགས་ཏཱ་ལའི་བླ་མའི་གནད་དོན་ལས་གཞན་པའི་བོད་དོན་ཟེར་བ་རྩ་བ་ནས་མེད་ཚུལ་བརྗོད་ཀྱི་ཡོད། ང་ཚོས་རང་བཙན་རྩོད་ཀྱི་མེད་པ་ད་ཆ་འཛམ་གླིང་ཡོངས་ཀྱིས་ཤེས་ཀྱི་ཡོད། ཡིན་ནའང་། རྒྱ་ནག་དཔོན་རིགས་ཚོས་ངོས་ལ་ཁ་བྲལ་བ་རེད་ཅེས་བརྗོད་ཀྱི་ཡོད་པས་དཀའ་ངལ་དེར་ཐུག་ཡོད་པ་རེད། རྒྱ་གཞུང་གི་དཔོན་རིགས་ཚོས་བོད་ནང་གི་དཀའ་ངལ་ངོས་བཟུང་སྟེ་གྲོས་མོལ་གནང་མགོ་འཛུགས་དགོས་ལ། གལ་ཏེ་གྲོས་མོལ་ངོ་མ་ཞིག་མགོ་འཛུགས་བྱུང་མཚམས་བོད་ནང་གི་མང་ཚོགས་ཀྱིས་གྲོས་མོལ་དེར་མཉམ་ཞུགས་བྱ་དགོས་ཀྱི་རེད། ད་ལྟའི་ཆ་ལ་བོད་རིགས་མང་ཚོཊ་ཀྱིས་རང་གི་བསམ་ཚུལ་བརྗོད་པ་ཡིན་ན་ཁ་བྲལ་བ་རེད་ལབ་ནས་ཉེས་འཛུགས་བྱེད་ཉེན་ཡོད། ངོས་ཀྱིས་ནམ་རྒྱུན་ནས་དོན་གྱི་བདག་པོ་གཞིས་ལུས་བོད་རྒྱ་ཆེ་མི་མང་ཡིན་ཞེས་བཤད་ཀྱིན་ཡོད། ༧པཎ་ཆེན་སྐུ་གོང་མས་ངོས་ཀྱི་ལངས་ཕྱོགས་དེར་རྒྱབ་སྐྱོར་གནང་ཡོད་པར་མ་ཟད། རྒྱ་ནག་སྲིད་གཞུང་ནང་ལས་ཀ་བྱས་མྱོང་མཁན་འབའ་བ་ཕུན་ཚོགས་དབང་རྒྱལ་དང་ཡང་གླིང་རྡོ་རྗེས་ཀྱང་རྒྱབ་སྐྱོར་བྱས་ཡོད།
མཐའ་མར་༧གོང་ས་མཆོག་ནས་སྐུ་སྒེར་གྱི་གོ་གནས་སྐོར་ལ་གསུངས་དོན། ངོས་ཀྱིས་རྒྱ་གཞུང་ལ་དེ་སྔོན་ཡང་ངོས་ལ་གོ་གནས་དགོས་སྐོར་ཞུ་རྒྱུ་མ་བྱུང་ལ། མ་འོངས་པར་ཡང་ངོས་ལ་ཐོབ་གོ་ས་དགོས་སྐོར་ཞུ་རྒྱུ་གང་ཡང་མེད་ཅེས་དང་། དེ་བཞིན་༧གོང་ས་མཆོག་ལ་ཡང་སྲིད་ཀྱི་སྐོར་ལ་ཐུགས་འཚབ་ཡོད་མེད་བཀའ་འདྲི་ཞུས་སྐབས། ཁོང་གིས་ཕྱི་ལོ་ ༡༩༦༩ ཙམ་ནས་ཏཱ་ལའི་བླ་མའི་སྒྲིག་འཛུགས་གནས་དང་མི་གནས་དེ་བོད་མི་ཚོས་ཐག་གཅོད་བྱ་རྒྱུ་ཡིན་པ་དེ་གསལ་པོར་བརྗོད་ཡོད། བཙན་བྱོལ་ནང་ཕྱི་ལོ་ ༢༠༠༡ ནས་བཟུང་མི་མང་གིས་ཐད་ཀར་འོས་འདེམས་བྱས་པའི་ཆབ་སྲིད་མགོ་ཁྲིད་བསྐོས་ཟིན་པར་མ་ཟད། ད་ལྟ་ཆོས་བརྒྱུད་ཚང་མའི་ནང་ཤེས་འཇོན་གཉིས་ལྡན་ཀྱི་བླ་སྤྲུལ་སོཊ་འཚར་ལོངས་འབྱུང་བཞིན་ཡོད་པས། ངོས་ལ་སེམས་ཁྲལ་གང་ཡང་མེད། རྒྱ་ནག་གི་དཔོན་རིགས་ཚོས་བོད་དོན་ཐོག་ཡིད་ཆེས་དང་དོགས་པ་བྱེད་བཞིན་པའི་ངང་ཚུལ་དེ་ཁྱེད་ཀྱི་དྲི་བ་འདི་བརྒྱུད་ཁ་གསལ་ཡོང་བའི་རེ་བ་ཡོད་ཅེས་གསུངས་ཡོད་འདུག
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
གནད་དོན་དེ་གནས་དོན་ལ་བྲི་ནོར་ཐེབས་འདུག དགོངས་དག
བོད་རྒྱའི་གྲོས་མོལ་གནས་དོན་འདིའི་ཐད་ལ། ༧གོང་ས་མཆོག་གི་སྐུ་རྒྱབ་ཏུ་སྤྱི་སྒེར་ཚང་མས་ཤུགས་སྣོན་རྒྱོབ་དགོས།
རང་རེའི་བོད་གཞུང་དེ་ཉིད་ཆོས་སྲིད་གཉིས་ལྡན་གྱི་གཞུང་ཞིག་ཡིན་པས། བོད་ཀྱི་བླ་ཆེན་སྐུ་ན་གཞོན་པ་་ཀརྨ་པ་དང།་ཡོངས་འཛིན་གླིང་རིན་པོ་ཆེ་ལྟ་བུར་ཆོས་ཕྱོགས་ཀྱི་ཤེས་ཡོན་ཕུལ་བ་དང་ལྷན་དུ། ཆབ་སྲིད་ཐད་ཤེས་འཇོན་མྱོང་གསུམ་མངའ་བ་བཀའ་ཁྲི་ཟམ་གདོང་རིན་པོ་ཆེ་ལྟ་བུས་ཆབ་སྲིད་སློབ་སྟོན་གནང་རྒྱུའི་དུས་ལ་སླེབས་འདུག་སྙམ།
དེའི་ཐད་ཞིབ་པར་རྗེས་སུ་ཞུ་ཆོག་པ་དང། དྲ་གྲོགས་མཁྱེན་ཡངས་ཅན་ཚོས་དགོངས་ཚུལ་ཇི་ཡོད་གསུངས་རོགས་གནང།།་ཐུགས་རྗེ་ཆེ།།
ང་ཚོས་དམིགས་ཡུལ་གཅིག་ལ་ཐབས་ལམ་མི་འདྲ་བ་མང་པོ་བེད་སྤྱོད་བྱ་ཤེས་པ་དང་བྱེད་ནུས་པ་བྱེད་པའི་བློ་སྟོབས་ངེས་པར་ལྡན་དགོས།
ད་བར་གུ་ཤང་གི་སྲིད་ཇུས་རབ་དང་རིམ་པ་མང་པོ་ཞིག་བཟུང་ཡང་རྒྱ་དམར་གྱི་ང་ཚོར་འཛིན་པའི་སྲིད་ཇུས་ཇི་འཁྲིག་ཇི་འཁྲིག་ལས་ཡར་རྒྱས་ཟེར་བ་རྩ་བ་ནས་བྱུང་མྱོང་མེད།
ང་ཚོས་གྲོས་མེས་ཡོངས་ཐབས་ཁོ་ནར་རེ་བ་བཅོལ་ཀྱང་རྒྱ་དམར་གྱི་མཁས་ལེན་རྩ་བ་ནས་མེད་རྒྱ་དམར་ཁྱེད་རང་ཚོས་གང་བཤད་པ་ཡོངས་རྫོགས་ང་ཚོས་མཁས་ལེན་བྱས་མཆོག་བཙན་བྱོལ་བོད་མི་ཡོངས་རྫོགས་རང་ཡུལ་བོད་ལ་ལོག་མཆོག་པའི་མཆོག་མཚན་སྤྲོད་རོགས་ཟེར་ན་ད་ལྟའི་འཆར་དེ་ཡང་རྒྱ་དམར་གྱི་མཁས་ལེན་བྱ་སྲིད་ཉམ།
དེ་ན་ང་ཚོ་གཞོན་སྐྱེས་རྣམས་ནས་དཔལ་འབྱོར་ཁོ་ན་ལ་མ་ཞེན་པར་ཆབ་སྲིད་ཐོག་ཐུགས་གནང་ཆེ་ཙམ་དང་འགན་ཁུར་ཆེ་ཙམ་བཞེས་ནས་རང་གི་ལྟ་བ་དང་ལངས་ཕྱོགས་གང་ཡིན་ཀྱང་མཆོག་དམིགས་ཡུལ་རང་ཡུལ་རང་ལག་ཏུ་ལེན་རྒྱུའི་ཐབས་བཀོད་འཐེན་དགོས།
རང་བཙན་གཙང་བའི་ལྟ་བ་ཡིན་ནའང་རེད་རང་སྲིད་རང་སྐྱོང་ཡིན་ནའང་རེད་དབུ་མའི་ལམ་ཡིན་ནའང་རེད་མདོར་དོན་བོད་མི་རིགས་ཁ་མཐོར་དུ་མི་འགྲོ་བ་ཞིག་དང་མེས་པའི་ཞབས་རྗེས་ནག་སུབ་ཏུ་མི་འགྲོ་བའི་ཆེད་དུ་ཡིན་པས་ཕན་ཚུན་བསམ་ཤེས་དང་དོ་མཁུར་དགོས་པ་ལས་མེ་དང་སྤུ་ལྟ་བུའི་འགལ་བའི་ལྟ་བ་བཟུང་མ་བོད་ལ་ཕན་དོགས་གང་ཡང་མེད་པ་མཁྱེན་དགོས།
སྤྱིར་བོད་ཀྱི་དཀའ་རྙོག་དེ་མི་རིགས་གཅིག་དང་རིག་གཞུང་ཞིག་གི་གནད་དོན་ཡིན་པས་ལས་སླ་པོས་ཐོག་ནས་སེལ་ཐུབ་རྒྱུ་ཞིག་མ་ཡིན་པས་ང་ཚོས་ཞི་དྲགས་གཉིས་ཀྱི་ཐབས་ལམ་ངེས་པར་བེད་སྤྱོད་གཏོང་དགོས་པ་མཐོང༌།
༸གོང་ས་མཆོག་ནི་འཛམ་གླིང་ཞི་བདེའི་དེད་དཔོན་ཡིན་པ་ཙམ་མ་ཟད་ཤཱཀྱའི་རྗེས་འཇུག་བླ་ན་མེད་པ་ཞིག་རྟེན་གཞན་ཕན་བྱང་ཆུབ་སེམས་ཀྱི་ཉམས་ལེན་ལས་འགལ་བའི་ཐབས་ལམ་ཞིག་དུས་ནམ་ཡང་སྟོན་མི་སྲིད།
འོན་ཀྱང་ང་ཚོ་བོད་མིའི་རྣམས་ནས་རང་གི་མེས་པོས་རིག་གཞུང་དང་རང་གི་མི་རིགས་སྐྱབས་ཐབས་ཀྱི་ལམ་འཚོལ་དགོས་པ་ནི་ང་ཚོ་ཚང་མར་འགན་ཡོད་པ་ཡིན།
རྒྱ་གར་གྱི་རང་བཙན་ལེན་སྐབས་འཚེ་མེད་ཞི་བ་ཁོ་ནའི་སྟེང་ནས་ལས་འགུལ་སྤེལ་བའི་སྟེང་ནས་རང་བཙན་བླངས་བ་ཞིག་མིན་པ་གསལ་པོ་རེད།
ནད་པ། ད་ཡིན་ན་མེས་རྒྱལ་ཡིན་ནམ་ཞིག་ཟེར་ཁུལ་བྱེད་ཀྱིན་འདུག ཁྱོད་ལ་དེ་འདྲའི་མེས་པོ་ཡ་རབས་ཤིག་འདུག ཁྱོད་ད་ངོ་མ་སྐྱིད་པོ་ཡོད་ས་རེད།
༸རྒྱལ་བ་མཆོག་གིས་དགོངས་གཞི་བླ་ན་མེད་པ་དེ་ལྟ་བུ་ཕྱི་གསལ་ནང་གསལ་འཐེན་མང་པོ་གསུངས་ཟིན་ཀྱང་། རྒྱལ་ནག་དབང་འཛིན་པ་འགའ་རེ་ཡི་ད་དུང་གཞི་མེད་ཉེས་འཛུགས་ཀྱིས་ཁ་བྲལ་བ་ངོས་འཛིན་ཏེ་སྤྱི་ཚོགས་སུ་གཏམ་ངན་སྣ་ཚོགས་སྤེལ་བཞིན་ཡོད་མུས་རེད། མ་ཚད་མ་འོངས་སྐུ་ཕྲེང་བཅོ་ལྔ་པའི་ཡང་སྲིད་རིན་པོ་ཆེ་ལ་ཡང་ཁོ་ཚོའི་ཇུས་ངན་གྱིས་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
མཁྱེན་རླབས་མཚུངས་མེད་བོད་ཀྱི་༸ གོང་ས་ཏྰ་ལའི་བླ་མ་མཆོག་གིས་བཀའ་དགོངས་དེ་བོད་རིགས་ཙམ་མ་ཡིན་པར་རྒྱ་ནག་མི་དམངས་དུང་ཕྱུར་ ༡༣ ལྷག་ལ་ཕན་ཐོགས་ཧ་ཅང་ཆེན་པོ་ཡོད་པའི་ངོས་འཛིན་གཏིང་གཟབ་གཅིག་གནང་གི་ཡོད།
བོད་གཞི་བྱས་གཉིས་སུ་གནས་པའི་བོད་རིགས་ཡོངས་ཀྱི་གནས་བབ་ལ་འགྱུར་བ་གཏོང་ཐུབ་མཁན་དང་། བོད་རིགས་ཡོངས་ཀྱི་གནད་དོན་ཐག་གཅོད་ཐུབ་མཁན་གཅིག་རང་ལས་མེད་ལ་དེ་ནི་༸ གོང་ས་སྐྱབས་མགོན་ཆེན་པོ་མཆོག་ཉག་ཅིག་ཡིན།
༸ གོང་ས་མཆོག་གི་སྐུ་འཚོ་བཞུགས་སྐབས་སུ་བོད་རྒྱའི་དཀའ་རྙོག་འདི་རྒྱ་ནག་གཞུང་གིས་གཉིས་ཕན་ལམ་ནས་སེལ་མ་ཐུབ་ན་མ་འོངས་པར་བོད་གཞི་བྱེས་སུ་ཡོད་པའི་བོད་པའི་དཔོན་རིགས་དང་། མི་དྲག བླ་སྤྲུལ་སོགས་སུ་གཅིག་གིས་བོད་རིགས་ཡོངས་ཀྱི་ལས་དབང་དང་གནད་དོན་ལ་སུ་ཀྱང་ཐག་གཅོད་བྱེད་ཐབས་བྲལ་བ་ཞིག་རེད།
དེ་འདྲ་སོང་ཙང་རྒྱ་ནག་དབུས་གཞུང་གིས་གང་མགྱོགས་རྒྱ་བོད་ཀྱི་དཀའ་རྙོག་དེ་སེལ་ཐུབ་ན་མེས་རྒྱལ་ཁྱིམ་ཚང་ཆེན་པོར་སྟོབས་ཤུགས་རྒྱས་ངེས་ཡིན། ཇི་སྲིད་བོད་ཀྱི་གནད་དོན་དེ་ཐག་གཅོད་ཡག་པོ་གཅིག་མ་བྱས་ན་དེ་སྲིད་དུ་རྒྱ་ནག་གི་མེས་རྒྱལ་ཁྱིམ་ཚང་ཆེན་པོ་ཆགས་རྒྱུར་འགོག་རྐྱེན་རྫོགས་མཐའ་མེད་ཞིག་ཡོང་ངེས་རེད།
༸གོང་ས་ཐམས་ཅད་མཁྱེན་མགྱོགས་མྱུར་དུ་བོད་ལ་གདན་འདྲེན་བྱེད་ཐུབ་པའི་སྨོན་འདུན་ཡང་ཡང་ཞུ། ཁོང་སྐུ་ཚེ་བསྐལ་བརྒྱར་བརྟན་པའི་སྨོན་ལམ་ཞུ།