(ཆོས་རྣམ་ཀུན་བཏུས་)ཚོང་བསྒྱུར་བྱས་ཏེ་ཁེ་བཟང་ཟོས་པ།
བཀྲ་ཤིས་ནས།
ཕུལ་བྱུང་གི་མཁས་པ་ནོར་བྲང་ཨོ་རྒྱན་ལགས་ཀྱིས་བརྩམས་གནང་མཛད་པའི་(གངས་ཅན་རིག་བརྒྱའི་སྒོ་འབྱེད་ཆོས་ཀྱི་རྣམས་གྲངས་མཐོང་ཚད་ཀུན་ལས་བཏུས་པ་ངོ་མཚར་འཕྲུལ་གྱི་ལྡེ་མིག་ཆེན་མོ།) ཞེས་བྱ་བ། བསྡུས་མིང་ལ་(ཆོས་རྣམས་ཀུན་བཏུས་)ཞེས་པའི་བོད་ཀྱི་ཚིག་མཛོད་ངོ་མཚར་རྨད་དུ་བྱུང་བ་ཞིག ཀྲུང་གོའི་བོད་རིག་པ་དཔེ་སྐྲུན་ཁང་གིས་པར་སྐྲུན་བྱས་ཡོད་ལ། ཚིག་མཛོད་དེ་ནི་ད་ལྟའི་བར་དུ་བོད་ཀྱི་ཆོས་ཀྱི་རྣམ་གྲངས་ཆེ་ཤོས་སམ་གྲ་རྒྱས་ཤོས་དེ་ཡིན་པ་རེད། ཚིག་མཛོད་དེའི་ནང་དུ་རིག་པའི་གནས་ལྔ་སྤྱི་དང་ཁྱད་པར་དུ་ནང་ཆོས་ཀྱི་གཞུང་ནས་བཤད་པའི་ཆོས་ཀྱི་རྣམ་གྲངས་ཤིན་ཏུ་མང་པོ་ཞིག་དཀའ་ལས་ལ་མ་ལྟོས་པར་བསྡུ་རུབ་བྱས་ཏེ་གངས་ལྗོངས་མི་རབས་གསར་བ་དག་གི་རིག་པའི་སྒོ་འཕར་འབྱེད་པའི་ལེགས་སྐྱེས་ཕུན་སུམ་ཚོགས་པ་ཞིག་ཀྱང་ཡིན། ཚིག་མཛོད་འདི་རྩོམ་པ་པོ་ལ་མཚོན་ན་དེང་སང་ཆོས་མེད་སྨྲ་བ་དམར་ཤོག་ཚོགས་པའི་རྗེས་ཟློས་ཅུང་ཟད་བྱས་པ་ལ་མཁས་པའི་འུད་སྒྲོག་པའི་བྱབ་ཆུང་དག་དང་མི་འདྲ་བར་བོད་ཀྱི་རིག་པའི་གནས་ལྔ་སྤྱི་ལ་མཁྱེན་པའི་སྤྱན་རས་ཡངས་པའི་གནའ་དེང་ཤེས་ཡོན་གཉིས་ལྡན་གྱི་བོད་མི་བྱས་རྗེས་ཅན་མཁས་པ་ཆེན་པོ་ནོར་བྲང་ཨོ་རྒྱན་རེད། ཁོང་གིས་གསུངས་གསལ་ལ་༼ཆོས་རྣམ་ཀུན་བཏུས་འདིའི་ནང་ཆོས་ཀྱི་རྣམ་གྲངས་སྡེ་ཚན་གཅིག་ནས་སྡེ་ཚན་ལྔ་སྟོང་བཞི་བརྒྱ་རྩ་གསུམ་བར་ཡོད་པའི་ནང་འགའ་ཞིག་ལ་ལྡབ་པ་དང་བཅས་ཁྱོན་ཆོས་ཀྱི་རྣམ་གྲངས་ཀུན་བཏུས་ཆེན་མོ་འདིར་ཤེས་བྱའི་དབྱེ་བའམ་དོན་ཕྲན་ཆིག་འབུམ་སུམ་ཁྲི་ཉིས་སྟོང་བདུན་བརྒྱ་བཞི་ཞེ་གསུམ་ལས་གྲུབ་པ་རྩ་བའི་ཆོས་ཀྱི་རྣམ་གྲངས་ཆིག་ཁྲི་ཉིས་སྟོང་བརྒྱ་དང་བདུན་བཅུ་དོན་དྲུག་ཡོད་སྐོར་དང་། ཡན་ལག་གི་དོན་ཕྲན་སུམ་སྟོང་བརྒྱད་བརྒྱ་ལྔ་བཅུ་ལས་གྲུབ་པ་ལན་ལག་གི་ཆོས་ཀྱི་རྣམ་གྲངས་བདུན་བརྒྱ་བདུན་ཅུ་སྐོར། རེའུ་མིག་སྣ་ཚོགས་གྲངས་བཅུ་བདུན་བཅས་ཡོད་ཅིང་། (ཆོས་རྣམ་ཀུན་བཏུས་)འདིར་ཁྱོན་ཡིག་འབྲུ་ས་ཡ་དྲུག་ཟིན་པའོ། ༽ཞེས་བཀོད་འདུག དེ་ལྟ་བུའི་རྩོམ་དེབ་འདིའི་ནང་དོན་གྱི་ཆ་ནས་བལྟས་ན་ཤིན་ཏུ་ཁུངས་དག་པ་དང་ལུང་ཚིག་རེ་རེ་བཞིན་གང་ནས་བཏུས་པའི་ལུང་ཁུངས་ཤོག་གྲངས་ཚུན་ཆད་གསལ་བོ་བྲིས་ཡོད་པ། དེ་བཞིན་ཆོས་ལུགས་ཕྱོགས་ལྷུང་ལྟ་བུའི་སྐྱོན་གྱིས་མ་བསླད་པ། རིག་པའི་གནས་ལྔ་སྤྱི་ལ་མཐོང་རྒྱ་ཧ་ཅང་ཆེ་བ་བཅས་ཀྱི་ཁྱད་ཆོས་བརྗོད་ན་མི་ཚར་བའི་གསུང་རྩོམ་ཞིག་རེད། འོན་ཀྱང་། ཆེས་བློ་ཕངས་པ་ཞིག་ལ་ལྡི་ལིར་ཡོད་པའི་བོད་ཀྱི་དཔེ་དེབ་ཁང་ཟེར་བས་(ཆོས་རྣམ་ཀུན་བཏུས་)བསྐྱར་པར་བྱས་ཏེ་རིན་གོང་ཧ་ཅང་ཆེ་དྲག་པའི་ཚོང་བསྒྱུར་བྱེད་ཀྱི་ཡོད་པ་རེད། དེབ་ཆེན་གསུམ་ཡོད་པའི་ཚིག་མཛོད་ཚར་གཅིག་ལ་ཧིན་སྒོར་གཅིག་ཁྲི་བྱེད་ཀྱི་ཡོད་པ་ཧ་ལས་དགོས་པའི་གནས་ཚུལ་ཞིག་རེད། སྔོན་མ་ཡིན་ན་དུང་དཀར་ཚིག་མཛོད་ཆེན་མོ་བོད་གཞུང་ཤེས་རིག་ལས་ཁུངས་གིས་བསྐྱར་པར་བྱས་ཏེ་ཧིན་སྒོར་དྲུག་སྒོར་བརྒྱ་ལ་བཙོང་བ་རེད། དེ་ལ་བལྟས་ན་དུང་དཀར་ཚིག་མཛོད་དང་ (ཆོས་རྣམ་ཀུན་བཏུས་) གཉིས་ཀྱི་དབར་ལ་དེབ་ཆེན་གཅིག་ལ་ཆོས་རྣམ་ཀུན་བཏུས་ཆེ་བ་ལས་གཞན་འདྲ་འདྲ་རེད། དེར་བརྟེན་ཆེས་རིན་ཐང་དང་ལྡན་པའི་ཚིག་མཛོད་འདི་ཤེས་རིག་ལས་ཁུངས་ལྟ་བུ་ཞིག་གིས་བསྐྱར་པར་གནང་སྟེ་ཧིན་སྒོར་གཅིག་སྟོང་ཡས་མས་བྱས་ཏེ་ཚོང་འགྲེམས་བྱེད་ཐུབ་ན་བོད་ཀྱི་རིག་གཞུང་ཞབས་ཞུ་བླ་ན་མེད་པ་ཞིག་དང་། སློབ་སྦྱོང་ལ་དོན་གཉེར་ཡོད་པའི་བོད་ཕྲུག་མང་པོ་ཞིག་ལ་ཕན་པའི་གསོས་སུ་འགྱུར་ངེས་སོ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དུས་ཚོད་གཉང་འཕྲང་འདི་འདྲའི་སྐབས་སུ་བོད་ཚང་གི་རིག་གཞུང་ཉམས་པ་སོར་ཆུད་དང༌། མི་ཉམས་གོང་སྤེལ་གཏོང་མ་ཐུབ་ནའང་བོད་མི་རིགས་ཀྱི་ཞབས་མ་འདྲེན་པ་ཞིག་བྱེད་དགོས་རྒྱུ་ནི་བོད་མི་ཀུན་ལ་འཁྲི་བའི་ལྡོག་ཏུ་མེད་འགན་ཁྲེལ་ལྕི་མོ་ཞིག་ཡིན། དགོས་མཁོ་ཆེ་ལ། དོན་ཕན་ལྡན་པའི་དེབ་གསར་ཞིག་ཐོན་ཚད་རང་ངམ་རང་གི་ཚོགས་པ་ག་གེ་མོའི་དཔལ་འབྱོར་གྱི་ཡོང་འབབ་ཁོ་ནའི་ཆེད་བསྐྱར་དཔར་བྱས་པ་མ་ཡིན་པར་དོ་སྣང་ཡོད་ཚད་ལ་བལྟ་ཀློག་ཐུབ་པའི་ཀུན་སློང་འཁྱེར་དགོས། ད་དུང་འབྱུང་ན་རིན་གོང་ཅུང་དམའ་བའི་ཚུལ་གྱིས་འཚོང་འགྲིམ་བྱེད་པའམ་ཐ་ན་སློབ་ཕྲུག་རྣམས་ཀྱི་ལག་ཏུའང་གསོན་ཐབས་ལ་འབད་བརྩོན་བསྟེན་དགོས། དེ་ལྟར་བྱུང་ན་བོད་ཚང་གི་རིག་གཞུང་ལ་འགན་ཞིག་ཁྱེར་བ་རེད་ལ། ྋགོང་ས་མཆོག་གི་དགོངས་གཞི་དང་མཐུན་པའི་བྱ་བ་རླབས་ཆེན་ཞིག་ཀྱང་བསྒྲུབ་པ་རེད་སྙམ།
རང་གི་ཁེ་བཟང་ལ་རྔམ་ནས་ཁ་ནོར་ཤོར་བ་ཡིན་རྒྱུ་རེད་ཡ། ཡིན་མི་སྲིད་པ་རེད། མ་གཞི་་་་་་་་་་་་་་་་་་་་སྲིད་་་་་་་་་་་་་་་ཧ་ཧ་ཧ་ཧ་ཧ
༄༅།། ཆོས་རྣམ་ཀུན་བཏུས་འདི་ང་ལ་མཚོན་ན་མིག་གི་ལྟན་མོ་རང་རེད།་
རྒྱལ་བའི་བཀའ་བསྟན་གཉིས་ལས་ཀྱང་གོང་ཆེ་བ་འདུག
ཆོས་རྣམ་ཀུན་བཏུས་བླུ་མཁན་ཞིག་ཡོད་ཚེ།་ དོན་དངོས་ཐོག་རིགས་གཞུང་ལ་འགན་ཁུར་མཁན་ཞིག་སེམས
ལྡོག་ཕྱོགས་ནས་བཤད་ན། གླེན་པ་ཞིག་ཡང་རེད
དབྱངས་བུ་ལགས། གོང་གི་རྩོམ་་ཡིག་ནང་དུ། (དེབ་ཆེན་གསུམ་ཡོད་པའི་ཚིག་མཛོད་ཚར་གཅིག་ལ་ཧིན་སྒོར་གཅིག་ཁྲི་བྱེད་ཀྱི་ཡོད་པ་ཧ་ལས་དགོས་པའི་གནས་ཚུལ་ཞིག་རེད།) ཅེས་བྲིས་འདུག་པ་དེ་རིན་གོང་གི་ཚད་རེད་འདུག (ཆོས་རྣམ་ཀུན་བཏུས་) སྟོད་ཆ། སྨད་ཆ། བར་ཆ་སྟེ་དེབ་ཆེན་གསུམ་ཡོད་རེད། དེབ་གསུམ་ག་ལ་ཧིན་སྒོར་གཅིག་ཁྲི་ ༡༠༠༠༠ ཐམ་པ་རེད་བཞག །
ཡིན་ད་དྲ་གྲོགས་ཚོ། འགྱོན་ན་ཁྱོད་ཚད་ཀྱང་ཁེ་སང་དགོས་ངེས་ལ་ཨེ་འགྱོན་ལྟོས་དང་།
རིག་གཞུང་ལ་ཞབའ་ཞུ་རེད་ཡག་ལ་སོ་སོ་ལ་ཕན་ཐོག་ཀྱང་འདུག
བཀྲ་ཤིས་ལགས།
ལྡི་ལིར་ཡོད་པའི་བོད་ཀྱི་དཔེ་དེབ་ཁང་གིས་(ཆོས་རྣམ་ཀུན་བཏུས་)ལ་རིན་གོང་ག་ཚོད་བྱེད་ཀྱི་འདུག་གམ། རིན་གོང་ཧ་ཅང་ཆེ་དྲགས་པ་ཟེར་ན་ག་ཚོད་རེད་དམ། ཉིད་ཀྱི་དངོས་སུ་མཐོང་བྱུང་ངམ། དུང་དཀར་ཚིག་མཛོད་ཤེས་རིག་དཔར་ཁང་ནས་བསྐྱར་དཔར་བྱས་པའི་རིན་ཚད་གསལ་པོ་བརྗོད་ཐུབ་འདུག་ཀྱང། ཆོས་རྣམ་ཀུན་བཏུས་བསྐྱར་དཔར་བྱས་པའི་རིན་ཚད་གཏན་འཁེལ་བརྗོད་མི་ཐུབ་པ་རེད་དམ། ཡང་ན་བརྗོད་རྒྱུར་སྐྲགས་པ་རེད། རིན་ཚད་ཁ་གསལ་བརྗོད་ཚེ་ང་དང་ང་འདྲ་བའི་མི་ཚོས་ཉོ་དང་མི་ཉོ་ལ་ཁྱད་པར་ཡོང་ས་རེད།
བསམ་ཆུ༹ལ།
འཇ༹མ་གླིང་ས་ཕྱོགས་གང་སར་རང་བྱུང་ཁོར་ཡུག་ལ་གོད་ཆག་བྱུང་ཆེ༹། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་ཐུགས་སྨོན་དང་བོད་འབངས་ཡོངས་ཀྱི་ཆ༹བ་གནང་ནས་གསོལ་རས་རྒྱ་ཆེར་གནང་གི་ཡོད་པ་མ་ཆ༹ད་ཉེ་ལམ་ཧ་ཏེ་རྒྱལ་ཁབ་ལ་རོགས་སྐྱོར་སུད་སྒོར་འབུམ་གཅིག་གནང་ཟིན་པ་རེད།
རོགས་རམ་གནང་བ།
ད་ལམ་རང་རིགས་བོད་ཀྱི་ཡུལ་ཤུལ་ས་ཁུལ་ལ་ཡ་ང་བའི་གོད་ཆག་བྱུང་མ་ཐག་ཏུ་བོད་ཕྱི་ནང་གཉིས་ཀས་བོད་མི་རྩམ་ཟས་བ་ཡོངས་རྗོ༹གས་ཀྱི་གདུང་སེམས་མཉམ་བསྐྱེད་ཐོག་ ཡར་དཀོན་མཆོག་ལ་མཆོད་འབུལ་དང་མར་ཤུལ་ལུས་རྣམས་ཀྱི་ཆེད་དུ་རོགས་རམ་རྒྱ་ཆེར་གནང་བ་གསར་ལམ་ཁག་ནས་རྟོགས་པ་ངེས་སོ།
སྣང་མེད་བཏང་བ།
འོན་ཀྱང་དེང་དུས་སྤྱི་ཆོ༹གས་ཁྲོད་མི་ཆོ༹སབཤད་པ་ལྟར་ན། ༧གོང་ས་མཆོག་གིས་ཐུགས་སྨོན་གནང་བ་ལས་ཤུལ་ལུས་སྤུན་ཟླ་རྣམས་ཀྱི་ཆེད་དུ་གསོལ་རས་གནང་མེད་ལུགས་དང་ མ་ཟད་བོད་འབངས་ཡོངས་ཀྱི་སྐུ་ཆ༹བ་རྡ་སའི་མཇ༹ད་གཅོ༹་རྣམ་པས་དེ་ལས་སྣང་མེད་དུ་བཏང་འདུག་ཟེར།
རྗེས་ལུས་ཐེབས་སོང།
ཨོ་ཧོ་ད་དུང་དེ་ཡིས་ག་པར་ཆ༹ད་ ཕ་རོལ་པོ་རྒྱ་དམར་གིས་ཁོང་འདས་པོ་རྣམས་ཀྱི་ཆེད་དུ་ཡིན་ཟེར་ནས་མྱ་ངན་བྱས་འདུག་པ་མ་ཆ༹ད་ད་ལྟའི་འཇ༹མ་གླིང་ཡོངས་སུ་གྲགས། ང་ཆོ༹ས་མཇ༹ད་གཅོ༹་རྣམ་པས་ཅུང་ཟད་དྲན་པ་བརྗེད་རྗེས་ སླར་ཡང་ནམ་ལངས་ནས་ཤུལ་ལུས་སྤུན་ཟླ་རྣམས་ཀྱི་ཆེད་དུ་མྱ་ངན་བྱས་ཡིན་པར་འདྲ།།
དེས་སང་དུས་རབས་ཉེར་གཅིག་ཟེར་བཞིན་ཚང་མས་གང་ལ་གང་མགྱོགས་ཀྱི་བླ་མ་བཙོང་ནས་ཡོང་འབབ་བསྡུ་བཞིན་ཡོད་ལ། དཔེ་ཆོས་བཙོང་ནས་ཁེ་བག་ལེན་༜བཞི་འདུག ད་དཔེ་དེབ་ཞིག་འབུམ་གཅིག་བྱས་ནས་བཙོང་ན་ཡང་ཧ་ལེ་ཧོན་ཐོར་ཡ་ཞེ་དྲག་མི་འདུག སྤྱི་ཚོགས་ཀྱི་རྣམ་པ་དང་མིའི་ཀུན་སྤྱོད་སོགས་དེ་འདྲ་ཞིག་ཆགས་འདུག་པས་ཡིན། ཆུ་ཐིགས་ལགས་ཀྱིས་བརྗོད་པ་ལྟར་ཚང་མའི་དཔེ་དེབ་དེ་མ་ཉོས་ན་ཁེ་བག་ལེན་མཁན་རང་བཞིན་གྱི་ཕམ་ངེས་རེད།
རྩོམ་པ་པོས་ཡིག་ནོར་ཤོར་ནའང་རྩོམ་སྒྲིག་པས་ཞུ་དག་གཏོང་དགོས་པ་རེད། གོང་དུ་རྩོམ་སྒྲིག་པས་སྣང་དུ་མེད་དུ་མངགས་པ་ཡིན་ནམ་གང་ལྟར་ཡིག་ནོར་མང་དག་ཅིག་ཡོད་པས་ཐུགས་གཟབ་གནང་རོགས་ཞེས་ཞུ་བཞིན་ཡོད།
ཆོས་འཚོང་པའི་ཚོགས་པར་ང་ཚོས་ངོ་རྒོལ་བྱེད་དགོས་པ་རེད། ཡང་གནས་སྐབས་གཅིག་ཀྱང་མི་ཉོ་བར་འཇོག་དགོས་པ་རེད།
ཧཧཧ་ཆོས་ཕུང་འདིས་དབུལ་ཕུངས་ཀྱི་སྡུག་བསྔལ་རེ་སེལ་བ་ཤོག
ཨམ་མ་མ་ ཨ་ཁ་ཁ་ དེ་འདྲ་གོང་ཆེན་པོ།
༼ཆོས་རྣམ་ཀུན་བཏུས་༽ཀྱི་དཔེ་དེབ་འདི་ནི་ཧ་ལས་དགོས་པའི་ཚིག་མཛོད་ཕུན་སུམ་ཚོགས་པ་ཞིག་རེད། ལྡི་ལི་ནས་བསྐྱར་པར་བྱས་པ་དེ་རྒྱུ་ཆ་ཁྱོན་ནས་ཡག་པོ་མི་འདུག དྷ་རམ་ས་ལ་ལ་སླེབས་དུས་ནས་དེབ་ཀྱི་རྒྱབ་ཤ་འཐོར་ཡོང་གི་འདུག
དེང་སང་མང་པོ་ཞིག་གིས་ཆོས་ལུགས་དང་འབྲེལ་བ་མེད་པའི་རྩོམ་དེབ་ཁག་གི་མིང་ལ་ཆེ་གེ་མོའི་བརྩམ་ཆོས་གསུང་གི་འདུག་མོད། ཆོས་རྣམ་ཀུན་བཏུས་ནི་དེ་དང་མི་འདྲ་བར་ནོར་བྲང་ཨོ་རྒྱན་གྱི་བརྩམ་ཆོས་ཞེས་བརྗོད་ན་ཆོག་འདུག ཁོང་གིས་ཚིག་མཛོད་དུ་བཀའ་འགྱུར་བསྟན་འགྱུར་གྱི་ལུང་དྲངས་སྟངས་་དེ་ལ་གཅིག་བལྟས་དུས་མཁན་པོ་དགེ་བཤེས་མང་ཆེ་བ་ཚོ་ངོ་དགོས་པ་ཞིག་བཟོས་འདུག
དེབ་ཀྱི་རྒྱ་ཆ་དེ་ཙམ་བཟང་གྱི་མེད་རུང་་་་་་་་་་རེད་རུང་་་མེད་རུང་ལ་་ནོར་བཅོས།
དུང་དཀར་ཚིག་མཛོད་ཆེན་མོ་བོད་གཞུང་ཤེས་རིག་ལས་ཁུངས་ཀྱིས་པར་བསྐྲུན་བྱས་པ་དེ་དེབ་ཀྱི་རྒྱུ་ཆ་དེ་ཙམ་བཟང་གྱི་རེད་རུང་གོང་ཁེ་བྱས་ཏེ་ཚོང་འགྲེམས་པ་བྱས་པ་རེད། དེས་ཕན་ཐོགས་ཆེན་པོ་བྱུང་སོང་།
དང་པོ། སྤྱི་སེམས་མེད་པའི་སྐྱོན་ཞིག་རེད་ལ། གཉིས་པ། ཆོས་བཀུར་མེད་པའི་སྐྱོན་ཞིག་ཀྱང་རེད། གསུམ་པ། ཕན་སེམས་མེད་པའི་སྐྱོན་ཞིག་རེད་ལ། བཞི་པ། ལྷག་བསམ་མེད་པའི་སྐྱོན་ཞིག་ཀྱང་རེད།
གང་ལྟར། དེ་འདྲའི་དབང་ཤུགས་ཀྱིས་བོད་མི་རིགས་སྤྱི་ཡོངས་ཀྱི་མགོ་གྱེན་དུ་འཇོག་ཐུབ་ཀྱི་ཡོད་པ་མ་རེད་བསམ་གྱི་འདུག
2008 ལོ་ཡང་དེབ་ཁང་འདི་རང་ནས་ཤར་དུང་རི་ཞེས་བའི་དེབ་ཆུང་དེ་ལ་ཧུན་སྒོར༣༠༠།་རེ་བྱེད་བཞིན་འདུག
འདི་ཚོ་ནམ་ཡང་འདི་འདྲ་རེད། གོ་ཐོས་ལ་ཁོང་ཚོའི་དེབ་ཚོང་དེ་ནག་ཚོང་ལས་ཀྱང་ཁེ་བཟང་ཆེ་ཟེར། དེབ་ཉོ་མཁན་མང་ཆེ་བ་དབུལ་པོ་ཡིན་ལ་དེབ་འཚོང་མཁན་མང་ཆེ་བ་འདོད་རྔམ་ཅན་རེད། ད་ཅི་ཞིག་བྱའམ།
༄༅་དེབ་དེ་གསེར་བྲིས་རེད་དམ་དངུལ་བྲིས་རེད། ང་ལ་མཚོན་ལ་དེབ་ཞིག་བླུ་ཡོན་ལ་༡༠༠༠༠། ཟེར་བ་གོ་བ་དང་པོ་ཡིན
བཀྲ་ཤིས་ལགས་དེ་དེ་བཞིན་དེ། དེ་དེ་བཞིན་ནོ།།
དེ་དེ་བཞིན་དུ་ལེགས་སོ།