རྔ་པ་སྒོ་མང་དགོན་གྱི་གྲྭ་པ་གཉིས་ཉེན་རྟོག་པས་བཟུང་འདུག
དེ་རིང་ཞོགས་པར། འབྲོག་རུ་ཆོས་གྲགས་ལགས་ཀྱིས་འདི་གའི་གསར་འགོད་པར་གནས་ཚུལ་མཁོ་སྤྲོད་གནང་བ་ལྟར་ན། ཁ་སང་ཕྱི་ཚེས་ ༢༤ ཉིན་རང་ལོ་ ༢༨ ཡིན་པའི་རྔ་པ་སྒོ་མང་དགོན་གྱི་གྲྭ་འབྲོག་རུ་ཚུལ་ཁྲིམས་ལགས་ཉེན་རྟོག་པ་བཞི་ལྔ་ཞིག་གིས་རང་ཤག་ནས་བཟུང་བ་དང་། ཁོང་ལ་གློག་ཀླད་རྩིས་སྤྲོད་བྱེད་དགོས་སྐོར་བརྗོད་ཡོད་ནའང་། གློག་ཀླད་རྩིས་སྤྲོད་བྱེད་དགོས་བྱུང་མི་འདུག འོན་ཀྱང་། ཉེན་རྟོག་པས་གྲྭ་ཤག་སྔོག་བཤེར་སྐབས་ཁོང་གིས་བྲིས་པའི་རྩོམ་ཡིག་འགའ་ལག་ཏུ་ཚུད་པ་རྣམས་ཁྱེར་ཡོད་འདུག་ཟེར།
ཁོང་བཟུང་རྗེས་རྔ་པ་རྫོང་དུ་བཀག་ཉར་བྱེད་རྒྱུ་ཡིན་སྐོར་བརྗོད་འདུག་ཀྱང་། འབྲེལ་ཡོད་མི་སྣ་ཐུག་འཕྲད་དུ་ཕྱིན་སྐབས་རྔ་པ་རྫོང་དུ་མེད་པར་འབར་ཁམས་ཁུལ་དུ་ཁྱེར་ཡོད་འདུག་ཅེས་བརྗོད་བྱུང་། དེ་བཞིན། འབྲོག་རུ་ཚུལ་ཁྲིམས་ལགས་ཀྱི་གྲོགས་པོ་གྲྭ་སྐལ་བཟང་ཚུལ་ཁྲིམས་འབོད་པ་ཚེས་ ༢༠ ཉིན་བཟུང་འདུག ཁོང་ད་ལྟ་རང་ལོ་ ༢༢ ཡིན་པ་དང་ཕ་ཡུལ་ཐུན་ཏེ་འབའ་ཁ་སྒང་དང་རྔ་པ་སྒོ་མང་དགོན་གྱི་གྲྭ་པ་ཡིན་འདུག
གནས་ཚུལ་མཁོ་སྤྲོད་པས། ཁོང་གཉིས་འཛིན་དགོས་པའི་རྒྱུ་རྐྱེན་ཅི་ཡིན་སོགས་ད་ལྟའི་ཆར་ཞིབ་ཕྲའི་གནས་ཚུལ་གང་ཡང་ཤེས་རྟོགས་བྱུང་མེད་ཟེར།
འབྲོག་རུ་ཚུལ་ཁྲིམས་ལགས་ལོ་སྔོན་མའི་ཟླ་ ༤ ཚེས་ ༢ ཉིན་དཔྱད་བརྗོད་རྩོམ་ཡིག་ཅིག་བྲིས་པར་རྐྱེན་བྱས་ཏེ་བཟུང་རྗེས་ཟླ་གཅིག་རིང་བཀག་ཉར་བྱས་མྱོང་འདུག
གསར་འགོད་པ། ཨ་རིག་འགྱུར་མེད།
འབྲོག་རུ་ཚུལ་ཁྲིམས་ལགས་།ཁྱེད་ཀྱིས་མི་རིགས་ཞིག་གི་བདེ་སྡུག་དང་མི་བུ་རང་ཉིད་ཀྱིས་ཐོབ་ཐངས་དང་རང་དབང་གི་ཆེད་དུ་རང་ཉིད་ཀྱི་ཚེ་སྲོག་ལ་མ་འཛེམ་པར་དམར་བོ་སྲིད་གཞུང་གི་ཁ་གཏད་དུ་ལངས་བ་འདི་ལ་རྗེས་སུ་ཡི་རངས་ཡོད།ང་ཚོ་ནི་སྐྱིད་ཀྱི་རྟ་ཕོ་མཉམ་ཞོན་དང་སྡུག་གི་ཁུར་བོ་མཉམ་ཁུར་ཡིན་པའི་ལོ་དང་ཟྶ་བ་ཉི་མ་དང་དུས་ཚོད་སྐར་ཆ་རེ་ན་ང་ཚོ་ཁྱེད་ཀྱི་རྒྱབ་རྕ་ན་ཡོད།ང་ཚོས་རངཉིད་ཀྱིས་རང་དབང་དང་ཐོབ་ཐངས་ཆེད་དུ་སྒེར་འཛིན་སྲིད་ལུགས་ལ་ནམ་ཡང་མགོ་མི་སྒུར།
སེམས་པ་དུང་དང་ལུས་པོ་ལྕགས་ལས་གྲུབ་པ་འདི་ཚོ་འུ་ཚང་གི་ནོར་བུ་རེད། འུ་ཚང་གི་རེ་བ་རེད། ཁོང་གཉིས་ལ་སྐྱོན་ཆག་མི་འབྱུང་བར་སྨོན།
རྒྱ་ནག་པོ་སྲིད་གཞུང་གཅིག་གིས། གྲྭ་པ་གཉིས་བཟུང་། ཨ་ནེ་གསུམ་བརྡུང་། དགེ་རྒན་བཞི་སྤྱུགས། རྩོམ་བྲིས་པ་ལྔ་བཅུག གཞས་པ་དྲུག་བརྩོན་བཅུགས། དེ་འདྲ་མ་གཏོགས་གོ་རྒྱུ་མེད་གང་བྱས་པ་ཡིན་ནམ། རྒྱ་ཡི་ལས་བྱེད་ཚོ།
གང་ཞིག་དཤེས་མ་སོང་བོད་ལ་མི་མང་པོ་ཡོད་རེད་ལ་རྒྱ་ཡང་མང་པོ་ཡོད་རེད་གཉིས་ཀ་མང་པོ་ཡོད་རེད།
གཞིས་ལུས་སྤུན་ཟླ་དག་གི་ཁྲོད་ནས་མགོ་འབུར་འབུར་ཚང་མ་གཅིག་རྗེས་གཉིས་མཐུད་ཀྱིས་ཚར་གཅོད་བྱེད་ཀྱིན་པའི་བྱ་སྤྱོད་འདི་དག་མཐོང་ན་དངོས་གནས་ཡིད་སྐྱོ་ཡི་འདུག