གཞིས་བྱེས་བོད་མི་ཡོངས་ཀྱིས་ནོར་བུའི་ནོར་ངོ་ཤེས་པའི་ཐོག་༸གོང་ས་མཆོག་སྐུ་འཚོ་བཞུགས་ཀྱི་གོ་སྐབས་དམ་འཛིན་དང་ཁོང་གི་བཀའ་དྲིན་ཤེས་པའི་ཐོག་བོད་སྤྱི་བའི་ལས་དོན་ལ་འབད་དགོས་ཞེས་བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ་མཆོག་གིས་གསུངས་ཡོད།
༡༩༥༩ ལོའི་གོང་ནས་བཟུང་མངའ་རིས་པས་གངས་ཏི་སིའི་སྐུ་མདུན་དུ་བོད་རྒྱལ་ཁབ་ཆེན་པོའི་བསྟན་སྲིད་བདེ་ཐད་དུ་མངའ་རིས་སྒར་དཔོན་དབུ་བཞུགས་ཀྱིས་གཞུང་འབྲེལ་མངའ་རིས་སྐོར་གསུམ་ཡུལ་འབྲོག་སྤྱི་ནས་ལྷ་སྲོལ་གྱི་ཉིིན་མོ་སྲུང་གཙི་གནང་བ་དང་། ལོ་རེའི་ཉིན་མོ་འདིར་མངའ་རིས་པས་དུས་དྲན་འདི་རྒྱུད་འཛིན་གནང་གི་ཡོད་པ་ལྟར། ཕྱི་ཚེས་ ༢༧ གྱི་ཞོགས་པའི་ཆུ་ཚོད་ ༦ དང་ཕྱེད་ཀའི་སྟེེང་མངའ་རིས་སྤྱི་མཐུན་ཚོགས་པས་༸གོང་ས་མཆོག་གི་སྐུ་ཚེ་བརྟན་པ་དང་ཐུགས་ཀྱི་བཞེད་དགོངས་ལྷུན་གྱིས་འགྲུབ་པའི་སྨོན་འདུན་དང་། བོད་ཀྱི་བདེན་མཐའ་མགྱོགས་མྱུར་གསལ་ཆེད་དུ་བཞུགས་སྒར་ངྷ་སའི་ལྷ་རྒྱལ་རིར་སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ་མཆོག་གཙོས། ངྷ་ས་ས་གནས་མགོ་འཛིན་དང་གཞུང་འབྲེལ་མིན་པའི་ཚོགས་པ་ཁག་གི་ཚོགས་གཙོ། དེ་བཞིན་བཞུགས་སྒར་གྱི་མི་མང་བཅས་འདུ་འཛོམས་ཐོག་མངའ་རིས་དར་ཆེན་བསྒྲེངས་འཛུགས་དང་བསང་གསོལ་གནང་ཡོད། སྐབས་དེར། མངའ་རིས་སྤྱི་མཐུན་ཚོགས་པའི་ངྷ་ས་ས་གནས་ཚོགས་གཙོ་བླ་མ་སྐྱབས་ལགས་ཀྱིས་མངའ་རིས་དར་ཆེན་བསྒྲེངས་འཛུགས་ཀྱི་བྱུང་རབས་ལོ་རྒྱུས་དང་དམིགས་ཡུལ་སྐོར་ལ་གསུངས་དོན། རབ་བྱུང་ ༡༡ པའི་ལྕགས་བྱ་ཕྱི་ལོ་ ༡༦༨༡ ལོའི་དེ་རིང་གི་ཉིན་མོ་འདིར་མི་དབང་དགའ་ལྡན་ཚེ་དབང་མཆོག་གིས། ནང་པ་སངས་རྒྱས་ཀྱི་བསྟན་པ་དར་ཞིང་རྒྱས་པ་དང་བསྟན་འཛིན་གྱི་སྐྱེས་ཆེན་དམ་པ་རྣམས་ཀྱི་ཆོས་སྲིད་ཀྱི་མཛད་འཕྲིན་འཕེལ་བ་དང་། ལྷག་པར་དུ་ནག་ཕྱོགས་ཀྱི་དཔུང་ཚོགས་རྟག་ཏུ་གཞོམ་པར་བྱེད་པ་བཅས་ཀྱི་ཆེད་དུ་་རྒྱུན་འཁྱོངས་བྱེད་ཀྱིན་ཡོད་ཅེས་དང་། ཡང་ཁོང་གིས། བོད་ཆོས་ལྡན་ཞིང་གི་དར་ཆེན་བཞེངས་སྲོལ་དགའ་ལྡན་དར་ཆེན་དང་ཤར་སྐྱ་རིང་དར་ཆེན། སྐལ་བཟང་དར་ཆེན། ཇུས་ཡག་དར་ཆེན། སྐུ་རླུང་དར་ཆེན་བཅས་བཞེངས་སྲོལ་ཡོད་པ་ལྟར། གངས་རིན་པོ་ཆེའི་དར་ཆེན་དེ་ཉིད་བོད་གཞུང་ལྷ་ལྡན་རྩེ་ཕྱག་ལས་ཁུངས་ཀྱིས་ཆེད་བསྩལ་གྱི་སྲོལ་དང་། ༸གོང་ས་མཆོག་གིས་ཐུགས་སྨོན་མཚམས་སྦྱོར་མཛད་པའི་མཇལ་དར་མཛད་སྲོལ་ཡོད་པ་དང་། ༡༩༥༩ ལོར་རྒྱ་ནག་གི་བཙན་འཛུལ་བྱས་རྗེས་མི་ལོ་ ༢༨ རིང་བསྒྲེངས་འཛུགས་མ་ཐུབ་ཀྱང་། ༡༩༨༥ ལོར་སླར་གསོ་བྱུང་བ་དང་། ༡༩༨༦ ལོར་བཙན་བྱོལ་ནང་དབུ་འཛུགས་གནང་རྗེས་རྒྱ་གར་དང་བལ་ཡུལ་གྱི་ས་གནས་ཁག་ ༡༩ དང་ཕྱི་རྒྱལ་གྱི་ཨ་རི་གཙོས་པའི་རྒྱལ་ཁབ་ ༤ ཡི་ནང་ཉིན་གཅིག་དུས་གཅིག་ཏུ་དར་ཆེན་བསྒྲེང་འཛུགས་བྱེད་ཀྱིན་ཡོད་ཅེས་དང་། བོད་མི་མང་སྤྱི་འཐུས་དང་མངའ་རིས་སྤྱི་མཐུན་ཚོགས་པའི་ཚོགས་གཙོ་ཨཱ་ཅརི་ཡེ་ཤེས་ཕུན་ཚོགས་ལགས་ཀྱིས། ཐེངས་འདིའི་མངའ་རིས་སྤྱི་མཐུན་ཚོགས་པའི་དར་ཆེན་བསྒྲེངས་འཛུགས་ཀྱི་ལས་རིམ་འདི་སྐབས་སྔོན་མའི་འགན་འཛིན་ལྷན་ཚོགས་སྐབས་ཀྱི་གྲོས་ཆོད་གཞིར་བཟུང་ཐོག་ཆོས་ཕྱོགས་ཀྱི་ཉིན་མོ་འདིར་གོ་སྒྲིག་གནང་བ་ཞིག་དང་། ༸གོང་ས་མཆོག་དགུང་གྲངས་ ༧༥ ཕེབས་བཞིན་པའི་སྐབས་འདིར་དམིགས་བསལ་གྱི་གོ་སྒྲིག་གནང་བ་ཞིག་ཡིན་པའི་གཏམ་བཤད་གནང་བྱུང་།
མཐའ་མར། སྐུ་མགྲོན་གཙོ་བོ་བོད་མི་དམངས་སྤྱི་འཐུས་ཚོགས་གཞོན་རྒྱ་རི་སྒྲོལ་མ་མཆོག་གིས། ས་ག་ཟླ་བ་འདི་ལོ་གཅིག་གི་རྩ་ཆེ་ཤོས་དང་འབྱུང་འགྱུར་གྱི་ཟླ་བ་ཞེས་བཤད་སྲོལ་ཡོད་པ་དང་། དེ་རིང་གི་ཉིན་མོ་འདི་སངས་རྒྱས་བཅོམ་ལྡན་འདས་སྐུ་འཁྲུངས་འདས་ཀྱི་ཉིན་མོ་ཁྱད་པར་ཅན་ཞིག་ཡིན་སྟབས། འཛམ་གླིང་གི་ནང་པའི་ས་ཁུལ་ཡོངས་ཀྱིས་སྲུང་གཙི་བྱེད་ཀྱིན་ཡོད་ལ། དེ་བཞིན་སྤྱི་ལོ་ ༡༦༨༡ ལོར་ཐོག་མར་གངས་རིན་པོ་ཆེའི་མདུན་དུ་དར་ཆེན་བསྒྲེངས་འཛུགས་བྱས་ཏེ་ད་ལོ་བར་ལོ་ ༢༣༩ ཧྲིལ་བོ་འཁོར་ཉིན་མོར་ཡང་ཆགས་ཡོད་པས། ༸གོང་ས་མཆོག་བཀའ་དགོངས་བཞིན་ཆོས་ཕྱོགས་ཀྱི་ཕྱག་སྲོལ་བཟང་བོ་དེ་ཉིད་རྒྱུད་འཛིན་གནང་བོད་ཕྱི་ནང་གཉིས་སུ་གནས་པའི་མངའ་རིས་པ་ཡོངས་ལ་བཀའ་དྲིན་རྗེས་དྲན་ཞུས་བྱུང་བར་མ་ཟད། མ་འོངས་པར་ལས་དོན་གང་ཞིག་བསྒྲུབ་དགོས་ཀྱང་ཕྱི་ནང་གཉིས་སུ་གནས་པའི་བོད་མི་ཚོ་འབྲེལ་བ་ཡོད་པའི་ཐོག་ནས་ཕྱག་ལས་གནང་དགོས་པ་དང་། གཞིས་བྱེས་བོད་མི་ཡོངས་ཀྱིས་ནོར་བུ་རང་ལ་ཡོད་པའི་སྐབས་སུ་ནོར་བུའི་ནོར་ངོ་ཤེས་པའི་ཐོག་༸གོང་ས་མཆོག་དངོས་སུ་བཞུགས་པའི་སྐབས་ཀྱི་གོ་སྐབས་དམ་འཛིན་དང་ཁོང་གི་བཀའ་དྲིན་ཤེས་པའི་ཐོག རྡོག་རྩ་གཅིག་སྒྲིལ་དང་མཐུན་སྒྲིལ་མཉམ་གནས་ཀྱི་སྤྱི་བའི་ལས་དོན་ལ་འབད་དགོས་པའི་རེེ་སྐུལ་ཡང་གནང་སོང།
ཐེངས་འདིའི་དར་ཆེན་བསྒྲེངས་འཛུགས་ཀྱི་གོ་སྐབས་དང་སྟབས་བསྟུན་ཏེ་མངའ་རིས་སྤྱི་མཐུན་ཚོགས་པས། བོད་ཀྱི་ཆོས་དང་རིག་གཞུང་སྲུང་སྐྱོབ་ཀྱི་ལས་འགུལ་སྤེལ་བའི་རིགས་ལ་མ་དངུལ་བསྡུ་རུབ་བྱ་ཆེད། ༢༠༠༩ ལོའི་ཕྱི་ཟླ་ ༤ པའི་ཚེས་ ༡༥ ཉིན་ཕྱི་རྒྱལ་ཡུལ་གྲུ་ཁག་དང་རྒྱ་གར་ནང་གི་གཞིས་ཆག་ཁག་ཏུ་བཀྲམས་ཟིན་པའི་རྒྱན་ཤོག་བསྡུ་རུབ་ཀྱི་ལས་འགུལ་ཞིག་དེེ་རིང་ཕྱི་དྲོ་ཐེག་ཆེན་ཆོས་གླིང་གཙུག་ལག་ཁང་དུ་སྤེལ་ཡོད་ལ། དེའི་སྟེང་ཨང་དང་པོར་ལག་འཁྱེར་གློག་ཀླད་གཅིག་དང་། ཨང་གཉིས་པར་གྱོན་གོས་འཁྲུས་ཆས་གཅིག ཨང་གསུམ་པར་ཁྱིམ་ཆས་སྒྲ་ཉན་འཕྲུལ་ཆས་གཅིག་བཅས་ཕུལ་ཏེ་རྒྱན་ཤོག་བསྡུ་རུབ་ཀྱི་ལས་འགུལ་སྤེལ་ཡོད་པ་རེད།
གསར་འགོད་པ། དོན་གོ།
གྲོགས་པོ་ཡོན་ཏན་ལགས་ཀྱིས་རེ་སྐུལ་བཞིན། མངའ་རིས་སྤྱི་མཐུན་ཚོགས་པ་གསར་འཛུགས་ཀྱི་དམིགས་ཡུལ་སྐོར་འདིར་བཀོད་ཡོད། ཚོགས་པ་འདི་ཉིད་ནི་ ༡༩༥༩ ལོར་རྒྱ་དམར་གྱིས་བོད་ཀྱི་ཆོས་དང་རིག་གཞུང་། དེ་བཞིན་བོད་མི་རིགས་རྩ་མེད་བཟོས་པ་དེ་དག་མི་ཉམས་རྒྱུད་འཛིན་དང་ཉམས་པ་སླར་གསོ། མི་རིགས་བརྒྱུད་གནས་ཐུབ་པའི་སླད་གཞིས་བྱེས་གཉིས་ཀྱི་དབུ་ཁྲིད་༸གོང་ས་སྐྱབས་མགོན་ཆེན་པོའི་དབུ་ཁྲིད་འོག་རང་གཞུང་གི་མཛད་བྱུས་དང་མཐུན་པའི་བོད་དོན་བདེན་མཐའ་མྱུར་དུ་སེལ་ཐབས་ཀྱི་ཡང་དག་པའི་འཚེ་མེད་ཞི་བའི་ལྟ་བ་དང་དྲང་བདེན་གྱི་ལངས་ཕྱོགས་སྒོ་ནས་བོད་ཀྱི་འཐབ་རྩོད་ཐོག་རང་གཞུང་ལ་དབུ་འོག་དཔུང་འདེགས་ཞུས་མུས་དང་། ལྷག་པར་དུས་ནས་དུས་སུ་རྒྱ་དམར་སྲིད་གཞུང་དང་དེའི་རྒྱབ་སྐྱོར་བ་ཚོ་ནས་༸གོང་ས་མཆོག་ལ་སྒྲོ་སྐུར་གྱི་མཚན་སྨད་བསྐུར་འདེབས་ཞུས་པ་དང་བོད་ཀྱི་དངོས་ཡོད་གནད་དོན་ལས་བྲལ་བ་རྒྱལ་སྤྱིའི་ནང་འགྲེལ་བརྗོད་བྱེད་མུས་རྣམས་ལ་སྐབས་འབྲེལ་བདེན་མིན་གིས་གནད་དོན་ཐོག་གསལ་འདེབས་ཞུ་རྒྱུའི་དམིགས་ཡུལ་ཐོག་གསར་འཛུགས་གནང་བ་ཡིན་ཚུལ་བཀོད་འདུག་ལ།
༡༩༩༢ ལོའི་ཟླ་ ༧ པའི་ཚེས་ ༡༡ ཉིན་གྱི་འགན་འཛིན་ལྷན་ཚོགས་ཐེངས་གཉིས་པའི་ཐོག་སྐྱིད་སྡུག་གི་མིང་དེ་ཉིད་ཚོགས་པའི་ངོ་བོར་བསྒྱུར་ཏེ་མངའ་རིས་སྤྱི་མཐུན་ཚོགས་པ་ཞེས་མིང་བཏགས་ཡོད་འདུག
མངའ་རིས་སྤྱི་མཐུན་ཚོགས་པ་ངོ་སྤྲོད་ཀྱི་དེབ་ཆུང་ལས་དྲངས།
བོད་ནང་།
གྲོགས་པོ་ཡོན་ཏན་ལགས་ཀྱིས་རེ་སྐུལ་བཞིན། མངའ་རིས་སྤྱི་མཐུན་ཚོགས་པ་གསར་འཛུགས་ཀྱི་དམིགས་ཡུལ་སྐོར་འདིར་བཀོད་པ་ཡོད། ཚོགས་པ་འདི་ཉིད་ནི་ ༡༩༥༩ ལོར་རྒྱ་དམར་གྱིས་བོད་ཀྱི་ཆོས་དང་རིག་གཞུང་། དེ་བཞིན་བོད་མི་རིགས་རྩ་མེད་བཟོས་པ་དེ་དག་མི་ཉམས་རྒྱུད་འཛིན་དང་ཉམས་པ་སླར་གསོ། མི་རིགས་བརྒྱུད་གནས་ཐུབ་པའི་སླད་གཞིས་བྱེས་གཉིས་ཀྱི་དབུ་ཁྲིད་༸གོང་ས་སྐྱབས་མགོན་ཆེན་པོའི་དབུ་ཁྲིད་འོག་རང་གཞུང་གི་མཛད་བྱུས་དང་མཐུན་པའི་བོད་དོན་བདེན་མཐའ་མྱུར་དུ་སེལ་ཐབས་ཀྱི་ཡང་དག་པའི་འཚེ་མེད་ཞི་བའི་ལྟ་བ་དང་དྲང་བདེན་གྱི་ལངས་ཕྱོགས་སྒོ་ནས་བོད་ཀྱི་འཐབ་རྩོད་ཐོག་རང་གཞུང་ལ་དབུ་འོག་དཔུང་འདེགས་ཞུས་མུས་དང་། ལྷག་པར་དུས་ནས་དུས་སུ་རྒྱ་དམར་སྲིད་གཞུང་དང་དེའི་རྒྱབ་སྐྱོར་བ་ཚོ་ནས་༸གོང་ས་མཆོག་ལ་སྒྲོ་སྐུར་གྱི་མཚན་སྨད་བསྐུར་འདེབས་ཞུས་པ་དང་བོད་ཀྱི་དངོས་ཡོད་གནད་དོན་ལས་བྲལ་བ་རྒྱལ་སྤྱིའི་ནང་འགྲེལ་བརྗོད་བྱེད་མུས་རྣམས་ལ་སྐབས་འབྲེལ་བདེན་མིན་གིས་གནད་དོན་ཐོག་གསལ་འདེབས་ཞུ་རྒྱུའི་དམིགས་ཡུལ་ཐོག་གསར་འཛུགས་གནང་བ་ཡིན་ཚུལ་བཀོད་འདུག་ལ།
༡༩༩༢ ལོའི་ཟླ་ ༧ པའི་ཚེས་ ༡༡ ཉིན་གྱི་འགན་འཛིན་ལྷན་ཚོགས་ཐེངས་གཉིས་པའི་ཐོག་སྐྱིད་སྡུག་གི་མིང་དེ་ཉིད་ཚོགས་པའི་ངོ་བོར་བསྒྱུར་ཏེ་མངའ་རིས་སྤྱི་མཐུན་ཚོགས་པ་ཞེས་མིང་བཏགས་ཡོད་འདུག
མངའ་རིས་སྤྱི་མཐུན་ཚོགས་པ་ངོ་སྤྲོད་ཀྱི་དེབ་ཆུང་ལས་དྲངས།
༡༽སྟོད་མངའ་རིས་སྐོར་གསུམ་འདི། བར་དབུས་གཙང་རུ་བཞིའི་ཁོངས་སུ་གཏོགས་པའི་རྒྱུ་མཚན་གང་དང་གང་ཡིན་ན།
༢༽སྨད་མདོ་ཁམས་ཆུ་བཞི་སྒང་དྲུག་འདི་ཆོལ་ཁ་གཉིས་སུ་དབྱེ་དགོས་པའི་རྒྱུ་མཚན་གང་དང་གང་ཡིན་ན།
ཆོལ་ཁ་གཅིག་གམ་ཆོས་བརྒྱུད་ཞིག་གསར་དུ་སྣོན་པས། བོད་རིགས་གོང་བུ་ཆིག་སྒྲིལ་ལ་ཕན་པ་ལས་གནོད་པ་ཅི་ཡང་མེད། གལ་ཏེ་གནོད་པ་ཡོད་ན་རྒྱུ་མཚན་ལྡན་པའི་གསལ་བཤད་གནང་དགོས་པ་ལས། བོད་པ་ཚོས་གཅིག་གིས་གཅིག་ལ་ཚིག་རྩུབ་སྨྲས་པས་བོད་དོན་ལ་ཕན་པ་གང་ཡང་མེད།
སྟོད་མངའ་རིས་ལ་ཡང་ཁོ་རང་ཚོ་ལ་ལོ་རྒྱུས་རེ་དང་འགྲོ་ལུགས་ཡོད། ང་རང་ཚོའི་ནང་ཆོས་ཀྱི་གཞུང་ནས་བཤད་ན་སྟོད་མངའ་རིས་འཁོར་གསུམ་སྨད་མདོ་ཁམས་སྒང་དྲུག་བར་དབུས་གཙང་རི་བཞི་ཞེས་གསུངས་ཡོད་པར་བཞིན་དུ་རེད།
སྟོད་མངའ་རིས་མི་རྣམས་གཤིས་ཀ་དྲང་བ་དང་གཡོ་རྒྱུ་ཉུང་བ་དྲང་བདེན་ཐོག་ནས་བདེན་པ་ཨུ་ཚུགས་བྱེད་ནས་མི་ཚེ་བསྐྱལ་མཁན་གྱི་མི་རིགས་ཤིག་རེད།
དཔེར་ན་མཆོག་ཏུ་གྱུར་པའི་དབུས་གཙང་སྤྱི་ཀརྨ་ཆོས་འཕེལ་བཞིན་ཨ་མ་དང་མནའ་མ་ནོར་མི་སྲིད་ལ་ཆབ་སྲིད་བཙོན་པའི་ཐོབ་ཐང་དེར་དང་སྤྱི་འཐུས་ཀྱི་ཐོབ་ཐང་ནོར་མི་སྲིད་པའི་མི་རིགས་ཤིག་ཡིན་པ་ནི་བཙན་བྱོལ་སྤྱི་ཚོགས་ནང་དུ་གསལ་རེ་གསལ་རེ་རེད།
དབུས་གཙང་ཆོལ་ཁས་སྟོད་མངའ་རིས་དང་བར་དབུས་གཙང་གཉིས་གཅིག་བརྩི་གི་ཡོད་ན་དབུས་གཙང་རྒྱུན་ལས་ཚོས་ཀརྨ་ཆོས་འཕེལ་སྤྱི་འཐུས་ནས་ཕྱིར་འབུད་བྱེད་དགོས་པའི་གྲོས་ཆོད་བཞག་དོན་གང་ཡིན་ནམ།
དེ་ལས་སྤྱི་ཕན་ལ་བསམ་བློ་ཡོད་ན་རང་གི་ཁོག་གི་དུག་ནད་དེར་ངོས་འཛིན་བྱ་ཐུབ་ན་དགའ་གི་མ་རེད་པས།
༄༅།་ འོ་ཡ་་་་་་་་་་ད་ཡིན་ན་གྲོང་སྡེ་རེ་ལ་ཚོགས་པ་རེའི་མཚན་གསོལ་ན་ཡག་ཤོས་རེད
ཡང་མིན་ན་༥༩་གོང་གི་ཅིག་རྒྱལ་པོ་ཉིག་རྒྱལ་པོ་སོགས་ཀྱི་དར་ཆེན་དེ་དག་ཡར་བསྒྲེངས་ན་མ་རེད་དམ
མཁྱེན་ཡངས་རྣམས་པ།ཁྱེད་རྣམས་ཀྱིས་མངའ་རིས་སྤྱི་མཐུན་ཚོགས་པ་ཞེས་པ་འདི་ག་དུས་འགོ་བཙུགས་པ་དང་། དགོས་པ་ཅི་ཕྱིར་བཙུགས་པ། ཇི་ལྟར་བཙུགས་པ་སོགས་ཀྱི་ཐད་མཁྱེན་གྱི་ཡོད་དམ། གལ་ཏེ་མཁྱེན་ན་ང་ཚོར་ངོ་སྤྲོད་མདོ་ཙམ་གནང་རོགས་གནང་། དྲང་པོར་བརྗོད་ན་མངའ་རིས་སྤྱི་མཐུན་ཚོགས་པས་དབུས་གཙང་ཆོལ་ཁ་ལས་ལོགས་སུ་དོན་སྟེ་མངའ་རིས་ཆོལ་ཁ་ཞེས་པ་ཞིག་སྔར་མེད་གསར་སྤྲོས་བྱེད་འདུན་ཡོད་པའི་གནས་ཚུལ་ཞིག་དེ་སྔོན་གོ་མྱོང་ཡོད། གང་ལྟར་ང་ཚོའི་སྤྱི་ཚོགས་ཀྱི་ཁུག་ཀྱོག་མི་ཉུང་བ་ཞིག་གི་ནང་ནས་ག་ཡིན་འདི་ཡིན་མེད་པའི་ཚོགས་པ་མི་ཉུང་བ་ཞིག་མཐོན་དང་མཐོན་བཞིན་ཡོད་ལ་ཚོགས་པ་དེ་དག་གི་སྤྱི་པའི་ལས་དོན་ལ་ཕན་རྒྱུའི་ཚབ་ཏུ་གནོད་ཀྱི་ཡོད།
གང་ཡིན་ཟེར་ན་ཚོགས་པ་དང་སྐྱིད་སྡུག་དེ་རིགས་ནི་ལུང་ཚན་རྒྱུ་མཚན་དུ་བྱས་ནས་བཙུགས་པ་ཞིག་ལས་དམིགས་ཡུལ་ངེས་ཅན་དང་རྩ་དོན་གཙོ་འཛིན་གྱིས་བཙུགས་པ་ཞིག་མ་རེད། དེའི་དབང་གིས་ཚོགས་པ་དེ་རིགས་ནི་ང་ཚོ་ཆོལ་གསུམ་སྤུན་ཟླའི་མཐུན་བསྒྲིལ་ལ་གནོད་པ་ལས་ཕན་པའི་རེ་བ་ངས་ནམ་ཡང་རྒྱག་གི་མེད། དེར་བརྟེན་སྤུན་ཟླ་སྤྱི་དང་ལྷག་པར་ང་ཚོ་གཞོན་སྐྱེས་ཚོས་ངེས་པར་ལུང་ཚན་རིང་ལུགས་པའི་བསམ་བློ་གུ་དོག་གི་རྗེས་སུ་མ་བསྙེགས་པར་བོད་སྤྱི་པའི་བདེ་དོན་ལ་དགོངས་པ་མང་ཙམ་བཞེས་ན་དགེ་མཚན་ཆེ་བར་མངོན་ནོ།
མངའ་རིས་པར་རང་དབང་དགོས་བསྟོད་པའི་ཁོངས་ཡིན་པས་དཔང་རྟགས་གང་ཡོད་
བཀའ་སློབ་དེ་སོ་སོ་རང་ངོས་ནས་ཉམས་སུ་བླང་ཐུབ་ཚེ་གཟོད་མི་མང་ལ་འགྲེལ་བཤད་རྒྱག་ཆོག་དེ་མིན་སྐད་ཆ་བརྫིས་པོ་རྐྱང་རྐྱང་གི་ལུང་པ་བཀང་ནས་དོན་ངོ་མ་སར་ཐུག་དུས་བཀའ་སློབ་ལྟ་ཞོག་སྐུ་དངོས་སུ་ཕེབས་ནས་རྣ་བ་སར་བཀའ་སློབ་གནང་ཡང་ཉན་འཇོག་གཏན་ནས་གནང་གིན་མེད་པ་དེ་དངོས་ཡོད་ཀྱི་གནས་ཚུལ་རེད།
ཚོགས་གཞོན་རྒྱ་རི་སྒྲོལ་མས་གསུང་བཤད་ཡག་པོ་གནང་འདུག
དངོས་ཡོད་གནས་ཚུལ་རེད་༸གོང་ས་མཆོག་ང་ཚོ་བོད་མི་དམངས་ཀྱི་ནོར་བུ་གཅིག་པུ་དེ་རེད། ནོར་བུ་དེ་ནོར་བུར་འདུ་ཤེས་པ་བྱེད་རྒྱུ་དང་ནོར་ཉམ་ཆོད་པ་བྱེད་རྒྱུ་ཤིན་ཏུ་གལ་ཆེ།
ཆོལ་གསུམ་རྒྱ་དར་རླུང་ལ་བསྐུར།།
ཡ་གྱལ་དར་ཆ་བསྒྲེང་འཛུགས་བྱེད།།
གནམ་ལྕགས་ལགས་ཀྱི་གསུངས་པར་རྒྱབ་སྐྱོར་ཡོད། དེ་སྔ་ཀརྨ་ཆོས་འཕེལ་ལགས་ཀྱི་མངའ་རིས་ཚོགས་པ་ཁ་ལ་འཁྱེར་ནས་ཆབ་སྲིད་འཁྲབ་པ་ཀུན་གྱི་མཁྱེན་གསལ་རེད། ད་དུང་མངའ་རིས་ཆོལ་ཁ་ལོགས་སུ་དགོས་ཚུལ་བརྗོད་པ་དེར་གང་ཉིད་བཀའ་སློབ་ནན་པོ་ཕེབས་ཚུལ་ཀུན་གྱི་མཁྱེན་གསལ་རེད། མངའ་རིས་ནི་དབུས་གཙང་གྱི་ནང་ཁུལ་ཡིན་པ་དོགས་པ་ཐེ་ཚོམ་བྱེད་ཨེ་དགོས། ཆབ་སྲིད་འཁྲབ་ནའང་འཁྲབ་ཤེས་པ་དགོས་པ་ལས་གང་བྱུང་བྱེད་མི་ཉན།
ནང་བཀྲ་མི་ཤིས་ན།
ཕྱི་དོན་མི་འགྲུབ།
མངའ་རིས་སྤྱི་མཐུན་ཚོགས་པ་ཟེར་བ་འདི་བོད་བསྟན་སྲིད་ལ་ཕན་པ་ཞིག་ཡིན་མིན་ང་ལ་དོགས་པ་ཡོད། དྲང་མོར་བཤད་ན། སྐྱབས་བཅོལ་སྤྱི་ཚོགས་ཆུང་ཆུང་འདིའི་ནང་དུ་ཕན་མི་ཐོགས་པའི་འདི་འདྲའི་ཚོགས་པ་མང་བོ་ཡོད་སྟབས་ཕྱོགས་འཐེན་རིང་ལུགས་ཀྱི་ནང་འགལ་འབྱུང་གི་ཡོད། མངའ་རིས་དར་མོ་ཆེ་ཟེར་བ་དེ་གོང་དུ་བཤད་ཀྱིན་པའི་ཆབ་སྲིད་ཀྱི་གནད་དོན་དེ་འདྲ་རྩ་བ་ནས་མ་རེད། འདི་ནས་ཁ་བདེ་ཁ་ཤས་ཀྱིས་དེ་ཡང་ཆབ་སྲིད་ལ་སྦྱར་ནས་བཤད་ཁུལ་བྱེད་ཀྱི་ཡོད་པ་རེད།
མཐའ་དོན། མངའ་རིས་སྤྱི་མཐུན་ཚོགས་པ་ཟེར་བ་འདིས་དབུས་གཙང་ནང་ཁུལ་ལ་བཀྲ་མི་ཤིས་པའི་ལས་ཀ་རྐྱང་བྱེད་ཀྱི་ཡོད། དེ་ངས་མ་བཤད་ཀྱང་ཚང་མས་ལོས་ཤེས། ད་ཉིན་ཞིག་ཁོང་ཚོར་ཆོལ་ཁ་ཞིག་གི་ཚད་གཞི་ཡོད་མི་ཟེར་བའི་ངེས་པ་མི་འདུག དེའི་རྒྱུ་མཚན་ནི་དེང་སང་གི་རྡ་སའི་སྐུ་ངོ་མང་ཆེ་བ་དེའི་ཁོངས་སུ་གཏོགས་པས་ཡིན། རྡོག་རྡོག་སྟོད་པའི་རྒན་རྒོན་དེ་ཚོས་བོད་ཀྱི་ཆབ་སྲིད་ལག་མཐིལ་ལ་བླངས་ཡོད་པས་སོ།།