༢༠༠༨ ལོའི་ཞི་རྒོལ་སྐོར་རྩོམ་པ་པོ་ཞོགས་དུང་རྒྱ་ལག་ཏུ་ཤོར། ཁོང་གིས་བྲིས་པའི་གནམ་ས་གོ་འབྱེད་ཅེས་པའི་དཔེ་དེབ་བཙན་བྱོལ་དུ་འབྱོར། དེའི་རྗེས་ལ་རྒྱ་ནག་བསྐྱར་དུ་ལོ་རྒྱུས་འབྲི་མགོ་བརྩམས།
བོད་ནང་གནམ་ས་གོ་འབྱེད་ཀྱི་དགག་ལན་ལྟ་བུའི་དཔེ་དེབ་གསར་པ་ཞིག་ཐོན་འདུག རྩོམ་པ་པོ་ནི་ཞུའོ་མིན་ཞུའོ་ཟེར་བའི་རྒྱ་མི་ཞིག་རེད། དེབ་མིང་ལ་༼གངས་འདབས་ཀྱི་སྡིག་ལས། བོད་ནང་གི་ཟིང་ཆའི་ཤུགས་རྐྱེན་༽ཞེས་བཏགས་ཤིང་། ཁྱོན་ལེའུ་ ༡༣ འདུག དཔར་མཁན་ནི་སི་ཁྲོན་ཤེས་རིག་དཔེ་སྐྲུན་ཁང་གིས་དཔར་བསྐྲུན་བྱས་འདུག
དེབ་འདིའི་ནང་དོན་གཙོ་བོ་ནི་ ༢༠༠༨ ལོའི་ཕྱི་ཟླ་ ༣ པའི་ཚེས་ ༡༤ ཉིན་གྱི་ཞི་རྒོལ་ཆེན་མོའི་སྐོར་ཡིན་ལ། དེབ་དེའི་ནང་དུ། ཏཱ་ལའི་རུ་ཚོགས་ཀྱི་དྲག་པོའི་ངོ་བོ་དང་ཁོང་ཚོའི་འཚེ་མེད་ཞི་བའི་རང་གཤིས་ཟེར་བ་སོགས་བཏོན་ཡོད་ཟེར་ལ། ད་དུང་དུས་རབས་ཉི་ཤུ་བའི་ནང་གི་ཟིང་ཆ་རེ་ཟུང་གི་སྐོར་ཡང་བྲིས་ཡོད་པར་བཤད།
ནམ་རྒྱུན་རྒྱ་ནག་གི་བཤད་སྲོལ་ལྟར། དེབ་དེའི་ནང་དུའང་ཆེད་ལས་མཁས་པ་ཡིས་བོད་ཀྱི་ལོ་རྒྱུས་དང་དངོས་ཡོད་གནས་སྟངས། བོད་ལྗོངས་ཀྱི་འཛུགས་སྐྲུན་དང་འཕེལ་རྒྱས་ལ་ཞིབ་འཇུག་ནན་མོ་དང་གཏིང་ཟབ་མོ་བྱས་ཡོད་ལུགས་དང་། བོད་ཀྱི་སྤྱི་ཚོགས་དང་ཆོས་ལུགས་ཀྱི་གནས་བབ། བོད་དོན་གྱི་ཐོག་མའི་བྱུང་སྟངས། རྒྱ་ནག་གཞུང་གིས་བོད་ཐོག་བཟུང་བའི་སྲིད་བྱུས། དབུས་སྲིད་གཞུང་གིས་བོད་དོན་ལ་བཟུང་བའི་རྣམ་འགྱུར་དང་ལངས་ཕྱོགས་བཅས་བཀོད་ཡོད་ཚུལ་འདུག
རྩོམ་པ་པོ་ཞུའོ་མིན་ཞུའོ་ཟེར་བ་དེས་ ༡༩༨༠ གྱ་གྲངས་ནང་དུ་བོད་ནང་ལས་ཀ་བྱས་པ་དང་། རྗེས་སུ་ཨ་རིར་སློབ་སྦྱོང་ལ་ཕྱིན་པ་དང་། དེང་སྐབས་རང་དབང་གི་རྩོམ་པ་པོ་ཞིག་ཡིན་པར་བཤད།
གསར་འགྱུར་འབྲི་མཁན། ལུང་རིགས་རྒྱལ།
༄༅།། རྒྱ་མིའི་རིགས་ཀྱི་རྩོམ་པ་པོ་ཁོང་དོན་ལྡན་གྱི་ར་དབང་རྩོམ་
པོ་ཞིག་ཡིན་ན་གནས་ཚུལ་དངོས་ཡོད་རྣམས་གསལ་བཤད་བྱེད་དགོས་པ་
ལས་དེ་ལས་ལྡོག་སྟེ་འཁྱོག་བཤད་བྱས་པར་ཤུགས་རྐྱེན་འདི་ཙམ་ཞིག་འཐེབ
མི་སྲིད་པས་དྲ་གྲོགས་རྣམས་སྐྲག་དགོས་དོན་མེད།།
དྲ་གྲོགས་ཡོངས་ལ་ཞུ་རྒྱུ། དུས་བབ་དྲ་ངོས་སུ་སྨྲ་བརྗོད་རང་དབང་བེད་སྤྱད་དེ་གསར་འགྱུར་དང་ཟིན་བྲིས་སོ་སོ་ལས་འཕྲོས་པའི་འབྲེལ་ཡོད་བསམ་ཚུལ་གང་འདྲ་སྤེལ་ན་འགྲིག་པར་ངོས་འཛིན་བྱེད་ཀྱི་ཡོད་ལ། དེ་ནི་མ་འགྲིག་པ་ཞིག་ཏུ་མ་མཐོང། ཡིན་ནའང་ཚིག་གཅིག་ཞུ་རྒྱུ་ཡོད་པ་ནི། རྣམ་པ་ཚོ་སུ་ཡིན་པ་དེ་མ་མཐར་དུས་བབ་གསར་ཁང་གིས་ངེས་པར་ཤེས་དགོས་པར་འདུག དེ་མིན་ཉིན་གཅིག་རྣམ་པ་ཚོ་ཁག་ཅིག་གིས་དུས་བབ་ཁྲིམས་ལ་སྐྱེལ་བར་འདུག དོགས་སློང་གི་སྐད་ཆ་མིན། འདི་ནི་དངོས་འབྲེལ་ཡོང་སྲིད་ཀྱི་རེད་ལ། སྐབས་དེར་དུས་བབ་ལ་ཁུངས་སྐྱེལ་མེད་ན་དུས་བབ་གསར་ཁང་ངོ་ཚར་གཏད་པ་ཡིན་ལ། སྡུག་ན་སྒོ་རྒྱག་དགོས་ཐུག་སྲིད་པ་རེད། དེ་བས་རྣམ་པ་ཚོས་དུས་བབ་གསར་ཁང་གི་རྩོམ་སྒྲིག་པར་དེབ་སྐྱེལ་ཚད་ལྡན་ཁྲིམས་མཐུན་བྱེད་རོགས། འདི་ནི་རེ་བ་དྲོན་མོ་ཞིག་ཡིན།
དེ་ནི་དམར་གཞུང་རྒྱབ་ལ་ཡོད་པས་ལན་འདེབས་ཤིག་ཡིན་ངེས་ཏེ། དེ་མིན་གཟུར་གནས་རྩོན་པ་པོ་ཞིག་དང་རང་དབང་གི་རྩོམ་པ་པོ་ཞིག་གིས་དེ་་་
ལྟར་འབྲི་མི་སྲིད་དེ་ཁོ་རང་དབང་གི་རྩོམ་པ་པོ་ཡིན་པའི་ཕྱིར།
གསང་མིང་འོག་གི་འཇབ་རྒོལ་བ་དང་རྨས་མ་ཚོ།
འདོན་སྤེལ། ༢༠༡༠/༠༥/༣༡
ཞེས་པའི་གསར་འགྱུར་འདིའི་ཐད་ལ་བགྲོ་གླེང་བྱེད་པར་ཕེབས་ཤོག
རྩོམ་པ་པོ་ཚད་ལྡན་ཞིག་ཡིན་ན་དྲང་ཚུགས་ཤོར་ཡོད་རྒྱུ་མ་རེད་བསམ་གི་དེ་མིན་ན་རྒྱ་གཞུང་གི་མགྲིན་ཚབ་པ་ཞིག་ལ་ཅི་ཡང་སྐྲག་དགོས་དོན་མེད་འུ་ཚོ་ལ་བདེན་པ་ཡོད་དང་ཕྱི་གསལ་ནང་གསལ་ཡིན་ལབ་གི་མེད་དམ།
རྒྱ་མི་འདིར་ཁག་མི་འདུག གོ་བ་ལོག་ས་རེད་ལ། སྡུག་གྱོང་ཉོ་མཁན་བོད་མི་ལས་གཞན་མི་འདུག རྒྱ་ཡིག་ནང་ཏཱ་ལའི་བླ་མས་ཉེ་སྔོན་ཨ་རི་ནས་བཅར་འདྲི་ཞིག་དང་ལེན་བྱེད་སྐབས། ༼བཙན་བྱོལ་གཞུང་ཞེས་པ་དེ་ཕྱི་ལོ ༢༠༠༡ལོ་ནས་མེད་པ་བཟོས་ཡོད། ད་ལྟ་ཕྱི་སྡོད་བོད་མི་ཆིག་འབུམ་ལྔ་ཁྲིར་བདག་སྐྱོང་བྱེད་མཁན་གྱི་སྒྲིག་འཛུགས་ཤིག་ལས་གཞན་མིན༽ཞེས༼དགའ་ལྡན་ཕོ་བྲང༽གི་ལོ་རྒྱུས་རྒྱུན་མཐུད་ཀྱང་བཅད་ཟིན་པས། འདིའང་སྡིག་ལས་ཤིག་མ་རེད་དམ།
ཆབ་སྲིད་ང་མཁས་ཟེར་མཁན་དང་ཡིག་རྩ་ང་བཟང་ཟེར་མཁན་ཚོས་ངེས་པ་ཏུ་དགག་ལེན་སྤྲོད་དགོས་མཐོང། གཞན་ནང་ཁུལ་དུ་སྟག་ངར་མ་བཞིན་དུ་བྱེད་བསྡད་ནས་ཅི་ཕན།་ཡིན་ད། ཕ་བཟང་གི་བུ་སུ་ཡོད་དམ།
གལ་ཏེ་ཁོ་རང་དབང་གི་རང་དབང་གི་རྩོམ་པ་པོ་ཞིག་ཡིན་ན་དངོས་ཡོད་ཚུལ་དག་བཤད་མི་ཐུབ་ཡ་དེ་ག་རེ་ཡིན་ན་
དྲིན་ཕ་མས་བྱམས་སྐྱོང་བྱེད་པ་བཞིན།
གདོང་དགྲ་བོས་བྱམས་སྐྱོང་བྱེད་ལེ་མིན།
བོད་མི་རིགས་ལྷག་བསམ་ཡོད་པ་བཞིན།
དགྲ་དམར་པོས་ལྷག་བསམ་བྱེད་ལེ་མིན།
བོད་མི་རིགས་དྲང་བདེན་བྱེད་པ་བཞིན།
རྒྱ་ནག་པོས་དྲང་བདེན་བྱེད་ལེ་མིན།
བོད་མི་རིགས་ཞི་བདེ་དགའ་བ་བཞིན།
རྒྱ་མི་རིགས་ཞི་བདེ་དགའ་ལེ་མིན།
དེ་འདྲའི་ཟེར་སྒྲོས་ཙམ་ཞིག་ངས་ཀྱང་གོ་སོང་།ཡིན་ཡང་གསལ་བོ་ཞིག་གོ་མྱོང་མེད།ངོ་མ་ཡིན་རྩོམ་པ་པོ་ཁོ་ནི་ཅུང་སྐད་གྲགས་ཡོད་པ་ཞིག་ཡིན་པས་ཤུགས་རྐྱེན་ཏོག་ཙམ་ཡོད་སྲིད་སྙམ།
ཆུང་ཆེན་བཞིན་དུ་གཤོག་རྩལ་རྒྱས་པའི་དཔའ་བོ་དེ།།
དབང་མེད་དགྲ་ཡི་ལག་ཏུ་ཤོར་ནས་གཙོང་ལ་བཅུག།།
ཤ་ལན་མེད་པའི་གདོང་དམར་བུ་ཡི་མིང་སྐམ་དེའི།།
རང་རིགས་མེ་པོས་བླ་སྲོག་རྒྱང་དུ་བཏང་།།
༄༅། རྒྱ་མི་རིགས་འདི་ནི་ང་རང་ཚོའི་དགྲ་བོ་རེད་ལ་དུས་དང་ནམ་རྣམ་ཀུན་ཏུ་ཡིད་ཆེས་བྱེད་མི་རུང་བ་ཞིག་ཀྱང་རེད།
ཡིན་པ་ཡིན་ནའང་དེང་སང་བཙན་བྱོལ་ནང་དུ་ཏང་ཡ་རིགས་རྒྱུད་བུ་ཕྲུག་མང་པོ་འབྱོར་ཡོད་པས་པྭ་མགོ་དེ་ཚོ་རྒྱ་མི་རིགས་འདི་བོད་མི་ཆེད་དུ་ཡག་པོ་ཡོད་གསུངས་གི་འདུག་པ།
དེ་ཚོ་ནི་ང་རང་ཚོའི་ནང་དུ་ཕྱི་དགྲ་ནང་ཁྲིད་བྱེད་པ་རང་རེད་། ཚང་མས་དོགས་ཟན་གནང་ཡ་གལ་ཆེ་རེད།
དེ་རིང་ཞོགས་པ་བྷིས་བྷིས་སི་གསར་ཁང་གིས་གནས་ཚུལ་སྤེལ་བ་ལྟར་ན་ཞོགས་པའི་ཆུ་ཚོད་བཅུ་བ་ཡས་མས་སུ་རྒྱ་ནག་གི་ཧྭོའུ་ནན་ཞིང་ཆེན་ལིན་ལིན་རྫོང་གི་ཁྲིམས་ཁང་དུ་ལོ་ན་༤༦ལ་སོན་པའི་ཀྲོའུ་ཅོན་ཞེས་བའི་སྐྱེས་བ་ཞིག་གིས་མེ་མདའ་བརྒྱབས་ཏེ་ཁྲིམས་དཔོན་གཉིས་བསད་པ་དང་། ཁྲིམས་དཔོན་གསུམ་ལ་རྨས་སྐྱོན་བཏང་རྗེས་མེ་མདའ་གཉིས་བ་དེ་བླངས་ནས་རང་སྲོག་བཅད་འདུག
སྡུག་ནག་དགུ་སྒྲིལ་ལས་ཀྱི་མཐར་ལྷུང་བའི།།
དུས་རབས་ཉེར་གཅིག་ནང་གི་བཙན་བྱོལ་བ།།
གདོང་དམར་ཁྲག་གི་མདུད་བརྒྱ་གྲོལ་བྱས་ཏེ།།
རྣམ་དཔྱོད་རིག་པའི་སོ་ཁ་འདི་ལ་སྐོར།།
ཕུ་ནུ་ནང་དམེ་བྱ་ལ་སྙིང་སྟོབས་ཅན།།
ནང་ཁུལ་མཐུན་སྒྲིལ་གཏོར་བར་རྣམ་དཔྱོད་ཅན།།
དཀར་བོའི་རུས་ལ་སེར་བོའི་རྐང་ཡོད་ན།།
དེ་རིང་སྨྱུ་གུའི་མཚོན་རྩེ་འདི་ལ་སྐོར།།
འཕངས་པའི་རྡོ་ཡི་རྗེས་ལ་ལག་ངར་བསྒྲེང་།།
འཕོང་རྐྱེན་མདའ་མོའི་རྗེས་ལ་ཀི་ལྡིར་བྱེད།།
ཕ་བསད་རོ་ཡི་སྟེང་ལ་རྒྱལ་རྔ་བརྡུང་།།
རང་རེར་འདི་ལས་ཡོང་རྒྱུ་ཅི་ཞིག་ཡོད།།