གངས་ལྗོངས་རང་བདེན་རྩོད་ལེན་མཐུན་ཚོགས་ཀྱིས་སྲིད་འཛིན་ཧུའུ་ཅིན་ཐའོ་ཡི་མཚན་ཐོག་ཏུ་སྙན་ཞུའི་ཡི་གེ་ཞིག་ཕུལ་ཏེ། ༧གོང་ས་མཆོག་ཡུལ་ཤུལ་ཁུལ་དུ་ཆོས་ཕྱོགས་རང་གི་ཐོག་ནས་ཕེབས་འཇུག་རོགས་ཟེར།
དེ་རིང་གངས་ལྗོངས་རང་བདེན་རྩོད་ལེན་མཐུན་ཚོགས་ཀྱིས་འདི་ག་གསར་ཁང་ལ་བཏང་གནས་ལྟར་ན། འདས་པའི་ཟླ་གཅིག་རིང་གངས་ལྗོངས་རང་བདེན་རྩོད་ལེན་མཐུན་ཚོགས་ཀྱིས་གདན་ས་ཁག་གཙོས་བཙན་བྱོལ་གྱི་དགོན་སྡེ་ཁག་གི་གྲྭ་བཙུན་ ༡༠༡༡༣ ཙམ་གྱི་མཚན་རྟགས་བསྡུ་རུབ་བྱས་ཏེ། སྲིད་འཛིན་ཧུའུ་ཅིན་ཐའོ་ཡི་མཚན་ཐོག་ཏུ་སྙན་ཞུའི་ཡི་གེ་ཞིག་ཕུལ་འདུག་ལ། སྙན་ཞུ་དེའི་ནང་དོན་གཙོ་བོ་ནི། ཡུལ་ཤུལ་ཁུལ་དུ་༸གོང་ས་མཆོག་ཆོས་ཕྱོགས་རང་གི་ཐོག་ནས་བསྔོ་སྨོན་གནང་བར་ཕེབས་རྒྱུར་མཐུན་འགྱུར་ཡོང་ཆེད་ཡིན་འདུག
སྙན་ཞུ་དེའི་ནང་། ཡུལ་ཤུལ་ས་ཡོམ་གོད་ཆག་བྱུང་མ་ཐག གོད་ཆག་ཐེབས་པའི་ཉམ་ཐག་མང་ཚོགས་ཁྲི་བཅུ་ཕྲག་ཁ་ཤས་ཀྱིས་རྒྱ་ནག་གི་སྲིད་འཛིན་དང་སྲིད་བློན་གཉིས་ལ་ད་ཐེངས་༧གོང་ས་མཆོག་སྐུ་དངོས་སུ་ཕེབས་ཏེ་ཁོང་ཚོར་བསྔོ་སྨོན་གནང་འཇུག་རྒྱུར་རེ་འདུན་ནན་མོ་ཞུས་པ་དང་། ༸གོང་ས་མཆོག་གིས་ཀྱང་ད་རེས་ས་འགུལ་གྱི་གོད་ཆག་བྱུང་སའི་ས་ཁུལ་མཚོ་སྔོན་ཞིང་ཆེན་ནི་ངོས་དང་༧པཎ་ཆེན་སྐུ་གོང་མ་གཉིས་ཀའི་སྐྱེས་ཡུལ་ཡིན་སྟབས། ངོས་རང་ངོ་བསྐྱོད་ཀྱིས་མང་ཚོགས་ཀྱི་རེ་འདོད་བསྐང་སྟེ་སེམས་གསོ་བྱ་རྒྱུའི་འདུན་པ་ཤིན་ཏུ་ཆེ། ཞེས་གསུངས་པ་ལྟར།
བོད་བརྒྱུད་ནང་བསྟན་ཆོས་ལུགས་ཀྱི་དབུ་ཁྲིད་མཐོ་ཤོས་༸གོང་ས་མཆོག་རང་གི་དད་ལྡན་མང་ཚོགས་ཀྱི་ཆོས་ལུགས་དད་མོས་ཀྱི་རེ་འདུན་སྐོང་འདོད་ཀྱི་ཐུགས་བརྩེའི་དགོངས་གཞི་ཟབ་མོ་དང་། ཉམ་ཐག་མི་མང་གི་ལྷད་མེད་དད་འདུན་གྱི་རེ་སྐུལ་བཅས་ལ་བཀུར་འོས་སྲིད་འཛིན་མཆོག་ནས་དགོས་པ་ཆེར་བཞེས་ཀྱི་སྒོ་ནས་བདག་སྤྲོད་གནང་སྟེ། སྐྱེ་རྒུ་མདོ་ཁུལ་དུ་༸གོང་ས་མཆོག་ཆོས་ཕྱོགས་རང་གི་ཐོག་ནས་བསྔོ་སྨོན་གནང་བར་ཕེབས་རྒྱུར་མཐུན་འགྱུར་ཡོད་པ་ཞུ་ཆེད། འདིར་བོད་བརྒྱུད་ནང་བསྟན་ཆོས་ལུགས་ཀྱི་དགེ་འདུན་པ་ཆིག་ཁྲི་ཆིག་བརྒྱ་བཅུ་གསུམ་གྱིས་ལྷག་བསམ་རྣམ་དག་གིས་རེ་སྐུལ་ནན་མོ་ཞུ་བའི་མཚན་རྟགས་བཀོད་ནས་ཕུལ་ཡོད་ན་སྐུ་ཉིད་ནས་དེ་དོན་དགོངས་བཞེས་ཡོད་པ་ཞུ་ཞེས་གསལ་འདུག
གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་ཚོགས་གཙོ་བློ་བཟང་དཔལ་ལྡན་མཆོག་ལྡི་ལིར་ཆེད་ཕེབས་གནང་སྟེ། མཚན་རྟགས་བསྡུ་རུབ་བྱས་པ་རྣམས་ཕྱོགས་བསྡུ་བྱས་ཏེ། ཁ་སང་རྒྱ་ནག་གཞུང་ཚབ་ཁང་དང་འཛམ་གླིང་མཉམ་འབྲེལ་རྒྱལ་ཚོགས་ཀྱི་ཡན་ལག་ལས་ཁུངས་ཁག་ཏུ་བསྐྱལ་ཡོད་འདུག
ཐུགས་རྗེ་ཆེན་ཞུྲ
གངས་ལྗོངས་རང་བདེ་ཚོགས་པས་ཐུགས་རྒྱ་ཆེན་པོས་༧གོང་ས་
སྐྱབས་མགོན་ཆེན་པོ་མཆོག་སྐྱ་རྒུའི་སྤུན་ཟླ་ཡོངས་ལ་སེམས་གསོ་དང་
འདས་པོ་རྣམས་བསྔོ་སྨོན་གནང་བར་འཕེབ་རྒྱུའི་ཆེད་དུ་ཧུའུ་ཅིན་ཐའོ་ལ་སྣ་ཞུ་འབུལ་
བར་གུས་ངས་སེམས་དབུས་ནས་བཀའ་དྲིན་ཆེ་ཞུ།།
ཁ་དྲོ་བཀྲ་ཤིས་བདེ་ལེགས།།
དེ་ནས་ཁ་རུ་བྱས་པ་རེད།
ཡི་གེ་སྤྲད་རྗེས་ཁྱབ་བསྒྲགས་བྱས་ན་བཟང་གི
མདང་དགོང་ལྡི་ལི་མན་ཇུ་ཀྲེ་ལར་གཏམ་བཤད་རྐང་ཆགས་མ་ཞིག་བྱས་པ་གོ་སོང་།
གངས་ལྗོངས་ཚང་གི་ལས་ཀ་དེ་ཧ་ཅང་ཡག་པོ་རེད། རྗེས་སུ་ཡི་རངས་ཡོད། འདི་ལྟར་ང་ཚཽ་བོད་གཞིས་བྱེས་གཉིས་ནས་བློ་གཅིག་སེམས་གཅིག་གིས་་སྐད་གཅིག་གདངས་གཅིག་གིས་རེ་ཞུ་རེ་བརྒྱབས་ན་རེ་བ་ཡོད་སྲིད་པ་རེད་སྙམ། སྐྱེ་རྒུ་མདོའི་སྤུན་ཟླ་ཚོར་སེམས་གསོ་དང་འདས་པོ་ཚོར་བསྔོ་སྨོན་ཞིག་གསུངས་པར་ད་ལོ་གདན་འདྲེན་ཞུ་མ་ཐུབ་ན་ཕྱིས་སུ་དཀའ་ལས་ཁེགས་པར་འདོད། ད་ལོ་ཆབ་སྲིད་སོགས་གང་ཡང་མི་གླེང་བར་ཆོས་ཀྱི་ཆཽ་ག་ཁཽ་ནའི་ཕྱིར་ཕེབས་ཐུབ་ནའང་དགེ་མཚན་ཆེ་བར་འདོད།
དུས་བབ་ཚང་གི་གསར་འགོད་པ་ཚོ་ལ་འདྲི་རྒྱུར། ཉེ་བའི་ཆར་འཛིན་བཟུང་བཀག་ཉར་ཐེབས་པའི་བོད་ནང་གི་རྩོམ་པ་པོ་སྐུ་ཞབས་ཞོགས་དུང་ལགས་ཁ་སང་མངག་གཏོང་བྱས་ཡོད་པའི་གནས་ཚུལ་ཞིག་ཐོན་བཞིན་འདུག་ན་འདིའི་ཐད་རྒྱུས་ལོན་དང་ཤེས་རྟོགས་ཡོད་མེད་ཀྱི་ལན་ཞིག་འཇོག་རོགས།