ཉེ་ཆར་སི་ཝེ་ཌན་སུ་ཊོ་ཁུ་ཧོལ་ཞི་བདེ་ཞིབ་འཇུག་ལྟེ་གནས་ཞེས་པའི་སྙན་ཐོ་ཞིག་བཏོན་ཡོད་པའི་ནང་། ༢༠༠༩ ལོའི་འཛམ་གླིང་རྒྱལ་ཁབ་ཁག་གི་དམག་དོན་འགྲོ་སོང་དེ་འདས་པའི་ལོ་རྒྱུས་ནང་ཚད་མཐོ་ཤོས་སུ་སླེབས་ཡོད་འདུག་ལ། རྒྱ་ནག་ནི་མུ་མཐུད་དམག་དོན་འགྲོ་སོང་ཆེ་ཤོས་ཨང་གཉིས་པ་དེ་ཆགས་ཡོད་འདུག ༢༠༠༩ ལོར་གོ་ལ་ཧྲིལ་པོར་དཔལ་འབྱོར་གྱི་དཀའ་ངལ་ཞིག་འཕྲད་ཡོད་ཀྱང་། རྒྱལ་ཁབ་ཁག་གི་དམག་དོན་འགྲོ་སོང་དེ་ ༢༠༠༨ ལོ་དང་ཞིབ་བསྡུར་བྱས་པ་ཡིན་ན། བརྒྱ་ཆ་ ༥༌༩ ཙམ་གྱི་མཐོ་རུ་ཕྱིན་ཡོད། ཨ་རི་དེ་སྔོན་མ་བཞིན་འཛམ་གླིང་ཐོག་དམག་དོན་འགྲོ་སོང་ཆེ་ཤོས་སུ་གྱུར་ཡོད་ལ། ན་ནིང་ལོའི་དམག་དོན་འགྲོ་སོང་ཨ་སྒོར་དུང་ཕྱུར་ ༦༦༡༠ ལ་སླེབས་ཏེ། འཛམ་གླིང་སྤྱིའི་དམག་དོན་འགྲོ་སོང་གི་བརྒྱ་ཆ་ ༤༣ ཙམ་ཟིན་གྱི་ཡོད། ༢༠༠༩ ལོའི་ཨ་རིའི་དམག་དོན་འགྲོ་སོང་དེ་ལོ་སྔོན་མ་ལས་ཨ་སྒོར་དུང་ཕྱུར་ ༤༧༠ ཙམ་གྱི་ཁ་སྣོན་བྱས་ཡོད་ལ། དེས་འཛམ་གླིང་སྤྱིའི་བརྒྱ་ཆ་ ༥༤ ཙམ་ཟིན་གྱི་ཡོད། རྒྱ་ནག་ནི་འཛམ་གླིང་ཐོག་དམག་དོན་འགྲོ་སོང་ཆེ་ཤོས་ཨང་གཉིས་པར་སླེབས་ཡོད་ཚུལ་བརྗོད་ཀྱི་ཡོད་ཀྱང་། པེ་ཅིན་ཕྱོགས་ནས་དམག་དོན་འགྲོ་སོང་གི་རྩིས་ཁྲ་ཁ་གསལ་ཞིག་རག་ཐུབ་ཀྱི་མི་འདུག་ཅེས་སྙན་ཐོ་དེའི་ནང་བཀོད་འདུག དེ་ལྟ་ནའང་། ཁོང་ཚོས་རོབ་རྩིས་བརྒྱབ་པ་ལྟར་ན། རྒྱ་ནག་གི་ལོ་སྔོན་མའི་དམག་དོན་འགྲོ་སོང་དེ་ཨ་སྒོར་དུང་ཕྱུར་ ༡༠༠༠ ལ་སླེབས་ཡོད་འདུག་ལ། ཧྥ་རན་སི་ཡང་དམག་དོན་འགྲོ་སོང་ཆེ་ཤོས་ཨང་གསུམ་པའི་གྲས་སུ་སླེབས་ཡོད་པར་མ་ཟད། ཡུལ་དེའི་ན་ནིང་ལོའི་དམག་དོན་འགྲོ་སོང་ཨ་སྒོར་དུང་ཕྱུར་ ༦༣༩ ཙམ་ཡིན་འདུག ༢༠༠༩ ལོར་འཛམ་གླིང་ཧྲིལ་པོར་དམག་དོན་འགྲོ་སོང་ཇེ་ཆེར་སོང་བའི་རྒྱུ་མཚན་ནི། ཞི་བདེའི་ལས་དོན་དང་ཨབ་གྷན་གྱི་བདེ་འཇགས་གནས་སྟངས་ཆེད་ཡིན་པ་རེད་ཅེས་སྙན་ཐོ་དེའི་ནང་བསྟན་ཡོད་པ་རེད།
གསར་འགོད་པ། དཔལ་ལྡན་རྒྱ་མཚོ།
འདི་དག་ཚད་རིག་པའི་བྱས་རྗེས་རེད། ད་དུང་རaེཇས་མ་མུ་མཐུད་ནས་ཡོང་གི་རེད་ལྟད་མོ་ལྟ་མཆོག ཤི་བོ་ཚོ་སྙིང་རྗེ་དྲ་གྲོགས་ཚོས་མ་ནི་གང་མང་གསུང་རོགས་ཞུ།
དམག་དོན་གྱི་ཆེད་དུ་འགྲོ་མགྲོན་ཇི་ཙམ་མང་དེ་ཙམ་གྱི་མི་མང་དབུལ་ཞིང་འཕོང་བ་ནི་དེ་ཙམ་གྱི་མང་དུ་འགྲོ་བ་ཆོས་ཉིད་རེད།
འཛམ་གླིང་ཐོག་དམག་དོན་འགྲོ་སོང་ཆེ་ཤོས་ཨང་གཉིས་པར་སླེབས་པའི་རྒྱ་ནག་དམར་གཞུང་ལགས། བོད་ཀྱི་གཏེར་ཁ་ཚང་མ་བརྔོག་བཏོན་གྱིས་བོད་ཀྱི་ས་བཅུད་ཉམས་བཅུགས་པ་དང་། དམག་དོན་འགྲོ་སོང་ཆེ་དྲགས་པའི་བོད་རིགས་དང་རྒྱ་རིགས་མང་པོ་སྤྲང་པོ་མ་བཟོ་རོགས་ཞུ།
ཨ་རིས་ཞི་བདེ་འགྲོ་བ་མིའི་ཐོབ་ཐང་དུས་རབས་མཚམས་པར་ཁ་ལ་འཁྱེར་ནས་དམག་དོན་གྱི་ལས་གནད་གཙོ་གནད་དུ་བཟུང་ནས་གང་ལྟར་འཛམ་གླིང་ནང་གི་རྒྱལ་ཁབ་གཞན་དག་ཡར་ལང་དུ་མ་བཅུག་པར་འབུར་འཇོམས་བྱེད་ཀྱི་ཡོད་པ་རེད།
རྒྱ་ནག་ཡང་ད་ཆ་ཨ་རི་དང་འདྲ་དམག་དོན་གྱི་སྟོབས་ཕྱོགས་ནས་རྒྱས་བཞིན་ཡོད་སྟབས་འགྲོ་གྲོན་མ་བཏང་ཀ་མེད་རེད།
གང་ལྟར་སོ་སོའི་རྒྱལ་ཁབ་གཅིག་དང་མི་རིགས་གཅིག་གི་ཆབ་སྲིད་ཀྱི་ཁེ་ཕན་ཐད་ལ་ཐུག་ན་དེ་མ་ཐག་ཏུ་ལམ་སེང་འབུར་འཇོམས་བྱེད་རྒྱུ་ལས་གཞན་གང་གི་འགྲོ་ལམ་མེད།
འགྲོ་ལམ་འདི་ནི་རྒྱལ་ཁབ་གཅིག་གི་རྩ་དོན་ལ་ཐུག་ཡོད་སྟབས་གང་ལྟར་ཁ་ནས་ག་རེ་བཤད་ཀྱང་རུང་མཐར་གཏུགས་ན་དམག་དོན་དཔལ་འབྱོར་གྱི་སྟོབས་ཤུགས་ལ་ཐུག་ཡོད་པའི་རྐྱེན་གྱིས་རེད།
ཧྥ་རན་སི་དམག་དོན་འགྲོ་སོང་དེ་ཨ་སྒོར་༦༣༩ ཡིན་རྒྱུ་མ་རེད། ཕལ་ཆེར་དེའི་བར་ནས་དུང་ཕྱུར་ཆད་མིན་ནམ། གོང་གི་དེ་ཡིན་ན་ཁྱིམ་ཚང་གི་ཞིག་གི་འགྲོ་སོང་དེ་ལས་མང་རྒྱུ་རེད། ཕལ་ཆེར་གསར་འགོད་པས་ཐུགས་ཉམས་མ་བཞག་པར་ཡིན་པ་འདྲ།
གསར་འགྱུར་འདིར་འབྲེལ་བ་མེད་ཀྱང་ཞུ་རྒྱུ་ཞིག་ལ།
དུས་བབ་རྩོམ་སྒྲིག་པ་ལགས། དུས་བབ་གསར་ཁང་ནས་རྒྱལ་སྤྱིའི་གསར་འགྱུར་གལ་ཆེ་ཁག་ཅིག་ལ་སྐབས་འགར་ལྷོད་ཡངས་དང་འཐུས་ཤོར་གྱི་རྣམ་པ་འདུག དཔེར་ན། དེང་སྐབས་ཨེ་སི་རལ་གྱིས་པ་ལེ་སཱི་ཐན་ལ་དབོར་འདྲེན་བྱེད་བཞིན་པའི་སྐྱོབ་གསོའི་གྲུ་གཟིངས་གཏོར་བ་ལ་བརྟེན་ནས་ཁ་ཆེ་སྤྱི་ཚོགས་གཙོས་པའི་ནུབ་ཕྱོགས་པའི་རྙོག་གླེང་དང་། ཨེ་སི་རལ་གྲོས་ཚོགས་ཀྱི་རྙོག་གླེང་སོགས་ལྟ་བུ་རེད། དེ་དག་སྐབས་འཕྲལ་བོད་ཡིག་གློག་མཁན་རྣམས་ལ་ངོ་སྤྲོད་གནང་གལ།