ཅེས་པ་བཀླགས་རྗེས་ཀྱི་བསམ་ཚུལ་འགའ་ཞིག
སྤྱི་འཐུས་ཆབ་བྲག་ལྷ་མོ་སྐྱབས།
“རེ་བ་བཟང་སར་རྒྱག་དགོས། གྲ་སྒྲིག་སྡུག་ས་ནས་བྱེད་དགོས་པའི་ལམ་སྟོན་འདིའི་འོག་ནས་ང་ཚོས་ཅི་ཐུབ་གང་ཐུབ་བྱས་དང་བྱེད་ཀྱིན་ཡོད།
ཁོང་གིས་ང་ཚོ་ཁྲིད་ནས། རེ་བའི་ལམ་ལ་གོམ་པ་རིམ་བགྲོད་དང་ལྷན་གྲ་སྒྲིག་ཀྱང་འཐུས་ཚང་ཞིག་གནང་བཞིན་པར་མཐོང། ཁོང་གི་རེ་བ་བཟང་ས་ཟེར་བ་ནི་བོད་དོན་བདེན་མཐའ་གསལ་རྒྱུ་དེ་ལགས་ཤིང་དེ་དོན་རིམ་བཞིན་རྒྱལ་སྤྱིའི་གནད་དོན་ཅན་དུ་ཡང་འགྱུར་རེ་ཡོད་པ་འདི་རེད། གྲ་སྒྲིག་སྡུག་ས་ཟེར་བ་ནི་བདེན་མཐའ་མྱུར་སུ་མ་གསལ་བའམ་ཡོངས་སུ་མ་གསལ་ཡང་བཙན་བྱོལ་གཞུང་འདི་མུ་མཐུད་གནས་ཐབས་ཀྱིས་བོད་ཀྱི་མི་རིགས་དང་རིག་གཞུང་ཡུན་གནས་ཐུབ་ཐབས་ཀྱིས་བོད་དོན་བདེན་པ་ཇི་སྲིད་མ་བརླགས་པར་གནས་ཐུབ་རྒྱུ་འདི་ཡིན་སྙམ།
དེས་ན་ང་ཚོའི”རེ་བ་བཟང་ས”གང་དེ་མངོན་འགྱུར་ཡོང་བའི་གཞི་རྩ་ནི་བོད་རིགས་ཡོངས་ལ་གཅིག་གྱུར་གྱི་མདོན་འདོད་ཅིག་ཆགས་པའི་ཐོག་བོད་ཆོལ་ཁ་གསུམ་པོས་ཆིག་སྒྲིལ་གྱི་ནུས་པ་འདོན་རྒྱུ་རེད། དེ་ཡང་བཙན་བྱོལ་གཞུང་དམངས་ཀྱི་ཐབས་ཇུས་དང་སྟོབས་ཤུགས་ལ་རག་ལས་ཡོད། བཙན་བྱོལ་བོད་མི་རྣམས་རྒྱལ་ཁབ་གང་སར་ཁ་འཐོར་གྱི་རྣམ་པར་གནས་ཀྱིན་ཡོད་ན་ཡང། བོད་མི་ཕལ་མོ་ཆེ་མི་རིགས་ཀྱི་ལར་ཞེན་ཞིག་གིས་སྦྲེལ་ཡོད་ལ། སྐད་ཡིག་དང་ཆོས་ལུགས་ཀྱི་སྦྱར་རྩི་ཞིག་གིས་འབྱར་ཡོད་པར་མ་ཟད། བཙན་བྱོལ་བོད་གཞུང་གི་དང་བླང་དཔྱ་ཁྲལ་ལག་དེབ་གཅིག་གི་འོག་ལ་འདུས་ཡོད། འདི་ནི་འཚོ་བ་ཁ་ཐོར་དང་སེམས་ཤུགས་ལྷན་བསྡེབས་ཀྱི་རྣམ་པ་ཞིག་རེད། དེ་ནས་བཙན་བྱོལ་གཞུང་ནི་ད་ཆ་ཆོས་སྲིད་གཉིས་ལྡན་གྱི་དམངས་གཙོའི་གཞུང་ཞིག་ཆགས་ཡོད། སྤྱི་འཐུས་དང་བཀའ་བློན་རྣམ་པའི་སྤུས་ཚད་ཀྱང་སྔོན་མ་ལས་ཕྱི་མ་ཇེ་བཟང་དུ་འགྲོ་བཞིན་ཡོད། དེའི་ཤེས་བྱེད་གཙོ་བོར། ནང་ནས་སློབ་གྲྭ་ཁག་དང་དཔལ་འབྱོར་གནས་བབ་ཡར་རྒྱས་འགྲོ་བཞིན་པ་དང། ཕྱི་ནས་བོད་དོན་འདི་འཛམ་གླིང་གི་མཐོ་སར་སྐྱོད་བཞིན་པ་འདིས་གསལ་མཚོན་ཐུབ་པ་ཞིག་རེད། ལོ་རྗེས་མའི་བཀའ་ཁྲི་དང་སྤྱི་འཐུས་རྣམ་པ་འོས་འདེམས་ཀྱི་སྤུས་ཚད་དམ་རྣམ་པ་ཡང་ཚགས་ཚུད་དུ་འགྲོ་ངེས་པ་ཞིག་རེད། རྒྱུ་མཚན་ནི་བོད་མི་མང་པོ་ཞིག་གཉིད་ལས་སད་དང་སད་བཞིན་ཡོད་པས་སོ།
ང་ཚོའི་སེམས་རྟེན་གཅིག་ནི་༸གོང་ས་མཆོག་དང། གཉིས་ནི་གཞིས་ལུས་མི་དམངས་ཡིན། གལ་ཏེ་༸གོང་ས་མཆོག་མ་བཞུགས་ཀྱང། གཞིས་ལུས་བོད་དམངས་ནུབ་དཀའ། དེ་བས་ང་ཚོའི་འཕག་འཚག་གི་རྒྱབ་བརྟེན་གཙོ་བོ་ཧ་ཅང་བརྟན་པ་འདི་མདུན་སྐྱོད་དང་རྒྱལ་ཁའི་རྩ་བ་དེ་ཡིན། དེའི་མཚུངས་བོད་མི་ཚང་མས་རང་ཉིད་ཀྱང་ཆུང་ཆུང་ཞིག་མིན་པའི་འདུ་ཤེས་གསལ་བོ་དང་བརྟན་པོ་ཞིག་རྙེད་རེ་ཆེ་བས་ན་ང་ཚོས་ཕ་ཤུལ་བུས་འཛིན་གྱི་ལས་ཀ་ངེས་པར་བྱེད་ཐུབ་རྒྱུའི་གདེང་ཚོད་འདུག ངས་འདི་ལྟར་བལྟས་ན། ང་ཚོའི་”དེང་སང་གི་གནས་བབས་ལྟ་བུར་ཆ་མཚོན་ན་ང་ཚོ་གྲ་སྒྲིག་གི་མདུན་དུ་སླེབས་མེད་པ”ཞིག་གཏན་ནས་མ་རེད། འོན་ཀྱང་རེ་བ་བཟང་བོ་དེ་མཐོ་ཞིང་འཐོབ་དཀའ་བས་ན་ང་ཚོའི་གྲ་སྒྲིག་གི་ལས་ཀ་ད་དུང་ཡང་ཚགས་དམ་ཇེ་དམ་དང་སྤུས་ཇེ་དག་ཏུ་གཏོང་དགོས་ལ་གཏང་རྒྱུ་ཡང་ལོས་ཡོད།
ཚང་མས་སོམས་དང། ༸གོང་ས་མཆོག་མེད་ན། བཙན་བྱོལ་བོད་གཞུང་མུ་མཐུད་གནས་ཐུབ་རྒྱུ་རེད་དམ། བོད་ཆོལ་ཁ་གསུམ་གྱི་ལག་གདང་ཞིག་རྒྱུ་རེད་དམ། ངས་བལྟས་ན་སྔར་ལས་ལྷག་ཏུ་འགྱུར་ཡང་སྲིད། དེ་ནི་ཐག་གཅོད་དཀའ་བ་ཞིག་མིན་ཏེ། ‘ལས་ལ་བརྩོན་ཞིང་དཔའ་ངར་ལྡན་པའི’མི་རིགས་དེ་ད་དུང་དེ་བཞིན་ལགས་པ་དང། ཁོང་གི་ཐུགས་རྗེ་སྨོན་ལམ་གྱི་མཐུ་དང་འབྲེལ་བའི་བོད་ཀྱི་ལས་མཐའ་རྫོགས་མེད་པས་སོ། དེས་ན་མུ་མཐུད་དེ་དགའ་སྤོབས་ཆེར་སྐྱེད་ཀྱིས་ཐུན་མོང་གི་དོན་ཆེན་དང་འབྲེལ་རང་སོ་སོས་ཀྱང་རེ་བ་བཟང་ས་རེ་དང་ལྷན་གྲ་སྒྲིག་སྡུག་ས་རེ་བྱས་ན་ཅིས་མི་ལེགས།
༢༠༡༠།༠༦།༤། (མུ་མཐུད་གླེང་ཆོག)
རྣམ་པ་ཚོས་ངོ་མ་དོན་ཆེན་སྐོར་གླེང་གིན་འདུག གླེང་སྟངས་ཀྱང་ཡག་པོ་རེད། མི་ཉག་བཙན་པོའི་དྲི་བ་དེ་ཚོར་ངོ་མ་འདང་རྒྱག་དགོས་པ་ཞིག་རེད། ལྷག་པར་དུ་ཡང་མི་ཉེས་ཅན་ཞིག་བཀའ་ཁྲིའི་འོས་གཞིར་ཇི་ལྟར་སླེབས་པ་ཡིན་ནམ། གནད་དོན་དེ་འདྲ་ཕྱི་གསལ་ནང་གསལ་བྱ་རྒྱུ་གལ་ཆེ། ང་ཡང་རང་གི་མི་རིགས་འདིར་བསྡད་ཀིན་བསྡད་ཀིན་རེ་བ་ཆེ་རུ་འགྲོ་གིན་འདུག ༸གོང་ས་མཆོག་གིས་བོད་དོན་འདི་རྒྱལ་སྤྱིའི་གླེང་སྟེགས་སུ་བཅུག་གནང་བ་དང། བཙན་བྱོལ་བ་ཉུང་ཤས་ཤིག་རྒྱལ་ཁམས་ལ་མ་ཐིམ་པར་ད་དུང་ངར་ངར་བྱེད་ཚུལ་འདི་དག་ལ་བལྟས་ན་ངོ་མ་ལས་ལ་བརྩོན་ཞིང་དཔའ་ངར་ལྡན་པའི་མི་རིགས་རང་རེད་སྙམ་བཞིན་དགའ་འོ། གང་ལྟར་ད་ཆ་གཞིས་ལུས་མི་དམངས་ཀྱིས་ཁྱེད་ཚོར་རེ་བ་བཅོལ་ཡོད་ལ། ཁྱེད་ཚོ་ཡང་གཞིས་ལུས་མི་དམངས་ལ་རེ་བ་ཡོད་པ་འདི་ང་ཚོའི་རྒྱལ་ཁའི་གཞི་རྩ་ཞིག་རེད། འདི་ཉམས་ཆག་སོང་ན་རེ་བ་ཡང་སྟོང་བར་འགྱུར་ངེས།
རྒྱ་ནག་གཞུང་གི་དབུ་འཁྲིད་འགའ་རེས་ཚོད་རྩིས་ཀྱིས་༧རྒྱལ་བ་རིན་པོ་ཆེ་མེད་ན་བོད་དོན་འཇའ་ལྟར་ཡལ་རྒྱུའི་བསམ་ཚུལ་བཤད་པ་བཞིན་ང་ཚོས་གཟབ་གཟབ་མ་བྱས་ན་ཉེན་ཁ་མེད་པ་མ་རེད། དཔེར་ན་སྔ་ལོའི་གྲོས་ཚོགས་སྐབས་གནས་ཚུལ་ཆུང་ཙག་ཅིག་གི་དོན་དུ་གྲོས་ཚོགས་མཇུག་སྐྱོང་མ་ཐུབ་པའི་གནས་ཚུལ་ལྷགས་པ་ཕྱི་ནང་ཚང་མས་ཤེས་གསལ་རེད། བྱས་ཙང་གལ་སྲིད་གཞིས་བྱེས་མཉམ་འཛོམས་གང་མྱུར་མ་བྱུང་ན་གྲ་སྒྲིག་སྡུག་ས་ནས་ག་རེ་བྱེད་དགོས་མེད་གཞུང་ཕྱོགས་ནས་ཉམས་ཞིབ་ཀྱིས་དངོས་ཡོད་གནས་ཚུལ་དང་འཚམས་པའི་ཐབས་ལམ་གང་ཡོད་ལམ་སྟོན་དང་། མང་ཚོགས་ནས་འཕྱར་གྲུ་མཉམ་འདེགས་ཀྱིས་ལས་འགུལ་ནང་ཞུགས་རྒྱུ་ནི་ཛ་དྲག་གི་གནས་ཚུལ་མ་རེད་པས།།
དྲ་གྲོགས་དག་གིས་གླེང་མོ་བྱས་པ་ལ་རྗེས་སུ་ཡི་རང་ཞུ།
ཕྲན་གྱི་དོགས་འཆརའདི་ལ་བོད་དོན་ལ་ཕན་པའི་ལན་རེ་ཡོད་ན་དགའ་བསུ་ཡོད།།
བློ་བཟང་སེང་གེ་ལགས་འབྱུང་འགྱུར་གྱི་བཀའ་ཁྲི་ལ་ཕེབས་ན་མི་གསར་པ་གཞི་གིས་རྟ་གསར་པ་ཞིག་བཞོན་པ་དང་མཚུངས་སོ་ཞེས་སྨྲས་སོ།
ཟམ་གདོང་བླ་མས་མ་འོང་པའི་ཟབ་ཞིང་རྒྱ་ཆེའི་ལས་འཆར་ཟིནཐོ་ལ་ཡོད་པ་རྣམས་དང་
ཕྱག་ལས་འཕྲོ་གང་ཡོད་འཇུག་སྐྱེལ་ཐུབ་མཁན་ཞིག་དགོས་པ་ལས་ཤེས་ཡོན་ཡོད་པ་ཙམ་གྱིས་མི་ཆོག་པ་ནི་
ཤིན་ཏུ་གསལ་ལོ་།ཆབ་བྲག་ལྷ་མོས་ངལ་བ་བྱས་དོན་དེ་ལྟར་ཡིན་ནམ་སྙམ་མོ།
གཞན་ཡང་བཀྲས་ཐོང་བསྟན་འཛིན་རྣམ་རྒྱལ་ལགས་མ་འོང་པའི་བཀའ་ཁྲི་ལ་ཕེབས་ན་དེ་བས་དགོད་བྲོའི་གནས་སུ་འགྱུར་རོ།་བཀྲས་ཐོང་ནི་བཀའ་ཟུར་ཞིག་རེད་ལ་།་བཀའ་ཁྲི་བྱས་པའི་སྐབས་ཀྱི་སྐྱུག་བྲོ་བའི་ལོ་སྒྱུ་ལ་བལྟས་ན་ནག་ཉེས་ཅན་ཞིག་ཆགས་ཡོད།
ཉག་ཉེས་གང་བསགས་གསལ་བཤད་དགོས་པ་ནི་མ་མཐོང་།་དེ་ལྟ་བུའི་མི་བཀའ་ཁྲིའི་འོས་ལ་བསླེབས་པར་ངོ་རྒོལ་ཡོད།།་མི་རྗོགས་པ་ག་ལ་ཡིན་བསམ་མོ་།
དྲ་གྲོགས་རྣམས། འགྲེལ་ཐག་འདིར་བསྣུན་ནས་བོད་མིའི་དབུ་ཁྲིད་མཆོག་གིས་རྒྱ་བོད་གཞོན་སྐྱེས་ཚོར་གསུང་བཤད་གནང་སྐབས། ༧གོང་ས་མཆོག་གི་རྒྱབ་ཕྱོགས་ཀྱི་བོད་རིགས་སྐུ་དྲག་འདིའི་ཁ་ནས་འགྱིག་གི་སྤྱིས་རུལ་(Chewin gum)ཟ་སྟངས་དང་ཁོང་གི་སྤྱོད་པ་འཁྱེར་སྟངས་ལ་ལྟོས་དང་། ང་རང་དང་བསྡོམས་ནས་དྲ་ཐག་འདི་ལ་མི་རིགས་འདྲ་མིན་ཉིས་འབུམ་བརྒྱད་བརྒྱ་ལྷག་གི་ལྟོས་ཡོད་པ་དང་ཁོང་ཚོས་ག་རེད་བསམ་ཡོད་མེད་མིཤེས་ཡིན་ནའང་། ངས་མི་འདིའི་སྤྱོད་པ་ཚུལ་མཐུན་ཞིག་མཐོང་མ་སོང་། མ་འོངས་པ་ཡིན་ན་སྐུ་མདུན་གྱི་སྐུ་འཁོར་སུ་ཡིན་ཀྱང་འདི་འདྲའི་བྱ་སྤྱོད་ལ་གཟབ་གཟབ་གནང་རོགས་ཞུ་ཟེར་བ་ཡིན།
http://tibetanavenue.com/2010/05/the-bridge-conference-live-1030-am-eastern-52310/
རྒན་ལྷ་མོ་སྐྱབས་ལགས་ཀྱི་གསུང་པའི་བཀའ་མོལ་འདིའི་སྨྲ་མི་ཤེས་པའི་འཚོ་བ་ཞིག་སྦྱིན། བོད་མི་རྣམས་རྒྱལ་ཁབ་འདྲ་མིན་དུ་ཁ་ཐོར་དུ་གནས་ཡོད་ཀྱང་དེ་དག་ནི་༼སྐད་ཡིག་དང་ཆོས་ལུགས་ཀྱི་སྦྱར་རྩི་ཞིག་གིས་འབྱར་ཡོད་༽པའི་གསལ་སྟོན་གནང་ཡོད། ངའི་བསམ་པར་རང་རིགས་ཤེས་ཡོན་པ་དང་སྐབས་འཚོལ་བ་མང་པོས་སྦྱར་རྩིའི་ནང་ཆུ་བསྲེལ་ནས་ཕྱི་ཚོང་བྱ་བཞིན་པ་དང༌། ཆུ་བསྲེལ་བའི་སྦྱར་རྩི་དེ་དག་ང་ཚོའི་སྤྱི་ཚོགས་གང་སར་ཁྱབ་པས་སྦྱར་ཀྱང་གོལ་ཆོག་ཆོག་ཞིག་ཏུ་མཐོང༌། ༼ བཙན་བྱོལ་བོད་གཞུང་གི་དང་བླང་དཔྱ་ཁྲལ་ལག་དེབ་གཅིག་གི་འོག་ལ་འདུས་ཡོད།༽ཟེར། ད་ལྟའི་འཆར་དྭངས་བླངས་དཔྱ་དངུལ་མི་འབུལ་མཁན་གྱི་བཙན་བྱོལ་བོད་མི་ཇི་ཙམ་ཡོད་རྒན་ལགས་ནས་མཁྱེན་ནམ། ལོ་རེ་ནས་ལོ་རེར་དྭངས་བླངས་དཔྱ་དངུལ་མི་འབུལ་མཁན་ཇེ་མང་ནས་ཇེ་མང་དུ་འགྲོ་བཞིན་ཡོད་པས་དེ་དག་ལག་དེབ་གཅིག་གི་འོག་འདུས་པ་ཡིན་ནམ། བཙན་བྱོལ་བོད་མི་རེར་ལག་དེབ་མ་མཐའ་གསུམ་བཞི་ཡོད་མཁན་མགོ་བདེ་དྲན་འཁྲུལ་བ་རྣམས་ཀྱང་ལག་དེབ་གཅིག་གི་འོག་ལ་ག་འདྲ་བྱས་འདུས་སམ།
དཔེ་ཡག་པོ་གསུངས་འདུག་བཀའ་དྲིན་ཆེ་གནང་།
ཆབ་བྲག་ཕོ་ཉའི་སྐད་ཆ་ཕྱེད་ཀ་བདེན་པ་རེད།ཁོང་ལ་ནམ་རྒྱུན་ནས་བཤད་ཕོད་པའི་སྤོབས་པ་ཅུང་ཟད་ཅིག་ཡོད་པ་ཡིད་ཆེས་ཡོད།ཡིན་ནའང་རྙོག་གཏམ་མང་དྲགས་ན་ལེགས་པའི་ཆ་གང་ཡང་མ་མཐོང་ངོ་།
རྒན་ལགས་ཀྱི༼བོད་མི་ཕལ་མོ་ཆེ་མི་རིགས་ཀྱི་ལར་ཞེན་ཞིག་གིས་སྦྲེལ་ཡོད་ཟེར། ངའི་སྦྲེལ་ཐག་ཏེ་ཟད་ནས་ཆད་ལ་ཁད་ཞིག་ཏུ་མཐོང་།་་རྒན་ལགས་ཀྱི༼ སྐད་ཡིག་དང་ཆོས་ལུགས་ཀྱི་སྦྱར་རྩི་ཞིག་གིས་འབྱར་ཡོད་པར་མ་ཟད་ཟེར། ངའི་བོད་མི་ཕལ་མོ་ཆེའི་སྦྱར་རྩི་དེ་རྙིང་རུལ་སོང་ནས་ཕན་མེད་ཞིག་དུ་སེམས་བཞིན་པ་མཐོང་། རྒན་ལགས་ཀྱི༼ དེ་ནས་བཙན་བྱོལ་གཞུང་ནི་ད་ཆ་ཆོས་སྲིད་གཉིས་ལྡན་གྱི་དམངས་གཙོའི་གཞུང་ཞིག་ཆགས་ཡོད་ཟེར། ངའི་ཆོས་སྲིད་ཟུང་འབྲེལ་དང་ཆོས་སྲིད་གཉིས་ལྡན་གཉིས་ལ་ཁྱད་པར་ཅུང་ཡོད་པར་མཐོང་། ཡོད་དམ་མེད་? རྒན་ལགས་ཀྱི༼ སྤྱི་འཐུས་དང་བཀའ་བློན་རྣམ་པའི་སྤུས་ཚད་ཀྱང་སྔོན་མ་ལས་ཕྱི་མ་ཇེ་བཟང་དུ་འགྲོ་བཞིན་ཡོདཟེར།ངའི་འགྲོ་དགོས་པ་རེད་ཞུས་རྒྱུ་ལས་ཇེ་བཟང་དུ་འགྲོ་བཞིན་ཡོད་པ་མ་མཐོང་།
རྒན་ལྷ་མོ་སྐྱབས་ཀྱིས། ༼སྤྱི་འཐུས་དང་བཀའ་བློན་རྣམ་པའི་སྤུས་ཚད་ཀྱང་སྔོན་མ་ལས་ཕྱི་མ་ཇེ་བཟང་དུ་འགྲོ་བཞིན་ཡོད། ༽ ཅེས་པར་མོས་མཐུན་མེད་དེ་སྔོན་སྤྱི་འཐུས་རྣམ་པས་གནམ་གྲུའི་ལག་འཁྱེར་གཅིག་གི་དོན་དུ་ང་དང་ཁྱོད། ཤར་དང་ཕྱོ། ར་དང་ལུག་ཅེས་གནས་ཚུལ་ཆུང་ཆུང་ཞིག་ཆེན་པོར་བཟོས་ཏེ། ཕུ་དཀྲུགས་མདའ་དཀྲུགས་བྱས་པ་ད་གཟོད་དྲན་པའི་ཡུལ་ལས་འདས་པ་ཡིན་གྱི་མ་རེད།
ཡང་།༼ ཚང་མས་སོམས་དང། ༸གོང་ས་མཆོག་མེད་ན། བཙན་བྱོལ་བོད་གཞུང་མུ་མཐུད་གནས་ཐུབ་རྒྱུ་རེད་དམ། བོད་ཆོལ་ཁ་གསུམ་གྱི་ལག་གདང་ཞིག་རྒྱུ་རེད་དམ། ༽ ཞེས་པའི་དྲི་བར་བསམ་ཞིབ་ཡག་པོ་བྱས་ནས་ལན་འདེབས་བྱེད་དགོས་པ་ཞིག་རེད། སྤྱིར་དྲ་གྲོགས་ཤ་ཁྲག་རུས་གསུམ་གྱིས་༸གོང་ས་མཆོག་གི་གསུང་ལུང་འདྲེན་གནང་བ་ལྟར་རེད། འོན་ཀྱང་ཕྱོགས་གཞན་ཞིག་ནས་བསམ་བློ་བཏང་ན། ང་ཚོར་གཞན་སུ་འདྲ་ཞིག་ལ་ཡང་མེད་པའི་དབུ་འཁྲིད་དམ་པ་འདི་ལྟ་བུ་ཞིག་ཡོད་བཞིན་དུ་གཡས་རེད་གཡོན་རེད་ཅེས་རྡོ་རྩ་གཅིག་སྒྲིལ་གྱི་ལམ་ལ་བསྐྱོད་མཁན་དཀོན་པ། དངུལ་དང་གཏམ་གྱི་ཆེད་དུ་རང་མགོ་གང་ཐོན་བྱེད་མཁན། མདོར་ན་དེང་སང་གི་སྤྱི་ཚོགས་ལ་གཞིགས་ན་ང་ཚོ་བོད་མི་སྤྱི་བོ་གནམ་བསྟན་ཡོངས་ཀྱིས་སྙིང་ལ་རུས་པ་བཅུག་དགོས་པའི་དུས་ལ་བསླེབས་འདུག་སྙམ།།
ཧཧཧཧཧཧཧཧཧཧཧཧཧཧཧཧཧསྨྱོ་པ་ཆགས་འདུག་་་་་ངའི་རོགས་པ་ཚོས་གང་བྱུང་མ་བྱུང་བྱས་ནས་བཆན་བུ་ཐེངས་གཉིས་བཏབ་སོང་བས་དགོངས་མེད་པར་དང་།
བྱ་ཞེས་པ་འདིར་་་་་་་་་་ཧ་ཧ་ཧ་
ཕ་ཤུལ་བུ་ཡིས་འཛིན་བྱ་དགོས་ན།
བུ་ལ་བདག་པོ་རྒྱབ་ན་ལེགས།
བདག་མེད་ས་མཐའི་བུ་ཕྲུ་ལ།
དམད་འབོད་བྱེད་པས་ཅི་ལ་ཕན།
རྒྱལ་ཁབ་སུམ་ཅུ་སུམ་བདུན་ནང་།
ཁྱི་ལྟར་འཁྱམས་བའི་བུ་ཕྲུ་ལ།
འཚོ་བའི་ལམ་སྟོན་ཅི་འདྲ་ཡོད།
འཛིན་སྐྱོང་བྱེད་ཕྱོགས་ཅི་འདྲ་ཡོད།
རྒྱ་བལ་འབྲུག་གསུམ་འཁྱམ་བཞིན་པའི།
ཁ་བ་རི་པའི་གཅེས་ཕྲུག་ལ།
ཕུགས་ཀྱི་མདུན་ལམ་ཅི་འདྲ་ཡོད།
འཚོ་བའི་ལྟ་གོས་ཅི་འདྲ་ཡོད།
ཁ་བཤད་ཆུ་ཡི་འུར་བ་རེད།
ལག་ལེན་གསེར་གྱི་ཐུག་པ་རེད།
བཙན་བྱོལ་བོད་ཀྱི་སྤྱི་ཚོགས་ནང་།
བཤད་མཁན་མང་ཡང་སྒྲུབ་མཁན་ཉུང་།
རེད་ཡ། དགེ་རྒན་བཟང་པོ་ལྷ་མོ་སྐྱབས་དང་དགེ་ཕྲུག་བཟང་པོ་མི་ཉག་སྐལ་བཟང་ལྟ་བུ་ཡོད་ན་གོང་གི་རེ་བ་བཟང་དང་གྲ་སྒྲིག་སྡུག་ས་གླེང་མ་དགོས་པ་ཁོང་གཉིས་ཀྱིས་སྒྲུབ་ཐུབ། ཧཧཧ
ཕ་ཤུལ་བུ་ཡིས་འཛིན་དགོས་ན།
བུ་ལ་བདག་པོ་རྒྱབ་ན་ལེགས།
བདག་མེད་ས་མཐའི་བུ་ཕྲུ་ལ།
དམད་འབོད་བྱེད་པས་ཅི་ལ་ཕན།
རྒྱལ་ཁབ་སུམ་ཅུ་སུམ་བདུན་ནང་།
ཁྱི་ལྟར་འཁྱམ་བའི་བུ་ཕྲུ་ལ།
འཚོ་བའི་ལམ་སྟོན་ཅི་འདྲ་ཡོད།
འཛིན་སྐྱོང་བྱེད་ཕྱོགས་ཅི་འདྲ་ཡོད།
རྒྱ་བལ་འབྲུག་གསུམ་འཁྱམ་བཞིན་པའི།
ཁ་བ་རི་པའི་གཅེས་ཕྲུག་ལ།
ཕུགས་ཀྱི་མདུན་ལམ་ཅི་འདྲ་ཡོད།
འཚོ་བའི་ལྟ་གོས་ཅི་འདྲ་ཡོད།
ཁ་བཤད་ཆུ་ཡི་འུར་བ་རེད།
ལག་ལེན་གསེར་གྱི་ཐུག་པ་རེད།
བཙན་བྱོལ་བོད་ཀྱི་སྤྱི་ཚོགས་ནང་།
བཤད་མཁན་མང་ཡང་སྒྲུབ་མཁན་ཉུང་།
ང་ཚོས་རེ་བ་བཟང་ས་བརྒྱབ་ནས་གྲ་སྒྲིག་སྡུག་ས་ནས་བྱེད་དགོས་པ་ནི་ལས་རིགས་ཐམས་ཅད་ལ་དགོས་ན་བོད་ཀྱི་སྤྱི་དོན་ལ་ཡང་སྨོས་ཅི་དགོས།
མ་འོངས་པར་༧གོང་ས་མཆོག་མ་བཞུགས་ཀྱང་ང་ཚོ་ལ་བཀའ་ཁྲི་དང་བོད་མི་མང་གི་སྤྱི་འཐུས་རྣམས་ཡོད་པའི་ཕ་ཤི་བུ་འཛིན་ཁོང་ཚོས་བྱ་ཐུབ་ལ་དེ་ཡི་ཐད་སེམས་ནད་བྱེད་མི་དགོས།
༧གོང་ས་མཆོག་མེད་དུས་བོད་གཞུང་གནས་མི་ཐུབ་པ་དང་བོད་མི་ཁ་བྲལ་དུ་འགྲོ་ཟེར་བ་ནི་རྒྱ་གཞུང་མི་སྣས་སྐྱིད་པའོི་སྨི་ལམ་ཞིག་རེད་ལ་སྨི་ལམ་དེ་ནམ་ཡང་འགྲུབ་མི་ཐུབ།
མཁྱེན་ཡངས་སྐུ་ཞབས་ཆབ་བྲག་ལྷ་མོ་སྐྱབས་ཀྱིས་བཤད་པ་ལྟར། མཁས་དབང་བློ་བཟང་སེངྒེ་ལགས་ཀྱིས་རང་རེའི་མིི་རིགས་ཀྱི་བདེ་སྡུག་ལ་དུས་ལྟར་བསམ་བློ་གཏོང་གི་ཡོད་པ་མ་ཟད། དེ་བཞིན་གྲ་བསྒྲིགས་ཀྱང་བྱེད་དང་བྱེད་མུས་རེད། དེ་ལྟར་ན། གཞོན་སྐྱེས་ཤེས་འཇོན་གཉིས་ལྡན་མཁས་དབང་བློ་བཟང་སེངྒེ་ཁོང་ནི་ཅི་ནས་ཀྱང་ང་ཚོས་བཀའ་བློན་ཁྲི་བའི་བཞུགས་ཁྲིའི་སྟེང་དུ་གདན་འདྲེན་ཞུ་ཐབས་ལ་འབད་དགོས།
༧གོང་ས་མཆོག་ནས་ཕྱི་རྒྱལ་གྱི་གསར་ལམ་ཁག་དུ་དྲི་ལན་འདི་འདྲ་ཞིག་གནང་དང་གནང་བཞིན་ཡོད་ལ། དེ་ཡང་རྩ་འཛིན་བྱས་ན་འགྲིག་ངེས་ཡིན།
བོད་ཀྱི་གནད་དོན་ནི། ང་སྒེར་གྱི་གནད་དོན་མིན་ལ། བོད་མི་རིགས་ཀྱི་གནད་དོན་ནི་བོད་མི་ས་ཡ་དྲུག་གི་གཞི་རྩའི་ཐོབ་ཐང་གི་རང་དབང་ཞིག་ཡིན་དུས། བོད་མི་རིགས་ཇི་སྲིད་དུ་གནས་ངེས་ཡིན་ལ། ང་རང་ཡོད་མེད་ལ་རེག་ལས་མེད། ༧རྒྱལ་དབང་སྐུ་ཕྲེང་རིན་བྱོན་བྱུང་ནས་ལོ་ངོ་བརྒྱ་ཕྲག་ཁ་ཤས་ལས་འགྲོ་བཞིན་མེད། བོད་མི་རིགས་ནི་ལོ་ངོ་སྟོང་ཕྲག་ཁ་ཤས་ཡོད་པའི་མི་རིགས་ཤིག་ཡིན། འདི་ནི་ཚང་མས་གསལ་བོ་ཤེས་དགོས་པ་རེད་ཅེས་ལྗག་ལན་གསལ་ཐག་ཆོད་ཅིག་གནང་ཡོད་པ་རེད།
༧གོང་ས་མཆོག་མ་བཞུགས་ཀྱང། བོད་གནས་མི་ཐུབ་པའི་རྒྱུ་མཚན་ཅི་ཡང་མེད། དེ་ནི་རྒྱ་ནག་གིས་གླེན་བཤད་བྱས་པ་ཞིག་རེད། བོད་མི་རིགས་འདི་ཡར་རྒྱས་ཀྱི་སྐབས་མི་གཅིག་ལ་བརྟེན་མེད་ལ། ཉམ་ཆག་ཀྱང་མི་གཅིག་ལ་བརྟེན་མེད། ཐ་ན་ད་ལྟ་གནས་སྟངས་འདི་འདྲ་ཞིག་བྱུང་བ་ཡང་མི་གཅིག་ལ་བརྟེན་ནས། ཡར་རྒྱས་མིན་ལ། ཉམ་ཆག་ཀྱང་མིན།
བཤད་སྟངས་འདི་ལ་ངོས་ལེན་ཡོད་དམ།
བོད་པས་སྐྱིད་མི་ཁྱག སྡུག་ཁྱག་ག
གོང་གི་རྩོམ་འདི་ཀློག་པས་ངང་ངམ་ཤུགས་ཀྱིས་དགའ་སྐྱོ་ཟུང་ལྷན་དུ་སྐྱེ་བྱུང༌ལ། སེམས་ཤུགས་དང་རེ་བ་གསར་པ་ཞིག་ཀྱང་ངམ་ངམ་ཐོབ་བྱུང༌། ངོ་མ་ཕན་པའི་བསླབ་རང་རེད། ཐུགས་རྗེ་ཆེ།