ས་རཱ་མཐོ་སློབ་ཏུ་མཐོ་རིམ་སློབ་མ་ཁག་ཅིག་ལ་གཞིས་ཀྱི་བཙོན་འོག་གི་ཤེས་ལྡན་མི་སྣ་བཞི་བཅུའི་སྐོར་བགྲོ་གླེང་གནང་ཡོད་པ་རེད།
ཕྱི་ཚེས་ ༤ ཉིན་ས་རཱ་བོད་ཀྱི་མཐོ་སློབ་ཁང་དུ་པེན་བོད་ཀྱི་རྩོམ་པ་བོའི་མཐུན་ཚོགས་དང་ས་རཱ་མཐོ་སློབ་གཉིས་མཉམ་འབྲེལ་ཐོག ཕྱོགས་མཐའ་ཁག་གི་མཐོ་རིམ་སློབ་གྲྭ་ཁག་ནས་དབྱར་ཟླའི་གུང་གསེང་དང་བསྟུན་ནས་བོད་ཡིག་ཆེད་སྦྱོང་བྱེད་དུ་ཡོང་བའི་མཐོ་རིམ་སློབ་མ་རྣམས་ལ། ཤེས་རབ་དང་སྙིང་སྟོབས་ཞེས་པའི་བརྗོད་གཞིའི་ཐོག་བགྲོ་གླེང་ཞིག་གོ་སྒྲིག་གནང་བ་དང་། ཉིན་དེའི་བགྲོ་གླེང་གཙོ་སྐྱོང་བའམ་གཏམ་བཤད་གནང་མཁན་ས་རཱ་མཐོ་སློབ་ཀྱི་དགེ་རྒན་ཨ་འཁོར་བཟོད་པ་ལགས་ཀྱིས། ད་ལྟ་བོད་ནང་དུ་རྩོམ་པ་བོ་དང་ཤེས་ཡོན་པ་མི་ ༤༠ ཙམ་འཛིན་བཟུང་བྱས་ཡོད་པའི་སྐོར་ལ་གསུང་བཤད་གནང་ཡོད།
དགེ་རྒན་ཨ་འཁོར་བཟོད་པ་ལགས་ཀྱིས་ཤེས་རབ་དང་སྙིང་སྟོབས་ཞེས་པའི་བརྗོད་གཞི་དེའི་སྐོར་ལ་འགྲེལ་བཤད་གནང་སྐབས། ད་ལྟ་རྒྱལ་ཁབ་མང་བོ་ཞིག་གིས་རང་བཙན་རྩོད་ཀྱིན་ཡོད་པ་དང་འཐབ་རྩོད་ཁྲོད་ཞུགས་ཡོད། ཡིན་ནའང་། རྒྱལ་ཁབ་མང་བོ་ཞིག་གིས་སྙིང་སྟོབས་ལ་བརྟེན་ཏེ་རྒྱལ་ཁབ་དེ་སླར་གསོ་བྱེད་པ་དང་རང་བཙན་རྩོད་པ། རང་སྲིད་རང་སྐྱོང་ལེན་གི་ཡོད་མོད། ཤེས་རབ་ལ་མ་བརྟེན་པར་སྙིང་སྟོབས་གཅིག་པུར་བརྟེན་ནས་རང་བཙན་ལེན་ཐུབ་པའི་རྒྱལ་ཁབ་སུ་གཅིག་ཀྱང་བྱུང་མེད། ཚང་མ་ཤེས་རབ་ལ་བརྟེན་ཡོད། དེར་བརྟེན་ང་ཚོ་བོད་མི་ཚོས་ཀྱང་སྙིང་སྟོབས་བླ་ན་མེད་པ་ཞིག་བསྐྱེད་དེ་རང་བཙན་ལེན་དགོས་ན། གཙོ་བོ་ཤེས་རབ་ལ་བརྟེན་དགོས། ཞེས་གསུངས་ཡོད།
དེ་མིན་ཁོང་གིས་བོད་ཀྱི་རླབས་ཆེན་གྱི་རྩོམ་པ་བོ་ཁག་ཅིག་ངོ་སྤྲོད་གནང་དོན། རྗེ་མི་ལ་རུས་པ། ཁོང་ནི་རྒྱལ་སྤྱིའི་ནོ་སྦེལ་ཞི་བདེའི་གཟེངས་རྟགས་ཐོབ་འོས་པའི་ཚད་ལྡན་གྱི་རྩོམ་པ་བོ་ཞིག་ཡིན་ནའང་ངོས་འཛིན་བྱེད་ཐུབ་པ་བྱུང་མེད། ཁོང་ནི་རང་བྱུང་ཁམས་ལ་ངོས་འཛིན་ཡག་པོ་བྱེད་མཁན་ཞིག་དང་མིའི་གཤིས་ཀ་དང་ཀུན་སྤྱོད་ལ་ངོས་འཛིན་ཡག་པོ་བྱེད་མཁན་ཞིག རྩོམ་པ་པོ་རང་ཉིད་དང་རྩོམ་ལུས་བར་དོ་མཉམ་པའི་བླ་ན་མེད་པའི་རྩོམ་པ་པོ་ཞིག་རེད།
རྒྱལ་པ་ཚངས་དབྱངས་རྒྱ་མཚོ། ཁོང་སྐབས་དེའི་ཆབ་སྲིད་ཀྱི་རྙོག་འཛིང་ཆེས་ཆེ་བའི་དུས་སྐབས་ཤིག་གི་ནང་དུ་ལྷུང་ཡོད། ལྷ་བཟང་ཁང་དང་སྡེ་སྲིད་སངས་རྒྱས་རྒྱ་མཚོ་གཉིས་བར་གྱི་རྩོད་གླེང་ནང་དུ་ཁོང་ལྷུང་སྟེ། གཡས་ཀྱི་ཕྱོགས་བྱས་ན་མ་འགྲིག་པ་དང་གཡོན་གྱི་ཕྱོགས་བྱས་ན་མ་འགྲིག་པ་ཞིག་བྱུང་ཡོད། དེའི་སྟབས་ཀྱིས་ཁོང་གིས། དེ་རིང་ཕན་ནས་ང་བླ་མ་བྱེད་ཀྱི་མིན་ལ་ཆབ་སྲིད་པའང་བྱེད་ཀྱི་མིན། ང་ཆབ་སྲིད་ལས་ལོགས་སུ་ཐོན་ཏེ་སྒེར་གྱི་འཚོ་བ་རོལ་གྱི་ཡིན་ཟེར་མཁན་ཞིག་རེད། ཁོང་རླབས་ཆེ་བར་བརྩི་དགོས་དོན་མིའི་རང་བཞིན་ལྷན་སྐྱེས་ཟེར་བ་དེ་ཕྱི་ལ་འདོན་མཁན་གྱི་རྩོམ་པ་པོ་སྐད་གྲགས་ཆེ་ཤོས་ཤིག་རེད། ཁོང་གིས། སྒོམ་པའི་བླ་མའི་ཞལ་རས། །ཡིད་ལ་འཆར་རྒྱུ་མི་འདུག །མ་སྒོམ་བྱམས་པའི་ཞལ་རས། །ཡིད་ལ་ཝ་ལེ་ཝ་ལེ། །ཟེར་བའི་ཚིག་འདིར་འགྲེལ་བཤད་སྣ་ཚོགས་ཡོད་ནའང་། སྐབས་དེར་རྒྱལ་པ་ཚངས་དབྱངས་རྒྱ་མཚོ་ལྟ་བུ་ཞིག་གིས་སྐད་ཆ་འདི་བཤད་པར་ལས་སླ་བོ་མེད།
ཀུན་གཟིགས་པཎ་ཆེན་རིན་པོ་ཆེ་མཆོག ཐོག་དང་པོར་བོད་ཀྱི་གནད་དོན་རྩོམ་ཡིག་གི་ལམ་ནས་འབྲི་མཁན་དང་སྤུས་དག་ཤོས་ཁོང་ཆགས་ཡོད། ཁོང་གིས་ཡིག་འབྲུ་ཁྲི་བདུན་གྱི་སྙན་ཞུ་བྲིས་གནང་མཛད་ཡོད། དེའི་ནང་དུ་ད་ལྟ་ང་ཚོས་དབུ་མའི་ལམ་ཞེས་པའི་ཚད་མཐོ་བའི་རང་སྲིད་རང་སྐྱོང་དེ། རྒྱ་ནག་གི་ཁྲིམས་ལུགས་ནང་གཏན་ལ་ཕབ་ཡོད་པ་དང་ལག་ལེན་བྱེད་ཀྱི་མེད་པ་དེར། མཐའ་གཅིག་ཏུ་ངོ་རྒོལ་གནང་ཡོད།
དགེ་འདུན་ཆོས་འཕེལ། ཁོང་ནི་དྲང་བདེན་ལ་དགའ་བ་དང་ནམ་ཡང་དྲང་བདེན་མི་འདོར་བའི་སྙན་ངག་པ་དང་རྩོམ་པ་པོ་ཡིན། ཁོང་གིས་མི་སྒེར་གྱི་ཕུགས་བསམ་དང་རྩོམ་གཤིས་ཐད་དུ་རྩོམ་ཡིག་མང་བོ་བྲིས་ཡོད་ལ། མི་རིགས་དང་རྒྱལ་ཁབ་ཅིག་གི་མ་འོངས་པའི་ཕུགས་བསམ་དང་རེ་བའི་ཆེད་དུ་རྩོམ་ཡིག་མང་བོ་བྲིས་གནང་མཛད་ཡོད། ཁོང་ནི་དཔྱོད་ཤེས་ཀྱི་རྒྱང་འབོད་བྱེད་མཁན་ཐོག་དང་པོ་དེ་ཆགས་ཡོད།
དཔལ་དོན་འགྲུབ་རྒྱལ། རྩོམ་རིགས་གསར་བའི་དེད་དཔོན། དེང་སང་བོད་པར་ནུབ་ཕྱོགས་ཀྱི་རྩོམ་ཡིག་གམ། རྒྱ་ནག་གི་རྩོམ་ཡིག ཡང་ན་དུས་རབས་གསར་བའི་རྩོམ་ཡིག་སོགས་ལབ་སྟངས་གང་ཡིན་རུང་། རྩོམ་ཡིག་གསར་པ་མགོ་རྩོམ་མཁན་ཁོང་ཡིན།
ཞོགས་དུང་། ཁོང་ནི་བོད་ནང་གི་སློབ་གྲྭ་ཆེན་མོ་དང་ན་གཞོན་རྣམས་ལ་ཤུགས་རྐྱེན་ཆེ་ཤོས་དང་། ན་གཞོན་གྱི་རྨི་ལམ་ཡག་ཤོས། རེ་བ་ཆེ་ཤོས་ཀྱི་རྩོམ་པ་བོ་དེ་ཡིན། ན་གཞོན་རྣམས་ཀྱིས་ཁོང་ལ་བསམ་བློ་བ་དང་བསམ་བློ་གསར་བའི་སྣེ་ཁྲིད་པ་ཞེས་བསྟོད་བསྔགས་འབུལ་གྱིན་ཡོད། དེ་ལྟར་བསྟོད་དགོས་དོན་ཁོང་གིས་སྔ་ཕྱི་བར་གསུམ་དུ་བརྩམས་ཆོས་རིན་ཐང་ལྡན་པ་མང་བོ་བརྩམས་ཡོད། མཇུག་མཐར་ཁོང་གིས་རང་གི་ཁྱིམ་ཚང་དང་བཅས་པ་བློས་བཏང་སྟེ་གནམ་ས་གོ་འབྱེད་ཅེས་པའི་དེབ་དེ་བརྩམས་ཡོད།
འཇམ་དབྱངས་སྐྱིད། བོད་ཀྱི་གཞས་མ་དང་རྩོམ་པ་པོ་རེད། ཁོ་མོས་བོད་དོན་སྐོར་གྱི་རྩོམ་ཡིག་བྲིས་པར་བརྟེན་ནས་བཙོན་དུ་འགྲོ་དགོས་བྱུང་བ་དང། བཙོན་གྱི་མྱོང་ཚོར་སོགས་ཀྱང་བྲིས།
ནོར་འཛོམས་སྐྱིད། ཁོང་མོ་ཁྲིམས་འཛིན་ལས་བྱེད་རེད། ཁོང་མོར་ཕོག་པའི་ནག་ཉེས་ནི་རྒྱ་ནག་གི་གསང་བ་ཕྱིར་བསྒྲགས་བྱས་པ་དེ་ཡིན།
བུད་མེད་རྩོམ་པ་པོ་འོད་ཟེར། ཁོང་མོ་ད་ལྟའི་བར་ཐེངས་དུ་མར་འཇུས་ཡོད་ནའང་ཁོང་མོས་བོད་དོན་ཆེད་བཟུང་བའི་སྨྱུ་གུ་དེ་ག་དུས་ཡིན་ནའང་གློད་མེད།
དགེ་རྒན་ཨ་འཁོར་བཟོད་པ་ལགས་ཀྱིས་གོང་གསལ་མི་སྣ་འདི་དག་རེ་རེ་བཞིན་འགྲེལ་བརྗོད་དང་ངོ་སྤྲོད་གནང་བ་དང་དེ་དག་གི་བརྩམས་ཆོས་སྐོར་ཡང་ངོ་སྤྲོད་གནང་། ཡིན་ནའང་། བརྗོད་གཞི་དངོས་ཏེ། འདས་པའི་ལོ་འདི་འགར་འཛིན་བཟུང་བྱས་པའི་ཤེས་ལྡན་མི་སྣ་བཞི་བཅུ་ལྷག་གི་སྐོར་ལ་དམིགས་བཀར་གྱིས་གང་ཡང་གསུངས་མེད་མོད། མཇུག་ཏུ་ཁོང་གིས་གོང་གི་མི་སྣ་འདི་དག་བོད་ནང་གི་རྩོམ་པ་པོ་བཞི་བཅུ་ལྷག་འཛིན་བཟུང་བཀར་ཉར་བྱས་པ་རྣམས་ངོ་སྤྲོད་བྱས་པ་ཡིན། ང་ཚོའི་ལག་ཏུ་ད་དུང་ཤེས་རྟོགས་བྱུང་མེད་པ་མང་བོ་ཡོད། གོང་གི་མི་སྣ་འདི་ཚོ་ངོ་སྤྲོད་བྱེད་དོན་ཤེས་རབ་ལྡན་པའི་སྙིང་སྟོབས་ཅན་རྐྱང་རྐྱང་ཡིན་སྟབས་ངོ་སྤྲོད་བྱས་པ་ཡིན། རྩོམ་པ་པོའི་མཐུན་ཚོགས་ཀྱི་ངོས་ནས་རྒྱ་ནག་གིས་འཛིན་བཟུང་བྱས་པའི་ཤེས་ལྡན་མི་སྣ་བཞི་བཅུ་ལྷག་གི་སྐོར་ལ་ལས་འགུལ་སྤེལ་གྱིན་ཡོད་ཅེས་གསུངས་ཡོད།
གསར་འགོད་པ། ཨ་རིག་འགྱུར་མེད།
གུང་སེང་མ་བཏང་བར་བོད་ཡིག་སྦྱོང་དུ་ཡོང་མཁན་ཚོར། ཁ་ཡོད་ལག་ཡོད་ཀྱི་བོད་ཡིག་ཅུང་སློབ་ཐུབ་ན་ཡག་པོ་རེད། ཁོང་ཚོ་བོད་ཡིག་ལ་དགའ་ཞེན་ཡོད་ནའང། མ་ཤེས་པར་སྦྱོང་དུ་ཡོང་བ་རེད། ཕར་ལོག་སྐབས། ཕྱོགས་རེས་ཅན་ཞིག་མ་ཆགས་པར། བོད་ཡིག་ལ་དུང་ཞེན་ཅན་ཞིག་བཟོས་ཐུབ་ན་ཡག་པོ་རེད།
འདིཚོས་བསྟོད་དྲགས་ནས་ནམ་མཁའི་དབྱིངས་སུ་འདེགས་ཀྱི་རེད། སྨོད་དྲགས་ནས་དམྱལ་ཁམས་བཅོ་བརྒྱད་ནང་དུ་འཕེན་གྱི་རེད། འདི་ཚོའི་ཁ་ལ་བལྟ་ས་ཡོད་མ་རེད། ཞོགས་དུང་གིས་ནོར་འཁྲུལ་ཏོག་ཙམ་ཤོར་ན་འདི་ཚོས་ཚོགས་འདུ་འཚོགས་ནས་ཞོགས་དུང་ལ་དགག་པ་རྒྱག་རྒྱུ་ཏན་ཏན་རེད། རང་གཤིས་ག་འདྲ་ཞིག་འདུག སོ་སོའི་གདོང་ལ་མཛུབ་མོ་བཙུགས་ནས་བསམ་བློ་ཐོངས་དང་།
དངོས་གནས་བཤད་ན་བོད་ཀྱི་རྩོམ་པ་པོ་ཞོགས་དུང་ལ་མི་དགའ་བ་དང་སྡང་ཞུགས་ཀྱི་བསམ་བློ་ག་ལ་ཡོད། འོན་ཀྱང་འདིར་ཅི་ཡང་མི་ཤེས་མཁན་འགས་ཞོགས་དུང་ནི། རྒྱལ་པ་ཚངས་དབྱངས་རྒྱ་མཚོ་དང་། ཨ་མདོ་བ་དགེ་འདུན་ཆོས་འཕེལ་སོགས་དང་མཉམ་པའི་མཁས་དབང་ཞིག་ལ་ངོས་འཛིན་པ་ནི་ནོར་འཁྲུལ་རེད་སྙམས། གང་ལྟར་ཡང་ཁོང་ནི་བོད་མི་རིགས་ལ་ཤ་ཞེན་ཅན་ཀྱིས་བསམ་བློ་བ་ཞིག་ཡིན་པ་གསལ་པོ་རེད།
འོན་ཀྱང་དགའ་ན་བསྟོད་དྲགས་པ་དང་། སྡུག་ན་སྨད་དྲགས་པ་འདི་ནི་བོད་མིའི་གཤེས་ག་ཡིན་པ་འདྲ།
འདི་ཚོ་ཡང་ཡང་གླེང་རྒྱུ་གལ་ཆེན་རེད། འདི་ཚོ་ཡང་ཡང་དྲན་རྒྱུ་གལ་ཆེན་རེད། འདི་ཚོ་ཡང་ཡང་སྐྱེ་རྒྱུ་གལ་ཆེན་རེད། འདི་ཚོ་ཡང་ཡང་འཕགས་རྒྱུ་གལ་ཆེན་རེད། དེ་དང་ལྷན་དུ་གཞན་ཚོའང་གླེང་ཞིང་དྲན་ན་བཟང་།
ཨ་འཁོར་གྱིས་དངོས་གནས་བགྲོ་གླེང་གི་ཁ་བྱང་དང་འཚམས་པའི་གཏམ་བཤད་ཅིག་ཁྱོན་ནས་བྱེད་ཐུབ་མི་འདུག སྡོམ་ཚིག་འདྲ་ཞིག་བཀོད་ནས་བཤད་འདུག་པ་ནི་དགོས་ངེས་དེ་མ་རེད། དེ་བས་དངོས་ཡོད་ཅིག་བཤད་ཡོད་ན་དགའ་བ་ལ། གང་ལྟར་གཞིས་ཆགས་པ་ཕོ་གསར་མོ་གསར་འགའ་ལ་ཧང་སངས་པ་ཞིག་བྱུང་ཡོད་སྲིད།
སྐར་མདའ་ཞེས་པ་འདི་ཞོགས་དུང་ལ་མ་དགའ་བའི་ཚུལ་ལ་བལྟས་ན། འབྱུང་བོ་ཞིག་གི་རྒྱུད་བརླམ་ཡོད་པ་འདྲ། ཇི་འདྲའི་མི་ཅབ་ཆུང་ཞིག
རྒན་ཨ་འཁོར་ལགས་ལ་ཉམས་ཡོད་ཀི
ཐུགས་རྗེ་ཆེ།
རྩམ་པ་པོ་བྱ་གཞུང་རིན་བཟང་དང་།ཨརིག་སྒྲོལ་མ་སྐྱབས།ཐེའུ་རང་སོགས་མང་པོ་ཞིག་གི་མཛད་རྗེས་མ་དྲན་པ་འམ་ཡང་ན་མཚན་གཞུང་བཀོད་སའི་ཤོག་བུ་མ་སྙེད་པ་ངག་རུང་ཡིན་རྒྱུ་རེད།
འགོ་བརྗོད་རྫིག་པོ་དང་བགྲོ་གླེང་སྟོང་པ། པེན་བོད་ཀྱི་རྩོམ་པ་བོའི་མཐུན་ཚོགས་ཀྱིས་མིང་ཐོག་ནས་ད་བར་ཕྱི་རྒྱལ་ལ་མི་ག་ཚོད་བཏང་ཡོད་པའི་སྐོར་བགྲོ་གླེང་ཞིག་ཚུགས་ཐུབ་ན་ཡག་པོ་རེད།
སྐྱག་པའི་གཙོ་སྐྱོང་བ། འགོ་བརྗོད་དང་གསུང་བཤད་ཀྱི་ནང་དོན་གཏན་ནས་འབྲེལ་བ་མི་འདུག
དྲ་གྲོགས་བོད་པ་ལགས་སྐུ་ཉིད་ནས་བོད་མི་རིགས་ལ་ཆེ་ཤིན་ཏུ་རླབས་
ཆེ་བའི་རིག་པ་སྨྲ་བ་དོན་གྲུབ་རྒྱལ་དང་སྐུ་ཞབས་ཞོག་དུང་དགེ༌ཆོས་
ལ་སོགས་པའི་བོད་མི་རིགས་ཀྱི་མཁས་པའི་གྲགས་པ་ཕྱོགས་བཞིར་ཁྱབ་
པའི་རིག་པ་སྨྲ་བ་རྣམས་ཁྱེད་རང་གི་སྐྱུག་པའི་གནས་ཞིག་ཡིན་ན་དེ་དག་ལས་
ཆེ་ལྷག་པའི་སྐུ་ཉིད་ཀྱི་སེམས་ཀྱི་རིག་པ་སྨྲ་བ་འདི་སུ་ཡིན་ནམ་དེ་ལ་དོན་གྲུ་རྒྱལ་
དང་ཞོགས་དུང་དགེ་ཆོས་དེ་བཞིན་བོད་མིགས་ཀྱི་རིག་པ་རྣམས་ལ་མི་ལྡན་པའི་དམིགས་གསལ་གྱི་
ཁྱད་ཆོས་གང་ཞིག་ཡོད་དམ་སྐུ་ཉིད་ནས་དྲ་གྲོགས་ཡོངས་ལ་ཞུས་ན་
ཆེ་ཤིན་ཏུ་རླབས་ཆེ།།
བོད་ཀྱི་རྩོམ་པ་པོ་ཞེས་པའི་མིང་རྫིག་པོ་དེ་དོན་དངོས་ཐོག་བོད་ཀྱི་རྩོམ་པ་པོ་མཐུན་ཚོགས་ཀྱི་སྐུ་ཚབ་མཚོན་པའི་ལས་འགུལ་གང་ཡང་བྱེད་མི་ཐུབ་པར་མིང་བྱང་ཆེན་པོ་ཞིག་འཁྱེར་ནས་ཁ་སྟོང་པའི་བཤད་བཤད་རྐྱང་རྐྱང་བྱས་ནས་མ་འདུག་པར་སྤྱི་ཚོགས་ཀྱི་དགོས་མཁོ་དང་འཚམས་པའི་རྩོམ་རིག་གང་མང་སྤེལ་རོགས་ཞུ་།།ད་དུང་ཨ་འཁོར་བཟོད་པ་ལགས་ཁྱེད་རང་གིས་མི་རིགས་ལ་ཕན་པའི་སྒྲུང་རྩོམ་ཐར་ཐོར་རེ་བྲིས་ནས་བཞུག་ན་ལེགས་སྙམ།།
རྒྱལ་པ་ཚངས་དབྱངས་རྒྱ་མཚོ་དང་། ཨ་མདོ་བ་དགེ་འདུན་ཆོས་འཕེལ། འདི་གཉིས་ལ་མཚོན་ན་བོད་ཀྱི་ཆོས་དང་རིག་གཞུང་གཉིས་ལ་བྱང་ཆུབ་པའི་རྕོམ་པོ་ཞིག་རེད། དཔལ་དོན་འགྲུབ་རྒྱལ་ནི་བོད་ཀྱི་ལོ་རྒྱུལ་ལ་མཁས་ཤིང་དེང་རབས་སྔོན་ཐོན་གྱི་ལྟ་ལའང་བཅུད་ལེན་སྙིགས་འདོར་བྱེད་ཐུབ་བའི་རྩོམ་པ་པོ་ཞིག་རེད།
ཞོགས་དུང་ལ་མཚོན་ན་མར་ལེ་རང་ལུགས་ཀྱི་ལྟ་བ་ཁྲལ་ཁྲོལ་ཞིག་གོ་ལོ་དང་ཐོས་ལོ་ཡོད་ཐོག་དེ་བོད་ཡིག་གི་ཐོག་ལ་འབྲི་ཐུབ་པའི་སུམ་རྟགས་དག་གསུམ་སོགས་ཀྱི་ཆ་སྐྱེན་ཙམ་ཚང་བའི་རྩོམ་པ་པོ་ཞིག་རེད།
རྡ་སའི་དམར་སྲུང་རུ་ཁག་གི་རྣ་བ་ལ་ཞོག་དུང་གི་ལྟ་བ་འདི་ཧ་ཅིང་སྙན་པོ་དང་། སེམས་ནང་ལ་ཧ་ཅིང་མཐོང་ཆེན་བྱེད་ཡུལ་ཞིག་ཆགས་ཡོད། འོན་ཀྱང་ལྟ་བ་འདི་ནི། དེང་རབས་གཞོན་སྐྱེས་ཀྱི་བསམ་བློ་སྔོན་ཐོན་ཞིག་མ་ཡིན་པར། འདས་པའི་དུས་ཀྱི་མར་ལེ་རངས་ལུགས་ཀྱི་ལྟ་བ་གཞིར་བཞག་ཐོག བོད་མི་ཕྱོགས་ཡང་གཡེམ་རྒྱུགས་མཁན་ལ་མཛའ་བའི་ཚིགས་ཁ་ཤེས་རེ་གསར་དུ་བསྣན་ནས་བྲིས་པ་ཞིག་ཡིན་པ་ངོས་ཟིན་དགོས།
གང་ལྟར་ཡང་ཞོགས་དུང་བཙོན་འཇུགས་བྱས་པ་འདི་བློ་ཕན་པའི་གནས་ཞིག་ཡིན་ཕྱིར། གདུང་སེམས་མཉམ་སྐྱེད་འོག་ཁོང་ཀློད་གྲོལ་འོངས་ཐབས་ཞིག་ཡོན་ན་རོགས་རམ་བྱེད་དགོས། དེ་མིན་རྒྱལ་པ་ཚངས་དབྱངས་རྒྱ་མཚོ་དང་ཨ་མདོ་བ་དགེ་འདུན་ཆོས་འཕེལ་སོགས་དང་མཉམ་པའི་མཁས་དབང་ཞིག་ལ་ངོས་འཛིན་བྱེད་པ་འདི་ནི། རྡ་སའི་བོད་ཡིག་ཡག་པོ་མི་ཤིས་མཁན་རྣམས་དང་དམར་སྲུང་རུ་ཁག་གི་བསམ་བློ་རེད།
སྤྱིར་བཤད་ན། རྒྱལ་པ་ཚངས་དབྱངས་རྒྱ་མཚོ་དང་ཨ་མདོ་བ་དགེ་འདུན་ཆོས་འཕེལ། གཉིས་ལ་མཚོན་ན་བོད་ཆོས་དང་རིག་གཞུང་གཉིས་ལ་བྱང་ཆུབ་པའི་རྕོམ་པོ་ཞིག་རེད། དཔལ་དོན་འགྲུབ་རྒྱལ་ནི་བོད་ཀྱི་ལོ་རྒྱུལ་ལ་མཁས་ཤིང་དེང་རབས་སྔོན་ཐོན་གྱི་བལྟ་ལའང་བཅུད་ལེན་སྙིགས་འདོར་བྱེད་ཐུབ་བའི་རྩོམ་པ་པོ་ཞིག་རེད།
ཞོགས་དུང་ལ་མཚོན་ན་མར་ལེ་རང་ལུགས་ཀྱི་ལྟ་བ་ཁྲལ་ཁྲོལ་ཞིག་གོ་ལོ་དང་ཐོས་ལོ་ཡོད་ཐོག་དེ་བོད་ཡིག་གི་ཐོག་ལ་འབྲི་ཐུབ་པའི་ཆ་སྐྱེན་ཙམ་ཚང་བའི་རྩོམ་པ་པོ་ཞིག་རེད།
རྡ་སའི་དམར་སྲུང་རུ་ཁག་གི་རྣ་བ་ལ་ཞོག་དུང་གི་ལྟ་བ་འདི་ཧ་ཅིང་སྙན་པོ་དང་། སེམས་ནང་ལ་ཧ་ཅིང་མཐོང་ཆེན་བྱེད་ཡུལ་ཞིག་ཆགས་ཡོད། འོན་ཀྱང་ལྟ་བ་འདི་ནི། དེང་རབས་གཞོན་སྐྱེས་ཀྱི་བསམ་བློ་སྔོན་ཐོན་ཞིག་མ་ཡིན་པར། འདས་པའི་དུས་ཀྱི་མར་ལེ་རངས་ལུགས་ཀྱི་ལྟ་གཞིར་བཞག་ཐོག བོད་མི་ཕྱོགས་ཡང་གཡེམ་རྒྱུགས་མཁན་ལ་མཛའ་བའི་ཚིགས་ཁ་ཤེས་རེ་གསར་དུ་བསྣན་ནས་བྲིས་པ་ཞིག་ཡིན་པ་ངོས་ཟིན་དགོས།
གང་ལྟར་ཡང་ཞོགས་དུང་བཙོན་འཇུགས་བྱས་པ་འདི་བློ་ཕན་པའི་གནས་ཞིག་ཡིན་ཕྱིར། ཁོང་ཀློད་གྲོལ་འོངས་ཐབས་ཞིག་ཡོན་ན་རོགས་རམ་བྱེད་རོགས། དེ་མིན་རྒྱལ་པ་ཚངས་དབྱངས་རྒྱ་མཚོ་དང་ཨ་མདོ་བ་དགེ་འདུན་ཆོས་འཕེལ་སོགས་དང་མཉམ་པའི་མཁས་དབང་ཞིག་ལ་ངོས་འཛིན་བྱེད་པ་འདི་ནི། རྡ་སའི་བོད་ཡིག་ཡག་པོ་མི་ཤིས་མཁན་རྣམས་ཀྱི་བལྟ་བ་ཞིག་རེད།
བོད་ཀྱི་རྩོམ་པ་པོའི་མཐུན་ཚོགས་ཀྱིས་ད་ལམ་ལས་འགུལ་ཡག་པོ་ཞིག་སྤེལ་ཏེ་འདུག རྗེས་སུ་ཡི་རང་ཞུའོ།། འདི་འདྲའི་བགྲོ་གླེང་རྒྱ་ཆེན་པོ་ཞིག་དང་ལས་འགུལ་གཞི་རྒྱ་ཆེན་པོ་རེ་སྤེལ་རྒྱུར་རྩོམ་པ་པོའི་མཐུན་ཚོགས་ནས་འགན་རྐང་བཞེས་གནང་དགོས་ནས་འདུག་པར་མཐོང་ངོ་།། འདི་འདྲ་དག་ནི་རྩོམ་ཚོགས་ཀྱིས་ངེས་པར་གནང་དགོས་པར་ཡང་མཐོང་ངོ།། རྣམ་པ་ཚོའི་ལས་འགུལ་འདི་རིགས་ལ་རྒྱབ་སྐྱོར་ཞུ་མུས་སུ་ཡོད་དོ་ཞུའོ།།
གོ་སྒྲིག་འདི་འདྲ་ཞིག་བྱས་པ་ལ་ཐུགས་རྗེ་ཆེ་ཞུ་རྒྱུ་དང་།ཕྱི་ཟླ་བདུན་པའི་རྗེས་སུ་རྒན་ཨ་འཁོར་ལགས་ཀྱིས་གཙོ་བོ་བྱས་ཏེ།སླར་ཡང་ས་རཱ་སློབ་གྲྭར་འདི་འདྲ་ཞིག་གོ་སྒྲིག་བྱེད་པར་རེ་བ་ཡོད།ངོ་མ་གླེང་འོས་པའི་ཐེའུ་རང་།ཞོགས་དུང་།གངས་ཉི།སྒྲོལ་མ་སྐྱབས་ཕོ་མོ་གཉིས།འདི་དག་གླེང་རྒྱུ་བརྗེད་མི་ཉན་གི་ཡ་་་་་
གོ་སྒྲིག་འདི་འདྲ་ཞིག་བྱས་པ་ལ་ཐུགས་རྗེ་ཆེ་ཞུ་རྒྱུ་དང་།ཕྱི་ཟླ་བདུན་པའི་ནང་དུ་རྒན་ཨ་འཁོར་ལགས་ཀྱིས་གཙོ་བོ་བྱས་ཏེ།སླར་ཡང་ས་རཱ་སློབ་གྲྭར་འདི་འདྲ་ཞིག་གོ་སྒྲིག་བྱེད་པར་རེ་བ་ཡོད།ངོ་མ་གླེང་འོས་པའི་ཐེའུ་རང་།ཞོགས་དུང་།གངས་ཉི།སྒྲོལ་མ་སྐྱབས་ཕོ་མོ་གཉིས།འདི་གླེང་རྒྱུ་བརྗེད་མི་ཉན་གི་ཡ་་་་་
དོན་དངོས་ཐོག་དུས་བབ་དྲ་ཚིགས་ཀྱིས་འགོག་ནུས་ན།བོད་པ་ཟེར་བའི་མི་འདི་དག་ངེས་པར་འགོག་དགོས་ཀྱི་འདུག རྒྱུ་མཚན་ནི་ང་ལ་མང་པོ་མང་པོ་ཞིག་བཤད་རྒྱུ་ཡོད་ཀྱང་།ཉམ་ཆུང་བའི་བདག་གི་མིང་བྱང་འདི་ནག་སུབ་གཏོང་མི་ཡོང་ངམ་སྙམ་ནས་ཞེད་ཀྱིན་འདུག དགེ་ཆོས་དང་།དོན་གྲུབ་རྒྱལ།ཞོངས་དུང་སོགས་ཀྱི་མིང་ཙམ་ཡང་གོ་ན་སྐྱུག་འགྲོ་བ་དག་ལ་བསམ་བློ་ལེགས་པོ་ཞིག་མེད་པ་ནི་མངོན་སུམ་ཚད་མས་མ་གྲུབ་ཀྱང་རྗེས་དཔག་ཚད་མས་རྟོགས་ནུས་པ་ཞིག་རེད།ནམ་ཞིག་འདིའི་གྲས་དེ་༸གོང་ས་མཆོག་དང་པཎ་ཆེན་བཅུ་བ་མཆོག་མཚན་གོ་ནའང་སྐྱུག་འགྲོ་གི་རེད།དེ་ཡིན་དུས་དེ་ལྟར་མ་སྐྱུག་གོང་ནས་རུལ་སོང་གི་བསམ་བློ་འདི་འདྲ་ཅན་དག་རྒྱང་ཕུད་བཏང་ན་ཡག་གི་རེད།
བགྲོ་གླེང་འདི་འདྲ་ཞིག་ནི་ཁ་སྔོན་ནས་དགོས་པ་ཞིག་རེད། ད་ལྟའང་འཕྱི་ཡོད་པ་མ་རེད། མུ་མཐུད་ནས་དགོས་པ་ཞིག་རེད། རྩོམ་པ་པོའི་མཐུན་ཚོགས་ཀྱིས་འདིའདྲའི་ཉམ་ཆུང་མདོག་གི་བགྲོ་གླེང་ཞིག་ཇི་ཕྱིར་འཚོགས་པ་ཡིན་ནམ། མཁས་པ་དང་རྩོམ་པ་པོ་ཚོར་ཤུགས་ཆེན་པོས་གླེང་བཅུག་ཡོད་ན་ག་འདྲའི་གཟི་བརྗིད་ཆེ་བ་ལ། ཡིན་ནའང་། ཇེ་ཆུང་ནས་ཇེ་ཆུང་ཇེ་གཉོམ་ནས་ཇེ་གཉོམ་ལྟ་བུ་ཞིག་ཚོར་གྱི་འདུག
སྐྱུག་ལྡད་བྱེད་ཡ་མང་དྲག་ཐལ།
དགེ་ཆོས། དོན་གྲུབ་རྒྱལ། ཞོགས་དུང་ཟེར་ནས་སྐྱུག ཟས། ཡང་སྐྱུག ཡང་ཟས། དེ་ནས་ཡང་སྐྱུག དེ་ནས་ཡང་ཟས། དེ་ནས་ད་དུང་ཡང་སྐྱུག དེ་ནས་ཡང་ཟས། ཨ་ཨ་་་ཨ་མང་དྲག་ཐལ། ཁྱེད་ཅག་སྐྱུག་རོ་ཟ་མཁན་ཚོ་སྐྱུག་མི་ལོག་ནའང།ང་ཚོ་མི་ཟ་མཁན་ཚོ་ཞེན་པ་ལོག་གི ཁྱེད་ཚོས་སངས་རྒྱས་ཆོས་ལུགས་ཀྱི་སྔགས་བཟླས་བརྗོད་བྱེད་གི་ཡོད་ན་གནས་ཚུལ་ལོགས་པ་རེད། ཁྱེད་ཚོའི་སྐྱུག་ལྡད་དེ་་ལོ་ངོ་དྲུག་ཅུའི་རིང་གི་དམར་ཕྱོགས་པས་གསར་བརྗེ་ལས་འགུལ་སྐྱུ་ལྡད་རང་རེད། དམར་སྲུང་རུ་ཁག་ཅིག་བོད་ནས་རྡ་སར་བསླེབས་འདུག་ཟེར་བ་བདེན་ས་རེད།
བགྲོ་གླེང་གི་ཁ་བྱང་རྫིག་ནའང་བགྲོ་གླེང་གི་ནང་ན་ཅི་ཡང་བཤད་མི་འདུག འདི་ནི་བོད་པའི་སྤྱི་ཚོགས་གང་ལ་སོང་ནའང་གོ་ཐུབ་པའི་སྐད་ཆ་ཏག་ཏག་རེད། ཇ་ཁང་དང་ཆང་ཁང་སོགས་ནས་བོད་པ་ཞིག་ལ་ཐུག་ནས་རྩོམ་རིག་སྐོར་གྱི་སྐད་ཆ་ཞིག་བཤད་སྐབས་ཆེ་ཆུང་རྒན་གཞོན་ཚང་མས་འདི་བཤད་ཀྱིན་པ་རེད། དྲང་མོར་བཤད་ན་གོང་གི་སྐད་ཆ་འདིའི་ནང་ནས་ཁྱོད་ཚོར་ཅི་ཞིག་རག་སོང་། ང་ལ་ནི་ཅི་ཡང་རག་མ་སོང་།
མང་པོ་ཞིག་ཚང་མི་འདུག ཐེའུ་རང་། ཞོགས་ལྗང་། ད་དུང་གངས་ཉི། ཚ་བ་མདའ་སྨྱུག་སོགས་གླེང་འོས་པར་མ་ཟད། སྒྲོལ་མ་སྐྱབས་ནི་ལོ་རྒྱུས་ཀྱི་རྡོ་རིང་གཞན་ཞིག་ཡིན། ཨ་འཁོར་ལགས། མི་འཁོར་བ་ཞིག་མི་གནང་བའི་རེ་བ་ཤིན་ཏུ་ཆེ།