མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཚོཌ་གཙོ་དང་རྒྱའི་ཕྱི་སྲིད་བློན་ཆེན་གཞོན་པའི་མཇལ་འཕྲད།

བོད་ཀྱི་དུས་བབ།
༢༠༡༠/༠༦/༠༩
Share on FacebookShare on TwitterShare on EmailShare on Whatsapp

ཕྱི་ཚེས་ ༧ ཉིན་རྒྱ་ནག་གི་ཕྱི་སྲིད་བློན་ཆེན་གཞོན་པ་ཧྥུ་ཡིན་གྱིས་ཨོ་སུ་ལོར་ཡོད་པའི་ནོར་ཝེ་ཡི་རྒྱལ་སྤྱིའི་འབྲེལ་བའི་སློབ་གླིང་དུ་གཏམ་བཤད་ཅིག་གི་སྐབས། བོད་རྒྱ་ཞི་མོལ་གྱི་སྒོ་ནི་ག་དུས་ཡིན་ཡང་ཕྱེ་ཡོད་ལ། རྒྱ་ནག་གི་ཕྱོགས་ནས་ཞི་མོལ་དེ་མུ་མཐུད་རྒྱུར་ལྷག་བསམ་རྣམ་དག་ཡིན་ཅེས་བཤད་འདུག

ཅུང་རྒྱུན་ལྡན་མ་ཡིན་པ་ཞིག་ལ། ཁོ་མོའི་གཏམ་བཤད་ཀྱི་སྐབས་དེར་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ཀྱང་ཕེབས་ཡོད་པ་མ་ཟད། ཁོང་གཉིས་འཁྱུག་ཙམ་རིང་མཇལ་འཕྲད་ཀྱིས་བཀའ་མོལ་ཡང་གནང་ཡོད་པ་རེད།

ཧྥུ་ཡིན་གྱིས་གསུང་བཤད་སྐབས་ཀྱི་དྲི་བར་ལན་འདེབས་བྱས་དོན། བོད་རྒྱ་ཞི་མོལ་གྱི་སྒོ་མོ་ནི་ག་དུས་ཡིན་ཡང་ཕྱེ་ཡོད་པ་རེད། སྒོ་ཕྱེ་ནས་ལོ་མང་པོ་ཕྱིན་པ་རེད། དེའི་ཐད་དཀའ་རྙོག་ཀྱང་ཡོད་པ་རེད། ཡིན་ཡང་རྒྱ་ནག་གི་ཕྱོགས་ནས་ཞི་མོལ་མཇུག་སྐྱོང་རྒྱུར་ཁ་ཞེ་གཉིས་མེད་ཡིན་ཅེས་དང་།

བོད་ནི་མཐའ་འཁོབ་ཀྱི་ཡུལ་ཞིག་ཡིན་ལ། བོད་ནང་དཔལ་འབྱོར་འཛུགས་སྐྲུན་བྱེད་པ་ལ་ཐུན་མོང་མ་ཡིན་པའི་ལམ་ཁ་ཞིག་རྙེད་རྒྱུ་ནི་ཧ་ཅང་གི་གལ་ཆེན་པོ་རེད། དེ་དང་མཉམ་དུ་བོད་ཀྱི་རིག་གཞུང་དང་ཆོས་ལུགས་ཀྱང་སྲུང་སྐྱོབ་བྱ་དགོས་པ་རེད། འདི་ནི་དཀའ་ཁག་གི་བརྒྱུད་རིམ་ཞིག་རེད་ཟེར།

གཞན་ཡང་མོས་བཤད་རྒྱུར། བོད་ཀྱི་རིག་གཞུང་ནི་ཧ་ཅང་ཐུན་མོང་མ་ཡིན་པ་དང་རིན་ཐང་ལྡན་པ་ཞིག་རེད། ཉེ་བའི་དུས་སུ་བོད་ནང་གི་འཛུགས་སྐྲུན་ཕྱོགས་ལ་རྒྱལ་ཡོངས་རིམ་པའི་ཚོགས་ཆེན་ཞིག་འཚོགས་པ་རེད། རྗེས་ཕྱོགས་བོད་ནང་དུ་མ་འཛུགས་ཕོན་ཆེན་པོ་དང་རོགས་རམ་ཕོན་ཆེན་པོ་ཡོང་གི་རེད། སྐྱེས་ཁམས་ཁོར་ཡུག་སྲུང་སྐྱོབ་ཀྱི་ཆེད་དུ་བོད་ཀྱི་ས་ཁུལ་གྱི་བརྒྱ་ཆ་ ༣༧ ནི་ད་སྔ་ནས་རྒྱལ་ཁབ་རིམ་པའི་སྲུང་སྐྱོབ་ས་ཁུལ་ལ་བསྒྱུར་ཡོད་པ་རེད། ང་རང་བོད་ལ་དགའ། ང་ནི་ས་ཆ་དེར་བརྩེ་དུང་ཆགས་ཡོད། ད་ལོར་ངས་རང་གི་དབྱར་ཁའི་གུང་གསེང་བོད་ནང་དུ་གཏོང་རྒྱུའི་འཆར་གཞི་བཏང་ཡོད་ཅེས་བཤད་ཡོད་པ་རེད།

གཏམ་བཤད་དེའི་རྗེས་སུ་ཁོ་མོ་འཁྱུག་ཙམ་རིང་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་ལགས་དང་ནོར་ཝེ་བོད་རིགས་ཚོགས་པའི་ཆུང་བདག་ཀོ་རན་ལགས་གཉིས་ལ་ཐུག་འཕྲད་བྱས་ཡོད་པ་རེད།

ཚོགས་གཙོ་སྤེན་པ་ཚེ་རིང་ལགས་ཀྱིས་ཁོང་གཉིས་ཀྱི་མཇལ་འཕྲད་སྐོར་ལ་བཤད་དོན། མོ་རང་དངོས་གནས་ལྷག་བསམ་ཡོད་པ་ལྟར་སྣང་། མོ་རང་གིས་གང་བཤད་པ་དེ་སེམས་གཏིང་གི་སྐད་ཆ་ཡིན་ཚེ། རྒྱ་ནག་གི་མགོ་ཁྲིད་ཚོའི་ཕྱོགས་ནས་བོད་དོན་འདི་ཞི་མོལ་གྱི་ལམ་ནས་ཐག་གཅོད་བྱ་ཕྱོགས་ཀྱི་བསམ་བློའི་ལངས་ཕྱོགས་ལ་འགྱུར་བ་ཐེབས་པ་ཞིག་ཡིན་ཡང་སྲིད་པ་རེད་ཅེས་དང་།

གཞན་ཡང་ཁོང་གིས་ནོར་ཝེ་རླུང་འཕྲིན་ཁང་ལ་བཤད་དོན། ཧྥུ་ཡིན་ལགས་ནི་བོད་དོན་ཐོག་བསམ་བློ་གཏོང་མཁན་དང་ལྷག་བསམ་ཡོད་མཁན་ཞིག་ཏུ་མཐོང་སོང་། དེ་བཞིན་རྒྱ་ནག་གི་ཕྱི་སྲིད་བློན་ཆེན་ཁོང་གིས་༧གོང་ས་མཆོག་ལ་སྐྱོན་བརྗོད་དང་ཁོང་ཉིད་ཁ་བྲལ་བ་ཞིག་ཡིན་སྐོར་སོགས་བཤད་གི་མི་འདུག་ཅེས་བསྟན་ཡོད་པ་རེད།

ཧྥུ་ཡིན་ནི་སོག་རིགས་བུད་མེད་ཅིག་ཡིན་ལ། ལོ་འདིའི་ཕྱི་ཟླ་དང་པོའི་ནང་དུ་རྒྱ་ནག་གི་ཕྱི་སྲིད་བློན་ཆེན་གཞོན་པར་བསྐོས་པ་རེད། སྔོན་ཆད་རྒྱ་ནག་ཕྱི་སྲིད་ལས་ཁུངས་ཀྱི་ཨེ་ཤ་ཡའི་ལས་དོན་སྡེ་ཚན་གྱི་སྤྱི་ཁྱབ་འགན་འཛིན་དང་། ཨོ་སི་ཊོ་ལི་ཡ་དང་ཧྥི་ལི་ཕིན། དབྱིན་ཡུལ་བཅས་སུ་རྒྱ་ནག་གི་གཞུང་ཚབ་པ་ཡང་བྱས་མྱོང་ཡོད་པ་རེད།

པར་དབང་། ནོར་ཝེ་བོད་ཀྱི་རླུང་འཕྲིན་ཁང་ཡིན།

གསར་འགྱུར་སྤེལ་མཁན། ལུང་རིགས་རྒྱལ།

འབྲེལ་ཡོད་གསར་འགྱུར།

བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

ཆུ་ཚོད་ ༥ སྔོན་ལ།
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

ཆུ་ཚོད་ ༥ སྔོན་ལ།
Mobile App

གཏམ་གླེང་དམར་རྗེན་མ།

ཆུ་ཚོད་ ༧ སྔོན་ལ།
བོད་མིའི་སྒྲིག་འཛུགས་ཀྱི་འཛིན་སྐྱོང་སྦྱོང་བརྡར་ཁང་དུ། བོད་པའི་སློབ་གྲྭ་ཁག་གི་སཱི་ཤེས་ཡོན་སློབ་གསོའི་མཐུན་སྦྱོར་བ་རྣམས་ལ་སཱི་ཤེས་ཡོན་སློབ་གསོའི་སྦྱོང་བརྡར་སྤྲད། ༢༠༢༥།༥།༢༡ དུས་བབ་ཀྱི་པར།
Mobile App

འཛམ་གླིང་གི་རྒྱལ་ཁབ་ ༡༤༡ ནང་སཱི་ཤེས་ཡོན་སློབ་གསོ་ངོ་སྤྲོད་གནང་ཟིན་འདུག

༢༠༢༥/༠༥/༢༡
FILE PHOTO: Salal Dam on the Chenab river, in Reasi district, J&K, Monday, May 5, 2025. All gates of Salal Dam on the Chenab River were closed following suspension of the Indus Waters Treaty in the aftermath of the Pahalgam terror attack.(PTI)
Mobile App

པཱ་ཀི་སི་ཐན་ནང་ཆུ་རགས་གསར་རྒྱག་གི་འཛུགས་སྐྲུན་ཇེ་མགྱོགས་སུ་བཏང་།

༢༠༢༥/༠༥/༢༡
སྲིད་སྐྱོང་སྤེན་པ་ཚེ་རིང་མཆོག་གིས་ཁེ་ན་ཌའི་ཨོན་ཊ་རེའོ་བོད་མི་རྣམས་ལ་གསུང་བཤད་གནང་། ༢༠༢༥།༥།༡༨ བོད་མིའི་སྒྲིག་འཛུགས་ཀྱི་པར།
Mobile App

སྲིད་སྐྱོང་མཆོག་གིས་འདི་ལོའི་ཆོས་ཚོགས་ཐེངས་ལྔ་པའི་ཐོག་༧སྐུའི་ཡང་སྲིད་དང་འབྲེལ་བའི་གནད་དོན་ཁག་ཅིག་གསལ་པོ་ཆགས་རྒྱུ་ཡིན་སྐོར་གསུངས།

༢༠༢༥/༠༥/༢༡

མཆན། 14

  1. སེར་སྨད་བློ་དགའ། says:
    ལོ་ 15 སྔོན།

    གནས་ཚུལ་འདིའི་ཁྲོད་ཀྱི་གནད་དོན་ངོ་མ་ཞིག་ཕྱིར་བུད་ཡོད་པ་ནི། ཚོགས་གཙོ་ཁོ་མོ་མཐོང་ནས་ཡོལ་མ་སོང་བ་དང་། ཁོ་མོས་ཚོགས་མཐོང་ནས་བྲོས་མ་སོང་བར་དངོས་སུ་ཐུག་འཕྲན་བྱས་པ་དེ་གནད་དོན་གཅིག་རེད།
    གཉིས་ནི། སྐད་ཆ་བཤད་པ་ཁ་འཆམ་སོང་བ་དེ་གཉིས་རེད། ཕྱི་སྲིད་མོས་ཁ་ཕར་བསློགས་རྗེས་ག་རེ་བཤད་རྩིས་ཡོད་སུས་ཚོད་ཐིག ཨ་ལེ་ལྟ་རྒྱུ་རེད་་་་་་་་་་་་་་་་

    Reply
  2. བོད་ says:
    ལོ་ 15 སྔོན།

    ཚོགས་གཙོ་མཆོག་བཀྲ་ཤིས་བདེ་ལེགས་ཞུ་རྒྱུ་དང་། རྗེས་ཕྱོགས་ཚོགས་གཙོ་གཉིས་དང་བཀའ་བློན་ཟུར་སུ་ཡིན་ཡང་རྒྱ་གཞུང་གི་མཐོ་རིམ་མི་སྣ་མ་ཟད་རྒྱ་རིགས་དཀྱུས་མ་ཚོ་ལ་ཡང་འབྲེལ་བ་ཡག་པོ་བྱེད་དགོས།
    འདི་ལ་རན་དང་རན་འོས་དང་མ་འོས་ཀྱི་རྣམ་རྟོག་འོག་མ་སོང་པར་གོ་སྐབས་གང་ཡོད་ཀྱི་བོད་དོན་འགྲེལ་བཤད་རྒྱག་རྒྱུ་གལ་ཆེ།

    Reply
  3. kunsal says:
    ལོ་ 15 སྔོན།

    མཇལ་འཕྲད་བྱུང་བ་འདི་བཟང་ཕྱོགས་ཀྱི་འགྱུར་བ་ཞིག་ལོས་ཡིན། ཚོགས་གཙོ་མཆིག་ལ་བཀྲ་ཤིས་བདེ་ལེགས་ཞུ་བ་དང་ཆབས་ཅིག་མ་འོངས་པར་ཡང་དེ་ལྟའི་གོ་སྐབས་ཡོང་ཐབས་ལ་འབད་བརྩོན་གནང་རོགས།

    Reply
  4. བཟོད་པ་ལྷ་རྩེ། says:
    ལོ་ 15 སྔོན།

    རྒྱ་ནག་གི་ཕྱི་སྲིད་བློན་ཆེན་གྱིས་བཤད་བཏང་ལ་བལྟས་ན་ཡང་བཙན་བྱོལ་བོད་གཞུང་ཡང་བསྐྱར་གླིང་སྐོར་ལ་འཁྲིད་རྒྱུ་དང་དམིགས་གསལ་སྐུ་ཚབ་རྣམས་ལ་གསོལ་སྟོན་ཟབ་རྒྱས་ཞིག་གྲ་བསྒྲིགས་བྱ་བཞིན་ཡོད་པ་མངོན་གྱི་འདུག འོན་ཀྱང་བཙན་བྱོལ་སྲིད་གཞུང་གི་ཆབ་སྲིད་པ་རྣམས་ཀྱི་དེ་སྔོན་རྒྱ་མའི་མཐོང་མྱོང་མེད་པ་དང་ལྔ་བཅུ་ལྔ་དགུ་ནས་བདུན་བཅུ་དོན་གྲངས་བར་ལ་གཞི་ལུས་བོད་མའི་རྣམས་ལ་མནར་གཅོད་བཏང་བའི་ལོ་རྒྱུས་རབ་དང་རིམ་པ་ཐོས་པའི་རྐྱེན་གྱི་སེམས་ནང་རྒྱ་མའི་ཕྱི་ཚུལ་གྱི་རྣམ་པ་མཆེ་བ་བརྩེགས་པ་སྣ་སྙེར་བ་བཞིན་མི་སྡུག་པ་ཞིག་ཡོད་པའི་འཚོར་སྣང་ཡོང་གི་ཡོད་བཟོ་འདུག དོན་དངོས་ནི་ཕྱི་ཡི་རྣམས་པ་དེ་ལྟར་མ་ཡིན་པ་མཐོང་དུས་རྣམ་འགྱུར་ཡག་པོ་ཡོད་པའི་འཚོར་སྣང་ ཞིག་བྱུང་བ་ ཡིན་སྲིད། དེ་ལྟར་མ་ཡིན་ན་བཙན་བྱོལ་གྱི་ཆབ་སྲིད་པ་རྣམས་ཀྱི་ཀླད་པའི་ནད་ཆུ་ལས་མེད་པ་ཡིན། དེ་ན་རྒྱ་མའི་ཆབ་སྲིད་ཕྱིའི་རྣམ་འགྱུར་ནས་མངོན་དཔོག་བྱ་ནུས་བྲལ་བས་ང་ཚོའི་ཆབ་སྲིད་པ་རྣམས་ནས་བབ་ལྷིང་བརྟན་གསུམ་གནང་རོགས་ཞུ་རྒྱུ་ཡིན།

    Reply
  5. བཀྲ་ཤིས་དོན་གྲུབ། says:
    ལོ་ 15 སྔོན།

    འདི་ཡང་རྒྱ་གཞུང་གིས་ཕྱི་ཕྱོགས་ལ་སྟོན་རྒྱུའི་གདོང་འབག་ཅིག་ལས་དོན་དམ་
    གྱི་སྐད་ཆ་ཞིག་ཡིན་མི་སྲིད།

    Reply
  6. ཐེ་བོ་ཤེས་རབ་རྒྱ་མཚོ། says:
    ལོ་ 15 སྔོན།

    བཀུར་འོས་ཚོགས་གཙོ་ལགས། དོགས་ཟོན་མཛོད། དོགས་ཟོན་མཛོད། རྒྱའི་བཤད་སྟངས་ལ་ཡིད་ཆེས་བྱེད་རྒྱུ་དཀའ་མོ་ཡིན། ཁོ་བ་ཚོས་ཁ་ནས་བཤད་རྒྱུ་དང་ཡིག་ཐོག་ལ་འགོད་རྒྱུ་མི་གཅིག ཁོ་བ་ཚོས་ནང་ཁུལ་དུ་བཤད་རྒྱུ་དང་ཕྱི་ཕྱོགས་ལ་བཤད་རྒྱུ་མི་གཅིག གནད་དོན་གཅིག་བོད་དབྱིན་རྒྱ་གསུམ་གྱི་ནང་ལ་འབྲི་སྟངས་ཡང་མི་གཅིག ཡང་གཅིག་བཤད་ན་བོད་རྒྱའི་བར་གྱི་གནད་དོན་ནི་ཧྥུ་ཡིན་གྱི་རྒྱབ་ལྗོངས་དང་འབྲེལ་བ་གཏན་ནས་ཡོད་མི་སྲིད། དམར་ཕྱོགས་ཀྱི་ཆབ་སྲིད་ཀྱི་སྒྲོམ་གཞི་དེའི་ནང་མི་བཟང་པོ་ཡོང་སའི་ལམ་ཁ་གཏན་ནས་མེད། ཆབ་སྲིད་ཀྱི་སྒྲོམ་གཞི་དེའི་འོག་ནས་ཡོང་གིན་པའི་མི་དེ་ཚོ་ལ་བདེན་པ་དང་དྲང་པོའི་ལམ་ལ་ཞུགས་སའི་བར་སྟོང་ཞིག་གཏན་ནས་མེད། དེ་ནི་མཐོ་རིམ་མི་སྣའི་མི་གཞི་བཟང་ངན་དང་འབྲེལ་བ་ཡོད་པ་ཞིག་མ་ཡིན་པར་དེ་ལས་ལྡོག་སྟེ་ཆབ་སྲིད་ཀྱི་སྒྲོམ་གཞི་དེ་ལ་བརྟེན་ནས་ཡིན།

    Reply
  7. ངག་དབང་རབ་རྒྱས། says:
    ལོ་ 15 སྔོན།

    སྤྱི་འཐུས་ཚོགས་གཙོ་མཆོག་རྒྱ་ནག་གི་ཕྱི་སྲིད་བློན་ཆེན་གཞོན་པ་མཇལ་འཕྲད་བྱུང་བ་དགའ་བསུ་ཡོད། ཡིན་ནའང་སྤྱི་འཐུས་ཚོགས་གཙོ་མཆོག་རྒྱ་ནག་གི་ཕྱི་སྲིད་བློན་ཆེན་གཞོན་པ་ཐུག་འཕྲད་བྱས་པ་དེ་རྣམ་པ་དང་ངོ་བོ་ག་འདྲ་ཞིག་གི་ཐོག་ནས་ཐུག་ཡོད་ན། ངའི་ཚོར་སྣང་ལ་ཚོགས་གཙོ་མཆོག་རྒྱ་ནག་གི་ཕྱི་སྲིད་བློན་གཞོན་པས་གསལ་འགོད་གསལ་བསྒྲགས་བྱས་སར་ཟུར་ཉན་འདྲ་པོ་འགྲོ་ས་རག་ཏེ་ཐུག་པ་མིན་འགྲོ་བསམ་གྱི་འདུག གལ་སྲིད་དེ་ལྟར་ཡིན་ན་ཅུང་མ་འགྲིག་པ་རེད། ང་ཚོའི་ཆེས་མཐོའི་འགོ་ཁ྄ིད་གཅིག་གི་གོ་སྐབས་དེ་འདྲ་ཟིན་ཏེ་རྒྱ་ནག་གི་དཔོན་རིགས་ཐུག་རྒྱུའི་གོ་སྐབས་ཚོལ་བསྡད་པ་ཡིན་ན། ང་ཚོར་བདེན་པ་མེད་པ་འདྲ་པོ་དང་བྱབ་ཆུང་གི་ལས་ཀ་ཞིག་མ་རེད་དམ། སྤྱིར་རྒྱལ་ཁབ་གི་དཔོན་རིགས་ཐུག་འཕྲད་བྱེད་སྟངས་རྣམ་པ་མི་འདྲ་བ་མང་པོ་ཡོད་ཅིང༌། དེ་ཡང་ཡོངས་གྲགས་དང་ཡོངས་གྲགས་མིན་པ་རིགས་གཉིས་ཡོད་ལ། འཆར་གཞི་མེད་པར་གོ་སྐབས་ཟིན་ཏེ་ཚོགས་འདུ་དང་གསར་འགོད་གསལ་བསྒྲགས་སོགས་ཀྱི་ཟུར་ཉན་དང་ལམ་དུ་འགྲོ་ཞོར་ལ་ཐུག་འཕྲད་བྱས་པ་དེ་འོས་འཚམས་ཤིག་རྩ་བ་ནས་མཐོང་གི་མི་འདུག ང་ཚོ་འདི་ལྟར་གོ་སྐབས་ཚོལ་དགོས་དུས་བདེན་པའི་འཐབ་རྩོད་དང་དྲང་བདེན་ལ་ས་སོ་རང་ཉིད་ནས་བརྩི་མེད་བཏང་བ་དང་གཅིག་མཚུངས་མ་ཡིན་ནམ། ལྷག་པར་དཔར་འདི་ལ་བལྟ་དུས་ཚོགས་འཙོ་མཆོག་འཚོགས་འདུ་ཞིག་གི་རྒྱབ་ཏུ་བཞུགས་ཡོད་པ་འདྲ་པོ་འདུག

    Reply
  8. ཀརྨ་རྡོ་རྗེ། says:
    ལོ་ 15 སྔོན།

    བོད་རྒྱའི་ཞི་མོལ་སྐབས་ཐ་མ་དེ་དང་། ཚོགས་གཙོ་མཆོག་དང་ཧྥུ་ཡིན་ལགས་གཉིས་ཀྱི་མཇལ་གཉིས་ཕྲད་གཉིས་དོན་ཕན་གང་ཆེ་བ་འདུག་སོམས་དགོས་འདུག

    Reply
  9. ཨ་རིག་འགྱུར་མེད། says:
    ལོ་ 15 སྔོན།

    ཚོགས་གཙོ་མཆོག་གིས་བཤད་སྟངས་ལ་བལྟས་ན། ཡང་རྣམ་འགྱུར་བཟང་མིན་གྱི་སྐད་ཆེ་རྙིང་པ་དེ་རེད། སྐད་ཆ་འདིའི་རིགས་བོད་གཞུང་གིས་ཐེངས་མང་བོར་བཤད་པ་རེད་ལ། སྐུ་ཚབ་ཚོས་དེ་བས་ཀྱང་མང་བོ་བཤད་པ་རེད། རྣམ་འགྱུར་བཟང་བས་ཅི་ཕན། རྒྱ་དཀར་ནག་གཉིས་ཀྱི་སྲིད་འཛིན་དང་ཨ་རིའི་སྲིད་འཛིན་སོགས་མཇལ་འཕྲད་སྐབས་ཀྱང་རྣམ་འགྱུར་བཟང་ཐག་ཆོད་ཡོད་པ་རེད། ཡིན་ནའང་། གནད་དོན་གཙོ་བོ་གཏིང་ན་ཡོད། དེ་ཐུགས་ནས་མ་གཉེས་པ་གནང་རོགས།

    Reply
  10. ཐོ་རེངས says:
    ལོ་ 15 སྔོན།

    ད་ལྟའི་བོད་མི་མང་སྤྱི་འཐུས་ཚོགས་གཙོའི་ལམ་དེ་ནོར་མེད་ས་ཞིག་ལ་བསླེབས་འདུག མ་འོངས་པར་ཡང་དེ་ལྟར་གནང་དགོས་ངེས་འདུག
    ང་ཚོའི་འགོ་ཁྲིད་གཞན་ཚོས་ཀྱང་དེ་ལྟའི་གོ་སྐབས་འཚོལ་དགོས་འདུག

    Reply
  11. ནད་པ says:
    ལོ་ 15 སྔོན།

    རྒྱ་ནག་ཕྱི་སྲིད་བློན་ཆེན་མཆོག་དང་བོད་མི་དམངས་སྤྱིའཐུས་ཀྱི་ཙོགས་གཙོ་རྣམཝ་གཉིས་མཇལ་འཕྲད་གནང་ཐུབ་པ་དེ་དོན་སྙིང་ལྡན་པའི་ཕྱོགས་གཉིས་ཀའི་རྩ་དོན་ཞིག་རེད།

    ངས་སེམས་གཏིང་ནས་སྔ་ཕྱི་མ་གཏོགས་རྒྱ་བོད་གཉིས་ཀྱི་གནད་དོན་དེར་གྲུབ་འབྲས་ཤིག་ཐོན་གྱི་ཡོད་པར་ཡིད་ཆེས་བྱེད། གང་ཡིནཟེར་ན་མཁྱེན་རླབས་མཚངས་ཟླ་མ་མཆིས་པའི་བོད་ཀྱི་དབུ་འཁྲིད་༸ གོང་ས་ཡིད་བཞིན་ནོར་བུ་མཆོག་དང་།

    བཙན་བྱོལ་བོད་གཞུང་གཉིས་ཀྱིས་རྒྱ་ནག་སྟོབས་ཆེན་གྱི་རྒྱལ་ཁབ་དེ་ཁ་བྲལ་དུ་གཏོང་རྒྱུའི་མདུན་པ་མེད་ལ་ད་དུང་རྒྱ་ནག་གི་མི་དམངས་དུང་ཕྱུར་བཅུ་གསུམ་ལ་ལྷག་བསམ་རྣམ་དག་གིས་རྒྱ་བོད་མཉམ་གནས་ཐོག་ཞབས་འདེགས་ཞུ་རྒྱུའི་རེ་བ་གནང་བཞིན་ཡོད།

    དེ་འདྲ་སོང་ཙང་རྒྱ་ནག་དབུས་གཞུང་གིས་སྔ་ཕྱི་མ་གཏོགས་བོད་ཀྱི་གནད་དོན་དེར་ལག་པ་ཞིག་མ་འཆང་ན་མཐར་རྒྱ་བོད་ཕྱོགས་ཀར་གནོད་སྐྱོན་ཚབས་ཆེ་ཕོག་ངེས་ལས་གཞན་མེད།

    བོད་རྒྱ་གཉིས་ཞི་མོལ་བྱུང་ན་དེས་རྒྱ་བོད་གཅིག་ཏུ་བསྒྲིལ་བའི་སྟོབས་ཆེན་མེས་རྒྱལ་རྒྱལ་ངེས་ཡིན་ལ་བོད་མི་རིགས་རྣམས་ཀྱང་རྒྱལ་ངེས་ཡིན། དེ་ནི་ཕན་ཚུན་ཕྱོགས་གཉིས་ཀའི་ཐུན་མོང་གི་ཁེ་ཕན་ཞིག་ཡིན་པ་ལས་གྱོང་གུན་ཞིག་གཏན་ནས་མིན།

    Reply
  12. གཅན་ཚ་དཔལ་ལྡན། says:
    ལོ་ 15 སྔོན།

    མོས་སྐད་ཆ་ཡག་པོ་ཞིག་བཤད་འདུག་ཀྱང་། གྲངས་ཉུང་མི་རིགས་སོག་པོ་ཞིག་ཡིན་སྟབས་རེ་བ་ཡོད་ཀྱི་མ་རེད། མོ་གུང་ཁྲན་ཡིན་ཡང་། སེམས་ནང་དུ་༧གོང་ས་མཆོག་ལ་ཏན་ཏན་དད་པ་ཡོད་ཀྱི་རེད་ད། ཧེཧེ་ཧེ།

    Reply
  13. སྨར་དྷཱིཿཟེར། says:
    ལོ་ 15 སྔོན།

    འདི་ནི་སྤེན་པ་ཚེ་རིང་གི་ད་བར་དུ་བོད་པའི་སྤྱི་ཚོགས་ནང་ཕྱག་ལས་གནང་ཚད་ནང་
    ནས་ཕུལ་དུ་བྱུང་བ་དེ་ཡིན་ལ་མ་འོངས་པ་ལོ་རྒྱུས་ཀྱི་སྟེང་དུ་བཞག་དགོས་ངེས་ཤིག་ཀྱང་ཆགས་འདུག་
    ད་ནི་བོད་གཞུང་གིས་ཀྱང་གོ་སྐབས་འདི་ལྟ་བུ་མང་དུ་རགས་ཐབས་གནང་དགོས་རྒྱུ་དེ་
    གལ་ཆེ་མངོན།

    Reply
  14. གཅན་བཟོད་རྒྱམ། says:
    ལོ་ 15 སྔོན།

    འདི་རྟེན་འབྲེལ་ཞུ་དགོས་ས་ཞིག་རེད། ད་མུ་མཐུད་ནས་འདི་གོ་སྐབས་རེ་ཨེ་རེག་དམ་འཛིན་བྱེད་དགོས་འདུག་ཡ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese