ཞི་ཅིན་ཕིན་གྱིས་རྒྱལ་སྤྱིའི་སྤྱི་ཚོགས་དང་རྒྱལ་ས་ཁག་འགྲིམ་བཞིན་རྒྱ་ནག་གི་སྲིད་འཛིན་ལ་སྐྱོད་བཞིན་འདུག་ཟེར།
རྒྱལ་སྤྱིའི་སྲིད་དོན་ཆེད་ལས་མཉམ་ཞིབ་པ་དག་གི་མོ་རྩིས་སུ་ཇི་ལྟར་བབ་པ་ལྟར། རྒྱ་ནག་གི་སྲིད་འཛིན་ཧུའུ་ཅིན་ཐའོ་ཡི་རྗེས་འཇུག་པར་སྒྲོག་བཞིན་པའི་ཞི་ཅིན་ཕིན་གཞི་ནས་ལམ་ལ་ཆས་ཡོད་ཅིང་། ཚང་མས་ཁོང་གི་ཕྱོགས་སྐྱོད་ལ་ཅེར་ཡོད་པ་རེད།
ཞི་ཅིན་ཕིན་ནི་ ༢༠༡༢ ལོར་རྒྱ་ནག་གི་སྲིད་འཛིན་ཧུའུ་ཅིན་ཐའོ་ཡི་ཚབ་ལ་ཡོང་རྒྱུ་ཡིན་པའི་ཚོད་དཔག་བྱེད་ཀྱིན་ཡོད་ལ། ད་སྐབས་ཁོས་རྒྱལ་སྤྱི་རང་བཞིན་གྱི་ཕྱོགས་སྐྱོད་རིང་པོ་ཞིག་གི་མགོ་བཙུགས་ཤིང་། འཛམ་གླིང་གི་དབུ་ཁྲིད་གལ་ཆེན་པོ་མང་པོར་ལག་འཇུ་བྱེད་བཞིན་ཡོད་འདུག་ལ། ཁོའི་འགྲོ་སྟངས་དེ་ནི་ཧུའུ་ཅིན་ཐའོ་ ༢༠༠༢ ལོའི་ཡར་སྔོན་ལ་རྒྱལ་སྤྱིའི་སྟེང་སྐོར་བསྐྱོད་བྱེད་ཕྱོགས་དང་གཅིག་མཚུངས་ཡིན་ཚུལ་འདུག ད་བར་དུ་ཁོ་རྒྱལ་ཁབ་གང་འཚམ་ཞིག་ལ་བསྐྱོད་ཚར་ཡོད་འདུག
བདུན་ཕྲག་རྗེས་མའི་ནང་དུ་ཁོས་བྷང་ལ་ཌེ་ཤི་དང་། ཨོ་སི་ཊོ་ལི་ཡ། ནེའུ་ཛི་ལན་ཌི་བཅས་སུ་སྐོར་བསྐྱོད་བྱེད་རྒྱུ་ཡིན་འདུག ཁོའི་སྐོར་བསྐྱོད་སྐབས་སུ་རྒྱལ་དོན་གྱི་བྱ་བཞག་ཆེན་པོ་ག་རེ་ཡོད་མེད་ཐད་གསལ་ཁ་མི་འདུག
གསར་འགྱུར་འབྲི་མཁན། ལུང་རིགས་རྒྱལ།
རང་ཕྱོགས་ནས་རྒྱ་ནག་གི་འགོ་ཁྲིད་རིམ་པ་རེ་རེའི་ཕྱོགས་ལ་མུན་པའི་ཁྲོད་ནས་ཚོད་བགམ་འདྲ་མིན་བྱེད་ཡོད་ན་ཡང་། རྒྱ་ནག་གི་འགོ་ཁྲིད་བརྗེ་སྤོར་ཁྲོད་རང་ཕྱོགས་ལ་རེ་བ་གང་ཡང་ཐོབ་མེད་ཚོད། ཞི་ཅིན་ཕིན་གྱི་ནང་ཁྲོད་རྒྱ་རྒྱུ་མ་གང་ལ་འདྲེས་ཡོད་པ་དང་། མི་འདི་རྒྱ་ནག་སྲིད་སྟེགས་ལ་ཅི་ལྟར་འཛེགས་ཡོང་བ་སོགས་ཀྱི་ཐ་ན་ཤེས་བྱ་ཡག་པོ་ཞིག་ཤེས་མཁན་བོད་མི་ཚོའི་ཁྲོད་དུ་ཁག་པོ་རེད།
ཞི་ཅིན་ཕིན་གྱིས་ཧུ་སོགས་དཔོན་རིགས་གོང་མ་རྣམས་ཀྱི་ལཊ་ཟློག་གིས་རང་ཉིད་རྒྱལ་སྤྱིའི་སྤྱི་ཚོགས་ནང་མིང་གྲགས་ཞིག་བཟོ་འདོད་པ་དེ་ནི་རྒྱ་ནག་དཔོན་རིགས་རིམ་པས་གཡོག་འཕྲུལ་ཞིག་ཡིན་ཞིང་། ད་དུང་ཁོང་ཚོས་དེ་དང་མཉམ་དུ་མངོན་འགྱུར་བཞི་དང་འཆམ་མཐུན་གྱི་སྤྱོར་ཚོགས་ཟེར་བ་སོགས་རང་རང་གིས་ལམ་ཕྱོགས་འདྲ་ཞིག་གསར་གཏོད་ཡིན་བརྫུལ་གྱིས། འཛམ་གླིང་མི་དམངས་དང་ཡང་སྒོས་རྒྱ་ནག་མི་དམངས་ལ་མགོ་བསྐོར་གཏོང་སྲོལ་་ཞིག་ཡོད་པ་དེ་ཁོང་གིས་ཀྱང་མུ་འཐུད་རྒྱུན་སྲེངས་འདོད་ཡོད་པ་རེད། དེ་མིན་ཞི་ཅིན་ཕིན་ཧུ་ཡི་ཚབ་ཏུ་ཡོང་རྒྱུར་གུང་ཁྲེན་གྱི་ལྟ་བ་འཁྲིགས་འཛིན་པ་ཚོས་ཁ་ལེན་པ་ཤིན་ཏུ་དཀའོ།
རེད་རེད་ངོ་མ་གནད་འགག་ཅན་གྱི་གསར་འགྱུར་རེད་ཐུགས་རྗེས་ཆེ། གོང་དུ་བཤད་པ་བཞིན་རྗེས་འཇུག་པ་དེའི་སྐོར་བསྐྱོད་ཀྱི་ལས་དོན་དེ་དག་གཞུང་ཕྱོགས་དང་འབྲེལ་བ་ཡོད་མེད་ལ་གསལ་ཆ་རེ་འུ་འདུག ཡང་བོད་པའི་གཉེན་པོ་ཞིག་སླེབས་ལ་ཉེ།