ན་གཞོན་རྩོམ་པ་པོ་སྒོ་ཡོན་དང་། ཧོར་དགེ་འདུན་བཟང་པོ། ཤེས་རབ་གསུམ་རྒྱའི་ཉེན་རྟོག་པས་གློ་བུར་འཛིན་བཟུང་གིས་འདྲི་གཅོད་དང་རྡུང་རྡེག་ཚད་མེད་བཏང་བའི་རྐྱེན་གྱིས་ད་ལྟ་སྨན་ཁང་དུ་ཉལ་དགོས་པ་བཟོས་ཡོད་འདུག རྒྱལ་མཚམས་མེད་པའི་གསར་འགོད་མཐུན་ཚོགས་ཀྱིས་རྒྱ་གཞུང་ལ་སྐྱོན་བརྗོད་བྱས་འདུག
འདི་གར་བཏང་བའི་གནས་ཚུལ་ལྟར་ན། བོད་ནས་འབྲེལ་ཡོད་ཀྱི་ཁ་པར་རྒྱུད་ནས་གནས་ཚུལ་ངོ་སྤྲོད་གནང་དོན། སྤྱི་ཟླ་ ༦ ཚེས་ ༥ ཡི་དགོང་མོའི་དུས་ཚོད་ ༡༡ དང་ ༡༢ ཡས་མས་སུ། ཁམས་ཕྱོགས་ཀྱི་ན་གཞོན་རྩོམ་པ་པོ་སྒོ་ཡོན་དང་ཐུར་རམ་དགེ་འདུན་བཟང་པོ། ཁོང་གཉིས་ཀྱི་སློབ་གྲོགས་གསེར་རྟ་ཤེས་རབ་གསུམ་ཁྲིན་ཏུའུ་གྲོང་ཁྱེར་གྱི་བོད་མི་སྡོད་སྒར་ཁྲོམ་གྱི་བྱང་གི་སྲང་ལམ་ཞིག་ཏུ་དགོང་ཟས་ཤིག་ཟ་རུ་འགྲོ་སྐབས། གློ་བུར་དུ་ཉེན་རྟོག་པའི་རླངས་འཁོར་གཅིག་དང་རླངས་འཁོར་གཞན་འགའ་ཡི་ནང་ནས་དྲག་ཆས་སྤྲས་མེད་པའི་ཉེན་རྟོག་པ་བཅོ་ལྔ་ཡས་མས་ཤིག་བབས་ནས་ཁོང་གསུམ་རུབ་སྟེ། ཁོང་ཚོའི་ལུས་སྟེང་དུ་སྦྲིད་རྫས་ཤིག་གཏོར་རྗེས་ལྕགས་དབྱུག་སོགས་ཀྱིས་མགོ་དང་རྐང་པ་ལ་གང་བྱུང་གཞུས་ནས་དྲན་པ་འཐོར་རྗེས་རླངས་འཁོར་ནང་བཅུག་ནས་ཁྲིམས་ལས་ཁང་ཞིག་ཏུ་ཁྱེར་ཞིང༌། དེ་ནས་རྐང་ལག་བསྡམས་ནས་ཆབ་སྲིད་ཀྱི་ལས་ཀ་ཅི་ཞིག་བྱས་ཡོད་པ་སོགས་ཀྱི་ཚ་འདྲི་དང་གློག་རྒྱུག་སོགས་ལག་ཆ་འདྲ་མིན་གྱིས་རྡུང་རྡེག་ཚད་མེད་བཏང་བར་མ་ཟད།གཟུགས་པོ་དང་ཁུག་མ། ཁ་པར་དང་པར་ཆས་སོགས་བསྔོག་བཤེར་ཡང་བྱས་འདུག ད་དུང་མེ་མདའ་ཐོད་པར་བཙུགས་ཏེ་དྲང་པོར་མ་བཤད་ན་ད་ལྟ་ཉིད་དུ་འདི་ནས་གསོད་ངེས་ཡིན་ལུགས་ཀྱི་འཇིགས་སྐུལ་ཡང་བྱས་འདུག ཁོང་ཚོས་རང་ཉིད་འཇུ་བཟུང་དགོས་དོན་ཅི་ཡིན་མིན་ཉེན་རྟོག་མི་སྣར་ཕར་དྲིས་དུས་སྔར་ལས་ཆེ་བའི་གཅར་རྡུང་བྱེད་པ་ལས་གསལ་བཤད་ཅི་ཡང་བྱས་མི་འདུག
ཁོང་གསུམ་ལ་ཚ་འདྲི་དང་རྡུང་རྡེག ཁུག་མ་དང་དཔར་ཆས་སོགས་བསྔོགས་གཤེར་བྱས་པ་ལས་ཁྲིམས་ཀྱི་ནག་ཉེས་འཕོག་པའི་གནད་དོན་གང་ཡང་མ་རག་སྟབས། འདྲ་པར་ཁ་ཤས་སྒྲོན་ནས་ཐོབ་ཐང་དཔང་ཡིག་གི་ཨང་གྲངས་མཉམ་དུ་དྲ་ལམ་ཞིག་ཏུ་ཉར་ཚགས་བྱས་ཏེ་སྔ་དྲོའི་དུས་ཚོད་ ༨ ཡས་མས་སུ་གློད་གྲོལ་བཏང་འདུག འགྲོ་ཁར་ད་དུང་དུས་ཚོད་ངེས་མེད་ཐོག་འཛིན་བཟུང་བྱ་ཆོག་ཆོག་ཡིན་པའི་ཉེན་བརྡ་ཡང་བཏང་འདུག
ཕྱི་ཚེས་ ༡༠ ཉིན་ཧྥ་རན་སིར་རྟེན་གཞི་བྱས་ཡོད་པའི་རྒྱལ་མཚམས་མེད་པའི་གསར་འགོད་མཐུན་ཚོགས་ཀྱིས་གསར་འགོད་གསལ་བསྒྲགས་ཤིག་སྤེལ་ཏེ། འདས་པའི་ཟླ་ངོ་འདི་དག་གི་རིང་རྒྱ་ནག་གཞུང་གིས་བོད་རིགས་རྩོམ་པ་པོ་དང་། གསར་འགོད་པ་རྣམས་ལ་བཀག་ཉར་དང་དྲག་རྡུང་བྱེད་པའི་དོན་རྐྱེན་ཚབས་ཆེན་གཉིས་བཟོ་བཞིན་པའི་ཐད་སྐྱོན་བརྗོད་བྱེད་ཀྱིན་ཡོད་ཅེས་བཤད་ཡོད་པ་རེད།
མཐུན་ཚོགས་འདིས་སྒོ་ཡོན་སོགས་རྩོམ་པ་པོ་གསུམ་ལ་ཉེས་རྡུང་བཏང་བའི་སྐོར་དང་། ཕྱི་ཟླ་ལྔ་བའི་ཚེས་ ༢༤ ཉིན་རྔ་བ་ནས་འབྲོག་རུ་ཚུལ་ཁྲིམས་འཛིན་བཟུང་བྱས་པ་བཅས་ལ་སྐྱོན་བརྗོད་བྱས་ཡོད་པ་རེད།
རྩོམ་པ་པོ་སྒོ་ཡོན་ནི་བྲག་འགོ་སྒོ་ཆེན་དགོན་པའི་གྲྭ་བ་དང་གངས་གཞོན་སྨྱུག་ཚོགས་ཀྱི་ཚོགས་མི། «བོད་»ལོ་དེབ་དང«སྤུར་རྒྱལ་གྱི་རྣམ་ཤེས»ལོ་དེབ་གཉིས་ཀྱི་རྩོམ་སྒྲིག་པ་ཡིན་འདུག་ལ། རྩོམ་པ་པོ་ཐུར་རམ་ཧོར་དགེ་འདུན་བཟངཔོ་ནི་བྲག་འགོ་ནས་ཡིན་་པ་དང་རང་དབང་རྩོམ་པ་པོ་ཞིག་ཡིན་འདུག རྩོམ་པ་པོ་ཤེས་རབ་ནི་གསེར་རྟ་ནས་ཡིན་འདུག་པ་དང་།ཁོང་གསུམ་ཀ་ཁམས་གསེར་རྟ་བླ་རོང་དགོན་པ་ནས་སློབ་སྦྱོང་བྱས་ཤིང་། ད་ལྟར་ཁྲིན་ཏུ་རུ་རྒྱ་ཡིག་ལ་སློབ་གཉེར་བྱེད་བཞིན་ཡོད་འདུག
གསར་འགྱུར་སྤེལ་མཁན། ལུང་རིགས་རྒྱལ་ཡིན།
འུ་ཚང་གི་རྩོམ་པ་པོ་འདི་ཚོར་རིན་ཐང་ཞིག་མེད་ན། ནག་ཉེ་ཅི་ཡང་མེད་པའི་ཁོར་ཡུག་ཅིག་ཏུ་འཚོ་བ་སྐྱེལ་གྱིན་སྣང་ཡང་། གནས་ཚུལ་འདིས་ཁོང་ཚོས་གནང་བའི་མི་རིགས་ཀྱི་བྱ་བ་དང་ཁོང་ཚོར་ཡོད་པའི་རླབས་ཆེན་གྱི་གཟི་བྱིན་ལ་རྒྱའི་ཕྱོགས་ནས་ཕྲག་དོག་པའམ་སྙིང་ཁ་ཡི་ཡོད་པས་རེད། ཕྱོགས་གང་ནས་བལྟས་ཀྱང་བོད་པ་ཚང་གི་ཕོ་རྒོད་འདི་ཚོར་གུང་ཁྲན་གྱིས་ཇི་ཙམ་གནོན་ཡང་འོད་ནམ་མཁའ་ནས་འཕྲོས་ཡོང་ལ། བོད་ཕྱོགས་ནས་ཀྱང་ངར་རྒོད་དང་སེམས་ཤུགས་མེ་ལྟར་འབར་ནས་ཡོང་དུས་རྒྱས་ཉི་ཤར་སྦར་མོས་ཁེབ་ཐུབ་ཀྱི་མ་རེད། རེམས་རེམས་རེམས་རེམས་རེམས་་་་་་་་་
ངོ་མ་དམར་པོའི་གཞུང་གིས་འདུག་གི་མ་བཅུག་ནི་རེད་གོ།
འུ་ཚང་གི་ཆེས་མཐོ་དང་ཆེས་ཡག་གི་མི་བུ་ཚོ་མེད་པར་བཏང་དང་ན་ད་འུ་ཚང་ནི་བེམ་པོ་ལྟ་བུར་གྱུར་སོང་ནི་རེད་ཡ།ཨ་་་་་་ཤུ་རེ་ཁོ་་་་་་་་་་་་་་་་་་་
ཨ་ཨ་ཨ། ད་ང་ཚོའི་བོད་ལ་ཅི་ཡོད་གང་ཡོད་ཚང་མ་རེ་རེ་བྱས་ནས་ཚར་གཅོད་བྱེད་མགོ་བརྩམས་འདུག་གཱ ང་སྒོ་ཡོན་གྱིོས་བྲིས་པའི་ནུབ་བྱང་མི་རིགས་སློབ་གྲྭའི་མཐོང་ཐོས་བཀླགས་ནས་ཁོང་གི་རྩོམ་གཤིས་ལ་ཧ་ཅང་དགའ་མཁན་ཞིག་ཡིན། དུས་དེ་ནས་ངས་སྒོ་ཡོན་ཞེས་པའི་རྩོམ་པ་པོ་ཁོང་ལ་རེ་བ་དང་ཡིད་ཆེས་བྱེད་ཀྱིན་ཡོད།
མི་ནག་ཚང་ལགས
ཁོང་གསུམ་ལ་ནག་ཉེས་བཀལ་རྒྱུ་ཅི་ཡང་རག་མི་འདུག འོན་ཀྱང་མི་སྤྱོད་ལས་འདས་པའི་རྡུང་རྡེག་བཏང་འདུག
དེང་སང་བོད་ན་ཡོད་པའི་རྩོམ་པ་པོ་ཡོད་ཚད་ལ་འདི་ལྟ་བུའི་འཇིགས་སྐུལ་དང་རྡུང་རྡེག་རག་གིན་འདུག་ཟེར་གྱིན་འདུག
ང་ཚོ་འདི་ལྟར་ཁོང་ཚང་གིས་རྩ་མེད་བཟོ་བཞིན་ཡོད་རེད། རྩོམ་པ་པོ་ཚོ་་་་་་རྩོམ་པ་པོ་ཚོ་་་་་་རྩོམ་པ་པོ་ཚོ་་་་་་
དགྲ་དམར་པོས་བཙན་མནན་བྱས་པ་བཞིན།
ཤི་མྱ་བའི་ཡུལ་ན་ཨེ་ཡོད་དམ།
རྒྱ་ནག་པོས་བོད་མི་རྡུང་བ་བཞིན་།
ལུས་དུར་འགྲོ་ལེན་ཀྱང་ཨེ་ཡོད་དམ།
རྒྱ་ནག་པོའི་རྩ་ཁྲིམས་འདི་ཡི་འོག
མི་མ་ཤི་མྱ་བ་མྱོང་བཞིན་ཡོད།
དགྲ་དམར་པོའི་ཁྲིམས་ཁང་འདི་ཡི་ནང།
བོད་ཉེས་མེད་སྲོག་ཁྲིམས་གཅོད་བཞིན་ཡོད།
ཤ་ཚ་བཞིན་ཨེ་ཡོད་བཀའ་བློན་ཚོ།
སྙིང་རྗེ་བཞིན་ཨེ་ཡོད་སྤྱི་འཐུས་ཚོ།
དགྲ་དམར་པོའི་ངོ་སྲུང་བྱེད་བཞིན་དུ།
མུ་མཐུད་ནས་འདུག་རྒྱུ་ཡིན་ནམ་ཅི།
བོད་ནང་གི་རྩོམ་པ་པོ་དང་གཞས་པ། དགེ་རྒན། ཚོང་པ། ལས་བྱེད། ཐ་ན་བོད་རིགས་དམར་ཤོག་པ་ཚོ་བཅས་ནི་ད་སྐབས་རྒྱ་ནག་གཞུང་གིས་དམིགས་འབེན་དུ་བཟུང་འདུག
སྔོན་ཆད། བོད་ཕྱི་ཕྱོགས་ནི་དྲག་པོ་དང་ཉེན་ཁ་ཆེན་པོ་ཡིན་པ་དང་། བོད་ནང་ནི་འཇམ་པོ་དང་མཐུན་པོ་ཡིན་པའི་ལྟ་ཚུལ་ཞིག་རྒྱ་ནག་གཞུང་གིས་བཟུང་ཡོད་ཀྱང་། ད་ནི། བོད་ཕྱི་ཕྱོགས་ནི་ཞི་བ་དང་འཇམ་པོ་ཡིན་ལ། བོད་ནང་ནི་དྲག་པོ་དང་ཉེན་ཁ་ངོ་མ་དེ་ཡིན་པའི་ལྟ་ཚུལ་ཞིག་གང་མགྱོགས་མགྱོགས་ཀྱིས་ཡོང་རྒྱུ་ཡིན་པ་འདྲ།
ཉེན་རྟོག་པ་ཚོས། བོད་མི་འདི་དག་གིས་ཉེས་པ་བསགས་པའི་ཁུངས་སྣེ་ཅི་ཡང་རྙེད་མི་འདུག
ང་ཚོས་ཕྱིར་གང་རྙེད་པ་ནི། རྒྱ་ནག་གཞུང་གིས་བོད་རིགས་ཚོའི་སེམས་ལ་སྙིང་ནད་གསོག་གིན་འདུག སྙིང་ནད་ཆེན་པོ་ཞིག་བསགས་རྗེས་སྙིང་ནད་དེ་རྣག་ཁྲག་བརྡོལ་བ་ལྟར་ཡོང་གི་རེད། དེ་དུས་བོད་རྒྱ་གཉིས་མུ་མཐུད་ནས་འཐབ་དགོས་པ་འདྲ།
བཀའ་དྲིན་ཆེ།གསར་འགྱུར་དེ་དྲ་ཐོག་ན་བཀོད་པ་བཀའ་དྲིན་ཆེ