རྒྱ་གར་གནམ་ཐང་དུ་འབྱོར་དུས་སུ་ང་རང་ཡོང་སའི་རྒྱལ་ཁབ་ཀྱི་མི་གཉིས་རྒྱ་གར་དུ་གསར་བ་སླེབས་ནས་གང་དུ་འགྲོ་དགོས་མིན་དེ་ཡག་པོ་མ་ཤེས་པར་ལུས་འདུག་པ་དེ་གཉིས་ལ་རོགས་བྱས་དེ་ཁོ་གཉིས་འགྲོ་སའི་ས་དེར་བསྐྱལ་རྗེས་སུ། ང་རང་ས་འོག་མེ་འཁོར་ནང་དུ་བསྡད་དེ་མ་ཅང་ཀྲེ་ལའི་ཕྱོགས་སུ་ཕྱིན་པ་ཡིན།
མ་ཅང་ཀྲེ་ལར་འབྱོར་ནས་རང་གི་གྲོགས་པོ་ཞིག་ལ་ཁ་པར་བཏང་ནས་ང་རང་ལེན་དུ་ཡོང་བར་སྐུལ་བ་ལྟར། ཁོས་ཀྱང་ང་རང་ལེན་དུ་གྲྭ་བ་ཞིག་བཏང་འདུག གྲྭ་བ་དེ་ཡང་ང་རང་གི་ངོ་ཤེས་ཞིག་རེད། ངེད་གཉིས་ཀྱིས་ཁ་བརྡ་བྱེད་ཞོར་དུ་གྲོགས་པོ་དེ་ཡི་ནང་དུ་འབྱོར་མ་ཐག ངལ་ཅུང་ཙམ་གསོས་རྗེས་སུ་ཞོགས་ཇ་གྲ་སྒྲིག་ཟིན་པ་དེ་འཐུང་། ངས་རང་གི་གྲོགས་པོ་ལ་ང་རང་དོ་ནུབ་རྡ་སར་འགྲོ་བའི་རླངས་འཁོར་འཛིན་བྱང་ཞིག་ཉོ་རུ་འགྲོ་དགོས་ཀྱི་ཡོད་ཅེས་བཤད།
གངས་ལྗོངས་འགྲིམ་འགྲུལ་ལས་ཁུངས་དུ་སོང་ནས་རྡ་སར་འགྲོ་བའི་རླངས་འཁོར་འཛིན་བྱང་ཞིག་ཉོས། དེ་ནས་དྲ་ཁང་དག་ཉུལ་ནས་བོད་ཡིག་འབྲི་ས་ཞིག་བཙལ་ཡང་། དྲ་ཁང་གང་དུ་སོང་ན་ཡང་བོད་ཡིག་ཡོད་སའི་དྲ་ཁང་ཞིག་གཏན་ནས་རྙེད་མ་སོང་། སེམས་ནང་དུ་བོད་པ་མང་ས་རུ་བོད་ཡིག་འབྲི་སྤྱོད་བྱེད་མཁན་མི་འདུག་ཨང་སྙམ་པ་དང་ཞོར་དུ་རྒྱ་ཡིག་བེད་སྤྱོད་གཏོང་མཁན་མང་བོ་ཡོད་ས་རེད། དྲ་ཁང་གང་དུ་སོང་ཡང་རྒྱ་ཡིག་འདུག
ཕྱིར་ཉིན་སྔ་བོ་རྡ་སར་འབྱོར་སོང་། རྡ་ས་ནས་ཕ་མ་དག་དང་འཕྲད་རྗེས་སུ་ཉིན་བཀང་བརྒྱབ་དུ་ཕ་མ་ཚང་མ་འཁྲིད་དེ་དྲ་ཁང་དུ་བརྙན་འཕྲིན་འཕྲིན་གཏོང་བརྒྱུད་དེ་རང་གི་བུ་མོ་བསྟན་པ་ཡིན། དེ་ཡི་རྗེས་སུ་ཕ་མ་གཉིས་དང་ཨ་མྱེ་ནང་ལ་ཕར་འགྲོ་རུ་བཅུགས་རྗེས་སུ། ངས་དྲ་ཁང་མང་བོ་ཞིག་བོད་ཡིག་བཏགས་ས་ཡོད་མེད་སྐད་ཆ་དྲིས་ཀྱང་། རྡ་ས་མེག་ལོར་དུ་ཡང་བོད་ཡིག་ཐད་ཀར་འབྲི་སའི་དྲ་ཁང་གཅིག་ཀྱང་རེག་མ་སོང་། ད་དུང་། ལྡི་ལུ་མ་ཅང་ཀྲེ་ལ་དང་འདྲ་བར་དྲ་ཁང་ཆེས་མང་བོ་ཞིག་ལ་རྒྱ་ཡིག་ཐད་ཀར་འབྲི་སྤྱོད་བྱེད་སའི་དྲ་ཁང་མང་བོ་འདུག་པ་ལས། བོད་ཡིག་ཐད་ཀར་འབྲི་སའི་དྲ་ཁང་རེག་ཁག་པོ་འདུག
ཉིན་གསུམ་པ་ནོར་གླིང་ཉམས་ཞིབ་ཁང་དུ་གྲོགས་པོ་རྙིང་བ་ཞིག་ཡོད་པ་ཁོང་གིས་མགྲོན་འབོད་བྱས་པ་ལྟར། ཁོ་རང་ཡོད་སར་འབྱོར་ནས་ངས་དྲ་ཁང་ནང་དུ་བོད་ཡིག་འབྲི་ས་མི་རྙེད་པའི་དཀའ་ངལ་གྱི་སྐོར་གླེང་དུས། ཁོས་ང་ཚོ་ཡོད་ས་འདི་རུ་དྲ་ཁང་ནང་དུ་བོད་ཡིག་ཐད་ཀར་འབྲི་ས་ཡོད་པ་རེད་ཟེར། ངེད་གཉིས་ཀྱིས་ཁ་བརྡ་ཐུང་ཐུང་ཞིག་བྱས་རྗེས་སུ་ཐད་ཀར་ཟིན་བྲིས་ཐུང་ཐུང་འདི་སྤེལ་དུ་ཡོང་བ་ཡིན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཨ་ཨ་་་་ མ་ཡོང་མ་ཡོང་ང་གཅིག་ཡོང་ནས་སྡུག་མི་འདྲ་བ་ཞིག་མཐོང་འདུག་ག
བཟོད་པ་ལྷ་རྩེ་ལགས། ཉིད་ཀྱི་གསུངས་པ་དེར་རྗེས་སུ་ཡི་རུང་ཡོད་ལགས།
དྲྭ་གྲོགས་ཤ་ཁྲག་རུས་གསུམ་ལ་ཐོག་མར་རྡ་སར་འབྱོར་བ་བཀྲིས་བདེ་ལེགས་ཞུ་རྒྱུ་དང་། རྡ་ས་ནི་ཕྱིའི་རྒྱལ་ཁབ་ལྟར་གཙང་མ་ཞིག་མེད་ལ་རྡ་སའི་མི་རྣམས་ཀྱང་ཕྱིའི་རྒྱལ་ཁབ་ཀྱི་མི་ལྟར་བྲོས་ལ་མེད་པས་ཉིད་ནས་འཕྲོད་བརྟེན་ལ་ཟབ་དགོས། སྔར་དགོང་ལུས་རྩལ་ཅུང་ཟད་བརྩོད་དགོས། དེ་མིན་ན་སླར་ཕྱི་རྒྱལ་དུ་དཀའ་ངལ་ཕྲད་སྲིད་སྐུ་རྩེ་ཞུས། ཕ་མ་རྒན་ཁོག་ལ་བལྟ་ཙམ་བྱས་པ་ནི་དངོས་གནས་ལས་སླ་པོ་མ་རེད། དེང་སང་མི་དེ་འདྲ་ཤིན་ཏུ་དཀོན། ཕ་མ་རྒན་ཁོག་ཕྱི་རྒྱལ་དུ་རྒན་ཕོགས་ལེན་པ་མ་འཁྲིད་ལོ། རྒན་ཁོག་སྡོད་ས་རྒྱ་གར་ལས་ཡག་པ་མེད། དེ་ནི་སེམས་སྟེང་གི་སྐད་ཆ་ཡིན་ཉན་མི་ཉན་ཁྱེད་རང་གི་ཐུགས་འདོད་རེད།
སྤུན་ཟླ་ཁྱེད་ཅག་གིས་ཉིན་ལྟར་བདག་གི་ཟིན་བྲིས་སུ་ཕེབས་ནས་གཏམ་བཤད་དང་རང་རང་གི་བསམ་ཚུལ་གསུངས་པ་དེར་སེམས་གཏིང་ནས་དགའ་བོ་བྱུང་། མདོ་ལུ་འཁྱམས་པོ་ལགས དངོས་ནས་རེད། དེང་སང་རང་གི་སྐད་ཡིག་གི་རིན་གོང་གླེང་མཁན་དེ་དག་གི་འགྲམ་ནས་ཀྱང་ཚོར་བ་དེ་འདྲ་སྐྱེ་རུ་འཇུག་གི་འདུག དངོས་ནས་མཚམས་རེར་ངས་ཀྱང་རང་གི་ལྟ་ཕྱོགས་ནོར་བ་མིན་འགྲོ་བསམ་ནས་སེམས་ཁྲལ་བྱས་ཀྱང་། དོན་དངོས་དེ་འདྲ་རེད་མི་འདུག སྤུན་ཟླ་མི་ཉུང་བ་ཞིག་གི་སེམས་ཁོང་དུ་ནུབ་ཕྱོགས་ཟེར་བའི་ནད་ཚ་དེ་ཉིད་ལྕི་རུ་སོང་འདུག་པ་ལས། བོད་ཡིག་དང་བོད་སྐད་བཅིངས་པའི་ནད་ཚ་དྲག་བསྐྱེད་བྱུང་བཞིན་འདུག འདི་ནི་དངོས་ནས་འུ་ཅག་གི་སེམས་སྡུག་ལས་བཞུར་བའི་ནམ་ཡང་བརྗེད་དུ་དཀའ་བ་ཞིག་ལགས།
བོད་ཤ་ཁྲག་རུས་པ་ཁྱེད་ས་ཕྱོགས་གང་ནས་དྷ་སར་ཕེབས་པ་ཡིན་ནམ་
ཤ་ཁྲག་རུས་གསུམ་ལགས།
ངས་ཁྱེད་ཀྱི་གོ་ས་དེ་བཟུང་ན་འདོད་པས།
ཡང་ན་ཁྱེད་རང་ཕྱིར་གཤིགས་ཐེངས་ཤིག་བྱེད་རོགས།
ཡང་ན་ང་རང་ཡར་ལ་འཐེན་རོགས་ཞུ།
སྐུ་ཉིད་སྦིར་དང་ཅོན་ཏ་རའི་བོད་གཞིས་ཁུལ་དུ་སོང་དང་།
དེང་སང་གནས་དེར་གནམ་གཤིས་ཡག་ཅིང་རི་ལུང་མཛེས་པ་དང་།
བོད་སྐད་དག་ཅིང་བོད་གཤིས་ལྡན་མཁན་ཤིན་ཏུ་མང་།
ད་དུང་བོད་ཡིད་སྐྱོད་སའི་བོད་པའི་དྲ་ཁང་ག་ཚད་དགོས་དགོས་འདུག
ཨོ་ངས་ཁྱོད་ལ་འཚམས་འདྲི་བྱེད་རྒྱུ་བརྗེད་འདུག དགོངས་དག ལོ་དུ་མར་གྱི་རེ་སྒུག་གི་ཉི་མ་ཤར་བ་རེད། བཟང་གི། སྔར་གྱི་འཚོ་བ་དེ་ལ་དྲིན་གསོས་ཀྱིས་ཚོར་བ་མ་འདྲ་བ་རེ་སྐྱེས་ཡོད་སྲིད། མཐའ་དོན་ཕ་མ་གཉིས་དང་མཉམ་དུ་སྐྱིད་པོ་གང་མང་མང་ཐོངས།
ང་ཡང་༢༠༠༩་ལོར་རྡ་ས་ཡོང་སྐབས་དཀའ་ངལ་དེ་ག་རང་ཕྲད་བྱུང། ད་དུང་ངས་བོད་པ་ཚོ་ལ་བོད་སྐད་གཙང་བཤད་ཚེ་འཕྱ་སྨོད་བྱས་བྱུང། དེ་ལས་སྡུག་པ་ཞིག་ནི་བོད་ཀྱི་རྩོམ་པ་པོ་དག་དང་མཁས་བ་ཡིན་ཞེས་པ་ཁག་ལ་ཐུག་སྐབས། ཁོང་ཚོས་ཀྱང་བོད་སྐད་ནང་ལ་དབྱིན་སྐད་དག་མ་དག་ཁ་ཤས་དང་རྒྱ་སྐད་བསྲེས་ནས་ལན་སློག་བྱུང་བས་སེམས་པ་གཏིང་ནས་སྐྱོ་བྱུང།
ཟིན་བྲིས་སྤེལ་ཁོམ་མི་འདུག་ཀྱང་། དྲ་གྲོགས་སྐུ་ཉིད་དྷ་ས་ཆོས་ཀྱི་མགྲོན་ས། བོད་ཀྱི་རྒྱལ་ས་གཉིས་པ་བཞུགས་སྒར་དུ་ཕེབས་པར་བཅོས་མིན་གྱི་འཚམས་འདྲི་ཞུའོ། ། དྲ་གྲོགས་ལགས། སྐུ་འཚོ་འཕྲོད་བཞེས་དང་། བྱ་བ་ལམ་ལྷོང་། བསམ་དོན་ལྷུན་འགྲུབ་ཡོང་བར་ཤོག། ད་བདེ་མོ་བྱོས།།
ང་ལ་ཉི་མ་རྟག་པར་པར་དཀའ་ངལ་འདི་འཕྲན་ནས་བསྡད་ཡོད་རེད་་་་
ཁྱེད་ཚོ་ཨ་རི་བ་རྣམས་ལ་ཡང་དཀའ་ལས་འདི་ཁག་ན་་་ད་ག་རེ་བྱེད་དགོས་ན་་
ཧ་ྷ་ཧ་ཧཱ་ཧཱ་
ལྷམ་གོག་གསར་བ་འདྲ་དགོས་ན་དྲྭ་འབྲེལ་འདི་རྒྱུད་ཤོགས་
https://tibettimes.net/wordpress/blogs.php?id=186&post_id=9754
ཟིན་བྲིས་པ་རྣམས་ཅུང་ཉོབ་ཡོད་ཚོད་རེད།
གྲོགས་པོ་ལགས་ཁྱེད་རང་གི་གསུང་བ་བསྟར་ཡིན་ན་སེམས་སྐྱོ་དགོས་བའི་དུས་ཤིག་སླེབས་ཡོད་པ་འདྲ་ལྔ་བཅུ་ངའ་དགུའི་ལོར་བོད་དེ་རྒྱ་མི་བཙན་ཟོས་བྱེས་པ་རེད་ད་ཡང་བཙན་བྱོལ་ནང་དུ་རྒྱ་ཡིག་གི་བོད་ལ་བཙན་ཟོས་བྱེས་ཡོད་པ་འདྲ་དེ་དངོས་གནས་ང་རང་ཚོས་ནོར་བ་རང་རེད་ང་རང་ཚོ་ལམ་ནོར་ཐིང་གཅིག་ཤོར་ཚར་བ་རེད་ད་ཐིང་གཉིས་པ་རྩ་བ་ནས་ཤོར་ཆོག་གི་མ་རེད་གང་ཡིན་ཟེར་ན་ང་རང་ཚོ་བོད་མི་རིགས་ཀྱི་མ་འོངས་སྤུན་སླ་ཡོངས་ཀྱི་ལམ་སྟོན་གནང་མཁན་ཅིག་ཆགས་སྡེད་པ་རེད་ད་ལྟ་དེ་འདྲའི་ཡིན་བཞིན་དུ་ལམ་ནོར་ཤོར་བ་ཡིན་ང་ཚོ་མ་འོངས་སྤུན་ཟླ་དེ་ཚོར་ལ་སྐད་ཆ་བཤེད་མ་བདེ་བ་ཆགས་ཀྱི་རེད་ལ་མིརིགས་ཤིག་གི་ལོ་རྒྱུས་ནང་ངོ་ཚ་དགོས་པ་་ཞིག་མ་རེད་དམ།།
སྤུན་ཟླ་ཁྱེད་ཅག་གིས་ང་རང་འདི་རུ་འབྱོར་དེར་དགའ་བསུ་དང་བསྒྲགས་ནས་འཚམ་འདྲི་བྱས་པ་དེར་སེམས་གཏིང་རུས་པའི་གཏིང་ནས་བཀའ་དྲིན་ཆེ་ཞུ། ཡིན་ཡང་། དེང་སང་གྲོགས་པོ་ཞིག་གི་ལྷན་དུ་ནོར་གླིང་དུ་ཡོད་ཀྱང་། རི་སྒང་དུ་ཕྱིར་འབྱོར་བ་ཡིན་ན། དེ་ནས་བོད་ཡིག་བཏགས་སའི་ཆ་རྐྱེན་རེག་ཁག་ཙམ་འདུག གང་ལྟར། ངས་བོད་ཡིག་བཏགས་སའི་དྲ་ཁང་ཞིག་རྙེད་ཨེ་ཐུབ་ལྟ་ངེས་ཡིན། དེ་དུས་འུ་ཅག་གིས་སླར་ཡང་གླེང་མོལ་བྱེད་ཆོག རྡ་སའི་ཉེ་་ཁོར་དུ་དྲ་ཐོག་གི་སྤུན་ཟླ་ཟིན་བྲིས་པ་སུ་ཞིག་ཁོམ་པ་བྱུང་ན། འཕྲད་འདོད་དང་གཏམ་གླེང་བྱེད་འདོད་རེ་ཡོད་ན། བདག་ལ་འབྲེལ་བ་གནོངས་དང་ཁ་པར་ཨང་གྲངས་འདི་ཡིན། ༠༩༨༠༥༧༨༦༧༥༣
ཨ་ལ་སྔར་གྱི་དེ་ཀུ་རེ་ཡིན་ཐུགས་ཁོམ་ཡོད་ན་ལབ་ཡིན།
ཤི་མ་ཐུབ་ན་ཨང་གྲངས་ 0016048212969 འདིའི་སྒང་ལ་ཁ་པར་ཞིག་ཐོངས་ཤོག་ལོ།
སྐུ་ཞབས་ཤ་ཁྲག་རུས་གསུམ་རྡ་སར་ཕེབ་པར་དགའ་བསུ་ཞུ། གལ་སྲིད་ཁྱེད་ལ་བྲེལ་བ་དེ་འདྲ་མེད་ན་9816931333འདི་ལ་འབྲེལ་བ་ཞིག་བྱེད་རོགས།
དྲ་གྲོགས་ཤ་ཁྲག་རུས་གསུམ་ལགས། སྐུཉིད་རྒྱ་གར་ལ་བདེ་འབྱོར་བྱུང་བར་སེམས་སྟེང་ནས་དགའ་བསུ་ཞུ། རྒྱལ་ས་དང་རྡ་ས་གཉིས་ཀ་ནས་བོད་ཡིག་མ་རྙེད་པར་ནོར་གླིང་ནས་རྙེད་པའི་བཀའ་དྲིན་དེ་ཕལ་ཆེར་ང་ལ་འབྲེལ་བ་ཡོད་པར་འདོད། གང་ཡིན་ཞེ་ན། ངས་ནོར་གླིང་གི་དྲ་ཁང་ཁ་ཤས་ཤིག་གི་ནང་དུ་བོད་ཡིག་ཕབ་ལེན་བྱས་ཡོད། གུང་གསེང་གི་སྐབས་དག་ལ་སྐྱིད་པོ་ཡོང་བའི་རེ་བ་སྙིང་ནས་ཞུ
ཤ་ཁྲག་རུས་པ། ཁྱེད་བདེ་མོ་ཡིན་ན། ཁྱེད་རང་རྡ་སར་སླེབས་པ་བཀྲ་ཤིས་བདེ་ལེགས་ཞུ། སྐྱིད་པོ་ཡག་ཐོག་བཅོད་ཅིག་བཏང་རོགས། ད་བདེ་མོ་བྱས། རྗེས་ནས་འཇལ་ཡོང་།
དགེ་བཤེས་ལྷ་རམ་པ། (དགོད་གཏམ)
ཆུང་དུས་ནས་དགོན་པར་འཛུལ་ནས་རབ་ཏུ་བྱུང་བས། འཇིག་རྟེན་ཁྱིམ་པའི་ལས་ལ་རྒྱུས་མངའ་གང་ཡང་མེད་པར་ལོ་ན་ལྔ་བཅུའི་བར་དུ་ཆོས་ཀྱི་བསླབ་པ་སློབ་གཉེར་བྱས་ནས་མཐར་དགེ་བཤེས་ལྷ་རམས་པ་ཐོན་པ་དང་། ཕྱིས་སུ་དབྱིན་ཡིག་དང་བོད་ཀྱི་ཐུན་མོང་གི་རིག་གནས་སྤྱི་ལ་ཡང་གོ་བ་ཅུང་ཙམ་རྙེད་པར་གྱུར་བའི་དགེ་བཤེས་ཤིག་ཡོད་པ་རེད།
ནམ་ཞིག་གི་ཚེ་ཁོ་རང་ཨ་རིར་འབྱོར་བ་དང་། ཨ་རིའི་གྲོང་ཁྱེར་ཁག་ཏུ་ཨ་ཕོ་ཧོར་གྱི་རྣམ་ཐར་ཡང་གྲངས་མེད་པ་ཞིག་བཞག་མྱོང་བ་རེད། གང་ལྟར། མཇུག་མཐར་ལོ་ན་དྲུག་ཅུར་སླེབས་པའི་དབྱིན་རྨོ་ཞིག་གིས་་་་། སྣུམ་སྟུག་སྟུག་གི་དགེ་བཤེས་སྣ་ཆེ་འདི་འགུག་དགོས་འདུག་བསམ་ནས་ཁོང་རྨོ་མའའི་ནང་ལ་ཆོས་འདོན་པར་སྐད་བཏང་།
དགོང་མོ་དེར་རྨོ་མོས་སྔ་ས་ནས་གྲྭ་སྒྲིག་བྱས་ཡོད་པའི་གྱོན་གོས་དེ་དག་གོན། ནུ་མ་སྐྱི་ཁུག་འདྲ་བ་དེ་བྲང་ནས་ཕྱི་ལ་བསྟན་ཙམ་གྱིས་དགེ་བཤེས་ལྷ་རམས་པ་མཆོག་ལ་གསོལ་ཚིགས་དྲངས། སྐབས་དེར་ལྷ་རམས་དགེ་བཤེས་མཆོག་གིས་རྨོ་མོ་དེར་བོད་ཀྱི་ཆོས་དང་རིག་གཞུང་སྐོར་ལ་ངོ་སྤྲོད་ཀྱི་སྐད་ཆ་མང་པོ་བཤད་ཁུལ་བྱས་མོད། འོན་ཀྱང་ཁོ་རང་གི་མིག་དེ་རྨོ་མོ་དེའི་བྲང་ལ་ཟུག་ནས་ཕྱིར་ལེན་མ་ཐུབ་པར་དཀའ་ངལ་མང་པོ་བྱུང་བ་རེད།
དེ་ལྟར་རྨོ་མོས་ཀྱང་”གཞན་སེམས་རྟོགས་པའི་ཤེས་རབ་”རྒྱུད་ལ་འྐྱེས་པ་ཇི་བཞིན་དགེ་བཤེས་ལྷ་རམས་པའི་བང་ཁར་བསྡད་ནས། “ཨ་ལེ། བྱས་ན་བོད་ཀྱི་རྒྱལ་བོའི་དག་གིས་རང་གི་སྐྱེ་དམན་ལ་འཆམ་པོ་བྱས་སྟངས་ཤིག་གསུངས་དང་” ཞེས་བཤད། སྐབས་དེར་དགེ་བཤེས་ལྷ་རམས་པ་མཆོག་གི་རྐང་ལག་ཉིང་ལག་དང་བཅས་པ་ཚངས་མ་འདར་སིག་སིག་ཅིག་བྱས་སོ།
ཏོག་ཙམ་གྱི་རྗེས་སུ་དགེ་བཤེས་ལྷ་རམས་པ་ཚང་ཉལ་ཁྲིའི་ཐོག་དམར་ཧྲེང་མར་ཙོག་པུར་བསྡད་དེ་སྐད་ཤུགས་ཆེན་པོས་ངུས་པས། རྒན་མོ་དེས་་་’ཨོ་་་་་་ ད་མ་ངུ་ལོ་་་འགྱོད་པ་སྐྱེས་ནས་ཕན་ཐོག་གི་མ་རེད་་ ད་གང་གནང་གི་མ་རེད། ཁྱེད་རང་གྲྭ་པ་མ་བྱས་ན་ཡང་སྐྱོན་ཡོད་མ་རེད། ཁྱེད་རང་ངའི་ས་ལ་སྡོད་དང་ངས་ཁྱེད་རང་གསོ་ཆོག’ ཅེས་བཤད་པར། ལྷ་རམས་པས་་་་ “ག་རེ། ང་ག་རེ་ལ་འགྱོད་པ་སྐྱེས་པ་ཁྱེད་རང་གིས་ཧ་གོ་གི་ཡོད་པས། ངས་ད་ལྟ་བར་དུ་འདི་འདྲ་བྱས་ཤེས་མ་སོང་། འདི་་་་འདི་འདི་འདྲ་སྐྱིད་པོ་ཅིག་ཡིན་པ་ངས་ཧ་ཁོ་རེ་གོ་མ་སོང་། ད་ང་རྒན་འཁོགས་ཆགས་ཚར་ནས་ཤེས་པ་རེད། ང་དེ་ལ་འགྱོད་པ་སྐྱེས་ཀིན་འདུག” ཅེས་སླར་ཡང་སྐད་ཤུགས་ཆེན་པོས་ངུས་སོ། །
ཁྱེད་རྒྱ་གར་ན་བདྨ་མཚོ་འཚོལ་དུ་ཡོང་པར་ཨེ་ཡིན།
ཁྱེད་ཀྱི་རྨི་ལམ་ནང་གི་མེ་ཏོག་དེ་ནམ་ཡང་ཁྱེད་ཀྱི་ལག་ན་རག་མི་སྲིད།
ཨོ་མ་ཎི་པདྨེ་ཧུམ
རྒྱ་མི་དང་རྒྱ་ཡིས་བོད་མིར་བཙན་འཛུལ་བྱས་པ་བདེན་ཡང།བོད་མི་རེ་ཟུང་བོད་མིའི་འདུ་ཤེས་མེད་པ་དེ་ལ་ཡང་རྒྱ་མིས་བཙན་འཛུལ་བྱས་པ་ཡིན་མི་སྲིད།མི་རེ་ཟུང་ལ་བླ་རྐང་མེད་དུས་རྣ་བར་དུང་བུས་ཀྱང་གོ་མི་སྲིད་པ་ཆོས་ཉིད་དུ་ངེས།
དྲ་གྲོགས་བོད་ཤ་ཁྲག་རུས་གསུམ་ལགས།
བོད་མི་ལ་རྒྱ་མིས་བཙན་འཛུལ་བྱས་པ་ནང་བཞིན་བོད་ཡིག་ལ་ཡང་རྒྱ་ཡིག་གིས་བཙན་འཛུལ་བྱེད་ཀྱིན་པའི་ངང་ཚུལ་འདི་ཧ་ཅང་གི་སྐྱོ་བོ་ཞིག་མ་ཡིན་ནམ།