འདི་ལོར་ལྷ་ལྡན་གཙུག་ལག་ཁང་གི་མདུན་ཐང་དུ་སྐད་འབོད་བྱས་མཁན་བསམ་འགྲུབ་རྒྱ་མཚོ་ལགས་རྒྱ་ནག་གཞུང་གིས་ལྷ་སའི་གྲྭ་བཞི་བཙོན་ཁང་དུ་བཙོན་འཇུག་བྱས་ཡོད་འདུག
ངྷ་སར་གནས་སྡོད་བསྟན་པ་དར་རྒྱས་ལགས་ཀྱིས་འདི་གར་གནས་ཚུལ་མཁོ་སྤྲོད་གནང་བ་ལྟར་ན། འདི་ལོ་ཕྱི་ཟླ་ ༥ པའི་ཚེས་ ༢ ཉིན་ལྷ་ལྡན་གཙུག་ལག་ཁང་གི་མདུན་ཐང་དུ་སྐད་འབོད་བྱས་མཁན་གྱི་བོད་རིགས་གཞོན་སྐྱེས་བསམ་འགྲུབ་རྒྱ་མཚོ་ལགས། ཉིན་དེར་འཛིན་བཟུང་བྱས་རྗེས་ཁོང་གི་ནང་མིས་གར་ཡོད་ཅི་བྱུང་གི་གནས་ཚུལ་ཅི་ཡང་ཤེས་རྟོགས་མ་བྱུང་བར་ཟླ་གཅིག་ལྷག་འགོར་ཡོད་ཀྱང་། ཁས་ཉིན་འབྲེལ་ཡོད་མི་སྣ་ཞིག་གིས་ལྷ་ས་ནས་ཁོང་གི་ནང་མིར་ཁ་པར་བརྒྱུད་བརྡ་ལན་སྤྲད་དེ་ད་ལྟ་ཁོང་ལྷ་སའི་གྲྭ་བཞི་བཙོན་ཁང་དུ་བཙོན་འཇུག་བྱས་ཡོད་པའི་གནས་ཚུལ་ཤེས་རྟོགས་བྱུང་ཡོད་པར་མ་ཟད། གཅར་རྡུང་དང་མནར་གཅོད་ཚད་མེད་བཏང་བའི་དབང་གིས་གཟུགས་པོའི་གནས་སྟངས་སྐྱོ་བོ་ཡིན་ཚུལ་དང་། གཞན་རྒྱ་གཞུང་གིས་ཁོང་ལ་དྲག་སྤྱོད་པའི་ཉེས་མིང་བཀལ་ཏེ་བཙོན་ཁང་དུ་གཉེན་ཉེ་དང་འབྲེལ་ཡོད་མི་སྣ་སུ་ལའང་ཐུག་འཕྲད་བྱེད་མི་ཆོག་པའི་སྐོར་བརྗོད་ཡོད་འདུག་ལ། དེ་བཞིན་ཐེངས་འདིར་ཁོང་སྔོན་མ་ལྟར་ལྷ་ས་ནས་ས་གནས་ལ་རྩིས་སྤྲོད་བྱ་མིན་གྱི་ཐད་དཀའ་ངལ་གནས་སུ་གྱར་ཡོད་པ་དང་། ད་ལྟའི་ཆར་ཁྲིམས་ཐག་གཅོད་མིན་གྱི་གནས་ཚུལ་མེད་ཀྱང་། གལ་སྲིད། ཁྲིམས་ཐག་བཅད་ཚེ་ཁྲིམས་ཆད་ལྗིད་མོ་གཅོད་སྲིད་པའི་སྐོར་ཁོང་གི་ནང་མིར་འགྲེལ་བརྗོད་གནང་ཡོད་འདུག
བསམ་འགྲུབ་རྒྱ་མཚོ་ལགས་ ༢༠༠༩ ལོའི་ཕྱི་ཟླ་ ༣ པར་བཙན་བྱོལ་ནས་ཕྱིར་རང་ཡུལ་ཏུ་ལོག་པའི་ལམ་བར་དུ་འཛིན་བཟུང་གིས་ཟླ་ ༧ རིང་གྲྭ་བཞི་བཙོན་ཁང་དུ་བཙོན་འཇུག་བྱས་ཡོད་ཀྱང་། གློད་གྲོལ་ཐོབ་རྗེས་ཁོས་རྒྱ་གཞུང་གིས་མཚོ་སྔོན་ཕྱོགས་སུ་ཡོད་པའི་བོད་པའི་རང་བྱུང་ཁོར་ཡུག་ལ་གཏོར་བཤིག་དང་གཏེར་ཁ་བསྔོགས་འདོན་གྱི་གནས་ཚུལ་བསྡུ་རུབ་དང་འབྲེལ། པཎ་ཆེན་ཆུང་སྲིད་རིན་པོ་ཆེ་གློད་གྲོལ་ཐད་མཚན་རྟགས་བསྡུ་རུབ་སོགས་ཡིག་ཆ་མང་ཞིག་ཉར་ཚགས་དང་བསྡུ་རུབ་བྱས་ཡོད་པའི་གནས་ཚུལ་འགྲེལ་བརྗོད་གནང་བྱུང་ལ། ད་ལྟའི་ཆར་ཁོང་གི་རང་ལོ་ ༥༨ ཡིན་པའི་ཨ་མ་གཙོས་དང་གཅེན་གཅུང་གཉིས་བཅས་ནང་མི་གསུམ་གྱིས་རྒྱ་ནག་གིས་སྲོག་ཁྲིམས་གཅོད་མིན་ལ་སེམས་ཁྲེལ་གྱིས་བྱ་ཐབས་མེད་པའི་གནས་སུ་ལྷག་ཡོད་ཚུལ་འགྲེལ་བརྗོད་གནང་བྱུང་།
གསར་འགོད་པ་དོན་གོ།
ངས་ཀྱང་། ང་ཚོ་ལ་ཅི་ཙམ་མནར་གཅོད་བཏང་བ་དེ་ཙམ་གྱིས་ང་ཚོ་བོད་མི་རིགས་ཀྱི་སེམས་ཀྱི་ན་ཟུག་ཇེ་ཆེ་ནས་ཇེ་ངར་དུ་འགྲོ་བཞིན་ཡོད། དེས་ན་རྒྱ་གཞུང་གིས་ཞི་བའི་སྲིད་བྱུས་ལག་བསྟར་བྱེད་དགོས།
ང་ཚོའི་ཁ་གོར་མོ་འདིས་སེམས་ཀྱི་སྐད་ཆ་བཤད་པའི་རང་དབང་མི་འདུག འགྲོ་བ་མིའི་རིགས་ལ་ལྷན་སྐྱེས་ཀྱི་བདག་པས་སྨྲ་བརྗོད་རང་དབང་མི་འདུག སྨྲ་བརྗོད་རང་དབང་གི་ཆེད་དུ་ང་ཚོའི་རྒྱལ་གཅེས་དཔའ་རྒོད་ཚོས་སྨྲ་བརྗོད་ཀྱི་ཐོབ་ཐང་གླེང་། རྒྱ་རྒན་ཚོས་ང་ཚོའི་བོད་མི་རིགས་ཀྱི་དཔའ་རྒོད་རེ་རེ་འདི་ལྟར་མུན་པའི་བཙོན་ལ་བཅུག སྲ་བའི་ལྕག་ཀྱིས་བྲབས།་རྣོ་བའི་མཚོན་གྱིས་བསྣུན་ཏེབོད་མི་རེ་རེ་བཞིན་ལྔ་ལམ་བརྫང་བའི་གྲབས་བྱེད་བཞིན་འདུག ལུས་པོ་བཙོན་དུ་བཅུག་སྟེ་མནར་གཅོད་གཏོང་ཐུབ་ཀྱང་ང་ཚོའི་སེམས་པ་ནམ་ཡང་དབང་དུ་བསྡུ་མི་ཐུབ གསུང་བ་ལྟར་ང་ཚོ་ལ་ཅི་ཙམ་མནར་གཅོད་བཏང་བ་དེ་ཙམ་གྱིས་ང་ཚོ་བོད་མི་རིགས་ཀྱི་སེམས་ཀྱི་ན་ཟུག་ཇེ་ཆེ་ནས་ཇེ་ངར་དུ་འགྲོ་བཞིན་ཡོད།