ཕྱི་ལོ་ ༢༠༠༨ ལོའི་ཟླ་ ༤ པའི་རྗེས་སུ་རྒྱ་ནག་གཞུང་གི་ཁྲིམས་ཁང་ཁག་གིས་བོད་མི་ ༣༩༤ ཙམ་ལ་དུས་བཀག་འདྲ་མིན་གྱི་བཙོན་འཇུག་བྱས་ཡོད་འདུག
མཉམ་འབྲེལ་རྒྱལ་ཚོགས་ཀྱི་སྐབས་ ༡༤ པའི་འགྲོ་བ་མིའི་ཐོབ་ཐང་ལྷན་ཚོགས་དེ་ཕྱི་ཟླ་ ༥ པའི་ཚེས་ ༣༡ ཉིན་ནས་ཟླ་ ༦ པའི་ཚེས་ ༡༨ བར་སུད་སིའི་རྒྱལ་ས་ཇི་ནི་ཝར་འཚོགས་བཞིན་ཡོད་ལ། ཚོགས་འདུའི་སྟེང་རྒྱ་གཞུང་གིས་བོད་མི་རྣམས་སྲོག་ཐོག་ལ་གཏོང་བ་དང་། བཙོན་འཇུག་དང་བཀག་ཉར་བྱེད་པ། དེ་བཞིན་འདས་གྲོངས་སུ་སོང་པའི་རང་ལོ་ ༢༧ ཅན་གྱི་གྲྭ་ཕུན་ཚོགས་རབ་རྒྱས་བཅས་ཀྱི་གནས་སྟངས་དང་། དེ་བཞིན་ ༢༠༠༩ ལོའི་ཟླ་ ༤ པའི་ཚེས་ ༨ ཉིན་ལྷ་སའི་འབྲིང་རིམ་མི་མང་ཁྲིམས་ཁང་གིས་བོད་མི་ ༥ ལ་སྲོག་ཁྲིམས་བཅད་པའི་གནད་དོན་སྐོར་རྒྱ་གཞུང་ལ་གསལ་སྟོན་བྱས་ཡོད། སྐབས་དེར་རྒྱ་ནག་གི་སྐུ་ཚབ་ནས་གནད་དོན་དེའི་ཐད་ལ་གསལ་བཤད་ཅིག་བྱས་འདུག་ཀྱང་། ཁྲིམས་དཔོན་དང་ཁྲིམས་རྩོད་པའི་རང་དབང་ཐོག་དམིཊ་བསལ་འགན་ལེན་བྱེད་མཁན་རྒྱལ་ཚོཊ་ཀྱི་ཚོགས་ཆུང་དེས། ལྷ་སར་ཁྲིམས་ཆད་ཕོཊ་པའི་བོད་མི་ཚོར་ཁྲིམས་རྩོད་པ་ཐུག་རྒྱུའི་གོ་སྐབས་སྤྲད་ཡོད་མེད་དང་། གལ་ཏེ་གོ་སྐབས་སྤྲད་ཡོད་ཚེ་དུས་ནམ་ཞིག་ལ་སྤྲད་ཡོད་མེད་དང་། ཐུག་འཕྲད་དུས་ཡུན་ཅི་ཙམ་ཡིན་མིན་རྒྱ་གཞུང་གིས་གསལ་བཤད་དགོས་པའི་རེ་འདུན་བཏོན་པར་མ་ཟད། ཁྲིམས་རྩོད་པའི་རང་དབང་ལ་དམ་དྲག་དང་དང་བླངས་ཁྲིམས་རྩོད་པར་སྡིགས་ར་སྐུལ་བའི་གནས་སྟངས་ཐད་རྒྱ་གཞུང་གིས་ངེས་པར་དུ་གསལ་བཤད་བྱ་དགོས་ཚུལ་བརྗོད་ཡོད། སྐབས་དེར་བོད་རིགས་སྐུ་ཚབ་སྐུ་ཞབས་བསྟན་འཛིན་བསམ་འཕེལ་ལགས་ཀྱིས་རྒྱ་གཞུང་གིས་བོད་མི་ ༢ ལ་ལོ་གཉིས་དུས་འགྱངས་ཀྱི་སྲོག་ཁྲིམས་བཅད་ཡོད་སྐོར་ར་སྤྲོད་བྱས་ཤིང་། ༢༠༠༨ ལོའི་ཟླ་ ༤ པའི་རྗེས་སུ་རྒྱ་ནག་ཁྲིམས་ཁང་ཁག་གིས་བོད་མི་ ༣༩༤ ཙམ་ལ་དུས་བཀག་འདྲ་མིན་གྱི་བཙོན་འཇུག་བྱས་ཡོད་སྐོར་དང་། ལྷག་པར་དུ་རྒྱ་ནག་གཞུང་གི་ཁྲིམས་ཞིབ་ལྷན་ཁང་དང་ཁྲིམས་དཔོན་སོགས་ལ་རང་དབང་ཡོད་མེད་དོགས་གཞི་ཡིན་ཚུལ། ཁྲིམས་ཁང་གི་ལས་དོན་གཙོ་བོ་དེ་རྒྱལ་ཁབ་དང་དམར་ཤོག་ཚོགས་པའི་དམིགས་ཡུལ་བསྒྲུབ་རྒྱུ་དེ་ཡིན་སྐོར་བཅས་ནན་བརྗོད་བྱས་ཡོད། འགྲོ་བ་མིའི་ཐོབ་ཐང་ཚོགས་པ་དང་ཧེལ་སིན་ཀེ་འགྲོ་བ་མིའི་ཐོབ་ཐང་ཚོཊ་པ་སོཊ་གཞུང་འབྲེལ་མིན་པའི་ཚོགས་པ་ཁག་གི་སྙན་ཐོའི་ནང་བོད་ནང་གི་འགྲོ་བ་མིའི་ཐོབ་ཐང་གི་གལ་གནད་སྐོར་འཁོད་ཡོད་ལ། ཨ་རིའི་སྐུ་ཚབ་ཀྱིས་བོད་དང་ཤིན་ཅང་གྲངས་ཉུང་མི་རིགས་ཀྱི་ཆོས་དད་རང་དབང་ལ་དམ་དྲག་བྱེད་བཞིན་ཡོད་ཚུལ་བརྗོད་ཡོད་ལ། དེ་བཞིན་ཡུ་རོབ་མནའ་འབྲེལ་གྱིས་ཀྱང་རྒྱ་ནག་གི་འགྲོ་བ་མིའི་ཐོབ་ཐང་ཐད་ལ་སེམས་འཚབ་ཡོད་སྐོར་བརྗོད་ཡོད་པ་རེད།
གསར་འགོད་པ། དཔལ་ལྡན་རྒྱ་མཚོ།
དྲ་གྲོགས་ཚོ།
དེང་སྐབས་རྒྱལ་ས་ཇི་ནེ་ཝར་འཚོགས་བཞིན་པའི་ལྷན་ཚོགས་དེའི་སྟེང་། ༢༠༠༩ ལོའི་ཟླ་ ༤ པའི་ཚེས་ ༨ ཉིན་ལྷ་སའི་འབྲིང་རིམ་མི་མང་ཁྲིམས་ཁང་གིས་བོད་མི་ ༥ ལ་སྲོག་ཁྲིམས་བཅད་པའི་གནད་དོན་ཐད་ལ། རྒྱ་ནག་སྐུ་ཚབ་ཀྱིས་གསལ་བཤད་གང་བྱས་བོད་སྒྱུར་གྱིས་ར་སྤྲོད་གནང་མཁན་ཡོད་ན་དགེ་མཚན་ཆེ་བར་མཐོང་།
༢༠༠༨ ལོའི་ཟླ་ ༤ པའི་རྗེས་སུ་རྒྱ་ནག་ཁྲིམས་ཁང་ཁག་གིས་བོད་མི་ ༣༩༤ ཙམ་ལ་དུས་བཀག་འདྲ་མིན་གྱི་བཙོན་འཇུག་བྱས་ཡོད་པ་ནི་བོད་རིགས་མི་འབོར་ཆུང་ཆུང་གི་ཚད་དང་འཇལ་ན་གྲངས་འབོར་ཧ་ལས་པའི་མཐོ་བོ་མ་རེད་དམ། རྒྱ་མིའི་སོ་པ་ཚོས་མཁྱེན་པར་མཛོད་ཅིག