ཁ་སང་ཕྱི་ཚེས་ ༡༦ ཉིན་མཚོ་སྔོན་བོད་རིགས་ཞིབ་འཇུག་ཚོགས་པའི་མཐུན་འགྱུར་དང་། དཔལ་དོན་གྲུབ་རྒྱལ་གྱི་ནུ་བོ་དགུ་རོང་སྤུན་གྲོལ་གྱི་གཙོ་སྐྱོང་འོག རང་གྲོལ་ཞིབ་འཇུག་གི་དཔྱད་གླེང་ཚོགས་འདུ། ཞུ་བ་ཞིག་ཟི་ལིང་དུ་ཚོགས་ཡོད་པ་དང་། ཚོགས་ཐོག་དེར་ཆེད་དུ་གདན་ཞུ་བྱས་པའི་སྐུ་མགྲོན་ལ། མཚོ་སྔོན་མི་རིགས་དཔེ་སྐྲུན་ཁང་གི་སྦྲང་ཆར་གཙོ་སྒྲིག་པ་གཉའ་བློ་གྲོས་རྒྱལ་མཚན་དང་མཚོ་སྔོན་མི་རིགས་སློབ་ཆེན་གྱི་དགེ་རྒན་ཆེན་མོ་སངས་རྒྱས། མཚོ་སྔོན་བོད་རིགས་ཞིབ་འཇུག་ཚོགས་པའི་སྐུ་ཚབ་རྡོ་སྦིས་བཤད་སྒྲུབ་རྒྱ་མཚོ། མཚོ་སྔོན་དགེ་ཐོན་སློབ་ཆེན་གྱི་དགེ་རྒན་རྨོག་རུ་དོན་གྲུབ་ཚེ་རིང་། མཚོ་སྔོན་སྤྱི་ཚོགས་ཚན་རིག་གླིང་གི་ཚེ་མཁར་རྒྱལ། ཁྲི་སེམས་དཔའ། ཚེ་རིང་དོན་གྲུབ། དོ་སྨྱོན་ཚེ་རིང་བཀྲ་ཤིས། མེ་ལྕེ། སྒྲེན་པོ། ཞོགས་ལྗང་ཚོགས་མི་ ༥༠ ལྷག་ཕེབས་ཡོད་པ་དང་། སྐབས་དེར་རང་གྲོལ་གྱི་མི་ཚེ་དང་བསམ་བློ་བཅས་ཀྱི་ཐད་དཔྱད་གླེང་དང་པར་རིས་འགྲེམས་སྟོན་སོགས་བྱས་ཡོད་འདུག ཟུར་ཞུགས་བོད་རིགས་སློབ་ཆེན་སློབ་མ་མང་པོ་ཞིག་གིས་ཀྱང་བགྲོ་གླེང་གི་ཆ་ཤས་བླངས་ཏེ། དྲི་བ་དྲིས་ལེན་སོགས་གནང་ཡོད་འདུག
བྱེ་བྲག་ཏུ་ཚོགས་འདུའི་སྟེང་དུ་གཉའ་བློ་གྲོས་རྒྱལ་མཚན་ལགས་ཀྱིས་རང་གྲོལ་ཞིབ་འཇུག་གི་དོན་སྙིང་སྐོར་གླེང་བ་དང་། དོ་རྒྱ་བསོད་ནམས་ཚེ་རིང་གིས་རང་གྲོལ་ཞིབ་འཇུག་དེ་རང་གྲོལ་གྱི་མི་ཚེ་དང་གསར་གཏོད། བརྩམས་ཆོས། རང་གྲོལ་སྣང་ཚུལ་བཅས་ཀྱི་ཕྱོགས་གསུམ་ནས་ཞིབ་འཇུག་གནང་དགོས་པའི་བསམ་ཚུལ་བཏོན། མེ་ལྕེ་ཡིས་དོན་གྲུབ་རྒྱལ་དེ་ཕྱོགས་དང་གྲུ་ཟུར་མི་འདྲ་བའི་ངོས་ནས་བློ་འབྱེད་བསམ་བློ་བ་ཞིག་ཡིན་པར་བརྗོད། དོ་སྨྱོན་ཚེ་རིང་བཀྲ་ཤིས་ཀྱིས་དོན་གྲུབ་རྒྱལ་གྱི་རིག་གནས་སྙིང་སྟོབས་དང་། སྐད་ཆའི་ཐབས་རྩལ་ཐད་ནས་སློབ་འབྲིང་སློབ་མར་ཐེབས་པའི་ཤུགས་རྐྱེན་སྐོར་གླེང་། ཁྲི་སེམས་དཔའ་ཡིས་བོད་ཀྱི་ཚགས་དེབ་སོགས་སུ་བཀོད་པའི་དོན་གྲུབ་རྒྱལ་དང་འབྲེལ་བའི་རྩོམ་རིག་བརྩམས་ཆོས་རྣམས་རང་གྲོལ་ཞིབ་འཇུག་གི་དེབ་ཕྲེང་དུ་འགོད་པའི་རེ་བ་བཏོན། ཞོགས་ལྗང་གིས་རང་གི་མཐར་ཕྱིན་དཔྱད་རྩོམ་དུ་བྲིས་པའི་རང་གྲོལ་སྙིང་སྟོབས་སྐོར་ནས་ལྟ་ཚུལ་ལྷུག་པོར་བརྗོད་པ་དང་། སྒྲེན་པོ་དང་། འཇམ་དཔལ་རྡོ་རྗེ་སོགས་ཀྱིས་ཀློག་པ་པོ་ཞིག་གི་ངོས་ཐད་ནས་རང་གྲོལ་ཞིབ་འཇུག་གི་སྐོར་ལ་རང་རང་གི་ལྟ་ཚུལ་བརྗོད་ཡོད་འདུག
དེ་ལྟར་དགོས་གལ་ཆེ།
དཔེ་ཡག་པོ་འདུག འདི་འདྲ་མཐོང་དུས་དགའ་གི་ཡ། རྩོམ་རིག་གི་འཕེལ་ཕྱོགས་ཞིག་ནས་དོན་གྲུབ་རྒྱལ་གླེང་དགོས་ལ། མི་རིགས་ཀྱི་ལས་དབང་ཐོག་ནས་ཞོགས་དུང་གླེང་དགོས། ཨ་མའི་བུ་ཚོ། བཙན་པོའི་རུ་ངར་དེ་མ་ཤོར་བའི་སྒོ་ནས་མ་མཐུད་ལམ་དུ་ཆས་ཤོག་ཨ།
རང་གྲོལ་རིན་པོ་ཆེ་ཡང་སྤྲུལ་བྱོན་པས་སྨོན་ལམ་དང་བཅས་བཀའ་དྲིན་ཆེ་ཞུ།
གཞིས་བཞུགས་བོད་མི་ཚོའི་སྔར་ཕྱི་བརགསུམ་གྱི་རླབས་ཆེན་བའི་ལས་རིམ་དག་རིམ་བཞིན་མཐོང་ཐོས་བྱུང་དུས་་་་ཡིད་སེམས་གཏིང་ནས་གུས་བཀུར་དང་བསྔགས་བརྗོད་ཞུ་བཞིན་ཡོད་་་་་་་་་་
ཡག་པོ་འདུག་་་་རྗེས་དྲན་བྱེད་འོས་པ་མ་ཟད་བརྗོད་མི་ཤེས་པ་ཅིག་རེད།
ང་ཚོའི་ལོ་རྒྱུས་ངོས་ཀྱི་སྟ་གོན་ལ་ཞུགས་པའི་ལོ་རབས་བརྒྱད་ཅུ་བ་ནི་གླེང་འོས་པའི་རྟོགས་སད་མི་རབས་ཤིག་ཡིན་ལ། འདས་པོ་དཔལ་དོན་གྲུབ་རྒྱལ་ནི་མི་རབས་དེའི་ཁྲོད་ཀྱི་ཚབ་མཚོན་མི་སྣ་དེ་རེད།
ཡག་པོ་འདུག་་་རྗེས་དྲན་བྱེད་འོས་པའི་མི་རེད།