རྒྱ་དམར་གྱི་སྐུ་སྲུང་བས་ང་ཚོའི་གྲོས་ཚོགས་མདུན་ནས། ནིའུ་ཛི་ལན་ཌིའི་གྲོས་ཚོགས་འཐུས་མིར་འདི་ལྟར་བྱེད་པ་ནི། ནིའུ་ཛི་ལན་ཌི་ཡི་བདེ་སྲུང་མི་སྣ་མིག་ནང་ལ་མ་བཞག་པ་དང་། ཁོང་ཚོའི་ལུང་པའི་སྤྱོད་ལོག་དེ་དག་ང་ཚོའི་ས་ཐོག་ཏུ་སྤེལ་བ་ནི་ཚད་བརྒལ་གྱི་བྱ་སྤྱོད་རེད་ཟེར།
དེ་རིང་གསར་ལམ་ཁག་ཅིག་ཏུ་གནས་ཚུལ་ཐོན་པ་ལྟར་ན། ཁ་སང་ཕྱི་ཚེ་ ༡༨ ཉིན་རྒྱ་ནག་གི་སྲིད་འཛིན་གཞོན་པ་ཞི་ཆེན་ཕིན། ནིའུ་ཛིས་ལན་ཌི་རུ་རྒྱལ་དོན་འཚམས་འདྲིར་སྐྱོད་སྐབས། ནིའུ་ཛི་ལན་ཌི་ཡི་གྲོས་ཚོགས་ཁང་ཆེན་མདུན་དུ་སླེབས་མ་ཐག ནིའུ་ཛི ལན་ཌི་གྲོས་ཚོགས་འཐུས་མི་དང་། ལྗང་ཁུ་ཚོགས་པའི་ཚོགས་གཙོ་གཞོན་པ་སྐུ་ཞབས་རོ་སེལ་ནོར་མེན་ལགས་ཀྱིས་ལག་ཏུ་བོད་ཀྱི་རྒྱལ་དར་ཞིག་འཕྱར་ཏེ། བོད་ནང་ལ་རང་དབང་དགོས། བོད་མི་རིགས་ལ་རང་དབང་དགོས། བོད་ནང་ལ་འགྲོ་བ་མིའི་ཐོབ་ཐང་དང་མང་གཙོའི་ཐོབ་ཐང་སྤྲོད་དགོས། ཞེས་ངོ་རྒོལ་སྐད་འབོད་གནང་ཡོད་པ་རེད།
སྐབས་དེར་རྒྱ་ནག་གི་སྲིད་འཛིན་གཞོན་པ་ཞི་ཆེན་ཕིན་གྱི་སྐུ་སྲུང་བས་ཁོང་གི་མདུན་འགོག་ཐབས་བྱས་ཡོད་ཀྱང་། ཁོང་གིས་མུ་མཐུད་སྐད་འབོད་ཤུགས་ཆེན་བྱས་ཡོད་སྟབས། སྐུ་སྲུང་བ་དེ་བྱ་ཐབས་ཟད་དེ་ཉི་གདུགས་ཀྱིས་སྐུ་ཞབས་རོ་སེལ་ནོར་མེན་ལགས་དང་ཁོང་གི་ལག་གི་བོད་ཀྱི་རྒྱལ་དར་དེ་མི་མཐོང་ཐབས་བྱས་ཤིང་། མཐར་ཁོང་གི་ལག་ནས་རྒྱལ་དར་འཕྲོག་སྟེ་སར་གཡུགས་ཡོད་འདུག སྐབས་དེར་ནིའུ་ཛི་ལན་ཌི་ཡི་བདེ་སྲུང་མི་སྣ་ཚོས་སྐུ་སྲུང་བ་དེ་བཀག་ཡོད་པ་དང་། སྐུ་ཞབས་རོ་སེལ་ནོར་མེན་གྱིས་མུ་མཐུད་དུ། བོད་ལ་རང་དབང་སྤྲོད་དགོས། ས་འདི་ནི་དམངས་གཙོ་དང་སྨྲ་བརྗོད་རང་དབང་ལ་བརྩི་བཀུར་བྱེད་པའི་རྒྱལ་ཁབ་ཅིག་ཡིན། འདི་རྒྱ་ནག་མ་རེད། ཁྱོད་ཚོས་སྨྲ་བརྗོད་རང་དབང་འགོག་མི་ཆོག ཅེས་ཞི་ཆེན་ཕིན་གྱི་ཁང་པའི་ནང་མ་འཛུལ་བར་སྐད་འབོད་བརྒྱབ་ཡོད་འདུག དེའི་རྗེས་གསར་འགོད་པའི་དྲི་བའི་ལན་དུ། སྐུ་ཞབས་རོ་སེལ་ནོར་མེན་ལགས་ཀྱིས། རྒྱ་དམར་གྱི་སྐུ་སྲུང་བས་ང་ཚོའི་གྲོས་ཚོགས་མདུན་ནས། ནིའུ་ཛི་ལན་ཌིའི་གྲོས་ཚོགས་འཐུས་མིར་འདི་ལྟར་བྱེད་པ་ནི། ནིའུ་ཛི་ལན་ཌི་ཡི་བདེ་སྲུང་མི་སྣ་མིག་ནང་ལ་མ་བཞག་པ་རེད། ཁོང་ཚོའི་ལུང་པའི་སྤྱོད་ལོག་དེ་དག་ང་ཚོའི་ས་ཐོག་ཏུ་སྤེལ་བ་ནི་ཚད་ལས་བརྒལ་བའི་བྱ་སྤྱོད་ཡིན་སྐོར་སོགས་བརྗོད་ཡོད་འདུག
གསར་འགོད་པ། དོན་འགྲུབ་བཀྲ་ཤིས།
དེ་རིང་གསར་ལམ་ཁག་ཅིག་ཏུ་གནས་ཚུལ་ཐོན་པ་ལྟར་ན། ཁ་སང་ཕྱི་ཚེ་ ༡༨ ཉིན་རྒྱ་ནག་གི་སྲིད་འཛིན་གཞོན་པ་ཞི་ཆེན་ཕིན། ནིའུ་
གལ་ཏེ་ང་ལ་ནུས་པ་འདྲ་ཞིག་མཆིས་ན། དྲང་བདེན་ལ་དགའ་ཞིང་དཔའ་མཛང་ཡང་ལྡན་པའི་ཕོ་རྒོད་རོ་སེལ་ནོར་མེན་ལགས་སུ། ངས་གངས་དཀར་གྱི་མདངས་དང་འགྲན་པའི་ཁ་ཏག་དཀར་པོ་ཞིག་གིས་སྐུ་ལུས་འཐུམ་ངེས། ཞི་ཆེན་ཕིན་ཙམ་མ་ཟད། རྒྲ་དམར་གྱི་རྒྱུག་ཁྱི་ཚོ་ལ་དགོས་ཡག་ནི་དེ་ལས་མ་འདས་སོ།
དོན་ངོ་མའི་ཐོག་ནས་རྒྱབ་སྐྱོར་འདི་ལྟར་གནང་བར་སེམས་སྟེང་ནས་དགའ་བསུ་ཞུ།
འདི་ནི་ཕུག་རོན་དཀར་པོའི་གཤོག་རླབས་ལས་འོད་ཐིག་དཀར་པོ་ཞིག་་་་ནིའུ་ཛི་ལན་ཌི་་་གླིང་ཐོག་ཏུ་ལྷུང་འདུག་་་འདི་ལྟར་འཛམ་གླིང་ཡུལ་གྲུ་ཀུན་ལ་འོང་བའི་རེ་བ་ཆེ།
ཞི་ཅིན་ཕིན་ལ་དེ་དགོས་ངེས་རེད། ཀི་ཧི་ཧི་ཧི
ད་ལྟོས་དང་ཕྱི་རྒྱལ་འདི་ཚོས་རྒྱ་དཔོན་སླེབས་དུས་ངོ་རྒོལ་བྱས། བོད་གཞུང་སྤྱི་འཐུས་ཚོགས་གཙོས་རྒྱ་མོ་ཞིག་ལ་ལག་པ་སྤྲད་ནས་ངོ་དགའ་བཤད། ད་དེ་ཚོ་ཅིས་ཉེས་པ་ཡིན་ནམ།
ནིའུ་ཛི་ལན་ཌིའི་གྲོས་ཚོགས་འཐུས་མི་དང་ལྗང་ཁུ་ཚོགས་པའི་ཚོགས་གཞོན་སོགས་ཀྱིས་རྒྱ་ནག་གི་དཔལ་འབྱོར་ལ་མགོ་མ་བསྒུར་པར་བོད་ཀྱི་བདེ་དོན་ལ་ལྷག་བསམ་རྣམ་དག་གིས་རྒྱབ་སྐྱོར་ཤུགས་ཆེ་གནང་བ་ཐུགས་རྗེ་ཆེ་གྲངས་
མེད་ཞུ།
སྐབས་འདིར་རྒྱ་ནག་གི་སྲིད་འཛིན་གཞོན་པ་ཞི་ཆེན་ཕིན་དང་མཉམ་དུ་
འབྲེལ་ཡོད་མི་སྣ་ཉི་བརྒྱ་ལྷག་ཨོ་སི་ཀྲི་ལི་ཡ་གྲོང་ཁྱེར་མལ་སྦོན་ནང་ལ་ཡང་
རྒྱལ་དོན་འཚམས་འདྲིར་སླེབས་འདུག
ནིའུ་ཛི་ལན་ཌིར་གྲོས་ཚོགས་འཐུས་མི་དང་ལྗང་ཁུ་ཚོགས་པའི་ཚོགས་གཞོན་སོགས་ཀྱིས་གནད་ལ་འཁེལ་བའི་ཞི་བའི་བོད་དོན་ལས་འགུལ་ཞིག་སྤེལ་
སྟབས།
ཨོ་སི་ཀྲི་ལི་ཡ་གྲོང་ཁྱེར་མལ་སྦོན་ནང་གི་གསར་འགྱུར་རྒྱུད་ལམ་ཁག་ཏུ་ལ་རྒྱ་ནག་གི་སྲིད་འཛིན་གཞོན་པ་ཞི་ཆེན་ཕིན་ཨོ་སི་ཀྲི་ལི་ཡ་གྲོང་ཁྱེར་མལ་སྦོན་
ནང་ལ་སླེབས་ཡོད་པ་ཙམ་གྱི་གནས་ཚུལ་མ་གཏོགས་གཞན་གྱི་མི་སྣ་སུ་དང་ཐུག་འཕྲད་གྲོང་ཁྱེར་གྱི་ས་གནས་གང་དུ་ཡིན་པ་སོགས་ཀྱི་གནས་ཚུལ་ཅི་ཡང་གོ་རྒྱུ་མི་འདུག
བོད་དོན་རྒྱབ་སྐྱོར་ཚོགས་པ་དང་ས་གནས་བོད་རིགས་ཚོགས་པ་རྒྱ་ནག་ཧོ་
ལོང་སྒོམ་སོགས་ཀྱིས་ཞི་ཆེན་ཕིན་གྱི་འདི་གར་ལས་འཆར་གང་ཡོད་མེད་ཤེས་ཐབས་བྱེད་བཞིན་འདུག།།།
བོད་དོན་རྒྱབ་སྐྱོར་བ་དང་བོད་མི་རིགས་ལ་མཐའ་གཅིག་ཏུ་ལ་ཞེན་ཅན་ནིའུ་ཛི་ལན་ཌི་གྲོས་ཚོགས་འཐུས་མི་དང༌། ལྗང་ཁུ་ཚོགས་པའི་ཚོགས་གཞོན་སྐུ་ཞབས་རོལ་སིལ་ནོར་མིན་མཆོག་ལ་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན།
སྐུ་ཉིད་ནས་བོད་ཀྱི་བདེ་སྡུག་ལ་སྙིང་ནས་དོ་ཁུར་བཞེས་ཏེ་རང་དབང་དང་སྤོབས་པ་ཆེན་པོས་རྒྱ་ནག་གི་སྲིད་བློན་གཞོན་པ་ཞི་ཅིན་ཕན་འཁོར་དང་བཅས་པར་ངོ་རྒོལ་གྱི་མདུན་མཆོངས་བྱས་པར་བསྔགས་བརྗོད་ཀྱི་མེ་ཏོག་འབུམ་ཕྲག་ནམ་ཡང་མི་བྱེད་ཀ་མེད་རེད།
ད་ཆ་བོད་པ་དང་བོད་དོན་རྒྱབ་སྐྱོར་བ་རྣམས་བལ་པོ་ཞལ་བསྒྲིལ་གྱི་བརྟུལ་ཞུགས་བཟུང་ནས་བསྡད་སྐབས་སུ་ཉིད་ཀྱིས་འཛམ་གླིང་ནང་སྐད་གྲགས་ཆོད་པའི་བོད་དོན་ལས་འགུལ་འདི་ལྟ་བུ་སྤེལ་གནང་བ་འདི་བོད་མི་རྣམས་ཉལ་ས་ནས་ལངས་དགོས་པ་དང༌། ལངས་ས་ནསམདུན་མཆོངས་དགོས་པའི་བརྡ་ཞིག་སྤྲད་པ་རེད།
ནིའུ་ཛི་ལན་ཌིའི་གྲོས་ཚོགས་འཐུས་མི་དང་ལྗང་ཁུ་ཚོགས་པའི་ཚོགས་གཞོན་
སོགས་ཀྱིས་རྒྱ་ནག་གི་དཔལ་འབྱོར་སྟོབས་ཤུགས་ལ་མགོ་མ་བསྒུར་པར་བོད་ཀྱི་བདེ་དོན་ལ་ལྷག་བསམ་རྣམ་དག་གིས་རྒྱབ་སྐྱོར་གནང་བར་ཐུགས་རྗེ་ཞུ།
ནིའུ་ཛི་ལན་ཌིར་གྲོས་ཚོགས་འཐུས་མི་དང་ལྗང་ཁུ་ཚོགས་པའི་ཚོགས་གཞོན་
སོགས་ཀྱིས་གནད་ལ་འཁེལ་བའི་ཞི་བའི་བོད་དོན་ལས་འགུལ་ཞིག་སྤེལ་
སྟབས།
སྐབས་འདིར་རྒྱ་ནག་གི་སྲིད་འཛིན་གཞོན་པ་ཞི་ཆེན་ཕིན་དང་མཉམ་དུ་འབྲེལ་ཡོད་མི་སྣ་ཉི་བརྒྱ་ལྷག་ཨོ་སོ་ཀྲི་ལི་ཡ་ནང་ལ་ཡང་རྒྱལ་དོན་འཚམས་འདྲིར་འབྱོར་འདུག
ཡིན་ན་ཡང་གསར་འགྱུར་རྒྱུད་ལམ་ཁག་ཏུ་ཨོ་སོ་ཀྲི་ལ་ཡ་གྲོང་ཁྱེར་མལ་སྦོན་
ནང་ལ་རྒྱ་ནག་གི་སྲིད་འཛིན་གཞོན་པ་ཞི་ཆེན་ཕིན་སླེབས་ཡོད་པ་ཙམ་གྱི་
གནས་ཚུལ་མ་གཏོགས་གཞན་གྱི་མི་སྣ་སུ་དང་ཐུག་འཕྲད་དང་ས་གནས་གང་དུ་ཡིན་པ་སོགས་ཀྱི་གནས་ཚུལ་གང་ཡང་གོ་རྒྱུ་མི་འདུག
བོད་དོན་རྒྱབ་སྐྱོར་ཚོགས་པ་དང་ས་གནས་བོད་རིགས་ཚོགས་པ་རྒྱ་ནག་ཧོ་ལོང་སྒོམ་སོགས་ཀྱིས་གང་ཐུབ་འཚོལ་གྱིན་འདུག །།
ཐུགས་རྗེ་ཆེ། Russel norman ཁྱེད་ཀྱིས་ང་ཚོ་ཉམ་ཆུང་བོད་རིགས་ལ་འདི་འདྲིའི་རོགས་གནང་སོང་བར་དགའ་སྤྲོ་ཚད་མེད་བྱུང་། སྐུ་ཚེ་རིང་། །
བོད་དོན་རྒྱབ་སྐྱོར་བ་དང་། འགྲོ་བ་མིའི་ཐོབ་ཐང་དང་། རང་དབང་འཐབ་རྩོད་ཀྱི་དབུ་ཁྲིད་བཅས་ཡིན་པའི་སྐུ་ཞབས་ Russel norman མཆོག་གིས་སྙིང་སྟོབས་ཆེན་པོས་དངོས་སུ་རྒྱ་དམར་གྱི་དཔོན་ངན་གྱི་སྔོན་དུ་ང་ོ་རྒོལ་་མངོན་གསལ་བྱེད་ཕོད་པ་ལ། ཚིག་ཙམ་མ་ཡིན་པའི་ཆེ་བསྟོད་ཞུ་འོས་པས། ང་ཚོས་ཁོང་གི་རླབས་ཆེན་མཛད་སྤྱོད་ལ་་ཐུགས་སྤྲོའི་མཛད་སྒོ་རྒྱས་པ་ཞིག་གོ་སྒྲིག་བྱས་ནས་བཀའ་དྲིན་ཆེ་ཞུ་དགོས།
མ་གཞི་བྱས་རྗེས་ཅན་ལ་ཆེ་བསྟོད་ཀྱི་་ཐུགས་སྤྲོ་གཏོང་བ་ནི་འཛམ་གླིང་སྤྱི་ཡོངས་ཀྱི་བཟང་སྤྱོད་ཞིག་གྱུར་ཡོད་པ་ལས་བྱིས་པའི་བྱ་སྤྱོད་ཅིག་མ་རེད།
སྤྱིར་ཡ་རབས་སྤྱོད་བཟང་བྱེད་མཁན་མཐོང་དུས་ཁ་སྟོང་ཙམ་མ་ཡིན་པར་། སེམས་དགའ་བས་དངོས་པོའི་རྔན་པ་སྤྲོད་གང་ཐུབ་བྱེད་པ་ནི། ཉམས་མི་རུང་བའི་བོད་པའི་གོམས་གཤིས་བཟང་པོ་ཡིན་པར་ཤེས་དགོས།
བོད་ཀྱི་ཡུལ་སྲོལ་གོམས་གཤིས་ལ་བསྒྱུར་བཅོས་དང་ཡར་རྒྱས་གཏོང་དགོས་ཀྱང་དུས་མཚུངས་སུ། བོད་པའི་རིག་གཞུང་ཡོད་ཚད་ལ་་དམན་པར་བརྩི་བའི་རྒྱ་མིའི་ངན་གཤིས་བོད་པའི་སྤྱི་ཚོགས་ལ་མི་ཞུགས་པའི་སྔོན་འགོག་བྱེད་དགོས།
རྒྱ་ནག་ནི་དུས་ནམ་ནག་པོ་ཡིན། དཔེར་ན་ཁ་ཏ་བཞིན། ག་ཚོད་ཁྲུས་ན་དཀར་པོ་མི་འགྱུར། དེ་བཞིན་ཝ་མོ་གར་སོང་ཝ་དྲི་ཐི་ལི་ལི་ཟེར་བ་མ་ཡིན་ནམ། དེ་མིན་སྐུ་ཞབས་རོ་སེལ་ནོར་མེན་ལ་མ་རྡུང་པ་ནི་སྟབས་ཡག་པོ་འདུག
།དང་པོ། ང་བོད་མི་ཞིག་ཡིན་པའི་ཆ་ནས་ངས་ཁོང་ལ་ཐུགས་རྗེ་ཆེ་གྲངས་མདེ་ཞུ་
།གཉིས་པ། ང་ནང་པ་ཞིག་ཡིན་པའི་ཆ་ནས་ངས་ཁོང་ལ་ཐུགས་རྗེ་ཆེ་གྲངས་མདེ་ཞུ་
།གསུམ་པ། ང་སེམས་ཅན་ཡིན་པའི་ཆ་ནས་ངས་ཁོང་ལ་ཐུགས་རྗེ་ཆེ་གྲངས་མདེ་ཞུ་
དྲ་གྲོགས་རྣམས་ངས་ཐུགས་རྗེ་ཆེ་དོན་མཚན་མང་པོ་སྒོ་ནས་ཞུ་དགོས་དོན་མཁྱེན་གྱི་འདུག་གམ།
གལ་ཏེ་མ་མཁྱེན་པ་འདྲ་བྱུང་ན་དྲི་བ་བཏང་རོགས་ངས་ལེན་རྒྱབ་རྩིས་ཡོད
སྙིང་ཁོག་རུས་པའི་བཏིང་ནས་ཐུགས་རྗེ་ཆེ་ཞུ་རྒྱུ་ཡིན་།
ང་ཚོས་ཁོང་ལ་ཐུགས་རྗེ་ཆེ་སླད་མེད་ཞུ་རྒྱུ་དང་ཆབས་ཅིག་མུ་མཐུད་བོད་དོན་བཤད་དགོས་པ་རེད། ཁོང་ལ་ཐུགས་སྤྲོ་གཏོང་དགོས་ཟེར་བ་བྱིས་པའི་བྱ་སྤྱོད་ཅིག་རེད། ཁོང་ནི་ང་ཚོའི་རྒྱབ་སྐྱོར་དང་འགྲོ་བ་མིའི་ཐོབ་ཐང་དང་རང་དབང་འཐབ་རྩོད་ཀྱི་དབུ་ཁྲིད་ཅིག་ཡིན་པ་རེད། སེམས་པ་ཕྲན་བུ་དགའ་བ་དང་ལམ་སེང་དངོས་པོའི་རྔན་པ་ཞིག་ཞིག་སྤྲོད་གང་ཐུབ་བྱེད་པ་བོད་པའི་གོམས་གཤིས་ངན་པ་ཞིག་རེད།
ཁ་ལངས་དུ་ཤོར་བའི་གླུ་ཆུང་དེ།
ཡབ་ཨ་ཕ་ཤི་ཡང་ལེན་ཟེར་བའི་དཔེ་རང་རེད།
མི་རིགས་འདི་དག་གི་རྒྱལ་བསྐྱོར་གནང་བ་ཐུགས་རྗེ་ཆེ་ཞུ།
ང་ཚོ་ཉམས་ཐག་བོད་མི་འདི་ལ་མུ་མཐུད་ནས་དྲང་གདན་དང་རྒྱལ་བསྐྱོར་གནང་རོགས་གནང་།
རྒྱ་མི་ཧམ་སེམས་ཅན་དེ་དག་གི་སྤྱོད་ངན་དེ་ཚོ་ཕྱིར་ལ་ཐོན་པ་ཡག་པོ་རེད།
ལྟོས་ངན་ནང་དུ་བསྡུས་ན། འཇུག་མ་འོག་ཏུ་ཐོན་ཡོང་ཟེར་བའི་དཔེ་ལྟར་རེད།
ནིའུ་ཛི ལན་ཌི་གྲོས་ཚོགས་འཐུས་མི་དང་། ལྗང་ཁུ་ཚོགས་པའི་ཚོགས་གཙོ་གཞོན་པ་སྐུ་ཞབས་རོ་སེལ་ནོར་མེན་ལགས་ལ་ཐུགས་རྗེ་ཆེ་ཞུ།
སྐུ་ཞབས་རོ་སེལ་ནོར་མེན་ལ་ང་ཚོས་ཐུགས་སྤྲོ་ཞིག་གོ་སྒྲིག་ཞུ་འོས།
ནིའུ་ཛི་ལན་ཌི་གྲོས་ཚོགས་མཐུས་མི་དང་ལྗང་ཁུ་ཚོགས་པའི་
ཚོགས་གཙོ་གཞོན་པ་སྐུ་ཞབས་རོ་སེལ་གཉིས་ནས་རྒྱ་ནག་གི་སྲིད་འཛིན་གཞོན་པ་
ཞི་ཆེན་ཕིན་ལ་ངོ་རྒོལ་བྱེད་ཐུབ་ཀྱང་དེར་གནས་ཞུགས་བོད་མི་རྣམས་ཀྱི་ངོ་རྒོལ་མི་བྱེད་པའི་རྒྱུ་མཚན་གང་ཡིན་ནམ།།
ནིའུ་ཛི ལན་ཌི་གྲོས་ཚོགས་འཐུས་མི་དང་། ལྗང་ཁུ་ཚོགས་པའི་ཚོགས་གཙོ་གཞོན་པ་སྐུ་ཞབས་རོ་སེལ་ནོར་མེན་ལགས་ཀྱིས་ལག་ཏུ་བོད་ཀྱི་རྒྱལ་དར་ཞིག་འཕྱར་ཏེ། བོད་ནང་ལ་རང་དབང་དགོས། ཅེས་རྒྱ་ནག་གི་སྲིད་འཛིན་གཞོན་པ་ཞི་ཆེན་ཕིན་གྱི་སྔོན་དུ་གསུང་ཕོད་པ་ལ་རྗེས་སུ་ཡི་རང་དང་བསྔགས་བརྗོད་ཞུ།
འགྲོ་བ་མིར་རང་དབང་ལྡན་པའི་རྒྱལ་ཁབ་ཚོ་ངོ་མ་འདྲ་ས་མི་འདུག
ཐུགས་རྗེ་ཆེ་ཟེར་གི་ཡིན།
ནིའུ་ཛི་ལན་ཌི་གྲོས་ཚོགས་འཐུས་མི་དང་ལྗང་ཁུ་ཚོགས་པའི་ཚོགས་གཙོ་གཞོན་པ་སྐུ་ཞབས་རོ་སེལ་ནོར་མེན་སོགས་ལ་སྙིང་ཐག་པ་ནས་ཐུག་རྗེ་ཆེ་ཞུ།
དམངས་གཙོ་དང་རང་དབང་། སྨྲ་བརྗོད་དང་ཐོབ་ཐང་སོགས་དགོས་པ་འཛམ་གླིང་སྐྱེས་འགྲོ་ཡོང་ལ་གཅིག་མཚུངས་རེད། རྒྱ་དམར་ཧམ་སེམས་ཅན་དེ་དག་གི་ངོ་ཚ་མེད་པའི་བྱ་སྤྱོད་དེ་དག་ཕྱིར་ཐོན་པ་དེ་ཡག་པོ་རེད།
ཁྱེད་རྣམ་པ་ཚོས་ཉམ་ཐག་པའི་བོད་མི་རིགས་འདི་ལ་རྒྱབ་སྐྱོང་གནང་བར་ཐུགས་རྗེ་ཆེ་ཞུ།
བློ་ཡིད་ཚིམས་སོང་།
འདིའི་རིགས་གལ་ཆེ།
ང་ཚོ་བོད་མི་རིགས་ཀྱ་ངོ་རྒོལ་གྱི་མ་ལྡང་སར་ནིའུ་ཛི་ལན་ཌིའི་གྲོས་ཚོགས་ཀྱི་འཐུས་མིའི་ངོས་ནས་བོད་དོན་རྒྱལ་སྦྱོར་དང་བོད་དོན་དྲིལ་བསྒྲགས་གནང་པར་རྗེས་སུ་ཡི་རང་ཞུ།
ངོ་མ་ཐུག་རྗེ་ཆེ།
དྲང་པོ་དང་འདྲ་མཉམ་མི་བྱེད་མཁན་ཡུལ་གང་དུ་སོང་ཡང་གནས་ཚུལ་འདི་འདྲ་ལས་ཡོང་རྒྱུ་ཁག་པོ་རེད།
ཨ་ཧོ་་་འདི་འདྲའི་ངོ་རྒོལ་མང་ཙམ་བྱུང་ན་དགའ་བ་ལ་་་་
ནིའུ་ཛི ལན་ཌི་གྲོས་ཚོགས་འཐུས་མི་ཡོངས་དང་།གཞན་ཡང་ལྗང་ཁུ་ཚོགས་པའི་ཚོགས་གཙོ་གཞོན་པ་སྐུ་ཞབས་རོ་སེལ་ནོར་མེན་སོགས་བོད་དོན་རྒྱབ་བསྐྱོར་ཡོངས་ལ་སྙིང་ཐེག་པ་ནས་ཐུགས་རྗེ་ཆེ་ཞུ་བ་དང་ཆབས་ཅིག་ཏུ་མི་མཐུལ་དུ་བོད་མི་རིགས་ལ་རྒྱབ་བསྐྱོར་གནང་བར་རེ་འདུན་དང་ཞུ
་ངོ་མ་དགའ་ཡང་དགའ་ལ་སྐྱོ་ཡང་སྐྱོ་ནི་ཞིག་རེད
ནིའུ་ཛི ལན་ཌི་གྲོས་ཚོགས་འཐུས་མི་དང་། ལྗང་ཁུ་ཚོགས་པའི་ཚོགས་གཙོ་གཞོན་པ་སྐུ་ཞབས་རོ་སེལ་ནོར་མེན་སོགས་བོད་དོན་རྒྱབ་སྐྱོར་གནང་བར་སྙིང་ཐུགས་རྗེ་ཆེ་ཞུ།
ང་ཚོའི་རྒྱ་མིའི་སྐུ་སྲུང་ཕམ་འགྱུར་ཅིག ནིའུ་ཛི་ལན་ཌིའི་གྲོས་ཚོགས་འཐུས་མི་རྒྱལ་འགྱུར་ཅིག
ངོ་མ་གསར་འགྱུར་འདི་གོ་དུས་རེ་བ་ཞིག་ཡིད་ལ་དྲན་བྱུང་། གྲོགས་དོན་བཀྲས་གསར་འགྱུར་མཁོ་སྤྲོད་གནང་བ་དགའ་ཡོད། དེང་སང་གྲྭ་ས་ནས་དུས་བབ་དྲ་ངོས་ཀྱི་གསར་་འགྱུར་ལ་རེ་སྒྲུག་བྱེད་ཀྱིན་འདུག
ནིའུ་ཛི ལན་ཌི་གྲོས་ཚོགས་འཐུས་མི་དང་། ལྗང་ཁུ་ཚོགས་པའི་ཚོགས་གཙོ་གཞོན་པ་སྐུ་ཞབས་རོ་སེལ་ནོར་མེན་སོགས་བོད་དོན་རྒྱབ་སྐྱོར་གནང་བར་སྙིང་ཐུགས་རྗེ་ཆེ་ཞུ།