དབུས་གཙང་གི་བཀའ་སྤྱིའི་འོས་མི་ཕྱིར་བསྒྲགས།

༄༅༑ དབུས་བཙང་རྒྱུན་ལས་རྣམས་ཀྱིས་བཀའ་ཁྲི་དང་སྤྱི་འཐུས་འོས་གཞི་ཞིག་སྟོན་འདུག་པར་གུས་
འདོད་བློ་རྩ་བ་ནས་ཁེངས་མ་སོང། བཀའ་ཁྲི་འོས་མི་གཅིག་མ་གཏོགས་མ་སྟོན་པ་གང་ཡིན། ཕྱོགས་ལྷུང་
གི་སྤྱན་བསྒྲིབ་ནས་ཅིག་མ་གཏོགས་མ་མཐོང་བ་ཡིན་པ་འདྲ། གལ་ཏེ་ཁྱེད་རྣམས་ཀྱི་ཕྱོགས་ལྷུང་གཏན་
མིན་བཀའ་ཁྲི་འོས་མིང་ནང་སྐུ་ངོ་བཀྲ་ཤིས་དབང་འདུས་དང་ཨ་མ་རྗེ་བཙུན་པེད་མ་འོས་གཞི་སྟོན་ཡོད་ཀྱང་
ཁོང་རྣམས་གཉིས་ཀྱི་དགོངས་པ་ཞུས་པ་རེད་བརྗོད་ཚེ། གུས་པ་རང་དབང་མེད་པར་སྣང་རྟོག་འདི་ལྟར་
ཞིག་ཆར། སྤྱོ་ཚོགས་ནང་གླེང་སློང་གཏན་ནས་མེད་མཁན་མི་གཉིས་གདམས་པ་གང་ཡིན། སྤྱོ་ཚོགས་
ནང་ཡོངས་སུ་གྲགས་མཁན་མཁས་དབང་སློ་བཟང་སེང་གེ་ཆ་རྐྱེན་གང་མ་ཚང་བའི་དབང་ལས་བཀའ་ཁྲི་འོས་
མིང་དུ་མ་བཀོད་པ་ཡིན། འདི་ལ་ལན་དཀྱིད་ཕྱིན་པ་ཞིག་མ་བཏབ་ཚེ་བོད་མི་ཕལ་མོ་ཆེ་ལ་དོགས་པ་འདི་
བསལ་མི་ཐུབ། གཙན་བྱོལ་བའི་སྤྱི་ཚོགས་འཕྲོད་ཕྱོགས་ལྷུང་བྱེད་མཁན་སྤྱི་འཐུས་རྣམས་ཕྱིར་འབུད་བཏང་
དགོས་ཀྱི་འདུག་ཅེས་ནམ་མཁའི་འབྲུག་སྒྲ་ལྟར་སྒྲོག་བཞིན་པའི་སྐབས་འདིར་ཁྱེད་རྣམས་ཀྱིས་ཟླ་བ་ཚེ་རིང་
འོས་མིང་དུ་བཀོད་པ་འདི་མི་མང་སྨྱོ་བྱེད་ཀྱི་དུག་ཆུ་བཏབ་པ་མིན་ནམ། ཁྱེད་རྣམས་ཀྱིས་སྔར་ལོ་ནད་གཞི་
རྙིང་པ་སླར་གསོ་བའི་ཆེད་དུ་གཏན་ནས་ཡིན་གྱི་མ་རེད། ད་ལྟའི་སྤྱི་ཚོགས་ནང་བཀའ་ཁྲི་དང་སྤྱི་འཐུས་
གླེེང་སློང་འཕྲུག་ཆ་དོད་པའི་སྐབས་འདིར་ཁྱེད་རྣམས་འོས་མིང་སྟོན་པ་འདི་བའི་རྐྱེན་བྱས་ནས་མ་འོང་པར་
འོས་བསྡུས་ཡང་དག་པ་ཞིག་མ་བྱུང་ཚེ་འགས་ཚང་མ་ཁྱེད་རྣམས་ཀྱི་བཞེས་དགོས།

འགྲན་རྩོད་ཀྱང་དགོས་ངེས་ཞིག་རེད་ལ། ཐོབ་ཤོར་ཀྱང་ཡོད་སྲིད་པ་ཞིག་རེད།
འོན་ཀྱང་དེའི་བར་ནས་སྤྱི་དོན་མ་ཤོར་བ་ཞིག་བྱེད་རོགས་ཞུ་རྒྱུ་ཡིན།

དབུས་གཙང་ཆོལ་ཁས་བློ་བཟང་སེང་གེ་ལྟ་བུའི་དུས་གསར་བའི་མི་བུ་དག་མཐོང་གི་ཡོད་ས་མ་རེད། ཡ་ཡ་གནའ་ནས་ད་བར་ཅི་འཇོན་འདི་འཇོན་མེད་པའི་རྒད་པོ་ཞིག་ལ་དམིགས་འདུག ལོ་ལོན་ཆ་བོ་འགྲོ་ས་ཞིག་ལ་འགྲོ་མ་་ཚར་བར་དུ་ཤེས་འཇོན་ཉིས་ལྡན་གྱི་གཞོན་སྐྱེས་དག་ལ་གོ་སྐབས་ཡོད་ས་མ་རེད།

དབུས་གཙང་ཆོལ་ཁའི་མི་དམངས་རྣམས་ཀྱི་མངོན་འདོད་གཞིར་བཞག་ཡོད་ན་རྡ་སའི་ཁུལ་གྱི་དབུས་གཙང་མི་དམངས་རྣམས་ལ་གསལ་བསྒྲགས་མི་བྱེད་པའི་རྒྱུ་ཚན་ཅི་ཡིན་ནམ?

ཕྱོགས་རིས་འདུག་ག ཕྱོགས་རིས་འདུག དཀོན་མཆོག་མཁྱེན།
མདོ་སྟོད་ལ་ཁ་གཏད་བཅོག་མཁན་ཚོ་དབུས་གཙང་གི་སྤྱི་འཐུས་ཡག་སའི་གྲས་ལ་བཀོད་འདུག་ག དེ་རིང་ཡིན་ན། སྤྲེའུ་སུན་འུ་ཁུང་གིས་སྤྲུལ་པ་བསྟན་མི་དགོས་པར། དབུས་གཙང་རྒྱུན་ལས་ཚོའི་རང་གཟུགས་གསོན་པོ་མངོན་བྱུང་ང་། དབུས་གཙང་མི་མང་གཟབ་གཟབ་གནང་། བརྟག་དཔྱད་གནང་གཞན་མ་གཏོགས་འཁྲིད་ས་ཞིག་ལ་འཁྲིད་ཡོང་ང་།
མདོ་སྟོད་ཀྱིས་ཀྱང་དབུས་གཙང་ལ་ཁ་གཏད་གཅོག་མཁན་ཚོ་སྤྱི་འཐུས་ཡག་གྲས་སུ་བདམས་ན། སྔོ་ལོ་ལངས་ནས་འཕྱར་རྒྱུ་རེད། བོད་ཀྱི་ལས་དབང་། ཨ་ཙ་མ།
མདོ་སྨད་ད་ལོ་སེམས་ཁྲལ་དགོས་ཀྱི་མ་རེད། ཟམ་གདོང་བླ་མ་བཀའ་ཁྲི་མིན་སྟབས་དེ་ལ་ཁ་གཏད་བཅོག་མཁན་ཞིག་འཚོལ་དགོས་ཀྱི་མ་རེད།
བོད་འདི་སྙིང་རྗེ།

དབུ་གཙང་ཆོལ་ཁ་ནས་ངེས་པར་དུ་བཀྲས་མཐོང་བསྟན་འཛིན་རྣམ་་རྒྱལ་མཆོག་གི་ལོ་སྒྱུ་བྱུང་རབས་ཐོག་ནས་མ་འོང་བཀའ་ཁྲིའི་འོས་ཆོས་ཚང་གི་་ཡོད་མེད་བརྟག་དཔྱད་དང་གསལ་བཤད་དགོས་།།

དབུས་གཙང་ཆོལ་ཁ་ཡ་་དབུས་གཙང་ཆོལ་ཁ་་་ཁྱོད་ཚོས་མངོན་གནས་རྒྱ་གཞུང་གི་ལམ་ཕྱོགས་ནང་བསྐྱོད་སོང་། ལོ་རྒྱུས་ལ་རྡོ་རྫི་བཏང་སོང་།

འོ སྒོ་དྲུག་ལགས་ཀྱིས་ཀྱང་རང་བཙན་ལྟ་བ་དོར་པ་ཡིན་ནམ

བོད་རང་བཙན་གྱི་ལྟ་བ་དོར་དགོས་པའི་ས་རྟགས་མ་ཟད་ཧྥུའུ་ཅིན་ཐུའུ་ལ་མགོ་བཏགས་ལུས་འབུལ་བྱེད་དགོས་པའི་ས་རྟགས་བསྡུ་ནའང་བསྡུས་བཅུག ཁྱེད་ཚོར་ཇུས་གཏོགས་ཡོད་པ་མ་རེད། འོས་མི་མང་ཆེ་བ་འགྲིག་འདུག དབུས་གཙང་ཚང་ལ་དེ་ལས་འདེམས་རྒྱུ་ཡོད་པ་མ་རེད། ཀརྨ་ཆོས་འཕེལ་ཟེར་བའི་ར་བཟི་དེ་ལ་འཇོན་ཐང་ཡོད་ཟེར་ན་ད་རྣམ་རྟོག་རེད།

དབུས་གཙང་དབུས་རྒྱུན་གྱིས་ཆུ་གློད་འདུག
ད་ལྟ་བཙན་བྱོལ་ཁྲོད་ཀྱི་ཆོལ་ཁ་གསུམ་གྱི་སྒྲིག་འཛུགས་ཞེས་པ་འདིས། སྤྱི་ཚོགས་ལ་ཕན་ཐོགས་གཏན་ནས་མ་མྱོང་ཞེས་བརྗོད་ཀྱང་མི་ཆོག་པ་མེད་ལ། དུས་རྒྱུན་སྒྲིག་འཛུགས་འདི་གསུམ་གྱིས་སྤྱི་ཚོགས་ནང་ཟང་ཟིང་བཟོས་པའི་གནས་ཚུལ་ནི་རྒྱུན་ཆད་མྱོང་གཏན་ནས་མེད། དཔེར་ན་མདོ་སྟོད་ཆུ་སྒང་སྒྲིག་འཛུགས་ཀྱི་ངོས་ནས་རྩོད་རྙོག་རྒྱུན་ཆད་མེད་པ་ཞིག་བསླངས་ཡོད་ལ། ད་ལྟའི་ཆར་ཡང་སྒྲིག་འཛུགས་གཉིས་ཀྱི་མིང་ཐོག་ནས་མདོ་སྟོད་མི་མང་དུམ་བུ་གཉིས་སུ་འགྲོ་རྒྱུའི་ཐབས་ཤེས་གང་ཡོད་བྱེད་བཞིན་ཡོད་པ་རེད།
མདོ་སྟོད་ཀྱི་སྒྲིག་འཛུགས་ཆུ་བཞི་སྒང་དྲུག་ཟེར་བ་དེ་ལ་མཚོན་ནའང། གཟི་བརྗིད་ཅན་གྱི་སྒྲིག་འཛུགས་དེ་ཆོལ་ཁ་ཞིག་གི་སྒྲིག་འཛུགས་ཀྱི་མིང་དུ་ཐོགས་པའི་རྗེས་ནས་སྤྱི་ཚོགས་ནང་ཕན་ཐོགས་པའི་བྱ་བ་གཅིག་ཀྱང་བྱེད་མྱོང་མེད་ཅེས་བརྗོད་ཆོག ད་ལྟའི་ཆར་ཡང་དཔལ་འབྱོར་ཆེན་པོ་ཡོད་མདོག་དང་ས་ཁང་མང་པོ་ཡོད་ཅེས་སྤྱི་ཚོགས་ནང་འུར་སྒྲོག་བྱེད་བཞིན་ཡོད་ཀྱང་མ་འོངས་པར་སུ་ལ་ཕན་ཐོགས་མིན་ནི་ཐེ་ཚོམ་གྱི་རང་བཞིན་དུ་གྱུར་པ་ཞིག་རེད། དེ་བཞིན་སྤྱི་ཚོགས་ནང་མཐོང་རྒྱུ་མེད་ཀྱང་ཆུ་སྒང་དབུས་རྒྱུན་ཟེར་བའི་མིང་ཐོག་ནས་སྤྱི་འཐུས་ཀྱི་འོས་གཞི་མི་༢༠ ཞིག་བཏོན་ཡོད་འདུག སུ་དང་སུ་ཡིན་མིན་མི་ཤེས་ཀྱང། སྐབས་བཅུ་བཞི་པའི་གྲོས་ཚོགས་ཚོགས་དུས་བརྒྱད་པའི་ཐོག་རྙོག་གྲྭ་སློང་མཁན་གཙོ་བོ་རྣམས་ཡིན་ངེས་པ་རེད། ཚོགས་གཙོ་དང་ཚོགས་གཞོན་སོགས་དབུས་རྒྱུན་རྣམས་རྒྱ་གར་གྱི་ས་གནས་གང་སར་འོས་ཤོག་ཁྱབ་བསྒྲགས་བྱེད་དུ་འགྲོ་བཞིན་ཡོད་ཚུལ་འདུག གསལ་པོ་མི་ཤེས་ཀྱང་སྤྱི་འཐུས་ཀྱི་འོས་གཞི་མི་༢༠ པོ་འདི་དག་ལའང་ཆུ་སྒང་སྒྲིག་འཛུགས་ཀྱི་ངོས་ནས་ཆ་རྐྱེན་ཞིག་བཏོན་ཡོད་ཚུལ་འདུག དེ་ག་རེ་ཡིན་མིན་མི་ཤེས་ཀྱང་དམིགས་ཡུལ་བཟང་པོ་ཞིག་གི་ཐོག་ནས་བཏོན་མེད་པ་ཧ་ཅང་གསལ་པོ་རེད་སྙམ།
ཁ་སང་དབུས་གཙང་ཆོལ་ཁའི་དབུས་རྒྱུན་ལས་ཟེར་བའི་མིང་ཐོག་ནས་བཀའ་བློན་ཁྲི་པའི་འོས་གཞི་དང། སྤྱི་འཐུས་ཀྱི་འོས་གཞི་༢༠ བཏོན་འདུག དེ་ཡང་“ཆོལ་ཁར་ཤ་ཚ་ཞེན་ཁོག་ལྡན་པ་དང། དབུ་མའི་ལམ་གྱི་སྲིད་ཇུས་ཐོག་ཤར་བསྐྱོད་བྱེད་རྒྱུར་ངོས་ལེན་དགོས་”ཞེས་ཆ་རྐྱེན་གཉིས་བཏོན་ཡོད་པ་རེད། གནད་དོན་འདིའི་ཐོག་ནས་གང་ཞིག་ར་སྤྲོད་བྱས་པ་རེད་ཅེས་བརྗོད་ན། དུས་རྒྱུན་དབུས་གཙང་པ་ལ་མཚོན་ན་ཆོལ་ཁའི་ཞེན་ཁོག་མེད། བོད་པ་སྤྱི་ཡོངས་ལ་བསམ་བློ་གཏོང་གི་ཡོད་ཅེས་བརྗོད་བཞིན་ཡོད་ལ། བཙན་བྱོལ་ནང་དུ་དབུས་གཙང་པ་ཚོ་མི་འབོར་མང་ཤོས་ཡིན་པས་བཀའ་བློན་ཁྲི་པ་སུ་ཞིག་འདེམས་དགོས་པ་དབུས་གཙང་མི་མང་གི་ལག་པར་ཡོད་ཀྱང། བཀའ་བློན་ཁྲི་པར་སྐབས་གཉིས་ལ་ཟམ་གདོང་རིན་པོ་ཆེ་བདམ་པ་དེ་དབུས་གཙང་མི་མང་གི་ཆོལ་ཁའི་ཞེན་ཁོག་བྱེད་ཀྱི་མེད་པའི་དཔང་རྟགས་རེད་ཅེས་སྤོབས་པས་ཐོག་ནས་བགྲང་ཆོག་ཆོག་ཡོད། ད་ལན་ཡང་དབུས་གཙང་ཆོལ་ཁའི་ངོས་ནས་བཀའ་ཁྲིའི་འོས་གཞི་འདོན་སྟངས་ལ་སྐབས་འདིར་གླེང་སློང་གང་ཡང་བྱེད་རྒྱུ་མིན་མོད། སྤྱི་འཐུས་ཀྱི་འོས་གཞི་འདོན་སྟངས་ཀྱི་ཐོག་ལ་བསམ་ཚུལ་ཁ་ཤས་ཤིག་མ་བཤད་ཐབས་མེད་ཆགས་སོང།
༡༽ དབུས་གཙང་ཆོལ་ཁའི་སྒྲིག་འཛུགས་ཀྱི་ངོས་ནས་སྤྱི་འཐུས་ཀྱི་འོས་གཞི་མི་༢༠ ནང་གི་འོས་མི་ཨང་གཉིས་པ་སྤྱི་རྒྱུ་སྒེར་བདག་དང། བོད་གཞུང་ས་གནས་གཞུང་གི་ཁྲིམས་ཁང་དུ་སྐྱེལ་མཁན་ཡོངས་གླིང་ཟླ་བ་ཚེ་རིང་རེད། ཁོས་ལོ་སྔོན་མའི་གྲོས་ཚོགས་ནང་གྲོས་ཆོད་འདོན་མཁན་དང། རྒྱབ་སྐྱོར་བྱེད་མཁན། དགག་པ་རྒྱག་མཁན་བཅས་ཀྱིས་བཤད་ཟིན་པ་དང། ཡིག་ཆ་དེ་གྲོས་ཚོགས་སུ་ཚུད་ཟིན་པའི་རྗེས་སུ་བགྲོ་གླེང་བྱེད་མཁན་དང་པོ་ཡོངས་གླིང་ཟླ་བ་ཚེ་རིང་རེད། ཁོས་གྲོས་ཆོད་དེའི་ངོ་གདོང་གི་འགྲེལ་བཤད་ཚིག་གཅིག་མ་བརྒྱབ་པ་མ་ཟད། ཐ་ན་གྲོས་ཆོད་དེ་ལ་རྒྱབ་སྐྱོར་ཡོད་མེད་ཙམ་ཡང་མ་གླེང་བར་ཕུ་དུང་གཡས་བརྫེས་གཡོན་བརྫེས་ཀྱིས་དབུས་གཙང་ཆོལ་ཁ་ངའི་རྒྱབ་ཏུ་ཡོད་མདོག་མདོག་དང། ཆེས་མཐོའི་ཁྲིམས་ཞིབ་ཁང་ལ་སྐྱོན་འཛུགས་སོགས་སྤྱི་འཐུས་ནང་ཁུལ་ལ་སྐྱོན་འཛུགས་དང་དཔའ་ངོམ་དཔུང་ངོམ་གྱིས་ཆོལ་ཁའི་ཞེན་གོག་བཤད་སོང་ལ། དེ་ལ་བརྟེན་ནས་གྲོས་ཚོགས་ནང་ཚ་ཚ་འུར་འུར་ཞིག་ཏུ་ཆགས་པ་རེད། བགྲོ་གླེང་གི་ཁ་ཕྱོགས་ཀྱང་ཁོས་མགོ་བཙུགས་ནས་གཞན་ཞིག་ཏུ་བསྒྱུར་སོང། དངོས་གནས་ཁོ་མི་ཐ་ཆད་རེད། འོན་ཀྱང་མདོ་སྟོད་ཆུ་སྒང་དང་དེའི་ཕྱོགས་གཏོགས་རྣམས་ལ་ཁ་གཏད་གདོང་ལ་བུད་ནས་གཅོག་བཞིན་ཡོད་སྟབས་དབུས་གཙང་དབུས་རྒྱུན་གྱི་ངོས་ནས་ཁོང་དབུས་གཙང་ཆོལ་ཁའི་སྤྱི་འཐུས་ཀྱི་འོས་གཞི་ཨང་གཉིས་པར་བཞག་པ་རེད། འདི་དངོས་གནས་བློ་ཕམ་གྱི་རང་བཞིན་རེད།
༢༽ གཉིས་པ་ཟླ་བ་ཕུན་སྐྱིད་ལ་མཚོན་ན་མི་བཟང་ངན་གྱི་སྐད་ཆ་གང་ཡང་བཤད་རྒྱུ་མེད་ཀྱང། སྐབས་བཅུ་བཞི་པའི་འོས་ཤོག་བླུག་པའི་སྐབས་ཁོ་སྤྱི་འཐུས་ཨང་༩ པ་རེད། རྒྱུ་མཚན་ཀརྨ་ཆོས་འཕེལ་དང་འཆམ་པོ་ཡོད་ཚུལ་དང་དེ་བརྒྱུད་ནས་ཆུ་མདོ་སྟོད་ཀྱི་ཕྱོགས་གཏོགས་རྣམས་དང་ཉེ་བོ་མེད་དམ་བསམ་པ་ཞིག་གི་ཐོག་ནས་དབུས་གཙང་དབུས་རྒྱུན་གྱི་ངོས་ནས་ཁོ་མི་སླེབས་པའི་ཐབས་ཤེས་གང་མང་བྱས་པའི་ལོ་རྒྱུས་ཡོད་པ་རེད། དེ་ལ་བརྟེན་ནས་ཁོས་སྐབས་བཅུ་བཞི་པའི་ནང་དུ་གནད་དོན་དེ་གཙང་སེལ་བྱེད་ཆེད་དུ་སྐད་ཆ་གལ་ཆེན་པོ་གཉིས་བཤད་པའི་ལོ་རྒྱུས་ཡོད་ཚུལ་གནད་ཡོད་མི་སྣ་ཞིག་གིས་བརྗོད་སོང་ལ། རྗེས་སུ་གྲོས་ཚོགས་ལས་རིམ་གསར་ཤོག་སོགས་ལ་ཞིབ་སྐབས་བདེན་པ་རེད་འདུག དང་པོ་ཆུ་སྒང་ལྔ་བཅུའི་དུས་དྲན་སྐབས་མང་གཙོའི་ཀ་བ་གསུམ་སྐུ་མགྲོན་དུ་ཕེབས་པ་དེ་གང་མིན་ཚད་རེད་ཅེས་བཤད་པ་རེད། དོན་དངོས་ཁོས་དེ་ལྟར་བསམ་ཡོད་མེད་མི་ཤེས་ཀྱང། གནད་དོན་གཙོ་བོ་མདོ་སྟོད་ཆུ་སྒང་གི་སྒྲིག་འཛུགས་ལ་སྡང་པོ་ཡོད་མདོག་བྱས་ནས་དབུས་གཙང་པ་ཚོའི་རྒྱབ་སྐྱོར་འཐོབ་ཐབས་བྱས་པ་རེད། གཉིས་པ་ཉེ་བའི་ཆར་༧གོང་ས་མཆོག་གི་གསུང་འཕྲིན་ལ་ཉན་ཞིབ་སྐབས་ཁོས་བཀའ་ཟུར་དེ་ཚོས་སྔོན་མ་ཞབས་སྟེགས་སྟེང་དུ་ཡོད་དུས་སྐད་ཆ་གཅིག་བཤད། ཟུར་པ་ཆགས་དུས་སྐད་ཆ་གཅིག་བཤད་ནས་སྤྱི་ཚོགས་ནང་འཁྲུག་ཐེབས་ཀྱི་ཡོད་ཚུལ་བཤད་པ་རེད། བཤད་དུས་བཀའ་ཟུར་སྤྱི་ཡོངས་ལ་བཤད་པའི་སྐད་ཆ་ཡིན་ནའང། དོན་དམ་དུ་དམིགས་ས་གཙོ་བོ་འཇུ་ཆེན་ཐུབ་བསྟན་རེད། སྐབས་དེར་ཉན་ཞིབ་བྱེད་དགོས་དོན་ཡང་གཙོ་བོ་གཅིག་འཇུ་ཆེན་ཐུབ་བསྟན་གྱི་སྐད་ཆ་ལ་བརྟེན་ནས་བྱུང་བ་ཡིན་སྟབས་ཁོས་བཤད་པ་དེ་ཐད་ཀར་འཇུ་ཆེན་ཐུབ་བསྟན་པ་བཤད་པ་རེད། གནད་དོན་དེའི་ཐོག་ནས་ཟླ་བ་ཕུན་སྐྱིད་འཇུ་ཆེན་ཐུབ་བསྟན་ལ་སེམས་གཏིང་ནས་མི་དགའ་བ་ཡིན་མིན་མི་ཤེས་ཀྱང། དོན་དམ་འཇུ་ཆེན་ལ་ཁ་བཏང་ན་དབུས་གཙང་མི་མང་དགའ་ཐུབ་ཀྱི་ཡོད་པ་ཞིག་ལ་ངོས་འཛིན་བྱས་ནས་བཤད་པ་རེད་ལ། དེ་ལ་བརྟེན་ནས་ཁོ་དབུས་གཙང་སྤྱི་འཐུས་ཀྱི་འོས་གཞི་ཨང་གསུམ་པར་བཀོད་པ་རེད།
༣༽ ཀརྨ་ཆོས་འཕེལ་གྱིས་གྲོས་ཚོགས་ནང་མདོ་སྟོད་ཀྱི་ཕྱོགས་གཏོགས་རྣམས་ཀྱིས་བཤད་སྟངས་དང་གཅིག་པ་བཤད་པ་མ་ཟད། དེ་ལས་ཀྱང་ཅུང་ངར་བའི་བཟོ་ལྟ་བསྟན་པར་བརྟེན། ད་ལྟའི་ཆར་དབུས་གཙང་གི་སྤྱི་འཐུས་ཀྱི་འོས་གཞི་མི་༢༠ ནང་དུ་གཏན་ནས་བཞག་མེད་པ་རེད།
༤༽ པདྨ་འབྱུང་གནས་སྔོན་མ་ཡིན་ན་ས་སྐྱ་ཆོས་བརྒྱུད་ཁོ་ནའི་སྤྱི་འཐུས་རྐྱང་པ་བྱས་ནས་ཡོང་བ་ཞིག་ཡིན་ཡང། ད་ལོ་དབུས་གཙང་གི་སྤྱི་འཐུས་ཀྱི་འོས་ཁོངས་སུ་ཡོད་བཞག་ཡོད་པ་རེད། རྒྱུ་མཚན་ནི་ཚོགས་དུས་བརྒྱད་པའི་རྩོད་རྙོག་ནང་དབུས་གཙང་ སྤྱི་འཐུས་པདྨ་དང་བདེ་ཆེན་དང། དབུས་གཙང་སྤྱི་འཐུས་ ཀརྨ་རྒྱ་མཚོ་ཞེས་སྐད་ཆེན་པོ་དང་གདངས་རིང་པོ་འཐེན་ནས། ང་ཚོ་དབུས་གཙང་སྤྱི་འཐུས་ལ་ཐོབ་ཐང་དེ་མ་རག་ཙང་མདོ་སྟོད་སྤྱི་འཐུས་བསོད་ནམས་སྟོབས་རྒྱལ་ལ་ལམ་གྲོན་སྤྲོད་མི་ཆོག་ཚུལ་རྩོད་གླེང་ཤུགས་ཆེ་ཤོས་བྱེད་མཁན་ཡིན་པས་དབུས་གཙང་གི་སྤྱི་འཐུས་ཀྱི་འོས་གཞིར་བཏོན་པ་རེད།
༥༽ སྤྱི་འཐུས་རྙིང་པ་རྣམས་ཀྱི་ནང་ནས་ཨང་རིམ་དམའ་ཤོས་ངག་དབང་ལྷ་མོ་ཡིན་པ་དང། སྐབས་བཅུ་བཞི་པའི་སྐབས་སུ་མཐོ་ཤོས་ཨང་གསུམ་པ་རེད། ད་ལྟ་དམའ་ཤོས་ཀྱི་གྲས་སུ་བཀོད་པ་དེ་ལ་རྒྱུ་མཚན་གཅིག་ལས་ཡོད་པ་མ་རེད། ཚོགས་དུས་བརྒྱད་པའི་སྐབས་ངག་དབང་ལྷ་མོས་ཡིག་ཆང་ཨང་༣༨ ལ་ས་ཡིག་བརྒྱབ་ཡོད་པ་རེད། མོ་རང་གི་ངོས་ནས་དེ་ལྟར་བྱས་ན་དབུས་གཙང་མི་མང་གི་རྒྱབ་སྐྱོར་རག་ཆེད་དུ་ཡིན་ཡང། ད་ལྟའི་དབུས་གཙང་ཚོགས་གཙོ་སྒྲོལ་མ་ཚེ་རིང་དང་ཁོང་གཉིས་རྒྱུ་མཚན་ག་རེ་ཡིན་མི་ཤེས་ཀྱང་གཏན་ནས་མི་འཆམ་པས་ཁོང་འོས་གཞིའི་ནང་ཨང་གྲངས་དམའ་ཤོས་ཀྱི་གྲས་སུ་བཏང་བ་རེད།
༦༽ ཚེ་རིང་སྒྲོལ་མས་ཡིག་ཆ་ཨང་༣༨ པར་རྒྱབ་སྐྱོར་དང་སྐད་ཆ་མང་པོ་ཞིག་ངར་ངར་ཤོར་ཤོར་གྱིས་བཤད་ཁུལ་བྱས་ཀྱང། མོ་དང་ངག་དབང་ལྷ་མོ་གཉིས་འཆམ་པོ་ཡོད་སྟབས། ཕོ་རོག་ནག་པོའི་སྡིག་སྒྲིབ་ཀྱིས་ངང་པ་སེར་པོ་འདམ་ལ་ཚུད་ཟེར་བའི་དཔེ་བཞིན། དབུས་གཙང་དབུས་རྒྱུན་ཚོགས་གཙོ་སྤྱི་འཐུས་སྒྲོལ་མ་ཚེ་རིང་གིས་བསམ་ངན་བྱས་ནས་འོས་གཞི་ཨང་དམའ་ཤོས་ཀྱི་གྲས་སུ་བཞག་པ་ཚོད་དཔག་བྱེད་ཐུབ།
གཞན་ཆ་རྐྱེན་གཉིས་ཀྱི་སྐོར་ལ་བསམ་ཚུལ་ཁག་ཅིག་བརྗོད་རྒྱུ་ཡིན། “ཆོལ་ཁར་ཤ་ཚ་ཞེན་ཁོག་ལྡན་པ་དང། དབུ་མའི་ལམ་གྱི་སྲིད་ཇུས་ཐོག་ཤར་བསྐྱོད་བྱེད་རྒྱུར་ངོས་ལེན་དགོས་”སྤྱིར་མང་གཙོའི་འགྲོ་སྟངས་ཀྱི་ཐོག་ནས་གྲོས་ཚོགས་ནང་ཆབ་སྲིད་ཀྱི་ལྟ་གྲུབ་མི་གཅིག་པ་ཁུར་མི་ཆོག་པ་མེད་ཀྱང། ང་ཚོའི་མང་གཙོའི་ནང་རང་བཙན་གྱི་ལྟ་གྲུབ་ཁུར་མཁན་སླེབས་མི་ཆོག་པ་འགན་ཁུར་མཁན་མང་པོ་ཞིག་གི་དགོངས་བཞེས་སྟངས་རེད། དེར་བརྟེན་ད་ལྟའི་ཆར་ལངས་ཕྱོགས་མི་འདྲ་བ་ཞིག་ཁུར་ཡང་ནུས་པ་འདོན་ཐུབ་པའི་ཁོར་ཡུག་གཏན་ནས་མེད་པས་དབུས་རྒྱུན་གྱིས་གོང་རིམ་ལ་སྤྲེལ་ལད་འཁྲབ་བྱེད་ཀྱི་ལག་ཆ་ཞིག་ཏུ་དབུ་མའི་ལམ་དུ་ཤར་བསྐྱོད་དགོས་ཚུལ་བརྗོད་པ་དེ་སྤྱི་ཚོགས་ཀྱི་གནས་སྟངས་ཆ་ནས་ང་ཚོའི་མང་གཙོའི་སྤུས་ཚད་ཀྱི་ཐོག་ནས་བལྟས་ནས་བརྗོད་མི་སྲིད་པ་ཞིག་གང་ཡང་མ་རེད། ཡིན་ནའང་གཞོན་ནུའི་རྒྱུན་ཟུར་རྣམས་ཀྱིས་ཆ་རྐྱེན་དེ་དག་ཁས་ལེན་བྱས་པ་ནི། ཡིད་ཆེས་བློ་གཏད་བྱེད་ཆོག་པའི་ལངས་ཕྱོགས་གང་ཡང་མེད་པ་གསལ་སྟོན་བྱས་པ་རེད། དངོས་གནས་ཡིག་ཐོག་ནས་ཁས་ལེན་བྱས་ཡོད་ན་ཞབས་འདྲེན་རེད། ལྷག་པར་དུ་དབུས་གཙང་ཆོལ་ཁར་ཞེན་གོག་ཡོད་དགོས་ཞེས་ཁས་ལེན་བྱེད་བཅུག་པ་དེ་དངོས་གནས་བློ་ཕམ་གྱི་རང་བཞིན་ཞིག་རེད། ཞེན་གོག་ནི་ཞེན་གོག་རང་རེད། དེ་ལ་ཡག་ཉེས་ཀྱི་སྐད་ཆ་གང་ཡང་མེད། ཞེན་པ་གོག་པོ་ཞེས་པ་དེ། གླང་གོག་དང། ཁྱི་གོག སྤྲང་གོག ཞེན་གོག་སོགས་མིང་གང་གི་མཐའ་རུ་གོག་ཅེས་པ་ཡོད་ཀྱང་སྡུག་ཕྱོགས་སུ་གོ་བ་རེད།
མི་ཁག་ཅིག་དང་ལྷག་པར་དུ་དབུས་གཙང་ཆོལ་ཁའི་ངོས་ནས་ཆོལ་ཁའི་ཞེན་གོག་བྱེད་ཀྱི་མེད་ཚུལ་བརྗོད་བཞིན་ཡོད་མོད། དོན་དངོས་དེ་ལྟར་མ་ཡིན་པར་བློ་གྲོད་པར་བཀལ་གྲོད་པས་ཆུ་གློད་ཅེས་པ་བཞིན། དབུས་གཙང་ཆོལ་ཁའི་དབུས་རྒྱུན་གྱི་ངོས་ནས་ཡུན་རིང་ས་འོག་དར་ཐག་གི་ཚུལ་དུ་གབ་སྦས་བྱས་པའི་ཕྱོགས་ཞེན་དེ་ད་ལོ་དངོས་སུ་ཁྲོམ་བསྒྲགས་བྱས་པ་རེད། འདི་ནི་ཕྱོགས་གང་ལ་བལྟས་ཀྱང་བཀྲ་མི་ཤིས་པ་ཞིག་ལས་ལེགས་པའི་གནས་ཚུལ་ཞིག་གཏན་ནས་མ་རེད། ལྷག་པར་དུ་ཆོལ་ཁ་ལ་ཞེན་གོག་བྱེད་དགོས་ན་སྤྱི་མི་ཚད་དང་ལྡན་པ་ཞིག་ཡོང་ཐབས་གཏན་ནས་མེད་པས་བཙན་བྱོལ་བོད་མིའི་བཅའ་ཁྲིམས་དང་འགལ་ཡོད་པ་རེད། ད་མདོ་སྟོད་ཀྱི་ངོས་ནས་ཆུ་སྒང་གི་མིང་ཐོག་ནས་འདི་དང་འདྲ་བའི་ཞེན་གོག་གི་རྨང་གཞི་བྱས་ནས་སྤྱི་འཐུས་ཀྱི་འོས་གཞི་ཞིག་བདམ་ཡོད་ངེས་པས་མ་འོངས་པར་ཡང་གྲོས་ཚོགས་ནང་ཞེན་གོག་དང་འཐེན་འཁྱེར་རྐྱང་པ་ལས་གནས་སྟངས་ཡག་པོ་ཞིག་ཡོང་རྒྱུའི་རེ་བ་གཏན་ནས་མི་འདུག སྔོན་མ་ཡིན་ན་ད་ལོའི་གྲོས་ཚོགས་ཀྱི་གནས་སྟངས་དེ་མི་མང་ལ་གསལ་པོ་ཆགས་ཡོད་ཙང། འགྲོ་སྟངས་ལྟར་ན་གྲོས་ཚོགས་ཚོགས་དུས་བརྒྱད་པའི་སྐབས་གནས་ཚུལ་ལྷགས་པའི་སྐབས་འཐེན་ཁྱེར་བྱེད་མཁན་གཙོ་བོ་རྣམས་སྤྱི་འཐུས་ཀྱི་རྐུབ་སྟེགས་ལས་ཕབ་དགོས་པ་རེད། འོན་ཀྱང་ཆོལ་ཁ་སོ་སོའི་སྒྲིག་འཛུགས་ཀྱི་ངོས་ནས་ཁོང་ཚོའི་རྐུབ་སྟེགས་མཐོ་རུ་གཏོང་རྒྱུའི་གྲ་སྒྲིག་བྱས་འདུག མི་མང་ཡང་དེའི་རྗེས་སུ་ཞུགས་ནས་གོ་ལོག་བརྩེས་པ་ཡིན་ན། བཙན་བྱོལ་བོད་པའི་སྤྱི་ཚོགས་འདི་ཚར་བ་རེད། སེམས་གཏམ་ཁག་ཅིག་ངག་ནས་ཤོར་བ་མ་བཅོས་པར་ཐད་ཀར་བྲིས་པ་ཡིན།

དབུས་གཙང་ཆོལ་ཁའི་སྤྱི་འཐུས་འོས་དམིགས་ཀྱི་ཆ་རྐྱེན་འདིའི་ཐོག་གསར་འགོད་རྣམས་ཀྱི་གསར་འགྱུར་སྤེལ་ཕྱོགས་ངོ་ནས་ཁྱད་པ་ཆེན་པོ་ཞིག་ཡོད་པ་མཐོང་གི་འདུག་

དེ་ཡང་དུས་བབ་དྲྭ་ཐོག་ཏུ་༼སྤྱི་འཐུས་སྒྲོལ་མ་ཚེ་རིང་ལགས་ཀྱིས། ཐེངས་འདིར་དབུས་གཙང་གི་ཆོལ་ཁོངས་ཀྱི་སྤྱི་འཐུས་རྣམས་ལ། ཆ་རྐྱེན་གཉིས་ཁས་ལེན་དུ་བཅུག་པ་དང་ས་ཡིག་རྒྱག་ཏུ་བཅུག་ཡོད་ལ། ཆ་རྐྱེན་གཉིས་ནི་བཙན་བྱོལ་བོད་གཞུང་གི་ལངས་ཕྱོགས་བཞིན་དབུ་མའི་ལམ་གྱི་དགོངས་དོན་ལ་རྒྱབ་སྐོར་གནང་མཁན་དང་། རང་བཙན་གྱི་ལྟ་བ་ཁྱེར་མཁན་མིན་པ་དང་། གཞན་དེ་ནི་དབུས་གཙང་ཆོལ་ཁར་ཤ་ཚ་ཞེན་ཁོག་ལྡན་པ་དགོས་རྒྱུ་དེ་ཡིན།༽འདི་འདྲ་ཞིག་གསུང་འདུག་ཀྱང་།

བོད་ཀྱི་བང་ཆེན་དྲྭ་ཐོག་ཏུ་༼ཟླ་འདིའི་ཚེས་༢༥ ཉིན་དབུས་གཙང་ཆོལ་ཁའི་སྤྱི་ཁྱབ་རྒྱུན་ལས་ཁང་ནས། བཀའ་བློན་ཁྲི་པའི་འོས་མི་བཀྲས་མཐོང་བསྟན་འཛིན་རྣམ་རྒྱལ་དང། དབུས་གཙང་ཆོལ་ཁའི་སྤྱི་འཐུས་ཀྱི་འོས་མི་༢༠ གསལ་བསྒྲགས་གནང་བ་དང། སྤྱི་འཐུས་ཀྱི་འོས་མི་རྣམས་ལ་དབུས་གཙང་ཆོལ་ཁའི་སྒྲིག་གཞི་ལྟར། “ཆོལ་ཁར་ཤ་ཚ་ཞེན་ཁོག་ལྡན་པ་དང། དབུ་མའི་ལམ་གྱི་སྲིད་ཇུས་ཐོག་ཤར་བསྐྱོད་བྱེད་རྒྱུར་ངོས་ལེན་དགོས་པའི་”ཆ་ རྐྱེན་གཉིས་བཏོན་པ་དང། འོས་མི་ཉི་ཤུ་དེ་དག་གིས་ཆ་རྐྱེན་ལ་ཁས་ལེན་ཡོད་པའི་སྐོར་ཡིག་ཐོག་ནས་ཕུལ་ཡོད་ པ་རེད།༽འདི་འདྲ་ཞིག་གསུང་འདུག

དེ་གཉིས་གང་ལ་ཆ་འཛིན་བྱ་དགོས་སམ་ཁོ་བོས་དཔྱད་པ་བྱས་ན་དུས་བབ་དྲྭ་ཐོག་ནས་བཤད་པ་དེ་ལ་འུར་བཤད་ཞིག་འབྲེལ་མེད་དམ་མཉམ་གང་ལ་ཞེ་ན་ཆ་རྐྱེན་གཉིས་སྟོན་ཡོད་པ་གསལ་འདོན་བྱས་ཡོད་ཀྱང་ཆ་རྐྱེན་གསུམ་འདྲ་བ་ཞིག་བཟོས་ནས་ཡོད་པ་དེ་ཡིན།

དེ་ལྟར་ཡིན་མིན་དྲྭ་གྲོགས་ཡོངས་ནས་དཔྱད་པ་བྱ་དགོས་པ་ཞིག་ཡིན་པ་མ་ཟད་དབུས་གཙང་རྒྱུན་ལས་འགན་ཡོད་རྣམས་ནས་ཀྱང་ཁ་དྲགས་རན་སོང་།

སྤྱིར་ན་རང་བཙན་གྱི་ལྟ་བ་འཁྱེར་མཁན་ཡིན་པ་ཤེས་བཞིན་དུ་རང་བཙན་གྱི་ལྟ་བ་འཁྱེར་མཁན་མིན་པའི་ས་ཡིག་རྒྱག་འཇུག་དང་རྒྱག་མཁན་གཉིས་ཀ་ཁྱད་མཚར་གྱི་མ་རེད་དམ་སུ་ལ་མགོ་བསྐོར་གཏོང་གི་ཡོད་དམ། དེ་ཚོ་དངོས་བདེན་ཡིན་ན་ཡག་པོ་མ་རེད་དེ་དག་ལ་འབྲེལ་ཡོད་ཁག་ནས་ཁ་གསལ་པོ་བཟོ་དགོས་པ་ནི་གལ་ཆེན་པོ་མཐོང་གི་འདུག

དབུས་གཙང་ཆོལ་ཁའི་སྤྱི་འཐུས་ནང་འགྲོ་དུས་སུ་རང་བཙན་ལྟ་བ་ཁྱེར་མཁན་མིན་ཞེས་པས་མིང་རྟགས་བཀོད་དགོས་པ་དེ་ཡག་པོ་ཨེ་ཡོད་ན།དེ་ནི་བོད་དེ་རང་བཙན་མ་ཡིན་ཟེར་མཁན་འདྲ་པོ་ཞིག་མི་འདུག་གམ།

དབུས་གཙང་རྒྱུན་ལས་ཀྱི་བྱས་སྟངས་འདིར་ལྟས་ན་དེ་སྔོན་སྐུ་དྲག་ང་ཕོད་གི་ཆིངས་དོན་ ཚན་བཅུ་བདུན་བཞག་པ་དང་དེ་རིང་རང་བཙན་འདོད་མི་ཆོག་པའི་ས་ཡིག་རྒྱབ་དགོས་པའི་ཆ་རྐྱེན་གཉིས་གོ་རིམ་ནོར་མེད་པ་འདྲ། དྲང་པོ་ཞུས་ན་བོད་ཆོལ་ཁ་གསུམ་ནང་བཀའ་ཁྲིར་འོས་མི་སྐུ་དྲག་ཅིག་ལས་མེད་མི་སྲིད། ད་དུང་དབུས་གཙང་ཆོལ་ཁར་ཤ་ཚ་ཞེན་ཁོག་ལྡན་པ་ཅེས་པ་ཆ་རྐྱེན་སྟོན་སྟངས་འདིར་ ལྟས་ན། མི་རིང་བར་བཙན་བྱོལ་བོད་པའི་སྤྱི་ཚོགས་ནང་ཆོལ་ཁའི་དམག་འཁྲུག་ལང་འདོད་པ་དང་བོད་གཞུང་གི་བདག་དབང་དབུས་གཙང་ཆོལ་ཁའི་དབང་རྒྱུར་འདོད་པ་འདི་ལས་གཞན་ཅི་ཡོད།

བོད་རང་བཙན་བློས་མི་གཏོང་བའི་མི་ལ་དབུས་སའི་གཞོན་ནུའི་ལས་ཁུངས་གཉིས་ལས་འགྲོ་ས་མེད་ན། འུ་ཅག་གི་མང་གཙོའི་སྲིད་གཞུང་འདིར་རུས་པ་ཅན་གྱི་མི་ག་ཚོད་ཅིག་སླེབས་ཐུབ་ཀྱི་རེད་དམ། འུ་ཅག་གི་སྲིད་གཞུང་འདི་ཡང་དག་པའི་མང་གཙོའི་སྲིད་གཞུང་ཞིག་དང་བར་ཐག་ཅི་ཙམ་གྱིས་ཆོད་ཡོད་དམ།

དབུས་གཙང་ཆོལ་ཁའི་ཁོ་ཚོར་ཞེན་ཁོག་བྱེད་མཁན་ཤ་སྟག་འདེམས་ཡོངས་དུས་ཡ་མ་བརླ་གི་གཞོན་ནུ་ཚོགས་ཟུར་ཚོས་གདོན་གཟུགས་བསྟན་སོང་ང་། ལྟོས་དང་སྐྱུགས་བྲོ་བ་ལ། ནམ་ཞིག་སྤྱི་འཐུས་སམ་བཀའ་ཁྲིའི་ཆ་རྐྱེན་ལ་༧གོང་ས་མཆོག་ལ་ཐ་གཅིག་ཏུ་དགག་པ་རྒྱག་དགོས་ཞེས་བཀོད་ཡོད་པའི་དབང་དུ་བཏང་ནའང་མགོ་སར་གཏུགས་ལ་ཁད་དང་ཡར་བཤད་མར་བཤད་ཚང་མར་༧གོང་ས་མཆོག་ཟེར་མཁན་ཚོས་དེ་ལྟར་བྱེད་ངེས། དེ་ཡང་གཞོན་ནུའི་ཚོགས་ཟུར་ཚོ་ནང་བཞིན།

ཆ་རྐྱེན་གསུམ་ཀ་འོས་ཤིང་མཚམས་པ་ཞིག་མ་མཐོང་།

དབུས་གཙང་གིས་བྱས་པ་ནོར་མི་འདུག་རང་བཙན་གྱི་ལྟ་བ་ཁུར་མཁན་ཚོས་གཞུང་དང་༸གོང་ས་མཆོག་གི་དགོངས་གཞི་དང་ལངས་ཕྱོགས་དཀྲུག་རྒྱུ་དང་མི་མང་མགོ་སྐོར་གཏོང་རྒྱུ་ལས་གཞན་ག་རེ་འབྱོན་སོང་།
རྒྱ་དམར་གཞུང་གིས་གཞོན་ནུ་ཚོགས་པའི་བྱེད་སྟངས་ཁ་ལ་ཁྱེར་ནས་༸གོང་ས་མཆོག་ལ་གང་བྱུང་ལབ་བཞིན་ཡོད་པ། ཅོ་རི་ཁྱོད་ཀྱི་ཐོས་མྱོང་ངམ། འོ་ན་དེ་འགྲིག་པ་རེད་དམ།
གཞི་ལུས་བོད་མིའི་སྐད་འབོད་ཀྱི་དང་པོ་གོང་ས་མཆོག་བོད་ནང་གདན་འདྲེན་ཞུ་དགོས་ཞེས་པ་ཁྱོད་ཀྱི་རྣ་རྒྱབ་ཀྱི་རླུང་ཆགས་པ་མ་ཡིན་ནམ།

གང་ལྟ་བཀའ་སྤྱི་འོས་གཞིའི་ནང་དུ་༸གོང་ས་མཆོག་དང་གཞུང་ཕྱོགས་སུ་ལྷག་བསམ་དང་དམ་བཅའ་བརྟན་པོ་ཅན་ཞིག་ངེས་པར་དགོས།

སྤྱི་འཐུས་གི་འོས་མི་ཕལ་ཆེ་བ་འགྲིག་འདུག་ཡིནའང་རང་བཙན་ལྟ་བ་ཁྱེར་མཁན་མིན་པའི་ས་ཡིག་དེ་གང་འདྲ་ཡིན་ནམ་ཨ་ཧཧཧཧཧཧཧཧཧཧཧ བཀའ་ཁྲིའི་འོས་མི་ལ་མོས་མཐུན་མེད་གང་ཡིན་ཟེར་ན་གོ་སྐབས་བྱུང་ཚར་བ་རེད་གང་ཡང་འཇོན་ཡོད་པ་མ་རེད་ལ་འཇུག་ཡང་འཁྱོལ་ཡོད་པ་མ་རེད་རྩིས་སྤྲོད་ཡང་ཡག་པོ་མ་བྱས་པར་ཨ་རིར་བྲོས་ཕྱིན་པ་རེད་ དབུས་ཙང་མི་དམངས་ལྐུག་པ་མ་རེད་ལོ།

ད་དངོས་གནས་རྣམ་རྟོག་སླང་གི་འདུག།
ཞེན་ཁོག་ཡོད་མཁན་དགོས་བ་ནང་བཞིན་འདམ་འདུག།
ལྷག་དོན་ཟླ་བ་ཚེ་རིང་འདམ་པ་དེའི་བག་ཆག་ཡག་པོ་ཞིག་གཞག་སོང།
ཟླ་བ་ཚེ་རིང་ཡང་སྐྱར་འདམ་ན། གཞན་དག་གིས་ཀྱང་ཁ་ལྡང་ནས་སྡད་ཨ་ཡོང་དེ་མཚུངས་ཀྱིས་བྱ་སྤྱོད་ཅིག་སྤེལ་རྒྱུའི་ཐག་ཆོད་དེའི་འགན་ཚང་མ་དབུས་གཙང་ཀྱི་རྒྱུན་ལས་མིང་འཛིན་པ་དེ་དག་གི་ཁུ་དགོས། ཡང་ངས་བྱ་སྤྱོད་ཟེར་དུས་རྡོ་དང་དབྱུག་པའི་བྱ་སྤྱོད་ལ་བཤད་ཀྱི་མེད་གོ་ནོར་མ་ཐབ་རོག། ད་ལྟའི་བར་དུ་དེ་འདྲ་རྐྱང་རྐྱང་བྱས་ནས་སྡད་ཡོད་ད་དུང་ཡང་འདི་འདྲ་རེད་་་་་་་་་་་་་་་་་་་་་་་་ཧ་ཧ་ཧ་ཧ་་་་་་་་་་་་་་་་་་་་་་་་་་
རང་བཙན་རྩོད་རྒྱུ་མིན་ཟེར་ནས་བོད་མི་ནང་ཁུལ་ལ་ཡང་གསལ་ཡིག་རྒྱག་དགོས་ཀྱི་ཡོད་བཟོ་འདུག་ད་དངོས་གནས་དགོད་དྲོ་བ་ལ། དགྲ་བོ་རྒྱ་དམར་ཀྱི་འོག་ནས་ཡང་བོད་རང་བཙན་དང་༧གོང་ས་མཆོག་ལ་ཁ་གཏང་བ་དང་ངོ་རྒོལ་བྱེད་རྒྱུའི་གསལ་ཡིག་མ་རྒྱབ་ནས་རྒྱ་དམར་གྱི་གཙོན་འོག་དུ་ལོ་གསུམ་ཙམ་སྡོད་དགོས་བྱུང་ད་ལྟ་ཡང་རང་སྲོག་དོར་དགོས་ཀྱང་གསལ་ཡིག་མི་རྒྱབ་རྒྱུའི་དམ་བཅའ་གཙང་མ་ཡོད། ཁྱོད་ཚོ་ལ་གོ་ཙམ་བྱེད་འདོད་བྱུང། ངས་བསམ་ན་བོད་རང་བཙན་མི་རྩོད་རྒྱུའི་གསལ་ཡིག་སྡུ་རྒྱུ་དེ་དབུས་གཙང་རྒྱུན་ལས་ཀྱི་ལས་འགན་མ་རེད། དེ་རྒྱ་ནག་གཞུང་གི་ལས་འགན་རེད་ཁྱོད་ཚོས་ཡིག་ཆ་ནོར་སོང་བ་མ་རེད་དམ། ངས་ལྟས་ན་དེ་ཕལ་ཆེར་ཡིག་ཆ་ནོར་ཡོད་རྒྱུ་རེད་བསམ་སོང། རྨི་ལམ་ནས་རེད་མི་འདུག་གང་ཡིན་ཟེར་ན་ངས་ང་རང་ལ་འགྲམ་ལྕག་གཅིག་ཞུས་ཡིན་པས་ཚ་ཡི་འདུག།
དེ་ཙམ་ཡིན་་་་་་་་་་་་་་་་་་་་་རྣམ་རྟོག་སླང་མཁན་ཚོ།

འོས་མི་རྣམས་ལས་ཟླ་ཕུན་སྐྱིད་མ་གཏོགས་ཚང་མ་ཡག་པོ་འདུག ཟླ་ཕུན་སྐྱིད་ཞུ་དེ་སྔ་ལོའི་གྲོས་ཚོགས་ཀྱི་རྙོག་གླེང་སྐབས་སྤྱི་སྨན་གྱི་གྲོས་འཆར ལ་དགག་བྱ་བྱེད་མཁན་ཁོངས་སུ་ཡོད་པ་དེས་མི་དེ་ག་འདྲ་ཡོད་པ་ཤེས་ཐུབ།

དངོས་གནས་མང་གཙོའི་རྣམ་པ་མངོན་འདུག

ཅོ་རི་ལགས། ད་ཁོ་ཚོ་ལ་ས་ཡིག་རྒྱག་དགོས་ན་ཡོད་རེད། ཉ་ཉིང་གྲོས་ཆོད་ཞིག་ལ་ས་ཡིག་བརྒྱབ་རེད་པ།

ད་ཡིན་ན་རྣམ་རྟོག་ལངས་ཡ་རང་རེད། སྤྱི་འཐུས་ཀྱི་འོས་མི་ནང་དུ་སླེབས་པ་ལ་བོད་རང་བཙན་གྱི་ལྟ་བ་མི་ཁྱེར་མཁན་དགོས་འདུག་པར་མ་ཟད་ས་ཡིག་རྒྱག་དགོས་པ་འདི་འདྲ་ག་རེ་རེད་ཨ།
གཞི་ལུས་བོད་མི་དཔའ་བོ་ཚོས་བོད་རང་དབང་རང་བཙན་དང་རྒྱལ་བ་རིན་པོ་ཆེན་་ཁྲི་ལ་འཁོར་དགོས་ཞེས་དགྲ་རྒྱ་ནག་གི་འོག་ཏུ་རང་སྲོག་ཤོར་བཞིན་པ་འདིར་རིན་ཐང་མེད་པར་ཡག་པོ་མ་རེད།
སྤྱི་འཐུས་ནང་དུ་བོད་རང་བཙན་གྱི་ལྟ་བ་ཡོད་མཁན་ཡོང་བཅུག་གི་མེད་ན་བཙན་བྱོལ་མང་ནང་དུ་ཡང་བོད་བཙན་གྱི་ལྟ་བ་ཡོད་མཁན་རྣམས་སྡོད་བཅུག་གི་མེད་པ་འདྲ།
ལོ་མང་རིང་དུ་བཙན་བྱོལ་གཞུང་གིས་བོད་ཀྱི་རྒྱལ་དར་གནམ་ལ་ཕྱར་ནས་རྒྱ་དང་བོད་ཁ་ཁ་སོ་སོར་ཡིན་ཞེས་འབོད་བསྡད་ཡོད་པ་རྣམས་དེང་སང་ག་པ་ཕྱིན་པ་རེད་དམ།
དབུ་གཙང་སྤྱི་འཐུས་འོས་མི་ལ་ཚང་དགོས་པའི་ཆ་རྐྱེན་ད་དུང་གོང་ཁྲའི་ཏྭ་ཡ་ཡིན་དགོས་ཀྱི་ཡོད་འདྲ།

བོད་རྒྱ་འབྲེལ་མོལ་གཞོགས་འདེགས་ཡག་པོ་ཡིན་རྒྱུ་རེད།

རྩོམ་སྒྲིག་པས་བཤད་པ་བཞིན་ཀརྨ་ཡེ་ཤེས་དང་སྒོ་དྲུག་སྐལ་བཟང་ཕུན་ཚོགས་སོགས་ཀྱིས་རང་བཙན་གྱི་ལྟ་བ་ཁྱེར་མཁན་མིན་པའི་ས་ཡིག་བརྒྱབ་ཡོད་དམ། སྔོན་མ་ཟླ་བ་ཕུན་སྐྱིད་བོད་རང་བཙན་འདོད་མཁན་རེད་ཟེར་སྲོལ་འདུག་སྟེ་དེང་སང་རང་ཚུགས་ཅི་ཡང་ཐུབ་ཀྱི་ཡོད་སྐད་མི་འདུག་པས་རང་བཙན་གྱི་ལྟ་བ་མི་ཁྱེར་བའི་ས་ཡིག་བརྒྱབ་ཡོད་སྲིད།