ཕྱི་ཚེས་ ༢༥ ཉིན་བོད་གཞུང་དྲ་རྒྱས་གནས་ཚུལ་སྤེལ་བ་ལྟར་ན། ཟླ་འདིའི་ཚེས་ ༢༡ ཉིན་བོད་རང་སྐྱོང་ལྗོངས་གཞིས་རྩེ་རྣམ་གླིང་རྫོང་། འོད་ཡུག་སོག་ཆེན་ཤང་གི་ས་གནས་བོད་མིས་རྒྱ་ནག་གཞུང་གི་གཏེར་ཁ་སྔོག་འདོན་གྱི་ལས་གཞིར་སྲུང་སྐྱོབ་བྱེད་མཁན་སྐོར་སྲུང་ཉེན་རྟོག་པར་ས་གནས་བོད་མི་རྣམས་ཀྱིས་ངོ་རྒོལ་གྱི་རྣམ་པ་ཤུགས་ཆེར་བསྟན་ཡོད་རྐྱེན། བོད་མི་ ༣༠ ཙམ་རྒྱ་གཞུང་གི་དམག་མིས་འཛིན་བཟུང་བྱས་ཡོད་སྐོར་གྱི་གནས་ཚུལ་ཕྱིར་བསྒྲགས་བྱས་འདུག
བོད་གཞུང་དྲ་རྒྱས་ནང་མུ་མཐུད་དེ་གསལ་དོན། ཁུལ་དེར་གཏེར་ཁ་སྔོག་འདོན་གྱི་ལས་གཞི་དེ་ལོ་མང་རིང་ནས་འགྲོ་བཞིན་ཡོད། འོན་ཀྱང་ཉེ་ལམ་ས་ཁུལ་དེའི་ནང་ས་ཆ་གསར་པ་ཞིག་ལ་རྒྱ་ནག་གཞུང་གིས་གཏེར་ཁ་སྔོག་འདོན་གྱི་ལས་གཞི་སྤེལ་མགོ་བརྩམས་ཡོད། ས་ཆ་གསར་པ་དེ་ནི་ས་གནས་ཡུལ་མི་རྣམས་ཀྱི་སྲོལ་རྒྱུན་གྱི་སྒོ་ཕྱུགས་འཚོ་སའི་རྩྭ་ཐང་ཞིག་ཆགས་ཡོད། རྒྱ་ནག་གཞུང་གིས་གཏེར་ཁ་སྔོག་འདོན་གྱི་ལས་གཞི་དེས་ཁོར་ཡུག་ལ་གནོད་ཚབས་གཏོང་བ་དང༌། ཡུལ་མི་རྣམས་ཀྱི་འཐུང་ཆུ་ལའང་དཀའ་ངལ་འཕྲད་རྒྱུ་ཡིན་སྐོར་ས་གནས་ཡུལ་མིས་འགྲེལ་བརྗོད་བྱེད་བཞིན་ཡོད་སྟབས། ས་གནས་ཡུལ་མི་རྣམས་ཀྱིས་རྒྱ་ནག་གཞུང་གིས་གཏེར་ཁ་སྔོག་འདོན་གྱི་ལས་གཞི་དེར་ངོ་རྒོལ་ཤུགས་ཆེར་བྱས་ཡོད།
གཞན་ཡང་ས་གནས་ཡུལ་མི་འགས་བརྗོད་པར་གཞིགས་ན་ས་གནས་དེར་གཏེར་ཁ་སྔོག་མཁན་བཟོ་གྲྭ་ཕལ་ཆེ་བ་རྒྱ་ནག་གི་ ཧྲན་དུང་ཞིང་ཆེན་གྱི་ཡེ་ཕང་གྲོང་ཁྱེར་ནས་ཡིན་འདུག་ཅེས་གནས་ཚུལ་སྤེལ་འདུག
ང་ཚོས་སྒྲུབ་དགོས་བྱ་བ་མང་དྲག་ནས་ཚང་མའི་སེམས་ཁ་ཤི་ཟིན། དེས་ན་ཕྱི་ནང་གི་སྣོད་བཅུད་ཡོད་ཁོང་ཚོས་གང་བྱས་ལས་འགོག་སྲུང་བྱ་ཐོབ་མཁན་ཞིག་ག་ལ་ཡོད། ང་ཚོ་རང་ཡུལ་དུ་སྡོད་མ་ཕོད་པར་ཡུལ་གྱར་དུ་སླེབས་ནས་ཁ་པོ་མཐོན་པོ་བཤད་ཀྱིན་སྡད་ཡོད་པ་ནི་་ང་རང་ཐེ་བའི་བཙན་འབྱོལ་ཚང་གི་ངོ་ཚ་རེད། གཞིས་ལུས་སྤུན་ཟླ་ཚོས་རང་སྲོག་འདོར། ཡུལ་གྱར་འཁྱམས་པོ་ཚོས་འུར་ཤུབས་ཤོད་ཀྱིན་སྡོད།
བོད་ཀྱི་གཏེར་ཁ་ག་དུས་བསྔོག་པ་དང་། ག་ཝ་ག་ཝ་བསྔོག་པ་དང་། ག་རེ་ག་རེ་བསྔོག་པ་ག་དང་། རིན་ཚད་ག་ཚད་བསྔོག་ཡོད་མེད་བསྐྱར་ཞིབ་ངེས་པར་དགོས་ངེས་འདུག
དེང་སྐབས་ཆེས་དཀའ་ངལ་ཆེ་ཤོས་ནི་མདོ་དབུས་མཐོ་སྒང་གི་སྣོད་བཅུད་གཉིས་ཀ་རྩ་མེད་བཟོ་འཆར་གྱི་སྲིད་བྱུས་སྔར་ལས་མགྱོགས་སུ་གཏོང་བཞིན་པའི་གནས་སྟངས་འདི་རེད།