༢༠༡༠ ལོའི་རང་བཙན་རྒྱང་སྐྱོད་ནི་འཆར་ཟླའི་་ཚེས་ ༤ ཉིན་མགོ་འཛུགས་བྱ་རྒྱུ་ཡིན་པ་དང་། ད་ལོར་མ་ལེ་ ༡༥༠ རིང་གོམ་བགྲོད་བྱ་རྒྱུ་རེད།
རྒྱལ་སྤྱིའི་བོད་རང་བཙན་ལས་འགུལ་ཁང་གིས་ལོ་ལྟར་བོད་རང་བཙན་གྱི་དོན་དུ་ཨ་རིའི་གྲོང་ཁྱེར་ཁག་ནང་གོམ་བགྲོད་བྱེད་ཀྱིན་ཡོད་པ་ལྟར། ལོ་འདིའི་གོམ་བགྲོད་དེ་གོང་ཚེས་ཉིན་Philadelphia གྲོང་ཁྱེར་གྱི་རང་བཙན་ཚོགས་ཁང་ནང་དུ་རྔམ་སྟོན་དང་བཅས་མགོ་འཛུགས་བྱ་རྒྱུ་ཡིན་པ་དང་། ཕན་སལ་ཝ་ནི་ཡ་མངའ་སྡེ་དང་། ཌེ་ལ་ཝར། མེ་རི་ལན་ཌི་སོགས་བརྒྱུད་དེ་ཕྱི་ཚེས་ ༡༡ ཉིན་ཝ་ཤིན་ཊོན་གྱི་རྒྱ་ནག་གཞུང་ཚབ་ཁང་མདུན་ནས་མཇུག་སྒྲིལ་རྒྱུ་རེད།
རྒྱལ་སྤྱིའི་བོད་རང་བཙན་ལས་འགུལ་ཁང་གི་ཚོགས་གཙོ་ལེ་རེ་གྷེར་སི་ཊིན་ལགས་ཀྱིས་གསུངས་དོན། ཕྱི་ཟླ་བདུན་པའི་ཚེས་ ༤ ཉིན་ནི་ཨ་རི་དབྱིན་ཇིའི་འོག་ནས་རང་བཙན་ཐོབ་པའི་ཉིན་མོ་ཡིན་སྟབས་ཚེས་གྲངས་ཀྱི་ཐོག་ནས་དམིགས་བསལ་ཆགས་ཡོད་ཅེས་དང་། དེ་བཞིན་རང་བཙན་ཚོགས་ཁང་དེ་ནི་ཨ་རིའི་འཁྲུངས་ཡུལ་ལྟ་བུར་གྱུར་ཡོད་སྟབས་ས་གནས་གལ་ཆེན་ཡིན་ལ། ལོ་འདིའི་གོམ་བགྲོད་མགོ་འཛུགས་ས་དེ་འདི་ལྟར་དུས་ཚོད་དང་ས་གནས་ཀྱི་ཆ་ནས་ཨ་རིའི་རང་བཙན་གྱི་ལོ་རྒྱུས་དང་འབྲེལ་བ་གལ་ཆེན་ཡོད་པའི་དབང་གིས། བོད་རང་བཙན་གྱི་གོམ་བགྲོད་ཀྱང་འདི་ནས་མགོ་འཛུགས་བྱ་རྒྱུ་ཡིན་ཟེར།
གསར་འགྱུར་སྤེལ་མཁན། ལུང་རིགས།
དྲྭ་གྲོགས་ཅོ་རི་ལགས་ད་རེས་ཀྱི་རང་བཙན་རྒྱང་བསྐྱོད་ཀྱི་གོ་སྐབས་དེ་ས་གནས་ཀྱི་གནས་བབ་དང་བསྟུན་ཁྱོད་རང་ལ་ཐོབ་ཡོད་པས་ཆ་ཤས་ཤིག་ལེན་རྒྱུའི་ཡིད་ཆེས་ཡོད། བལ་ཡུལ་དུ་དེ་འདྲའི་ལས་འགུལ་ཞིག་བྱུང་ན་ངས་ཆ་ཤས་ལེན་རྒྱུའི་ཐེ་ཚོམ་མེད། ཧཧཧཧཧཧཧ་
ཀི་ཀི་བསྭོ་བསྭོ་་་་བོད་རྒྱལ་ལོ། བོད་རྒྱལ་ལོ། བོད་རྒྱལ་ལོ།
དེ་རིང་ཡིན་ན་ཚེས་བཟང་དུས་བཟང་ཞིག་དངོས་གནས་ཡིན་ས་རེད། བོད་རང་བཙན་ལས་འགུལ་སྤེལ་གྱི་ཡོད་པར་ཧ་ཅང་གི་དགའ་པོ་བྱུང་།
གཡག་བདག་པོའི་བཤའ་རྒྱུ་རྐུ་མས་བཤའ།
གཏམ་ཨ་མའི་བཤད་རྒྱུ་མནའ་མས་བཤད།
བོད་མི་རིགས་ལས་འགུལ་ཕྱི་མིས་སྦེལ།
དུས་འདི་འདྲ་ཞིག་ལ་ཐུག་ནས་འདུག
དང་བླང་གི་ལས་འགུལ་འདི་རིགས་བཟང། བོད་རང་བཙན་རྩོད་ལོས་ཆོག འདི་རིགས་ལྷག་པར་རྒྱ་གཞུང་གི་སྙིང་ན་བྱེད་ཅིག་དང་གཞོན་ནུ་ཚོའི་སྙིང་སྟོབས་སྤེལ་ཐབས་ཤིག་རེད། དམངས་གཙོའི་ཁྱད་ཆོས་ཀྱང་རེད། འོན་ཀྱང་༸གོང་ས་མཆོག་དང་གཞུང་གིས་འདི་འདྲ་གནང་གིན་མི་འདུག་ཅེས་སྐྱོན་བརྗོད་བྱེད་པ་དེ་མི་འོས། ཐབས་ཚུལ་འདི་ཀུན་བོད་དོན་བདེན་མཐའ་གསལ་ཐབས་ལ་སྨན་དགོས།
བྱ་བ་ལམ་འགྲོ་ཡོང་བར་ཤཽག ཁྱེད་ཅག་གི་སྤོབས་པ་དང་། ལྷག་བསམ་ནི། ཅི་འདྲ་གཟི་བརྗིད་ལྡན་པ་ཞིག་ཏུ་འདུག་ཨང་། མུ་མཐུད་ལམ་ཁ་དེ་འདོར་མི་རུང་རྒྱལ་གཅེས་པ་ཚོ། གོ་ཨེ་ཐལ།
བཀའ་དྲིན་ཆེ།ཅིག་འཕག་གི་བསྡད་ན་ཧྲ་ནི་རེད།
བོད་རྒྱལ་ལོ།བོད་རྒྱལ་ལོ།བོད་རྒྱལ་ལོ།བོད་རྒྱལ་ལོ།བོབོད་རྒྱལ་ལོ།བོད་རྒྱལ་ལོ།ད་རྒྱལ་ལོ།བོད་རྒྱལ་ལོ།བོད་རྒྱལ་ལོ།བོབོད་རྒྱལ་ལོ།ད་རྒྱལ་ལོ།
རང་བཙན་གོམ་བགྲོད་ཀྱི་འཆར་གཞི་འགོ་ཁྲིད་གནང་མཁན་ཚང་མར་རྒྱབ་སྐྱོར་ཡོད།ཡིན་ཡང་འགོ་ཚུགས་སྟེ་འཇུག་ཡོད་པ་དང་གྲུབ་འབྲས་གཏོན་རྒྱུ་ཡོད་པ་གནང་རྒྱུའི་རེ་བ་ཡོད།
བོད་རང་བཙན་ལས་འགུལ་ཁང་ལ་འཚམ་འདྲི་དང་། དཀའ་དྲིན་ཆེ་ཞུ། ཡིན་ནའང་བཀའ་སྤྱི་གཉིས་ལ་རང་བཙན་ལྟ་བ་ཡོད་མི་ཆོག་དུས་མི་མང་དཀའ་ལས་ཁ་རོག་མ་རེད་བས།