ཕར་བཤུ་ཚུར་བཤུ། སྲོང་བཙན་བུ།

དུས་རབས་ཉེར་གཅིག་པ་འདི་ནི་ཕར་བཤུ་ཚུར་བཤུ་ཡི་དུས་རབས་ཡིན་པས་དེ་གནད་དོན་ཆེན་པོན་པོ་ཞིག་རེད་བསམ་གྱིན་མི་འདུག ནུབ་ཕྱོགས་པ་དང་ཤར་ཕྱོགས་པ་གང་གི་དྲྭ་རྒྱ་ཡིན་ཡང་ཕར་ཚུར་བཤུ་རེས་བྱས་པ་བརྒྱ་ཆའི་དགུ་བཅུ་ལ་ཟིན་གྱིན་འདུག དེར་བརྟེན་ནུབ་ཕྱོགས་པས་དུས་རབས་ཉེར་གཅིག་པ་ནི་འདྲ་བཤུ་དུས་རབས་ཞེས་རྒྱུན་ལྡན་དུ་འབོད་ཀྱིན་འདུག

རང་ཡང་བོད་དོན་དང་འབྲེལ་བའི་གསར་འགྱུར་རིགས་གཙོས་འགྱུར་པའི་རྒྱལ་སྤྱོའི་གནས་ཚུལ་སོགས་ལ་སྐོམ་བ་ཆུ་འདོད་ལྟར་བཀླགས་ཤིས་སྐབས་རེ་དཔྱད་པ་རེའང་བྱས་ཁུལ་གྱིས་ཁོམ་དུས་ནམ་ཡིན་ལ་དུས་ཚོད་བཏང་མྱོང་། དེའི་བརྒྱུད་རིམ་ནང་གསར་འགྱུར་གྱི་མགོ་འདབས་བར་གསུམ་གྱི་འགྲོ་སྟངས་དང་གསར་འགྱུར་ཁང་སོ་སོའི་ལྟ་གྲུབ་ལ་གཞི་བཞག་པའི་ཐོག་མི་མང་ལ་གནས་ཚུལ་སྤེལ་བའི་རིགས་མི་ཆུང་བ་ཞིང་ཤེས་ཐུབ་པའི་གོ་སྐབས་དང་སྦྲགས་བཟང་ངན་ལ་མ་བལྟས་པ་ཚིག་འགའ་ཤར་མར་བཤད་ཁུལ་གྱི་འདུན་པ་ཞིག་འཁོར་བྱུང་སྟེ། གསར་འགྱུར་རིག་པའི་ནང་ཆེད་དུ་ལས་ཀ་བྱིད་མིའི་ག་གེ་མོ་སུ་ཞིག་ལ་ཡང་ཉེས་བཙུགས་དང་ཁག་ཀྱང་དཀྲི་སྟེ་གྱོད་འཛུགས་གིས་མེད་ཅེས་སྔོན་ནས་ཁ་གསལ་བྱ་འདོད་མཆིས།

༼༡༽གསར་འགོད་རིག་པའི་ངོ་བོ་རགས་པ་ཙམ་བརྗོད་བ།
གསར་འགྱུར་ནི་ཡག་སྡུག་གང་ལ་མ་བལྟས་པ་་མིའི་རིགས་ལ་མཛུབ་སྟོན་གྱིས་མིའི་སྤྱིར་ཚོགས་ནང་གནས་ཚུལ་གང་མཆིས་པ་དེ་ཉིད་བརྡ་སྤྲོད་དེ་མི་མང་ཚོས་ཤེས་རྟོགས་འོང་བ་བྱ་རྒྱུ་དེ་ཡིན་པ་དང་། དེའང་། གནས་ཚུལ་སྤེལ་སྐབས་སུ་ཕྱོགས་ལྷུང་བྲལ་ནས་བློ་དྲང་ཞིང་ཟུན་ལ་གནས་ཐུབ་པ་དགོས་རྒྱུ་དེ་ཁང་པའི་ཀ་བ་ལྟར་དྲང་པོ་དང་ཁ་ཐུག་དགོས་པ་ཨ་ཅང་ཅང་ཡིན། ཡང་སྐབས་རེ་གནས་ཚུལ་འདུག་པ་ཙམ་གྱིས་མི་མང་ལ་ཤེས་རྟོགས་ཡོང་བ་བྱ་དགོས་མེན་ཐད་རྟགས་ཞིབ་དགོས་རྒྱུ་དེ་འགུངས་ཆེ། གནས་ཚུལ་ལ་ལས་སྤྱིར་ཚོགས་ལ་ཕེན་པ་ལས་གནད་མང་། འདིར་གསར་འགོད་པའི་ཤེས་རབ་སྔོད་དུ་གཏོང་ཐུབ་དགོས།

༼༢༽གསར་ཁང་སོ་སོའི་ཀློག་པ་པོ་དང་ཉེ་པ་པོ།
གསར་འགྱུར་རིག་པའི་ལྷན་ཁངས་དཔེར་ན་བརྙན་འཕྲིན་དང་རླུང་འཕྲིན་ཚགས་ཤོག་གི་རིགས་སོ་སོར་དགོས་མཁོའི་མི་མང་གསར་འགྱུར་ལྟ་མཁན་དང་ཉན་མཁནཀློག་མཁན་སོགས་དེ་ལུགས་གཞི་ཡོད་པ་ནི་སྨྲ་མི་ཅི་དགོས།
དེ་བརྟན། གནས་ཚུལ་མཁོ་སྤྲོད་གནང་དུས་སོ་སོར་དགོས་པའི་མིའི་རིགས་དེ་སེམས་གཏེང་ལ་འཛིན་ནས་གསར་འགྱུར་གྱི་ལས་དོན་ཐོག་མདུན་བསྐྱོད་བྱེད་གྱིན་ཡོད། ཀློག་པ་པོ་གཙོར་བཞག་མ་ཐུབ་ན་དགོས་དོན་ཆུད་ཟོས་སུ་འགྲོ་རྒྱུ་ཡིན། དཔེ་ན་ཁ་སྔོན་མ་སུ་རུ་སློབ་གྲྭ་ནས་སློབ་མ་འགས་ཚུལ་མིན་ཀྱིས་འཁྲིག་སྤྱོད་བྱས་ཡོད་པ་དང་དེའི་རྗེས་སུ་སློབ་གྲྭས་སློབ་མ་རྣམས་ཕྱི་འབུད་བཏང་པའི་སྐོར་དེ་དུས་བབ་ཚང་ནས་ཚར་ཚར་འུར་འུར་གྱིས་དུས་བབ་དྲ་རྒྱ་ནང་བཀོད་པས་དབང་གིས་དུས་བབ་ཚང་གི་མི་མང་(target audience)ཚོས་རུབ་བརྒྱབ་སྟེ་སློབ་གྲ་དང་འཛིན་སྐྱོང་བཀའ་ཤག་ལ་ཚོགས་གཏམ་དྲག་པོ་བཏང་པའི་སྐྱོན་བཟོ་སྟེ་མཇུག་མཐའ་བཀའ་ཤན་ནས་ཞལ་འགུལ་དགོས་ཐུག་པའི་གནས་ཚུལ་བྱུང་ཡོད་རེད། གནས་ཚུལ་འདི་བཙན་བྱོལ་སྤྱི་ཚོགས་རང་ནང་བསྡད་དགོས་པ་ཞིས་ལས་གཞིས་ནང་རླུང་འཚུམ་ནང་ལྟར་སྤུར་ན་གནས་ཚུལ་བདེན་པ་དེ་ཅི་ཡིན་ཁ་གསལ་མ་ཆགས་ནས་འདིས་གཞིས་ལུས་བོད་མིའི་རྣ་བའི་བུ་ག་ནང་སྒྲུང་འདྲ་མིར་འགྱུར་སྟེ་གོ་ལོག་ཐད་སྲིད་པ་ཞིག་རེད། དུས་བབ་ཚང་གི་གནས་ཚུལ་ཀློག་མཁན་རྣམས་རྒྱ་གར་གཙོས་ཕྱིའི་ལུང་པ་ནང་ཡོད་བས། གནས་ཚུལ་ལྟར་དོན་འབྲས་ཀྱང་བྱུང་ཡོད་པ་དེ་འགྲོ་སྟངས་གཅིག་རེད།
ཡང་སྟིང་གི་གནས་ཚུལ་དེ་ཨ་ཤི་ཡ་རང་དབང་རླུང་འཕྲིན་ཁང་ནས་སྤེལ་ན་ཆག་སྒོ་ལུང་པ་གང་བཟོ་ངེས། དེའི་རྒྱུ་མཚན་ནི། རང་དབང་རླུང་འཕྲིན་ཁང་གི་གསར་འགྱུར་ཉེ་མཁན་གྱི་མི་མང་( target audience)གཙོ་དེ་བོད་ནང་ཡོད་པས་ཡིན། རླུང་འཕྲིན་ཁང་འདིས་ཤེས་རབ་བེད་སྤྱོད་དེ་སློབ་མས་འཁྲུག་སྤྱོད་སྐོར་རྒྱུང་བསྒྲགས་གཅིག་ཀྱང་བྱེད་མེད། འདིས་་གསར་ཁང་སོ་སོར་མི་མང་དང་དགོས་མཁོ་མི་འདྲ་བ་ཡོད་པ་མཚོན།

༼༣༽རང་གི་གསར་འགྱུར་དང་གཞན་གྱི་གསར་འགྱུར།
འདིར་བཤད་རྒྱུ་དེ་སྲོང་བཙན་བུའི་རྩོམ་དང་འབྲེལ་བའི་ཐོག་ཚིག་འགའ་ལབ་འདོད་བྱུང་། དེ་ཡང་། སྲོང་བཙན་བུས་”བཙན་བྱོལ་སྤྱི་ཚོགས་ནང་གི་བོད་ཡིག་དང་བོད་སྐད་གསར་འགྱུར་བརྒྱུད་ལམ་ནི་ཕར་བཤུ་ཚུར་བཤུའི་རྣམ་པ་ཞིག་ན་བསྡད་འདུག”ཅེས་པའི་ཉེས་འཛུགས་དེ་ཐལ་ཆེ་པའི་ཤེད་དེ་འདུག་དྲན། ངས་རྒྱུས་ལས་བལྟས་ནའབྲེལ་ཡོད་མིས་བོད་ནང་གི་གནས་ཚུལ་ཞིག་ངོ་སྤྲོད་བྱེད་སྐབས་སུ་ཁྱབ་ཆེ་རུ་འགྲོ་བའི་དོན་དུ་རྡ་ས་ཡོད་པའི་གསར་འགོད་པ་ཀུན་བོས་ནས་གསར་འགོད་གསར་བསྒྲགས་སོགས་སྤེལ་རྒྱུ་ཡོད་འདུག་བས། འདིའི་རིགས་ལ་གནས་ཚུལ་གཅིག་ཐོག་འགྲོ་རྒྱུ་ཡོད་ཙམ་ཚིག་དང་སྦྱོང་བར་ཁྱད་པ་འདྲ་ཡོད་ན་མ་གཏོགས་གསར་འགྱུར་ཕར་བཤུས་ཚུར་བཤུག་ཟེར་བ་དང་དོན་ལྡོག། ཁ་བརྡའི་རྩོམ་དུས་བབ་ནང་བཀོད་པ་དང་དུས་བབ་གྱི་རྩོམ་ཁ་བརྡ་ནང་ཟུར་བཀོད་བྱས་པ་དེ་རྒྱུར་དྲངས་ནས་རང་དབང་རླུང་འཕྲོན་ལ་འཛིང་ན་རྒྱུ་མཚོན་ཕྱི་ལོག་རེད། རང་དབང་རླུང་འཕྲིན་ཁང་གི་དྲ་རྒྱ་ནང་དུབ་བབ་དང་ཁ་བརྡ་ནང་ཡོད་པའི་རྩོམ་གཅིག་ཀྱང་མི་འདུག། ངས་ད་ལྟར་རང་དྲ་རྒྱ་ནང་ཉུལ་ཡོད་ཏེ་མི་འདུག།
ཡིན་ནའང་། གལ་སྲིད་གསར་ཁང་ཞིང་ནས་སོ་སོ་རང་ལ་མ་གཏོགས་མེད་པའི་གསར་འགྱུར་ཚ་པོ་ཞིག་སྟོན་སྐབས་གསར་ཁང་གཞན་ཚོས་སོ་སོའི་མི་མང་ལ་གསར་འགྱུར་དེ་ཤེས་དགོས་བ་གལ་འགངས་ཆེ་མཐོང་ཚད་གོང་གི་གསར་ཁང་དེར་གུས་བརྩིས་གསར་ཁང་དེའི་མིང་དྲངས་དགོས། དེ་མིན་ན་གསར་འགོད་པའི་བཟང་སྤྱོད་ནང་འགལ་ཡོད་པའི་ཉེས་པ་འཁུར་དགོས། མཚམས་རེ་དུས་བབ་དང་རང་དབང་རླུང་འཕྲིན་གང་རི་ཞིག་ནས་སུ་ལ་ཡང་མེད་པའི་གསར་འགྱུར་ཞིག་སྤེལ་བའི་ཐོག་མར་གསར་ཁང་གཞན་སུས་བེད་སྤྱོད་རུང་གསར་ཁང་སུ་ནས་ཟུར་བཀོད་བྱེད་ཡོད་བ་ལུང་གྲངས་དགོས་ཏེ་རིམ་བས་གསར་ཁང་གཞན་དག་ནང་ཡང་མེ་འབར་མ་ལྟར་ཁྱབ་ཚ་ན་དགོས་མེད་ལུང་དྲངས་མི་དགོས་བ་དེ་གསར་འགོད་པའི་སྤྱོད་ཚུལ་སྤྱིར་ཡངས་ཤིང་རེད། དེ་སོང་ཙམ། འདིའི་ཐད་”འཇིག་རྟེན་ཐམས་ཅན་ལད་མོ་ཡིན། ལད་མོ་ནང་ནས་སུ་མཁས་ཡིན་ཞེས་པའི་ཁ་དཔེ་དེ་ལེགས་པོ་ཞིང་འདུག་སྙམ།

༼༤༽བསྟན་བཤིག་གྱི་ཚུལ་དུ།
ལོ་འགའི་སྔོན་རང་མཐོ་སློབ་ཁང་ཞིང་ནང་སློབ་གཉེར་བྱེད་ནས་བསྡད་ཡོད་པའི་སྐབས་དུས་གཅིག་ལ་ངའི་རོགས་བས་འདི་འདྲ་ཞིག་བསྟན་བཤིག་གྱི་ཚུལ་དང་སྦགས་བཤད་མྱོང་། གསར་འགོད་པའི་སློབ་མ་ཞིག་ཡིན་ན་ཡིག་རྒྱུགས་སླད་དུ་གསར་འགོད་རིག་པའི་སྒྲོག་ཁྲིམས་ཆ་ཚང་ཤེས་དགོས་ཏེ་གསར་འགོད་པའི་ལས་ཀ་བྱེད་དུས་གསར་འགོད་པ་ཚོས་སྔོན་ལ་སྦྱོང་པའི་སྒྲིག་ཁྲིམས་ཡངས་གཏོར་བཤིག་གཏོང་གིན་ཡོད་བ་བཤད། སྐབས་རེ་སྐད་ཆ་དེར་གོ་རྒྱུ་འདུག་སྙམ།

གནས་ཚུལ་ཡོང་ཁུངས་མི་འབྲི་སྲོལ་ཞིག་གང་ན་ཡོད་མ་གཏོགས། གསར་འགྱུར་ཕར་བཤུ་ཚུར་བཤུ་བྱས་པར་དེ་ཙམ་ནོར་འཁྲུལ་མི་ཆེ། གསར་འགོད་པ་གང་ཞིག་ས་གནས་ས་ཐོག་གང་དེར་མ་ཐོན་ན་གསར་འགོད་པ་གཞན་ཞིག་གིས་བྲིས་པ་དེ་དེ་བཞིན་མི་འགོད་ཀ་མེད་རེད། རྩོམ་ཡོན་ལེན་གྱིན་ཡོད་ན་རྩོམ་ཡིག་གཅིག་ཕྱོགས་གཉིས་རེར་གཏོང་མི་འོས། དེ་འདྲ་མིན་པའི་གལ་ཆེའི་བསམ་ཚུལ་དང་གསར་གནས་སོགས་ཅི་ཙམ་འགོད་ས་མང་ན་དེ་ཙམ་ཁྱབ་བསྒྲགས་ལ་ཕན། མདོར་ན་བཙན་བྱོལ་ནང་གི་བོད་དོན་གནས་ཚུལ་རིགས་ཁུངས་དང་ལྡན་པར་གང་སར་ཁྱབ་བསྒྲགས་བྱེད་རྒྱུར་ལམ་གུ་ཡངས་ན་ལོས་བཟང།

སྲོང་བཙན་བུ་ལགས་ཀྱིས་གསུངས་པ་ཤིན་ཏུ་མད། དེང་སང་དྲ་རྒྱ་མང་པོ་ཞིག བོད་ཀྱི་དུས་བབ་དྲ་བའི་ཡན་ལག་གམ་འགྲིན་ཚབ་པ་གཉིས་པ་ལྟ་བུ་ཞིག་ལ་གྱུར་ཡོད། ད་དུང་ངོ་རོག་རོག་དང་དབང་ཆེ་མདོག་གིས་གསལ་བཤད་ཙམ་ཡང་མེད་པར་འགོད་རྐྱང་དང་རྐུ་རྐྱང་བྱེད་ཀྱིན་ཡོད།

འདི་ནི་དུས་བབ་ཚང་གི་ཤབ་གཟན་ཚོན་པོ་དག་ལུག་ཁྱུ་ནས་བཤས་པ་མ་རེད་དམ། འདི་ནི་དུས་བབ་ཚང་གི་གཡང་ཟོག་འདང་ཆེན་དག་ནོར་ཁྱུ་ནས་དེད་པ་མ་རེད་དམ། འདི་ནི་དུས་བབ་ཚང་གི་སྒོ་ངའི་ནང་གི་སེར་ཐིག་ལ་མཛུབ་གཙག་བྱས་པ་མ་རེད་དམ། འདི་ནི་དུས་བབ་ཚང་གི་ཨ་ཡོད་ནང་ད་ཡོད་ཚོ་ལ་ཇག་བྱས་པ་མ་རེད་དམ། འདི་དག་ལ་མ་མཐའ་ཡང་རྩོམ་སྒྲིག་པས་བཙན་གཏམ་ཐོག་འདྲ་བ་ཞིག་མངགས་ཚོད་རེད།

སྣང་ཚུལ་འདི་ནི་བོད་ནང་དུ་ཡང་རྒྱ་ཁྱབ་ཏུ་ཡོད་པ་སྟེ། ཀྲུང་གོའི་བོད་ལྗོངས་ཆ་འཕྲིན་དང་མཚོ་སྔོན་བོད་སྐད་རླུང་འཕྲིན། ཀྲུང་གོའི་བོད་ཀྱི་དྲ་བ་གསུམ་གྱིས་གསར་འགྱུར་ཕར་བཤུ་ཚུར་བཤུ་བྱེད་བཞིན་ཉི་མ་གཏོང་གིན་འདུག